رواية ليلة واحده لاتكفي الفصل الرابع والستون والخامس والستون الأخير بقلم ايلا إبراهيم حصريه في مدونة قصر الروايات

رواية ليلة واحده لاتكفي الفصل الرابع والستون والخامس والستون الأخير بقلم ايلا إبراهيم حصريه في مدونة قصر الروايات

رواية ليلة واحده لاتكفي الفصل الرابع والستون والخامس والستون الأخير بقلم ايلا إبراهيم حصريه في مدونة قصر الروايات

كانت الممرضه بتحاول تمنعه يقف وهو متعصب ويقول اسر فين..

في الوقت ده دخل اسر واول ما شافه سراج اتعصب اكتر وقاله : بقى انا تخليهم يدوني حقنه ينيموني والله لا... لكنه سكت لما دخلت لبنى عليه فجأه عيونها حمره ووشها مصفر كانت مرعوبه عليه اول ما شافته على السرير جريت عليه وحضنته ..

اسر شاور للممرضه تخرج وبص لسراج اللي باين الفرح بعنيه وقال بخفوت : اي خدمه ياخويا وخرج مع الممرضه بعد ماقفل الباب.

اسر كان حاسس بغصه جزاه وهو شايف حب لبنى لسراج .. كان المفروض هو مكان سراج دلوقتي .. كان المفروض هو يبقى جوزها مش سراج .. لكن ربنا جمعهم وجمع قلوبهم ومش هيقف قدام القدر ..مسح دمعه نزلت من عنيه غصب عنه ووقف بسرعه لما شاف ايهم جاي مستعجل..

اما عند لبنى وسراج ..

كان حاضنها ومش راضي يبعد عنها .. لبنى عياطها بيزيد لما حست بيه يدفن وشه برقبته واديه بتتجرأ بعدت عنه بحرج. وقالت بارتباك:  انت كويس..

سراج بشوق وهو بيمسح دموعها : ياريتني عملت حادثه من زمان 

لبنى بخضه :  متقولش كده .. ربنا يحميك.. 

سراج بحب : وحشتيني..

لبنى بخجل : وانت كمان ..

سراج بعتاب : كده تسيبييني زي التايه مش عارف اعيش من غيرك...  ده انتي حتى مش بتردي على رسائلي

لبنى : انت عارف ايهم.

سراج : اششش اخوكي مش عايز اسمع اسمه انا مخنوق منه خلقه..

لبنى بضيق :  والله ايهم حنية الدنيا كلها فيه لك.. قاطعها ببوسه مليانه شوق ولهفه وهي محستش بنفسها الا وهي بتجاريه وو..

**********

ايهم بغضب : متوقفش فوشي يا اسر عشان متعصبش عليك.

اسر : انت شايف اللي بتعمله ده صح اختك.مراته دلوقتي واللي بتعمله ده لا يرضي ربنا ولا الخلق

ايهم بغيظ : اتجوزته غصب عنها مش انت قلتلي كده

اسر : ايوا انا قلت الكلام ده لكن دلوقتي سراج ولبنى بيحبو بعض وهما الاتنين بيحاولوا يكملوا الجوازه دي وعايزين يكملوها ومش هنجي نحنا نقف في وشهم..

ايهم : اخوك ال*** بيهدد اختي وهي مجبوره تبقى معاه اوعى من طريقي وزقه ودخل وشافهم مع بعض ..

اتحرجت لبنى وبعدت عن سراج بسرعه وهي بتعدل هدومها بكسوف ..

ايهم بص ناحيتها بغضب وخرج ولسا هتحصله مسكها سراج ومنعها حاولت تبعده عنها وعيطت من كسوفها والموقف اللي شافها بيه اخوها لكن سراج مكنش يتهد حضنها وهي بتحاول تمنعه وتقول سراج ابعد ياسراج ارجوك لكنه قال اخوكي لازم يفهم انك مراتي ومكانك فحضني دائما ولسا هتتكلم  باسها وهو بيمشي معاها للباب وقفله وووو

***********

بعد.مده 

اسر وهو بيلعب بمفتاح العربيه : فروحه ازيك 

فرح.كانت نازله المدرسه بصت ناحيته وشافته في الجنينه وقالت :  ايوا يااسر عايز ايه ..

اسر :  اي رأيك اوصلك انا

فرح : لا عم عبده هيوصلني

اسر : هو انتي متعرفيش 

فرح ايه ..

اسر : عم عبده  اديته اجازه..  قال كده وشدها ودخلها العربيه وهو بيقول انا هوصلك عشان متتأخريش ..

فرح اتضايقت لكنه معترضتش. قالت ممكن تستعجل عشان متأخرش..

اسر بتريقه : اموت فيك وانت ملتزم بالموعيد..

فرح اتجاهلت تريقته واتغاضت منه 

اسر وهو بيسوق العربيه : على فكره لبسك حلو اووي 

فرح : متشكره .. عارفه 

اسر بتقييم : بس هيكون احلى لو كان محتشم اكتر

فرح بغيظ : وانت مالك

اسر انصدم بتمثيل : اي دي انت مالك مش انا هكون جوزك المستقبلي 

فرح : والله بأمرة ايه أن شاء الله

اسر اتجاهل سؤالها وقال: واضح أن سراج مش مركز في لبسك عشان مش عايز يزعلك وعاوزك تغيريه لوحدك بس انا لا ... مش زيه انا اللي هتكون مراتي. المفروض تلبس محتشم.. وبرضو مع الوقت أن شاء الله هتلبس الحجاب 

فرح : انت بتخرف بتقول ايه  

اسر بجديه : والله مابخرف هو ده اللي هيحصل .. احنا هنتجوز اول ما تخلصي السنه دي 

فرح بتريقه : ده في الحلم يابابا

اسر بنفس اسلوب التريقه : هنشوف ياماما يلااا انزلي وصلنا .. واه ابقى غيري اسلوب لبسك.ده عشان مش عاجبني

فرح بغيظ : متتفلق .. عنه معجبك..

اسر عض شفايفه بتريقه وهو يقول : على فكره عيب اوووي تتكلمي مع خطيبك كده وبعثلها بوسه في الهوى وقالها سلام ياروحي

فرح اتغاظت اكتر منه ودبت الأرض برجلها بغيظ

اما اسر رجع عالبيت وكان بيدندن مبسوط اووي عشان استفز فرح وخلاها تتعصب لكنه اتصدم بأيناس مستنياه في الجنينه بص ناحيتها بصدمه وقال ايناس ..

ايناس : ازيك

اسر بتوتر : الحمدلله انتي عامله ايه

ايناس اتنهدت وقالت : كويسه .. وانت شكلك كويس اوووي 

اسر هز رأسه بايجاب وقال بحرج : أنا عارف المفروض اني اجيلك نتكلم .. بس كويس انك رجعتي

ايناس : عمتو عليا اصرت اني ارجع ..

اسر ابتسم بضيق وقال : اه ماما

ايناس : انت بجد هتخطب ..

اسر : ايناس انا عارف انتي متستحقيش اللي عشتيه بسببي وانت والله إنسانه تتحبي وانا بحبك على فكره  وكل اللي  بدر مني كان غصب عني عشان انا ..

ايناس بخنقه : بس انا كنت لعبه في اديكي مش اكتر ..

*************

كان ايهم بيفطر مع هنا وهو حاسس انه مخنوق كل ما يفتكر الموقف اللي حصل وازاي شاف لبني مع سراج وهو بيبوسها 

خبط الباب ومحسش بيه كان سرحان فتحت هنا الباب ودخلت لبنى ومعاها سراج وهما ماسكين في ايد بعض ووقفوا قدامه اول ماشافهم اتجنن وقال : انتوا ايه اللي جابكم هنا

لبنى : ايهم حبيبي ارجوك اسمعني 

ايهم بغضب : مش عايز اسمع حاجه وخاصة منك انتي اطلعوا بررا ..برااا 

لكن ...

يتبع .. 

#رواية_ليله_واحده_لاتكفي

كانت لبنى بتحاول تكلم ايهم وتبرر اللي حصل لكنه مش راضي يسمعها وطردها..

 سراج كفايه يالبنى ادخلي هاتي حاجتك انتي مش محتاجه حد وانا جمبك...

ايهم اتغاظ لكنه اتجاهل.كلام سراج...

لبنى برجاء:  ايهم ..

ايهم لف وشه الناحيه التانيه وقال : انت اللي اخترتي . 

سراج : ادخلي هاتي حاجتك  وانا هستنتكي. 

دخلت اوضتها وهي بتعيط وهنا كانت بتبص لأيهم بضيق ودخلت وراها .

سراج : انت اكتر شخص اناني عرفته .. لبنى عملت كل حاجه عشانك وفي الاخر تجازيها بكده..

ايهم بقرف : اخر حد يتكلم عن الانانيه انت 

سراج انا مش هنكر غلطت بحق لبنى كتتير لكني حبيتها وعرفت غلطي وندمت عليه وحاولت كتتتير لحد ماسمحتني .. اختك متسهلش اللي بتعمله فيها ده... كل ده عشان ايه عشان اختارت الراجل اللي بتحبه وعايزه تكمل حياتها معاه..

ايهم :انت اخر واحد ممكن أقبل  لبنى تكون معاه انت كسرتها ازاي هتصونها تاني ازاي اأمن على اختي معاك  ...

سراج : غلطت .. ربنا بيسامح انت مش راضي تسامحني.. لبنى نفسها سامحتني

ايهم بكره : عشان خدعتها بالحب ... ووهمتها بيه..

سراج  : انا مش زيك... انا مستغلتش حب لبنى ليا من اول يوم شفت حبي بعنيها وانا محافظ عليها وعاهدت نفسي وربي اني هحافظ عليها لاخر العمر .. إنما انت استغليت مشاعر طفله صغيره وووديتها شقه لوحدكم لولا ستر ربنا كنت ..

ايهم بمقاطعه : اختك هي اللي جتلي انا مرميتش بلاي على حد .. 

سراج : اختي صغيره وتربت من غير اب .. إنما انت الكبير العاقل.. انا اتجاهلت كل ده عشان خاطر لبنى إنما وعزت ربنا مكنتش هسيبك يا ايهم

ايهم : امشي اطلع برررا

سراج : هطلع...انا هاخد مراتي واطلع.. وهقولك لأخر مره فكر بأختك اللي خسرت كل حاجه عشانك.. لبنى متستحقش انك تكسرها ومحدش هيحبك ويخاف عليك زيها...

ايهم...

لبنى مسحت دموعها وقالت : انت جاهزه. ..

سراج شال شنطتها ومسك أيدها ونزل ...

هنا عيطت وراحت عند ايهم.. وقالت: حصل اختك يأايهم..

ايهم : متتدخليش يا هنا

هنا : انت بكده هتخسرها .

ايهم بغضب :قلتلك متتدخلش وبلاش اتجنن عليكي 

ولسا هيخرج زعقت هنا بأثره  : لو فضلت بالانانيه دي هتخسر الكل .. محدش كامل بالحياة دي محدش هيمشي عالمسطره يأايهم حتى انت مش ملاك. لبنى.اختك الوحيده انا حبيتك بسبب حنيتك وخوفك عليها بلاش تعمل كده... حصل اختك ورضيها طلعت مكسوره ومعيطه.  انت خيرتها بينك وبين جوزها .. حط نفسك مكانها لو خيرتك هي بيني وبينها هتعمل ايه ..  أتنازل مره وحده بحياتك .   بص حوليك لبنى مغلطتش .. اختارت جوزها اللي بتحبه.  وهو شايلها بعنيه ...عاوزها تعيش جمبك تعيسه طول عمرها وقلبها مع جوزها.  عشان ايه..كل ده عشان ترضي غرورك ومش هترضيه... 

ايهم اتخنق وقلب سفرة الاكل وخرج وسأبها..

************

اسر بحرج : انا عارف انك.عملتي كتير عشان جوازنا ينجح بس انا مكنتش متقبل منك حاجه..

ايناس ...

اسر : ايناس انت حد جميل جدا وتستاهلي حد احسن مني..

ايناس بدموع : بس انا حبيتك انت .. وانت استغليت حبي ليك... انت عارف لو طلبت مني كل حاجه كنت اديتهالك.  بس انت خدعتني .. كسرت قلبي.. هو انا مبتحبش.. 

اسر : انتي تتحبي والله تتحبي

ايناس بدموع : اومال محبتنيش ليه .. 

اسر بضياع: عشان كل ماكنت هفتح قلبي ليكي افتكر ماما.. افتكر هتبقى مبسوطه قد ايه لما نكون مع بعض .  هتبقى سعيده ان اختيارها بالنهايه طلع صح . وحياتي اللي خططت ليها ماشيه زي ماهي عايزه مكنتش قادر .. مكنتش قادر استسلم للشعور ده. .شعور التحكم اللي مسيطره بيه على سراج وعاوزه تسيطر عليا بيه

ايناس بدموع: وانا ذنبي ايه.. 

اسر :للاسف مالكيش ذنب. .. بس انا مستهلش حبك ليا.. وماما رجعتك عشان ترجعنا لبعض. بس ده مستحيل يحصل انا مش هظلمك تاني معايا ..

ايناس عيطت اكتر وراحت اوضتها... اسر قعد في الجنينه وحط رأسه بين يديه بضياع وهو بيقول مش بتستلمي ياماما لسا زي منتي مش هتتغيري ابدا...

***********

سراج دخل أوضته هو ولبنى ودخل حاجتها ولبنى كانت مخنوقه ومش بتتكلم

سراج : هيهدى صدقيني وهيرجع تاني عشان يراضيكي..

لبنى...

سراج بعد شعرها عن وشها ومسح دموعها وقال: مش عايزك تزعلي اخوكي بيعاند نفسه بس انا شفت هو قد ايه بيحبك ومش هيتحمل بعدك .

لبنى : تفتكر كده ..

سراج : انا متأكد بس انتي بلااش تفكري كتتير عشان وشك الجميل ده ميذبلش ...قال كده وباس خدودها وهو بيقول: كل حاجه هتكون احسن بس انتي متزعليش نفسك..

دفنت نفسها بحضنه وحاوطت خصره وهي بتقول : خليك جمبي دايما ياسراج متسيبنيش..

سراج بضحكه : بعد الحضن ده مش هسيبك ابدا وشالها وووو

*************

اسر رجع في وقت متأخر من الليل مكنش طايق يشوف حد بعد ما اتكلم مع ايناس..

لكنه اتفاجأ بفرح في أوضته مستنياه..

رفع حاجبه وقال بوقاحه :  ايه ياروحي بتعملي ايه بأوضتي بالوقت ده ..تكونيش مستعجله عالدخله لكن مش كنا عملنا فرح الاول 

فرح : سافل مش غريبه عليك

اسر وهو بيضحك فونه ومفتاح عربيته : عاوزاني اقولك ايه وانتي بأوضتي بالوقت ده قال كده وشاور عالساعه.  ..

فرح : عاوزه نتلكم..

اسر بتريقه : نتلكم بالوقت ده ..

فرح : انت عاوز تتجوزني ليه

اسر : واكون عاوز اتجوزك ليه ..

فرح : انت بتهرب صح انا هقولك ..

اسر : اتفضلي اتحفيني ..

فرح : انت وماما الاتنين عاوزين تتموا الجوازه دي عشان تغيظو مامتك.. وانا اولع.  

اسر رفع حاجبه بتريقه وقال : برافو عليكي عرفتي منين ..

فرح : بص يا اسر انا مش هكون وسيله تغيط بيها مامتك ولا هكون وسيله ماما تنتقم بيها من مامتك عشان كفايه عليا اللي حصلي من ايهم ..

اسر اتضايق  وقال:  كلامك ده كله غلط معرفش عن مامتك لكن انا مش بفكر بده ..

فرح : ارجوك يا اسر ابعد عن طريقي انا عاوزه ابدأ صح ومش بفكر بالجواز دلوقتي...

اسر : انتي مين اللي قالك الكلام ده.  

فرح : محدش قالي  انا سمعت طليقتك بتكلم حد في الفون وهي بتعيط وبتقول انك مش هتحبها عشان مامتك اختارتها ايك ..وانت اللي قلتلها الكلام ده

.

اسر : تصدقي انا يكتشف فيكي كل يوم شيء جديد وكامل بتأنيب : انت بتتصنتي عالناس مش عيب 

فرح: بقولك يا اسر ابعد عن طريقي . احسن لينا احنا الاتنين...عشان انا عاوزه حياتي تنظف لاعايزه اغيظ حد ولا انتقم من حد.. ولسة هتخرج اتصدمت لما سمعته بيتكلم بجديه : على فكره انا مقولتش اني بحبك..

بصت ناحيته بصدمه وهو كمل :ولا معجب بيكي.   عشان بصراحه انتي مش يتعجبني ابدا..

ضمت اديها على صدرها.  بغيظ وقالت: اومال هتتجوززني ليه ..

اسر بضياع : ممكن عشان احنا شبه بعض

فرح بضحكه:  شبه بعض اللي هو ازاي .

اسر بجديه : انا وانتي يافرح عشنا نفس الحياة نفس الأهمال من نفس الأشخاص.. مامتي ومامتك. وباباكي..

فرح : وانت عاووزنا نتجوز عشان كده بس..

اسر : لا عاوز نتجوز عشان نبي عيله نعوض بيها النقص اللي عشناه..  هنربي عيالنا عالحب اللي فقدناه هتكوني ماما جميله وحنينه وانا هكون اب هادي وبيحمي عياله.. وبيحافظ على عائلته ...

فرح ارتبكت وافتكرت باباها لما كان بيضرب مامتها. احيانا هي برضو .. 

اسر قرب منها وقال: أنا وأنتي مش بنحب بعض لكن هنحب بعض مع الوقت عارفه ليه. 

فرح بتبص ليه وهو بيقرب منها .

اسر : عشان كل حد فينا هيعوض النقص اللي عاشه التاني.  مش كده.. قال كلامه وهو يبعد خلصلات شعرها القصيره على. جبهتها.ولسة هيقرب اكتر عاوز يبوسها هربت منه وراحت اوضتها وهي حاطه أيدها على قلبها ...

************

الصبح كانت لبنى نايمه بتعب ومش عارفه تقف طويل الليل بتعيط عشان اخوها ايهم طردها من البيت فاقت على لمسات سراج : حبيبتي مشبعتيش نوم .

لبنى. : سيبني شويه كمان ..

سراج باس خدها. قال: والله لو عليا هسيبك لكن في حد عايزك تحت..

لبنى شدت الغطاء على وشها وقالت:  مش عايزه اشوف حد

سراج شال الغطا وقال: حتى لو الحد ده ايهم وهنا..

وقفت بسرعه وهي مش مصدقه :قولت ايه ايهم

سراج بابتسامه : ممممم اخوكي تحت عاوزك

.

لبنى راحت تجري لحد مشدها سراج بغيره : هتنزلي بقميص النوم كده 

لبنى بحرج: مخدتش باللي روحاله اخاف يغير رأيه ويمشي..

سراج : اخوكي مش عيل ..يلاا ادخلي غيري على مهلك وانا هنزل اتكلم معاه..

لبنى: غيرت هدومها بسرعه ونزلت جري..وموقفتش الا وهي بحضن اخوها ..وبتعيط..

ايهم ابتسم وقال:  حقك عليا ياحبيبتي..انت كنت متعصب ومكنتش واعي ولا مستوعب اللي بعمله...

لبنى رفعت وشها ليه وهي بتعيط وقالت : انا كنت بموت لما خرجت من البيت وانت زعلان مني. 

ايهم : بعد الشر عنك ياقلب اخوكي. 

لبنى : انا بحبك اوووي يأايهم ارجوك متبعدنيش عنك تاني...

سراج بغيره وقف مابينهم : مخلاص ياحبيبتي سيبي اخوكي يقعد ..

************

بعد مرور سنه ..

عليا كانت متحمسه جدا وبتحضر سفره اكل كبيره ...

عبدالله بحب:  سيبي من ايدك  ياحبيبتي وخلي الشغالين يشوفوا شغلهم...

عليا: انا مبسوطه اووي ياعبدلله سيبني احضر الاكل للعيال 

عبدالله : يعني انتي سامحتيهم...خلاص..

عليا :مش هعرف ازعل منهم اسر وسراج هما كل حياتي

عبدالله :حتى لما سراج اختار أنه يسافر عشان مراته تكمل تعلمها..

عليا : خلاص ياعبدالله متفكرنيش كفايه أنه هيدخل عليا بحفيدتي ومش بس كده ده سماها عليا ياحبيبي ياسراج اكيد البنت شبهي..

عبدالله ضحك: طب واسر اللي ساب بنات البلد كلها وراح اتجوز فرح ..

عليا بضيق: اسر بعد متجوز اتعدل والبنت فرح طيبه اووي اه هي لسانها طويل بس ربت اسر. خلته يمشي عالعجين مايلخبطوش وكفايه أنه هدي من ناحيتي دلوقتي...

والحمدلله البنت مش شايله مني زي امها وبعدين احسن حاجه عملوها أنهم خدو بيت بعيد عني عشان انا مش هتحمل اشوف الهام كل يوم ...

إنما سراج ولبنى هيفضلو معايا وبييتي وانا اللي هربي عليا الصغيره 

عبدالله بتريقه : ربنا يستر احنا بعليا الجده مش خالصين هتطلعلنا الحفيده...

عليا : أخص عليك ده انا اللي ربيت اسر وسراج وبص طلعو رجاله واحد دكتور والتاني ضابط قد الدنيا ..

بالوقت ده .دخلوا سراج ولبنى وكان سراج شايله بنوته صغيره بحضنه .. وسلمو عليهم وعليا خدت البنت منهم وكانت فرحانه بيها جدا...

وبعد شويه دخل اسر ومعاه فرح ماسك أيدها وهو بيقول لسراج  حبيب امه وصل حمدالله عالسلامه ياخويا ..وخده بالحضن ..

وشاف مامته بتهتم بعليا الصغيره وقال: بقولك ياماما هو لما هيشرف ابني هتتجاهليه زي ما عملتي معايا

عليا بفرحه : ايه فرح حامل..

فرح كانت لابسه فستان ابيض طولي وحجاب رقيق شبهها وهزت رأسها بكسوف...

تمت بحمد الله 💓

يارب تعجبكم 🥰

 لمتابعة  الروايه الجديده زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا