رواية ليلة واحده لاتكفي الفصل الثامن وخمسون والتاسع وخمسون بقلم ايلا إبراهيم حصريه في مدونة قصر الروايات

رواية ليلة واحده لاتكفي الفصل الثامن وخمسون والتاسع وخمسون بقلم ايلا إبراهيم حصريه في مدونة قصر الروايات

رواية ليلة واحده لاتكفي الفصل الثامن وخمسون والتاسع وخمسون بقلم ايلا إبراهيم حصريه في مدونة قصر الروايات

ايهم بغضب : انت بتعملي ايه هنا

فرح : ايهم انا..

ايهم بانفعال : اطلعي برااا مش عايز اشوف وشك انتي ايه مبتفهميش 

فرح عيطت وحست انها جت على كرامتها اوووي ولسا هتتكلم

زعق فيها بغضب : بقولك برررا بررراااا

خرجت فرح تجري وعيونها بتدمع ومش شايفه قدامها 

اما ايهم قعد ورى مكتبه متعصب لحد ماسمع صوت صراخ وشاف ناس متجمعه بررا جري عشان يشوف ايه اللي بيحصل واتصدم لما شاف فرح خبطتها عربيه...

***********

اسر وقف قدام سراج وهو بيبص فعنيه وقال : مراتك اه مراتك  ياخويا .. مراتك اللي خطفتها مني ... مراتك اللي المفروض دلوقتي تكون مراتي ... دخلت مابينا بسبب امي ودمرت حياتي حرمتني من البنت الوحيده اللي حبيتها..

سراج مشي ناحيته وهو متعصب وقال : انت لست بتقول بحبها دي مراتي مراتي .. افهم بقى قال كلامه وهو بيقرب من اسر وقفت لبنى مابينهم بتحاول تمنعهم يتخانقوا وقالت : سراج اهدي عشان خاطري.

سراج بانفعال : اهدا ايه .. انتي جايه تتكلمي معاه ليه.. عجبك كلامه عنك .. عجبك كل مره بيقول بيحبك عشان كده جايه تسمعي الزفت الكلام منه

لبنى بصدمه : انت بتقول ايه

سراج بغيره اعمته : انا بقولك الحقيقه انتي جايه تتكلمي معاه في ايه وانت عارفه ان نيته مش كويسه ناحيته .. عاوزه توصلي فين مبسوطه بنظرات الحب ليكي هااا انطقي اتكلمي..

اسر بانفعال : انا بتخرف بتقول ايه

سراج بغضب : أخرج منها انتا

لبنى كانت مصدومه من سراج اول مره يتهجم عليها كده لكن هو اتعصب . اتعصب لما صحي من النوم ومكنتش جمبه بالعكس دي كانت في الجنينه تتكلم مع اسر وبرضو بيعترفلها بحبه ومعدش يشوف قدامها .. جريت لبنى وطلعت الأوضه. وهي بتعيط..

اسر: عمرك مهتتغير يا سراج هتفضل كده طول عمرك.. اناني مش شايف الا نفسك ..

سراج مسك هدومه وقال بتحذير : اوعى مره تانيه اشوفك تكلم لبنى انت فاهم لا يمين عظيم هنسى انك اخويا ..زقه وطلع عشان يشوف لبنى لكن في الوقت ده نزلت لبنى بسرعه من أوضتها وقالت بخوف فرح خبطتها عربيه..وهي في المستشفى..

***********

في المستشفى 

فرح كانت نايمه ومش حاسه بحاجه حوليها وأيهم جنبها بالوقت ده دخل سراج واسر ولبنى 

سراج : ايه اللي حصل وازاي خبطتها العربيه وفين وانت عرفت قبلي ليه

ايهم: احم فرح جت تشيك على عربيتها عندي وخرجت من المحل بتاعي والظاهر كانت سراحانه  وخبطتها العربيه وانا جبتها على هنا لكن اطمن الدكتور طمنا وبيقول أنها جت سليمه شوية رضوض بسيط 

سراج : متشكر .

ايهم : العفو استأذن انا بعد اذنكم

لبنى : استنى ياايهم انا هجي معاك.

سراج بص ناحيتها وهو مش عارف يقول يمنعها...

لبنى اتجاهلت نظراته وراحت مع اخوها

اسر وسراج فضلو مع بعض 

اسر اتكلم : مش عارف ليه حاسس ان البنت دي اتظلمت في حياتها اوووي

سراج: بتقول ايه

اسر: انا هديك نصيحه فرح لسا صغيره ولو حابب تكون بنت سويه ايديها من وقتك شويه طبطب عليها البنت واضح انها مرت بطفوله وحشه اووي 

سراج : انت بتقول ايه انت تعرف حاجه انا مش عارفه .

اسر : معرفش حاجه كل اللي اعرفه ان البنت  في الوقت ده محتاجه اهتمامك اكتر من اي وقت قال اسر كلامه وخرج وهو بيقول لو احتجت حاجه كلمني مش هنسى انك اخويا الكبير انهى كلامه بسخريه وغادر وهو يشعر بالأسى على فرح...

******

في العربيه 

لبنى بعتاب : طلقت هنا ليه

ايهم :  مش عايز اتكلم بالحكايه دي

لبنى :ليه.. ليه يأايهم انت عارف هنا بتحبك قد ايه.. ازاي تعمل فيها كده

ايهم بانفعال : عشان خنقتني.. هنا انسانه عنيده.  غيرتها بتخنقني ومش بتسمع كلامي ابدا .. اقولها على حاجه تعمل عكسها وكأني ماليش اي كلمه عليها...

لبنى : انت مش عايزها تغير عليك وهي شايفه وحده زي فرح بتعاكسك.

ايهم وقف العربيه وبص لأخته بصدمه: هي حصلت تنقل كلام عن حياتنا ليكي 

لبنى : انا مش اي حد انت اختك

ايهم بغضب : حتى ولو انتي ترضي اتدخل بينك وبين جوزك

لبنى....

ايهم ؛ لاا هنا دي مش طبيعيه ..والله مش طبيعيه..

لبنى ندمت انها اتكلمت معاه .وحاولت تهديه لكنها معرفتش

وصلو بيتهم ونزلوا عشان يدخلوا لكن كانت والدة هنا مستنياه.

ام هنا : ازيك يا ايهم

ايهم باحترام: اهلا يا امي اتفضلي

ام هنا : لا مش جايه ادخل انا جايه اقولك كلمتين وهطلع شقتي انت طلقت بنتي ومش راضي تتكلم وتقول السبب .. لكن البنت دلوقتي طلعت حامل شوف انت هتعمل ايه دلوقتي هتكمل في الجوازه دي والا هتكمل الطلاق..

لبنى

ايهم

***********

فتحت فرح عيونها بتعب وكان سراج واقف بيبصلها : انتي.كويسه قالها بقلق

فرح عيطت ..عيطت بحرقه وقهر وووو

يتبع

#رواية_ليله_واحده_لاتكفي 58

فرح : انا عاوزه امشي من هنا

سراج بهدوء : ممكن افهم ايه اللي بيحصل معاكي يافرح

فرح : مشيني من هنا ياسراج انا عاوزه ماما

سراج خد نفسه وقعد مقابل اخته وحاول يتكلم باحتواء : انا مش عارف ايه اللي بيحصل معاكي لكن اللي عاوزك تتأكدي منه انا اخوكي اللي هيكون جمبك في أي وقت انتي محتجالي فيه .. محتاوليش تحلي مشاكلك لوحدك... انا هنا جمبك وهكون معاكي .. اتكلمي ياحبيبتي اي اللي بيحصل معاكي انا هسمعك وهنحل كل حاجه مع بعض..

فرح بصت ليه وعيونها بتدمع ..

سراج مسح دموعها وقال: انا عاوز افهم اي اللي يخليكي مكتآبه كده اتكلمي لو هتفضلي ساكته مش هعرف اساعدك..

فرح : انا عاوزه ارجع اسافر .. مش عايزه افضل هنا تاني ياسراج ارجوك رجعني البلد اللي كنت فيها

سراج : اي الكلام ده انتي هنا جمبي مع اخوكي وامك وفي بيتك.

فرح بعناد وبكاء : سفرني ياسراج ارجوك

سراج : اشششش اهدي هنتكلم في الحكايه دي بعدين.. 

فرح حضنت اخوها وعيطت جامد في حضنه...

**********

والد هنا : انا هوافق ترجع بنتي على ذمتك يا ايهم لكن والله العظيم لو عملتها مره تانيه و جتلي معيطه بسببك أو هتطلقها تاني من غير متعرفوني السبب لا انت ولا هي مش هتطول ظفرها ومش هيأثر فيا لو معاها عشر عيال..

ايهم هز رأسها بايجاب واتكلم بجديه : عندك حق ياعمي لكن الشيطان دخل مابينا وانت عارف احنا لسا مش واخدين على بعض .

والد هنا : بس متوصلش للطلاق.. الكلمه دي مش سهله يأيهم وبتكسر اي ست .. انا قبلت ارجعها عشان اللي فبطنها وعشان هي راضيه بده لكن لو اتكررر اللي حصل تاني صدقني مش هرجعها ابدا خلي الكلام ده حلقه فيودنك ..انا هروح اندهلها عشان تروحوا..

ايهم خد هنا وودع أهلها عند الباب ونزل وهي ننزلت وراها بتحاول تحصله لكنه متجاهله ومتجاهل وجودها 

*******

رجع سراج البيت ومكنتش لبنى موجوده فيه اتضايق جدا حاول يتصل بيها لكنها مش بترد عليه اتعصب اكتر واتصل بأيهم وبلغه ايهم انها هتبات عنده ..

سراج قفل مع ايهم ونزل بسرعه عشان يشوفها 

اول ما فتح ليه ايهم الباب دخل وقال : لبنى فين

ايهم : في ايه مالك. ياسراج 

سراج : لو سمحت اندهلها يأايهم عشان نروح

ايهم : تروحوا فين انا قلت انها هتفضل معايا الفتره دي..

سراج كان مخنوق اصلا من أحداث اليوم السيئه واتكلم بنرفزه : لو سمحت يا ايهم بلغها أن جوزها عاوز يتكلم معاها

ايهم لاحظ أن سراج مضغوط جدا. اتكلم بجديه طيب ياسراج اتفضل انا هدخل اندهلها..

وفعلا خرجت لبنى تكلمه وأيهم فضل يسيبهم لوحدهم ..

لبنى : عاوز حاجه 

سراج : يلاا خلينا نرجع بيتنا. 

لبنى : مش هرجع عاوزه افضل هنا يومين

سراج : مش هينفع خلينا نمشي .

لبنى : مش هينفع ليه بقى

سراج مسك دراعها وشدها وراه وهو بيقول:  عشان انا قلت كده مش هينفع تباتي برا بيتك.

لكن لبنى شدة أيدها منه وهي بتقول بغيظ: قلتلك مش هروح معاك افهم بقى..

سراج اتعصب : انتي اللي مش راضيه تفهمي كلامي بقولك مينفعش تباتي برررا بيتك..

لبنى : ده بيتي ياسراج انت نسيت ده هو بيتي 

سراج مسح وشه بغيظ وقال: لبنى انا فيا اللي مكفيني فلو سمحتي خلينا نروح بيتنا ونتكلم هناك ..

لبنى ضمت دراعتها على صدرها وهي بتقول بعند : وانا قلتلك محتاجه ابعد وأفكار في علاقتنا دي هتوصل لحد فين

سراج اتصدم من كلامها وقال:  مش فاهم علاقة ايه وتوصل فين...

لبنى : اكيد انت فهمت كلامي يلاا بقى تصبح على خير ولسا هتدخل الشقه مسك دراعها بعنف واتكلم بتحذير: مش هتدخلي الزفت الشقه دي وهتروحي معايا يالبنى لا يمين بالله هتشوفي جناني اللي اكيد وحشك

لبنى بغضب : انت بتهددني 

سراج بتأكيد ونفاذ صبر : زي منتي فهمتيها كده بالضبط.ا

لبنى : انت مجنون

=. في ايه كان ده صوت ايهم اللي خرج يشوفهم 

سراج: مفيش حاجه لكن لبنى هتروح معايا مش كده ياحبيبتي قال كلامه وهو بيحضنها من كتافها

لبنى....

ايهم : مش قلتي هتباتي هنا النهارده 

لبنى: انا.

سراح:  انت عارف انا مش بعرف انام من غيرها تصبح على خير قال كلامه وشدها ومشيو . ايهم فضل باصص على أثرهم لحد ماسمع صوت هنا اللي كانت حابسه نفسها باوضتها عشان هو مش راضي يكملها 

هنا بغصه : هتفضل زعلان مني كده كتتير

ايهم اتجاهل كلامها ودخل أوضت لبنى عشان ينام هناك هو لسا متعصب منها اووي 

هنا دخلت وراها وعيطت : انت مش بتكلمني ليه انا عملت ايه لكل ده

ايهم : روحي نامي ياهنا ..

هنا : مش رايحه مكان لحد ما نتكلم.

ايهم : يبقى انا اللي هروح واسيبلك الشقه

هنا اتصدمت لما ايهم خد الجاكيت بتاعه ومشي وسأبها وقعدت تعيط بحرقه وهي بتقول : ربنا ياخدك يافرح ..

**********

اول ما وصلو البيت لبنى نزلت من العربيه بسرعه ودخلت اوضتها وقفلت الباب بالمفتاح. 

سراج خبط عليها لكنها مش راضيه تفتح اتعصب اكتر وقال فداهيه متفتحيش .. وضرب الباب برجله بغضب وخرج سيجاره وبدأ يدخن بغيظ

عليا: في ايه يابني صوتك طالع كده ليه

سراج: مفيش ياامي اطلعي نامي.

عليا :مفيش ايه دي خدت وش زياده عشان دلعتها مش قلتلك طلقها واخلص منها اهي دي ساقت فيها

سراج طفى السيجاره بخنقه وقال ارجوكي ياامي انا مش ناقص 

عليا : ياحبيبي يابني تلاقيها معكننه عليك حياتك.. دي مش راضيه تنيمك في اوضتها تعالي ياقلب امك هطلب من الشغاله تجهزلك أوضت الضيوف

سراج : مش عايز انام قالها بخنقه . 

عليا : يابن

سراج قاطعها بانفعال : خلاص ياامي خلاص ..

عليا دمعت عيونها وقالت انت بتزعقلي عشانها ..هي حصلت وطلعت اوضتها جري وهي بتعيط سراج اتجنن اكتر اليوم ده كان اسوء يوم مر عليه من ساعت خناقته مع لبنى لحد ما دلوقتي خناقته مع أمه وكأن اليوم ده مكتوبله يزعل كل اللي بيحبهم ...

فجأه سمع صوت والدته الهام : على فكره بالأسلوب ده هتبعد.مراتك عنك اكتر  ..

سراج : تصبحي على خير ياامي

الهام : سراج انت محتاج تريح شويه خد مراتك وسافروا اي مكان غيرو فيه جوى مينفعش تفضلو كده..

سراج طلع أوضت الضيوف وساب امه بتبص على أثره .

عند فرح ..

ماسكه فونها بتبص لصور ايهم وبتفتكر ازاي اتعامل معاها وقسى عليها وانها اتحرجت جدا من نفسها واتضايقت مسحت صور ايهم عندها في الفون وهي بتعيط لكن اتفاجأت بيه بيتصل عليها مسحت دموعها بسرعه وردت من غير تفكير أيوا يا ايهم

ايهم ازيك ..

فرح سمعت صوتك بقيت احسن..

ايهم عاوز اشوفك ..

يتبع....

#رواية_ليله_واحده_لاتكفي 59

#بقلم_آيلا_إبراهيم

تكملة الرواية بعد قليل 

جاري كتابة الفصل الجديد  للروايه حصريا لقصر الروايات اترك تعليق ليصلك كل جديد أو عاود زيارتنا الليله

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا