رواية خلقت من ضلعه الفصل العاشر 10بقلم ميادة يوسف الذغندى حصريه في مدونة قصر الروايات
رواية خلقت من ضلعه الفصل العاشر 10بقلم ميادة يوسف الذغندى حصريه في مدونة قصر الروايات
#_الحلقة_الحادية_عشر
#_رواية_خلقت_من_ضلعه
#_بقلم_ميادة_يوسف_الذغندى
وصال.....
بتفتح عيونها ، ورق ايه ده ، انت هتشتغل دلوقتى
عصام.....
بكل مكر وخبث فى عيونه ، دة ورق لعمليه كبيرة قوى ، وكنت محتاج حد يضمنى فيها ، والصراحه مش لاقى ، بمعنى انى مش قادر اثق فى اى حد
وصال......
بدون تردد ياسلام انا اضمنك برقبتى
عصام......
ضحك ضحكة عاليه، بجد بتثقى فيا
وصال.....
انت مش ملاحظ احنا فين ، وانا لابسه ايه، ههههه اقصد مش لابسه ايه ، انا مراتك وانت جوزى ، انا اتخلقت من ضلعك ده يااستاذ هات وانا أمضى، وشدت الورق أمضى فين؟
عصام......
كان واقف بيبص لها وعيونه مدمعه ، وقلبه واجعه ومتردد عايز يشد الورق منها وفى نفس الوقت عايز ينفذ خططته صراع مابين الخير والشر ، وحبه بجد لوصال بس هى الحل الوحيد له .......
وصال......
روحت فين بكلمك ، أمضى فين قول
عصام .....
هنا أمضى هنا
وصال .....
مضت الورق، اتفضل ياسيدى ولا يهمك ، انا هدخل اخد شاور فى السريع
عصام ....
كان لسه واقف ساكت ومتردد انه يكمل ولا يقطع الورق ، اخد الورق وحطه فى الشنطه
ودخل الحمام لوصال
مسك الشامبو منها وبدأ يدلك لها شعرها ويغسله وبدأت رحلة رومنسيه بينهم..........
نعمه .....
فتحت باب اوضه وصال ، وفتحت دولابها، وكانت بتكلم نفسها ، البت سابت الهدوم دى هنا مش اخدتهم معها احسن اخدهم انا ،وكمان قزازة البرفان دى ورشه منها ، الله بردوا الغالى تمنه فيه
جلال.....
بتعميلى ايه عندك يا نعمه
نعمه.....
ولا حاجه بشوف دولاب وصال فيه ايه مش اخدته
جلال....
ياوليه حرام عليكى سيبى حاجه البت لما تبقى ترجع تبقى تلاقيها ، انتى ايه مافيش دم
نعمه......
ياخويا ده جوزها جايب لها شئ وشويات ، حظوظ
جلال.....
ليه وانا كنت حرمتك من حاجه
نعمه.....
حست بكلمتها، لا ياحبيبى بس الحاجات دى غاليه قوى ، شم البرفان ورشت عليه منه ، ولا شوف قميص النوم ده
جلال.....
نفخ فى وشها وخرج برة الأوضة، راح قعد على الكنبه فى الصاله
نعمة.....
مالك يااسطى فيه ايه قولى
جلال....
عارفه يانعمه ، انا بقالى سنين بستغفر ربنا وبدعى له بالدموع يغفر ذنبى اللى عملته فى ام وصال ويتوب عليا ، وكمان قررت اطلع الحج السنادى ربنا يتقبله منى ، بس قلبى مش راضى عنى احنا غلطنا يانعمه وارتكبنا ذنب عظيم فى حق ربنا واختك ووصال اللى كانت عايشه هنا مكسورة منك
نعمه......
شهقت شهقة كبيرة ، ذنب انى حبيتك ، ولا نسيت إنك عشمتنى بالجواز وخليت بيا ومن بجحك روحت خطبت اختى اختى اللى كان ماليش غيرها علشان تكسرني وتزلنى
انت مش حبيت ام وصال ، انت كنت عايز تزلنى وبس ، واه احنا غلطنا مش هنكر وقعدت جنبه على الكنبه ، بس الله غفور رحيم ، وهى كان عندها القلب وعمرها كدة ، ونبرة صوتها على ومش كل شويه تفكرنى وانت مش تعمل كدة الا لما يكون عندك مصيبه انت عملها قول عملت ايه احكى
جلال.....
انا كتبت العشر قراريط بأسمىوصال وسجلتهم حقها اللى انتى اكلتيها والأرض بعيده دى فى الطريق الورانى بردوا مش حقها بس اهو حاجه من حاجه
نعمه.....
حبيت تلم الموضوع ، دول مالهمش سعر ولا يهمك بكام يعنى ، ده حتى دهب امها يجيب عشرين قيراط ولا يهمك ، المهم البيت هنا وأرض المباني اللى فى المدينه والفلوس اللى فى البنك لاودنا ، وبعدين انا كنت عايزة اقولك على حاجه ، انا حامل
جلال......
برق عيونه ، بجد يانعمه ، هتخلفى تانى ، ايدك ابوسها انا كان نفسى فى عيل تانى وشدها لحضنه انتى فرحتينى قوى يانعمه .....
عز ......
قاعد فى الشركة هيتجنن ازاى كدة يااشرف كل البضاعه اختفت من السوق، وكمان الشركات اللى برة رافضت عقودنا فيه حاجة غلط بتحصل
اشرف.......
انا عرفت ان فيه شركه جديدة اخدت المناقصة لها بس لسه مش عارف مين ، هوصل للشركة وصاحبها قريب قوى واعرف كل حاجه
عز.....
لاء ، دة ملعوب كبير ، ولعب على تقيل قوى ، واللى بيعمل كدة مش عارف هو واقف ضد مين ، بس بيلعب وعارف ايه هى نقطه الضعف كويس قوى ، ولو اللى فى بالى يبقى جاب آخرته معايا
اشرف......
تقصد مين ياعز ؟
عز......
المحروس ابن عمك ، بس جاب الفلوس من فين ، كل فلوسه عندى ، وكمان أوراق العقارات والاملاك معى ، وبيتهألى اخر فلوس اتجوز بيها ويدوب يعيش ، دا مجدى قالى انه مكلم كام شركة علشان يشتغل معهم بالتكنولوجيا بتعته دى قال تكنولوجيا قال
اشرف......
هى من ناحية تكنولوجيا فهى تكنولوجيا مطالب بيها السنين اللى جايه قايمه عليها كله هيبقى بضغطه زر تموتيكى ، بس انت حاطط أصول الاوراق فين بتاعت الممتلكات
عز.....
شايلها عندى فى خزنه البيت طبعا فى اوضه نومى
اشرف.....
ويعنى دى امان قوى سهل اى حد يدخل ويسرقها .....
عز.......
انت عايز تقول ايه ، يعنى فعلا هو باع فيلا والدته مرات عمك معقول ده كلام من فين جاب العقد العقد عندى ، وقام وقف وخبط على المكتب بايده تكون شاهى اختك هى اللى .......ويكون هو اللى لم البضاعه من السوق لا دانا اجيب عاليها واطيها ، وخرج من المكتب مسرع ، وكان بيجرى اشرف كان بيحاول يلحقه
اشرف .....
استنى بس رايح فين دلوقتى قولى
عز ......
رايح لاختك المحترمه اتأكد بنفسى
بعد وقت....
واقف قدام غرفتها بالمستشفى ، اخد نفس عميق فتح الباب ، بص عليها على السرير لاقها قاعدة وماسكة صورته ، قدم لها كام خطوة
اشرف شدة من دراعه ووشوشه ، براحة وبهدوء عليها هى تعبانه مش تنسى
عز.........
هز راسه ، حاضر
راح قعد جنبها ، شاهى حبيبتى اخبارك ايه دلوقتى ، هاتى الصورة دى ، وفوقى لنفسك بقى وعيشى حياتك ، عارفه فيه كام عريس مكلمينى عليكى ، انت مش عارفه نفسك انتى مين وبنت مين واخت مين ولا ايه ، وان كان على الكلب دة ، قولت هجيبه تحت رجليك راكع ، بس لما يرجع لازم تكونى انتى فى افضل حال ، وشاهى اللى كلنا عرفينها ملكة جمال مصر والسباحة الشاطرة صاحبة الميداليات الدهب ومسك دقنها وحركه يمين وشمال
شاهى .....
بكت وارتمت فى حضنه
جه الدكتور غمز لعز انه لازم مش يتكلم معها كفايه عليها كدة ، هز عز راسه بمعنى حاضر
نيم شاهى على المخدة ومسح على راسها وغطها ، وخرج مع الدكتور خارج الغرفه
عز.....
طمنى يادكتور ايه أخبارها دلوقتى مش ممكن اخدها البيت معى ووفر لها كل سبل الراحه
الدكتور......
ينفع بس مش دلوقتى يومين كمان كدة ، تكون ارتاحت وبقت افضل يستحسن تسافر مكان بعيد عن هنا مكان تكون بتحبه هى
عز......
تمام هيحصل ان شاء الله
عند عصام ووصال ♡♡♡♡♡
كانت لابسه تشيرت عصام وبتجيب طباق من المطبخ ، وبتكلم فى عصام ، انا مش عارفه بس ايه لازمته
عصام .....
كان بيفرش مفرش فى الأرض، هى الاكله دى مش تتاكل الا كدة ياضلع عصام ، ورفع عينه وبص لها ، وصفر صفارة جامدة
وصال......
ابتسمت ابتسامه خفيفه ، ايه عجباك
عصام .....
عجبانى بس ، دانا بعيش الحياة اللى لا يمكن اعيشها تانى ، وبعدين اول مرة الاحظ ان تشيرتى جميل كدة
وصال....
عجبنى فلبسته ، عندك مانع ، بس ياعصام انا مش بحب الكوارع دى
عصام.......
عريس بقى وبعدين الكوارع والعكاوى دى لمين ماهو كله ليكى ياجميل
وصال......
اتكسفت وحطت وشها فى الأرض، ياسلام
عصام.....
اقعدى بس جنبى ومدى ايدك وشوفى الاكل ريحته تحفه الست جميله بتعملة حلو قوى مش اى حد يطبخ الاكله دى ، اشربي حبه شوربه اشربي، خلى عضمك يجمد علشان اكسرهولك انا وضحك ضحكه جامدة
وصال....
لاء انا هاكل حمام ، هات حمامه ، ومسكت الحمامه وقطمت قطمه ، عادى اهو يعنى طب لما نرجع بيتنا هعملك انا الاكله دى وهخليك تحلف بيها وتنسى اكل الست جميله بتعتك دى ، ولوت بوزها
عصام......
ياريت اتمنى ، هنشوف ، وكان كلامه كل حزن ، وكان بيبص على وصال وكأنه بيشبع منها
وصال....
وهى مركزة فى الاكل، وبعدين يعنى ابن العايدى باشا وحفيد عبدالله العايدى باشا ، وبتاكل على الأرض، وجدك عضو مجلس الشعب ايام الملك ودى طريقتك مفرش وكوارع
عصام......
ههههه هههههه ، هو علشان احنا بشاوات يعنى مش ناكل كوارع ولا علشان جدى وابويا الله يرحمه عضو برلمان كان اسمه برلمان مش نقعد القعدة دى لا وبنعمل أكتر من كدة كمان ومرة واحدة كان اخدها فى حضنه.ووووووو
بعد وقت
وصال .....
اه ياعضمى ياانى على الأرض ياعصام انا خلاص بقى مش فيا حته سليمه اه ياانى
عصام ......
بص لها احسن علشان مش تستفزيني تانى ، ولا اقولك اعميلها تانى وتالت ورابع ، قومى بقى نكمل اكل وعايز فنجان قهوة ضرورى
وصال ......
مش فيه بن هنا
عز........
ولايهمك اجيب ، ياترى مين بيتصل دلوقتى ، اشوف مين
بص على شاشه التليفون ، مجدى
فتح الاتصال
ايوه يامجدى خير فيه حاجه
مجدى ....
باشمهندس ، انا اسف على الاتصال ، بس حالة الست شاهى صعبه ، وبتسوء ، نقلوها المستشفى ، وانا روحت اطمن عليها صعبت عليا قوى ، مضيت الورق ، عايز ابعته فاكس
عصام.......
هز راسه ، اه كله تمام ، انا هنزل بنفسى اشوف الحكايه دى ، سلام
وصال.......
جت من ضهره وحضنته ، مين عايزك دلوقتى فيه حاجه
عصام .....
شد ايدها اللى محوطاه على صدره ، لاء ده شغل ، هطلع اخد شاور وانزل القاهرة صد رد وجاى على طول
وصال ......
هتسيبنى هنا لوحدى
عصام.......
المكان امان مش تخافى من حاجه ، انا راجع تانى ، معلش حاجه فى الشغل ومش هتأخر عليكى وباس راسها
بعد كام ساعه .......
كان واقف فوق راسها فى المستشفى، بيلعب فى شعرها ، سامحينى ياشاهى مش قصدى بس عز هو السبب هو اللى عمل كل ده ، مش انتى المقصوده
سمعت صوته وفتحت عيونها ، واول لما شافته ، كانت مش مصدقه ، بتضحك وتبكى فى نفس الوقت ، عصام انت هنا ، انت جيت وقامت ارتمت فى حضنه ، انت جيت تاخدنى صح ، وهتعمل لى فرح كبير صح ، انت بتحبنى انا ، قول لهم كلهم ياعصام قول
عصام.....
طبطب على ضهرها وبعدها عنه ، طبعا ياشاهى ، بحبك انتى بنت عمى ومتربين مع بعض
شاهى ......
بنت عمك بس اناااااا
فى ثرايا العايدي......
عز واقف بيضرب إيد بايد ، العقود اختفت ، معقوله ، سرقها مين اللى عمل كدة اكيد عصام ، اخدهم ازاى بس
اشرف......
ودة مكان تعين فيه أوراق مهمه كدة ، سهل قوى يتسرق
ياترى ايه اللى عصام عمله بالظبط ؟
وايه سر عصام وشاهى ؟
وياترى هيرجع لوصال الشاليه ولا لاء ؟
هنعرف فى البارت القادم من رواية
تكملة الرواية بعد قليل
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا