رواية غرامي الفصل الثالث عشر والرابع عشر بقلم زهرة الربيع حصريه وكامله في مدونة قصر الروايات

رواية غرامي الفصل الثالث عشر والرابع عشر بقلم زهرة الربيع حصريه وكامله في مدونة قصر الروايات 

رواية غرامي الفصل الثالث عشر والرابع عشر بقلم زهرة الربيع حصريه وكامله في مدونة قصر الروايات 

عصام كمان اتصدم وكان بيبص لبدر الي بقى عباره عن بركان مهدد بالانفجار وكان خايف عليه جدا قال بغضب…عماد ….انت ايه الي جابك هنا

عماد بصلهم باستهزاء وقال….جاي اسلم على زملاء الدراسه الاعزاء … مش مبسوطين انكم شفتوني ولا ايه

بدر اتقدم عليه بغضب اعمى وقال بهدوء مرعب….لا ازاي دانا بقالي كتير مستنيك… ووصل قدامو بالظبط وكمل…دانت حتى ليك وحشه

وفي ثانيه قبل ما عماد ينطق حرف كان بدر ضربو بالدماغ ضربه قويه جدا خلتو  داخ ونز.ف من بقو وانفو ومسكو من قميصه وكمل عليه بضربات قويه عنيفه لحد ما  وقع على الارض ولسه بدر مكمل عليه وهو بيقول بغضب اعمي…وجاي كمان لحد هنا  وربنا ماهتمشي على رجليك يا ابن الكل.ب يا حيو.ان

عصام كان بيحاول يبعدو عنه بكل الطرق بس مش قادر عليه ونادى على الامن والسكرتاريه وبعدو بدر من عليه بصعوبه

عماد كان وشو بقى شبهه الخريطه وبي.نزف بص لبدر باستفزاز شديد وقال بتعب  اشد وصوت متقطع…تؤ تؤ بتصعب… عليه والله ..شكلها…تعباك اوي..ومش..قادره  تنساني

بقلمي…زهرة الربيع

بدر دفع الامن الي مسكينو وهجم عليه تاني بعن.ف اشد وهو بيقول بزعيق…والله  لو جات سيرتها على لسانك لأموتك هموتك يا عماد هققتلك فاهم هقتلك

رجعو الامن بعدوه عنو تاني وعصام وقف قدام بدر بعصبيه شديده وقال  بزعيق…كفايه يا بدر كفايه…اتحكم في نفسك يا جدع مش كده دا بيستفزك متدهوش  الي عايزه متنساش احنا مضينا عقود

بدر قال بعصبيه مفرطه… انا مضيتش حاجه مع الحيو.ان ده ولا هيكون فيه بينا  اي شغل حتى لو هخسر الشركه كلها فهمت وبص لعماد بنظره ترعب وقال…ولو ظهرت  قدامي تاني يا عماد هيبقى اخر يوم في عمرك يارب تكون فهمت

عماد كان عايز يرد عليه بس تعب جدا من كتر الضرب فسكت وبدر طلع بغضب شديد وعصام جري وراه ركب معاه العربيه

بدر بغضب شديد…انزل يا عصام انا همشي لوحدي

عصام بخوف…لا مش نازل وسبني اسوق بدالك متسوقش وانت متعصب كده هنعمل حادثه

بدر بغضب وزعيق…انا كده كده هسوق لو خايف على نفسك انزل

عصام بلع ريقه بتوتر وقال…انا لله وانا اليه راجعون …اطلع

بدر اتنرفز منو جدا قال… كده طييب وساق بأقصى سرعتو

في القصر كانت غرام مع المحامي في المكتب

سميح المحامي…يا غرام يا بنتي الي بتقوليه ده غريب قوي يعني ازاي تكوني على زمة راجل وتتجوزي واحد تاني دي لوحدها قضيه

غرام بتوتر…مانا علشان كده طلبت منك تيجي عايزه اعرف مين فيهم بيكدب عليا انا محبوسه هنا ومش عارفه اخرج علشان ادور واتأكد

سميح بسرعه…مش محتاجه تخرجي ابدا انا دلوقتي هتصل على واحد اعرفو في ادارة  السجل والبينات واعرفلك قسيمة جوازك المتوثقه في المحكمه باسم مين

غرام بفرحه…. بجد يا انكل سميح تقدر تعرفلي

سميح بابتسامه طبعا وكمان هعرفلك تاريخها …استني هتسمعي بنفسك واتصل بشخص  وفتح لسبيكر وطلب من الشخص يقرالو قسيمة جوازها وبيناتها بالتاريخ

الشخص…ايوه تمام ظهرت عندي يا ميتر غرام القاضي متجوزه ابن عمها بدر محمود القاضي من سنه وأربع شهور بالظبط

سميح زعل عليها لما شاف ملامحها اتغيرت وبان عليها الصدمه قال…انت متاكد مش كده

الشخص …اكيد متأكد بيناتها كلها قدامي على الكمبيوتر

سميح شكرو وبص لغرام بحزن وقال…كده الظاهر ان ابن عمك ما بيكدبش البينات  الي بتنزل على الكمبيوتر مستحيل تكون مزوره وانا كمان ممكن استخرجلك  القسيمه لو تحبي

غرام مكانتش قادره تتكلم مش عارفه حتى تحس بايه قالت بصوت مكتوم …ش..شكرا  يا انكل تعبت حضرتك…وطلعت معاه وهو خرج وغرام طلعت على اوضتها وقفلت الباب  وقعدت وراه ونزلت دموعها بحسره وهيه بتفتكر كل كلمه ضحك بيها عليها ازاي  عمل كده كانت منهاره ازاي كل الي بنهم طلع كدب

عند بدر نزل في بار كده وقعد وعصام دخل وراه

بدر كان بيشرب كتير وهو بيفتكر عماد وكل حب غرام ليه حاسس بنار جواه

عصام بصلو بحزن وقال…كفايه شرب يا بدر خلينا نتكلم بالعقل شويه الي عملتو انهارده غلط في غلط و

بس قطع كلامو لما بصلو بدر بحده بصه مرعبه جدا وقال بغضب….هو ايه الي غلط… غلط اني ضربتو انا كان المفروض اققتلو

عصام بصلو باستفهام وقال…ايوه مقتلتهوش ليه بقى انا مش فاهم يوم ماشفتو مع  غرام كمان ضربت عليه ووديتو المستشفى ومهديتش الا لما عرفت انو عايش ليه دي  الحاجه الوحيده الي مش فاهمها يا بدر

بدر بصلو بضيق وقال…انا مكنتش عايزو يموت كده بالساهل كنت عايز اخد حقي منو  في الاول ..انت سيبك من الهري ده شوف انت هتكلم صاحب الشركه الفرنسيه  وتلغي معاه العقود وتقلو اننا هندفع الشرط الجزائي وتخلصلي الموضوع ده

عصام بصلو بزهول وقال بدهشه…انت بتهزر مش كده …اكيد مش هتعمل كده دانت تبقى  بتدفن تعب كل السنين الي فاتت انت عارف المبلغ كام دا غير انك هتلغي  الصفقه من غير اسباب لمجرد ان عندهم شريك مش عاجبك دا سمعت الشركه تبقى في  الارض دي صفقة العمر انت مجنون

بدر نفخ بضيق وقال….اوووف بقولك ايه انا الي قولتو يتنفذ انا والحيو.ان ده  مستحيل نشتغل مع بعض نقطه انتهى… وسابو وقام مشي وعصام جري وراه يلحقو بس  كان طلع بالعربيه

عند عماد طلع من الشركه وهو متبهدل جدا واتصل على شخص وقال بعصبيه ..ايوه يازفت تعلالي على المكان الي بنتقابل فيه بسرعه

الشخص……………….

عماد بغضب ونرفزه…..يوووووه مترغيش كتير قولت دلوقتي يعني دلوقتي وقفل الخط

عماد وقف عربيتو عند بيت صغيرفي مكان مقطوع شويه ونزل فضل قاعد مستني الشخص الي كلمو

بعد شويه وصل واول مادخل عماد اتوجه ناحيتو بغضب وقال…ما بدري يا هشام باشا …ايه الي اخرك كده يا بيه

بقلمي…زهرة الربيع

هشام ماشي على العكاز بالعافيه وقال بضيق منو ..والله كلك نظر ايه الي اخرني مش شايف بالعافيه بتحرك

عماد بعصبيه…مهو من طمعك يا استاذ تستاهل كل الي عملو فيك انا مش قولتلك متقربلهاش

هشام بتوتر…وانا اعمل ايه يعني هيه الي قالتلي انا هربانه ساعدني اسيبها في الشارع يعني

عماد بتريقه …لا واتسيبها ليه تخدها معاك واتخبيها في شقتك فاكر ان بدر  علشان ميعرفش ان عندك شقه يبقى مش هيعرف يوصلك دا ايه الغباء ده

هشام بضيق….طب انا غبائي عمل فيا كده انت بقى مين الي خرشمك بالشكل ده

عماد بص بعيد بحرج وقال بعصبيه…. وانت مالك دي حادثه

هشام من نظراتو فهم انو اكيد بدر كمان الي عمل فيه كده قال  بسخريه…حادثه…امممم بس واضح انها حادثه جامده اوي تريله بقى ولا اتوبيس الي  دشملك كده

عماد اتنرفز من تلميحاتو وبصلو بحده وغضب وقال…انا صحيح انضربت خسرتو صفقه  بمليارات دا غير الشرط الجزائي الي هيدفعو مش زيك خسرت رجلك بلوشي

هشام بملل…. ليه هو انت عملت ايه

عماد بفخر شديد…عملت ايه…انامن ساعت ما مشيت وانا بجمع كل الي معايا علشان  ادمرو عرفت انو هيمضي مع الشركه الفرنسيه اشتريت اسهم واحد من الشركا الي  فيها بضعف تمنها صحيح خسرت بس ايه الي حصل جيت اتمم معاه الصفقه …كان  المفروض تكون هناك وتشوف وشو لما لقاني قدامو…. وانا متأكد انو دلوقتي  هيخاف على غرام ومش هيكمل الصفقه وهيدفع الشرط الجزائي ولسه هفضل وراه لحد  ما يشحت في الشوارع ها ايه رأيك

هشام قال بابتسامة مكر … با ابن العيبه بجد لعبه تستاهل بس صحيح انت رجعت امتى وجايبني هنا ليه

عماد بمكر…. بص يا زفت وركذ كويس في الي هقوله انا بكره هسافر سفرية شغل  لشرم الشيخ علشان هنشوف شركه تانيه نمضي معاها انت باي طريقه تروح قصر  القاضي وتراقب الجو كويس وتشفلي محمود بيه عمل ايه لما عرف ان ابنو خسرو  الصفقه الي كان هيموت عليها وتقولي كل التطورات وبحذرك ملكش دعوه بغرام  فاهم

هشام بضيق .. يا عم فاهم وبعدين انت هتستفيد ايه لما تعرف اصلا هروح هناك ازاي مش شايف بعينك هو بيحبني قد ايه

عماد بعصبيه..مش شغلي اتصرف قول انك هتزور خالتك او اي حاجه هو وانا هقولك  تعمل ايه كمان.. بس المرادي من غير غلط لان لو حصل غلطه زي المره الي فاتت  فيها عمرك

هشام بتوتر ….وانا عملت ايه المره الي فاتت قولتلي هربني من المستشفى وهربتك اعمل ايه تاني

عماد قال بعصبيه…بس انا قولتلك ان بدر لازم يعرف اني ميت ومع ذالك منفذتش  وهو عرف اني هربت وطبعا ده بسبب غبائك المهم دلوقتي زي ما قولتلك بكره تروح  وتكلمني تبشرني تمام… سلام يا اتش

عماد مشي وسابو بيكلم نفسو وبيقول…..انا ايه الي ورطني الورطه السوده دي ربنا يستر

في القصر بدر رجع وفتح باب الاوضه بعصبيه وشاف غرام نايمه على السرير قرب  منها لقاها نايمه وباين من الدموع الي على خدها انها بكت كتير وكانت محضرا  شنط سفرهم جمب السرير اتنهد بحزن وخد هدوم ودخل الحمام

غرام لان نومها خفيف صحيت ولما سمعت صوت الميه عرفت انو في الحمام اتنهدت بحزن واستنتو يخرج

بدر خرج وقعد على الكنبه من غير حتي ما يبصلها وقال بضيق وجمود…مفيش داعي للشنط دي احنا مش مسافريين

غرام باستغراب…اققدر اعرف ليه مش الصبح كنت عايزنا نسافر ايه الي حصل دلوقتي

بدر قعد وبصلها بغضب بيحاول يداريه وقال بضيق….عايزه تعرفي حاضر هقولك احنا  مش هنسافر علشان لغيت الصفقه ومش اي صفقه دي صفقه بتمنى تكون من نصيبنا من  خمس سنين وكمان هندفع الشرط الجزائي مبلغ بسيط قد اربحنا تلت اربع سنين  كده دا غير سمعة الشركه الي هيتمسح بيها البلاط

وقرب عليها بغضب شديد وقال وعارفه دا كلو ليه علشان حبيب القلب دخل شريك  علشان يخسرني عايز يدمر كل الي بنيتو وبكل بجاحه جيه لحد عندي في شركتي …  البيه بيتحداني لاكن اقسم بالله مايبقى اسمي بدر القاضي لو ماطلعت عليه  القديم والجديد

غرام اتصدمت من كلامو وقالت بتوتر من غضبو…قصدك عماد..عماد جالك الشركه وووووووو

يتبع….

14=رواية غرام الحلقة الرابعة عشر

غرام اتصدمت من كلامو قالت بتوتر من غضبو قصدك عماد ……عماد جالك الشركه

بدر ضرب على الحيط الي وراها بقوه وقال…متنطقيش اسمو مش عايز اسمعو منك خالص سمعاني

غرام انتفضت بخوف وحاولت تتماسك وقالت بهدوء…ودا سبب يخليك تخسر في شغلك علشانو

بدر بصلها بحده وقال بغضب وسخريه….لا طبعا مفيش سبب انا مأفور أوي يعني فيها ايه لما اشتغل مع عشيق مراتي اول واحد يعني

غرام بصتلو بغضب وقربت عليه ورفعت صباعها في وشو بتحذير وقالت…اول حاجه  البني ادم ده مش عشيقي…ولو كان في يوم عشيقي فده حصل بسببك وبسبب انك جبان  يا بدر فمتحملنيش اغلاطك

بدر بدهشه ….بسببي..ههه بسبي ليه ان شاء الله ما انا منعتك وقولتلك هنتجوز ومع ذلك رحتي هربتي معاه حصل ولا بتبلى عليكي

غرام بدموع وغضب ….لا حصل وعلشان كده بقول انك جبان موجهتنيش ليه يا بدر  ليه مقولتش اننا متجوزين اربع سنين وانا كل يوم معاك مفيش مره جاتك الشجاعه  تقولي لو كنت عارفه اني متجوزه مكنتش خليت حد يقرب مني ويضحك عليا مكنتش  اديتلو الفرصه انو يخدعني مكنتش اتجرحت كده ولا تعبت كل ده الي عملتوه فيا  حرام ..والله حرام

وبقت تبكي بشده وبدر نزلت دموعو بندم عندها حق في كل كلمه قالتها كان لازم  يقلها حس انو حابب يخدها في حضنو بس خاف تصدو قال بحزن….بلاش دموع يا غرام  صدقيني انا مش بقدر اشوفك كده اهدي والي عوزاه هعملو

غرام رفعت عنيها ومسحت دموعها بسرعه وقالت بشراسه…انا عايزه اشوف بدر  القاضي الي كان يرجع حقو من بق الاسد مش عايزه الشخص الضعيف الي قدامي  دلوقتي بقى هو يكون غلطان معانا وضحك علينا ويجي لحد شركتك ويخسرك وتفضل  ساكت… لا…. بيحلم…انت هتواجهو وهتكمل الصفقه وتفهمو ان وجودو زي عدمو يعني  صفر على الشمال

بقلمي…. زهرة الربيع

بدر كان مبهور بيها وسعيد بالطريقه الي بتتكلم بيها على عماد معني كده انها صدقتو حس بفرحه شديده وقال…انا خايف عليكي يا غرام

غرام قالت بابتسامه جانبيه…اذا خايف عليا تجرالي حاجه او يأذيني اطمن انا  مش هغيب عن عنيك اما بقى لو خايف مني او شاكك فيا اني اضعف قدامو اويلعب  بعقلي او اي حاجه في دماغك فدي قصه تانيه

بدر ضحك ضحكه خفيفه وقال….كبرتي يا غرام وبقيتي تستنتجي وتحللي وتوزني  الامور انا فعلا خايف انو يلعب عليكي بس مش لاني شاكك فيكي لاني عارف  أساليبو الوسخه

غرام بغضب ونرفزه…لا متقلقش انا صاحيالو كويس مبقتش زي الاول سهل يضحك عليا  وسواء انت او هو هدفعكم تمن الي عملتوه معايا وانكم انتو التنين ضحكتو  وكدبتو عليا علشان مصلحتكو بوظتو حياتي بس من انهارده هوريكم من هيه غرام  القاضي

سابتو مبهور من كلامها وقوتها وراحت تنام بدرابتسم بسعاده و اتصل على عصام  وقال بصوت عالي قاصد يسمعها…ايوه يا عصام بكره هنسافر متلغيش الصفقه وقفل  معاه وراح ينام على الكنبه

غرام ابتسمت بفرحه وراحت في النوم

في اليوم التاني عصام قام بدري وراح لسحر يكلمها

سحر بخضه….خير يا عصام جاي بدري كده في حاجه بدر كويس

عصام حس بضيق شديد وحاول يكون طبيعي قال…احم لا هو كويس انا اسف اني جيت  بدري كده ومن غير معاد وخضيتك بس الصراحه يعني احنا هنطلع شرم كمان ساعتين  فقولت لو تحبي تيجي معانا

سحر باستغراب…انتو…انتو مين يعني

عصام ارتبك خاف يقلها ان بدر رايح متوافقش قال …انا ومجموعه من صحابنا رحله حلوه اوي لمدة اسبوع هتعجبك وهو تغيري جو

سحر اتنهدت وقالت والله انا مليش نفس اروح مكان بس مدام جيت تقولي مش هرفضلك طلب

عصام ابتسم بسعاده وقال …بجد هتيجي يعني

سحر بابتسامه …ايوه جايه انا مقدرش ارفضلك طلب يا عصام انت زي هشام اخويا بالظبط

عصام اتمحت من على وشو الابتسامه وبلع ريقه بألم وقال…احم تمام احنا هنتحرك بعد ساعتين اجي امتى اخدك تكوني جهزتي

سحر بتفكير…ساعه كده لا لا ساعه ونص اققولك تعالي على المعاد خدني اصلي لسه هجهز شنطتي وكده

عصام ابتسم وقال تمام وخرج من عندها لقا بدر بيرنلو

عصام… ايوه يا بدر

بدر …رحت لسحر

عصام ايوه ووافقت تيجي هاجي على الميعاد اخدها

بدر بفرحه …يا بن الذينه ازاي خليتها توافق

عصام بحزن..ببساطه مقولتلهاش انك جاي كدبت عليها يعني بس اسمعني كويس يا  بدر انت لازم المرادي تصلح كل شيى هتراضيها وتعمل الي هيه تعوزو عايزها  تيجي مبسوطه لو زعلتها ولا ضيقتها المرادي انا الي هقفلك انت فاهم

بدر بسرعه…يا عم فاهم وانا هصلح كل شئ المرادي هحط النقط على الحروف وازا ضايقتها تاني يا عم اعمل الي عايزه

عصام قفل معاه واتنهد بألم وقال….المهم تكوني مبسوطه انا عارف ان سعادتك معاه مش معايا

بدر قفل معاه لقا غرام واقفه قالت بلامبالاه…مين دا عصام

بدر بابتسامة ارتياح…ايوه هو راح يقنع سحر تيجي معانا والحمد لله وافقت كده هصالحها ونخلص

غرام بصتلو بدهشه وقالت…عصام هو الي راح يقنعها انكو تتصالحو

بدر بابتسامه…ايوه وفيها ايه دي

غرام بتوهان…لا ..مفيش

بدر طرقع بصوابعو قدام وشها وقال سرحانه في ايه يلا اجهزي مفيش وقت

بعد عدة ساعات كان عصام وصل هو وسحر شرم الشيخ ونزلو في الاوتيل الي هيتممو فيه الصفقه وطلعت سحر تريح في اوضتها وعصام فضل مستني بدر

بعد شويه بدر وصل هو وغرام ولقو عصام مستنيهم

عصام بابتسامه…حمد لله على سلامتكم

بدر وغرام…..الله يسلمك

بدر بص حواليه وهمس لعصام …امال فين سحر

عصام بابتسامه مصتنعه…طلعت اوضتها تريح شويه

بدر ….طب خد بالك من غرام انا هروح اكلمها واجي على طول

عصام هز راسو بالموافقه وبدر طلع لسحر غرام عرفت انو طالع لها ضربت عصام في  كتفو وقالت بغيظ…انا هتشل منك بقى انت جيبهالو بنفسك علشان يتصالحو يا  طولة بالك يا اخي

عصام ابتسم على شكلها وهيه متغاظه وقال…وانتي مضايقه كده ليه زي ما كون شامم ريحة شياط

غرام بتوتر…مين…انا. …ابدا انا زعلانه عليك

عصام بضحكه خفيفه….لا يستي متزعليش عليا انا كويس ها بقى هتطلعي اوضتك ولا هتستني بدر هنا

غرام بدون تفكير….لا هشرب حاجه واطلع استني ايه دول ممكن يريحولهم ساعتين هفضل مستنيه

عصام اتضايق جدا من كلمتها دي ضم اديه بغضب وحزن وغرام خدت بالها من كلامها  حست بحرج وحزن عليه قالت بارتباك….انا اسفه انا قصدي يعني…

عصام حاول يبتسم وقال…احم ولا يهمك اطلبلك ايه

غرام ….اي حاجه بارده الدنيا حر

عصام اومأ براسو ومشي وهيه قعدت على كرسي بزعل وقالت….والله مافيه ابرد منك حد يقول كده جاتك نيله غبيه

بدر بقى طلع لسحر وخبط على الباب سحر قامت تفتح وفكراه عصام قالت بسرعه..ايوه ياعص….

بس اتفاجأت ببدر قالت بفرحه بدر اذيك بس خدت بالها من كلامها وقالت بضيق…قصدي يعني ايه الي جابك هنا

بقلمي…زهرة الربيع

بدر دخل وقال …مش تقولي اتفضل حتى

سحر بضيق…دا على اساس انك متفضلتش

بدر مسك ايدها وقال بهدوء…جاي اتكلم معاكي يا سحر كل الي انتي حطاه في  دماغك غلط انا وغرام جوازنا على الورق وبس صدقيني والله انا مقدر استغنى  عنك ابدا

سحر كانت بتبصلو بحب كبير قالت ….طب ما تطلقها يا بدر طلقها ونتجوز وانا اوعدك مش هتندم مش هينقصك اي حاجه انت عارف اني بحبك

بدر بابتسامه…عارف والله عارف…بس مش هينفع اطلقها دي وصية عمي وهيه لسه  تعبانه اول ما تخف وتبقى تمام هطلقها بس دلوقتي مينفعش بس اققدر اوافق على  طلبك التاني

سحر بتحاول تستوعب قالت..طلب ايه

بدر بابتسامه…نتجوز

سحر بدهشه…انت…انت عايز تتجوزني مش كده

بدر بابتسامه…ايوه يا ستي عايز نتجوز انا هفضل هنا اسبوع عايز اخر يوم في  الاسبوع يكون فرحنا وبعدها نرجع القاهره اونطلع شهر عسل الي تحبيه ها قولتي  ايه

سحر بفرحه …هه قولت ايه..طبعا موافقه بس..بس اسبوع واحد هنلحق نجهز كل حاجه

بدر سيبي الموضوع ده عليا المكان هنا هيجهز كل شئ.. واحنا علينا المعازيم  كل الي نفسك يحضر الفرح اعزميه عايزو يكون اكبر فرح اتعمل عايز كل الناس  تحكي عنو هيكون فيه صحافه واعلام هخليكي اميره يا سحر انتي تستاهلي كل خير

سحر مش مصدقه الي بيقوله قالت بدموع من كتر السعاده …بجد يا بدر

بدر بابتسامه…طبعا بجد دا هيكون فرح اغلى انسانه على قلبى

سحر وافقت وقالت هتكلم بباها واخوها وبدر لبسها دبلتها الي سابتها معاه وفضلو يتكلمو شويه وهو استأذنها ونزل

عند غرام اثناء ما كانت مستنيه عصام يجيب لها العصير اتجمدت مكانها واتسعت عنيها لما سمعت صوت تعرفو كويس بيناديها وطبعا كان عماد

عماد اول ما شافها نادى عليها بصوت عالي وفرحه شديده وقال…غرام

بدر كان نازل يشوفها وشاف عماد بينادي عليها ضم اديه بغضب اعمي

غرام اول ماسمعت صوتو التفتتلو بغضب وعيونها مليانه دموع وبصتلو بشراسه وهو جري عليها وفجأه حضنها بكل قوتو وووووووو

يتبع….

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا