رواية قلعة الروب الأسود الفصل الثالث عشر 13بقلم ميادة يوسف الذغندى حصريه في مدونة قصر الروايات
رواية قلعة الروب الأسود الفصل الثالث عشر 13بقلم ميادة يوسف الذغندى حصريه في مدونة قصر الروايات
#_الحلقة_الثالثة_عشر
#رواية_قلعة_الروب_الأسود
#بقلم_ميادة_يوسف_الذغندى
حلا:: هروح اقعد عند ماما يومين كدة
محمد الأمير:: وهو بياكل قطمه من السندوتش ، بص لها ، نعم تروحى فين ممنوع تسيبى البيت رمى الاكل من ايدة وكان بيحاول يتحكم فى أعصابه، انتى عمرك ماعملتيها ، طول فترة جوازنا ، جايه دلوقتى بعد العمر ده تقولى اروح عند ماما
حلا تعالى هنا جنبى وقولى مالك بجد وايه مغيرك ، الموضوع مش موضوع صحبتك وجوزها صح ؟
حلا :: كانت مرتبكه وبتفرك فى ايدها ، ودموعها نزلت لوحدها .......آه
محمدالامير:: ايه الحكاية قولى احكى لو مش حكيتي لى هتحكى لمين ، ولا بطلتى تحبيني؟
حلا :: هو انا لى حبيب غيرك ، ولا عندى غيرك يامحمد انت كل دنيتى وحياتى وانت الوحيد فيها أغلى من عيالى كمان ، دانا فتحت عيونى عليك
محمدالامير::: اتنهد وشدها من ايدها وجذبها فى حضنه ، طب يبقى ايه سبب الزعل بقى
حلا :: انا عمرى ماتخيلت انك ممكن تكون خااا......حتى لسانى رافض يقولها وعقلى مش قادر يستوعب .....وبنبرة صوت أعلى وكلها ثقة ( مين جورى)
محمد الأمير:: هز راسه ، هو ده السبب بقى ، طب انتى بتقولى ايه ياترى انا راجل خاين .......أنا راجل لعوب فى نظرك .....أنا عديم الامانه قولى
حلا :: بصوت مهزوز وتردد فى الكلام ....أنا قولت لك مش قادرة استوعب ولا أصدق من فترة سارة ودلوقتي جورى فيه ايه احكى انت ، طب انا وحشه فى نظرك انا مش ماليه عينك مش مبسوط معى ، طب نفسك فى حاجه وانا اعملها اغيرها ، وكانت منفعله فى كلامها لدرجه انها كانت بتشاور بايدها كتير وجسمها بيتنفض ......قول يامحمد فيه ايه ايه نقاصك ؟
محمدالامير:: قام واخدها فى حضنه ، وبدأ يهديها ، انتى ست الستات ياحلا، وحبيبة قلبى وعوض ربنا الجميل لى ، انتى النعمة اللى بحمد ربنا وبشكره عليها طول الوقت ، واللى لايمكن افكر اسيبها او اتجوز واحدة تانيه استحاله
بس بدام عرفتى حاجه انا هحكى لك كل حاجه ، رغم انى كنت عايزها سر بس مافيش أسرار عليكى تعالى اقعدى ......
مش هكدب ولف عليكى ، سارة كانت أول بنت تدخل حياتى حب مراهقة ، ومالوش اسم تانى وانتى عارفة كل حاجه عنها ، وعلاقتى انتهت بيها من آخر مرة روحت واتقدمت لها واترفضت ، حتى هى حاولت تتواصل معى وانا رفضت .....لانه ماينفعش وهتبقى الحكايه عبارة عن مسخ مننا مش احنا خالص ، هتبقى هى البنت الجميلة الغنية اللى تنازلت وتجوزت العبد الفقير إلى الله ، وانا هبقى الراجل درجه تانيه فى نظر نفسى برضوا وانتى عارفه ده بس اللى مش تعرفيه ان سارة هى جورى
حلا :: مصدومه برقت عينها وشهقت بصوت عالى ....نعم سارة هى جورى ....
#_بقلم_ميادة_يوسف_الذغندى
محمدالامير:: ايوة والحكايه من سنتين تقريبا كنت فى المكتب فى يوم ولاقيت السكرتيرة داخله عليا أوضة مكتبى .. .......فلاش باك
السكرتيرة :: بتخبط على الباب
محمدالامير:: ادخل
السكرتيرة : أستاذ محمد فيه ست كبيرة برة عايزة حضرتك بتقول مسألة ضرورى حياة او موت
محمدالامير:: خليها تدخل بسرعه نشوف ايه الحكايه
اول لما الست دخلت المكتب .......
محمدالامير:: قام وقف لها ، وشاور عليها حضرتك تبقى مدام سامية عيسى صح اتفضلى يافندم استريحى
ساميه :: طب الحمد لله انك فاكرنى وفرت عليا كلام كتير
محمدالامير:: تشربى ايه حضرتك ؟
سامية :: شكرا ياابنى لك معلش عندى مشكلة ولى رجاء تقف جنبى وتحلها لوسمحت ابوس إيدك وبكت
محمد الأمير:: تحت امرك خير ، من غير دموع ، ومد ايدة لها بعلبة المناديل
سامية :: هدخل فى الموضوع على طول .....طبعا فيه واحدة بتراسلك على التليفون اسمها جورى
محمدالامير:: اتخض ، واستغرب ، نعم ، وحضرتك ايه علاقتك بيها ، وهى مين اصلا ، بس انااااا
ساميه :: شاورت بأيدها ، انا عارفه انك مش متجاوب معها ، ولا بترد عليها ، بس انت برضوا سبتها متعلقه بيك
محمد الأمير؛: هز راسه ، سارة
سامية :: رفعت عيونها له بتعجب ، يعنى انت عارف
محمدالامير:: حسيت وشكيت ودلوقتي اتأكدت، بس أؤكد لك انى عمرى ماتجوبت ولاعملت حاجه تغضب ربنا حتى انا مش برد عليها الرسايل
ساميه :: ماانا عارفه وقولت لك كدة ، بس انا جايه أترجاك تحاول تكدب او تمثل معها الدور وترجعها لنفسها ، الحكايه ......
ان سارة اتعذبت كتير بعد فراقك وفين وفين اما حاولت تقف على رجليها وتقوم تانى ولسه بتستعيد نفسها بنتها جورى ماتت بسبب تليف فى الكبد ودخلت سارة فى حالة نفسية سيئة جدا وبقت تتعالج عند طبيب نفسى ، وكمان وصلت للادمان وبكت أكتر من الأول
محمدالامير:: قام وفتح التلاجه الخاصة به ، وأخرج زجاجه مياه ومد إيده اتفضلى ، وضغط على زر الاتصال .....هاتى لمون بسرعه ....
معلش براحة وبهدوء خالص احكى لى ايه المطلوب منى بالظبط ....
سامية :: سارة بتتعلاج بقلها فترة بسبب اللى حصل معها ، ولسه بتفوق روقية بنتها تعبت وحصل لها تعب فى الكبد برضوا ، وسارة بقت مش مصدقه حصل لها صدمه ، واخترعت شخصية جورى شخصيه بتعيش من خلالها او بتهرب من الواقع جواها وكنت انت طوق النجاة عندها ، والطبيب المعالج لها لما اكتشفنا الحكاية قلى سيبها تعيش التجربه دى لان علاجها هيجى من صدمتها
محمد الأمير::: راح ناحية الشباك ، متوتر بيبلع ريقه بصعوبه ، لف لها
ساميه هانم ....حضرتك عيزانى أشارك فى التمثلية دى طب وبيتى مراتى لو اكتشفت الموضوع هيبقى ايه الوضع انا مش عايز اخرب حياتى افهمني انا دلوقتى جويا صراع بين بيتى حلا مراتى وبين سارة اللى بجد بكن لها كل احترام وتقدير ، بس سارة لازم تكون مؤمنه وعندها رضا بقضاء ربنا ، ولازم تصبر اومال فين وبشر الصابرين، من امتى سارة ضعيفة كدة ، لو عيزانى اقعد واتكلم معها ماعنديش مانع افوقها برضوا هى لها عندى مكانه غاليه وعاليه ، ازى تسيبوها كدة للرياح تضربها من كل اتجاة ازاى ....
سامية:: انا جيت أترجاك بعد استشارة الطبيب ، سارة خلقت شخصية جورى علشان تنول كل حاجه اتحرمت منها وكنت انت اول حد هى فكرت فيه ، حاول تجريها فى الرسايل بطريقه محمد اللى هى عرفاه الراجل المحترم المتدين ، المحافظ الحاجات اللى اتجذبت لك فيها ، وقت والدكتور أكد لى انها هتفوق ،والعلاج هيجيب نتيجه صدقنى
محمد الأمير:: افكر وارد على حضرتك يومين كدة ....
ساميه :: انا بشكرك ، ومتوسمه فيك خير ، ويارب يفرحك ويسعدك انا عارفه قلبك كبير
باك ......
محمد الأمير:: وبعد يومين اتصلت عليها وطلبت انى اقابل الطبيب المعالج لها اللى اكدلى انها بتمر بازمه نفسية فقدان الهويه ......
حداد معقد فيه تشتت فى الذات وحاجتها للهرب ممكن يؤدى إلى حالة أكبر اسمها اضطراب الهويه التفارقى او اضطراب الهويه DiD
حلا :: اه قصدك انها
" بتمر سارة بحالة اسمها حداد معقَّد... الحزن عندها ما وقفش، بالعكس اتشعب جوّاها لدرجة عمل تشتّت في ذاتها، وبقت محتاجة تهرب من نفسها ومن وجعها. الحالة دي لو ما اتعالجتش ممكن تتطور وتوصل لمرحلة أخطر، اسمها اضطراب الهويّة التفارقي… أو اللي بنسميه اختصارًا (DID)، يعني تبقى عايشة بهويات مختلفة ومش قادرة تلمّ نفسها في شخصية واحدة."
محمدالامير:: انتى دارسه علم نفس وتعرفيه أكتر منى ، وبدأت اتجاوب معها تحت استشارة الطبيب وكان معى خطوة بخطوة وكمان مدام سامية ، ويشهد الله انى عمرى ماخنتك ولا كان بينى وبينها اى شئ يغضب ربنا ، هى بتحكى وتتكلم وانا بسمع لها بس ، ولما حالتها بتستقر مش بتفكر فيا اصلا وتنساني بالشهر والاتنين
حلا يعنى بتفتكرك وقت الازمه وده معناه ايه ،هو الواحد لما بيقع فى ضيق او مشكلة بيطلع يجرى على مين قولى كدة .....؟
محمدالامير :: قصدك إيه
حلا :: رد انت وقول
محمد الأمير:: ده عمل انسانى ، كنت افضل يبقى سر بس مادام انتى عرفتى هتسعدينى وتقفى معى ؟
حلا :: برقت عينها وبصت له ......
عند سارة .......
كانت خرجت من المستشفى هى ورقية ومحمد ابنها ، وتوجهت إلى الفيلا الخاصة بيهم فى العالمين .....فى فيلا مطلة على البحر مباشرة ، فى ساعة عصارى روقيه نايمه فى غرفتها بعد ماتناولت الغداء والعلاج ومحمد قاعد بيلعب بلاى ستيشن ، سارة كانت قاعده بتشرب فنجان القهوة بتاعها وكانت بتراقب الفيلا بتعتها فى مصر واسكندريه بكاميرا مراقبه موصلها بالاب توب بتاعها ، وقدرت تحصل على تسجيلات كتيرة لجوزها وسوزان المربية ونسخت منهم أكتر من نسخه وقررت انها تكلم مجدى وهى قاعدة جالها اتصال
سارة :: هاى ازيك عاملة ايه انتى واخبارك
نهال :: انا تمام ، انتى كويسه ، الحاجه وصلتك
سارة :: آه وصلت لى انا بجد من غيرك ماكنتش اعرف هعمل ايه ؟
نهال :: ابدا احنا اخوات اى حاجه تحت امرك اخبار روقية تمام النهاردة
سارة :: تمام جدا جدا ، تسلمى
نهال :: بوسيلي الولاد ، يومين كدة وهاجى اقضى معكم كام يوم
سارة :: تنورينى سلام
نهال :: قفلت الفون ، ووقفت قدام المراية تشوف نفسها ، دخل عليها بيصفر واووو ايه الجمال ده كله ، كل الجمال ده ملكى انا مش مصدق وحضنها جامد
نهال :: بجد جميله ياعمر ، لسه بتشوفنى جميله
عمر :: طبعا ياقلب عمر ، ناويه تقضى يومين فين بقى ؟
نهال ؛: اروح لسارة والولاد نقعد يومين مع بعض روقية واحشنى قوى
عمر :: ماعنديش مانع ، واهجى معك كمان
نهال :: طب ازاى هنقول لهم ايه ، ماحدش يعرف اننا متجوزين ، ولا هتعلن جوازنا
عمر :: بيفك الكرافت وبيقلع الجاكت اتنهد طب.......يتبع
ياترى حلا هتوافق عمر وتساعدة فى علاج سارة ولا هترفض؟
سارة ايه الجديد اللى بتعمله فى العالمين بجد ؟
ايه سر جوزا عمر من نهال ؟
تكملة الرواية من هنااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا