رواية غرامي الفصل السابع عشر والثامن عشر بقلم زهرة الربيع حصريه وكامله في مدونة قصر الروايات

رواية غرامي الفصل السابع عشر والثامن عشر بقلم زهرة الربيع حصريه وكامله في مدونة قصر الروايات 

رواية غرامي الفصل السابع عشر والثامن عشر بقلم زهرة الربيع حصريه وكامله في مدونة قصر الروايات 

وفجأه السخان الي جمبها عمل صوت شديد وطلع دخان وسحر صرخت بقوه

بدر كان دخل واول ما شاف الكهربه في كل مكان طلع بره الاوضه بسرعه واخد حد من العمال وراحو يقفلو لوحه الكهربه الرئيسيه للمكان كلو

بس عصام مفكرش بالعقل خالص اول ماشافها بتبكي برعب وشاف سلك الكهربه في  البانيو والميه بتتسرب منو وقربت توصل لها دخل من غير تفكير وشد السلك من  الميه بس للأسف داس على الميه الي على الارض وخد صدمة كهربه قويه جدامن  السلك ووقع في الحال مغمي عليه

في الوقت ده كان بدر قفل الكهربه عن الاوتيل كلو ولسه هيطلع سمع سحر وغرام بيصرخو لما عصام اتكهرب

بدر طلع جري وقف عند باب الحمام واتفاجأ بعصام مغمى عليه وقف مكانو بخوف  شديد وجري عليه بسرعه حاول يفوقو بس صدمة الكهربه كانت قويه عليه

بدر بص لقا سحر لافه الفوطه بس زعق في كل الموجودين يخرجو وفعلا الكل طلع  وهو قلع الجاكت لبسهولها واخد عصام وطلع بيه بسرعه وهو بيقول…..انتو استنو  هنا

سحر قالت ببكا…لا…لا…انا عايزه اطمن عليه

غرام قالت وسط دموعها….خلاص روح انت يا بدر واحناهنيجي مع السواق

بدر مستناش حتى يسمع وطلع بيه على اققرب مستشفى

بعد فتره كان بدر مستني خروج الدكتور من عند عصام بقلق شديد وسحر وغرام وصلو المستشفى

سحر كانت حالتها سيئه جدا من كتر الخوف والي حصل لعصام بسببها ساكته ومش بتتكلم بس دموعها بتنزل بغزاره

وهيه بتفتكر كل الوقت الي كانو يقضو سوا وقد ايه كان بيفهمها ويسمعها واحن  عليها من اهلها حتى انو انقذها ومخافش على نفسو حست قلبها بيتقطع عليه

غرام كانت حزينه جدا على عصام بس شافت حالة سحر حاولت تهديها شويه قعدت  جمبها وقالت…اهدي يا سحر عصام انسان طيب وربنا مش هيسيبو وان شاء الله  هيقوم بالسلامه انت بس ادعيلو

اول ما قالت كده سحر حضنتها وبقت تبكي بشده وغرام صعبت عليها جدا بقت تهديها لحد ما الدكتور طلع من عند عصام

بدر جري عليه بلهفه وقال…ها يا دكتور فاق ولا لسه..هو كويس مش كده

الدكتور بعمليه…اهدى يا استاذ حضرتك من اهل المريض

بدر بسرعه…ايووه انا اخوه

الدكتور …احم… هو كويس وتمام بس..بس

بدر ابتدى الخوف يتملكو وقال …بس ايه يا دكتور عصام مالو

الدكتور…مخبيش على حضرتك صدمة الكهربه الي دخلتلو كانت سريعه ومأثرتش على  الجسم ودا طبعا لانكم ذي ما قولتلي قفلت التيار بسرعه بس للأسف دراعو الي  مسك السلك بيه اتأثر جدا وحاليا مش حاسس بيه ودا طبعا لان صدمة الكهربه  الاكبر كانت على الدراع

بدر وقف مش قادر ينطق وسحر وغرام بقو يبكو بحزن شديد عليه بدر حاول يتكلم قال بتهته…هو…يعني..احم..دارعو..ات..اتشل مش كده

الدكتور…. هو حاليا منقدرش نجزم اذا اتشل شلل كامل او مجرد تقل من صدمة  الكهربه الكلام ده يتحدد بعد اول جلستين علاج طبيعي اذا استجاب للعلاج يبقى  الموضوع ان شاء الله فتره مؤقته واذا لا يبقى للاسف عجز في الدراع الايمن

سحر حطت ايدها على بقها بصدمه وقعدت على الكرسي بانهيار وغرام كانت دموعها على خدها قعدت جمبها تحاول تخفف عنها

بدر حاول يكون قوى لما شاف حالتهم قال ….لو سمحت يا دكتور ممكن نشوفه

الدكتور… اه طبعا بس لسه محدش قلو حاجه شوفو انتو الطريقه المناسبه الي متأثرش عليه نفسيا وربنا يطمنكم عليه

بدر دخل ودخلو سحر وغرام وراه

واول ما دخل حاول عصام يقعد باندفاع من غير ما يفكر في حاجه وقال بلهفه…سحر انتي كويسه …الحمد لله ..انك بخير قلقت عليكي وكن……

بس قطع كلامو لما خد بالو من اندفاعو وخاف ياخدو بالهم سحر كانت مستغربه كل  الي عمله وكل الخوف ده بس حزنها الشديد عليه خلاها مش بتفكر في حاجه

بدر قعد جمبو بحزن شديد وقال بصوت مخنوق…انت كويس…حاسس بأيه

عصام بصلو وقال بابتسامه…انا بخير الحمد لله…بس دراعي يا اخي مش عارف مالو مش قادر احركو تقريبا من البنج مش عارف

هنا سحر مقدرتش تتماسك وبقت تبكي بانهيار وبدر كمان خانتو دموعو ونزلت بصمت وغرام كانت بتحاول تهدي سحر بس هيه كمان بتبكي

عصام استغرب منظرهم قوي وقلق جدا وقال…فيه ايه يا جماعه …فيه ايه يا بدر

بقلمي…زهرة الربيع

بدر بلع ريقه وحاول يتماسك وقال…لا ابدا مفيش…انت عارف البنات بتبقى حساسه  ذياده ..هو يعني بص دراعك…متشنج شويه من السلك الي مسكتو بس…هتاخد كام جلسه  كده ويتحرك ان شاء الله

عصام بص لدراعو بحزن وقال …وانت بقى زعلك ده كلو علشان دراعي متشنج شويه

بدر نزل راسو بحزن وسكت مردش

عصام ابتسم بألم وقال…اتشل ….مش كده ..

بدر بصلو وقال بدموع…ان شاء الله لا..الدكتور قال في الجلسات هيبان وبعدين  انا مش هسيبك هسفرك لو اخر الدنيا وان شاء الله هترجع احسن من الاول

عصام ابتسم وحاول يتماسك رغم حزنو وقال….يا جماعه اهدو كل ده علشان دراعي  دا انا افتكرت اني هموت ..وبعدين انا عندي واحد تاني اهو ولا منفعش معاكم  بواحد بس

غرام قربت منو وقالت بمرح عكس الي جواها…انت تنفع معانا ولو مش بتتحرك خالص  احنا بس قلقنا عليك يا عصوم ربنا يبعد اي شر عن قلبك يا عسل انت

عصام ضحك بخفه وسحر ابتسمت وسط دموعها بس بدر بقى بص لغرام بحده وغيره وقال بضيق…انا هنزل ادفع الحساب علشان نخرج

غرام خافت من نظرتو بس حبت تسيب سحر مع عصام لوحدهم قالت…خدني معاك يا بدر ونزلت معاه

واول ما طلعو بدر مسكها من دراعها بقوه وقال بغضب…عصوم …وعسل كمان بتعاكسيه قدامي حضرتك

غرام قالت بقوه عكس خوفها…وانا قولت ايه يعني مش بخفف عنو

بدر بعصبيه وهو مينفعش تخففي عنو من غير المياعه دي

غرام كاتمه ضحكتها بالعافيه من منظرو وقالت…مياعه…انت بتغير ولا ايه

بدر بعصبيه…. اعتبريها كده ومش عايز اشوفك بتكلمي اي راجل بالطريقه دي تاني ولا حتى ست مفهوم ومشي قدامها بغضب شديد

غرام قالت بهمس واستغراب …ولا ست….وعلت صوتها قاصده تسمعه وقالت…ولا طنط صفاء حتى

بدر ابتسم عليها وفضل مكمل وهيه مشيت وراه لحد ما مسكت ايده وهو ضغض على ايدها وابتسم وغرام كانت فرحانه بوجوده معاها جدا

سحر بقى قعدت جمب عصام وحطت ايدها على ايده وقالت بحزن ودموع انا …انا اسفه

عصام ابتسم وقال بحب واضح في عنيه…بتتأسفي على ايه يا هبله انتي لو حصلك حاجه انا كنت حصلتك

سحر بصتلو باستغراب من كلمتو وبقت تبص في عنيه الي اول مره تبص فيهم اصلا  وحست انها مشدوده ليهم قوي ومش حابه تبعد عنيها عنه قالت بتوهان…انا كنت  هموت عليك مكنتش اعرف انك غالي عندي اوي كده

عصام حس بسعاده شديده وقال وهو مركذ معاها…بجد…بجد يا سحر انا غالي عندك

سحر بصتلو باعجاب وتركيذ في ملامحو الجذابه وكأنها اول مره تشوفو وقالت بصوت اشبهه بالهمس….جدا

عصام كمان كان مركذ في عنيها جدا وقرب منها لا اراديا وحط ايده على خدها  بيمسح دموعها برقه وسحر اتخدرت من لمستو غمضت عنيها وقربت منو والتنين  قلبهم بيدق بعنف وعصام قرب بشفا.يفو من شفا.يفها

بس انقطعت لحظتهم الجميله لما سمعو صوت بدر بيتكلم مع غرام جمب الاوضه سحر  اول ما سمعتو قامت بسرعه وتوتر شديد وبدر دخل وفضل يبصلهم باستغراب لما  شافهم

مرتبكين جدا

بدر باستغراب….فيه حاجه ولا ايه

سحر بسرعه وارتباك…لا ابدا هيكون فيه ايه يعني ..انا انا…هستناكم بره وطلعت  بسرعه وهيه مصدومه من الي حصل وازاي قربت منو كده وازاي كانت راضيه بالي  بيحصل فضلت متوتره ومكسوفه جدا ومش عارفه هتبصلو تاني ازاي

عصام بقى رغم انو كان مبسوط جدا لانو اول مره يحس الحظه دي مع سحر حببتو  الي بيتمناها من زمان لاكن كان في نفس الوقت زعلان من نفسو وحاسس انو بيخون  صاحب عمره

طلعو كلهم من المستشفى وراحو على الاوتيل وسحر وعصام بيتحاشو يبصو لبعض وكل واحد فيهم بيفكر ازاي ده حصل

في الاوتيل اول ما وصلو جالهم مدير الاوتيل وكان متوتر جدا وكان بيعتذر عن الي حصل وهو خايف من اي اجراء او شكوى تبوظ سمعة المكان

بس الغريب ان بدر مهتمش وقال… تمام مفيش مشكله خليهم يظبطو اوضة الانسه سحر  وخدو بالكم من كميرات المراقبه اكتر وسابو وطلع من غير ما يرد عليه وهو  عارف ومتأكد مين المسؤول

بدر طلع على طول على اوضة عماد واول ما فتحلو قال بحزم…ممكن اعرف سحر دخلها ايه بالي بنا

عماد ببرود …لا ملهاش دخل بس اي حاجه تلهيك وتدايقك والسلام

بدر اتضايق جدا وحاول يسيطر على نفسو وقال…طلباتك يا عماد… انا موافق من  قبل ما تقول عليهاخلينا نفض الوضع ده كلو …لو قولتلي على الي عايز اعرفه  هديلك كل الي تطلبو مهما كان ها قولت ايه

عماد باستفزاز وبرود…انا موافق ومستعد اقولك الي انت عايزه حالا بس بقى انت هتديني الي هطلبو ولا هتطلع عيل وترجع في كلامك

بدر بضيق شديد…قولتلك موافق الي عايزه هديهولك شركه..مصنع…ان شاله حتى كل املاكي لو عايز القصر الي ساكن فيه هدهولك خلصني وقول

عماد قعد على الكرسي باستفزاز وابتسم بانتصار وقال….عايز حاجه واحده بس….غرام القاضي…مراتك ووووووو

يتبع….

18=رواية غرام الحلقة الثامنة عشر

عماد قعد على الكرسي باستفزاز وابتسم بانتصار وقال ….عايز حاجه واحده بس…غرام القاضي …مراتك

بدر اتحولت ملامحو لغضب مرعب وقال بعصبيه مهلكه…انت …سامع نفسك بتقول ايه

عماد بصلو باستهزاء وقال…اه سامع ومستني ردك كمان وده اخر دييل ما بينا  تطلق غرام واتجوزها اقولك على الي انت مستنيه وابعد عن حياتك للابد ها قولت  ايه

بدر مردش عليه وفي ثانيه كان ضاربو بوكس قوي وقع عماد على الارض وبدر قومو  بغضب شديد وفضل يضربو بشده كسر عليه كل الاوضه ووقفو وهو سايح في د.مه  وخنقو على الحيط بعصبيه وقال….انت عارف اني ممكن اطلع بروحك دلوقتي واخرجك  بردو من حياتي للأبد …ححذرك للمره المليون …ملكش….دعوه …بغرام…فاهم

عماد كان مخنوق جدا من قبضتو ووشو بقى احمر قال بخنقه وتهته…موتني ..يلا…موتني…عايز اشوفك …ه..هتعملها ازاي

بس بدر بعد عنو وسابو وعماد وقع على الارض وفضل ماسك مكان ايده ومخنوق جدا ووشو عباره عن د.م

بدر حاول يتمالك اعصابو وكان هيخرج قبل ما يعمل حاجه يندم عليها بس وقف على  صوت عماد بيقول….انت عارف اني انا الوحيد الي اعرف مكانها ولو حصلتلي حاجه  عمرك ما هتلاقيها فبلاش تيجي كل شويه تستعرض عضلاتك عليا لان انا وانت  متأكدين انك مستحيل تموتني وكمل باستفزاز شديد…لو كنت تقدر تموتني مكنتش  وديتني المستشفي وصرفت على علاجي كمان بعد ما لقيت مراتك في حضني يا ابن  القاضي …واه حاجه كمان غرام ملكي ..ملكي انا وبس…سواء وافقت اوغصب عنك

بدر كان بيسمعو والغضب عاميه وبيحاول يسيطر على نفسو ضم ايديه بغضب  وقال…انا الي عايزو منك معلومه واحده يا عماد يعني ان لسانك يكون شغال  كفايه عندي وقرب منو وبصلو نظره ترعب وقال…يعني ممكن احسرك على كل اطرافك  واسيبك عايش طول عمرك عاجز لاتنفع تتجوز غرام ولا غيرها واسأل صاحبك هشام  على رجلو وهو يقلك اني مبهزرش بس انا مش بعمل كده ليه علشان انا عايز يوم  ما اقتلك بايدي تبقى واقف على رجليك كامل مكمل ومتقدرش تعمل حاجه زي ما  هتشوف غرام معايا كل يوم ومش هتقدر تعمل حاجه واخرك تكلمها في احلامك  بالاذن يابن السيوفي ولسه لينا كلام تاني

وخرج وسابو مرعوب من كل كلمه قالها ومتغاظ بشده فضل يكسر كل شئ حواليه بغضب شديد وقال وهو بينهج….هخدها من عنيك يا بدر وبكره تشوف

بدر طلع على اوضتو بغضب شديد ودخل زي الاعصار وكانت غرام بتغير هدومها شهقت  بخضه وقالت وهيه بتداري نفسها …انت…انت ازاي تدخل كده..مش تخبط يا جدع انت  و

بس قاطعها بدر لما مسكها من دراغها بقوه وقربها ليه وقال بغضب مرعب…انتي  مراتي…مراتي انا يا غرام ..ادخل امتا ما احب كل حاجه فيكي مسموحلي اشوفها  انتي ملكي فاهمه يعني ايه ملكي وحاوطها بدرعاتو بقوه وباس.ها بعن.ف شديد  وكأنو بيثبت لها ولنفسو انها ليه هوه وبس

بقلمي…زهرة الربيع

بس غرام كان لها رأي اخر رغم خوفها منو لاكن لما عمل كده زقتو بقوه وضربتو  قلم بسرعه وقالت بعصبيه…انا مش ملكك ولا ملك حد ومتقربليش بالطريقه دي تاني  واصلا من امتى وانت بتعتبرني مراتك ولا انت شارب حاجه ولا حكايتك ايه

بدر اتنرفز انها ضربتو بس طريقتها وعصبيتها المهزوزه من خوفها منو نستو  غضبو حط ايده مكان ماضربتو وابتسم وقال…بقى بتضربيني يا غرامي. وبتقولي من  امتى بعتبرك مراتي طيب من انهارده هسبتلك انك مراتي وشالها بسرعه واتوجه  بيها للسرير

غرام كانت بتحاول تخليه يسيبها قالت بتوتر …بس..بقى يا بدر نزلنيييي …

بدر حطها على السرير وقال وهو بيقرب عليها… ها كنتى بتقولي ايه بقى

غرام بلعت ريقها بتوتر من قربو وقالت …ابعد شويه يا بدر وانزل نام مكانك و

بس بدر حط صباعو على شفايفها وقال…هنام جمبك انهارده ولسه هتكمل قاطعها وقال وحياتي عندك والله تعبان اوي ونفسي انام في حضنك

غرام استغربت جدا منو بس حست انو مش قادر يتكلم قالت …طب هكمل لبسي وهسيبك  تنام هنا …لانها كانت بتلبس وقاعده بقميص قصير جدا كانت لبساه تحت الدريس

بدر بصلها من فوق لتحت وقال بتوهان…تؤ تؤ انتي حلوه اوي كده …تجنني..تهبلي..قمر يا بنت الذينه

غرام اتكسفت جدا من كلامو شدت الغطا عليها وكانت هتنام على طرف السرير بس  بدر شدها ليه ونيمها في حضنو حاولت تبعد بس كان ماسكها بقوه وهيه ابتسمت  بخجل ونامت في حضنو وهو كمان نام بارتياح شديد

في اليوم التاني سحر كانت مع الفنيين الي هينظمو حفلة فرحهم وكانت بتقلهم على شوية حجات حباهم يعملوها بس سكتت بارتباك لما شافت عصام

عصام ابتسم لها ابتسامه بسيطه ووقف مع العمال

سحر اتقدمت عليه بابتسامه وهيه مكسوفه من الي حصل وقالت بارتباك…صباح الخير

عصام بصلها بابتسامه وقال…صباح النور نمتي كويس

سحر معرفتش تنام اصلا من كتر ما فكرت فيه وفي الي كانو هيعملوه في المستشفى  بس قالت…الحمد لله تمام ..كنت عايزه..احم..اققولك..امبارج يعني انا

بس قاطعها عصام وقال …مفيش داعي تكملي انا فاهم اني كنت صعبان عليكي او  يمكن كنتي حاسه بذنب تجاهي بس الي حصل انتي ملكيش دخل فيه والي حصل في  المستشفى كمان غلطه ومش هتتكرر عن اذنك

كان هيمشي بس اتجمد مكانو لما مسكتو من ايده وقالت بسرعه…استنى …مين قلك  اني كنت حاسه بالذمب او انك صعبان عليا ..انا حسيت اني عايزه اعمل كده فيه  حاجه شدتني كده ومعرفتش السبب بس اسفه لان ده مكنش المفروض يحصل

عصام حس بسعادة الكون كلو لما قالت انها اتشدت ليه قال بابتسامه جميله…دا  مش غلطك لوحدك غلطي انا كمان كان لازم اسيطر على نفسي اكتر وتاه في عيونها  ومخدش بالو من كلامو وقال…. بس ازاي ممكن اشوف الجمال ده كلو وابعد ده كأن  الجنه في قربك يا سحر

سحر اتكسفت جدا واستغربتو كمان بس عجبها كلامو جدا فضلت تبصلو باعجاب واضح  وقالت ….انت عملت كل ده ليه…دانت كنت هتروح فيها حد يشوف المنظر الي انت  شوفتو ده ويدخل انا استغربتك جدا

عصام كان بيبصلها بحب واضح جدا في عنيه قال….انا كنت هروح فيها فعلا لو حصلك حاجه انتي متعرفيش انتي ايه بالنسبالي

سحر كانت تايه في كلامو وحاسه انها طايره من الفرحه حتى مع بدر عمرها ما حست كده قالت…معرفش بس عايزه اعرف

عصام كان هيردبس قاطعهم نزول بدر وغرام

بدر وقف جمب عصام وحط ايده على كتفو وقال…ها البطل ادراعو عامل ايه انهارده  على فكره انا امبارح ملحقتش اشكرك لولاك يمكن سحر كان جرالها حاجه شكرا  بجد يا عصام

عصام قال بابتسامه…بعيد الشر عنها ..انا معملتش حاجه عن اذنكم ورايا شوية  شغل هعملهم ومشي وهو بيلعن نفسو على غبائو وقال لنفسه…ده ايه الغباء ده على  شويه كنت هتقول كل حاجه انا المفروض مفضلش معاها لوحدي ابدا

عصام مشي وسحر فضلت متبعاه بعيونها وغرام خدت بالها وابتسمت وقالت…عامله ايه دلوقتي يا سحر

سحر ابتسمت وقالت…انا تمام الحمد لله انتي كويسه

غرام ابتسمت وقالت…انا تمام

عند عماد في اوضتو كان بيكلم هشام في التلفون بعصبيه شديده وقال…انت حما.ر  يا ابني مبتفهمش بقولك يا بني ادم طلع عارف انك شغال معايا قلي اسأل صاحبك  هشام على رجلو واضح انو عارف اننا سوا

هشام بلامبالاه …ممكن يكون بيقول كده عادي مش احنا صحاب في الاساس يعني يمكن علشان كده مترعبنيش معاك اكتر ما انا مرعوب

عماد اتضايق من غبائو وقال… اققفل يا هشام انا المراره عندي مطلعه عيني لوحدها اقفل

وقفل معاه وهو بيفكر في كل الي قالوه

ومر على ابطالنا اسبوع تحضيرات الفرح بدون احداث تذكر بالنسبه لسحر كانت كل  يوم تقريبا مع عصام وبتروح معاه الجلسات وديما بيتكلمو وتعلقت بيه جدا جدا  لدرجة بقت حاسه انها اتسرعت في الجواز من بدر

عصام بقى حالو ميفرقش عنها كالعاده بينسى الدنيا في وجودها وبعدها يزعل من  نفسو ويحس بالذمب تجاه بدر ودراعو من اول جلستين استجاب للعلاج وصوابعو بقت  تتحرك والدكتور طمنهم جدا انو في فتره قصيره هيرجع يحركو زي الاول

غرام بقى كانت اكتر واحده حزينه ومصدومه كان عندها امل بدر يوقف الجواز  لانها بقت بتعشقو حرفيا لاكن للاسف وصلو ليوم الفرح والجواز مستمر فعزمت  امرها ان المأذون الي هيجوز بدر من سحر هيطلقها من بدر

وصلنا ليوم الجواز المشؤم واهل بدر كانو وصلو هما واهل سحر وجمع عظيم من  الحضور والصحافه والاعلام…وبدر بقى لبس بدلتو ورش برفانة وكان قمر زي  العاده ولا كأنو محطم جميع القلوب واقف بثبات عجييب

وغرام مسحت دموعها وظبطت نفسها ولسه هتنزل بس للاسف فيه شخص حط منديل فيه مخدر على انفها ووقعت في الحال مغمي عليها وووووووو

يتبع….

 تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا