رواية قلعة الروب الأسود الفصل الثامن 8 بقلم ميادة يوسف الذغندى حصريه في مدونة قصر الروايات
رواية قلعة الروب الأسود الفصل الثامن 8 بقلم ميادة يوسف الذغندى حصريه في مدونة قصر الروايات
#رواية_قلعة_الروب_الأسود
#_بقلم_ميادة_يوسف_الذغندى
أم حلا :: انا مش عايزة اخسر أخويا ولا ابن اخويا ياحلا مالناش غيرهم بعد ربنا
حلا :: مين بس قال اننا هنخسرهم ياماما ، انا بس هصلح مابينهم ، انا هلبس وانزل اروح لخالى ......
أم حلا:: بتنهيدة ، يارب على خير وتتحل المشكلة دى
بعد وقت......
حلا رنت جرس الباب فتحت لها مرات خالها ......
حلا :: مسامسا على الناس الكويسة.....
أم محمد ::: حلا احلى مسا على عيونك تعالى ادخلى
حلا:: دخلت ، انا جايه وجايبه طلبات الكيكة قولت اجى اعملها هنا وغرمكم غاز ههههه
أم محمد : جاتك ايه ياحلا ، تعالى ادخلى ولما نفسك فى الكيكة مش قولتى ليه وانا اعملك ؟
حلا :: لاء ، انا قولت اجى ابوظها عندكم احسن هههههه ، اسمحيلي بالمطبخ يامرات خالى ، اومال فين خالى
أم محمد :: نايم جوة مريح بعد الشغل حتى مش اتغدى
حلا :: ليه يعنى ، مالوا احكيلى واحنا فى المطبخ تعالى .. ..
بعد وقت........
حلا ::: كل ده حصل ، عادى وفيها ايه يعنى اومال القلب ده اتعمل ليه ، اهى الكيكة استوت بصى شكلها يجنن ، وريحتها تهبل ، اروح اصحى خالى بس اخد له طبق كيكة وكوبايه شاى ، والمسقعه الحلوة دى هنتعشى بيها كلنا
أم محمد :: يبقى انادى على امك تيجى تتعشى معنا
حلا :: نادى انتى من البلكونه هتسمعك ، وانا داخله لخالى
اخدت الصنية عليها الشاى والكيكة بتخبط على الباب
ابو محمد :: بيتململ فى السرير ، وبيتمغط ، وبصوت كله نوم ، مين
حلا :: انا ياخالوا
ابو محمد :: ادخلى ياحبيبتى، تعالى ياحلا
حلا :: فتحت الباب ، كل ده نوم ، صحى النوم ياخالو
أبو محمد :: يصحى بدنك ، وانا بقول شامم ريحة حلوة ، فاكر كنت بحلم طلعت حقيقه
حلا : احلى كوبايه شاى ، وحته كيكة ، مالك شكلك زعلان من حاجه ؟
ابو محمد :: يعنى رويتر اللى برة دى مش حكت لك يعنى
حلا ::: شدت كرسى جنب السرير ، وتناولت نضارة خالها ولبستها ، وراحت ناحيه خالها اتفضل مدد واحكى براحتك خالص تماما كل اذن صاغيه ، ورجعت قعدت على الكرسى
بعد وقت.........
حلا :: طب ياخالى يعنى المرحلة العمريه بتقول احتمال ٩٠%فى أولى جامعة تقع فى الحب ، واللى محمد مر بيه طبيعى وعادى جدا ، واحنا مالناش قفل على قلوبنا ، ولا نتحكم فيه الا من رحم ربى ، وبعدين حضرتك تفرح وتنبسط ان محمد راجل وجدع وراح يخطب البنت اللى حبها ماكنش عيل ولا مش قد المسؤليه انت عرفت تربى ياخالى ، اما انه راح لوحدة ، محمد ذكى وحب يتأكد ويطمن من القبول ولا لاء علشان مش يحطك فى موقف وحش او مكان مش مكانك ، المفروض تنبسط، اما يبقى فيه جواز ولا لاء ده نصيب وتوفيق من ربنا ، وربنا يكتب له الخير والصالح ديما ، اتفضل قوم علشان ناكل لقمه ، الشاى برد ياخالو وهى بتقوم لاقت محمد واقف وراها وكأنه لأول مرة بيشوف حلا ......مبسوط بكلامها وعقلها الناضج
حلا ::: لما شافته وشها أحمر واتلخبطت ، وكانت بتدارى ده على قد ماتقدر ، رفعت عيونها له، وغمزت له يدخل يبوس راس أبوه
محمدالامير:: فهم من الحركة غرضها ، نفذ دون تفكير ، وارتمى فى حضن أبوه وباس إيده وراسه وابوة بادله نفس الشعور الاحساس، سامحنى يابابا انا لايمكن اقصر معك ولا الغيك من حياتى ، انا بس كنت عايز اخد خطوة وأمهد الموضوع سامحنى ....
ابو محمد :: يامحمد انا معنديش أغلى منك انت واخواتك ، واحنا الحمد لله ناس مستورة وفى المنطقه بتعتنا ناس محترمه ولينا مكانتنا وماحبش حد يدوس لكم على طرف او يقلل منكم ياابنى
محمدالامير:: عارف والله ، وخلاص وعد منى مش هفتح الباب ده تانى اوعدك
حلا :: كانت واقفه ، قلبها بيدق بسرعة من الفرحة ، ومش مصدقه نفسها، وحست ان فيه أمل، هى ومحمد يكونوا لبعض ....
محمد الأمير:: بص لحلا ، بقى ياست حلا الريحة الحلوة دى كلها من الكيكة بتعتك ، طب هاتى الطبق بقى
ابو محمد :: بيضحك معه ، وبيشد الطبق، اوعى ياحبيبى ده جاى باسمى مش لك ، لو عايز كيكة خد حلا اهى تعملك اللى انت عايزوا وزقها عليه وقعت فى حضنه
محمد وحلا اتلخبطوا من الحركه وحلا جسمها اترعش وتلج ومحمد حس بيها جامد .......
حلا :: خرجت تجرى دخلت اوضه بنت خالها وقفلت الباب وجسمها بيتنفض ودقات قلبها بدق جامد ووشها عبارة عن فرن بيطلع صهد وووووو
محمد الأمير: فهم اللى حصل مع حلا ، قعد على طرف السرير وافكاره متلخبطه والعقل هو سيد الموقف
بعد شهر ......
حلا واقفه فى الشارع مستنية محمد بتبص فى ساعتها لاقت اللى بيخبطها فى كتفها
محمد الأمير::: انا اهوووو مش اتأخرت ولا حاجه ، مش تبصى فى الساعه ؟
حلا :: ياسلام يااستاذ ، كل ده تأخير ٤ دقايق بحلاهم ، انا واقفه من زمان
محمدالامير:: استعجلتى وانزلتى بدرى قولتلك بعد ساعه ، مش نص ساعه هههه
حلا :: طب يالا ، مش عايزين نتأخر
محمدالامير:: طب قولى واخدنى فين بس عرفيني
حلا :: ياخبر النهاردة بفلوس بكرة يبقى ببلاش يالا
محمد الأمير:: هنمشى ، طب ناخد مواصله
حلا ::: مش بعيد مسافة قريبه ، تعالى ....
#_بقلم_ميادة_يوسف_الذغندى
طلعوا عمارة ......
حلا :: اتفضل افتح الباب
محمدالامير:: انا عارف الشقه دى حلو ، دى تبقى مكتب الاستاذ مسعد جاب الله الله يرحمه
حلا : تمام افتح وادخل
محمدالامير:: فتح الباب ، فتح الإضاءة.......الله يرحمه كنت بدرب معه طول سنين الكلية ، وياما علمنى واستفدت منه ، كان بيقف مع الكل دايما
حلا:: الله يرحمه ، ايه رأيك فى الشقه تبقى مكتبك انت وزمايلك عادى لو حابب
محمدالامير:: باستغراب ، نعم مكتب الاستاذ مسعد ، معقول ، انتى عارفه ايجارها كام ، عارفه المنطقه هنا ، وبعدين تعالى انتى جبتى المفتاح من فين وازاى؟
حلا:: هششش ، براحه ، كله تحت رجليك ، اولا بنت الاستاذ مسعد فاطمه تبقى الأنتيم بتعتى ، وهى بنته الوحيدة وهاجرت مع جوزها المانيا ، وانا وهى على تواصل دايم ، اتفتحت سيرة الشقه ، وانا قولت لها انى هعرض عليك فكرة انك تفتح المكتب هنا لوحدك أو مع زمايلك عادى ، لو انت وافقت طبعا ، بس هى ليها طلب صغير ، ان اسم باباها يفضل منور واليافطه مش تنزل من على المكتب ، والايجار اللى هتدفعوا يطلع صدقه جاريه على روح الاستاذ مسعد ، ايه رأيك
محمد الأمير:: كان واقف مبهور من أسلوب حلا واختيارها للكلمات والعبارات اللى بتخليه دايما صاحب القرار والاختيار اتبسم لها وهز راسه بالموافقه ، وقال لها ، طب وهو حد يطول المكتب ده ، اتفق معها ومع زمايلى الاول واقرر
حلا ::: ابتسمت وعرفت قراره واختياره ، وكانت مبسوطه قوى ، تمام وانا هكلمها لك اول لما نروح ، يالا نروح بقى
محمدالامير:: طب مش نروح نشرب حاجه فى اى مكان
حلا :: بكسوف باين عليها ، لاء طبعا ماما تقلق عليا ، مرة تانيه اكون استأذنت منها
محمدالامير:: راح جنبها ، ومد إيده ورفع وشها اللى فى الأرض اللى شبه حبة الفراولة 🍓 بعد كدة الاستأذن منى انا مش من حد تانى ياحلاتى
حلا :: اتكسفت أكتر وجسمها ارتعش ، بقول يالا اتأخرنا وكانت بتحاول تظهر بثبات بس على مين ياحلا😉
وبعد شهرين تم الزواج فعلا بين محمد وحلا .....
باك .....
حلا:: بتفتح عيونها ، وصوت داخلى لها ، انا لايمكن اخلى حد يقرب من بيتى ، أو جوزى ، واللى بنيته سنين لايمكن يتهد ، محمد كل عمرى وكل حياتى ، وانا لايمكن اسمح لحد يقرب مننا لايمكن
عند سارة .....
التفت سارة للصوت
سارة :: انتى ، نهال ، ايه جابك هنا ؟
نهال :: هو ده كلام برضوا ياسارة ، يعنى بنت اخويا هنا محجوزة بقلها اسبوع، وانا اعرف بالصدفه ينفع كدة ، ايه المستشفى اللى انا وانتى شريكة فيه مش عاجبك حتى ليكى فيه النص
سارة :: قولت لك مش هدخلها عندك يانهال، احنا مستريحين هنا
نهال :: انا مش عارفه انتى خايفه من ايه قولى ، المتبرع وتحت ايدنا وعندنا أكبر جراحين ودكاترة وفنيين ،يبقى ليه الخوف بقى
سارة :: هو المتبرع ده ، اللى مخوفنى ، واديكى شايفه الدنيا مقلوبه على تجارة الأعضاء ازى ، انا بقول نروح برة افضل نسافر برة مصر
نهال :: ههههه ضحكتني، اذا كان اللى برة بيجوا هنا ياخدوا اللى هما محتاجينه ، نبقى احنا نسافر برة ، اعقلى كدة وارسى ، الظاهر كدة ان موت بنتك وتعب روقيه خلوا تفكيرك مشوش ، ولا محتاجه جرعه ولا ايه
سارة:: وبدأت تتهز من كلام نهال ، لاء انا كويسه وهتعالج من الهباب ده قريب قوى
نهال :: قربت منها ، هتتعالجى من ايه ولا ايه بالظبط؟
سارة :: قصدك إيه ؟
نهال :: بالنسبه للمحامى بتاعك حبيب القلب ، اللى انتى عامله اكونت فيك بأسم البنت اللبنانيه وبتتكلمى معه ، وهو لسه مش كشفك ، وبتستغفلى اخويا الغلبان ، اللى واقع فيكى لشوشته ، ومصدق ان حرمه المصون ، صيناه ومحافظه عليه وعلى شرفه
سارة :: قربت منها ، اخرسى قطع لسانك، انا اشرف من الشرف ، وربنا عالم انا عمرى ماخنت اخوكى ، ومحافظه عليه ، وكلامى مع محمد كله ادب واحترام ، وبطمن عليه من وقت للتاني مش اكتر ، ومش عايزة يعرف انه انا ، بس انا ممكن أظهر كل حاجه عادى ، ومش خايفه ، انتى اللى محتاجه تتدارى ورا اخوكى بالجرايم بتعتك اللى مش عارفه ازاى واحدة زيك ، بنت عيله وأصول، ودكتورة وتتورط مع ناس كدة مجرمين وقتالين قتله ، قولى
نهال :: مش خفت منك على فكرة وكلامك ده مش اول مرة تقوليه ولا اخر مرة ، وعندى اسكرينات بكلامك مع المتر، واحنا مش صغيرين ، وحلوة لهجتك اللبناني دى بتعجبنى ، وبعدين هنخلص من موضوع القضيه دى إمتى، ولا اخلصه انا بمعرفتى
سارة :: اه يبقى انتى اللى ورا اللى حصل له النهاردة صح
نهال :: قرصه ودن مش اكتر ، علشان يتراجع عن اللى فى دماغه ، وياريت تقولى لحبيب القلب بتاعك يبعد ويبطل نخوره ورانا ، علشان حياته وحياة ولادة ومراته فاهمه
سارة :: لأ يانهال ابوس إيدك اوعى تأذيه ، علشان خاطرى وانا هعمل لك كل اللى انتى عيزاه حاضر
نهال :: سبحان الله ، الحب نقطه ضعف صحيح ، طب عارفه صعبتى عليا ، انتى لسه مصدقه الحب ياسارة ، دا لما سبتوا بعض بكام شهر اتجوز واحدة تانيه ، وبيكلم اللبنانية على مراته عادى ، يعنى مافيش راجل يؤتمن ياحبيبتى فوقى واعرفى مصلحتك فين فوقى وكانت بتصرخ فيها
عمر :: جه على صوتهم كلامهم سوا ، بعد لما فتح عيونه وشاف نهال موجوده قرر يقوم يتكلم معها
عمر :: دكتورة نهال ، اظن لينا حديث مع بعض لازم ينتهى
نهال :: اهلا وسهلا بأكبر رجال الأعمال بمصر والشرق الأوسط كله ، الدنجوان الشاطر
سارة:: سمعت كلامها ، قصدك إيه؟
نهال :: ولا حاجه ياصغنن ماتخديش بالك انا والباش مهندس معرفه جامدة قوى مش تركزي
عمر :: راح ناحية نهال ومسكها من دراعها ، اللى عملتيه مع سارة دة حسابه كبير قوى ، واول الحساب تفضى الشراكه معها فى المستشفى وانا هجيب لك مشترى
نهال :: بصت لسارة ، لو سارة عايزة تفض الشراكة تقول
قولى ياسارة
سارة :: ايوة اناااااا ......يتبع
ياترى سارة ناوية على ايه ؟
حلا هتعمل ايه بالظبط ؟
وايه السر اللى بين عمر ونهال ؟
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا