رواية غرامي الفصل الخامس عشر والسادس عشر بقلم زهرة الربيع حصريه وكامله في مدونة قصر الروايات

رواية غرامي الفصل الخامس عشر والسادس عشر بقلم زهرة الربيع حصريه وكامله في مدونة قصر الروايات 

رواية غرامي الفصل الخامس عشر والسادس عشر بقلم زهرة الربيع حصريه وكامله في مدونة قصر الروايات 

غرام اول ماسمعت صوتو التفتتلو بغضب وعيونها مليانه دموع وبصتلو بشراسه وهو جري عليها فجأه وحضنها بكل قوتو

غرام اول ما عمل كده استجمعت قوتها ودفعتو بقوه وغضب لدرجة كان هيقع وبصتلو بحده وضربتو قلم قوي جدا جدا

بدر كان هيتقدم عليها بس عصام مسك ايده وقال سيبها يا بدر سيبها تطلع الي جواها صدقني كده احسن

بدر اتردد شويه بس كان حابب يعرف بتفكر في ايه فضل واقف مكانو بضيق وتوتر

عماد فضل باصص لها ومصدوم جدا من الي عملتو قال بدهشه….انتي…انتي بتضربيني  ياغرام ….لحق لعب بعقلك ..دا بدال ماتفرحي اني لسه عايش ياخساره يا غرام

غرام بصتلو وعنيها بتطلع شرار وقالت بغضب مرعب….فعلا ياخساره …ياخسارة كل  دقيقه عشتها معاك…ياخسارة كل دقه من قلبي ضيعتها على واط.ي زيك يا خسارة كل  لحظه حبيتك فيها وسمحتلك تضحك عليا بيها يا سا.فل يا حق.ير

عماد اتفاجأ من ردها مكانش متوقع انها تقابلو بالطريقه دي بلع ريقه بتوتر  وقال…يا غرام…ياغرام انا مكنتش اعرف انو متجوزك انا زي زيك احنا التنين بدر  ضحك علينا وو

غرام قاطعتو بغضب وسخريه قالت…بجد مكنتش تعرف معاك حق هتعرف منين مهو لو كنت كتبت كتاب حقيقي وجبت مأذون حقيقي كنت عرفت

عماد عرف انها كده عرفت كل الحكايه فمكانش قدامو حل غير انو يشككها في بدر  قال بمكر…انتي مين قلك الكلام ده طبعا بدر مش كده مش عارف ازي تصدقيه افهمي  بقى بدر ده بيضحك عليكي كل الي عايزه منك حاجتين اتنين وهيرميكي بعدها ولا  هيسأل فيكي حتى

غرام ضحكت بضيق وقالت…اممم وانت بقى الي مضحكتش عليا وكملت بسخريه شديده  وقالت …وطبعا من واقع خبرتك فأنت اكيد عارف الحاجتين دول مش كده

عماد حاول يأثر عليها رد بسرعه…طبعا عارف اولا ورثك من ابوكي الي هو نص  املاك عيلة القاضي وانتي الوريثه الوحيده ليه وثانيا بقى.وبصلها من فوق  لتحت بوقاحه وقال…ثانيا ده بقى كلنا عارفينو ولا ايه

غرام بصتلو باستحقار وقالت بحده…..طبيعي الواط.ي يشوف كل الناس واطيه زيو  .بس خد مني الكلمتين دول اولا املاكي بدر عندو قدها مرتين ومش محتاجها لانو  ببساطه بدر القاضي الي اتولد والفلوس تحت رجليه مش بيتعب نفسو ولا يخطط  علشانها بيسيب الكلام ده لامثالك يا ابن السيوفي ثانيا بقى انا مراتو وكل  حته فيا ملكو انت ريح نفسك ومتشغلش بالك معدتش البنت الي كنت تضحك عليها  بكلمتين وفرهم اريحلك

عماد حس بخيبة امل وملقاش معاها ريق حلو قرب عليها وحاول يمسك ايدها وقال….ياغرام انا بحبك انا

بس غرام شدت ايدها بعصبيه وقالت بحده وشراسه ترعب..ايدك دي لو قربت مني  هعلقها في رقبتك اقسم بالله اققت.لك من غير مايرفلي جفن ومخدش فيك يوم واحد  سجن متنساش اني خارجه من مصحه يعني خاف على نفسك احسنلك يا عماد

غرام استدارت هتمشي شافت بدر في وشها وابتسامه فرحه شديده على وشو اكدت لها  انو سمع حديثهم قالت بصوت هادي….بدر ممكن تطلعني الاوضه يا حبيبي

بدر ضحك بخفه على طريقتها وقال طبعا يا حياتي وبص لعماد بابتسامة نصر واستفزاز وقال وهو بيمد ايدو ليها….يلا بينا

غرام بصت لايده ومسكتها بابتسامه بسيطه وطلعو سوا اوضتهم تحت انظار عماد الي كان مصدوم جدا

بقلمي…زهرة الربيع

عصام عدى من قدام عماد وقال…تعيش وتاخد غيرها يا عمده طبعا كده غرام بح  والصفقه كمان الي عملت المستحيل علشان متمش طبعا اكيد فهمت بما ان بدر هنا  يبقى هتكمل يعني رجوعك كلو على الفاضي يلا متزعلش الحجات دي نصيب وسابو مشي

عماد كان هيموت حرفيا من الغيظ حاسس ان الدنيا اسودت في عنيه طلع اوضتو  بغضب وعصبيه مفرطه خبط الباب بعن.ف وفضل يلف في الاوضه زي المجنون وبعدها  حاول يهدى ورن على هشام

عماد بعصبيه …اسمع يا زفت تجيلي حالا خد اول طياره وتجلي على شرم الشيخ مفهوم

هشام بخوف وقلق…ليه حصل ايه لكل ده

عماد بعصبيه….حصل زفت على دماغنا كلنا بدر هيكمل الصفقه يعني هيبقى اقوى من  الاول لا وغرام كمان بقت في صفو تجلي حالا نشوف هنعمل ايه بسرعه

هشام اتنهد بضيق وقال…..وانا هعمل ايه يعني حتى لو جيت وبعدين انا كلها خمس  ايام وهكون عندك بدر طلب ايد سحر للجواز وهيتجوزها بعد اسبوع وكلمتنا  وبابا قال هنستنى خمس ايام ونروحلها

عماد اتفاجأ جدا وقال بزهول….انت سكران ولا بتقول ايه بدر هيتجوز سحر ازاي طب وغرام

هشام بلامبالاه…اهو قلها انو مبيحبش غرام ومفيش حاجه ما بينهم وان جوازهم ورق وبس وزي العاده صدقتو

عماد اتلخبطت افكارو قال…ازاي يعني دول من شويه كانو بينادو بعض حبيبي وحياتي معقوله بيعملوو كده قدامي يعني مفيش ما بنهم حاجه ههه

وضحك بصوت عالي وقال بتنهيده ….يا خبر ابياااااااض دانا كنت صدقت

هشام بعدم استيعاب…صدقت ايه وبتضحك على ايه انا مش فاهم حاجه

عماد بفرحه ومكر …لا متشغلش بالك انت يا اتش ومفيش داعي تيجي انا هتصرف سلام

وقفل معاه وابتسم بشر وافكار شيطانيه بتدور في دماغو قال ..يا تري بتضحك على مين فيهم يا ابن القاضي

سحر بقى كانت فرحانه جدا خرجت من الاوضه بسعاده وراحت لعصام

عصام فتح الباب بالبنطلون وبس فاكرو بدر ولسه هيتكلم اتفاجأ بسحر

سحر شهقت بكسوف وودت وشها الناحيه التانيه وقالت بحرج شديد…..انا.انا اسفه…اجيلك وقت تاني

سحر كانت هتمشي بس عصام مسك ايدها بسرعه وقال….استني انا الي اسف مكانش المفروض افتح كده

سحر بصت لايده لانو ماسك ايدها وحمحمت بخجل وعصام فهم وساب ايدها وقال…احم  انا اسف استني ثانيه واحده وجري بسرعه لبس تيشرت وقال اتفضلي يا سحر

سحر بصتلو وضحكت وقالت …الاحسن لو تتفضل انت بره انا حابه اتكلم معاك اذا ممكن

عصام طلع و قفل الباب وقال…دانا اتمنى اتفضلي وطلعو سوا قعدو على البحر

عصام كان سعيد انو معاها مع انها كانت كالعاده بتحكي عن بدر قال…..لاكن مقولتليش ايه سر تشريفك ليا والقعده الحلوه دي

سحر اتنهدت وقالت ….انهارده حابه احكي معاك انت بذات لاني مبسوطه وانا من زمان معنديش غيرك اتكلم معاه لما اكون عايزه اتكلم

عصام بصلها بابتسامه وقال…امم وايه بقى سبب الانبساط ده

سحر بصتلو باستغراب وقالت….هو بدر مقلكش ولا ايه مش طلب ايدي للجواز والفرح بعد اسبوع كمان انا مش مصدقه هطير من الفرحه يا عصام

عصام حس الارض بتدور بيه مش عارف حتى يبتسم يجاملها فضل مصدوم بيجاهد نفسو  علشان دموعو متنزلش قال بصوت حاول يخليه طبيعي…الف مبروك فرحتلك من قلبي ان  شاء الله تعيشي مبسوطه

سحر بصتلو بامتنان وقالت…شكرا بجد يا عصام انا صحيح كنت زعلانه منك لانك  كدبت عليا لاكن بعد الي حصل حابه اشكرك اوي وحابه افضل احكيلك قد ايه  فرحانه وقالت بنبرة حزن …انا معنديش حد غيرك احكيلو عن فرحتي

عصام حس بنبرة حزن في كلتمها حاول ينسى وجعو و قال…ازاي بقى معندكيش غيري  عندك بباكي وعندك هشام وبدر وطنط صفاء وانا ومحمود بيه وغرام كلنا بنحبك

سحر ابتسمت بحزن وقالت…حتى غرام حسبتها انا على فكره مش بكرها بس انا فجأه  لقتها في مكان عمري ماتخيلت حد فيه غيري غصب عني مش بايدي فاهمني

عصام اتنهد بحزن وقال….فاهم ان اكتر واحد فاهم وعلى فكره هيه كمان فاهمه ومش زعلانه ها قوليلي بباكي وهشام هيجو امتى

سحر ابتسمت بسخريه وقالت…لو افتكرو هيجو كمان خمس ايام …عارف يا عصام انا  عمري ما حسيت يعني ايه حب الاب ولا حنية الاخ دايما مهمشه ديما مش بظهر  عندهم غير لما يكونو معندهمش اي شيى يشغلهم مكنتش احس بالحب فعلا غير من  ماما الله يرحمها هيه الوحيده الي ديما كانت معايا اما هشام وبابا دول بحس  انهم مش اهلي اصلا يعني مثلا يوم ما طلبت منو يلغي العقود مع بدر موفقش ولا  وافق اني افسخ الخطوبه كلو علشان الفلوس وعارف ايه الي اقنعه يوافق برضو  الفلوس هشام قلو نضغط على بدر ونخليه يعوضنا مقابل اننا نكمل في الصفقه حتى  مهتموش انا قد ايه زعلانه وقتها

عصام بصلها بحزن شديد وقال ….متزعليش يا سحر سعات الدنيا بتلهينا عن اققرب  الناس بس الي في القلب مبيتغيرش وسواء بباكي او هشام فأكيد لتنين بيحبوكي

سحر ابتسمت وطلبو عصير وفضلو يتكلمو فتره محسوش بالوقت فيها رغم ان عصام كان قلبو بين.زف حرفيا

عند بدر وغرام طلعو الاوضه واول ما دخلو غرام فضلت قاعده على السرير مش  مصدقه انها شافتو تاني بس الاحساس مختلف تماما دلوقتي حابه تنتقم منو  بتكرهو وحاسه بالخزلان مش زي احساسها الاول تجاهو حاسه بتخبط شديد ومش  مركذه

بدر حس بكده قعد جمبها وقال بهدوء…… لسه بتحبيه

غرام رفعت عنيها ليه والدموع ملياهم وقالت….مبقتش عارفه…مبقتش عارفه بحبو  اوبكرهو ..مبقتش عارفه المفروض احس بأيه الف حاجه جوايه مبقتش اثق في حد  حتى في نفسي ولا في قلبي انا …انا عايزه اعيط وبس

بدر ابتسم بدموع وشدها لحضنو وهيه استسلمت وفضلت تبكي بشده لحد ما هديت شويه بعدت عنو بكسوف وقالت بهدوء…احم اسفه

بدر ابتسم وقال….ليه بتتأسفي يا غرام ما انتي طول عمرك بتجري عليا لما تكوني زعلانه او مبسوطه

غرام قالت بحرج…..ايوه بس وقتها كنت صغيره

بدر ضحك بخفه وقال….وقتها كنتي صغيره على اساس انك كبرتي يعني على فكره  زمان كنتي صغيره ودلوقتي بقيت جوزك يعني في الحالتين مش بتعملي حاجه غلط

غرام وقفت وقالت بضيق مصتنع….بس بس…متقولش جوزك دي

بدر وقف قدامها وبقى يقرب وهو بيقول…ليه…مش حابه اكون جوزك

بقلمي…زهرة الربيع

غرام لزقت في الحيط وقالت بتوتر من قربو….احم ابعد يا بدر لو سمحت

بدر بص في عنيها جامد وقال بابتسامه تجنن….ليه حاسس انك مش عيزاني ابعد

غرام حاولت تتحاشى عيونه وقالت بارتباك شديد…لا ابدا انا عيزاك تبعد

بدر قرب عليها جدا وهيه غمضت عيونها باستسلام وبدر ابتسم بسعاده حقيقيه  وقرب بشفايفو منها بس غرام نزلت بسرعه من تحت دراعو وقالت بسرعه …انا عايز  انام يلا تصبح على خير

بدر ضحك عليها وقال….بذمتك حد يعمل كده وكمل بغمز… على العموم براحتك كده كده التفاح استوى ووقع

غرام بتحدي ……بتحلم

بدرقال بتكبر….بدر القاضي احلامو اوامر يا غرامي

غرام بصتلو بطرف عينها وقالت هنشوف وراحت تنام

بدر بصلها وقال بتوتر…..غرام انتي هتنامي كنت عايزك في موضوع ضروري

غرام فضلت مكانها بلامبالاه وقال….هممم ارغي

بدر بتوتر….. غرام انا انهارده صالحت سحر وحددنا معاد الفرح الاسبوع الي جاي

غرام قعدت بصدمه واتسعت عنيها بشده وووووووو

يتبع….

16=رواية غرام الحلقة السادسة عشر

غرام قعدت بصدمه واتسعت عنيها بشده وقالت….فرح …فرح مين….انت وسحر ..هتتجوزو…. انت بتهزر مش كده

بدر خد نفس وقال بحزم…لا مش هزار هنتجوز اخر الاسبوع انا مش قولتلك اني هصالحها و

غرام اتجمعت الدموع في عنيها قاطعتو وقالت بحده…لا..انت قولت هتصالحها مش  هتتجوزها وانا افتكرت انك بتعمل كده علشان عماد زي ما انت قولتلي في الاول  قلت انك اكيد هتصالحها علشان عماد رجع وانت خايف عليها لاكن..لاكن تتجوزها  واخر الاسبوع كمان

بدر قرب عليها وقال بابتسامه ….وانتي ايه الي مضايقك كده افرض اتجوزتها ايه المشكله

غرام اتنرفزت جدا وقفت بغضب وقالت….عندك حق مفيش حاجه تضايق …بس لعلمك مش  غرام القاضي الي تتجوز واحد ويتجوز عليها اذا ناوي تتجوز بعد اسبوع يبقى  تطلقني حالا فاهم

بدر قال ببرود….. هطلقك بعد ما تخفي

غرام بصتلو بضيق وقالت بعصبيه…انا خفيت جدا وبقيت كويسه واحسن من الاول كمان

بدر بصلها وقال بسخريه…لا والله …بجد امال مين الي بيرمي العلاج في الحمام اكون انا مثلا

غرام بارتباك…انا برميه لاني مش محتجاه بقولك بقيت كويسه

بدر بصلها بابتسامه جميله وقرب منها وقال…. اولا مش انتي الي تقرري اذا  خفيتي اولا عندك دكتوره بتابعك وهيه الي تقول ثانيا بقى انا عارف ان بعد كل  الي حصل الفتره الاخيره مبقتيش تثقي فيا خالص بس انا دلوقتي بوعدك وانتي  عارفه وعودي اني هصلح كل شئ انتي بس اديني فرصه واحده من غير ما تسألي ليه  لاني حاليا معنديش اجابه

غرام بصتلو بدموع وقالت…طب…طب يعني هتتجوز ولا ايه مش فاهمه

بس شهقت لما شالها فجأه ورح ينيمها وهو بيقول …انا قولت ايه من غير اسأله ويلا بقى كفايه كلام خلينا نعرف ننام جاين من سفر

غرام يأست منو وحست انو مش هيقولها حاجه فسكتت وكانت هتنام بس بدر نام على السرير جمبها وقال بلامبالاه تصبحي على خير

غرام شدت من عليه الغطا بقوه وقالت بعصبيه…انت نمت هنا ليه

بدر قعد بضيق وقال…اللهم طولك يا روح ..وحاول يهدى وقال… يا غرام يا حببتي  انتي شايفه الاوضه مفهاش مكان يتنام فيه غير السرير احنا مش في القصر علشان  تنيميني على الكنبه نامي ربنا يهديكي

غرام بصتلو بضيق وقالت …وانا مالي بكده قوم نام على الارض

بدر بصلها بدهشه وقال…على الارض..انا..انا عمري ما نمت على الارض

غرام بصتلو بضيق وقالت بسخريه…يا ختي …حلوه..جبنه نستون ياناس قوم وبطل دلع

بدر زهق منها وكان عايز ينام قام وفرش حاجه تحتو ونام على الارض وهو بيقول  ربنا على كل مفتري… وفضل يتقلب لان النومه مش مريحه وكمان في دماغو الف  موضوع فضل يفكر شويه ونام من كتر التعب

غرام بصت الناحيه التانيه وهيه بتفكر لو فعلا اتجوز سحر هتعمل ايه اتعودت  جدا عليه ومش هتهرف تبعد عنو ومجرد فكره انو يتجوز بتقتلها فضلت وسط  افكارها لحد ما نامت هيه كمان

في صباح اليوم التاني كان عماد و عصام وبدر في استقبال مدير الشركه الفرنسيه

عماد كان بيبص لبدر بنظرات استفزاز وبدر كان هيموت ويضربو بس عصام كل شويه يمنعو

بعد شويه وصل راجل في اواخر الاربعينات بطله فرنسيه مميزه ده بقى مستر مارك مدير الشركه الفرنسيه

اول ما شافو عماد جري عليه وقال بحفاوه….مرحبا ..بك مستر مارك شرفت مصر بوجودك فيها

مارك بابتسامه…مرحبا عماد مصر مشرفه باهلها اين هو بدر القاضي

بدر اتقدم عليه وقال بابتسامه بسيطه….اهلا بك مستر مارك نرجو ان تكون استمتعت برحلتك

مارك بابتسامة …وكيف لا استمتع انا احب مصر كثيرا لاكني كنت متشوقا لروءيه  ذلك البدر الذي غير اسلوب التصدير بسنوات قليله انا احيك انت حقا بارع

عماد كان بيبصلو بغيظ وبدر متجاهلو جدا وقال بطريقه لبقه…انا اشكرك مستر مارك نحن نأخذ الالهام منك تفضل معي لنبد الاجتماع

ودخلو القاعه الخاصه بالاجتماعات وكانت غرام هناك مستنيه بدر وأول ما شافها  مارك قال باعجاب شديد ….يا الاهي ما هذا الجمال من تكون هذه الحسناء

بدر اتعصب جدا بس غرام وقفت جمبو بسرعه وضغطت على ايده وابتسمة وقالت…مرحبا مستر مارك انا غرام القاضي زوجة بدر

مارك بصلها وقال بدهشه…زوجتك…. كيف لهذه الصغيره ان تكون متزوجه

بدر اتضايق جدا قال بصوت حاول يخليه طبيعي …عصام خد غرام وخليك معاها بره انا هكمل مع مستر مارك يلا

عصام وافقو بسرعه وخد غرام وخرجو قعدو برا

غرام ضربت على الارض زي الاطفال وقالت بغيظ…اوووف بقى مش كفايه مش راضي  يخليني اشتغل كمان طلعني من الاجتماع مع انو قلي هيخليني احضرو

عصام بصلها بابتسامه…وقال…ايوه هو كان هيخليكي تحضري بس مش شايفه الراجل كان بيبصلك ازاي له حق يطلعك الصراحه

غرام قعدت وقالت بضيق….طبعا صاحبك ديما عندو حق ومبيغلطش وقراراتو كلها صح …وبنسبه لقراراتو بقى عرفت بقرارو الاخير

عصام اتنهد.بحزن وقال…قصدك جوازو من سحر

غرام بحزن عليه… ايوه هتعمل ايه دلوقتي

عصام بحزن …ولا حاجه دا كان المفروض يحصل من زمان

غرام بصتلو بدهشه وغيظ وقالت…انت هتشلني يا جدع انت ..انت مش بتحبها هتسبها تتجوز ازاي

عصام بحزن…وايه الي في ايدي اعمله

غرام قالت بسرعه….في ايدك كتير تخطفها مثلا

عصام ضحك من قلبو على برائتها وقال…والله انتي ما في منك اخطفها حته واحده  ..وسكت شويه وقال بألم…بصي يا غرام انا ممكن اققف قدام بدر واخدها علنا بس  لو حسيت انها بتحبني بس هيه بتحب بدر مفيش فايده اني احاول اصلا

غرام اتنهدت بحزن عليه وقالت…انت يتحبها قوي يا عصام

عصام ابتسم بالم وقال….اكتر من اربع سنين وانا بحبها وابتسم بسخريه وكمل…  وهيه بتحكيلي عن حبها لبدر وانا افضل مخبي علشان تفضل تحكيلي لان ده  الموضوع الوحيد الي كان يخلينا نقعد سوا بس خلاص خلصت هتتجوزو حتى حبي ليها  بيني وبين نفسي مش هينفع مبقاش من حقي ربنا يسعدهم

غرام نزلت دموعها وقالت…انت انسان جميل اوي يا عصام والف مين تتمناك وسحر  غبيه لانها مخدتش بالها ليك عمر بدر ماهيسعدها قدك لانو عمره ماهيحبها قدك

بدر ابتسم وقال …شكرا يا غرام انا برتاح جدا لما اتكلم معاكي بس سيبك مني انا انتي عامله ايه يعني اكيد انتي كمان زعلانه

غرام ابتسمت وحاولت تداري حزنها وقالت….انا…لا ابدا…انا هزعل ليه..انا وبدر اصلا مش بنعتبر نفسنا متجوزين اصلا انا بس زعلت عليك

عصام حس انها بتخبي بس محبش يسألها اكتر وغرام اتنهدت وقالت بمرح… يا عم  ولا يهمك من الدنيا دي كلها ارمي ورا ضهرك مفيش حاجه تستاهل وبعدين بكره  هتلاقي بنت الحلال الي تقدر قمتك اصلا اي واحده تتمنى

عصام ضحك ضحكه خفيفه وقال بهزار…اي واحده ….طب ما تحبيني انتي

غرام بضحك ….خلاص وافقت

عصام بضحك دانتي واقعه اقوي بقى وبقو يضحكو بس قاطع ضحكهم صوت بدر وهو  بيقول بعصبيه….تحب مين ووافقتي على ايه هو ايه الي بيحصل هنا بالظبط

بقلمي…زهرة الربيع

غرام برقت بخوف وعصام بلع ريقه بتوتر وقال….ادينا مش هنلحق حاجه خالص

بدر اتقدم عليه بغضب ووقف قدامو وقال …كنت بتقولو ايه بقى

عصام ابتسم وقال بتوتر….هنقول ايه يعني كنا بنهزر ..احم خلصت اجتماعك

بدر بص لغرام بحده ورجع بص لعصام وقال بغضب….الي سمعتو ده حتى بالهزار مش مسموح… وصلت… ولا اعيد تاني

عصام قال بارتباك…احم…تمام ..وصلت..اكيد وصلت

بدر اتقدم على غرام وشدها من ايدها ولسه هيطلع بيها سمعو صوت سحر بتصرخ  بشده جريو كلهم على اوضتها واولهم عصام الي لما سمع صوتها جري زي المجنون  يلحقها

عصام وصل لقا الباب مقفول ضربو بكتفو بقوه كسرو وهو بينادي عليها برعب وبيقول…سحر…سحر انتي فين ..سحرررر

سحر كانت في الحمام والباب مفتوح قالت ببكاء ورعب شديد…الحقني يا عصام الحقني

عصام جري على الحمام واتفاجأ بسحر واقفه لافه الفوطه عليها وواقفه في زاويه  من الحمام والحمام كلو تقريبا متكهرب والاجهزه الي فيه بتعمل صوت مرعب  وسحر بتبكي بشده

عصام كان هيدخلها من غير تفكير بس سحر صرخت وقالت برعب….. لا يا عصام الارض ابعد

عصام بيبص على الارض شاف كل المكان المبلول متكهرب يعني تقريبا الحمام كلو  بس سحر واقفه في جزء مفهوش كهربه جمب البانيو بس محبوسه مش عارفه تخرج ولا  تتحرك خطوه واحده

وفجأه السخان الي جمبها عمل صوت شديد وطلع دخان وسحر صرخت بقوه ووووووو

يتبع….

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا