رواية فى حصار قلبه الفصل السابع عشر 17بقلم ميادة يوسف الذغندى حصريه في مدونة قصر الروايات
رواية فى حصار قلبه الفصل السابع عشر 17بقلم ميادة يوسف الذغندى حصريه في مدونة قصر الروايات
#_الحلقة_السابعة_عشر
#_رواية_فى_حصار_قلبه
#بقلم_ميادة_يوسف_الذغندى
فى فيلا النوافعى........
الكل متجمع على السفرة ، ساعة الفطار الصبح ، نزل شهاب وملكة ......
شهاب ......
صباح الخير على الجميع
الكل لحظه ماشافوا شهاب شهقوا من منظره
عبد الرحمن.........
رفع عينه له ، وتكلم باستهزاء ، الواحد يسافر برة ويتعلم ، ويدرس ويرجع دكتور كبير ، واستاذ فى الجامعة ، وجراح كبير ، وفى الاخر يقف يتخانق مع حته فسل صغير ، ماعندوش غير الصرمحه والفلات بيعملهم فى حياته
شهاب .....
ميل عليه ، صباح الخير ياجدىىىى. اللى يتعدى حدوده اوقفه عندها ، وسيرة اهل بيتى لو جت على لسان حد اقطعهولوا
كريمان .....
مين بس اللى اتعاركت معه ، مين ده
الغفير .....
ابا الحاج عبد الرحمن، فيه واحد من المركز برة عايز دكتور شهاب
شهاب........
ايه ، راح اشتكى زى النسوان، يامرحب
عبد الرحمن.......
المركز ، ومين استجراى يروح ويجب سيرتنا ، دخلوا القاعة بسرعه وانا جاى
الغفير........
حاضر ياأبا الحاج
بعد وقت بسيط........
دخل شهاب وعبد الرحمن عند العسكرى
العسكرى .......
قام يسلم على عبد الرحمن، اهلا ابا الحاج عبد الرحمن، ايدك ابوسها
عبد الرحمن........
مناع ، خير ايه جابك قول اللى جرا
مناع.......
بص على الدكتور شهاب ، وكان متردد انه يتكلم ، الصراحة ، الحكايه تخص دكتور شهاب
شهاب.........
قعد وحط رجل على رجل ، راح اشتكى العيل ، قول اللى عندك
مناع.......
الصراحه ، متقدم فيك بلاغ
شهاب.......
ايوه ايوه ، عارف وكتب بلاغ رسمى يعنى ، ناقص ربايه
مناع .....
هو مين لا مؤاخذة ؟
شهاب ......
شاور بايده ، انت جاى ليه دلوقتى
عبد الرحمن........
خبط على المكتب ، اسكت ياشهاب خلينى افهم ، فيه ايه ؟
مناع.........
أمضى هنا يادكتور شهاب
عبد الرحمن......
ايه ده، ورينى كدة ؟!
مسك الورقه وقراها ، ايه وقعد ساكت مصدوم من اللى قرها
شهاب ......
ايه ياجدى ، مكبر الحكاية ليه ، حته عيل وهعيد ربايته من جديد ، ورينى كدة قايل ايه فى البلاغ ، ومسك الورقه وقراها ، قعد على الكرسى مستغرب ، وفاتح بوقه ومبرق عينه ، ايه سلوى ، معقول وصلت لكدة ، ضرب وطلاق ليه كل ده ، وكمان بلاغ فى النيابه ، وجن جنونه .......
دخل الكل على صوت شهاب وهو ثائر، بيزعق بصوت مجروح وغاضب...
شهاب....
سلوى تعمل كده؟!! تكتب بلاغ فىّ؟!! بعد كل اللى عملته عشانها؟!!
عبد الرحمن....
بس ياولد، اقعد، اقعد خلينى افهم الأول
شهاب....
مافيش كلام يتفهم يا جدى، دى اتجننت!
كريمان.....
سلوى؟! بتتلكم عن مراتك يا شهاب؟! هى عملت فيك ايه؟
شهاب....
(بصوت متقطع من الغضب)
كتبت بلاغ فىّ يا ستى كريمان، بتتهمنى إنى ضربتها وطردتها من البيت!
عبد الرحمن....
(قام واقف، والغضب باين على وشه)
إنت ضربتها فعلاً يا شهاب؟!
شهاب....
أنا؟! أنا أمد إيدى عليها؟! ومالوا مرتى وغلطت وبربيها ، تقوم تكتب بلاغ وتطلب الطلاق فى النيابه ،
ده أنا لو زعلت منها كنت بسيب البيت كله وامشى عشان ما أظلمهاش... بس شكلها ما صدقت!
دخلت ملكة........
اهدى طيب ، واتصل عليها وكلمها ، شوف عملت كدة ليه
بسرعة، باين عليها .......
هو اللى حصل بينكم يوصل لكده؟! دى سلوى كانت بتعيط امبارح قدامى وووووو
شهاب....
(بانفعال)
كل اللى حصل وجوازى منك كنا متفقين عليه ، وهى عارفه اى خطوه هاخدها ، دانا اللى كنت رافض وهى اللى كانت بتشجعنى على الجوازة دى ، تقوم تقول انى اتجوزت من وراها
ملكة .....
اول لما سمعت كلام شهاب ، رجعت لورا واتخبطت فى الحيطه ، متأثره من كلام شهاب ، وحطت وشها فى الأرض
عبد الرحمن....
(صرخ بصوت عالي)
لما لاحظ ، حركة ملكة ،
كفااااية! البيت بقى فوضى! كل يوم حكاية، وكل يوم فضيحة!
كريمان....
بس الحق يتقال يا عبد الرحمن، الولد مظلوم... سلوى دى من يومها مش مظبوطة، ودماغها ناشفة.
شهاب....
(ضرب المكتب بإيده)
ناشفة؟! دى عاملة بلاغ فىّ يعنى فضيحة رسمى!
عايزة تشوفنى متبهدل!
بس والله ما هسيبها، لو قلبت الدنيا هرجع حقى
عبد الرحمن....
(بصوت غليظ، لكنه فيه وجع واضح)
شهاب، خُد بالك من تصرفك... إنت دكتور، واسمك فى البلد له تمن
ماينفعش تتحرك بغضب، هات محامى يشوف الموضوع، واللى غلط لازم يتعاقب
شهاب....
(بصوت منخفض بس فيه نار)
سلوى افتكرتنى هسكت... لا، المرة دى هتعرف يعنى إيه لما تظلمى راجل مكنش ليه ذنب غير إنه حبك بصدق
كريمان....
(بهمس وهي تبص على عبد الرحمن)
شايف الولد بيولع إزاى... دى نهاية اللى بيتجوز واحدة مالهاش أصل
عبد الرحمن....
(بصوت حازم)
اسكتى يا كريمان، الموضوع كبير، ومالوش وقت كلام ستات.
(يبص لشهاب)
شهاب، روح ارتاح، وأنا هكلم المحامى ونشوف إيه الورق اللى اتقدم ضدك، بس أوعى تعمل حاجة تندم عليها
شهاب....
(بيطلع من القاعة بخطوات سريعة وغضبه واضح)
مش هسيبها، والله ما هسيبها
خرج وهو بيكلم نفسه بصوت مسموع...
شهاب..........
سلوى... كنتى آخر حد أتوقع يغدر بيا... بس خلاص، اللى بينا انتهى
الكل واقف مصدوم من اللى حصل، وعيونهم متبادلة نظرات خوف وترقب...
كأنهم عارفين إن اللى جاي مش سهل، وإن العاصفة لسه ما بدأتش.
سلوى........
كانت بترن التليفون بتتصل على سمير ..... .....هو كان شايف الاتصال من امبارح بس كان رافض يرد عليها ، تحسبا انها تسحب البلاغ
سمير .....
فتح الفون ، اهلا ياسلوى ، ايه مالك كل ده اتصالات
سلوى .......
اخيرا ، ردت ، ايه مش بترد عليا ليه ، المهم قول للمحامي مش يرفع القضيه ، خليههههه
سمير .....
كان على عينى ياست ، البلاغ وصله خلاص ، انتهى والفيلا عندهم والعه ولسه النار مكمله
سلوى .......
ياخرابى ، ايه بتقول ايه ، كل حاجه ضاعت ، وراحت ، شهاب هيقتلنى اكيد
سمير .....
ومالوا خليه يخلص عليكى، اهى مصلحة بردوا ، قتلك حلال ، ودورك عندى انتهى ، بس والله لو فكرتى تسحبى البلاغ والقضية، هتكون فديوهاتك مع حبيب القلب مغرقه تليفونات العالم كله فاهمه وكان عصبى وهو بيتكلم
سلوى .....
ابوس إيدك ياسمير ، مش هتستفيد حاجه ، اما تعمل كدة ، اعتبرني اختك واستر عليا
سمير......
اختى ، دانتى لو اختى اقتلك بايدى دى ولا أسمى عليكى ، إياك تتصلى عليا تانى فاهمه
سلوى......
الوالو الو ، قفلت ياحيوان ، ورمت الفون من ايدها ، وقعدت فى الأرض، تعيط ، انا السبب، انا استاهل كل ده ، ازاى ماعملتش حساب ربنا ، ازاى بعت نفسى للشيطان ، ورخصت نفسى للكلب رامى
ازاى مااحترمتش الراجل اللى أدنى كل حاجه ، وعمره مااستخصر فيا حاجه ، وأثناء كلامها مع نفسها ، دخلت عليها حبيبه ......
حبيبه .....
مالك فيه ايه ياسلوى ، عامله فى نفسك كدة ليه ؟
سلوى ......
انااااا واغمى عليها
حبيبة .......
جريت بسرعه تجيب برفان تفوق فيها ، مش بتفوق ، طلبت لها الاسعاف.......
عند شهاب........
متعصب فى أوضة نومه ، دخلت عليه ملكة وهى عامله كوبايه لمون له ، مدت ايدها ، له بالعصير
شهاب......
بص لها ، وكانت عيونها كلها دموع ، وواضح عليها الغضب والزعل ، مد إيده واخد العصير
شكرا ياست البنات
ملكة .....
العفو ، عن اذنك
شهاب ....
شدها من ايدها ، رايحة فين ، خليكى هنا
ملكة .....
نازله الجنينه
شهاب .....
انا اسف ، الكلام اللى قولته ، كان غصب عنى
ملكة .....
وايه الجديد ، انا كدة فعلا ، عبارة عن قطعه شطرنج، ده يحركها وده يحركها ، وهنا تقف ساكته حاضر ونعم وبس
شهاب .....
انا قولت لك من الاول ، جوازنا جواز مصلحه ومنفعة ، وبقى امر واقع ، ومافيش مكان للعواطف فيه
ملكة ....
يمكن مش فيه مكان للعواطف ، بس فيه مكان نراعي فيه تصرفنا وكلامنا وشعور الآخرين يادكتور
شهاب .....
شاور على نفسه ، انا زى زيك ، فى نفس الخانه ياملكة ، مش بعيد عنك ، بالعكس ، دا بقى واجبى انى احميكى وحاصرك من اى حد واى شئ
ملكة ....
حطت الصنيه ، على الترابيزة، ورفعت وشها له ، وانا بعفيك من حمايتك دى ، مش بطالبك بيها
شهاب .....
رمى كوباية العصير من إيده، ايه قولتى ايه ، انتى التانيه ، كانوا مجانين انتوا
ملكة ....
اول لما جمعها ، مع سلوى ، جن جنونها وصوتها على ، اه طب اسمع بقى يادكتور ، بلاش تعيش دور الضحية المجنى عليه ، والمخدوع فى مراته ، لأنه مش لايق عليك بصراحة ، وانا وهى مش هننحط فى خانه واحدة ابدا
شهاب ....
صوتك عالى شويه ، وبعدين اللى هو ازاى يعنى
ملكة .....
تراجعت خطوتين لورا ، ماهو بالعقل لو بتحبك اصلا ، مش تتفق معك تتزوج واحدة تانيه ، لاء وتزقك على كدة ، تحت اى مصلحة هتطلع هى بيها ، الا اذا كان الزواج نفسه من واحدة تانيه هى المصلحة نفسها .
شهاب ......
بيهز راسه ، يعنى ايه مش فاهم ؟!!
ملكة ....
دور انت بقى يادكتور وشوف ، وأن كان على البلاغ اللى هنا فهو رد فعل للقلم اللى ضربته لها مش اكتر ، ومش تنسى من أعان ظالم اعنه الله عليه
وخرجت راحت البلكونه ، وافتكرت اللى حصل .......
عند سلوى ......
جت عربيه الإسعاف ونقلتها للمستشفى ، وهناك كانت حبيبة ورامى
حبيبه .....
انا اسفه يارامى ، انا طلبتك انا عارفه انك كنت هتسافر النهاردة سينا بس معلش مش معى حد هنا ، وسلوى هى اللى فاضله لى بعد وفاة ماما وبابا الله يرحمهم
رامى .....
عيب عليكى تقولى كدة ، احنا اخوات ياحبيبة ، ربنا يعلم غلاوتك فى قلبى ، انتى مش مرات اخوى وبس انتى اخت لى ، بس هما اتأخروا جوه عندها ، ولا ايه ؟!
حبيبه ....
اه ، اخبط وادخل اشوف فيه ايه ؟
رامى ......
اهو الدكتور خرج اهو، وراح له ، خير يادكتور طمنا
الدكتور .....
خير ، ان شاء الله، انت جوزها ؟!
حبيبة........
لاء دى تبقى مرات دكتور شهاب النوافعى ، واختى الكبيرة ، خير طمنا مالها
الدكتور .....
حقيقه هى .......يتبع
ياترى مالها سلوى ايه الحالة بالظبط ؟
وملكة افتكرت ايه وايه الحكايه ؟
ورد فعل شهاب ايه ؟
هنعرف فى البارت القادم من رواية
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا