رواية خلقت من ضلعه الفصل السادس عشر16بقلم ميادة يوسف الذغندى حصريه في مدونة قصر الروايات
رواية خلقت من ضلعه الفصل السادس عشر16بقلم ميادة يوسف الذغندى حصريه في مدونة قصر الروايات
#_الحلقة_السادسة_عشر
#_رواية_خلقت_من_ضلعه
#_بقلم_ميادة_يوسف_الذغندى
هدى........
حامل ، كنتى عارفه وانتى ومصر ، وقررتى تيجى المانيا ، طب وجوزك يعرف
وصال......
بعيون باكيه ، مافيش حد يعرف حاجه الا بابا وخالتى ، انا عرفت انى حامل لما كانوا عندى الاسبوع اللى فات ، اما عصام كنت مستنية يجى كنت عامله له مفاجأة بس اللى حصل وزادات فى البكا
هدى......
راحت عندها واخدتها فى حضنها ، كل شئ نصيب ، واللى يسيبك ارميه بمد ايدك وراكى ولا تلتفتي له، بس لازم يعرف انك حامل، حق اللى فى بطنك
وصال.....
وانا اجيبه من فين وقول له على كدة ،انا كان مفروض روحت له واتكلمت معه
هدى......
روحتى له ، روحتى فين كندا
وصال.....
كندا وليه راح كندا
هدى......
انتى مش عارفه انو اتجوز شاهى واخدها معه كندا
وصال......
ايه ، اتجوز فعلا ، يبقى كلامها صح ، وبدأ جسمها يرتعش ، وبقت تلطم خدودها وتصرخ دخلت فى حالة هستيريا
هدى.....
اهدى ياوصال ، النصيب ، وصال وصااااااااال
بعد ساعتين فى إحدى مستشفيات المانيا
نايمه على السرير ، فاقدة الوعى وتحت العلاج بدأت تفوق وتبص يمين وشمال مافيش حد معها ، دموعها نزلت وبقت حياتها شريط قدامها افتكرت حياتها كلها اللى فاتت ، وافتكرت عصام ، بقت تبكى وهى مكسورة ، ليه كسرتني ودبحتنى كدة ، ليه عملت فيا كدة ، انا عملت ليك ايه ، دانت الحاجه الحلوة اللى جت حياتى وافتكرت اللى حصل .......
فلاش باك .....
جرس الباب بيرن
وصال........
فتحت ، انتى ، وكانت مستغربه اللى على الباب
قلعت نضارتها وبكل عجرفه وغرور زقتها من كتفها وسعى كدة ، دخلت الفيلا وبقت تلف وتبص فيها يمين وشمال
وصال.......
افندم خير ، فيه حاجه انتى بتلفى كدة ليه
شاهى......
ابدا بشوف الغالى بيضيع فلوسنا فين ، وشاورت بايدها كل ده ملكى انا ، وبتاعى ومسيرو يرجع تانى لى فاهمه ، انا بس سيباه ياخد راحته ويلعب شويه ، وبمزاجى هرجعه تانى لى ويبقى زى الخاتم فى صباعى
وصال......
هو ايه ده ، مش فاهمه
شاهى .....
قعدت وحطت رجل على رجل ، اللى انتى فيه ده ، ملك جوزنا
وصال.....
جوزنا ، جوز مين انتى بتقولى ايه ، هو عصام متجوزك
شاهى .....
اه ، متجوزنى
وصال......
امشى اخرجى برة ، اكيد انتى جايه توقعى بينا ، وعايزينه تعبان وخسران كل حاجه ، زى ماسرقتوا واخدتوا كل املاكه
شاهى.......
ههههههه ، مالكيش فيه ، ولما احنا سرقنا اومال بيصرف عليكى واشترى كل ده من فين ، انتى مجرد رد جميل ، مش اكتر علشان ابوكى انقذوا ، وانتى كنتى بتخدميه ، مش اكتر
وصال.......
كانت ماسكه ، دموعها بالعافيه ، امشى اخرجى برة برة
شاهى .....
طب من غير انفعال ، انتى مرحله ولعبه وخلصت ، ولو جوزك جه ليكى النهاردة يبقى انا بكدب، وطلعت دعوة من شنطتها امسكى دعوة فرحنا بعد بكرة ، تشاو
وخرجت ، وراحت ناحيه عربيه واقفه جنب الفيلا ، خبطت على شباك العربيه ، تمام يامجدى انا عملت اللى قولت لى عليه ، شوف بقى هتعمل ايه
مجدى.......
تليفون عصام باشا معك
شاهى.......
معى وقفلته زى ماقولت
وصال......
أكيد بتكدب ، انا هتصل على عصام واتصل عليه ، بتتصل عليه التليفون مغلق ، جرس الباب بيرن .......
باك.....
وصال نايمه فى المستشفى ، دخلت عليها هدى
هدى.......
كفايه دموع ، بقى ، وقومى اقفى على رجيلك ، اللى فى بطنك محتاجينك
وصال......
بصت لها ، محتاجينى !!
هدى ......
ايو دول تؤم ، شفناهم فى السونار
وصال.....
سونار ، يعنى ايه
هدى......
ههههه ، ده جهاز كدة زى التلفزيون ، بنشوف فيه جسم الإنسان من جوة ، جهاز مستحدث للأشعة، بكرة هتشوفيه كتير
وصال....
فيه زيه فى مصر
هدى......
أكيد عند الدكاترة الكبار الاغنيه ، قومى كلى حاجه علشان تتقوى
وصال.....
ماليش نفس
هدى ....
ماينفعش ، الدموع والخيبه اللى انتى فيهم دول مش يمشوا فى الزمن ده ، اتحركى وقومى ، بحق انتى معك اى حاجه تثبت نسب ولادك لابوهم
وصال......
زى ايه ؟
هدى .....
قسيمه جواز ، طلاق ، بطاقه له اى حاجه
وصال......
قسيمه الجواز عند بابا ، اما الطلاق ، انا سبتها فى الصاله هناك على التربيزة لما جه الاستاذ مجدى لى
هدى ولا يهمك ، انا هتصرف
بعد اسبوع......
مجدى ......
الو ياهدى ، عامله ايه ، واخبار وصال عندك ايه والدنيا تمام
هدى .....
احنا تمام ووصال بخير خرجت من المستشفى الصبح ، ومن بكرة هتروح الجامعه ، وشقتها جنب شقتى هنا فى العمارة
مجدى.....
تمام ، اومال متصلة ليه عليا ، خير ، وبعدين مستشفى ليه هو ايه حصل
هدى.......
اصل وصال..........
مجدى .....
بصدمه ، ايه حامل ، وصال حامل ، يادى المصيبه ، وهتعمل ايه الغلابنه دى لوحدها فى الغربه هى ناقصه
هدى....
لاء هنا ، اطمن ، دول عيالها لما يتولدوا هيبقوا المان ، وهياخدوا الجنسيه ، وهتبقى عشيتهم فل ، وحياتهم احلى وتعليم ورعايه احلى ، بس كنت عايزة أوراق تثبت نسبهم لابوهم
مجدى.......
اه ، سهله دى اهو حاجه من حاجه ليهم ، هبعت لك كل حاجه حاضر ، وقفل معها الاتصال....... دخل المطبخ يعمل كوبايه شاى ، وكان واقف سرحان ، وبيفكر، طب اقول لعصام ولا اسكت ، وولاد عمه لو عرفوا مش بعيد يقتلوها هى واللى بطنها ، اسكت احسن ، وابعت لهم المطلوب واللى ربنا عايزوا يكون ، بس ابعت لها قسيمه الجواز ، مش قسيمه الطلاق المزورة، وهز راسه على البركه ......( بقلم ميادةيوسف الذغندى )
فى كندا ......
كان بيخلص كل الأوراق المطلوبه لشركته، وقف فى الطريق ودخل كافيه يشرب قهوه ، طلب القهوة ، وقعد على الكرسى ، وطلع تليفونه يتصل على وصال التليفون مغلق، راحت فين بس ، عايز ابعت لها تيجى هنا واقولها كل حاجه ، وهتبقى قدام الأمر الواقع ، واكيد هتسامحنى ، اكيد ، وانا هعالج اللى حصل ده بكل قوتي، هى بتحبنى اكيد هتسامحنى وكان بيشرب قهوته
اتصل على مجدى
مجدى.....
الو ياعصام باشا ، اخبارك واخبار كندا ايه
عصام......
كله تمام ، مجدى عايزك تروح لوصال محتاج اتكلم معها ضرورى ، تليفونها مغلق ، اكيد عرفت خبر جوازى دلوقتى ، تقنعها انها تيجى عندى هنا ، وانا هعرفها كل حاجه وهعوضها
مجدى.......
اه اه حاضر هروح لها واتكلم معها ، وهحاول اقنعها انها تسافر لك من عنيا
بعد سته أشهر.......
عصام......
بيتكلم فى التليفون مع مجدى .
عصام ......
بتقول ايه ، الاسطى جلال ، عمل حادثه ومات ، انا لله وانا اليه راجعون ، طب وصال عامله ايه ، لسه برضوا مش عايزة تتكلم معى ، طب روح عندها وخلينى اكلمها
مجدى......
ياعصام باشا ، انا بعت لك فاكس دلوقتى شوفه بنفسك وقفل الخط
عصام ......
أكيد الاتصال اتقطع ، فاكس ايه ده ، بعد دقايق ، واقف فى نصف غرفه المكتب بتاعه ، مزهول ومتعصب ، بيفك الكرافات بتاعه ، ماسك الورقه وبيبص فيها ، دموعه نزلت ، ليه كدة ياضلع عصام ، ياحبى الوحيد ، دانا كنت عايزك معى هنا ، كنت مستعد انزل واعوضك كل حاجه ، خلع ياوصال ، هى وصلت لكدة ، اه انا غلطت بس انتى ليه تعميلى كده
شاهى ......
ايوه يامجدى ، وصلت له ورقه الخلع ، ودى مزوره ولاحقيقيه
مجدى .....
زى قسيمة الطلاق مزوره ، وبكدة اكون وفيت بكلامى ، تتهنى ياست شاهى اهو عندك احتويه بقى وخديه تحت جناحك
شاهى ......
دى لعبتي، وانت كدة مرضى ، كل فلوسك عندك والناقص هيوصلك ، هتروح دبى حبايبنا هناك هيقدموا لك كل التساهيل
مجدى......
تسلمى ياست شاهى سلام
وقفل الاتصال ، انا بقى على طيارة دبى على طوووول ههههه والله وشكلها هتلعب معك ياود يامجدى
شاهى........
دخلت على عصام المكتب ، لاقته رامى كل حاجه على الأرض، ومنهار وباين عليه الدموع ، حاولت تتماسك ، وتكون كلها ثقه ، عكس القهر اللى جواها ، بتكلم نفسها ( معلش بكرة تعدى وتنسى)
جريت عليه وهى بتمثل ، ايه مالك ياحبيبى، فيه ايه قولى
خسرت صفقه ولا حاجه ، ولايهمك
عصام.....
انا خسرت عمرى كله ، خسرت اهم حاجه عندى
شاهى.....
عكس اللى جواها ، يعنى ايه قولى ايه حصل
عصام ......
وصال ياشاهى ، خلعتنى
شاهى ....
القادرة، قليله الأصل، خلع ، ايه الفضايح دى ، أدى بنت الأصول اللى انت اتجوزتها من الشارع ، ماهى لو كانت بنت أصول ماكنتش رفعت خلع ، أدى البلوة اللى دخلتها حياتنا
طيب كانت طلبت الطلاق بكل احترام ، تاخد كل حقوقها ، أو كان ممكن تصلحها عادى انا مش رافضه ، اهم حاجه عند سعادتك ، حتى لو كانت مع غيرى او لى ضرة ، بس هى ظهرت على حقيقتها ، اهى بنت الأصول، إنما دى ولا تسوى ولا تديها قيمه ، قليله الأصل دى
عصام ....
بس انا لازم اتكلم معها
شاهى .....
اول ماسمعت كدة ، مسكت بطنها من تحت وصرخت ، اه اه الحقنى ياعصام ، الظاهر هولد ، وكانت عيونها كلها مكر وخبث
عصام ......
جرى عليها ، شاهى ، مالك فيه ايه، نروح المستشفى
بعد ساعتين
فى المستشفى بكندا
عصام .....
خير يادكتور
الدكتور ....
ده ميعاد الميلاد المتفق عليه ، هى هتدخل المستشفى علشان الميلاد
عصام.....
بص لشاهى ، ايه ياشاهى ليه مش قولتى لى وعرفتينى الميعاد بس
شاهى .....
بتتالم ، انا شيفاك مشغول بالشركه وحاجات تانيه هبقى انا كمان، وبقت تصرخ اكتر
عصام .....
انادى الدكتور
شاهى .......
لاء لاء ، هنا الميلاد طبعيى ، فطبيعي اتألم كده ، مش قادرة ........يتبع
ياترى اللعبه الخبيثة دى عصام هيعرفها ؟
وياترى ايه اللى هيحصل مع وصال ؟
هنعرف فى البارت القادم من رواية
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا