رواية غرامي الفصل الاول والثاني بقلم زهرة الربيع حصريه وكامله في مدونة قصر الروايات
رواية غرامي الفصل الاول والثاني بقلم زهرة الربيع حصريه وكامله في مدونة قصر الروايات
عني ايه مينفعش اخدها دي بقالها ٣ شهور هنا الناس تقول ايه لو عرفت انا غرام القاضي في مصحه عقليه
الدكتور بخوف…يا بدر بيه المدام اعصابها تعبانه واخير بعد مده من العلاج بقت تتكلم وان شاء الله قريب تطلع و
بدر بمقاطعه…مفيش الكلام ده الموضوع منتهي غرام هتخرج معايا انهارده وانا هعرف اخد بالي منها وهجيب لها ممرضين يا خدو بالهم منها خلاص يا دكتور مستغنيين عن خدماتك
الدكتور بخوف وارتباك…مهو ..مهو حضرتك بذات مينفعش تقعد معاك دي بتخاف من وجودك و
بدر مسك الدكتور من قميصه بعصبيه وبصلو بصه ترعب وقال…و ايه … بتخاف مني وايه كمان وكمل من مابين اسنانه…الاحسن ان انت كمان تخاف يا دكتور خاف على المستشفى بتاعك وخاف على نفسك وعلى اولادك كمان وغرام تطلع معايا انهارده
بقلمي..زهرة الربيع
الدكتور بلع ريقه برعب وقال….تمام هتخرج ..هتخرج مع حضرتك انهارده
بدر سابو وابتسم وقال…برافو عليك كده احبك يلا عايز اروح اقولها اننا خارجين
الدكتور برعب…بلاش حضرتك تدخل اصل
بدر بسرعه…غرام مراتي مش بس هدخل اخدها كمان هتفضل معايا في بيت واحد وفي اوضه واحده كمان ولازم تتعود انت متشغلش بالك انا هعرف اتصرف معاها
الدكتور كتب لها على شوية مهدئات ووصا بدر على شوية حجات يعملهم وامر انهم يجيبوها على مكتبه علشان تقابل بدر وتخرج معاه
في مكان تاني وتحديدا قصر القاضي كان واقف راجل في الستين من عمره ده يبقى محمود القاضي والد بدر كان واقف بيدي اوامر للخدم بتجهيز اكبر جناح في القصر لغرام وبدر
نزلت ست في الخمسينات على قدر من الجمال والرقي دي تبقى صفاء هانم والدة بدر وقالت بارتباك …عيزاك يا محمود ديقيقه لو سمحت
محمود بهدوء….. خير يا صفاء فيه حاجه
صفاء بتوتر ..لا بقى مش خير يا محمود انت ازاي وافقت ان بدر يخرجها من المصحه وهي لسه عيانه وكمان بتجهز لهم اوضه واحده..يامحمود دي مش بتطيقه انا خايفه عليه
محمود بضيق..اولا انا كنت عايزها تكمل علاجها في المصحه مش لاني خايف منها بس علشان تبقى كويسه بس ابنك الي اصر وانتي عارفه اني مش بعرف اقنعه باي حاجه والي في دماغو بيعمله وحكايه الاوضه دي كمان ابنك مصر عليها اما بنسبه لغرام فايه الي يخوف في وجودها يا حببتي دي اعصابها تعبانه شويه
صفاء بخوف وتوتر….مش عارفه بقى يا محمود انت عارف انا بحب غرام قد ايه بس كلام الدكتور مش مطمني والي ابنك عملو خلاها بتكره وخايفه تتوتر وتعمله حاجه
محمود بابتسامه…هتعمل ايه يعني يا صفاء دي غرام اطيب منها متلاقيش انتي بس متشغليش بالك وربنا كبير
صفاء بقلق…ربنا يستر
في المستشفى بدر كان قاعد مستني غرام واتفتح الباب ودخلت غرام بهدوء واول ما شافت بدر قدامها وبرقت بشده وبقت تتنفس بقوه وملامح الغضب بان عليها جدا وفضلت بصالو بحقد كبير
الدكتور اول ما شاف توترها ده قال بقلق..مدام غرام بدر بيه ابن عمك جاي علشان ياخدك
بدر قال بعصبيه…انا جوزها تقولها بدر بيه جوزك
هنا بقى انفلتت الامور وغرام مقدرتش تتحكم في غضبها هجمت عليه بطريقه ترعب وهي بتقول..انت مش جوزي انت مش جووووزي. وبقت تخرمش وشو بضوافرها وعايزه تخنقو باي طريقه
بدر كان ماسك اديها بصعوبه وباصص لها بغضب وووووو
يتبع….
2=رواية غرام الحلقة الثانية
بدر كان ماسك ايديها بصعوبه وباصص لها بغضب وبيحاول يسيطر عليها بس مفيش فايده كانت بتصرخ بهستيريا وعايزه تخنقو باي طريقه
بدر شاور لدكتور بطرف عينه وفضل ماسكها الدكتور اتقدم عليها وداها حقنه مهدئه وفعلا مفيش دقايق واديها اترخت وكانت هتقع بس بدر حاوطها باديه ووقعت في حضنه
بدر كان ساندها بدراع واحد وبيرجع شعره لورا بتعب ابتسم بارتياح وشالها ونزل بيها حطها في العربيه واتوجه ناحية القصر
استوووووب لحظه نتعرف على ابطالنا اولا بدر القاضي ٢٩ سنه شاب صعب الطباع لابعد الحدود عصبي بطريقه ترعب بزنس مان من العيار التقيل بيدير سلسله شريكات عيلة القاضي مع والده محمود القاضي كل السوق بيخاف منه ومحدش يقدر يقف قصاده اما بالنسبه للشكل فهو شاب وسيم جدا وجذاب لابعد الحدود طويل وجسمو متناسق مفتول العضلات شعره اسود وطويل شويه عيونه سوده واسعه وملامحو قمر
غرام القاضي بنت عم بدر ١٩ سنه والدها متوفي من هي وعمرها ١٥ سنه امها من المانيا ورجعت بلدها بعد وفاة والدها بالنسبه لشكلها فهي بنت تجمع مابين السحر العربي والجازبيه الاجنبيه تحمل من ملامح والديها بشرتها بيضه جدا عيونها خضرا واسعه رموشها طويله وشعرها بني مموج وطويل جسمها متناسق تسحر فائقة الجمال وباقى الشخصيات هنعرفها مع الاحداث
نرجع بقى بدر نزل من العربيه ودخل القصر وهو شايل غرام ودخل بيها وكان والده ووالدتو مستنينهم
صفاء بخضه ..مالهايا بدر هي نايمه ولا تعبانه ولا فيها ايه
بدر هو وطالع السلم قال …متخافيش يا ماما هي كويسه نامت على الطريق ..دخل الاوضه وحط غرام على السرير وفتح بوكس كان في الاوضه وطلع منه سلسله حديد وقفل قفل طرف السلسله في السرير والطرف التاني على ايد غرام الي كانت نايمه زي الملايكه اتنهد بحزن ودخل ياخد دش بس اتحولت ملامحو للغضب لما شاف علامات ضوافرها على خده ورقبتو ضغط الي ايده بغضب وخلص حمامه وطلع لقاها لسه نايمه بصلها بسخريه ونزل
تحت كان فيه شاب مستنيه ده بقى عصام مدير مكتب بدر وصاحب عمره شاب وسيم ومؤدب وطيب ومرح عمره نفس عمر بدر ٢٩ سنه
بدر نزل وقال بضيق….اذيك يا عصام
عصام بابتسامه….مالك فيك ايه هو الدكتور مرضيش يخرج غرام ولا ايه
بدر اتعصب وقال…وهو دخلو ايه علشان يرضى او ميرضاش انا الي احب اعمله بعملو ومحدش يقدر يمنعني
عصام بهدوء..طب اهدى يا عم فيه ايه انا بس شوفتك مش على بعضك قولت اعرف مالك
بدر اتنهد بحزن وقال…مش طايقه حتى تشوفني كانت عايزه تخنقني تخيل وابتسم بسخريه وكمل مش مصدق ان دي غرام دي كانت لما تخاف من اي حد تجري عليا انا دلوقتي بقيت انا الي برعبها جبتها البيت متخدره ودلوقتى متكتفه بسلسله ومش عارف ردة فعلها لما تصحى
بقلمي…زهرة الربيع
عصام بصلو بحزن وقال..معلش يا بدر مهي معاها حق برضو الي انت عملتو مش قليل
بدر بعصبيه شديده…الي انا عملتو والي هي عملتو كان ايه ده بدال ما تحمد ربها اني سبتها عايشه اصلا بقولك ايه اققفل السيره دي بتنرفزني
عصام بتوتر…طيب تمام بس انا كنت جاي علشان..علشان
بدر بضيق..ما تقول وتخلصني يا عصام انا مش ناقص
عصام بسرعه…..سحر خلت باباها لغى كل العقود ومصره على موقفها واحنا كده هنخسر كتير انا وبباك حذرناك كتير انك متعلنش جوازك من غرام وادي النتيجه
بدر بسخريه..هو ده الموضوع يعني سحر دي سبهالي دي اصلا في جيبي هي وابوها وبعدين مين قلها علشان انا متجوز غرام ان كده علاقتنا انتهت
عصام بزهول..تقصد ايه هو انت ناوي تكمل معاها يا ابني دي بنت خالتك غلط تعمل معاها كده ..بدر لسه هيرد بس قاطعو صوت صريخ شديد وتكسير
كان طالع جري بس صفاء والدتو مسكت ابده بقوه بتمنعو وبتقول…لا يابدر متطلعش مش هسيبك تطلع
بدر قال بخوف..با ماما ارجوكي مينفعش لازم اشوفها ابعدي يا ما لوسمحتي وشاور لبباه جيه مسك مامتو وهو طلع جري على اوضة غرام
واول ما طلع الاوضه وقف بصدمه شاف غرام قاعده جمب السرير وبترتعش فيه حجات متكسره جمبها وايدها مجروحه وبتن.زف
بدر جري عليها بخضه مسك ايدها بخوف وقال …عملتي ايه كده ايدك يا غبيه
غرام مكانتش بترد وكانت بصالو وسرحانه فيه جامد بدر رفع عينه ليها لقاها بصالو بحب كبير فضل سارح في عيونها
غرام حطت ايدها على خده بحنيه خلت بدر استغرب جدابس كان للمستها تأثير خاص غمض عينه باستمتاع وغرام قربت منو اكتر وقالت بحب والدموع في عنيها….بحبك اوي ..ووحشتني اوي يا عماد
بدر فتح عينه بصدمه كان كهربه صعقتو واتحولت ملامحو لغضب مرعب ووووووووو
يتبع….
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا