رواية غرامي الفصل الثالث والرابع بقلم زهرة الربيع حصريه وكامله في مدونة قصر الروايات
رواية غرامي الفصل الثالث والرابع بقلم زهرة الربيع حصريه وكامله في مدونة قصر الروايات
بدر فتح عينه بصدمه واتحولت ملامحو لغضب مرعب وقال وهو بيضغط على كل حرف بيقوله..انا بدر اسمي بدررر
غرام كانت سارحه فيه ولما قال كده بصت فيه جامد واخيرا فاقت وشافتو قريب منها زقتو بقوه لدرجة انو سند ايده على الارض وانجرحت من الازاز المتكسر
بدر اتعصب جدا وعصبيتو كانت من كلامها مش من جرح ايده مسكها بقوه من دراعها بايده السليمه وزقها على السرير وصرخ فيها بطريقه ترعب وقال….انتي هتقعدي عاقله والا والله اكتفك في السرير
غرام كانت بصالو بغضب وعنيها بتطق شرار ومبتتكلمش بس لو تطول تقتلو وبدر كان واقف وبيحاول يطلع الازاز الي دخل في ايده وربطها بشاش علشان توقف نزيف من غير حتى ما يعقمها وجاب علبة الاسعافات وقعد جمب غرام ومسك ايدها بصعوبه لانها كانت بتمنعه وبقى يعقم لها الجرح الي في ايدها بهدوء هيه كمان استسلمت وسابت ايدها وبدر قال بهدوء…بتوجعك
غرام كانت بصالو بكره مع استغراب ومبتردش وبدر ربط ايدها وقال..على العموم احسن لما توجعك علشان تاخدي بالك من تصرفاتك
بقلمي…زهرة الربيع
هنا غرام شدت ايدها من ايده بعصبيه وبدر وقف كان رايح البلكون يشم شوية هوا بس وقف مكانو بزهول لما اخيرا اتكلمت وقالت بعصبيه…انت ربطني كده ليه افرض حبيت اروح الحمام
بدر التفت لها وظهرت على وشو ابتسامه بسيطه مقدرش يمنعها قرب عليها وقال ببرود بيحاول يظهره…عايزه تفكيها
غرام بضيق….ايوه
بدر بهدوء…ليه
غرام بعصبيه شديده…هو ايه الي ليه هو انا حيو.انه علشان تسلسلني كده وحاولت تهدى خدت نفس وغمضت عنيها وفتحتهم وقالت بهدوء …عايزه ادخل استحمى واغير الهدوم دي
بدر قال بهدوء…تمام هفكك تستحمي هتحتاجي مساعده ادخل معاكي
غرام اتعصبت جدا وقالت بضيق شديد…تدخل معايا فين ..الحمام…وهتدخل معايا بصفتك ايه اصلا
بدراتنرفز وقال بعصبيه…بصفتي جوزك لو مش واخده بالك
غرام زقت الفازا من على الكميدو كسرتها وقالت بعصبيه ترعب…متقولش الكلمه دي …انت مش جوزي..انت مش جوزي ..انت واحد حيو.ان و قذ.ر بكرهك انا بكرهك بكرهك وضمت نفسها باديها وبقت ترتعش وتبكي بشده
بدر كان في قمة غضبو بس حاول يهدى علشان حالتها قال بهدوء …انا جوزك يا غرام سواء حبيتي اولا مش هيغير من الواقع شئ انا هنزل تحت معايا حاجه مهمه افضلي هاديه يا غرام بدل ما اخليلك الاوضه زي العمبر الي كنتي فيه مفهاش غير سرير انا مش عايز اتعامل معاكي على انك… وسكت
غرام رفعت عينها ليه وقالت بدموع…مجنونه مش كده..لا عادي على فكره انا عارفه اني اتجننت والبركه فيك
بدر بصلها ومقدرش ينطق طلع من الاوضه بضيق حاسس انو مخنوق طلع بره القصر كله ووقف في الجنينه بيحاول ياخد نفس فضل يفكر في كلامها ونظرات الكره الي في عنيها بس حاول يبعد الافكار دي عنو وركب عربيتو ومشي
بدر نزل عند فيلا فخمه جدا ودخل على طول
الخادمه حضرتك عايز مين
بدر بهدوء…قولي لكمال بيه بدر بيه عايز يقابلك
بدر قعد بهدوء وثقه..والخادمه نادت كمال بيه نزل من على السلم راجل في الخمسين من عمره وقال بنبرة استهزاء..اخيرا بدر بيه كلف نفسو يجي يعتذر
بدر ابتسم وقال ببرود…مين الي قال اني جاي اعتذر يا كمال بيه انا جاي علشان نتفاهم بالعقل حضرتك لغيت العقود تمام مفيش مشاكل انا قادر امول المشروع كله بس الي يلغي عقود في نص المشروع يبقى عندو اسباب مقنعه مش كده ولا ايه
كمال بنبره غضب…وانت شايف بقى ان مفيش اسباب بقى رابط بنتي جمبك وانت متجوز بنت عمك وتقلي مفيش اسباب
بدر بنفس البرود …ايوه وايه دخل الشغل الي بينا في كده بقى وكمل بنبرة تحذير ..لازم تعرف يا كمال بيه ان خسارتك هتبقى اكبر بكتير من الي هخسرو انا يعني تخيل كده لو حد بلغ عن التهرب الضريبي الي قيمتو ملايين هتعمل ايه وقتها ده غير شوية امور تانيه خارجه عن القانون اصلا وابتسم لما شاف الخوف على ملامحو وقال..هاا نتفاهم ولا ايه
كمال بلع ريقه بخوف وقال …انت بتهددني
بدر باستفزاز…قديمه اوي الجمله دي ومتكرره المفروض ارد بجمله زيها واقولك لا انا بحذرك بس لا انا بهددك مش بس بهددك كمان هنفذ وانتى اكتر واحد عارفني
كمال بخوف شديد…يا بدر يا بني سحر دي بنت خالتك الله يرحمها ومتربيه معاك و بتحبك من زمان وانجرحت بالي عملتو وهي اصرت الغي العقود بس ولا تزعل انا هحاول اقنعها
بدر بسرعه….تؤ تؤ تؤ انت متحاولش في حاجه بكره تيجي الشركه تصلح الي عملتو وسحر سبهالي انا هراضيها
كمال كان هيتكلم بس قاطعو نزول ابنه هشام شاب متوسط الجمال وسيم نسبيا عمره٢٧ سنه
هشام ببرود…اهلا بالباشا جاي ليه
كمال بمقاطعه…خلاص يا هشام انا وبدر اتفاهمنا خلاص
هشام بغضب …اتفاهمتو على ايه البني ادم ده ملوش كلام معانا تاني كان بينا وبينه خالته وماتت وخطوبه واتفشكلت نبقى كده خلصنا بعد ما طلع متجوز غرام ومقرطسنا كلنا
بدر باستفزاز…اولا اسمها غرام هانم ويستحسن لو تغير الصيغه اصلا ومتنطقش اسمها يعني تقول متجوز بنت عمه مثلا ثانيا بقى ايه مقرطسنا كلنا دي هو انت زعلان علشان طلعت متجوز ولا علشان متجوز غرام تحديدا
هشام اتنرفز جدا وقال…وهزعل على الي اتجوزتها ليه هيه بتعشقك مثلا دي لما عرفت بجوازك منها دخلت مصحه يعني عمرها ما هتكون ليك بكره تطلق منك اصلا مستحيل تفضل مع واحد مريض ذيك
بقلمي…زهرة الربيع
بدر اتضايق من كلامو لبس نضارتو واتوجه ناحية الباب وقال ببرود ….بكره تشوف ازا كانت هتفضل مع واحد مريض زي ولا لا
بدر كان هيخرج بس وقف مكانو لما هشام قال بزعيق…مش عارف جايب الثقه دي منين ولا نسيت انها عشقت غيرك وجبتها من حضنو كمان
بدر ضم اديه بغضب اعمى وكأن بركان انفجر في صدره هجم على هشام بدون مقدمات وفضل يضربو ونزلو على الارض على بطنو وماسك دراعو بقوه ودايس برجله على رقبتو بغضب وشده
كمال بقى يترجاه يسيبه لدرجه انو بكى قدامو لما شاف ابنه خلاص بيطلع في الروح
بدر قال بغضب وسخريه…لولا دموع بباك غاليه عليا كان زماني بعتك تسألو حصلو ايه لما جبتها من عنده وكمل وهو بيضغط عل كل حرف بيقوله…غرام متجيش حتى في بالك والي هعمله دلوقتي مجرد تذكير وشد دراعو على جمب بعن.ف فاتكس.ر
هشام صرخ من شدة الالم وبدر ابتسم بغل وقال ابقي طمني على دراعك يا إتش وسابو وخرج زي الاعصار
اول ماخرج قابل سحر في الجنينه حاول يهدى و ابتسم بسرعه وقال ..ايه الجمال ده كلو
سحر دي تبقى خطيبة بدر بنت جميله طويله وجسمها متناسق عمرها ٢٥ سنه وبتحب بدر جدا
سحر بعصبيه..انت ايه الي جابك هنا بعد الي عملتو
بدر بابتسامة برود… عملت ايه يزعل القمر كده
سحر باستغراب من بروده….بقى مش عارف عملت ايه بقى تخطبني وتمثل عليه وانت متجوز حتت العيله دي ويا رتها حبتك كمان
بدر اتعصب لما قالت كده كان هيرد بس جالو تلفون
بدر حاول يهدى وقال…الو ايوه يا ماما
صفاء بقلق…انت فين يا بدر يا بني تعالى شوف غرام
بدر بقلق…مالها غرام
صفاء…عماله تصرخ بتقول عايزه تدخل الحمام وانت رابط ايدها في السرير وقافل عليها الاوضه كمان كنت سبت المفتاح معايا
بدر ضرب على جبينه وقال بقلق…ياخبر دانا نسيت جاي حالا وطلع ركب عربيته من غير حتى ما يكلم سحر او يعتذرلها
سحر بصت لطيفه بدموع وقالت…حتى مكلفش نفسو يعتذر انو هيمشي المهم الست غرام
بدر وصل القصر وطلع جري على اوضة غرام واول مافتح الباب وووووو
يتبع….
4=رواية غرام الحلقة الرابعة
بدر وصل القصر وطلع جري على اوضة غرام فتح الباب وجري عليها لما لقاها بتبكي بشده قرب ببطأ وقال بصوت هادي…غرام انتي كويسه
غرام بصتلو بغضب ودموعها على خدها وقالت بنبرة حزن وانكسار…فكلي ايدي هموت واعمل حمام
بدر بصلها بحزن وفك ايدها ولسه هيتكلم غرام جريت بسرعه على الحمام وبدر فضل يلعن غبائو وقال وهو بيشد شعره لورا بعصبيه….اوفففف ازاي نسيت دي قالتلك من قبل ما تمشي عايزه تدخل الحمام يا غبي
بعد شويه سمع صوت الميه وكانت بتستحمى فضل مستنيها بتوتر بس اتصدم لما شافها طالعه لافه فوطه حاولين جس.مها بطريقه مغريه جدا فضل باصص لها باعجاب واضح ومتنح فتره
غرام خدت بالها من نظرتو قالت باستهزاء…. ايه عجباك قوي كده
بدر بلع ريقه وقال بارتباك …كنتي قوليلي كنت جبتلك هدومك و
قاطعتو غرام بسخريه وقالت …ليه هو انت مش بتقول انك جوزي ولا ايه ..هاا يا جوزي ايه رايك في جس.م مراتك حلو مش كده
بدر برق بزهول وقال وهو بيحاول يشيل عينه من عليها…امممم احم كويسه
غرام بجرائه غريبه قربت منه وقفت قدامو وقالت وهي بتشاور على نفسها …كل ده بس كويسه
بدر مقدرش يمسك نفسه اكتر وقف وشدها من وسطها وقال وهو بيحاول يهدى..انت عايزه ايه بظبط ها مش فاهمك
غرام بصت في عنيه بغل وقالت..عيزاك تسبني في حالي تسبني امشي من هنا وانا جاهزه لاي مقابل اديني قدامك انا فاهمه انت بتعمل كل ده ليه وموافقه اتفقنا
بدر بصلها بزهول من كلامها دفعها بعيد عنو واتنرفز جدا وقال…انتي فاكره اني مخليكي معايا علشان كده ازاي تفكري كده اصلا هوانا في نظرك رخيص اوي كده
غرام باستهزاء ..تؤتؤ انت في نظري ارخص بكتيييير من كده بلاش تحور معايا وتعالى دغري يعني لو مكنتش عايز كده حابس بنت عمك وقاعد لها في اوضتها ليه بصفتك ايه انا معنديش مانع اتفضل
بقلمي…زهرة الربيع
قلم قوي جدا نزل على خد غرام من بدر اول ما قالت كده ومسكها من دراعاتها بقوه وقال …انا جوزك ..جوزك شئتي ام ابيتي وقاعد معاكي بصفتي جوزك ولازم تتأقلمي يكون اريح ليكي وليا ومسك وشها رفعو ليه بعنف وقال…انا لما جبتك من شقتو قلت اكيد عمل حاجه علشان تروحي معاه غرام متعملش كده بس دلوقتي عرفت اني ظلمتو وانك اوسخ من ما كنت متخيلك بكتير وزقها على السرير وطلع وقفل الباب بعنف وحط عليه قفل علشان متخرجش
غرام حطت ايدها على خدها وفضلت تبكي بشده
وبدر نزل وهو مش شايف قدامو اتفاجأ بسحر قاعده مع والدتو حاول يكون هادي.وقال…اذيك يا سحر انا اسف مشيت من غير ما اتكلم معاكي بس كان فيه موضوع مهم
سحر قالت بضيق…طبعا طبعا فيه مواضيع معاك مش عريس جديد وعروستك لسه خارجه من المستشفى واكيد وحشاك
بدر بنرفزه…انا الساعه دي بذات مش حمل تقطيم حابه نتكلم ولا لا
سحر بصت لملامحو وحست انو مخنوق فمرضيتش تكتر معاه قالت بهدوء..تمام نتكلم
صفاء كانت هتخرج بس بدر قال خليكي انتي يا ماما انا وسحر هنقعد في الجنينه حاسس اني مخنوق شويه
صفاء بخضه..مالك يا بدر يا حبيبي انت كويس مش كده البخاخ معاك
بدر مسك دماغو وحاسس بصداع وقال..انا كويس اوي يا ماما ومش محتاج للبخاخ لو احتاجتو هو في جيبي متقلقيش وطلعو الجنينه
سحر بهدوء انت كويس مش كده
بدر بضيق..لا ياسحر انا مش بخير ابدا انا محتاجلك اوي محتاجك جمبي وقرب منها وحضنها وقال …قولي انك بتحبيني يا سحر انا اتحب مش كده
سحر حست انو موجوع هيه متربيه معاه وعارفه لما يكون مضايق قالت بحنيه…تتحب بس دانت العشق اتخلق علشانك يا بدر انت ادمان او مرض ملوش دوا انا بعشقك انت عمري كلو
بدر ابتسم بسعاده كان نفسو يسمع الكلام ده جدا ثقتو في نفسو اول مره تتهز كده بعدعنها وقال …انتي الي مفيش منك يا سحر انا ب..احم .بعزك جدا
سحر ضحكت بوجع وقالت بتعزني ..مش قادر تقولها مش كده انا غلطت لما فكرت ان فيه حاجه تقولها عن اذنك
سحر كانت هتمشي بس بدر مسك ايدها وقال ..استني يا سحر هحكيلك كل حاجه
في الوقت ده غرام لبست هدومها وبقت تلف في الاوضه عايزه تخرج باي طريقه فتحت البلكون شافت البوابه مفتوحه وبصت بعيد شافت بدر واقف مع سحر عند مدخل القصر بعيد يعني صعب يشوفها راحت ناحية الدولاب طلعت مفارش السرير وبقت تربطهم في بعض وعايزه تهرب من البلكون بالطريقه التقليديه وفعلا ربطت طرف المفرش في البلكون باحكام ونزلتو علشان تنزل عليه
بدر بقى كان واقف مع سحر مضايق جدا قال بضيق..بصي يا ستي الحكايه ان غرام زي ما انتي عارفه مامتها المانيه ولما عمي عرف انو هيتوفى قريب من كلام الدكاتره طلبني انا وبابا واصر اني اتجوز غرام قدام شهود جواز سوري لانها كانت ١٥ سنه بس يعني منقدرش نكتب عند مأذون طبعا هو كان خايف ان مامتها تاخدها معاها لما تيجي تسافر وهو مكانش عايزها تتربى بره انا وبابا وافقنا علشان منزعلوش ووصانا ان اول ما تتم ١٨ سنه نكتب الكتاب وده فعلا حصل السنه الي فاتت لما كملت السن المطلوب بس مرضيناش نقول لغرام علشان ممكن ما توافقش وكتبنا الكتاب بالتوكيل الي عملاه لبابا ادي كل الحكايه انا وهيه زي ما كنا قبل الجواز اخوات وبس وده ميمنعش جوازي منك في شئ انا عايزك جمبي يا سحر
سحر بتحاول تستوعب قالت طب هيه والدتها مقالتلهاش حاجه
بدر بغضب..لا دي كانت ست فيها العبر زي ما تكون ما صدقت انو مات زي ما توقع حبت تمشي قبل ما يكمل شهر حتى ساعتها غرام كانت حزينه عليه وداخله في اكتئاب اول ما قولنا لمامتها اني اتجوزتها وهتفضل معايا بس ماتقوليلهاش دلوقتي وافقت على طول من غير حتى ماتفكر وغرام زعلت ان امها هتمشي وتسبها وقالت مش هسيب المكان الي عاش فيه بابا هو كمان عمي كان كلمها قبل مايموت وقلها لو جرالو حاجه تفضل هنا متسافرش فغرام حبت تنفذ وصيته وتفضل هنا
سحر ..طيب والموضوع الي خلاها بالحاله دي الي من ٣ شهور ايه
بدر اتحولت ملامحو لغضب رهيب وقال…الموضوع ده بذات متتكلميش فيه خالص تمام
بقلمي…زهرة الربيع
سحر بخوف ..تمام بس انا لو هوافق ان خطوبتنا تستمر يبقى عندي شرط
بدر..شرط ايه اشرطي براحتك
سحر بهدوء..هاجي افضل هنا عند خالتي كام يوم علشان اشوف بعيني اذا كنت بتعاملها زي اختك زي ما بتقول ولا بتضحك عليا
بدر اتنهد وقال…تمام وانا موافق
نرجع لغرام..بعد ما نزلت جريت على البوابه وكان البواب بيتكلم مع زميله فتسحبت وخرجت وجريت بسرعة البرق بعد مسافه صغيره اتفاجأت بعربية هشام كان جاي ياخد سحر
هشام اول ما شافها قال للسواق يوقف هو جايب السواق لان دراعو مكسور مش هيقدر يسوق ونزل من العربيه وقال بفرحه..غرام عامله ايه انا كنت هتجنن واشوفك
غرام بتوتر مش وقتو يا هشام ارجوك مشيني من هنا انا هربانه من بدر
هشام كأن طاقة القدر انفتحت له قال وهو بيبص شمال ويمين…تعالى معايا يلا اركبي بسرعه ووووووو
يتبع….
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا