رواية جميلة بنت علياء الفصل الثالث 3 بقلم الكاتب مصطفي جابر حصريه في مدونة قصر الروايات
رواية جميلة بنت علياء الفصل الثالث 3 بقلم الكاتب مصطفي جابر حصريه في مدونة قصر الروايات
البت دي لازم تتضرب .. بص عاوزاك تكسر نفسها زي ما كسرت نفسي كدا.
جميله من وراهم: بمناسبة كسرت النفس يا عيسي في واحدة باعت لك الف مبروك الجوازة وجوزاتنا امتي مين دي يا ترا ؟ .
عيسي بذهول : مش عارف
جميله ببرود: مخبيش عادي .. أنا كده كده مش فارق معايا
عيسي بتوتر: الرساله ب اسم صابرين صح دي بت مجنونه عاوزة تتجوزني بالعافيه وانا عمال احظرها بردو بتبعت.
جميله ببرود: يعني عاوز تفهمني بتحظرها ومسجل اسمها علي فونك وبتبعتلك ازاي ؟ يمكن تكون ساحرة.
عيسي بلع ريقه بتوتر: لا مانا عارف ارقامها هي كانت بتكلمني من الرقم دا تليفون وليها واحد تاني واتس انا حظرتها من الواتس بس نسيت احظرها من التليفون عادي اي حد بينسى.
جميلة بسخرية: ماشي هعمل نفسي مصدقاك انت جوزي بردو و اكيد راجل ومش بتكدب صح.
عيسي بغيظ وعرف انها بتلقح: اه اكيد راجل هكدب لي مثلا خشي حتي الشات هتلاقيه فاضي.
جميله بهدؤء: لا ملهوش لازمة يا حبيبي الا بقولك يا حماتي انتي نسيتي تجيبي لي فروالة في الفاكهه هعديهالك لاجل خاطر عمي بس.
حسناء بغل: انا هوريكي يا جميله اما وريتك مقامك.
جميله بهدؤء: علي كدا هستنا كتير لانه مقامي عالي جدا يلا هروح اشوف ماما باي يا حلوين.
مشيت خطوة ورجعت تاني: خد تليفونك يا عيسي وابقا احظرها كويس يا حبيبي.
مشيت و عيسي بص لها بغيظ؛ البت دي مش سهلة خالص يا ماما وانا قولت لك كدا كتير مش هنعرف نقف قدامها.
حسناء بغل: لا هنعرف اومال انا جوزتك ليها لي.
عيسي بسخرية: انتي اخرك كلام والله انا غاير كانت جوازة سوده ومهببه علي دماغي
خرج وهي قعدت تهري في نفسها..
.. بعد شويه..
علياء بابتسامة: اهو كدا جوزتك جنبي عشان تفضلي معايا.
جميله بابتسامة: وانا معاكي والله يا ست الكل بقولك اي انا قررت الورث اللي سايبه بابا اعمل بيه مشروع خاص بيا افتح مثلا مطعم او كافيه كدا يعني.
علياء بهدؤء: دا ورثك وانتي حرة فيه اعملي اللي يريحك.
جميله بتفكير: مانتي هتكوني شريكتي بفكر مثلا اشتري ارض وابني مصنع هدوم في مشاريع كتير في دماغي.
علياء بابتسامة: بصي اعملي مصنع الهدوم وشغلي البنات في بنات كتير محتاجة شغل اهو يبقا فايدة ليكي وليهم.
حسناء كانت واقفه برا بتتصنت ومصدومه..
طاهر من وراها: انتي بتعملي ايه يا حسناء.
حسناء بعدت بتوتر: ا اه كنت جاية اشوف مرات ابني اصلي طلعت اقعد معاهم لاقيت عيسي قاعد يعين امه لوحده قولت ميصحش بردو انزل اجيبها.
طاهر ببرود: تنزلي تجبيها ولا تتصنتي عليهم.
حسناء بتمثيل الصدمة: انا اتصنت لي ان شاءلله انت لي شايفني وحشه علي طول دا انا معايا منك راجل و انت بردو شايفني شيطانه.
طاهر بسخرية: انا مش شايفك كدا انا متاكد بصي يا حسناء باقي لك تكة واحدة عندي وارمي عليكي اليمين عمايلك وتصرفاتك بقت كتير ويابنت الناس لو مش قادره تبطلي تحشري مناخيرك في حياة الناس قولي وانا ارحمهم منك.
حسناء بتمثيل الدموع: للدرجة دي يا طاهر؟ انا مش هسامحك علي الكلام دا حسبي الله ونعم الوكيل.
طلعت وهي بتدعي عليه انه ظالمها وهو حس بالذنب...
عند عيسي..
صابرين بدلع: بابا مستنيك بكرا العشاء عشان نقرا الفاتحه.
عيسي بصدمة: وهو انا قولت لك اني جاهز دلوقتي.
صابرين ببرود: اومال جاهز ل بنت عمك لو مجتش واتاخرت يا عيسي هاجي لك وافضحك مش كل الطير اللي يتاكل لحمة يابن جسناء.
عيسي بتوتر: انتي قفوشه لي يابت بحبك وجوازي منها عشان ورثها انتي الحب كله و عشان خاطرك وعد مني هاجي.
صابرين بدلع: هستناك ياروح قلبي.
قفلت معاه بخبث..
صابرين بمكر' كدا انا سجلت لك المكالمة عشان لو حبيت تزوغ مني.
بعد شويه..
حسناء دخلت شقة جميله..
حسناء بهمس: عيسي هي مراتك لسه تحت صح.
عيسي بهدؤء' احسن خاليها جنب امها.
حسناء بخبث' فين الدهب بتاعها اللي انت جبته ليها.
عيسى بهدؤء: في الاوضة اللي اتخمدت فيها بس معرفش فين تحديدا.
حسناء بخبث' انا هدخل اخده و انت خاليك هنا عشان لو جت تلهيها او تعمل اي صوت استخبي ماشي.
عيسي بمكر: ماشي اخيرا فلوسي هترجعي من البت دي.
حسناء بخبث: اومال اما وعدتك وقد كلامي.
.... دخلت اوضة الاطفال تدور علي الدهب...
جميله جت واول ما دخلت عيسي وقفها وعلا صوته: كنتي عند امك كل دا انتي ناسيه انك عروسة و المفروض تقعدي معايا.
جميله بهدؤء: معلش ياعريس وبعدين بتعلي صوتك لي هو انا طرشه.
عيسي بنفس النبرة: انا صوتي كدا خشي سخني لي اي حاجه اكلها يلا جعان.
جميله بهدؤء: ماشي بس هدخل اغير هدومي الاول عشان الجو حر.
عيسي بتوتر تخشي فين بقولك جعان يعني سخني لي الاكل الاول.
جميله باستغراب: مالك وشك مليان عرق لي كدا.
عيسي بهدؤء: من الحر مش انتي لسه قايله الجو الحر
جميله بهدؤء: ايوا وبعدين انا مش هغيب خمس دقايق.
دخلت شدها عليه: اي يا جوجو هو الاكل اللي هياخد خمس دقايق يعني.
جميله بعدت بهدؤء: حاضر يا عيسي هروح اسخن لك.
عيسي خدها علي المطبخ...
في اوضة الاطفال..
حسناء بغيظ: هيكون في بس انا دورت في كل حتة تكونش خبته عند امها لا طبعا هي كانت لابساه امبارح وانا عيني عليها وهي منزلتش بيه.
في المطبخ..
جميله بهدؤء: اتفضل الاكل اهو سخن في حاجه تاني.
عيسي بتوتر: اه ممكن كوبية عصير عقبال ما اجيب تليفوني.
جميله بغيظ: ماشي يا عيسي.
خرج راح اوضة الاطفال جري..
عيسي بهمس: بتعملي اي كل دا يا ماما جميله في المطبخ وعمال اعلي صوتي وانتي ولا هنا.
حسناء بخضة: يالهوي انا مسمعتش المهم انت مش لاقيه الدهب.
عيسي بتوتر: مش مهم دلوقتي تعالي اخرجك بسرعه.
جميله بتدخل عليهم: يا عيسي انا جهزت العصير وحماااتي ؟؟...
#يتبع
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا