رواية جميلة بنت علياء الفصل الاول 1بقلم الكاتب مصطفي جابر حصريه في مدونة قصر الروايات
رواية جميلة بنت علياء الفصل الاول 1بقلم الكاتب مصطفي جابر حصريه في مدونة قصر الروايات
انت لازم تتجوز بنت عمك دي هتورث قد كده وبعدين طلقها لما تاخد ورثها.
عيسي بغضب: لا طبعا انا مستحيل أبص لوحده زي دي انا بحب واحدة تانية وانتي عارفة كدا كويس.
حسناء بغيظ: بعد ما تتجوزها وتاخد كل اللي وراها طلقها واتجوز اللي انت عايزها ولو مسمعتش كلامي لا انت ابني ولا انا اعرفك.
عيسي بهدؤء: ماشي يا ماما بس يا ترا السنيورة بنت عمي هتوافق.
حسناء ببرود: وهي تطول اصلا دا انت محاسب قد الدنيا.
عيسي بخبث: عندك حق ماشي انا موافق.
حسناء بخبث: وانا هنزل افاتح امها في الموضوع.
.. حسناء نزلت شقة سلفتها وخبطت
علياء بابتسامة: اهلا يا حسناء كنت حاسة انك هتنزلي عملت لك بسبوسه من اللي بتحبيها.
حسناء : طبعا ما انا بعشق الحلويات بتاعتك حتي جوزي بيقولي لا يعلا عن اكل مرات اخويا.
علياء بابتسامة: يا حبيبتي تسلموا لي وانتي اكلك احلي بكتير.
حسناء ببرود: امال فين جميلة بنتك مش ظاهرة يعني.
علياء بهدؤء: نزلت تجيب حاجه من تحت مش هتتاخر زمانها جاية.
حسناء بخبث: اي حكاية نزولها كل شوية تحت دي.
علياء بابتسامة: مش احسن من قاعدتها في البيت من يوم ما اتخرجت وهي قاعده حتي شغلها كله اون لاين.
حسناء بسخرية: هو في شغل لشهادتها اون لاين طب دا انا ابني عيسي الله واكبر عليه مش بيعرف ينام ساعة واحده الكل عايزه يشتغل معاه لانه محاسب شاطر.
علياء بطيبه: ربنا يرزقه ويخليهولك.
بتدخل جميله بهدؤء..
حسناء بغيظ: مش ترمي السلام هو انتي داخله علي اكياس جوافة.
جميله ببرود: السلام عليكم ورحمة الله وبركاته يا مرات عمي وبعدين انا لسه ملحقتش اخد نفسي يعني.
حسناء بخبث: الا قوليلي شغل اي اللي علي النت مش النت دا اللي الشباب بتقعد تضحك علي البنات ب حاجات استغفر الله العظيم.
جميله ببرود: اولا مش كل النت كدا تاني حاجه انا مهندسة و شغالة شغل محترم مع شركة عالمية مش بقعد اتكلم مع حد زي ما بتلاقحي كدا.
علياء بغضب: جميله عيب تتكلمي كدا مع مرات عمك.
حسناء بغيظ ومثلت الزعل: بقا كدا يا جميله تظني فيا الظن دا اخص عليكي وانا اللي خايفه عليكي من شباب اليومين دول انا غلطانه انه بعتبرك زي ابني.
قامت خرجت بخبث..
جميله قفلت الباب وراها بهدؤء.
علياء بجمود: اطلعي اعتذري ل مرات عمك ميصحش تقول عليا اي دلوقتي بعد وفاة ابوكي مش عارفه اربيكي.
جميله بهدؤء: ماما انتي عارفة كويس اوي انها بتقعد تضايقني بالكلام من تحت لتحت وانا زهقت ومش هسكت لاي حد يعاملني وحش حتي لو كان مين.
علياء بهدؤء: يا بنتي خايفه عليكي.
جميله بسخرية: تخاف علي ابنها الصايع اللي فرحانه بيه وعمال يضايقني كل شويه.
علياء بهدؤء؛ ملناش دعوة خلينا في حالنا.
جميله بهدؤء: مانا في حالي وهم اللي بيضيقوني .. بيفكروني بمثل كان بيقول متجيش تقف قدام النار وتقعد تستفزها لأنها هتلسعك .
علياء ضحكت: نفس ابوكي بالظبط كان ميسكتش لاي حد وياخد حقه اول ب اول.
جميله بحنان: هو في حد زي الحج وزيك بردو ها عامله لنا اكل اي بقا يا ست الكل.
علياء بحنان: بانيه و مكرونه اللي بتحبيها.
جميله بفرحه: يا سلام هو دا الكلام يا لولو..
برا كانت حسناء واقفه بتتسنط عليهم..
حسناء بحقد: بقا نار تحرقنا هااا .. ماشي يا بنت علياء اجوزك ابني بس و حياة امي لهوريكي المر الوان ماشي صبرك عليا بس.
... طلعت شقتها بغيظ..
بليل..
علياء طلعت عند حسناء تصالحها..
علياء بهدؤء: معلش البت لسه صغيره وبتقول كلام مش عارفاه
حسناء بهدؤء خبيث: عادي يا حبيبتي انا مزعلتش المهم كويس انك جيتي كنت عاوزة افاتحك في موضوع مهم وخايفه تكسفيني.
علياء بهدؤء: لي تخافي احنا اخوات قولي يا حبيبتي.
حسناء بخبث: انا ابني شقته فوقنا و جاهزة من مجاميعه و ناقصه بس بنت الحلال اللي تصونه و انا ملاقتش احسن من جميله بنتك اهي بنت عمه و من لحمه ودمه.
علياء بابتسامة: دا احنا لينا الشرف يا ام عيسي بس اخد رايها الاول البنت عندها طموح.
حسناء بسخرية: طموح اي هي الست تبقا ست الا لو اتجوزت و خلفت وشالت بيت كدا.
علياء بهدؤء: اه بس بردو لازم رايها دي الاصول و كمان الحج الله يرحمه موصيني انه مش اجبرها علي حاجه.
حسناء بغيظ: ماشي يا حبيبتي فكري وخدي رايها بس علي فكرة لما تتجوز حد تاني هياخدها منك انما احنا هنا كلنا مع بعض وانتي وحيدة وهي لو بتحبك هتفرح انها هتكون جنبك اه والله اساليني انا.
علياء بابتسامة: كلامك كله صح بس هاخد رايها.
حسناء بغيظ: والله براحتك انا مستنيه الرد بكرا بليل هنزل اسمعه منك ويارب تبلي ريقي ب حاجه تفرحنا.
علياء ابتسمت ونزلت..
حسناء بغيظ: قال تاخد رأيها قال راي انتو تطولوا اصلا كله يهون لاجل اللي سايبه ابوها ليها.
عند جميله..
جميله بصدمة: نعمم انا اتجوز عيسي لا طبعا مستحيل.
علياء بهدؤء: لي يا بنتي الواد ميعبوش حاجه.
جميله بسخرية: والنبي تسكتي لانك متعرفيش حاجه انا اللي شايفه.
علياء بحزن: لما تتجوزيه هتفضلي جاري طول الوقت بدل اما تسبيني لوحدي.
جميله بهدؤء: ومين قالك بس اني هسيبك يا ماما عيسي واحد بارد وانا مش بطيقه ولا بينزلي من زور.
علياء بحنان؛ يعني دا رايك النهائي يا حبيبتي.
جميله بابتسامة: اه يا ماما و اقفلي الموضوع عشان عندي شغل فوق دماغي مش عارفة هخلصوا امتي.
علياء بحنان: ربنا معاكي يارب ويوفقك ويسترها عليكي دنيا واخره يا جميله يا بنت بطني.
.. تاني يوم...في التليفون..
حسناء بخبث: انا مقدرتش استنا ل بليل قولت ارن عليكي اسمع خبر حلو كدا يفرحني.
علياء بهدؤء: انتي عارفة يا حسناء انه الجواز قسمه ونصيب و جميله مش موافقة للاسف.
حسناء بصدمة: نعم ياختي يعني اي بنتك رفضت ابني لي يعني مش قد المقام ولا مش قد المقام.
علياء بهدؤء: اي الكلام دا يا حسناء لا طبعا قده بس هي مش عاوزة اغصبها يعني.
حسناء بغل: بقا كدا ماشي يا علياء براحتكم.
قفلت السكه بغضب : ماشي يا جميله انا هوريكي اما فضحتك وخليت سيرتك علي كل لسان وانتي اللي تترجيني اجوزك ابني مبقاش اسمي حسناء.
بعد شويه..
تحت البيت بيجي شاب ويقعد يزعق: بتعملي لي بلوك يا جميله عاملة لي فيها بنت انزلي لي انا هوريكي.
حسناء بتنزل جري؛ في اي انت يابني وعاوز اي.
الشاب بخبث: انا اللي بنتكم ضحكت عليه ولما خدت مصالحها منه سابته فاكراني اهبل وهسكت ليها.
جميله بتنزل باستغراب: انت مين وبتتكلم كدا لي اصلا.
الشاب بزعيق: انتي هتعملي نفسك مش عارفني عشان مفضحكيش تبقي غلطانه انا جيت اعرف الناس دي حقيقتك.
جميله بغضب: حقيقة وقرف امشي ارمي بلاك علي حد تاني.
الشاب بغضب: انا مبرميش بلا انتي خدتي مني فوق العشرين الف جنيه و كنتي عاملة بتحبيني و لما عرفت حقيقتك روحتي بلكتيني.
جميله بصدمة: اخرس يا كداب انت واحد نصاب.
الجيران بدءت تتكلم علي اخرها..
علياء بزعيق: بنتي متعرفكش ومستحيل تعمل كدا.
عيسي جاه بسخرية' وهي لو متعرفوش هيعرف بيتها و يجي ويعمل كل دا لي مجنون هو.
جميلة ببرود: خلصتوا لو انا فعلا عملت لك بلوك وخدت منك فلوس اي يثبت وريني البلوك نفرجه للناس والتحويل كمان.
الشاب ريقه بتوتر: مسحت الشات اي هكدب يعني والتحويل انتي كنتي بتنزلي معايا وخديهم فوري.
كف قوي نزل علي وشه منها: دي عشان انت كداب وغبي.
كف تاني رجعه ورا: ودي عشان خيالك المريض او اللي بعتك تعمل الشوية دول.
الشاب بغضب: بتمدي ايدك عليا انا هوريكي.
كان هيمسكها بغضب ايد زقته بعيد..
جميله بصدمة: عمي انت رجعت من السفر.
طاهر بغضب: اه رجعت انت كنت عاوز تمد ايدك علي بنت اخويا مش كدا.
الشاب بخوف: ا اي هي اللي غلطانه ربوها الاول وتعالوا حسابوني.
بوكس قوي وقعه علي الارض: انا بنت اخويا متربية احسن منك انت واهلك كلهم انا لو شوفتك هنا تاني هدفنك ب ارضك.
الشاب جري بخوف..
والجيران بتهمس لبعض: قال هي دي جميله اللي الكل بيحلف بيها يا خسارة.
اخري بقرف: قال وعاملة نفسها بنت بهوات وهي ولا تسوى طلعت نصابه اهي.
علياء بزعيق: اخرسي انتي وهي اللي هيجيب سيرة بنتي هق'طع لسانها .
طاهر بهدؤء: خلاص يا علياء يلا تعالوا فوق وانت يا راجل يا اللي انا سايبك واقف تتفرج علي الحيوان دا وهو بيسوء سمعة بنت عمك و كان هيمد ايده هو انا سايب اربع نسوان غور علي فوق.
عيسي خاف وطلع و حسناء ابتسمت بخبث انه جزء من خطتها نجح...
بعد شويه..
طاهر بهدؤء: يعني انتي بجد متعرفهوش يا جميله.
جميله بهدؤء: لا يا عمي وبعدين ادي تليفوني اهو لو في بلوك له هيبان انا اصلا معنديش واتس وشغلي علي مواقع تانيه.
طاهر بابتسامة: انا واثق فيكي والواد دا انا هعرف قراره.
حسناء بلعت ريقها بخوف: ما خلاص يا خويا مش مهم اللي حصل المهم دلوقتي سمعة البت اللي راحت.
علياء بهدؤء: سمعة بنتي فوق الكل يا حسناء.
حسناء بخبث: هو انا قولت حاجه الجيران اللي بتتكلم انا من رايي اننا نجوز عيسي ل جميله عشان نخرسهم.
جميله بغضب: انا مش هتجوز ابنك يا مرات عمي.
طاهر بهدؤء: جميله المرة دي حسناء معاها حق.
جميله بصدمة: بس انا مش عاوزة اتجوزوا يا عمي هو بالعافيه.
طاهر بحنان: لا مش بالعافية بس احنا لو عملنا كدا الناس هتسكت و وعد مني لو ابني زعلك انا اللي هقف له.
علياء بحزن: لو ليا خاطر عندك وافقي يا بنتي.
جميله بصت ل حسناء بجمود: ماشي انا موافقة بس عندي شروط.
حسناء بسخرية: كمان هتتشرطي بدل ما تحمدي ربنا؟
جميلة ببرود: اولا ابنك ملهوش دعوة بشغلي انا هكون زي مانا وتاني حاجه انا عاوزة 50 جرام دهب شبكتي يا مرات عمي دا غير اللي هيتكتب في القايمه طبعا.
حسناء بصدمة: نعمممم كاااام ؟
#يتبع
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا