رواية خلقت من ضلعه الفصل الرابع عشر14بقلم ميادة يوسف الذغندى حصريه في مدونة قصر الروايات
رواية خلقت من ضلعه الفصل الرابع عشر14بقلم ميادة يوسف الذغندى حصريه في مدونة قصر الروايات
#_الحلقة_الرابعة_عشر
#_رواية_خلقت_من_ضلعه
#_بقلم_ميادة_يوسف_الذغندى
(بيهجم عليه وبيمسكه من هدومه)
إزيك داخل كده؟! شرفت؟!
وينهال عليه ضرب…
إنت بتخون العيش والملح؟!
تستحل بنت عمّك؟!
تستحل عرضك يا عصام؟!
إزاى تعمل كده؟!
عصام
(بيرد الضربة وبيزقه بقوة، صوته ثابت ومليان وجع مكبوت)
أنا اللي خنت؟ ولا إنت اللي خنت وسرقت حقي؟
إنت وأبوك… كل اللي في إيدك ده كان بتاعى…
العز ده… الأرض… الشغل…
كله أصله ليا!
يمسكه عصام من ياقة قميصه ويقرب وشه منه.
عصام
(نبرة أعمق… بتقطع الكلام)
ولما لقيت كل ده مش كفاية…
رُحت ضحكت على أختي…
اتجوزتها عشان تكوّش على اللي باقي من الثروة…
وبعد ما خدت منها كل حاجة…
رميتها في مصحّة نفسية!
ليه؟!
ليه تعمل فيها كده؟!
عز
(صوته بيرتعش، ملامحه بتتهز لأول مرة)
عصام… اسمع—
عصام
(بيقاطعه بعنف)
ولما زهقت منها… اتجوزت صاحبتها!
ولا لسه هتدِّي مبررات؟!
يصمت عز… ووشه ينهار شوية بشوية، نظرته بتتهرب.
عصام
(يكمّل بصوت أهدى… لكنه قاتل)
مراتك… أختي…
إحنا اتجوزنا رسمي… عند محامي…
والعقد معايا.
أنا واحد ماشي في النور ، والحلال
لكن إنت…
إنت مين غير خيانات… وسرقة… واستغلال؟
قول يا عز…
مين فينا الحقيقي الخاين؟!
عز
(ساعتها إيده تقع من على قميص عصام… قوته كلها تفلت، عينه تلمع بارتباك)
عصام…
أنا…
يتراجع خطوة… صوته يخفت…
الكلام ده…
ماكنتش متوقع تسمعه مني.
عصام
(بصرخة مكتومة)
وما كنتش أتمنى أقولك كدة.
لكن الحق عمره ما بيتداس… حتى لو اللي قدامي دمي ولحمي.
لاء واقولك ، محاولة قتلى ، ومحاولة انك تخلص منى او أذكى اخواته اشرف اخوك ورفع عينه ، شاهى تعالى هنا عندى
شاهى .....
كانت واقفه محتارة ، حركت رجليها خطوة لقدام ، ورجعت فيها ، ودموعها كانت نازله منها
عصام.......
بصوت كله عصبية زعيق ، قولت لك تعالى هنا والا خليكى عندك ومافيش بينا اى شئ وكل اللى بينا انتهى
شاهى.....
الكلام وقع على مسمعها زى الصاعقه ، وبدأت ترتعش وخافت وكانت واقفه مهزوزه ومترددة
فى الوقت نفسه ، اقتحم اشرف الثرايا ومعه مجموعه من الحراسه وحاملين اسلحه ، ضرب رصاصه فى الجو
دخل وهو كله غضب وكان ثاير متجه نحو عصام كى يضربه ، ولكن عز وقف فى وشه ، وده خلى اشرف يقف مستغرب مش عارف عز عمل كدة ليه
عصام......
أذكى اخواتك دايما ، بص كدة وراك شوف
اشرف وعز ، نظروا إلى حديقه الثرايا وجدوا أفراد حراسه بعدد كبير ، محاوطين الثرايا ، والحراسه الخاصة ، لاشرف وعز ، منظرهم زلزل الجميع ......
عصام......
إشارة ضرب الرصاص بتعتك انا مديهم امر اول صوت ضرب رصاص يدخلوا ، وراح قعد على أول كرسى وحط رجل على رجل هه نتفق بقى وانا كدة اللى قدمت الخير
عز وأشرف بصوا لبعض بمعنى نقعد ونتفق
عصام......
بيلعب فى ساعته ، شاهى هانم اطلعى فوق ، وارتاحي، رفع راسه وغمز لها ، وشاور بعينه فوق
عز......
اتنهد وسحب كرسى وقعد قدامه وحط رجل على رجل ، وكانت عيونهم فى عيون بعض بكل قوة
طلباتك ايه ، قول
عصام......
الحق ، عايز الحق يرجع لصحابه
عز.....
اتجننت ارجع لك ايه ، انا استلمت الشركة مفلسه
عصام......
قصدك انت أعلنت افلاسها بالكدب ، علشان وقت اللزوم مش كدة ، وعلى العموم كل الأوراق عندى وكل شئ مثبت فيها
عز.....
عايز ايه بالظبط ياعصام
عصام......
قولت الحق كله يرجع لى
عز......
بص انا وانت فاهمين الدنيا ومش تساوم وشكلك عارف انت عايز ايه بالظبط فهات اللى عندك
عصام......
تمام ، المشروع اللى فى السويد انا هاخده واعمله فى كندا وكله ملكى وانت هنا ليك اللى فى مصر من الاخر والأفضل نتفق
عز......
وشاهى ؟!!!
عصام.....
بنت عمى ومراتى وهنتجوز قدام الكل
عز.....
واذا انا رفضت ؟
عصام .....
الظاهر ان حملتك الانتخاخبية مخلايك مش مركز ، وده سؤال برضوا ، انت الخسران كل حاجه، وشوف مين هيعترف بوضع شاهى سورى بقى
أظنك الخسران صح ، فلافضل نتفق
عز.......
طب وعروسة الهنا اللى اتجوزتها ايه حبيتها عصام ، بيحب
عصام........
عيونه بان فيها الغضب ، مراتى خط أحمر ممنوع الاقتراب منه
عز.....
بس وجودها مش فى المصلحه ، ولاهنا ولا فى كندا ولا ايه ، مش معقول هتاخد شاهى ووصال !!!!
عصام......
يبقى اتفقنا نحضر المحامين ونكتب العقود بينا
عز.......
طب والسلع اللى احتكرتها
عصام.......
كله هيبقى تمام والوضع هيبقى احسن ، وقام وقف ،نادى على شاهى من فوق
بعد وقت........
شاهى نزلت من فوق ، اتفقتوا
عصام......
جهزى نفسك ، فرحنا الخميس الجاى ومشى وسابها
بعد يومين........
وصال بتتصل عليه
عصام.......
ضلع عصام
وصال ....
انت فين قولى ، ايه اخرك عندى ليك مفاجأة كبيرة
عصام....
ايه قولى
وصال......
لاء لما تيجى وتبقى قدامى سلام وبقت تعمل صوت هشهشىهشةهش ، مش سامعه حاجه ومافيش أعذار وقفلت الخط
عصام......
كان بيكلم نفسه وهو قاعد على مكتبه،
مجنونه ، وكان نفسى نكمل مع بعض ونزلت دمعه من عيونه ، سامحينى غصب عنى الحياة لها قرارات أكبر مننا ، سلام يااحلى حاجه حصلت لى
وصال.......
واقفه قدام المرايه ، وبتحسس على بطنها ياترى ، بنت ولا ولد ، اكيد عصام هيفرح انه هيبقى اب ، نفسى فى ولد يكون شبه عصام اكيد هيفرح ياترى هيسميه ايه ؟؟؟
تانى يوم...... فى فيلا وصال
جرس الباب بيرن
وصال فتحت الباب
مين حضرتك وعايز ايه
مجدى .......
طب ادخل جوه ياوصال هانم
وصال......
اسفه جوزى مش موجود مش اقدر ادخلك وجات تقفل الباب
مجدى .....
مد إيده وزق الباب
وصال.....
انت مجنون وجت تصوت
مجدى .....
كتم بوقها ، اخرسى واسمعى ، انا جايلك فى مصلحه تخصك ، ولازم تسمعيني، وتسمعى كلامى للآخر، انا جاى من طرف عصام باشا
وصال.....
برقت عيونها وكانت مستغربه كلامه
مجدى .....
هرفع ايدى ، ومش عايز صوت ، ولازم تسمعى وتسمعى كلامى للآخر انا عايز مصلحتك قولت ارفع ايدى مش هتصوتى
وصال....
هزت راسها بمعنى ايوه
مجدى......
ندخل جوة
وصال....
من هنا قول اللى انت عايزه
مجدى ......
خطى جوه الفيلا ، هنا أفضل، واقعدى واسمعى
اتنهد اظن لما عرفتى انا جاى من طرف عصام باشا ، وفتح الشنطه بتاعته وطلع منها ملف ، انا اسف انا جاى فى حاجه صعبه ومؤلمه ، وسامحيني، ومد إيده لها امسكى دى
وصال.....
ايه دى ، وقلبها بيدق بطريقه سريعه
مجدى .....
ورقه طلاقك
وصال......
اغمى عليها من الكلمه
مجدى......
اهو ده اللى كنت خايف منه ، وطلع اسبراى وبدأ يفوق فيها
فوقى ياست ، اعميلى معروف
وبعد ساعه .....
قاعدة على الكنبه وماسكه ورقه الطلاق فى ايدها ومش مصدقه ، ليه طلاق ، ليه عمل كدة انا عملت ايه ،دانا حبيته ، وكنت مستعديه أضحى بعمرى كله له ، فيه ايه ، ايه اللى حصل عايزة اعرف
مجدى.....
صعبان عليه منظرها وحالتها ، مش عملتى حاجه بس الدنيا ليها كلام تانى ، وانتى لازم تكونى قد الدنيا وأقوى، ولازم تقفى على رجليك ، صدقنى انا عارف انه حبك ، بس هو مش بتاع حب ، هو عايز يرجع حقوقه ، انتى بس جيتى فى الوقت الغلط عنده
واسمعى منى النصيحه دى ، انتى لسه صغيرة وجميله واستفادى من اللى حصل وبكرة ياما تشوفى وتقابلى ، ربنا يعلم انا حبيتك زى اختى بالظبط ، الدنيا قدمت ليكى هديه على طبق من دهب واسمعى كلامى
خبر طلاقك خليه سر ، مش تقولى لحد عليه ، حتى ابوكى وخالتك طبعا انتى ماصدقتى تهربى منها ، وهى كمان صح
وصال.....
بصت له وهزت راسها اه
مجدى ......
طلع ورق تانى من الشنطه
ده ورق قبولك فى جامعه ألمانية هتدرسى هناك الاتصالات والكمبيوتر، وكله مدفوع الأجر يعنى مش هتخسرى شئ ، وكمان مستوى تعليمى أكبر، وسيبى البلد وبعدين لما تقفى على رجلك وتقدري تبقى حاجه ابقى أعلنى ، وده شيك فيه ٢ مليون جنيه باسمك والفيلا دى كمان هديه منه ليكى ، يعنى حياه جديدة ومحدش يتحكم فيكى ومن غير شوشرة
وصال.....
وحقى، ولفت ضهرها وحطت ايدها على بطنها ، انااااااا
مجدى ....
قام وقف ، الحياة مش زى ماانتى فاهمه ، اسمعى منى حقوقك واكتر فى ايدك ، وسافرى وسيبى مصر كلها وطلع تذكرة الطيران من الشنطه امسكى ، دى تذكرة الطيران لألمانيا الفجر يعنى يادوب تجهزي وتحضرى شنطك وابوكى قولى له انه جات سفريه مفاجأة لجوزك وانتى رايحه معه ، ولما ترجعى ابقى عرفيهم ، وأنصحك ماحدش فايق لحد خليكى عمليه أكتر
وصال......
انا لازم اقابل عصام ضرورى
مجدى.....
يبقى فكرتى ، انا عارف انا بتعامل مع مين ، ومقابله عصام مالهاش لازمه ، لأنك مش معقول هتروحى تترجية يرجعلك
وصال.....
بصت له وعيونها كلها دموع .....انااااااا يتبع
ياترى وصال قررت ايه ؟
وعصام هيرجع فى كلامه ؟
تكملة الرواية بعد قليل
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا