سكريبت مالك يا انسة هند؟ كامل وحصري لمدونة قصر الروايات
سكريبت مالك يا انسة هند؟ كامل وحصري لمدونة قصر الروايات
- مالك يا انسة هند؟ هما قعدوكي معايا غصب ولا ايه
= اه
- اجابة غير متوقعه بالمرة.. امشي طيب؟
= ياريت
- اجابة غير متوقعه اكتر من الى قبلها.
= حضرتك من البدلة وتسريحة الشعر و الهيئة العامة واضح انك راجل عملي و جد و دمك تقيل
- افندم!
= انا صريحه
- صريحه ولا هند
= ايه دم الصراصير ده؟
- اسف..
= ما علينا.. عشان برضو ابقي اديتك حقك تقدر تقولي كان في كام قزم مع سنوايت؟
- ايه؟ فين؟
= اممممم.. طب تقدر تقدر تنه و رنه عملت ايه في حجر القمر لما اتكسر منها خشروميت حتة؟
- هو الخروشميه ده رقم جديد اخترعوه!
= لا ده انت هتاخد ماينص كده !! ما تركز
- ماينص في ايه بالظبط هو احنا فين وبنعمل ايه!
= انت مش متقدم لي!!! وخالتي واكله دماغي بيك هي وامي عمالين يقولولي مهندس مهندس! مش فاهمه ان ده ذم اصلا وهيخليني اتقفل..!
- المهندس ذم!!
= اه بكره المهندسين و دمهم يطلش!
- طب وبالنسبة لمشاعري!
= انت لحد دلوقتي مش مجاوب ولا سؤال صح
مشاعر مين؟؟
- انا عايز افهم برضو اية الاسئلة دي وليه بتسألها وانا متقدم للجواز.. هو انا عشان معجب تبهدليني؟
= دي اسئلة من ديزني لاند.
- ليه هو انا متقدم للأميرة روفانزل
= وكمان بتتلخبط في اسمها؟؟ ده انت مرفوض قطعاً
- طب استهدي بالله بس.. انا طفولتي كانت صعبه والله مكنتش بشوف الحاجات دي
= مش هننفع لبعض خلاص يا استاذة زين يا مهندس
- طب اديني محاولة اخري..
= الفار الطباخ اخوه كان اسمه ايه؟
- ده كان في ديزني برضو ولا ده فار صاحبك من بلاعه
= هنهزر؟ مش عارف طبعا اسم اخوه ولا حتي اسمه؟
- اسم مين؟
= الفار الطباخ! طب بيحب ايه؟
- كان بيحب الفارة صاحبتة؟
= يأخي بقولك الفار الطباخ!!!!
- كان بيحب اخوه؟
= لا إله إلا الله.. صدقني مش هننفع سوا.. طيب سؤال سهل طيب ايه العنوان الى كانت بتقوله دوري في رحلة البحث عن نيمو..
-..........
= طيب السمك صحاب مش ايه؟
- مش اخوات؟
= مش طواجن !! السمك صحاب مش طواجن!
- بس انا بحب طاجن الجمبري..عادي معاكي ولا ايه.؟
= استاذ زين
- ايوه
= حضرتك مرفوض..
- جيم اوفر يعني؟
= اه بالظبط
- طيب مينفعش محاولة تانيه!
= قصدك خشروميه النتيجة هتبقي هي هي عموما.
- هذاكر واجي طب
= سبني افكر
- هقولهم انك محتاجه وقت تفكري.. وهبقي اجي تاني ان شاءالله..
= ماشي تمام ربنا يسهل.
>>>>>>>>>>>>>>>>>>>>>>>>>>>>>>>>>>
" بعد مرور فترة "
- مساء النور يا استاذ زين..
= أهلا.. انا سعيد جدا انك ادتيني فرصه تانيه يمكن يحصل بينا نصيب وجاهز للأسئلة و حقيقـ..
- الأميرة روبانزل كانت مربيه حاجه كده معاها ..
= حرباية لونها اخضر.
- هايل..!! و الأميرة بيل.. كانت بتحب هواية معينه
= قراءة الكتب.
- هو حضرتك بتبص فين؟
= لا ابدًا كملي
- أوكيه.. شركة المرعبين محمد هنيدي كان اسمه ايه
= كورتي البعبع.
- طب و البنت؟
= كان اسمها بو
- طب كانت بتقول لشلبي سولفان ايه؟
غمزلها: قطتي
= احترم نفسك
- هو الى بيقول مش انا!
- امممم طيب لو كده يبقي ندخل في التقيل
= هو فيه اتقل من الى فات..!
- اه.. هقولك جمله وتقولي من انهي كرتون
= احم.. ربنا يستر
- كانت ( انا جعان يا ماما..جعان..! اقدر اكل فيل بحاله.)
= ده انا ده..
- بتقول ايه؟
= هاه؟ لا مش عارف الحقيقه!
- دي كانت من كرتون 101 كلـ.ـب!! ازاي متعرفهاش!
= معلش .. اوعدك هشوفه
- ما علينا .. هديلك فرصه تانيه..
= صديق تنه و رنه كان اسمه ايه..
- انهي بالظبط!
= الى ساعدها لما حجر القمر اتكـ..ـسر !!!
- نديم؟
= تميم !! اسمه تميم! طب صديقها التاني؟ الى كان بينور كان معاهم برضو في نفس الجزء
- اه.. ده بقا عارفه كان اسمه عريق
= نعم ؟ عريق ده جوز اريل !! حورية البحر
- يادي النيلة الحاجات دخلت في بعض
= صديقها التاني كان اسمه بريق ده انا لمحت لك و قولتلك لك بينور !!
- معاكي حق دي غلطتي.
= طيب السمك صحاب مش ايه؟
- مش طواجن.. دي قالها القرش في السمكه نيمو
= شاطر.. اخر سؤال بقا ..
- ياه اخيرًا اتفضلي
= السؤال ده مهم جدا.. لما الدنيا تديك ضهرها بتعمل ايه؟
- ولا حاجه هصلي ركعتين وادعي ربنا
= لاء !!!
- لاء ايه؟ هنكفر بقا ؟
= اقصد دي جمله كرتون كملها!!
- لما الدنيا تديك ضهرها؟ امشي و سيبها ولا ايه
= تدي ضهرك للدنيا !!
- طب اخر فرصة اوهانا معناها ايه ؟؟
= مش بتكلم صيني والله!!!
- استاذ زين هو ايه الى طالع من كم البدلة ده؟
"قربت وشدتها طلعت ورقه كبيره"
= ايه ده؟؟ !! حضرتك مبصمج الأسلئة !!! يا خبر !! انت عرفت منين اني هسأل في الحاجات دي!!
- الست الوالده غششتني
= ماما!!!
- حفظت الى قدرت عليه والله
= وايه لازمتها كل ده يعني ؟
- هي البعيده حمـ.ـار..؟ بحبك!
= ايه؟!!
- بحبك...! لا اتصدمي بعدين حد يكلم المأذون انا طلع
عيني عشان احفظ الورقة..!
>>>>>>>>>>>>>>>>>>>>>>>>>>>>>>>>>>>
تمت.
تعليقات
إرسال تعليق
فضلا اترك تعليق من هنا