رواية غرامي الفصل التاسع عشر والعشرون بقلم زهرة الربيع حصريه وكامله في مدونة قصر الروايات

رواية غرامي الفصل التاسع عشر والعشرون بقلم زهرة الربيع حصريه وكامله في مدونة قصر الروايات 

رواية غرامي الفصل التاسع عشر والعشرون بقلم زهرة الربيع حصريه وكامله في مدونة قصر الروايات 

غرام مسحت دموعها وظبطت نفسها ولسه هتنزل لاكن للاسف فيه شخص حط منديل فيه مخدر على انفها ووقعت في الحال مغمي عليها

بعد ساعه فاقت غرام وحاسه بصداع رهيب فتحت عنيها ببطأ لقت نفسها في شاليه  على البحر رغم جماله لاكن خافت جدا لان المكان غريب ومتعرفش هيه فين

واتفاجأت وحست قلبها هيقف لما خرج شخص من الحمام وبينشف وشو بالفوطه بقت  تبصلو بتحاول تعرف مين لحد ما شال الفوطه واتفاجأت جدا قالت بزهول…بدر …انت

بدر ابتسم وقال…ومين ممكن يكون غيري يعني…ها احسن دلوقتي يا غرامي

غرام استغربت من هدوؤ.و قالت….اما انك بارد صحيح تعرف اني كنت هموت من  الخوف.. وبعدين انت ازاي هنا وسايب فرحك. واحنا فين اساسا وجبتني هنا ليه  هو كل ما تحب تاخدني مكان هتخدرني انت بتستعبط ولا …

بس قاطعها بدر وقال….اششششش ايه يا بنتي ده الف سؤال في بعض انتي مبتفصليش ارد على اي واحد انا دلوقتي اهدي وهجاوبك على كل حاجه

غرام بصتلو بضيق وغيظ وقالت…طب اتفضل ..اتفضل فهمني علشان برودك ده منرفزني بجد

بدر منظرها وهيه مضايقه بيعجبو جدا قال …انا بارد ..مقبوله منك يا غرامي

غرام بنرفزه…متقوليش يازفت دي…انا اسمي غرام..غراااااام.اخر حروفي ميم… كل حاجه في حياتي عايز تفرض ملكيتك عليها حتى اسمي

بدر ضحك وقال…خلاص خلاص متضايقش اوي كده مش هقولها تاني يلا بقى قومي غيري  لبسك وفوقيلي كده وقرب عليها وهمس في ودنها وقال علشان عايزك في موضوع مش  هينفع بالبس ده خالص

غرام برقت بعنيها بزهول وقالت بارتباك …تقصد ايه ..مش فاهمه

بدر ضحك بقوه على شكلها وقال…مع ان شكلك بيقول فهمتي ومع ذلك افهمك انا اصلا نفسي افهمك من زمان وغمز لها

غرام قالت بتوتر…انا اصلا مخطوفه هجيب لبس من فين

بدر ضحك بقوه وقال..مخطوفه..على العموم المجرم الي خطفك عامل حسابو شايفه  الدولاب الي هناك ده…فيه لبس علشانك روحي غيري وتعالي علشان افهمك كل الي  حابه تفهميه

غرام بفرحه…بجد هتحكيلي يعني

بدر بابتسامه..طبعا انا ليه مين غيرك احكيلو

غرام ابتسمت وراحت بسرعه فتحت الدولاب بس اتفاجات بلبس البيت كلو مفتوح وقصير بصتلو بغيظ وبدر عمل نفسو مش واخد بالو بقى يصفر

غرام اتضايقت جدا بس كانت في بالها الف سؤال وعايزاه يجاوب عليهم فأخدت كاش مايوه قصير من الدلاب ودخلت الحمام تلبسو

نرجع بقى الاوتيل كانت الدنيا هناك متوتره جدا المؤذون والمعازيم كلهم بيسألو ليه العريس والعروسه اتأخرو في النزول

سحر كانت في اوضتها جهزت من بدري وعرفت ان بدر مش موجود وكانت صفاء والدة  بدر معاها بتحاول تهدي الوضع لان كمال والد سحر وهشام اخوها متعصبين جدا  علشان بدر مش موجود

عصام بقى كان بيحاول يلاقيي بدى وبيرنلو كتيير بس تيلفونو مغلق راح اوضة  سحر بعد ما يأس وقال بيأس…مفيش فايده دورت عليه مش موجود لا هو ولا غرام

سحر ضحكت بوجع وقالت…انا اسمع ان عروسه تهرب من فرحها مع عشقها لاكن عريس  يهرب من فرحو مع مراتو دي جديده..جديده لانج ..بس ده بدر القاضي يعني لازم  تبقى جديده

صفاء حاولت تهديها قالت…ياسحر يا حببتي الغايب حجتو معاه واكيد هو حصلت معاه حاجه او..

بس قاطعتها سحر بحزن وقالت…لالا.لا …لا ياطنط ده مش غايب ده غبائي انا  ..انا الي من ساعت ما شوفتو وانا اقلمت حياتي عليه…او بمعني اصح وقفتها  عليه فضلت احلم باليوم الي اتجوزو فيه بقيت شيفاه كل الدنيا لدرجه انو بقاش  شايفني اصلا ولا انا عرفت اشوف غيره وبصت لعصام الي كان بيبصلها بدموع  وقالت…حتى نعم ربنا الي كانت قدامي مشوفتهاش الي حصل بسبب غبائي وبس

عصام بصلها بدموع وكان هيتكلم بس كمال والد سحر قال…احنا ملناش دعوه بكل ده  وبص لوالد بدر الي كان واقف بحرج شديد وقال…يامحمود بيه ابنك لازم يظهر  ويكمل الجوازه انا بنتي متتحطش في الموقف ده سمعتي تبقى ايه لما كل الناس  الي تحت دي تقول ان العريس سابها في فرحها شغلي كلو هيتأثر

عصام اتعصب جدا وقف وقال بغضب انت خايف على شغلك ومش خايف على بنتك وحاول يهدى وقال…يستحسن ان حضرتك تستنى تحت وانا هتصرف

هشام بصلو بحقد وقال…مبقاش غيرك انت يا خدام بدر ياكلب عيلة القاضي الي تتكلم وتتصرف

بقلمي..زهرة الربيع

عصام اتنرفز جدا كان هيرد بس سحر وقفت وشخطت في هشام بقوه وقالت….انت تخرس  خالص انت ايه الي قولتو ده اتفضل اخرج من اوضتي حالا يلا اخرج بقولك

هشام اتضايق وبصلهم بغل ونزل وكمال كمان نزل وراه وسحر قعدت على الكرسي ودموعها نزلت على الوضع الي اتحطت فيه

صفاء حست باحراج من ناحية سحر ونزلت هيه ومحمود بحزن شديد

عصام اتقدم ناحيه سحر الي كانت واقفه بتبص من الشباك بحزن وقف قصادها  وقال….ليه الدموع دي ياسحر صدقيني هو ميستاهلش دموعك ولا يستاهلك اصلا

سحر بصتلو وابتسمت باستغراب وقالت…بقى بدر حبيب قلبك ميستهلنيش

عصام بصلها بحب شديد وقال….ايوه ميستهلكيش ولا حد في الدنيا دي اصلا يستاهلك انتي خساره في اي حد يا سحر

سحر كانت مستغربه كل الحب ده من غير مقابل كانت عايزه تقولو انو محديش  يستاهل حب الدنيا كلو غيره عايز تقول كتير بس مش قادره تقول حاجه فضلت  بصالو وفجأه حضنتو بقوه بدون مقدمات

عصام مفكرش في اي شيئ وبادلها الحضن بقوه اكبر و كأن الدنيا وقفت حاسس  بسعادة الكون كلو في قلبو فضلو شويه ناسيين الدنيا كلها بس فاقو على صوت  رساله على تليفون عصام

سحر بعدت عنو بكسوف شديد وقالت…انا…احم انا اسفه

عصام بصلها وابتسم على كسوفها وقال…اول مره اشوف حد يهدي حد اجمل هديه ويعتذر بعدها المفروض انا الي اقول شكرا

سحر ابتسمت بكسوف وقالت …على فكره اول مره اخد بالي ان كلامك حلو اوي كده

عصام ابتسم وقال…انتي في حجات كتير مش واخده بالك منها

سحر ابتسمت وقالت…عندك حق…طب و بالنسبه للرساله الي جاتلك من شويه واخد بالك منها ولاايه

عصام ابتسم وقال…لا والله انا اصلا حاليا ناسي الدنيا كلها طيب انا هقرا الرساله واروح اشوف الاوضاع ايه تحت

سحر تليفونها رن هيه كمان قالت..غريبه انا كمان جاتلي رساله طيب روح انت  شوف فيه ايه وانا كمان هقرا الرساله وكملت بتنهيده واظن الوقت اتأخر قوي  وعمره ما هيرجع يا ريت لو تنزل تمشي المؤذون وتقلهم الفرح اتلغى

عصام ابتسم بفرحه و قال…انتي متأكده

سحر ابتسمت وقالت..ايوه متأكده الظاهر ان ربنا بيديني فرصه جديده اعيد حساباتي فيها

عصام ابتسم وقال …. فعلا …قصدي يعني الظاهر ان كده احسن

سحر ابتسمت على سعادتو وعصام خرج بفرحه شديده واول ما خرج من عندها فتح الرساله واتفاجأ انها من بدر وكانت كالأتي

اذيك يا عصام تصدق في الشويه دول وحشتني يا بن اللذينه…بص بقى طبعا انت  مخلتش مكان مدورتش عليا فيه خليني اققصر عليك انا في شاليه اشتريتو جديد  وغرام معايا طبعا عايز تسأل عملت كل ده ليه…هجيلك دغري اولا لاني بحبك  ..وثانيا لانك بتحب سحر…متتفاجأش قوي كده وعنيك تبرق وهتطلع من مكانها… انت  مكشوف قوي وعنيك فضحاك يا عصوم انا من زمان واخد بالي وعلشانك كنت بماطل  مع سحر وبأجل الجواز بقول يمكن تعترف لها بحبك بس الي خلاني جبت سحر معانا  وطلبتها للجواز لما سمعتك انت وبتكلم غرام في المستشفى يوم ما اتسممت حست  وقتها قد ايه انت بتتعذب ومش راضي تتكلم علشاني رغم انك عارف اني مش بحب  سحر لاكن قلت انك بتعتبرني اخوك ومستحيل تدخل تحدي معايا على اي حاجه  ساعتها اكدتلي انك مستحيل تقولها انك بتحبها انا وقتها قررت اجمعكم سوا  ..وعملت الفرح علشانكم حتى المعازيم الي تحت عارفه انو فرحكم ما عادا اهلكم  ودول مقدور عليهم بس للاسف اخوك مش هيقدر يحضر فرحك بس اكيد بتمني تكون  مبسوط ديما مبروك يا قلب اخوك روح خد عروستك وانزل وعلى فكره سحر مش بتحبني  زي ماانت فاكر هيه بس مش عارفه مشاعرها كويس وده لان اهلها عمرهم ما اهتمو  بيها ولقت الاهتمام ده معايا فسرتو على انو حب بس انا متأكد انها ابتدت  تحبك ولسه لما تعرفك هتحبك اكتر انا متأكد

عصام كان بيقرى الرساله بزهول مش مصدق نفسو نزلت دموعو بفرحه شديده نفسو يحضن بدر ويشكرو جري بدون تفكير على اوضة سحر

سحر عندها الوضع مختلفش كتير جتها رساله من بدر وكان بيقول.

سحر حببتي…انا اسف بجد على الوضع الي حطيتك فيه بس انا حسيت اني لو اتجوزتك  ابقى بظلمك انا حبيتك اه..بس مش الحب الي انتي بتتمنيه احنا يا سحر كبرنا  سوا من يوم ما رجعتى مع اهلك من الاسكندريه وانا بعاملك على انك اختي لاني  كنت بعتبرك كده..لما خطبتك خطبتك لاسباب خارجه عن ايرادتي بس انتي حبتيني  لانك مشوفتيش غيري ولا حتى حاولتي لو كنتي جربتي بس كنتي خدتي بالك من حب  عصام ليكي عصام مش بس بيحبك ده بيعشقك وده الي هتلاقي معاه الحب الي  تستاهليه الفرح الي تحت علشانك انتي وعصام لو وافقتي تديه فرصه صدقيني عمرك  ما هتندمي وسامحيني يا سحر انا اتمنيت لو حبيتك زي ما بتتمني بس القلب مش  بادينا ربنا يهنيكم انتي وعصام وتعيشو الحياه الي بتحلمو بيها

واول ما قرتها نزلت دموعها بسعاده كانت حاسه ومتأكده ان عصام بيحبها هيه  كمان مشدوده جدا ليه وطلعت من الاوضه جري ترحلو بتفتح الباب لقتو في وشها  قالت بتوتر…بدر…بدر بعتلي رساله

عصام بصلها بحب كبير وقال بفرحه شديده..وانا..وانا كمان بعتلي

سحر ابتسمت وقالت…طب ايه

عصام بص في عيونها وقال……بحبك…بموت فيكي….بعشقك

سحر ابتسمت وقالت …وساكت ليه يا غبي

عصام ضحك وقال…اديكي قولتي… غبي… كنت هضيعك من ايدي بس بجد كنت بموت انا كنت حاسس اني مش بتنفس بجد كنت هموت لو اتجوزتي

سحر بصتلو بدموع من كتر السعاده مش مصدقه انو بيحبها اوي كده قالت….انا كمان ابتديت احبك

عصام بصلها بسعاده وقال…لا دانا شويه كمان ممكن اموت هنا يعني انتي موافقه نتجوز دلوقتي

سحر بابتسامه بكسوف وقالت…انا لو عليا موافقه

عصام ضحك من كتر الفرحه مش مصدق نفسو قال…يبقى تعالي معايا قبل ما اتجنن من الفرحه

سحر قالت بضحك …حنروح فين يا مجنون انت مش لما نقولهم

عصام شدها ونازل بيها وقال…نتجوز الاول ونقلهم بعدين

سحر بضحك…بلاش هزار يا عصام بقى بابا وهشام يمكن ميوافقوش

عصام ابتسم وقال…هخليهم يوافقو مفيش حاجه تاني ممكن تمنعني عنك خلاص مبقتش قادر

ونزلو حاطين ايديهم في ايدين بعض والكل شافهم بقو يسقفو طبعا اهل بدر مش  فاهمين حاجه خالص بس الغريب ان كمال وهشام متكلموش خالص رغم الضيق الي واضح  على ملامحهم

و على زاويه كان عماد واقف مع هشام وهو كمان جاتلو رساله عجيبه جدا من بدر بتقول

بدر ..انا موافق على عرضك يا عماد ومستعد اطلق غرام قدامك بس تقولي ملك اختي فين ووووووو

يتبع….

20=رواية غرام الحلقة العشرون

بدر…انا موافق على عرضك يا عماد ومستعد اطلق غرام قدامك بس تقولي ملك اختي فين

عماد اول ماشاف الرساله كان هيتجنن من الفرحه وحرفيا مش مصدق نفسو قال…واخير…واخير يا ابن القاضي

هشام كان مستغرب فرحتو ومش فاهم حاجه قال باستغراب مالك يا ابني انت اتجننت ولا ايه

عماد بفرحه…انا لو اتجننت انهارده يبقى من حقي..انهارده جبت مناخير بدر  القاضي الارض وخلاص غرام هتبقى ملكي ..ملكي انا وبس مش مصدق حاسس اني هطير  من الفرحه

هشام بصلو بانتباه وقال…وده ازاي هو وافق يطلق

عماد بغرور…طبعا وافق هو يقدر ميوافقش انا كده مرتاح واقدر ارتب للي جاي كويس

هشام بفضول…وايه بقى الي جاي

عماد ابتسم بمكر. وقال…الي جاي غرام في غرام …هتجوزها واخير هتبقى مدام عماد السيوفي بس المرادي بجد مش لعب

هشام زعل شويه لانو طبعا كان بيحب غرام بس خوفو من عماد كان اكبر من انو يتكلم قال…احم مبروك ..

عند بدر جاتلو رساله من عماد بيقول فيها …مش هقول اي حاجه ولا افتح بوقي بكلمه الا لما تطلقها قدامي

بدر مسك التلفون بعصبيه وبص لرساله بغضب شديد وحاول يهدى وكتبلو ….موافق..و  رما التلفون على السرير وفضل باصص للبحر وبيستنشق اكبر كميه هوا ممكنه  لانو حاسس انو مخنوق بس التفت على صوت غرام لما قالت…احم…بدر

بصلها لقاها لابسه كاش مايوه قصير ومفتوح بيظهر منحنيات جسم.ها بطريقه مغريه وجميله جدا فضل متنح فيها ومش بيتكلم

غرام حست بخجل شديد من نظراتو بس تصنعت الجرأه ومشيت بخطوات واثقه وقعدت على السرير وقالت … ايه هتفضل متنح كده كتيير

بدر ابتسم على طريقتها وقرب قعد جمبها وهو لسه مركذ معاها بعيونه

غرام بصتلو بكسوف وقال….هو انت مش قولتلي هتحكبلي على كل حاجه يلا قول سمعاك

بدر لسه باصص لها ومركذمع كل حركاتها قال بتوهان…عايزه تعرفي ايه

غرام بصتلو بضيق وقال بغضب…ركذ معايا يا بدر عيزاك تقولي سبت الفرح ازاي واحنا هنا بنعمل ايه

بدر قال بنفس التركيذ والله انا مركذ معاكي ..مركذ اوي…مركذ جدا بس انتي الي مش مركذه خالص

غرام ضحكت بخفه وقالت…وانبي دا وقت هزار ..يلا بقى قولي علشان خاطري

بدر ابتسم وقال…طيب هنشوف الفيلم ده وهقولك

غرام اتنرفزت فضلت تقول فيلم ايه ده..هو ده وقت افلام انت بتهزر يا بدر وو

بس قطعت كلامها وبرقت بدهشه شديده لما فتح شاشة العرض الي قدامها وشافت فرح  سحر وعصام وشافت عصام بيأكل سحر وهيه كمان بتأكلو بفرحه شديده باينه على  ملامحهم

نزلت دموعها بفرحه ودهشه وبصت لبدر وبدون اي كلام حضنتو بقوه وبدر اتفاجأ منها بس بادلها الحضن بقوه وشغف كانو بيخبيها بين ضلوعو

غرام اتكسفت كانت هتبعد بس بدر فضل ماسكها بقوه قالت…بدر

بدر…امممممم

غرام بكسوف….خلاص يا بدر سبني بقى

بدر …خليكي كمان شويه هو احنا ورانا ايه يعني

غرام لكمتو في كتفو واول ما فك ايديه بعدت عنو بسرعه وقالت…احكيلي بقى ازاي ده حصل

بدر حكالها كل الموضوع وانو من الاساس مكانش هيتجوز سحر وانو عمل كل ده علشان عصام

غرام بصتلو بدهشه وقالت باستغراب…معقوله عملت كل ده طب واهلها وفقو ازاي  انا مش فاهمه وازاي محدش مستغرب ان العريس اتعير كده وازاي سحر نفسها وافقت

بدر قال…بصي يا ستي بالنسبه لاهلها دول اسهل حاجه مرت عليا في الموضوع كلو  كلمت بباها وقلتلو انا كده كده مش جاي لوعديت اليوم على خير تبقى كسبت  سمعتك ولو اتكلمت او منعت الجوازه شوف بقى كل الصحافه دي تاني يوم هتكتب  عليك ايه وهو طبعا لانو عمره ما اهتم لبنتو قد شغلو سكت اما بالنسبه للناس  فانا الي عزمت كل الناس وكلهم جابن على اساس عصام الي هيتجوز اما بقى سحر  دي اطيب بنت اققل اهتمام وشويه حب كفيلين يفتحو قلبها وده طبعا لانها عمرها  ما حبتني زي ما متخيله ولانها طيبه وحساسه مش زي ناس قد ماتعملي معاهم  مفيش فايده…زي التلاجه

غرام عارفه انو يقصدها قالت…اممممم بتلقح..بس على فكره الي حصل مع سحر ده  لان ربنا اكرمها بانسان زي عصام بيحبها بيموووت فيها حبو واضح في عنيه مش  زي لعبة البازل محتاج مجهود علشان تفهم منو حاجه

بدر ضحك بقوه لانو فهم انها قصداه قال…لعبة البازل يعني انتي مش عايزه تبزلي مجهود عايزه حاجه واضحه مش كده

غرام قالت..طبعا اي بنت تتمنى حب واضح كده و

بس قطعت كلامها وبرقت لما بدر قال من غير اي مقدمات…..بحبك

بقامي…زهرة الربيع

غرام فضلت بصالو بزهول ومش مصدقه سمعت ايه قالت…انت..انت قولت..قولت ايه

بدر قرب عليها وقال بهمس…قولت..ب..ح…ب..ك..بعشقك يا غرامي فبه اوضح من كده

عند عصام وسحر خلصو الفرح وطلعو على الاوتييل ودخلو الجناح الي كان مجهز  على اساس بدر وسحر وكان جميل والزينه في كل مكان حاجه تخطف القلب قبل العين

سحر ابتسمت بفرحه وقالت بدهشه…مين الي رتب المكان ده

عصام حط ايده على رقبتو بحرج وقال…احم..انا

سحر بصتلو بدهشه. وقالت..انت…انت عملت كل ده الالوان الي بحبها الورد الي بحبو الديزاين كلو على زوقي عرفت كل ده ازاي

عصام قرب عليها بحب وقال…مفيش حاجه بتحبيها ممكن انساها لونك المفضل نوع  الورد الي بتحبيه حتى التصميم الي كان نفسك فيه لما بدر طلب مني اجهز انا  الجناح عملت كل حاجه على زوقك علشان لما تشوفيه تبقى مبسوطه بس متخيلتش ان  ربنا هيكرمني باني اشوف لمعة عيونك لما تشوفيه

سحر نزلت دموعها وبصتلو بحنان شديد. وقالت….عملت..كل ده..علشاني..وانت عارف  اني هكون مع حد غيرك ومش ليك..ازاي قدرت..ازاي انت الي عملتو ازاي الكل حس  بيك الا انا ..انا غبيه قوي

عصام مسح دموعها وقال بحب…انا اهم حاجه عندي تكوني سعيده استحملت كل ده  علشان اشوف السعاده في عنيكي و اشوفك بتضحكي متعيطيش بقى وتبوظي كل تعبي

سحر ضحكت وحضنتو وقالت…من انهارده هنضحك وبس هنكون مبسوطين وبس

عصام ابتسم بسعاده حقيقيه وقال…انا هعمل كل الي اققدر عليه علشان اخليكي ديما مبسوطه يا سحر بحبك اوي

سحر بصتلو في عنيه و قالت…انا كمان هخليك اسعد انسان في الدنيا دي كلها لانك تستاهل ولاني انا كمان بحبك اوي اوي

عصام ابتسم وقال…. من قلبك

سحر ابتسمتلو وقالت…من قلب قلبي وابتسمت بكسوف وقالت..هو احنا هنام فين

عصام بصلها وضحك بخفه وقال…هو المفروض فيه سرير واحد بس لو انتي ..

سحر حطت صباعها على شفايفو. بمقاطعه وقالت…مبسش انا وانتى مش هنبعد عن حضن بعض ابدا…. وحضنو بعض بحب وسعاده شديده

عند غرام كانت مصدومه من الي بدر قالو اعترف لها بحبو فضلت مبرقه وساكته  بصدمه ومش مصدقه نفسها بدر هزها وقال..غرام ايه با بنتي هو انا قولت ايه  لكل ده

غرام بصتلو ومسكت ايده وقالت والدموع في عنيها ..انت بتحبني يابدر…بتحبني  مش كده…اانا المفروض ابقى فرحانه دلوقتي بس..بس انا كل الي بحبهم بيسبوني  يابدر الاول بابا مات وماما اتخلت عني واصحابي اول ما دخلت المصحه كلهم بقو  يخافو يزروني او يكلموني بقو يقولو عني مجنونه وحتى عماد طلع بيضحك عليا  مش هستحمل اانت كمان تسبني…بس…بس انت هتفضل معايا مش كده مش هتقول دي  مجنونه وتسبني زيهم

بدر نزلت دموعو وقال بحزن شديد…انتي مش مجنونه يا غرام انتي مفيش منك في  الدنيا دي كلها والي يبيعك بيعيه انتي هترجعي احسن من الاول وكلهم هيندمو  على بعدك انتي غرام القاضي كنتي وهتفضلي ست البنات اوعي تقولي كده تاني  فاهمه

غرام بصتلو بدموع وقالت بحزن…يعني هتفضل معايا

بدر بلع ريقه بتوتر شويه وقال بابتسامه بيحاول يظهرها …اكيد…اكيد هفضل معاكي..انا بحبك اوي

غرام ابتسمت وسط دموعها وقالت…طيب تمام

بدر رفع حواجبو بدهشه من ردها الغريب وقال… تمام…تمام ايه ..هو انا بقولك ايه اخبارك…بقولك بحبك يا غرام ..بحبك

غرام ابتسمت وقالت…وانا بقولك طيب سمعتك عايز ايه يعني

بدر بصلها كان مستغرب كلامها اوي قال…عايز تقولي وانا كمان مثلا

غرام بصت بعيد بمراوغه وقالت…اااااه…قصدك كده يعني طب مش لما اكون بحبك ابقى اققول كده

بدر اتسعت عنيه بزهول. وقال…لما تحبيني ..ليه هو انتي مبتحبنيش…والله عشت  وشوفت دانا البنات كانت تتمني مني انطقها وعمري مانطقتها غيى ليكي بس انا  قولت من الاول …تلاااااجه

غرام ضحكت على منظرو وهو متغاظ وقالت…طب روح نام يلا علشان جاني النوم قوي

بدر بصلها وابتسم وقال بارتباك بيحاول يداريه…لا مهو انهارده هنام سوا اصلي….عايز منك طلب ومش هينفع ترفضي

غرام باستغراب…. طلب …طلب ايه ده

بدر قرب عليها جدا وقال…غرام…لازم نتمم جوازنا انهارده

غرام اتصدمت من كلمتو وقالت…تقصد ايه…قصدك….

بدر رد بسرعه وقال بجديه..ايوه قصدي كده الموضوع ضروري يا غرام

غرام حست بقلق وقالت…ضروري ازاي يعني مش فاهمه

بدر قال ابتسم وحاول يقنعها وقال…بصي يا غرام احنا بقالنا كتير متجوزين  واهلي عايزين حفيد ومدام انا بحبك وانا متأكد كمان انك بتحبيني ولسه هخليكي  تحبيني اكتر يعني مفيش داعي للتأخير اكتر من كده

غرام اتوترت جدا وقالت …بس …بس يعني

لاكن بدر حط صباعو على شفايفها وقرب منها جدا ونزل صباعو ببطأ وباس.ها بوسه  طويله متمكنه سرقت انفاسهم وابتعد عنها وهو بينهج وسند جبينه على جبينها  وقال بهمس سامحيني…مش عايزك تزعلي مني ابدا

غرام كانت مغمضه عنيها من تأثير قربو واول ما قلها كده فتحت عنيها باستغراب وقالت…ازعل من ايه..واسامحك على ايه مش فاهمه حاجه

بس بدر مردس عليها و قرب منها تاني وهيه كانت مستغربه الوضع كلو بس محبتش تمنعو اكتر من كده وبالفعل بقت مراتو قولا وفعلا

بعد شويه بعد عنها بصدمه شديده وعنيه كانت هتطلع من مكانها وقال…ازا..ازاي..غرام انتي ازي لسه بنت

غرام ضمت نفسها على زاويه ودموعها نزلت وقالت..ووووو

يتبع….

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا