رواية فى حصار قلبه الفصل الأول 1بقلم ميادة يوسف الذغندى حصريه في مدونة قصر الروايات

 رواية فى حصار قلبه الفصل الأول 1بقلم ميادة يوسف الذغندى حصريه في مدونة قصر الروايات 

رواية فى حصار قلبه الفصل الأول 1بقلم ميادة يوسف الذغندى حصريه في مدونة قصر الروايات 

#_الحلقة_الأولى

#_رواية_فى_حصار_قلبه

#_بقلم_ميادة_يوسف_الذغندى 

فى إحدى قرى مصر ::

العمدة......بصوت عالى ، يابنى شهل وانصب الخيمة خلصنا العصر هيأدن ، خلصونى جيب العواقب سليمه يارب

الغفير :: كنت عملت القعدة عندك فى الدوار يا حضرة العمدة 

العمدة ::: لاء مش ناقص اخر مرة قعدوا عندى كسروا الدوار ، ولولا موت جلال كنا مش خلصنا اليوم ده

الغفير :: هو صحيح مات موته ربنا 

العمدة :: موتة ربنا ، ماكلوا موتة ربنا ، بس نحمد الله مات بالسكتة القلبية والا كان الدم هيبقى مستمر بيناتهم 

وبص على العمال خلصوا منك له بسرعه ، وانت ياغفير الغبرة روح أكد على صبى المشروبات يجى حالا ويجيب عدته بسرعه .......

فى قصر النوافعى.........

الجد عبدالرحمن النوافعى ، قاعد بقرا مجموعه من الأوراق،  دخلت عليه كريمان بصنيه القهوة.....جيباه بنفسك فين المساعدين والخدم 

كريمان :: هو انا هتعب لاغلى منك ياعبد الرحمن ، ومدت ايدها وناولته الفنجان وعنيها فى عينه بس بلاش تشرب قهوة كتير الدكتور منبه عليك صحتك ياحبيبى علشان خاطرى

عبدالرحمن:: خاطرك غالى عندى ياام الغالى ، بس اعمل ايه دى تانى حاجه بتروق راسى وتظبطها بعدك ( ضحك متبادل بينهم) تعالى هنا جنبى ، ياترى دكتور شهاب صحى ولا لسه نايم،  لازم يحضر القعدة هو الكبير بعدى وهو بعد أبوه الله يرحمه 

كريمان :: راح يزور المهندس يشوف وصلوا لايه فى بنيان القسم الجديد بالمستشفى ، عايز يفتتح المبنى كله على بعضه ، بقولك ماتفاتحة فى موضوع الجواز تانى كدة يمكن ربنا يكرمه بحته عيل يشيل اسم العيله

عبدالرحمن:: اتنهد ، متمسك بمراتة بيقولى هى كل حاجة عندى ومش مهم موضوع الخلفة ده 

كريمان :: هو فيه كدة ، ازاى يعنى مش حابب يكون له عيل من صلبه ، طب هيروح معكم القعدة النهاردة 

عبدالرحمن:: لازم طبعا ، يكون موجود اومال مين اللى هيكون الكبير بعدى ، اوعى تكونى فاكرة انى هأمن لعيال عبدالله يمسكوا كل حاجه ، هما اللى وقعونا فى المشكله دى مع منير الزينى ، ومش عارف هترسى على ايه النهارده 

كريمان :: هو صفوت أخويا مش هيحضر وقال اكيد لها حل 

عبدالرحمن:: اتنهد ، اه ، هطلع اجهز انا واتصلى على الدكتور شهاب يحضر بدرى ويجهز مش عايز عطله 

بعد صلاة المغرب فى الجامع الكبير بالقريه ......

بعد الانتهاء من الصلاة،  مد ايدة ......

حرما ياجدى 

عبدالرحمن :: جمعا يادكتور شهاب ، انا فكرتك مش جاى ، كنت هخلص صلاة واتصل عليك 

شهاب :: قام يعدل هدومه ، ويهرش لحيته،  بتردد فى الصراحه انا مش حضر ياجدى ، مشكله الأرض والمصنع دى برة حساباتى تماما ، انا اللى افهم فيه الطب والجراحة،  إنما المصنع والأرض ليهم ناسهم ولاد عمى عبدالله،  هما ادرى بيها 

عبدالرحمن:: بتقول ايه هما أولى بيها ، بس دى أرضك انت مش أرضهم،  أرضهم ضيعوها ، اومال احنا واقعين فى المشاكل دى ليه 

شهاب :: اعذرني ياجدى ، انا لو دخلت اخلصها قانوني،  مش قعدات مرة واحد يوافق والتانى لاء ، ونرجع نعاود الكرة مرة تانيه ، لازم يكون فيه حسم

عبدالرحمن: وانت مفكر أن القانون هيمشى هنا ، الحكومه مالهاش مكان بينا ، ومش هتمشى علينا فاهم 

شهاب : يعنى نسيب ، الطار بينا والدم عالق كدة على طول 

عبدالرحمن:: تعالى نقعد والمرة دى هنتفق ان شاءالله،  المستشار صفوت حاضر وعنده حل 

شهاب :: يعنى عيلة الزينى هيسكتوا على موت جلال ابنهم ، يعنى لو مش الدكتور باهر ابن اخوه بنفسه هو اللى كشف على عمة وقت الخناقه كانوا قالوا احنا اللى قتلناه 

عبد الرحمن :: اهو نحمد الله ، نروح بقى ونخلص الليله دى بينا الله يهديك 

عند العمدة 

العمدة : ( صوت داخلى ) يارب تعدى على خير ، يارب تيجى سلم 

الغفير:: حضرة العمدة ، عيله النوافعى والزينى كلهم جم ، ومستنين بالخيمه 

العمدة :: انا جاى اهو .......دخل العمدة الخيمة ، يااهلا وسهلا بكبارة البلد ، وزينه شبابها يامرحب ، المشاريب ياود منك له ، الجو كان مليان غضب ، والانفس مشحونه ، وكل عيله فيهم جواها هم تقيل والاعين على المستشار صفوت .....

صفوت :: ياجماعة الخير الاتنين اللى عملوا المشكلة ماتوا الله يرحمهم ، ودلوقتي الأرض والمصنع حق الله والقانون بقت ملك للدكتور شهاب ، وملكة بنت جلال الله يرحمه دلوقتى مين فيكوا مستعد يشترى الأرض 

منير الزينى :: بعصبيه وغضب ، ابيع ارضى ويموت ابنى قبلها ، يعنى موت وخراب ديار ، وده يرضى ربنا ياخلق هوووووه

عبدالرحمن:: وأنا لايمكن افرط فى ارضى ، دى شرفى وعرضى،  والغلطه غلطه ابنكم اللى غوا ابنى وضحك عليه بالمشاركة وفين باقى العقود دى ، الورق اللى معاكم بيقول ان الأرض ملكم ١٠٠ سنه إيجار وده كلام يصدقه عقل ، لا وكمان هتقفلوا علينا الميه والرى ، والأرض والعقود باسم بنت من حداكم يارته كان راجل كنا اتصرفنا معه ، لكن هنقوف قدام حرمه بنت بلا خيبه

منير :: الكلمه نرفزته وثارت غضبه ، بنت ابوها ، وزينه الصبايا وكمان دى بتدرس فى مدارس استيم مدارس العباقرة ، وهتكمل فى أمريكا تعليمها 

عبدالرحمن:: كمان هتسفروها برة ، حالكم عوج فى كل شئ 

شهاب :: مال عليه ، جدى هدى اللعب كلامك كله غلط كدة ، احنا جاين نهدى الأنفس ونخلص الموضوع ........

الخيمة كانت مليانة رجالة من كل العيلتين، كل واحد قاعد ومخنوق كأنه شايل جبل فوق صدره. ريحة القهوة السادة مع دخنة السجاير مالية المكان، والوشوش كلها متجهمة، العروق في الرقاب نافرة، والعيون زي الشرر بتتحرك بين صفوف العائلات.

السكوت بقى سيد الموقف لحظة طويلة كأنها سنين، والكل منتظر الكلمة اللي بعدها هتولّع ولا تهدي.

العمدة بصّ حوالين الخيمة، حس إن أي غلطة في الكلام هتولع نار الطار من جديد. رفع صوته:

– "اهدوا يا جماعة الخير، احنا هنا علشان نلمّ مش علشان نولّع الدنيا ، دى قعدة صلح اومال ايه .......

لكن منير الزيني ما سكتش، ضرب كفه على كف وشد عصايته ،وضرب بعصايته ، على الارض، والرجالة اللي وراه اتحركوا في مكانهم كأنهم مستعدين يقوموا، وقال:

– "أبيع أرضي؟! ده الدم أغلى من التراب، ودم ابني مش هيروح هدر."

هنا عبد الرحمن النوافعى شدّ نفسه ووقف، صوته هزّ الخيمة:

– "واحنا كمان مش هنفرط في أرضنا ولا كرامتنا… اللي راح راح، والنهارده لازم نخلص عشان ما يبقاش بكرة دم تاني."

رجال العيلتين قاموا واقفين، الجو اتوتر أكتر، وكل واحد ماسك في تاني بنظراته.

المستشار صفوت رفع إيده، وقال بنبرة قوية:

– "اقعدوا… أقعدوا كلكم… الكلمة دلوقتي مش للغضب،  الكلمة للصلح واحنا قعدينا النهاردة نخلص الموضوع دة نهائي. الليلة دي لو ما اتفقناش، بكرة البلد كلها هتغرق في الدم."

صوت همهمة عليت وسط الرجالة، وكل واحد بيرغي في ودن التاني، والقلوب مليانة غل وكراهية.

الجو بقى تقيل، والأنفاس متقطعة، كأن الخيمة نفسها مش قادرة تشيل كل الغضب اللي جواها.

كل واحد فيهم شاور لعيلته يقعدوا ......

عبدالرحمن النوافعى،  ومنير الزينى .....وايه هو الحل ياسيادة المستشار 

صفوت :: كلكم هنا ارضيتم حكمى ، والقانون والأوراق والشهود بيقولوا ان الأرض دلوقتى بقيت شراكه بين العليتين وبالاخص او الصح يعنى بين شهاب وملكة والحل الوحيد ومفيهوش راجعه هو وبص للحضور .....حاج عبدالرحمن النوافعى،  الحاج منير الزينى ، ممكن كلمة على انفراد .......يتبع 

ايه هو الحل اللى صفوت هيقوله وياترى هيكون الرد عليه ازاى ؟

وشهاب هيقبل ولا هيرفض ؟

تكملة الرواية من هناااااااا 

تكملة الرواية بعد قليل 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا