رواية ليلة واحده لاتكفي الفصل الستون والحادي والستون بقلم ايلا إبراهيم حصريه في مدونة قصر الروايات

 رواية ليلة واحده لاتكفي الفصل الستون والحادي والستون بقلم ايلا إبراهيم حصريه في مدونة قصر الروايات

رواية ليلة واحده لاتكفي الفصل الستون والحادي والستون بقلم ايلا إبراهيم حصريه في مدونة قصر الروايات

فتحت عينيه بوهن ولسة هتقوم من السرير كان سراج مديها ظهره وبيبص من الشباك.. كان باين عليه مش نايم كويس ولسا في هدومه من امبارح ...

لبنى فضلت باصه ناحيته كتتير وفاقت من شرودها على صوته : صباح الخير ..

لبنى اتجاهلته ووقفت عشان تدخل الحمام لكنه مسك ذراعها وقال : اي اللي بيحصل معاكي يالبنى 

لبنى بسخرية : مش عارفه اسال نفسك ..

سراج : اسأل نفسي .. مش المفروض عندك اي مبرر لللي بتعمله 

لبنى : وانا عملت ايه

سراج بغيظ : عمليتي اي.... انتي اتسحبتي من جمبي وروحتي لأسر واتكلمتي معاه لوحدكم ومش بس كده لأ ده انتي اديتيه مجال يعترفلك بحبه .. ايه اللي بيحصل معاك.. اي انا عاوز افهمك

لبنى بتوتر وضيق : انا روحت اتكلمت معاه بس..

سراج بمقاطعة : اعترف لك بحبه وانتي فضلتي ساكته موقفتيهوش عند حده ليه.. انا سألتك قبل كده. مش قولتلك لو في حاجه مابينكم لو انتي بتحبيه انا هدوس على قلبي. وابعد مش انتي اللي قولتي مفيش اي.

قاطعته لبنى بانفعال : ايوا مافيش بس انت اللي شكاك زياده

سراج بصدمه : .انا شكاك انتي وهو لوحدكم في الجنينه وهو بيعترف بحبه ليكي عاوزاني اعمل ايه اقف وازقفلك انتي وهو .. عاوزاني استنى لحد مايخدك بالحضن .

لبنى بانفعال :  انت مريض

سراج : انت اللي مش واعيه اللي بتعمله... اتكلمي انت بسمعك دافعي عن نفسك قولي اي حاجه تخليكي تسمعي تخريف اسر وتخليكي تقومي من جنبي وتسيبيني نايم عشان تسمعي اعترافه بحبه..

لبنى بغضب : ايه التخريف اللي بتقوله ده

سراج : ده مش تخريف ... دي الحقيقه افرضي شفتيني مع بنت تانيه وهي بتعترف بحبها ليا هيكون رد فعلك ايه

لبنى معرفتش ترد عليه وهربت من قدامه ودخلت الحمام بسرعه وهي حاسه انها محقوقه وكلام سراج حقيقي مكنش المفروض تتكلم مع اسر لوحدهم كده . لكن سراج برضو غلط فحقها لما وجهلها اتهامات زي دي..

سراج خبط الكرسي برجله وخرج بغضب .....

**********

في عربية ايهم ..

فرح : واخيرا اديتني فرصه عشان نتكلم 

ايهم : على فكره انت بنت جميله اوووي

فرح بحب : بحبك..

ايهم ابتسم وقال : متشكر 

فرح : مش عايزه اسمع متشكر دي عاوزك تحبني انت كمان

ايهم : هتستحملي تتشاركي مع ست تاني عشان انا مش هفرط في هنا

فرح باندفاع : معنديش مانع المهم تكون مع بعض

ايهم : لدرجادي بتحبيني

فرح : وأكتر يأايهم انت مش عارف انا بحبك قد ايه

ايهم : ممممم بس مش هنعرف نفاتح اهلك في جوازتنا

فرح بسعاده:  يعني انت هتتحوزني

ايهم : طبعا اومال هنفضل كده 

فرح ماما وسراج مش هيعترضو هما عاوزني ابقى سعيده ..

ايهم : ياحبيبتي وانا عاوزك تبقي سعيده برضو بس 

فرح بعدم تصديق : انت قولت حبيبتي بجد .. يعني انت بتحبني يا ايهم

ايهم : لو مكنتش بحبك مكنتش هكون قدامك دلوقتي 

فرح مسكت أيده بسعاده وحب : وانا بحبك .. بحبك اوووي يا ايهم والله بحبك ..

ايهم احنا في الشارع: يافرح بلاش الجرأه دي 

فرح: اعمل ايه انا بحبك وعايزاك تبقى مبسوط معايا 

ايهم: وانا هبقى مبسوط لو هتكوني فحضني لكن دلوقتي مش هنعرف نبقى مع بعض وانا زعلان اووي عشان عاوزك تكوني معايا وفحضني لكن هنا حامل ومش هعرف افاتحها في الحكايه دي دلوقتي

= حامل قالتها فرح بصدمه ..

ايهم مسك كفها وقال : بس ده مش هينمع اننا هنكون سوى والا ايه غيرتي كلامك وبطلتي تحبيني ..

فرح بسرعه : لا طبعا انا مش هسيبك ابدا هكون معاك دائما.

ايهم : طب كويس ودلوقتي هنعمل ايه هااا

فرح : اي رأيك نروح اي كافيه 

ايهم : لا مينفعش حد يشوفنا اي رأيك نروح شقه صاحبي هناك ... نتكلم في كل حاجه ومحدش يشوفني أو ينغص علينا..

فرح بتردد : لكنا يا ايهم احنا

ايهم : لكن ايه انتي خايفه نكون مع بعض وانا اللي بقول فرح بتحبني وهتعمل اي حاجه عشان اكون مبسوط..معاها 

فرح : متزعلش خلاص هروح معاك أن شاء لأخر الدينا

ايهم : ايوا كده دي فرح اللي انا بحبها..

فرح حضنت ذراعه وسندت رأسها على كتفه. بفرحه..

ايهم...

*********

سراج كان بيسوق العربيه وحاسس انه مخنوق ومش عارف يعمل ايه كل حاجه بتبوظ لكنه اتصدم لما جتله رساله فيها صور لفرح وهي بقميص نوم فاضح وقاعده على السرير .. اتجنن حاول يتصل بالرقم ده لكنه مش بيرد. لحد ما جاتله رساله فيها عنوان الشقه اللي هي فيها ومكتوب هتلاقي اختك في الشقه دي ويا تلحقها يا متلحقهاش ..

يتبع..

#رواية_ليله_واحده_لاتكفي 60

كان بيخبط على الباب زي المجنون وهو يصرخ باسمها افتحي يافرح... افتحي الزفت... خرج عليه ايهم بكل برود لابس قميصه مفتوح بالكامل وباين صدره عريان .. 

سراج اتجنن اول ماشاف منظره كده واتصدم اكتر أن ايهم هو اللي عمل كده

ايهم ببرود : اي ياسراج بتخبط زي المجنون كده ليه..

مسكه سراج من قميصه وقال: فرح فين

ايهم ابتسم باستفزاز وقال: جوى بتريح شويه .. عشان بيني وبينك انا تعبتها اوووي النهارده ..أنهى كلامه بغمزه..

ضربه سراج من غير مايحس. ولسه هيضربه تاني منعه ايهم ومسك فيه وقال : انت زعلان ليه ... أنا عملت زي منتا عملت في اختي بالضبط.. مفيش حد احسن من حد

سراج : انت بتخرف ..بتقول اي 

ايهم : عشان تفكر مليون مره أن بنات الناس مش لعبه ..

بالوقت ده خرجت فرح وهي بتعيط وبصت لايهم بصدمه وقالت:  انت عملت كده عشان تنتقم من سراج..

ايهم: اسألي اخوكي عمل ايه في اختي

فرح بدموع : يعني انت مش بتحبني يأايهم 

ايهم زق سراج وقال اختك زي مهي انا مالمستهاش ومفيش حاجه منعتني عنها غير خوفي من ربنا وأخلاقي .. لكن اقسم بالله لو فكرت تهوب ناحية لبنى تاني هقتلك ياسراج ..

 مشي ايهم وسابهم.. 

فرح كانت منهاره وبتعيط سراج زعق فيها : البسي هدومك خلينا نمشي ولينا كلام تاني ..

فرح كانت مصدومه .. مصدومه من ايهم ازاي  كان بيكدب عليها يعني كل كلامه كدب الفرحه اللي حست بيها معاه كانت  وهم كانت بتعيط بحرقه وقهر على حالها .. هي وصلت نفسها لحد فين .. مكسوفه من اخوها اوووي اللي متكلمش معاها وباين عليه متعصب اوووي ... خايفه هيعمل ايه معاها دلوقتي ...

اول ما وصل سراج البيت وفرح نزلت جري كان ايهم بياخد لبنى وحاجتها معاه وأهله كلهم مش عارفين يمنعوه

سراج:   ايه اللي بيحصل هنا .. انتي رايحه فين يالبني.

لبنى مردتش عليه اخوها كان على آخره ماسك أيدها وبيجرجرها وراه

سراج اتجنن اكتر مسك ايد لبنى التانيه وكانت مابين اخوها وجوزها 

سراج : سيبها يا ايهم متطلعش جناني عليك

ايهم : قلتلك مش هتطول ظفرها تاني ..

سراج : لبنى هتسيبيني انتي عاوزه تسيبييني

لبنى كانت ضائعه ما بينهم ايهم لما حس بترددها. 

ايهم بص ليها  وساب أيدها  وقال بتحذير : اختاري يالبني يا انا ياجوزك لبنى كانت بتعيط مابينهم.مش عارفه تعمل ايه وهي عارفه اخوها وعناده ولسه هتتكلم سمعوا صراخ الهام والدة سراج وهي بتصرخ : الحقوني .. جري الكل عشان يشوفو اللي حصل واتصدموو في فرح غرقانه بدمها ..

*********

اسر اتتنهد براحه واخيرا لبنى وسراج هيتطلقو .. لكن فجأه جاله فون وبلغة باللي حصل لفرح اتصدم ومعرفش يعمل ايه خد بعضه وراح بسرعه يشوف اللي حصل واتصدم بي...

يتبع

كانت فرح في العنايه لما الكل كانوا مستنيني يطمنو عليها ...

ايهم كان واقف حاسس بالذنب بالرغم اللي عملته فرح مع هنا إلا أنها متستاهلش يحصلها كده.. 

سراج كان رايح جاي من خوفه عليها .. ولبنى بتحاول تهديه .. لما خرج الدكتور وطمنهم عليها .. انها خلاص عدت مرحلة الخطر..

الخبر ده فرح الكل لكن ايهم اللي كان مصر على موقفه اول ما اطمن على فرح مسك ايد اخته وشدها 

وقال : يلاا بينا يالبنى خلاص اطمنا على فرح وبقت كويسه .. بالوقت ده كان سراج مشغول مع الدكتور وبيتكلم معاه..ومش واخد بالله من اللي يحصل مع لبنى..

لبنى:  يلاا فينا أنا مش هسيب سراج في الوقت ده .. 

ايهم بغيظ : يعني ايه هتختاري ال*** ده تاني

لبنى : ايهم افهمني انا هروح عندك والله بس مش منطق اسيب سراج بالوقت ده ..

ايهم : وتسيبي اخوكي عادي

لبنى : ايهم ارجوك .

ايهم بحزم:  بلاااا ايهم بلا بتاع هتروحي معايا والا لأ

لبنى : قلتلك هجي والله بس اطمن على سراج الاول

ايهم بغضب : يبقى متجيش خالص .. بصي انا هستنى تحت عشر دقايق لو منزلتيش وروحتي معايا هعرف انك اخترتي اللي اسمه سراج على اخوكي وهعتبرك.من النهارده ميته

لبنى بصدمه : انت بتقول ايه

ايهم : انا نازل ... قال كلامه ومشي.. مكنوش واخدين بالهم من اسر اللي سمع كل كلامهم ...وكان مستغرب لبنى بالرغم من حبها الكبير لاخوها الا انها لسا متمسكه بسراج .. اتأكد انها بتحب سراج بجد ومفيش مكان ليه بقلبها .

مشي اسر ناحية سراج وسأل بقلق : هي عامله ايه

سراج:  كويسه لكن المفروض تفضل هنا يومين 

اسر ربت على كتف اخوه يطمنه وقال :المهم انها بخير

سراج بص ناحية اسر باستغراب لكنه محطش في باله ودخل يطمن على اخته... ويحاول يهدي امه المنهاره  في العياط ..

عدى اليوم بتعبه وبمشاكله .. روح سراج البيت عشان يوصل لبنى و وساب امه واخته لوحدهم... وهيرجع ليهم تاني

لبنى : سراج ..

سراج : هممم

لبنى : انا هروح عند ايهم النهارده

سراج وقف العربيه وكان خايف يجد أنه يخسرها المره دي: ليه تروحي عند ايهم ليه

لبنى: خلاص كده ياسراج حكايتنا وصلت نهايتها..

سراج : انتي بتقولي ايه

لبنى : انا مش هعرف اخسر اخويا

سراج بغيظ : وتعرفي تخسريني انا عادي..

لبنى بجديه : احنا مش هنعرف نكمل ... كل حاجه حوالينا ضدنا . ضد علاقتنا .. انت مش ملاحظ ده . انت مش عارف تتقبل وجودي مع اسر وانا مش عارفه اكون انسانه طبيعيه مابينكم ولا اسر عارف يتقبل ده .. والاهم من ده كله أيهم اخويا رافض وجودنا مع بعض ..

سراج : ان كان عشان الكلام الللي قلته لك قبل كده انا اسف.  انا بس اتعصبت عشان سمعته يقول كلام مش المفروض يقوله .. انا عارف ان انتي مالكيش ذنب بس الغضب عماني لبنى انا مش هعرف اتخلى عنك انا بحبك ومتأكد انك بتحبيني برضو خلينا ننسى اللي حولينا المهم سعادتنا وان كان على اسر انا مستعد أننا نخرج من البيت واخد بيت تاني نبعد فيه عن الكل.

لبنى : سراج ارجوك متضغطش عليا وخلينا كل وحد يروح لحاله

سراج : ليه كده ليه.. كل ده عشان اخوكي .. تخسريني وتخسري حبي ليكي عشان ايهم.  وهو عايش ومرتاح اختار البنت اللي بيحبها وعايش معاها اخوكي اناني مش بيفكر غير بنفسه

لبنى : مبتتكلمش على ايهم كده

سراج بضحكه وجع:  انتي بتدافعي عنه

لبنى ...

سراج : بصي يالبنى انا هوديكي تقعدي عن اخوكي يومين تلاته تطيبي خاطره وبعد كده هجي وتروحي معايا

لبنى : مينفعش 

سراج : لا ينفع انا معنديش الا الكلام ده ..

**********

اسر ساب والدت فرح تخرج من الاوضه ودخل عشان يطمن عليها .. 

اسر : عامله ايه

فرح:  انت شايف ايه. 

اسر:  على فكره لما تتعصبي مش المفروض تأذي نفسك كده آذي اللي اذوكي 

فرح : افندم 

اسر : متتعوديش تأذي نفسك عشان حد ..محدش يستاهل

فرح عيطت وقالت بخنقه :  بس انا حبيته

اسر : ده غلطك.. لسا مش مستوعب ازاي وحده زيك وبذكائك يقدر يخدعها شخص زي ايهم بكلمتين ويوصلك تعملي بنفسك كده

فرح : كفايه قلبي وجعني اوووي

اسر : عشان انتي الي وصلتي نفسك للمكان ده.. انتي مش عارفه قيمة نفسك ولا عارفه انك انتي غاليه اووي

فرح عيطت اكتر وكانت منهاره

اسر قرب منها ومسح دموعها وقال: خليهم يشوفو فرح القويه سيبي دور الضحيه الضعيفه ده لحد تاني روحك دي امانه عندك لازم تحافظي عليها بصي انا .. لسا واقف في وش الكل وعارف ومتاكد الكل شايل مني بس مش هاممني المهم انا عاوز ايه..

فرح مسحت دموعها : بس انت مش احسن مني

اسر : بس انا مش بضعف انا قوي بكل حالاتي ولا عمري هضعف.

فرح.

اسر : على فكره انا طلبت اكل شويه وهيوصل عاوزك تاكلي وتقوي بسرعه الايام الحلوه لسة هتيجي..

فرح : مكنتش فاهمه هو قصده ايه 

اسر بغمزه: هروح اسلم على امك واتكلم معاها شويه ماشي وهكون جمبك دايما متخفيش..

فرح باصه ناحيته باستغراب ..

*************

فتح ايهم الباب وكانت لبنى

لبنى مساء الخير

ايهم سكت ومردش عليها

لبنى :مش بترد السلام ماشي وبرضو  مش هتدخلني

ايهم بعد عن الباب ولبنى دخلت ومعاها شنطة هدومها 

ايهم كان مبسوطه انها جت واختارته على سراج لكنه بنفس الوقت لسة متعصب منها

لبنى:  هي هنا فين

ايهم : جوى في الاوضه

لبنى:  هتفضل مكشر كده كتتير فك شويه ياحبيبي . انا جعانه وعاوزه اكل.. هنا. بنت ياهنا فينك تعالي نحضر العشا..

خرجت هنا وكان وشها اصفر

لبنى بقلق في ايه وشك عامل كده ليه

هنا : متقلقيش انتي عارفه الحمل وكده

لبنى : اه طيب ..

لبنى كانت ملاحظه ان لسة فيه خلاف مابين ايهم ومراته لكنه فضلت تتكلم بعدين مع هنا لوحدهم..

*******

سراج رجع المستشفى عشان يبات عند اخته وكان مخنوق عشان لبنى راحت عند اخوها لكنه اتصدم بأسر قاعد مابينهم وبيضحك ويهرزه وفرح كانت مبسوطه وأمه مبسوطه اكتر... وكلهم بيتعشوا ..

سراج ابتسم غصب عنه وكأنه رجع وشاف اسر اخوه الصغير من تاني.. لف اسر وشه لما لاحظ فرح اتوترت وشاف سراج : .بيبص ليهم 

اسر : تصدق حماتك بتحبك .. تعالي عشان تاكل.

وفعلا قعد سراج معاهم وفضلو يتكلموا كتتير لحد مانامت فرح وبعدها الهام وفضلوا اسر وسراج لوحدهم قاعدين في الممر 

سراج :  متشكر ..

اسر : على ايه

سراج : مش عارف.. بس انا كنت محتاج اشوف اخويا اسر بتاع زمان.  

اسر : على فكره انا اخوك لو أننا اختلفنا في فتره من الفترات

سراج: يعني بكده خلاص معدش في مابينا مشاكل..

اسر بغيظ : انت بس لو متسمعش كلام امك في كل حاجه احنا مفيش بينا مشاكل..

سراج : انا مش فاهم انت بتكره ماما عليا كده ليه 

اسر : مش بكرهها لكن هي  ولا مره حسستني أن انا ابنها كل الاهتمام كان ليك.. 

سراج بوجع : عارف ان ده كله وهم هي بتحبك انت اكتر

اسر بص ناحيته وقال: عارف... بس عمرها ماحسستني بده 

سراج : مش المفروض تقولك المهم جواها ايه .. انت عارف وانت صغير كانت بتخاف عليك اووي دائما بتقول خد بالك من اسر .. اسر لسة صغير وانت الكبير.  حب اخوك ياسراج..

عارف انا دائما كنت بحب حد يحبني كده زي ماكانت ماما عليا بتحبك..

بص اسر ليه باستغراب  أما سراج كمل: لما حد بيهتم بيك بس عشان انت صعبان عليه تبقى حاجه توجع اوووي

اسر بصدمه : انت بتقول ايه

سراح : كل ماكانت ماما عليا بتهتم فيا اكتر منك كنت بحس اني ملزم ارضيها اكتر .. كنت حاسس بحبها ليك وبرضو حاسس انها بتشفق عليا.   في فرق كبير بين الشعورين دول أحمد ربنا انك ولما مره كنت مكاني .. عارف ماما عليا كانت بتعمل حجات كتتير بتأذيني بيها عشان هي شايفه انها بتحميني وانا كنت بعمل نفسي مش عارف .. انت عارف مين اللي سبب في حدثت لبنى 

اسر اعتدل في قعدته وبص لأخوه بصدمه وكمل سراج وقال : ماما عليا..

اسر بصدمه : ايه

سراج : مكنتش عارف اواجهها ولا اقول ليها انتي عملتي كده ليه.. 

اسر كان مصدوم اول مره يسمع الكلام ده من اخوه

واتصدم اكتر لما كمل سراج كلامه وقال انت حابب تدفع تمن الاهتمام ده طول عمرك زيي ولا تفضل حر زي منتا دلوقتي..

#رواية_ليله_واحده_لاتكفي 61

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا