سكريبت كامل وحصري لمدونة قصر الروايات

سكريبت كامل وحصري لمدونة قصر الروايات 

سكريبت كامل وحصري لمدونة قصر الروايات 

 صحيت الصبح لقيت ظرف جنبي لونه اسود ومقفول بالشمع الاحمر وعليه شعار غريب اوي ، قومت وانا بضحك وروحت لأختي بقولها :

= مش هتبطلي مقالبك دي بقى 

_ مقلب ايه يا حبيبة انا لسة صاحية اصلا

= مش عليا الكلام دة يا حورية 

_ والله ما عملت حاجة 

= امال ايه الظرف دة ؟

_ انتي بيجيلك جوابات حب يا حبيبة !!؟

= حب ايه اتنيلي 

_ امال دة ايه تعالي افتحيه نشوفه سوا

= ماشي ، فتحته وبقرأ الي فيه :

                                      دعوة زفاف

تتشرف مملكة زيراثيا بدعوتكم لزفاف الامير يوسكار وريث عرش

       الظلام والبشرية حبيبة حفيدة الساحر الاعظم درافينور

                     في احتفال عظيم في القصر الملكي

                       وذلك في ليلة ظهور القمر الاحمر 

_ ايه ده بقى ؟

= انا مش فاهمة حاجة ايه الاسامي الغريبة دي اصلا 

_ بس مكتوب اسمك

= انتي عبيطة يا حورية هو انا حفيدة ساحر يعني

_ خلاص كبري دماغك دة شكل حد بيهزر معانا ودي لعبة جديدة

= ايوة وايه الي جابها على سريري

_ هتلاقي حد حطها في شنطك وماما طلعتها عادي بقى

= بس بقولك ايه هما قصدهم بليلة ظهور القمر الاحمر دة الخسوف الي هيحصل كمان اسبوع

_ بقولك ايه يا حبيبة اطلعي برا يلا علشان اذاكر

= خرجت من اوضتها وانا دماغي مش مبطلة تفكير مين الي هيهزر معايا كدة بس بردو في نفس الوقت حاسة قلبي مقبوض 

= انا نازلة الجامعة يا ماما بس هتأخر شوية علشان عندي محاضرات كتير

_ ماشي يا حبيبة تبقي رني عليا لما تخلصي

في الجامعة >

= اعترفو بقى مين الي حط الظرف دة في شنطتي امبارح

بصولي بأستغراب

_ ظرف ايه دة يا حبيبة دة شكله غريب اوي اصلا

= ييعني ايه .. مش انتو الي بتهزرو معايا؟

_ وريني كدة 

فتحوه وقرأوه وهما بيبصوا لبعض بإستغراب

= انا.. هروح المحاضرة 

مشيت وانا قلبي بيدق جامد وبدأت اخاف اصل طالما محدش من صحابي عمل كدة هيكون مين

كملت محاضراتي وركبت علشان اروح البيت و وانا في الباص عيني غفلت ونمت شوية 

_ لو فعلا عايز تتعلم العلوم المحرمة لازم تقدملنا حاجة مقابل دة

= اي حاجة عايزينها هقدمهالكم

_ الحفيدة الخامسة

= يعني ايه

_ اكتبلنا تعهد بالدم انك تقدملنا حفيدتك الخامسة زوجة لحفيدي يوسكار 

= انا موافق

قومت على صوت السواق وهو بيقول ان دي المحطة الاخيرة 

= يعني ايه الحلم دة انا مش فاهمة حاجة هو مش دة جدو ابراهيم جد ماما ، انا لازم اسألها 

= انا جيت يا ماما 

_ حمدالله على السلامة يا حبيبة غيري هدومك ويلا علشان تاكلي

= ماما ممكن سؤال

_ قولي

= هو انتي تعرفي ايه عن جدو ابراهيم

_ بصيتلي بأستغراب وقالت : ايه الي فكرك بيه دلوقتي انتي مشوفتهوش حتى

= ع..عادي جه في بالي فقولك اسألك مش انتي وريتينا صورته قبل كدة

_ انا معرفش كتير عن جدي ابراهيم لأنه كان دايما مسافر في شغل

= كان بيسافر فين ؟

_ معرفش والله يا حبيبة هو كان دايما غريب بييجي مرة في السنة يجيب كتب جديدة لمكتبته ويقعد معانا شوية ويمشي

= طيب سؤال تاني معلش علشان الدكتور طلب مننا واجب نجيب ترتيبنا في شجرة العيلة هو انا ترتيبي الحفيدة الكام لجدو ابراهيم

_ لو حسبناها فأنا الاولى وبعدين خالك وبعدين خالتك وبعدين اخوكي وبعديه انتي فكدة انتي رقم خمسة

= حسيت برعشة في جسمي وسامعة ضربات قلبي ، ي..يعني ايه كل دة ، معقول صدفة ..ازاي 

= دخلت اوضتي وتعبت من كتر التفكير ونمت

__________________________

فتحت عيني وقومت مخضوضة 

= انا فين ؟؟ ايه المكان دة

_ صباح الخير سموك ، اتمنى تكوني نمتي مرتاحة

= انتي مين؟

_ انا المساعدة الخاصة بيكي اسمي الينا

= هو انا فين يا الينا معلش

_ انتي في مملكة زيراثيا سموك

فجأة الباب فتح ودخلت منه ست عجوزة لابسة فستان اسود كأنه من العصر الفكتوري وملامحها حادة

_ اخيرا صحيتي يلا بسرعة علشان ورانا تجهيزات كتير 

= مين حضرتك 

_ انا ملكة زيراثيا الاولى وابقى جدة يوسكار

= ممكن حد يفهمني انا بعمل ايه هنا

_ انتي هتبقي زوجة حفيدي كمان ٥ ايام ، انتي الحفيدة المنتظرة

=كنت بعيط من الخوف وبقولها : لا... لا اكيد فيه حاجة غلط 

_ الينا ، جهزيها وخليها تيجي على قاعة الاجتماعات 

بعدين بصيتلي وقالتلي 

_ هناك هتعرفي كل حاجة 

خرجت والينا حاول تهديني بعدين لبستني فستان كبير باللون الازرق الغامق 

بعد ما خلصت خدتني على قاعة الاجتماعات واول ما فتحت الباب ودخلت فضلت ابص على القاعة كانت كبيرة وشبه قصور العصر الفكتوري وفجأة عيني جت على حد من الي قاعدين واتصدمت من الشخص الي شوفته

= جدو !!... 

يتبع....

" 2 "

= جدو !! هو انت لسة عايش ازاي ؟؟

_ تعالي اقعدي وهفهمك كل حاجة

= تفهمني ايه انت السبب في كل حاجة بتحصلي، حياتي بقت جحيم بسببك

_ ممكن تهدي ونتكلم

( بصيت على الي قاعدين معاه كان فيه راجل عجوز قاعد في وش الترابيزة ولابس تاج عرفت انه الملك علشان شوفته في الحلم، وجنبه كان قاعد جدو ومن الناحية التانية قاعدة الملكة وجنبها شاب توقعت انه يوسكار )

_ بصي يا بنتي انا اسف على الخوف الي سببتهولك انا زمان كنت اناني جدا ومكنش هاممني اي حاجة غير اني اتعلم السحر بس مش اي سحر كان هدفي اتعلم العلوم المحرمة في السحر ولما اتطلب مني اني اقدمك كمقابل مفكرتش كتير ووافقت ، انا عارف اني غلطان بس سامحيني يا بنتي 

= انت ازاي عايش وانت المفروض ميت من قبل ما اتولد ؟

_ علشان انا من اقوى السحرة دلوقتي وبقيت معمر في الارض مش اقل من 200 سنة ومكنش يفضل افضل عايش كل دة في العالم بتاعنا فجيت هنا

= بصيتله وانا دموعي نازلة ، طبعا عايش حياتك دلوقتي ومبسوط انك قدرت تحقق الي نفسك فيه مقابل حياتي

_ لا يا بنتي صدقيني ويوسكار راجل كويس مش وحش وهيعيشك حياة متحلميش بيها

= بجد والله ، طيب كتر خيرك دة الي مستني تسمعه ؟؟ انا عمري ما هسامحك على الي عملته

وقومت طلعت برا القاعة وانا بعيط

قام يوسكار وراها وهو بيقولهم :

_ انا هروح اشوفها

نزلت وراها لقيتها قاعدة في حديقة القصر بتعيط 

_ ممكن تهدي 

= انت عايز مني ايه 

_ الموضوع مش بالسوء الي انتي شايفاه دة

= ضحكت بسخرية ، فعلا كل الي في الموضوع بس اني اكتشفت اني ابقى حفيدة ساحر ودلوقتي انا في عالم تاني وحياتي كلها ضاعت وكمان المفروض اني اتجوزك وانا ولا اعرفك ولا اعرف انت شيطان ولا ساحر ولا هتعمل فيا ايه

_ يمكن جدك كان وحش زمان بس هو ندم على كل حاجة دلوقتي وانا بعتذرلك انك هتتجوزيني اجباري بس احب اعرفك انا مش ساحر ولا شيطان انا بشري زيك انا متولدتش ساحر زي باقي اخواتي وعمري ما أأذيكي ابدا

= كنت بصاله وحاسة انه فعلا بيتكلم بصدق ، بص يا يوسكار حتى لو انت مش ساحر بس ارجوك حط نفسك مكاني الموضوع صعب ومش سهل اتقبله

_ خدي وقتك براحتك لحد ما تتأقلمي على الوضع الجديد

_______________________________

عدا اربع ايام كنت متجنبة الكلام مع اي حد بس يوسكار كان كل شوية يكلمني ويحاول يخليني افرفش شوية، كنت شايفة تجهيزات الفرح في القصر ومش عارفة افرح زي اي بنت 

لقيت يوسكار جه وقف جنبي في الحديقة وبيقولي :

_ عجبتك التجهيزات ؟

= حلوة

_ ممكن تفكي شوية بقى 

= بحاول والله

_ مش عايزك تقلقي خالص وعايز اقولك اني هعمل كل الي اقدر عليه علشان تحبيني 

ابتسمتله بهدوء وانا ببص في عينه هو فعلا طيب اوي ومسابنيش اليومين الي فاتو وبيحاول يفرحني على قد ما يقدر ، مش هنكر اني انجذبت ليه بس لسة الموضوع مأثر في نفسيتي

يوم الفرح >

كان القصر كله بيجهز والخدم كانو حواليا بيجهزوني ، لبست فستان ابيض كان شكله يسحر بتفاصيله وعملولي شعري ولبسوني تاج ولاحظت انه مكتوب عليه اسمي من الجنب 

سمعت صوت العزف بدأ و روحت عند باب القاعة الملكية، اول ما الباب فتح اتعزف موسيقى هادية ، رفعت راسي ولمحته واقف في اول القاعة لابس بدلة انيقة زي بتاعت الملوك باللون الاسود وتاج ذهبي كبير

قربت بخطوات واثقة لحد ما وقفت قدامه 

_ شكلك جميل اوي يا اميرتي

= احم..وانت كمان شكلك حلو

ابتسم جامد وهو بيمدلي ايده امسكها وفجأة نور القاعة بقى خافت والموسيقى بقت مناسبة نرقص عليها

مشينا لنص القاعة وبدأنا برقصة سلو ملكية

كنت ببصله وشايفة عينه بتلمع ... باصصلي بكل حب وحنان 

_ متعرفيش فرحتي النهاردة قد ايه انا كنت مستني اليوم دة من زمان اوي واخيرا جه

= ياريت كنت عرفتك في ظروف احسن من كدة اظن ساعتها كان الوضع هيبقى مختلف وهحبك بشكل طبيعي

_ هت ايه... هتحبيني ، انتيي..

= ايوة .. انا حبيتك ، انت قدمتلي حب وحنان واهتمام عاملتني زي الفراشة ، مقدرتش اتجاهل حبك ليا وتلقائي لقيت مشاعري بتتحرك ليك ، كنت بمنعها علشان الظروف الي اتحطيت فيها بس خلاص.. بقى امر واقع مفيش داعي اني اداري اكتر من كدة

_ انا حاسس اني بحلم .. مش مصدق الي انا سامعه، هفضل طول عمري احبك يا اميرتي وهخليكي كل يوم تحمدي ربنا على الي حصلك علشان جمعنا سوا .

" تمت "

" 3 والأخير "

خلص الفرح بعد ما الناس باركولنا وطلبت من يوسكار نقعد شوية في الحديقة نتكلم

_ هاه يا ستي عايزة نتكلم في ايه

= هو.. بصراحة يعني ...

_ قولي متخافيش 

= انا عايزة اشوف اهلي

_بصيتلها وفضلت ساكت شوية بفكر 

= اتنهدت وانا بقول : كنت عارفة انك...

_ ماشي

= بصيتله بفرحة ، ماشي بجد .. هتخليني اشوفهم

_ ايوة ، هوديكي بكرا ان شاء الله

= حضنته من فرحتي ، شكرا اوي بجد انا مبسوطة اوي

_ ربنا يقدرني واسعدك دايما 

تاني يوم >

= يوسكااار ، يلا اصحى يلا

_ فيه ايه .. ايه ده انتي لبستي من بدري كدة

= معرفتش انام من فرحتي يلا قوم بقى علشان نروح لأهلي

_ حاضر ... حاضر 

= يلا خلصت ؟

_ ايوة يلا بينا

= هو احنا هنروح ازاي واحنا في عالم تاني

_ تفتكري جدك كان بيروح وييجي ازاي

= مفكرتش في الموضوع بصراحة 

_ فيه هنا في القصر بوابة بتنقلنا بين العالمين

= دي فين ؟

_ في المكتبة الملكية 

= طب يلا بسرعة مش قادرة استنى اكتر من كدة

_ ضحكت وانا بقولها : اهدي بس شوية هتشوفيهم خلاص اهو

روحنا المكتبة ودخلنا من باب سري ولقيت البوابة قدامنا ودخلناها حسيت اني طايرة في الهوا

_ حبيبة فتحي عينك، وصلنا

= بالسرعة دي !! احنا فين

_ احنا ورا البيت بلا ندخل

خبط على الباب وانا قلبي بيدق جامد لحد ما الباب فتح

_ ح..حبيبة ، دة انتي بجد ولا بتخيل

=قولتلها وانا بعيط من الفرحة: وحشتيني اوي يا حورية

حضنتها بكل حب واشتياق 

_ انتي كنتي فين اختفيتي فجأة ودورنا عليكي في كل حتة، ومين دة ؟

= تعالي ندخل وهفهمك كل حاجة

_ ماشي تعالي يلا ، يا مامااا تعالي بسرعة شوفي مين جه

- حبيبههه ... اااه يا بنتي وحشتيني اوي كنت بموت وانتي مختفية 

= بعد الشر عليكي يا حبيبتي ، انا اسفة قلقتكم عليا 

- فكرناكي حصلك حاجة ، بلغنا الشرطة ودورنا عليكي كتير بس مكنش ليكي اي اثر

= انا هفهمكم كل حاجة دلوقتي

حكيتلهم كل حاجة حصلتلي من ساعت ما اختفيت وعرفتهم على يوسكار 

= بس كدة ، دة كل الي حصل

_ يعني الظرف دة كان حقيقي

= ايوة

- مش عارفة ادعي على جدك بأيه بجد

= خلاص يا ماما هو ربنا يسامحه بس بفضله عرفت يوسكار 

- كتر خيرك يابني انك جبتها وشكلك فعلا راجل محترم

_ طب دلوقتي انتو هتعيشو فين

= بصيت ليوسكار ، هنعمل ايه

_ لو حابة انك تعيشي هنا وسط اهلك وناسك انا معنديش مشكلة نقدر نعمل هنا فرح صغير علشان الناس تعرف اننا اتجوزنا

= طيب والعالم بتاعك

_ مش هقدر اني اسيبه طبعا انتي عارفة علشان انا وريث العرش وفيه مهمات كتير لازم اعملها فهبقى اروح الصبح كأني بشتغل هنا وارجع عادي 

= حضنته وانا بقوله : انا مش عارفة اقولك ايه انت هدية من ربنا ليا شكرا بجد على كل حاجة بتعملها علشاني

_ طول ما انا عايش هعمل الي اقدر عليه علشان اسعدك يا اميرتي

" تمت "