رواية قلعة الروب الأسود الفصل الأول1 بقلم ميادة يوسف الذغندى حصريه في مدونة قصر الروايات
رواية قلعة الروب الأسود الفصل الأول1 بقلم ميادة يوسف الذغندى حصريه في مدونة قصر الروايات
#_الحلقه_الاولى
#_قلعة_الروب_الأسود
#_بقلم_ميادة_يوسف_الذغندى
محكمه........سكوت
القاضى :: الحكم بعد المداوله
(الهمس عالي جوه القاعه، أهل الجاني اتجمعوا حوالين المحامي)
أم الجاني :: يا استاذ، ابننا صغير ولسه مدخلش دنيا، ابوس إيدك شوف له حل.
الأب :: الود هيروح فيها ولا ايه؟
المحامي :: اطمنوا، ابنكوا براءة... قولتلكم متقلقوش، الأدلة كلها في صالحه.
الأب :: (بص له بقلق) يعنى كلامك كده معناه أنا اللي هشيل الليلة؟
المحامي :: (قرب منه) مش انت اللي ضربت بردو ولا إيه؟ يعني يرضيك ابنك يروح ظلم وانت عايش؟ الواحد بيضحّي بنفسه عشان عياله، مش يرميهم. الواحد مش بيرمى أولاده للتهلكه بأيده ياحاج صالح ، على العموم لها حل... نطلع ابنك الأول والباقي على الله.
(القاضي دخل القاعة ومعاه المستشارين)..
الناس قاعدة وعيونهم رايحه وجايه ، حاله كن القلق ، العام مسيطرة على البعض ، والبعض الآخر قاعد مستنى لقاء صحفى ، وناس مستنيه تسمع الحكم على الخصم ، عالم تانى ودنيا تانيه ، همهامت وأحاديث سريه بينهم وبين وبعض ، توتر ، احلام مؤجلة ، وافكار لاتهدأ
الحاجب :: محكمه...
القاضي :: لبس النضاره، المتهم عيسى صالح السيد... بعد الاطلاع على الأوراق والأدلة... براءة.
(الزغاريد تملأ القاعه، الأم تنهار من الفرح، الابن يبكي وهو بيحضن أبوه، لكن الأب واقف عينيه قلقانه، مش مرتاح رغم البراءة)
خارج القاعه...
شاب وسيم، في أواخر التلاتينات، معروف عنه الجرأة والجدعنة، كريم، عمره ما خد قضية مخدرات ولا دعارة، بيساعد الغلابة من غير أجر. أصحابه المحامين بيرجعوا له في كل قضاياهم. عشان كده سموه (القلعة)... الحصن لكل مظلوم ومقهور.
محمد الأمير الزاهى... قلعة الروب الأسود.
في مكتب المحاماه...
محمد الأمير دخل وهو بيفك الكرفت، خلع الساعة والجزمة، شمر كمه، ونادى:
محمد الأمير :: صفاء... يا صفاء.
صفاء :: حاضر يا سيادة المستشار... اهو جيت.
محمد الأمير :: (مشي راسه يمين وشمال) جيت اهو... قولت كام مرة الكروكس هنا علشان أصلي قبل الشغل، بتنقليه ليه؟
صفاء :: ابدا والله، اهو زي ما هو... وبالمناسبة مبروك القضية، عقبال اللي جاي.
محمد الأمير :: كله على الله... افتحي أوضة الاجتماعات علشان الأستاذة جاين، وخلي بالك آخر الشهر هننقل الشركة الجديدة، مكتب أكبر وعمارة أفخم.
صفاء :: (بابتسامة) ومرتب أكبر، صح؟
محمد الأمير :: (ضحك) إنتي دايمًا مستعجلة... سيبيه على ربنا.
(محمد الأمير فرد سجادته، وقف يصلي .......
#_بقلم_ميادة_يوسف_الذغندى
بعد وقت .....
محمدالامير :: قاعد فى اوضه الاجتماعات الخاصه بيه ، وجنبه مجموعة من المحامين اللى شغالين تحت إيده، وبيشرح لهم القضيه وأهم الثغرات فيها
شوقى :: كده ياسيادة المستشار بعد اللى حصل النهاردة الاب هو اللى هيشيل الليله
رنا :: اقصدك العداله تاخد مجراها ، وكل واحد يتحاسب على اعماله
ابراهيم :: انا شايف إننا نشوف حل للحاج صالح
محمد الأمير:: بص لهم ، حط قلمه ، خلصتوا كدة خلاص ، كل واحد قال رأيه ، بس شايفك ساكته يامنى ليه ؟
منى :: والله ياسيادة المستشار ، انا بفكر ليه الاب عمل كدة فى ابنه من الأول، ازاى يهون عليه ابنه ازاى ؟
محمد الأمير:: المثل بيقولك ايه ، اذا جالك الطوفان حط ابنك تحت رجليك ، والحاج صالح بيحب ينفذ الأمثال قوى بصراحه هههههه
صفاء :: خبطت على الباب ، دخلت ......قهوة ولاشاى ، وفيه صحفيه برة عايزة تقابل حضرتك
محمد الأمير:: قام بسرعه ، لاء صحفية ايه ، انا كدة المدام تخلعنى وبجدارة .....الكل ضحك
مش تقدر يافندم ، حضرتك القلعه ازاى بقى
صفاء :: دى بتموت فيك
محمد الأمير:: اه ، مش معناه اسيبها كدة برضوا ، واشربوا انتوا اللى عايزينه
وهو خارج من المكتب فى الصاله .....
محمد الأمير:: بص قدامه ، أستاذة نورهان يامرحب، هو كلامنا فى المحكمه مش خلص برضوا
نورهان :: حضرتك الصحافه بقى ، نعمل حديث ونسجله نذيعه على قناتنا فى اليوتيوب ، أو الفيس ، هه هتعمل ايه فى قضيه النهاردة مين هو الجانى الحقيقى
محمد الأمير:: بص لها وشاور قربى قربى كمان ، هاتى ودنك كدة علشان ماحدش يسمعنا وبصوت هادى مش هقولك ههههههههه بصوت عالى
نورهان :: كدة برضوا ، وانا اللى سايبه خطيبى وجيت اعرف منك باقى الملابسات والحقيقه التايه ، انا غلطانه
محمد الأمير:: اسكتى مش الحقيقه التايه لقيوها عند الكوبرى سلام يا استاذه ، هتنزلى معى فى الاسانسير، ولا ايه ، شوفى حد يجبلك الشفرة بقى
نورهان :: لاء استنى والنبى انزل معك .......
فى البيت بعد وقت
دخل محمد الأمير ومعه علبة شكولاته بيتلفت يمين وشمال ، وبيكلم نفسه ، راحوا فين ، يكونش هربوا وسابونى ، ياحلا حلا ، انتى فين ياحبى ؟
الله رحتوا فين ياولاد ، مازن ، ياسمين ، حبايب بابا ....
ودخل يدور عليهم فى الشقه راحوا فين بس
فتح باب الليفنج لاقى الولاد نايمين قدام الشاشه، حول القناة لقرأن كريم ، وعدل الكنبه لسرير غطاهم وباسهم وخرج يدور على حلا
وقف ثانيه اه تلاقيها فى البلكونه .....
فتح باب البلكونه ، لاقها لابسه الاير بودز، وبتسمع عمرو دياب ، وضهرها له ، ومركزه فى الشارع الناس اللى رايحه وجايه
شدها عليه بسرعه
حلا :: خلعت الاير بودز ، اخص عليك يا محمد ، ايه خضتنى ، طب اتنحنح كح اى حاجه
محمد الأمير:: دانا صوتى جاب اخر الدنيا ، والجيران هيعملوا لى محضر ازعاج ، وحضرتك منسجمه مع عمرو افندى
حلا :: عمرو دياب دة صوت العشق
محمد الأمير:: خبطها على .....وبصوت كله تهديد وغيرة انا بس العشق كله صوته وايدة وعينه وصوابع رجله كمان فاهمه ولا ايه ؟
اياكى تقولى كدة تانى مرة ، دمى بيفور
حلا :: والله ، بأمرة حضرتك ناسى اصلا إننا موجودين معك فى الحياة ، وتقريبا كدة مش بنشوفك خالص ، انت بطلت تحبنا ولا ايه ؟
محمد الأمير:: طب بزمتك وانا راضى زمتك ده موضوع يتناقش هنا برضوا وغمز لها
الامن مستتب والعيال نايمه واخدها من ايدها ووووو.......
بعد وقت
حلا :: اقوم احضر لك الحمام
محمد الأمير:: ياريت واملى البانيو ميه دافيه ، عايز اعمل جاكوزي، واهدى اعصابى شويه
حلا :: بصت له ، تهدى أعصابك اممممم طب نام بقى للصبح وسع كدة ، ونامت جنبه وشدت الغطا عليها
محمد الأمير:: طب مش هنتعشى ولا ايه ؟
وشد الغطا وراح فى سابع نومه
فى الصباح .....
الشمس داخله من الشباك بنورها الدهبى الجميل، وصوت الراديو شغال ، على اذاعه الشرق الأوسط حلا واقفه فى المطبخ بتحضر الفطار والقهوة
محمد الأمير:: واقف راكن على باب المطبخ ومربع إيده، ياسيدى ياسيدى ، ايه الروقان ده كله ؟
حلا :: بصت له ، صباح الخير ، طبعا اقل حاجه
محمد الأمير:: اومال فين الولاد مش سامع لهم حس ؟
حلا :: نزلوا تحت درس القرأن الكريم، خلاص اخدنا الشقه اللى تحت انا والماميز وهنعملها لدروس الولاد كلها
محمد الأمير:: ومين هيدفع الإيجار
حلا :: ههههه ، الست دريه احفادها هياخدوا مع الولاد وهى قالت الشقه كدة كدة مقفوله، اهو الولاد ياخدوا فيها درس ، يبقى فيها حس بدل القفله
محمد الأمير:: هز راسه ، اه اذا. كان كدة ماشى، الواحد مش حمل ابجار جديد ، مش هنجيب المدرسين وكمان ندفع لهم الإيجار، انا داخل اخد شاور
حلا :: هتنزل المكتب ولا المحكمه ؟
محمد الأمير :: هقضى اليوم معكم فى البيت ، وهنزل المكتب اخر النهار
حلا :: فرحت جدا ، انا كده بقى اطلب أوردر من برة ونقضى يوم حلو انا وانت والولاد
محمد الأمير:: غمز لها ، اللى تشوفيه صح اعمليه .....ودخل الحمام قلع البيجامه ونزل تحت الدوش ، والمياه نازله عليه ، وقف وافتكر القضيه ......يتبع
ياترى هيدخل الأب السجن ؟
وايه هى الحكايه اصلا ؟
تكملة الرواية من هناااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا