رواية ليلة واحده لاتكفي الفصل الخمسون والحادي وخمسون بقلم ايلا إبراهيم حصريه في مدونة قصر الروايات

رواية ليلة واحده لاتكفي الفصل الخمسون والحادي وخمسون بقلم ايلا إبراهيم حصريه في مدونة قصر الروايات

رواية ليلة واحده لاتكفي الفصل الخمسون والحادي وخمسون بقلم ايلا إبراهيم حصريه في مدونة قصر الروايات

رواية ليله واحده لا تكفي 50

رجع سراج في وقت متأخر من الليل كان الكل نايم دخل أوضته بهدوء عشان لبنى متصحاش .. مكنش حابب يشوف حد ابدا ... ولا عاوز حد يحقق معاه أو يسأله ايه اللي حصل معاك... أو عملت ايه مع امك ..

اول ما دخل أوضته شافها نايمه وغرقانه في النوم عالكنبه .. وقف شويه يبص ليها ... قرب منها همس جواه ياريتني عرفتك من زمان يالبنى... ياريت اعرف اغير الظروف اللي اتعرفنا بيها.. ياريت تحبيني زي ما انا بحبك... قرب منها ومكنش عايز يصحيها شالها بهدوء وكان عاوز يحطها عالسرير لكنه صحيت .. شمت ريحة عطره دفنت وشها برقبتها بجرأة وقالت بهمس وانفاسها السخنه على رقبته : اتأخرت ليه..

سراج حطها عالسرير وهي فضلت ماسكه فيه ..

سراج : في ايه ياحبيبتي ..

لبنى بهمس وكانت خايفه..: انا خايفه ياسراج..

خرجها من حضنه ومسح وشها بقلق وقال: مالك ياروحي حد اتكلم معاكي حد زعلك بحاجه .

لبنى بطفوله : انا شفت حلم وحش ... 

سراج : انتي خايفه من حلم ياقلبي قال كلامه وهو بيمسح شعرها بحنان...

لبنى رجعت حضنته بطفوله وقالت : سراج ..

سراج شدد باحتضانها وقال: عيون سراج..

لبنى: انا .. عاوزه.. عاوزه ... كانت مكسوفه بس هي عاوزه تقرب منه.. جسمها رافض قربه بس قلبها وروحها عاوزين ... الكابوس اللي شافته.  مش هيحصل ..مش هيحتقق سراج عمره ما هيأذيها ابدا...

خرجت من حضنه وهي مش عايزه تبص فوشه

سراج رفع وشها ليه وقال بقلق : اتكلمي ياروحي أي اللي مزعلك .. انتي عاوزه ايه..

لبنى كانت لابسه برنص وتحته قميص نوم شفاف ..قلعت البرنص بتردد ووشها محمر وهي بتقول بتوتر  وخجل : انا.. انا عاوزه يي.. .

سراج فهم عليها خلاص الكلام معدش ليه لازمه بعد اللي بتعمله ده هي عاوزه قربه عاوزه يلمسها يكونو مع بعض.. كانت مبسوط اوووي واخيرا العقده اللي عندها اتحلت.. حط أيده على شفايفها وقلع الجاكيت بتاعه وباسها واديه بتسريح بمنحنايتها . لكنها زي ما كانت جسمها مش متقبل اللي بيحصل ما بينهم .. واول ما بعد وهمس انت كويسه.اتجرأت و باسته وووو

***********

كان يوم طويل جدا على عليا وهي مستنيه رجوع سراج .. لكنه اتأخر نامت .. أو حاولت تنام وهي خلاص عرفت واتأكدت أنه هيرجع لأمه .. هي ربته اه بس مستحيل تاخد مكان امه.... خلاص مشروعها بتريبت سراج راح انهدم بثانيه..

عبدالله جوزها عارف هي بتفكر بأيه لكنه مكنش عاوز يضغط عليها اكتر هي من غير اي حاجه لسا تعبانه..

عبدالله : عليا.. 

عليا : ايوا 

عبدالله : بتفكري بأيه

عليا : سراج طول الوقت ده مع الهام بيعمل ايه..

عبدالله : واحنا مالنا سراج اتحرم منها بقاله سنين سيبيه يقضي معاها شوية وقت...

عليا: بس الهام جايه عشان تاخده مني..

عبدالله : تاخده ايه انتوا الاتنين شايفين سراج ايه ده بني ادم ويعرف يتصرف وانتي سراج مش هيخسرك ولا هيخسرها..

عليا : بس هي متستاهلش تكون امه

عبدالله بانفعال : كفايه بقى كفايه ياعليا الهام امه...خلفته وربته ست سنين وانا كنت اطلقنا ده مش هيحرمها حقها بابنها

عليا بانفعال وغضب : طبعا تلاقيك.حنيت

عبدالله بيأس منها : لا حول ولا قوه الا بالله انا هغور في أم الليله اللي مش معديه دي ..وخرج وسابها...

// عليا هوسها بسراج بقى مش معقول اتعلقت بيه اكتر من ابنها حابه فكرة السيطره عليه حابه فكرة طاعته العاميه ليها.  عشان بس يردليها الجميل عشان ربته .. مبسوطه بالفكره دي انها بتسيطر على حياة الكل مبسوطه بفكره ان سراج بيسمعالها بكل حاجه وناسي أن ابنها ذات نفسه مش بيسمع ليها.  بس مدام سراج ماشي بأمرها خلاص كل حاجه هامشي زي مهي عايزه زي حرمان اسر من الجواز من لبنى .. بس بعد ظهور الهام اكيد هتضيع تعبها ده كله .///

مكنتش عليا بتفكر كده لكن عقلها الباطن مصورلها كل ده بس هي مش معترفه بيه  وده كله هنشوف بالاحداث الجايه مرض عليا هيظهر اكتر... وأكتر 

********

في اليوم التاني..

الصبح نزل ايهم الشغل بدري في ورشته صيانة السيارات...عشان هو مهندس ميكانيكي ..

اول ما فتح باب الورشه وكان معاه عامل بيساعده وقفت عربيه جايه المنطقه غريبه.. لكنه اتصدم لما نزلت منها بنت لسا متمتش 18 سنه وباين عليها اصغر من كده معاها صحبها بنات وشباب وبيان أنهم شربانين.. لكن اللي جننه لبس البنات .. كانو ميسترش جسمهم حاجه الا قطع صغيره من الهدوم...

رمت البنت المفتاح عليه وقلت شوف العربيه بسرعه..

اتضايق جدا  من تصرفها ولسا هيرد عليها لكن اتكلم العامل بسرعه : انا هشوفها يا يامعلم ايهم 

- بسرعه عشان ورانا طريق طويل .. كانت بتتكلم معاهم بستنقاص وكأنهم بيشتغلوا عندها .

ايهم لف وشه بانزعاج  ودخل جوى عشان يغير هدومه...وهو بيقول اللهم ولك ياروح...

لكنه خرج على خناقه كبيره..

ايهم : في ايه. ايه اللي بيحصل هنا .

البنت : في أن الراجل ده مبيفهمش مش عارفه ليه مشغلينيه عندكم.

بص ايهم لمحمود وقال:  في ايه يا محمود..

محمود:  انا بس قلت إن عربيتها مش هتتصلح لحد بكرى ولازمها شغل كتير.

البنت بوقاحه : ده عشان انت مبتفهمش..انا مش عارفه ايه الاشكال اللي مشغلينها عندكم دي..

اتجنن ايهم هو كده كده خرج متعصب ومتخانق مع هنا.. تجي البنت العيله دي تكملها معاه..

بص ناحيتها بغضب : انتي قلتي ايه..

البنت : بقولك اختاروا اشكال كويسه يشتغلوا معاكم..

ايهم بغضب: بقولك ايه احنا كويسن ياطفله لكن الحق عاللي ركبك عربيه وانتي في السن ده .. اتفضلي خدي مفاتيح عربيتك وامشي من هنا.

البنت بغضب : انت بتطردني 

ايهم بنفاذ صبر : بقولك ياطفله انا مش ناقص وجع دماغ عالصبح بقولك خودي عربيتك وشلتك دي وفرقينا 

ولسا هترد عليها وهي متعصبها خدوها صاحبها بالعافيه من قدامه..

ايهم ايه الاشكال اللي بتتحدف علينا دي..

*********

لبنى فتحت عينيها بنعاس وكان سراج يغط في نوم عميق حاولت أمس ارضائه التخلص من مخاوفها كرهها لجسدها للمساته لها.  حاولت قدر المستطاع نظرت إليه مطولا دار شريط علاقتهما أمامها وكأنه فلم سينمائي قسوته عليها حنانه ندمه محاولة تعويضها قربه أنفاسه احتضانه قبلاته وأشياء كثيره جدا لاتعد ولا تحصى فعلها لكي ينسيها خطأه .. هي خائفه .. خائفه جدا أن تخسره كما رأت في منامها .  أن تخسر قربه حبه لها .

تململ في نومه ليفتح عينيه ويجدها تبتسم.. 

لبنى : صباح الخير .

سراج بابتسامه : صباح الحب قال كده وبأسها برقه جمب شفايفها.. 

لبنى : انت كويس...

همهم بأيجاب : هممممم 

سراج بيبص فعنيها بحب : امبارح احنا ..

لبنى دفنت نفسها بحضنه وقالت بكسوف :  كنت وحشني .

سراج حاوطها بذراعه وقلبه كان طاير من الفرحه وقال : وانتي بكل ثانيه بتوحشني ..

رفعت عيونها عليه وقالت : بجد.

سراج برفعة حاجب : عندك شك..

لبنى بدلال : تؤ..  وفتكرت حاجه بعدت عن حنه واتربعت عالسرير وقالت : صحيح امبارح متكلمناش عملت ايه مع مامتك..

اتغيرت ملامحه للضيق وقال : مفيش اتغدينا واتكلمنا وبس..

لبنى : بس كده..

سراج :اممممم.

لبنى : طب انت هتشوفها تاني..

سراج : شكلي هشوفها كتتير. 

لبنى : في حاجه مضيقاك...

سراج : انا طلع عندي اخت...

لبنى : بجد ودي حاجه بتزعل في ايه.

سراج : مش زعلان بس والا اقولك خلاص فكك..

لبنى : حبيبي اتكلم انا هسمعك.

سراج اعتدل : انتي قولتي ايه.

لبنى : بقولك انا بسمعك .

سراج :  لا لا لا قبل كده..قلتي ايه 

لبنى بتهرب :  انا هروح الحمام..

سراج شدها ليه ووقعت فحضنه وقال : لا والله هتقوليها تاني انا مصدقت..

لبنى بكسوف : سراج بس بقى..

سراج : قوليها عشان خاطري .

لبنى.:  هي ايه..

سراج بتذمر : اللي قلتها من شويه .يلاا بقى بلاش تتعبيني .

لبنى احمر وشها.وقربت منه وهمست ليه  حبيبي ارتحت..

سراج فاجأها و باسها  وهي حاولت تجاريه لكن...

**********

فلاش باك

سراج كنتي فين كل ده سبتيني ليه ومسألتيش عليا ليه.. مخطرش فبالك انا عامل ايه..  حياتي ماشيه ازاي .. باكل اشرب انام مش كل الامهات بيفكروا كده بيخافوا على ولادهم كده .. انتي ليه مفكرتيش بيا...

الهام كانت ساكته عاوزه يخرج كل اللي جواه من الوجع والقهر اللي شايله في قلبه طول السنين اللي فاتت..

لما سكت وفضل باصص ليها عاوز يسمع اي عذر عشان هو عاوز يصدقها .

الهام اتكلمت وعيونها امتلت دموع. كنت عيله عندي ستطعشر سنه لما قابلة شاب وحبينا بعض ...في يوم شافني اخويا بكلمه قدام المدرسه سحلني من شعري وفرج عليا الناس كلها.. انا عارفه اللي عملته غلط بس كنت طفله وفي حد مهتم بيها.  بالوقت ده كان أبوك متقدملي واهلي غصبوني عليه.  اتجوزته.. كنت بكرهه جدا.. مع أنه كان احن انسان قابلته اكشر في وشه اتعصب ازعق هو كان مستحملني..في كل حالاتي وجناني .. صدقني انا ندمانه ندم السنين اني مدتش لابوك فرصه وفتحت قلبي ليه وحبيته...لكن كل اما ابصله افتكر ضرب اخويا ليا واهانته ليا الذل اللي شفته افتكر اني اتغصبت عليه. معرفتش اكمل.  حاولت كتتير عشانك بس معرفتش.. طلبت الطلاق.. وابوك  حاول كتتير يمنع الطلاق بس انا كنت مصره رجعت لابويا اللي قالي بالحرف عاوزه ترجعي لبيتي تسيبي ابنك لابوه. انا يدوب اصرف عليكي انتي..

.مكنتش متعلمه ولا عندي شغل عشان كده شفت الافضل انك تفضل مع ابوك..

سراج بغضه : ياسلام .. اتخليتي عني بسهوله كده..

الهام : معرفتش اكمل

سراج بانفعال : خلفتني ليه خلفتي منه ليه .

الهام سكتتت

سراج : ده مش عذر انتي حتى محاولتيش تشوفيني كنت امرض بالشهور ومكنتيش تيجي تشوفيني انا عايش او ميت..

عشان سافرت الشاب اللي كنت معجبه بيه اتقدملي وسافرنا مع بعض .. وياريتني ماسافرت شفت اصعب ايام حياتي ضرب واهانه وذل كان بيشرب وبيتعاطى اهلي كان عندهم حق.. عرفت وقتها أن ظفر ابوك في رأسه..

سراج : طب مرجعتيش ليه ..

الهام : مكنش ينفع ارجع .. ابوك.كان اتجوز عليا صوؤكم كانت بتوصلني اول بأول من صاحبتي كنتو مبسوطين اوووي .من دوني...

وانا وقتها  خلفت منه بنوته ومعرفتش اسيبها وارجع

سراج ضحك بغصه : وسبتيني عادي..

الهام يتأثر ودموع : كفايه ياسراج انا قلبي وجعني وندمانه كفايه عشان خاطري..

سراج : عايزاه مني  ايه دلوقتي. 

الهام : عاوزاك ترجع لحضني.. يابني انا  لوحدي في الدنيا دي جوزي مات ومعنديش الا بنت وحده مطلعه عيني سفر وخروجات فاكره نفسها راجل وانا معرفش اسيطر عليها لوحدي..

ضحك بغصه وقال : حتى لما رجعتي بعد السنين دي كلها راجعه عشان اهتم ببنتك 

الهام مسكت أيده وقالت:  يابني.

سراج شد أيده وحاول يهدي نفسه ...

بااااااك..

فاق من شروده وهو في البانيو سرحان. فوقه من شروده  خبط على باب الحمام..وسمع صوتها اللي بيعشقه..

لبنى بقلق:  سراج انت كويس .

سراج : ايوا ياحبيبتي شويه وهخرج

لبنى:  الفطار جاهز ومامتك بتندهلك..

غمض عنيه وخرج من البانيو ولف المنشفه على جسمه وخرج.. لبنى : انت ازاي تخرج كده ياسراج هتاخد برد ولسا هتلق تجيبله هدومه .

سراج شدها ليه و حاوط خصرها وقال: خديني بحضنك عشان ادفى..

احمر وشها واتكسفت وهمست بخجل: طب البس بسرعه عشان نننزل باس رقبتها وقال أوامر تانيه افلتت نفسها بصعوبه وهي تقول: أنا هسبقك..ونزلت بسرعه...

رواية ليله واحده لا تكفي 51

نزل سراج وكان الكل متجمع عالفطار قعد جمب لبنى وهو بيقول صباح الخير

رد عليه والده وعليا اللي فضلت باصه ناحيته عاوزه تفهم ايه اللي بيحصل معاه..

عبد الله : انت الفتره دي اجازه مش كده ..

سراج : ايوا يابابا ..

عبدالله : طيب ايه رايك تنزل الشركه معايا 

سراج : معلش يابابا انا ماليش في شغل الشركات وانا واخد اجازه عشان ارتاح..

عبدالله : برحتك 

عبدالله كان حابب يعرف ايه اللي بيحصل معاه ووالدته كانت عايزه ايه منه ..

سراج خلص اكل.  ووقف عشان يمشي..

عليا : على فين انت ملحقتش تفطر .

سراج بهدوء. : شبعت ياماما عافيه عليكم .وبص ناحية لبنى وقالها انا هستناكي في الجنينه اجهزي عشان نروح تتعرفي على ماما الهام ..

عليا ضربت ايدها عالطاوله وقالت : انت بقيت بتعامل كده ليه ايه البرود اللي انت فيه ده .

انتفضت لبنى بخوف وعبدالله مسك عليا وهو بيقول : عليا .

عليا : دلوقتي عرفت أن ليك ام غيري

سراج : ماما ارجوكي..

عليا باندفاع : انت قلتها ماما انا امك..انا امك الوحيده ياسراج انا وبس..

صرخ فيها عبدالله : كفايه ياعليا خلاص..

سراج مسح وشه وحاوط وشها وقال : انتي امي وحبيبتي ومكانك مفيش حد هياخدوا بقلبي .. بس برضو هي امي .. انا مستحيل اتخلى عنها وعن اختي .

عليا اتصدمت : اختك هي كمان عندها بنت ..

سراج بص ناحية لبنى وقال : اجهزي يالبنى عشان نروح..

عليا بانفعال : عاوز تعرف مراتك عليها... بالسهوله دي سامحتها .. دي هربت مع عشيقها وسأبتك وانت لسا صغيره 

- مهربتش صرخ سراج لما بدأت تقول كلام جارح عن أمه..

دمعت عليا وهي بتقول هي حصلت تعلي صوتك عليا ياسراج  وجريت على اوضتها 

عبدالله بعتاب: ليه كده يابني .

سراج مسح وشه وحاول يهدي نفسه وقال : انا اسف مكنش قصدي... هطلع اكلمها..

عبدالله بتفهم : سيبها دلوقتي لحد ما تهدي..

سراج. .

لبنى طلعت أوضتها بسرعه اول مره تشوفه منفعل كده وعلى مين على عليا اللي كان بيحبها اووي .

جهزت نفسها ونزلت كان بيتكلم مع باباه في الجنينه .. 

سراج:  انا هاخدها هي وفرح عشان يعيشو في شقتي يابابا ام سعيد هتاخد بالها منهم..

عبدالله : هي والدتك وضعها المادي سيء لدرجادي ..

سراج : لا بالعكس جوزها سابلها خير . بس انا ببقى مطمن وبرضو فرح هتكون تحت عنيا. .

عبدالله : اللي تشوفه يابني....كنت حابب اقولك جيبهم يعيشو هنا لكن انت عارف امك هتعمل ايه .

سراج : متشغلش بالك كل حاجه هتتحل .

- انا جاهزه قالتها لبنى وهي واقفه بتوتر وخوف مش عايزه تعادي عليا هي مصدقة والعلاقه مابينهم اتصلحت وبرضو عاوزه تكون جمب سراج وفظهره .

طلعت العربيه جمبه وكانت مرتبكه .

سراج:  مالك ياحبيبتي..

لبنى : انت اول مره تتعصب على مامتك..

سراج اتنهد وقال : عشان مش عارف اعمل ايه ولا الصح فين انا مش هعرف ارمي لحمي يالبنى... امي واختي مش هعرف ارميها كده ومسألش عليهم هما اه مش محتاجين مني حاجه ماديه بس ماما الهام قالت إن فرح تصرفاتها مش سويه ومحتاجه حد ياخد بايديها ..

لبنى : بس مامتك عليا هتزعل منك..

سراج : متخفيش هعرف أراضيها لما ارجع .

لبنى بشك : متأكد

مسك أيدها وبأسها وقال : متشغليش بالك انتي ..

مسحت وشه بكفها وقالت :  المهم انت تكون بخير ..

باس باطن كفها بابتسامه وقال:  إن شاء الله كل حاجه هتبقى حلوه في حياتنا .. 

*******

وصل سراج مع لبنى الفندق اللي قاعده فيه مامته واخته .. وقدام الجناح بتاعهم خد نفسه اول مره هيشوف فيها اخته.. فتحت امه الباب وخدته بالحضن يااااه قد ايه وحشها مش عايزه تسيبه ولا يبعد عنها .ابدا. 

بعد عنها وعرفها على لبنى: دي لبنى مراتي..

الهام : بسم الله ماشاء الله ..

لبنى: ازيك ياطنط..

الهام بحب : الحمدلله ياحبيبتي.. زي القمر.

لبنى اتكسفت..

الهام : اتفضلو تعالو ادخلوا ..

سراج قعد وهو بيبص مستني اخته تخرج عشان يشوفها.. لكنها مخرجتش..

سراج : هي فرح فين..

الهام بحزن:  معرفش يابني .

سراج باستغراب : متعرفيش ازاي خرجت من بدري يعني.. عندها مدرسه أو كليه. 

الهام بتوتر: هي مروحتش من امبارح .

سراج بصدمه : ايه وحضرتك ازاي تسيبيها كده..

الهام : والله يبني حاولت معاها البنت بعد موت ابوها مش عارفه اسيطر عليها .

سراج :ازاي وال.. مسكت أيده لبنى وقالت بهمس سراج اهدي ياحبيبي..

خرج فونه وقال هي ممكن تكون فين متعرفيش حد من صحابها.. 

الهام هزت رأسها بلأ في الوقت ده دخلت فرح.. واتصدم اول ما شافها هدومها مش مناسبه  ابدا لبنت في سنها ومن عيله كبيره ومحافظه ومحترمه.  غير كده واصله البيت تعبانه ومطفيه من الشرب بصت ليهم ببرود ودخلت الأوضه في الجناح واترمت عالسرير ونامت..

سراج كان هيتجنن لماشافها كده..

والهام.مش عارفه تودي وشها فين من الكسوف ..

سراج بانفعال : مين دي..

لبنى: اهدى .

سراج : اهدي ايه هي دي فرح ياماما ..

الهام..

سراج بانفعال : دي البنت اللي المفروض اختي..

الهام..

سراج اتجنن ودخل الأوضه بتاعتها ودلق عليها ميه بارده وشهقت برعب

وقفت بصدمه والمايه ماليه هدومها وشعرها انت مجنون انت مين وداخل اوضتي كده ليه .

سراج بغضب : انا اللي هربيكي يابنت امي..

فرح : بنت أم ممين ...مين ده ياماما .

الهام ده اخوكي..سراج اللي قولتلك عليه 

فرح بغضب : اخويا مين انا معنديش اخوات .

سراج اتعصب اكتر وقال بأمر : خليها تغير الزفت اللي لابساه وتخرج تكلمني بررا.. قال كلامه وخرج وهو متعصب 

لبنى كانت مرعوبه من منظره وشكله وهو متعصب ..

بعد.مده خرجت الهام بارتباك..

وقالت:  سراج ياحبيبي  هي لسا صغيره يابني خدها حبه حبه بشويش كل حاجه هتتحل.

سراج وهو بيحرك رجله بطريقه هستيريا : الست هانم.مخرجتش ليه ..

الهام : مش راضيه تخرج..

سراج مسح وشه وحاول يهدي نفسه وقال : طيب ياماما انا هدخلها ..

الهام : سراج يابني ارجوك بشويش عليها البنت  لسا صغيره 

دخل سراج عليها وكانت غيرت هدومها بس مفرقش حاجه كتتير.

سراج انا مش قولت الزفت دول يتغيروا

فرح : بقولك ايه انت  مالكش تتحكم بيا  وتتدخل في حياتي انت فاهم.. واتفضل اطلع برررا

سراج اتعصب مسك دراعها. بغضب وقال: بنت انتي متعرفنيش تدخلي تغير الزفت اللي لابساه ده مش هتمشي بقميص نوم في الشارع

فرح : قميص نوم ايه يا متخلف دي هدوم خروج

شدد قبضته على دراعها لحد ما صرخت من الوجع وقالت باستسلام  خلاص خلاص هغير زقها عالحمام وقال لأمه شوفيلها اي هدوم تستر فيها نفسها.  

استني ياماما مفتاح العربيه بتاعها فين

أدته المفتاح وخده ومشي ناحيت شنطتها وخد كل بطاقات البنك والفلوس....

***********

رجع ايهم البيت وكان عاوز يصالح هنا بس مش هاين عليه يعتذر لها ..

دخل المطبخ وهي كانت بتحضير الاكل. ومكشره 

وقال: بعبوس انا جعان

هي بزعل : هخلص وأحط الاكل..

ايهم بانزعاج : متتأخريش هغير واخرج تكوني خلصتي .

هنا كانت مكشره ومخصماه عشان هي رافضه فكره الخلفه دلوقتي. عشان عايزه تقظي السنه دي معاه لوحدهم . لكن هو عاوز عيال..

حضرت العشا ولسا هتمشي وتدخل اوضتها مسك دراعها وشدها ووقعت بحضنه..

ايهم حاوطها بذراعه : انت بتزعليني وفوق كده بتخاصميني.

هنا بانزعاج طفولي : انا معلمتش حاجه انت من امبارح مبتتكلمش معايا ومكشر طول الوقت

ايهم : مش انتي اللي غلطانه..برضو

هنا انفجرت في العياط..كانت من امبارح مخنوقه مش مستحمله زعله وبعده عنها 

ايهم ندم وحضنها طب خلاص انا اللي غلطان ياستي 

هنا : طبعا انت اللي غلطان.. انا معملتش حاجه كانت بتقول كلامها بشهقات وكلام مش مفهوم ومش مترتب انا.. عشان .. كنت .. عاوزه.. نكون .. مع .. بعض السنه . دي .. بس .. انت ... فاكر...اني ..مش عايزه... اخلف..

ايهم مسح دموعها وقال: انا مقولتش كده اهدي.. انتي بتترعشي كده ليه خدي نفسك ياروحي..

لكنها مكنتش عارفه تاخد نفسها ولسا بتعيط.. من غير مايحس شفايفها وهي بتعيط شدوه ورباسها وهي لسا هتزقه نسيت نفسها وجارته باللي بيعمله وووو

**********

فرح :يعني ايه هتحبسوني هنا انتي وابنك اللي معرفش طلعلي منين .. لا بقى ده مجنون رسمي خد العربيه والفلوس وبطايق البنك حتى موبايلي خده مني.. والله هطفش واسيبلكم البيت

الهام : اعقلي يافرح اعقلي اخوكي عاوز مصلحتك 

فرح : عاوز مصلحتي والا طمعان في فلوسي..

الهام بانفعال : فلوس ايه ده سراج عنده اكتر من اللي عندك بس هو خايف عليكي من روحك.

فرح : انتي اللي مليتي عقله بالتخاريف دي.

الهام : بنت انتي قليلة الادب..

فرح بوقاحه :مش انتي اللي ربتيني .

الهام مش عارفه ازاي ضربتها اول مره تعملها 

فرح عطيت وجريت على اوضتها وجهزت شنطتها عاوزه تمشي لكنها اتصدمت بسراج موقف حرس قدام البيت ..

********

لبنى : مش قسيت عليها اوووي ياسراج مينفعش تتعامل معاها كده هي لسا صغيره 

سراج : المفروض اقسى عليها هي مش في أوربا لاتربيتنا ولا أخلاقنا ولا دينا يسمح باللي بتعمله ده حتى في أوربا ميسمحوش في المشروب في سنها ده .

لبنى : طب عشان خاطري خدها حب حب .

سراج : مينفعش انا لو ماشديت عليها كده هتضيع نفسها هي اساسا في عمر حرج...

لبنى برجاء : طب يا

سراج بمقاطعة : طب انتي بدل المناهده دي ماتيجي تشوفي كتفي معرفش ماله..

لبنى بقلق : ماله 

سراج بكدب : تعالي شوفي شادد عليا اوووي

لبنى : وريني كده ولسا هتقرب منه قلب عليها وبقت تحته وبأسها وووو

************

بعد اسبوع 

صالح سراج امه عليا وحاول يجمع اهله كلهم وعمل عشا عائلي عزم فيه والدته واخته وعزم هنا وأيهم عشان يتعرفوا على والدته واخته .

ايهم اول ما شافها عرفها لكنه متكلمش ولا حسسها أنه عرفها ..

اجتمع الكل على الاكل وكانت فرح مركزه مع ايهم اوووي وبتغمزه في عيونها بتعمل كل ده عشان تحرج سراج قدام نسايبه .... هنا في الاول مكنتش ملاحظه.. لكن نظرات فرح لجوزها المريبه ضايقتها... جدا..

في الوقت ده كان ايهم بياكل ومتجاهل وجودها وبيتكلم مع عبدالله في الشغل واحيانا سراج بيشارك في الكلام سراج اللي  كان مركز على علاقة عليا والهام ..وبيحاول يقربهم من بعض..

اما لبنى كانت مشغوله بالاهتمام بالضيوف وواقفه مع اللشغالين على طلباتهم..

ايهم وهو مركز في الأكل وبيتهرب من بصات العيله الصغيره دي.. حس بحاجه بتمشي على رجله ..رفع وشه وغمزته وهي بتعض شفايها .. كانت بالتحرش بيه من تحت الطاوله ...

اتضايق ومحبش يعمل حاجه او يحرج الناس اللي هو عندهم.  استئذن ودخل الحمام..

مكنش متخيل انها جريئه لدرجه انها هتحصله قفلت باب الحمام ووقفت قدامه لما حاول يخرج 

ايهم : انت بتعملي ايه ... ايه اللي جابك هنا ...

فرح بدلع : انت بتهرب تبص فعنيا  ليه هو انت معرفتنيش ...

ايهم:  لو سمحتي ابعدي عن الباب احنا في بيت محترم احترمي وجود اهلك.

فرح عضت شفتيها : وانا عملت ايه يعني قالت كلامها وهي بتقرب منه بدلال...

ايهم كان عاوز يخرج لكنه اتصدم لما باستها وهي محاوطه رقبته وووو

يتبع...

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا