رواية جميلة بنت علياء الفصل الرابع 4بقلم الكاتب مصطفي جابر حصريه في مدونة قصر الروايات
رواية جميلة بنت علياء الفصل الرابع 4بقلم الكاتب مصطفي جابر حصريه في مدونة قصر الروايات
بتعملي اي كل دا يا ماما جميله في المطبخ وعمال اعلي صوتي وانتي ولا هنا.
حسناء بخضة: يالهوي انا مسمعتش المهم انت مش لاقيه الدهب.
عيسي بتوتر: مش مهم دلوقتي تعالي اخرجك بسرعه.
جميله بتدخل عليهم: يا عيسي انا جهزت العصير وحماااتي ؟؟...
دخلت ووقفت بصدمة: انتي بتعملي اي هنا يا حماتي؟
حسناء بلعت ريقها بتوتر: هكون بعمل جيت اقعد غلبني النوم و عيسي جابني هنا ونسي الواد شكل الجواز لحس مخه علي الاخر.
جميله بهدؤء: تمم اتفضلوا برا عشان هرتاح واغير هدومي.
حسناء بخبث: هو انتي مش المفروض تنامي في اوضة جوزك ولا اي.
جميله بهدؤء: مبحبش حد يدخل في خصوصياتي يا مرات عمي.
حسناء بغيظ: طيب انا قلبي عليكم عاوزين نفرح بعيالكم كدا.
جميله بجمود: ان شاءلله ممكن برا بقا.
خرجت حسناء ومش طايقه نفسها..
جميله راحت فتحت سلة الهدوم وطلعت منها صندوق الدهب: تنامي بردو يا حماتي والله ما حد عارفك في الدنيا قدي انا مش غبيه عشان اخلي اي حد يضحك عليا و يخليني خدامه عنده انتي وابنك اتفقتوا تسوئو سمعتي بس ورحمة ابويا ما هسيب حقي يانا يا انتم عشان انتو وقعتوا مع الشخص الغلط.
مسكت الدهب و حطته في شنطه كتف ونامت وحطت الشنطة في السلة وحطت عليهم هدوم..
.. تاني يوم..
بليل..
حسناء بابتسامة: واحنا يا حج جايين نطلب القمر دي.
عتمان بهدؤء: وفين الحج طاهر مجاش لي.
حسناء ببرود: هو اللي باعتني اصله بيجهز ورق شغل مهم وانا وهو واحد.
عتمان بهدؤء بس يا حجة دا اتفاق رجالة ميصحش اتفق معاكي وجوزك موجود.
حسناء بغضب: قصدك اني انا وابني مش قد المقام ولا اي ما تعدل كلامك اومال يا حج ... واد يا عيسي انت جايبني اتهزق هنا ولا اي.
عيسي بخضة: لا يا ماما عمي ميقصدش حاجة وحشة.
عتمان بهدؤء: يا ست حسناء مش قصدي لكن دي الاصول.
صابرين بتوتر: ما خلاص بقا يا بابا هي و عم طاهر واحد.
عيسي بابتسامة : انا يا عمي والله ليا الشرف اناسب حضرتك.
عتمان بهدؤء: الشرف لينا يا ابني طبعا انت عارف اللي عليك.
عيسي بابتسامة: عارف و لو تؤمر اجيب لها شقة وافرشها وعليها بس شنطة هدومها اجيبها.
حسناء بهمس: متتفرعش كدا احسن يطمعوا فينا.
عيسي بهمس خبيث: مش هيطمعوا صابرين اصلا مجهزة نفسها وقايله لي عشان كدا بتكلم ب قلب جامد.
عتمان بابتسامة : خلاص مش هنزل لك كلمة هات الشقة وافرشها وانا هجيب ليها شنطة هدومها.
عيسي اتصدم هو وحسناء.
صابرين بدلع: مش قولت لك يا بابا انه عيسي بيحبني وشاريني كمان.
عيسي بذهول: اي ده في اي .. مش انتي مجهزه نفسك يا صابرين ؟
صابرين بدلع: هبيع اللي جبته واخد فلوسه اجيب بيها حاجه تنفعني اه ماهو كله ليك في المستقبل يا حبيبي.
حسناء بلوي بوز: الاصول اصول يبنتي هاتي عفشك وهو يجيب اللي عليه.
عتمان بخبث: انت هترجع في كلمتك ولا اي يا عيسي.
عيسي بخنقة: لا مش هرجع وهجيب كل حاجه بس مش هكتب قايمه يا عمي.
عتمان ببرود: موافق بس تمضي يا حبيبي علي شيك علي بياض اضمن انك هتحافظ علي بنتي.
حسناء وقفت بغضب: نعم ياخويا عاوزين تضحكوا علي الواد فاكرين اننا عبط ولا اي لا فوق يا حج .
عتمان وقف بغضب: هو دا شرطي والا معنديش بنات للجواز قولتوا اي.
صابرين بدموع تمثيل: اعمل حاجه يا عيسي هتسيب حبنا يتفرق بسهولة كدا.
حسناء بغضب :إحنا بنتجوز ولا بندخل مزاد يا حج شيك على بياض مرة واحدة. دا اسمه استغلال
عتمان ببرود: اللي خايف على بنته يعمل كده وانتي ابنك لو راجل وناوي عالحلال مش هيخاف من حتة ورقة ملهاش لازمة.
عيسى بص لصابرين وهي بتعيط بتمثيل : أنا مش هكتب شيك بس هاجيب الشقة والفرش وكل حاجة إنما شيك لا.
صابرين قربت منه بهدوء وهي ماسكة إيده:عيسى متخليش كل اللي بينا يضيع دا بس ضمان بعدين مش إحنا هنعيش سوا يعني إيه الفرق يعني.
عيسى بص في الأرض وقال بصوت واطي: طيب هفكر وهرد عليكم .
عتمان بغيظ : مفيش تفكير تقررو دلوقتي
حسناء بغضب : دول باين عاوزين ينصبوا علينا يلا يا عيسي
عيسي كان هيخرج صابرين فتحت تسجيل له وهو بيقول انه متجوز جميله عشان ورثها.
عيسي وقف بصدمة: اي اللي انا سمعته دا.
صابرين ببرود: حاجه كدا علي الماشي بص من الاخر لو موافقتش علي كل شروطي هبعت التسجيل الحلو دا ل ابوك و مراتك قولت اي.
حسناء بصدمة: دا انتو مخططين لكل حاجه بقي ؟
عتمان بخبث: مسمهاش مخططين اسمها بنضمن انه هيتجوز من سكات ومن ناحيتي انا مش هجيب سيرة لحد.
صابرين بخبث: مع اني كنت عاوزة فرح بس يلا انا العاقلة.
حسناء بغل؛ شايف اخرة اختياراتك الزباله وصلتنا لحد فين حتة عيل وراجل خرفان بيتحكموا فينا.
عتمان ببرود: احفظي ادبك بدل ما ازعلك انتي في بيتي.
حسناء بزعيق: وريني هتزعلني ازاي ما تتحرك ياض وتدافع عن امك.
عيسي بهدؤء: بصراحه بقا انا موافق علي الشروط اللي هم قالوا عليها انا بحب صابرين يا ماما.
حسناء بغيظ: يا اهبل يابن الهبلة دي بتضحك عليك وبتستغلك وانت صدقتها ؟.
عيسي بهدؤء: بصراحه حقها وانا معاها في اللي بتقوله وهي مستحيل تاذيني ولا تضرني.
حسناء بغضب: عليه العوض ومنه العوض اعمل اللي يريحك انا ماشيه بس مترجعش تندم.
عيسي بخوف: يا امي استني بس هفهمك.
بعدت بغضب: اوعا ياريتني خلفت دكر بط كان نفعني في الموقف دا.
نزلت بغضب وهو وراها...
عتمان بخبث: جدعه يا بت يا صابرين عاوزاك تخليه علي الحديدة تاخدي اللي وراه واللي قدامه.
صابرين بمكر: عيب عليك يا حج دا هيجي يترجاك عشان يتجوزني واقعد اعمل ما بدلك فيه يستاهل النحنوح دا.
عند جميله..
جميله بابتسامة: كدا الدهب كله بقا في امان صح.
البنت بهدؤء: ايوا يا هانم معاكي نسخه مزيفه والنسخه الحقيقه هتتشال هنا
جميله بابتسامة: تمام اصل في حرامي بيحوم حولين مني عاوز يسرقه ف عشان اخلص قولت اعمل نسخه مضروبة بدل ما ينط لي كل شويه اهو ياخدوا و يتكل.
البنت بضحك: فكرة ذكيه جدا منك يا هانم تؤمريني ب حاجه تاني.
جميله بابتسامة: لا شكرا يا حبيبتي..
خدت الدهب المزيف ومشيت...
بعد شويه في البيت..
حسناء بغيظ: يا خبتك في ابنك يا حسناء اقول عليك اي .
عيسي بزعيق: ما خلاص بقي اهدي بقولك اي انا هعمل اللي انا عايزو تمام سوا وافقتي او موافقتيش.
حسناء بغل: ماشي يا عيسي
بتخبط جميله وتدخب بابتسامة خبيثة: ازيكم متجمعين عند النبي ان شاءلله.
حسناء بغيظ: اهلا يا مرات ابني تعالي كنتي فين.
جميله بخبث: ابدا كنت بشتري لي شويه مستلزمات اسكتي يا حماتي في حرامي كان عاوز يسرق الدهب مني.
حسناء بسخرية: وانتي لابساه ونازلة بيه لي.
جميله بخبث: قولت عروسة وحقي افرح بس الحمدلله الناس جم وعلموه الادب تعرفي انا خايفه اوي علي الدهب و قولت اخليه مع امي بس امي مرضيتش ف مفيش غيرك يخليه عنده.
حسناء بذهول: ايي انتي عاوزة تخليهم عندي.
جميله بتقلعه: اه يا حماتي انتي من الغاليين بردو بصي هخبيه عندك ولما اعوزه اخده ماشي.
حسناء خدته بلهفة: بس كدا اطلبيه وهتاخديه يا مرات الغالي بص يا عيسي مراتك ادتني الدهب اهو.
طاهر جاه..
جميله بخبث: وكويس بردو عمي جاه تعالى يا عمو.
طاهر باستغراب: في اي يا حبيبتي بتقلعي دهبك لي.
جميله بمكر: عشان اخليه مع مرات عمي خايفه يتسرق.
طاهر بابتسامة: ماشي حسناء خدي بالك منه دا شقا ابنك.
حسناء بطمع: مانا عارفة هحطه في عيوني.
عيسي بهدؤء: انا طالع انام تعالي وريا يا جميله عاوزاك في موضوع مهم.
جميله باستغراب: طيب تصبحوا علي خير يا جماعه يلا يا جوزي يا قمر..
طلعوا شقتهم...
عيسي قعد بهدؤء: انتي اتجوزتيني لي يا جميله.
جميله بسخرية: دا الموضوع المهم ابقا اسال امك هي تجاوبك علي سؤالك.
عيسي بهدؤء: انا بسألك انتي دلوقتي.
جميله ببرود: هقولك بعدين بس قولي الاول الدكتور قبضك تمن شغلك معاه ولا لسه ؟.
عيسي بتوتر: دكتور اي و شغل اي دا كمان.
جميله بغضب: شغلك في التجارة اللي مش كويسة خد بالك البوليس لو شم خبر عنكم هتروح في الرجلين.
عيسي بخوف: بو بوليس اي انتي بتقولي اي انا مش فاهم حاجه منك.
جميله بجمود: انا سمعتك وانت بتتكلم مع الدكتور علشان تجارة الأعضاء وسمعت انك هتجيب له متبرع تضحكوا عليه
عيسي بخووف: انتي فهمتي غلط دا واحد موافق انه يتبرع ب كليته.
جميله ببرود : يتبرع أو ميتبرعش كلتا الحالتين دي قضيه ولو حد اتصل كده ولا كده بالمباحث وقالهم معلومه زي دي شوف هيتعمل فيك اي
عيسي بخوووف : ايييييي
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا