رواية غرامي الفصل الحادي عشر والثاني عشر بقلم زهرة الربيع حصريه وكامله في مدونة قصر الروايات

رواية غرامي الفصل الحادي عشر والثاني عشر بقلم زهرة الربيع حصريه وكامله في مدونة قصر الروايات

رواية غرامي الفصل الحادي عشر والثاني عشر بقلم زهرة الربيع حصريه وكامله في مدونة قصر الروايات 

بدر بصلها بضيق وغضب وقال ببرود….ايوه اققصد زفت…عايش…حبيب القلب حي يرزق

غرام كانت مش مصدقه الي بيقوله بس هتموت ويكون حقيقي قربت عليه ومسكت ايده  وبصتلو والدموع في عنيها وقالت بدموع…انا من ساعت الي حصل وانا مش عارفه  انام ابدا كل ما انام اشوفه ويقولي انتي قتلتيني انا بمووت كل يوم وانا  عارفه اني سبب موتو انت مش عارف انا بقيت عايشه ازاي انا مبقتش اققدر  استحمل اكتر فلو كلامك ده كدب ابوس ايدك ما تضحك عليا وتعلقني بأمل مش  موجود وقعدت تبكي وتشهق بشده وانهيار وقعدت على ركبها وهي بتقول خد كل الي  تعوزو يا بدر وقلي الحقيقه ابوس ايدك ساعدني..ساعدني يا بدر مش عارفه اكمل  ارجوك

غرام كانت على الارض منهاره حرفيا وماسكه ايده وبتبكي بصوت يبكي الحجر بدر  كان باصص عليها بحزن شديد عمره ما تمنى يكون سبب في دموعها حس قلبو بي.نزف  قعد جمبها وهيه مغمضه ودموعها مبتقفش وبتبكي بصوت عالي شدها عليه وحضن.ها  بقوه شديده كانتو بيخبيها حتى من نفسو نزلت دموعو لاول مره حاسس ان عنيه مش  قادره تخبيهم اكتر

غرام كانت بتبكي وبتحاول تدفعو بعيد عنها بس بدر بقى يشدد على حضنو ليها  وقال بصوت هادي حزين اشششش..اهدي ..اهدي يا غرام…انا اسف ..اسف

غرام كانت مش قادره تستحمل تخبي وجعها اكتر من كده بادلتو الح.ضن بقوه كبيره وبقت تبكي كأنها عايزه تخلص كل وجع الشهور الي فاتت

بعد شويه بعدت عنو ببطأ وهيه مكسوفه جدا ومتضايقه من نفسها انها انهارت كده  قدامو قامت وهيه بتتحاشى تبصلو وكانت هتسألو بس اتفاجأت بيه سند ضهرو على  السرير وبقى يتنفس بصعوبه شديده وكأنو بيصارع الموت

غرام اتخضت جدا عليه جريت على الكمود فتحتو وجابت منو البخاخ بتاعو هي من  زمان عارفه انو لما يتوتر او يزعل نفسو بيروح .قريت عليه وحطتلو منو وهيه  بتقول اهدى يا بدر خد نفس اهدى علشان خاطري

بدر ابتدى يرتاح شويه وقال وهو بيتنفس بصعوبه …ليه ياغرام..ليه كل ما  تشوفيني بتألم كأن انتي الي بتتألمي انا مش فاهمك كنتي هتقتليني ومكملتيش  مع ان خطتك نجحت ودلوقتي خايفه عليا انا مش قادر افهمك ابدا

غرام بصتلو وقالت بانهيار ودموع …نفسي انسى انك اول انسان اتكلمت معاه وكنت  افتحلو قلبي نفسي انسى انك اول حد وقف جمبي بأصعب فتره في حياتي لما بابا  مات نفسي انسى اني اتربيت على ايدك على طريقتك نفسي انسى اني اتربيت على  انك اهم حد في حياتي يا بدر الوحيد الي فهمني وحماني من الدنيا كلها .. انا  اه فكرت في كرهي ليك وكنت هقتلك بس اول ما شوفتك بتتوجع مقدرتش يمكن لاني  مكنتش شايفه غير كل خير عملتو معايا لو افتكرت قتلك لعماد وضياع مستقبلي  وكسرة قلبي وصدمتي فيك لو افتكرت ساعه واحده في المصحه وجلسة كهربا واحده  اخدتها بسببك المي والناس خايفه مني وبيقولو عني مجنونه كنت ساعتها بس ممكن  اققتلك بدم بارد ساعتها بس كنت هرتاح يا بدر ليه عملت فيا كده مش لقيالك  سبب يا بدر ليه انت بزات الي تعمل فيا كده ليه

بدر كان بيسمعها بدموع متعلقه في عنيه قلبو كان بيتقطع على كل الي شيلاه في  قلبها قال بهدوؤ… اققعدي يا غرام انا عايز احكيلك كل حاجه عارف انك مش  عايزه تسمعيني ومش هتصدقيني بس انا هقولك وانتي حره

غرام اتنهدت وقالت…تمام يا بدر انا هديك فرصه وهسمعك علشان العمر الي عشناه  وكل الي عملتو علشاني بس مش دلوقتي ارتاح علشان نفسك يهدى تمام

غرام وقفت كانت هتمشي بس مسكها من ايدها وقال بصعوبه…يعني ممكن تصدقيني يا غرام

غرام اتنهدت وقالت …صعب يا بدر بعد كل الي عملتو قدام عيني صعب جدا صدقني  انا لو حد حكالي انك عملت معايا كده مكنتش هصدق بس انا شوفت بعيني.. وقعدت  جمبو ومسكت ايده وقالت…بس ..بس انت تقدر تصلح الي عملتو قولي مكان عماد لو  هو عايش فعلا دلني على مكانو وانا هسامحك وهنسى الي حصل كلو

بدر ابتسم بألم وقال…مكنتش اعرف انك بتحبيه اوي كده بس انا هعمل كده يا  غرام بس بعد ما اطلقك لان مش هينفع اوديكي ليه وانتي على زمتي انا خلاص  طاقتي خلصت ومبقتش قادر اتحمل اكتر بس تسمعيني الاول وبلع ريقه بألم شديد  وقال… ونطلق وترحيلو

ابتسمت وحست ان فيه امل ترجع تعيش زي الاول قالت..

بهدوء سمعاك يابدر

بدر اتنهد وقال…طبعا انا وريتك قبل كده قسيمة جوازنا القسيمه دي حقيقيه مش  زي ما قلك يعني مش مضروبه وتقدري تكشفي عليها ابوكي الله يرحمه هو الي اصر  على جوازنا وجاب شيخ وعملنا كتب كتاب بشهود من غير ورق لما كان عمرك ٥ا سنه  قبل ما يموت على طول ووصاني اكتب عليكي رسمي لما تكملي السن المطلوب وكتبت  عليكي اول ما كملتي بالتوكيل الي عملاه لبابا

ده بالنسبه لجوازي منك اما بالنسبه لعماد فأنتي طبعا خدتي بالك من تلت شهور  لما جيت لكم الشقه اني ناديت عليه باسمه عماد السيوفي من غير ما اعرف حاجه  منك وده طبعا لاني اعرفو كويس قبلها

غرام بصتلو بانتباه وقالت باستغراب…تعرفو… تعرفو من امتى

بدر اتكلم بضيق وقال…من زمان انا وعماد درسنا في جامعه واحده وكان دفعتي  وكنا مش بنطيق بعض بس كنا دايما بنعمل رهانات مش كويسه سوا ..وكان الرهان  بيبقى على اي بنت نختارها ونفضل احنا الاتنين نوقعها والي يوصلها سريره قبل  التاني يبقى كسب الرهان

غرام بصتلو بزهول وقالت ….انت بتقول ايه عماد مستحيل يعمل كده

بدر ضحك ضحكه خفيفه وقال بسخريه…امممم طبعا عماد ميعملش كده بس انا صدقتي عادي اني اعمل كده

غرام قالت بضيق….ايوه يا بدر تعمل كده انت بنفسك قولتلي انك خاطب سحر مصلحه يعني من عادتك تضحك على البنات

بدر اتنهد بحزن وقال..تمام انا عملت اسوء من كده بكتير كمان بس عماد كمان  كان معايا و هو الي كان يختار البنات وهو الي بيبدأ الرهان سواء حبيتي  تصدقي اولا فده الي حصل

بقلمي…زهرة الربيع

غرام قالت بضيق …..وبعدين

بدر اتنهد وقال فضلنا فترة الدراسه كلها نتراهن وكنت دايما بكسبو وده كان  بيذيد كرهو ليا ….وبعد الدراسه هو بقى يدير شريكات والدو وانا كمان درت  شريكات بابا وبتدت بينا منافسه من نوع تاني وهيه البزنس وكنت دايما بسحب  الصفقات لصفي وده كان بيدايقو جدا فبقي يشتري الموظفين الي عندي وياخد منهم  معلومات وصور للملفات لدرجة انو بعت ناس تسرق ورق مهم من مكتبي خسرت صفقات  كتير ورا بعض والشركه كانت بتنزل لحد ما عرفت انو ورا كل العب الي حصل  رحتلو وانا هتجنن ازاي يتجرأ يعمل كده واتخانقت معاه وقلتلو يبعد عن شغلي  اتكلم ببرود زي عادتو وقال انو موافق يبعد بس فيه بنت من اول ما شافها وهو  عايز يراهني عليها استغربت كلامو لاننا بطلنا الرهنات دي من زمان بس حبيت  اعرف يقصد مين وسألتو ويا ريتني ما سألتو

غرام قالت بنتباه شديد ..ليه..كانت مين البنت

بدر اتنهد وقال….كانت سحر ..بنت خالتي ..هو لاكان معجب ببها ولا حاجه هو  كان حابب يضايقني مش اكتر المهم اديتو الي فيها النصيب وحزرتو انو يقرب لها  لاني عارف ان لو حطها في دماغو مش هيسيبها الا وهيه في شقتو

غرام كانت مصدومه من كلامو جدا وبدر كمل وقال…سحر وقتها كانت ضعيفه جدا  كانت بتحبني قوي وانا كنت دايما بصدها وكانت بتستغل اي شاب يقرب منها وتقرب  منو لانها كانت فاكره انها كده بتغيظني او هتخليني اغير عليها وخفت عليها  جدا لما عماد قال كده بس شلت الموضوع من دماغي وقلت بعد ما ضربتو ممكن يخاف  وميقربلهاش بس كنت غلطان بعد كام يوم رحت النادي بالصدفه لقتها بتضحك معاه  الدم غلى في عروقي وقلت انو كده مش ناوي يجيبها لبر نزلت فيه ض.رب وسحر  كانت بتحاول تبعدنا واخدتها اوصلها وعلى الطريق طلبت اني اخطبها انا كنت  حاطط في دماغي اني اخليه يبعد عنها وبعدين نفسخ الخطوبه بس سحر افتكرت ان  دا اعتراف مني اني بحبها وافتكرت اني ضربتو لاني غيران عليها ويومها  حضنت.ني وبكت كتير وقالت انها بتعشقني وانها بتستنى اليوم ده من زمان محبتش  اكسر خاطرها وعملت الخطوبه وهو جالي الخطوبه وباركلي وبص عليكي كنتي يا  دوب ١٧ سنه بس طبعا جمالك شيى ملوش وصف

غرام حست بكسوف من كلمتو وبدر كمل وقال … انا قلقت من تظراتو ليكي بس الي  اكدلي لما قال هو وخارج حلال عليك سحر وبصلك تاني وقال مفيش اجمل من الصبر  انا اتاكدت انو كده هيحاول يوصلك وكنت ناوي اعلن جوازنا بس هو سافر بره  البلد وانا قلت مادام سافر خليني استني لما تكملي السن المطلوب ونكتب  الكتاب بالمره ماما وبابا طبعا عارفين اني متجوزك وفضلو يسألو ازاي خطبت  سحر فأنا اقنعت بابا انو مصلحه علشان الشغل و بعدها نشوف واستنيتك لما  كملتي ١٨ سنه وكنت هقولك على جوازنا بس كنتي بتناديني يا ابيه على اساس اني  اخوكي فمرضتش اقولك لحد ما جيتي وقلتيلي انك هتتجوزي كنت نسيت عماد خالص  يوم ما هربتي كنت هتجنن مسبتش مكان مدورتش فيه بس وصلت متأخر وكمل بسخريه  وللأسف كنتو قمتو بالواجب واكتر كان طبيعي اققتلو بعد ما شوفت مراتي عنده  بقميص النوم وكمل بغضب وكان لازم اققتلك انتي كمان بس مقدرتش

غرام كانت في حالة صدمه حقيقيه قالت بصوت مخنوق… انت بتقول ايه انا كتبت  كتابي عليه انت مجنون ولا عايز تجنني كان فيه شهود وكان فيه مأذون و

بدر بصلها واتنهد وقال…انا الاول كنت شايف انك روحتي شقتو وفضلتي معاه في  الحرام بس لما قلي انكم اتجوزتو فهمت الموضوع لما كنا بنتراهن على البنات  وتيجي واحده متوافقش تروح معاه في الحرام كان يجيب مأذون واتنين شهود ويعمل  انو كتب عليه وطبعا لا الشهود بيكونو شهود ولا المأذون حتى كلو تمثيل ولو  رحتى تراجعي اوراقك هتلاقي انك مراتي بالقانون ولو كنت انا بكدب عليكي وهو  فعلا كتب كتابو عليكي يبقي دلوقتي المفروض يكون عندك قسيمة جواز على اسمو  ولا ايه.

غرام بلعت ريقها بصعوبه وحاسه بدوخه وصداع قالت بصوت متعب..طب .انت ..انت قتلتو قدامي ازاي بتقول انو عايش

بدر قال…انا لاني كنت عارف نينو كنت طبيعي هقتلو على الي عملو ده بس كنت  ناوي اجيبو واطلع فيه القديم والجديد الاول بس لما مرضيش يسبني اخدك ضر.بت  عليه نار وانا وطالع قولت لواحد من الرجاله يوديه مستشفى قبل ما يموت لاني  كنت عايزه عايش وسبت رجاله تحرسو هناك بس اول ما فاق هرب منهم فيه حد هربو  لحد دلوقتي مش عارفه مين الرجاله اخدو موبايله يعني متصلش على حد من قرايبو  وهو كان ضعيف جدا لان الرصاصه كانت جمب القلب يعني ميقدرش يهرب لوحده فيه  حد طلعو من هناك

غرام وقفت وهيه مصدومه ودموعها على خدها معقوله يكون كلامو صح معقول يكون  خدعها هزت راسها بعنف بتنفض اي افكار منها وبصتلو بكره وقالت…انت كداب انا  مستحيل اصدقك انت بتكرهو علشان فضلتو عليك انا مستحيل اصدق حرف واحد وكل  كلامك كأني مسمعتوش فاهم ودخلت الحمام بغضب شديد وقعدت على الارض وبقت تبكي  بحرقه وحيره وحاسه الدنيا بتضيق في عيونها

بقلمي…زهرة الربيع

بدر كان متأكد انها مش هتصدقو بس حب يشيل الجبل الي على صدرو ويحكيلها  ويخلص اتنهد بحزن وراح قعد على الكنبه مستنيها تخرج من الحمام فضل فتره  كبيره ومطلعتش قلق جدا عليها وقف جمب باب الحمام وخبط عليه براحه وقال  بهدوؤ…غرام ..يا غرام افتحي…طب يعني يا غرام هتباتي عندك

بس غرام مرضيتش ترد عليه وقلق جدا فقال بعصبيه وقلق…يا غرام افتحي بقولك..والله لو ما فتحتي لاكسر الباب ..غرام… غرام

بدر اترعب عليها ودفع الباب بكتفو بقوه اتكسر بس اتجمد مكانو وبرق بصدمه شديده…. لما شاف الدم مالي ارضية الحمام وووووو

😭😭😭😭😭😭

يتبع….

12= رواية غرام الحلقة الثانية عشر

بدر اترعب عليها قام دفع الباب  بكتفو بقوه اتكس.ر بس اتجمد مكانو من شدة الصدمه لما شاف الد.م مالي أرضية  الحمام بص لقا غرام فاقده الوعي وايدها بت.نزف بغزاره

بدر جري عليها بخضه وخوف شديد ومسك مكان جرح معصمها وقال بهستريا شديده  …غرام ..غرام فوقي ..فوقي علشان خاطري..استحملي يا غرام مش هتضيعي مني  مستحيل..لا ..لا مستحيل

بدر كان بيتكلم بدون وعي من شدة خوفو عليها وبيدور على علبة الاسعفات عايز  يربط ايدها علشان يوقف النز.يف وفعلا ربط ايدها بقوه وايديه كانت بترتعش  وهو بيشيلها نزل بيها ودخلها العربيه من غير حتى ما يقول لحد من اهله من  كتر ما كان مرعوب مكانش بيفكر في حاجه غير انو يلحقها

وصل المستشفى وفضل ينادي على الدكاتره برعب واخدوها منه على العمليات وفضل  واقف ودموعو على خدو مستنيها تخرج وحاسس بخنقه شديده من كتر التوتر

بدر حس انو تعبان ومكانش جايب البخاخ معاه بس طلب من حد في المستشفى يجيبو  واخد منه وهو حاسس ان مفيش شئ قادر يهديه وفضل على حاله مده طويله وهو  مخنوق وبيفكر في الي قاله ليها قد ايه كان صعب وفضل يلوم نفسه انو حكالها  وانو سابها تفضل في الحمام فتره طويله

بعد شويه طلع الدكتور وطمنو انهم خيطو الجرح بس لسه مفاقتش بدر اول ما سمع كده دخل عندها من غير حتى ما يسأل الدكتور

الدكتور والممرضين حاولو يمنعوه بس مقدروش عليه والدكتور شاور لهم يسيبوه

بدر اول ما دخل وشاف وشها البريئ وهيه غايبه عن الوعي ومش حاسه بالدنيا  نزلت دموعو وقعد جمبعا بحزن مسك ايدها بضعف وتعب ودموعو مبتقفش  وقال..اسف..انا اسف سامحيني ..بقالي كتير نفسي اطلب تسامحيني ومش قادر عارف  اني اذيتك كتير وجرحتك اكتر بس والله ما كنت عايز حاجه من دي تحصل سامحيني  يا غرام وبكى بقهر شديد

بعد اكتر من ساعتين غرام ابتدت تفتح عنيها بارهاق شديد وقالت بتعب…ب..بدر

بدر انتفض بفرحه ومسك ايدها وقال…نعم يا غرام انا هنا انا جمبك انادي للدكتور

غرام سحبت ايدها من ايده بتعب و ودت وشها الناحيه التانيه ونزلت دموعها بألم

بدر اتنهد بحزن وقال….ليه عملتي في نفسك كده يا غرام مفيش حاجه في الدنيا  تستاهل الي عملتيه والله لا انا ولاهو نستاهل تعملي في نفسك كده

غرام بصت عليه وشافت دموعو الي مكانتش تشوفها ابدا استغربت جدا معقوله يكون  خاف عليها لدرجه دي قالت بضعف…انا عايزه اخرج من هنا لو سمحت

بدر قال بسرعه حاضر يا غرام هنخرج بس لازم الدكتور يشوفك الاول انا هناديه

الدكتور دخل وفحص غرام وقال انها تمام وكتبلها على شوية فيتمينات علشان  ضعيفه بس خد بدر على جمب وقال بجديه…المدام واضح ان حالتها النفسيه مش تمام  دي محاولة انتحا.ر يعني انت لازم تاخد بالك منها كويس يا استاذ بدر

بدر اتنهد وقال…اكيد يا دكتور شكرا

الدكتور بعمليه…هو المفروض تفضلو هنا كام يوم كمان لانها ضعيفه ومحتاجه  متابعه بس مدام هيه مصره تخرج يبقى تمام ممكن انت تغيرلها على الجرح وتديها  العلاج او تجيب حد يتابعها

بدر قال بتعب ..تمام يا دكتور انا هتصرف شكرا

بعد ساعه كانت غرام خلصت المحلول الي في ايدها وراحت هيه وبدر القصر واول  ما بدر وقف العربيه مد اديه هيشيلها بس غرام قالت بحده..ابعد عني انا همشي  لوحدي ولا انت مصدقت مش كفايه شلتني في المستشفى لحد العربيه غصب عني

بقلمي …زهرة الربيع

بدر كانها متكلمتش في لحظه كان شايلها وطالع بيها الاوضه دخل وقفل الباب برجلو ونزلها على السرير بهدوء وقعد على السرير بتعب شديد

غرام كانت مضايقه انو شالها كانت هتكلمو بس لقتو تعبان جدا اليوم كان شاق  جدا عليه الاول تعب نفسو في الشركه وبعدين هيه سممتو وبعدها حاولت تنتح.ر  وفضل جمبها اكتر من اربع سعات لاول مره تشفق عليه قالت بهدوء …انت تعبت  كفايه روح نام

بدر بصلها ومسك ايدها المربوطه وباس كفتها برقه ورفع عنيه وبص في عنيها وقال…حقك عليا مقدرتش احميكي منو ولا مني انا كمان …انا اسف..

غرام كانت بتبصلو باستغراب شديد هيه عارفه انو عمره ما اعتذر لحد او اعترف  بغلط عملو سحبت ايدها منو براحه..ومسكت دموعها بالعافيه وقالت بصوت ضعيف  …انا عايزه انام

بدر اتنهد بحزن وراح ينام مكانو على الكنبه فضل شويه سارح في تفكيرو لحد ما راح في النوم

غرام كمان فضلت تفكر شويه في كل الي قاله ونامت من كتر التعب

في صباح يوم جديد ..بدر قام وبص على غرام وكانت نايمه خد هدوم ودخل الحمام ياخد شور اول ما قفل باب الحمام

صحيت غرام على الصوت بصت حواليها ملقتوش عرفت انو دخل الحمام

قعدت وهيه بتفكر في كلامو الي مش راضي يفارقها معقوله يكون فعلا عماد خدعها  الفكره نفسها مؤلمه جدا مسكت التلفون طلبت شخص واتكلمت بصوت واطي قالت…الو  اذيك يا انكل سميح انا غرام القاضي فاكرني حضرتك

سميح بابتسامه…اهلا يا بنتي طبعا فاكرك دا والدك الله يرحمو صاحب افضال عليا انتي عامله ايه

غرام ابتسمت وقالت..انا بخير يا عمو ممكن اطلب من حضرتك طلب لو سمحت حضرتك  كنت محامي بابا الله يرحمو ومعرفش غيرك علشان اكلمو ممكن تجيلي القصر بعد  ساعه الموضوع مهم جدا

سميح قال..طبعا اجي انتي تأمري ساعه واكون عندك

غرام قفلت معاه بسرعه لما حست ان بدر طالع وقعدت مكانها بارتباك

بدر خرج وهو لابس بنطلون بس بدون تيشرت وبينشف شعرو واول ما بعد الفوطه شاف  غرام قاعده على السرير بتبصلو وأول ما بصلها بعدت نظرها عنو بسرعه

بدر ابتسم وقال …صباح الخير

غرام قالت بحده …. انت ازاي طالع من الحمام كده مش في بنت معاك في الاوضه

بدر ضحك شويه وقال…بنت….اممممم…ضحكتيني والله ..سيبك بس من لبسي وقوليلي ايدك عامله ايه دلوقتي

غرام كانت مضايقه جدا من كلامو قالت بغضب..وانت مالك اصلا …انت هتعمل فيها خايف عليا

بدر نفخ بضيق وقال…امم شكلنا كده هنتعب كتير اليومين الجايين وحاول يكون  اهدى وقال..بصي يا غرام اولا لما اسألك تجاوبي على طول ثانيا بقى مضطره  معلش تيجي على نفسك وتسبيني اساعدك اليومين دول تمام

غرام بصتلو بحده وقالت..لا مش تمام انا اعرف اساعد نفسي كويس وانت…. ملكش..دعوه…بيه …فاهم

غرام قالت كده وخدت هدوم ودخلت الحمام وبدر فضل مستني على الكنبه وهو مبتسم ابتسامه جانبيه على غبائها ومستنيها تنادي عليه

وفعلا بعد شويه سمعها بتناديلو بضيق شديد وماسكه دموعها بالعافيه

بدر وقف قصادها وكتف اديه وابتسم باستفزاز وقال..نعم عايزه ايه

غرام بصت في الارض بدموع وقالت بهدوء…بص اصل ايدي وجعاني اوي كل ما احركها  توجعني ومش قادره اققلع الدريس ولا افتح السوسته حتى ولا عارفه اعمل حاجه  خالص

بدر كاتم ضحكتو بالعافيه على طفولتها وقال…احم واعملك ايه يعني مش قولتي مش عايزه مساعده مني

غرام اتنرفزت وقالت بصوت عالي نسبيا..ايوه مش عايزه وبعدها حاولت تهدى وقالت….انا عايزاك تناديلي طنط صفاء تساعدني على ما اخلص

بدر ابتسم وقرب عليها وقفل باب الحمام

غرام برقت بشده وقالت بتوتر وهيه بتبعد منو …انت هتعمل ايه انا بقولك عايزه ماما صفاء اخرج لو سمحت

بس بدر شدها عليه بقوه بقت في حضنو وهيه بقت تحاول تبعدو عنها لاكن كان ضاممها ليه من وسطها بقوه

فضلو باصيين لبعض بطريقه جميله وبدر فتح سوستته الدريس ونزلو براحه وغرام تايهه في عيونو ومكنتش حاسه بيعمل ايه

بقلمي…زهرة الربيع

بدر كان مركذ في عنيها وقال بصوت اشبه بالهمس…خلصت كفايه كده ولا اكمل

غرام وهيه مركذه اوي في عنيه قالت….كمل

بدر ابتسم بسعاده من تأثيره عليها وغرام برقت وبلعت ريقها بتوتر لما حست  على الي قالتو بعدت عنو وقالت بارتباك شديد ..تكمل ايه يا حيو.ان انت..اخرج  ..اخرج بره يلا يلا وزقتو وقفلت الباب وهيه بتاخد نفسها بارتباك بصت  لنفسها كانت بالهدو.م الدا.خليه اتكسفت جدا حاولت تهدى وكملت حمامها ولبست  بصعوبه بس مكانتش عايزه تناديلو تاني

غرام لما خرجت لقت بدر واقف ولابس بدلتو الكامله وشكلو يجنن بقت تحاول ما  تبصش عليه لانها مكسوفه منو بس بدر بصلها وقال بابتسامه …تيجي معايا شرم  بكره

غرام بصتلو بضيق وقالت…طبعا…لا

بدر اتنهد وقال…..طب ليه انا عندي شغل مهم هناك وانتي تعبانه ومحتاجه تغيري جو وكمان بتحبي البحر فليه لا

غرام ابتسمت بتستفزاز وقالت بضيق…ببساطه لاني هروح معاك علشان كده… لا

بدر قال بخبث ….تمام….بس على فكره انا كده مش هطلق ابدا

غرام قالت بعصبيه…وده ليه ان شاء الله انت مش قولت انك هتسبني في حالي بعد ما تحكيلي الي حصل وانا سبتك حكيت كل الي معاك

بدر قرب عليها وقال….طب وصدقتيني

غرام بصت بعيد بارتباك وقالت…لا طبعا انا هصدق الهبل الي قلتو ده..تبقى  بتحلم وقعدت على الكنبه بيأس وقالت بحزن شديد …اصلا لا مصدقاك ولا بقيت  مصدقه عماد ولا حتى مصدقه نفسي ولا مصدقه حد خالص علشان ترتاحو كلكم ونزلت  دموعها بألم

بدر بصلها بحزن وقال…لو مش مصدقاني امال حاولتي تنت.حري ليه

غرام قالت بضيق…بقولك ايه انا كنت هنت.حر علشان اخلص منك فمتألفش على مزاجك

بدر قال …طب ما انتي من زمان عايزه تخلصي مني اشمعني دلوقتي عملتي كده

غرام بصت في الساعه بتوتر لان معاد المحامي قرب وهيه مش عايزه بدر يشوفو  قالت بعصبيه…..يوووه انت عايز ايه من كل ده من الاخر مش عايزني اسافر معاك  خلاص انا وافقت يلا روح شغلك وسبني في حالي

بدر استغرب انها وافقت بس فرح جدا وقال تمام يلا انا همشي دلوقتي وهاجي بدري علشان اغيرلك على الجرح عايزه حاجه

غرام بضيق…قال يعني لو عايزه حاجه هقولك

بدر هز راسو بياس واتنهد وقال…اوكي اشوفك بالليل

بدر نزل وحكي لوالدو ووالدتو ان غرام حاولت تنت.حر ووصاهم يا خدو بالهم منها وراح شركتو

غرام نزلت تقعد معاهم وشافت صفاء قاعده بتقلب في البوم صور وشافت صوره غريبه اول مره تشوفها لبدر وهو شايل طفله صغيره على ايده

غرام باستغراب مش دي صورة بدر يا ماما صفاء امال مين الي معاه دي

صفاء بحزن ….دي ملك بنتي

غرام باستغراي… ملك بنتك انا ازاي معرفش ان عندك بنت

بقلمي…زهرة الربيع

صفاء بحزن…. لو كانت موجوده كنتي عرفتي بصي يا غرام يا حببتي انتي مرات بدر  ولازم تعرفي كل حاجه عنو بدر لما كان عمره ٧ سنين كنت مخلفه بنت ٣ سنين  الكلام ده طبعا قبل ما تتولدي مره طلع بدر مع ابوه وأصر ياخدو ملك معاهم  وهناك محمود ساب ملك مع بدر في العربيه كان بدر صغير قوي وقتها ياقلبي  ..محمود قلو خلى بالك منها على ما أجي بس فيه حد ابن حرام استناه ينزل وراح  خطف ملك من ايده بدر كان صغير اوي بس حاول يحميها مرضيش يسبها وكان بيزعق  بصوتو بس هما خدروه واخدوها منو

غرام بصدمه…ايه اتخطفت يعني ملقتوهاش

صفاء دموعها نزلت بحزن وقالت …لا ملقنهاش عرفنا ان حد من منافسين محمود في  الشغل هو الي عمل كده بس هو معترفش ومعرفناش حاجه عن مكانهاومن يومها وبدر  محمل نفسو مسؤلية خطفها لانو اصر يخدها مع اني مكنتش موافقه لانها صغيره  زوكمان حس بالذمب لانو مقدرش يحميها منهم

وبصت لغرام بابتسامه وقالت انا ليه حكيت لك كل ده علشان افهمك ان بدر راجل  اتحمل كتير قوي من صغره ومع ذالك لسه قوي عمره مكان جبان ومسكت ايد غرام  المجروحه وقالت بابتسامه…عمره ما فكر يغضب ربنا اسهل حاجه الضعف وانك تقفي  مكانك ومتواجهيش لاكن مش كل الناس تقدر تتحدى وتعيش فهماني

غرام فهمت انها علشان حاولت تن.تحر حست بحرج شديد وانها جبانه اوي فقالت بحرج…انا اسفه يا ماما صفاء مكنش المفروض اعمل كده

صفاء ابتسمت وقالت…. ولا يهمك يا حببتي ان شاء الله ربنا قادر يريح بالك يا  غرام…… وفضلو يتكلمو شويه وبعدين وصل المحامي وغرام دخلت معاه المكتب

عند بدر وصل الشركه وكان قاعد مع عصام بيحكيلو على الي حصل امبارح

عصام باندهاش… طب انت ليه حكيت لها انو عايش يابني كده ممكن تفكر ترجعلو

بدر بضيق…. كان لازم تعرف الحقيقه انت ناسي انو رجع مصر يعني ممكن يظهر  قدامها في اي لحظه والدكتوره بتاعتها محذراني كتير انها تتصدم كل الي حصل  لها الاول صدمه ومش عايزها تتكرر

طب وهتعمل ايه في سفرية بكره الصفقه دي صفقه العمر وبعدين مضينا عقودها يعني مفيش تراجع افرض انت مشيت وهو حاول يوصلها وانت مش موجود

بدراتنهد وقال…مانا عملت حسابي على كده وهخدها معايا هبقى مطمن اكتر وهيه معايا

عصام اتنهد وقال…والله يا صاحبي ربنا يكون في عونك انا من ساعت ما كلمتني  وقالت انك اتسممت وانا حسيت انها ورا الموضوع زي ما حسيت ان الليله مش  هتعدي على خير وده فعلا الي حصل بس الغريب بقى انها كانت دموعها مبتقفش  مفهمتهاش ازاي تسممك وازاي تلحقك وتزعل عليك كمان

بدر اتنهد وقال بابتسامه..انا كمان استغربت زيك بس عارف قالتلي انها مقدرتش  تأذيني لسه فكرالي الحلو وده شئ كويس اوي بنسبالي .. على العموم سيبك من  دا كلو خلينا في الشغل هو مدير الشركه الفرنسيه هيجي انهارده مش كده

عصام…لا هو هيوصل بكره على شرم الشيخ شريكه جاي انهارده يقابلك

بدر تمام اول ما يوصل دخلو ..بقولك ايه صحيح يا عصام انت كده كده هتيجي  معايا ماتقنع سحر انها تيجي معاك انا لو قولتلها مش هترضى هيكون فيه وقت  نتكلم في علاقتنا يمكن توافق نكمل

عصام كان هيموت حرفيا حاول يتماسك وقال بابتسامه مصتنعه….. تمام هكلمها

بدر بصلو بابتسامه وقال…والله ماعارف من غيرك كنت عملت ايه

عصام كان هيتكلم بس قاطعو خبط السكرتيره على الباب

بدر …نعم يا انجي في حاجه

انجي..ايوه يا بدر بيه الشريك الفرنسي بره بيستأذن يدخل لحضرتك

بدر قال …دخليه بسرعه….دخل شاب متوسط الطول في اواخر العشرينات بطله اجنبيه وملامح وسيمه

بدر وقف بترحيب وابتسامه …بس اتجمد مكانو بصدمه واتسعت عنيه بشده واتحولت ملامحو لغضب اعمى وقبض على اديه وهو بيبصلو بشراسه

عصام كمان اتصدم وكان بيبص لبدر الي بقى عباره عن بركان مهدد بالانفجار  وكان خايف عليه جدا قال بغضب ….عماد..انت ايه الي جابك هنا وووووووو

يتبع….

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا