سكريبت سيف جِه!! كامل وحصري لمدونة قصر الروايات
سكريبت سيف جِه!! كامل وحصري لمدونة قصر الروايات
-سيف جِه!!
سمعتها من البنت اللي ورايا
وفي نفس اللحظة الباب بتاع القاعة اتفتح وسيف دخل منه
-يخربيت جماله
-يبت اتقلي شوية
ضغط علي القلم من عصبيتي لما سمعت كلامهم وحاولت مصرخش في وشهم
سيف طلع علي المدرجات وقعد جنب صاحبه وسط همهمات الطالبات
-انا بحب سيـ...
قبل ما تكملها دبيت علي البينچ ولميت حاجتي وخدت شنطتي وخرجت والطلاب كلهم مندهشين
انا اسماء، طالبة جامعية وعندي 20 سنة
الحوار بدأ معايا من ساعة ما شوفت سيف في الكلية
ماكنتش من نوع البنات اللي هو او ماي ربي ده وسيم ومعضل ومش عارفة ايه
انا مركزتش فيه اصلا
بس بدأت اخد بالي من طريقته لغاية ما حبيته، وحاليا بقالي 3 سنين بحبه
والبعيد مش بيحس
للأسف الشديد سيف وسيم جدا ومعضل شوية
وعنده كاريزما بنت *** تخليه ماشي وسط البنات وسامع كلامهم عليه ومش مهتم، ودي حاجة بيرفكت عموما
خرجت من القاعة ومحضرتش المحاضرة
مش مهم المهم محرقش دمي
اول ما خرجت روحت قعدت في الجنينة بتاعة الجامعة
وفضلت اكلم نفسي
-يخربيت جماله، انا بحب سيف نينينينينيني
بطلوا محن وقرف بقا عيال ملزقة
-اسماء انتِ اتجننتي؟
اتفزعت علي صوت ليلى صاحبتي وبصيتلها
-عايزة ايه انتِ كمان
-بتكلمي نفسك ليه؟
سيف برضو؟
-ايوا، خرجت اصلا من المحاضرة عشان مش ناقصة
-اسماء بالله اعقلي الكلام
يعني هو هيسيب ككككللل البنات دي
ويحبك انتِ؟
ما تسيبيهم يتكلموا
-مانا عارفة يا ليلى بس انا بغير
الدموع اتجمعت في عيني وكملت بصوت مهزوز:
-صعب عليا اوي ابطل احبه بسهولة
بقالي 3 سنين بحبه من بعيد يا ليلى
-معلش يا اسماء حاولي لمصلحتك
-انا هروح
وقومت وسبتها فعلا
روّحت البيت واول حد قابلني في وشي مالي
-مالك ي بت قالبة وشك كده ليه
-مافيش يا ماما تعبانة
-سلامتك
-الله يسلمك
دخلت اوضتي غيرت
طلعت عملت ايس كوفي وقعدت اسمع المحاضرات بتاعة امبارح لغاية ما ينزلوا بتاعة النهاردة
ذاكرت وعملت الملخصات لإني للأسف الليدر بتاعة الدفعة وخلصت بالليل متأخر
وطبعا دخلت في غيبوبة
صحيت اليوم اللي بعده
فطرت
خدت دش
لبست
واستعديت عشان اواجه بنات دفعتي الحمضانين
-لو سمحت؟
رفعت وشي واتجمدت اول ما شوفته
-نـ...نعم
-انتِ الليدر مش كده؟
-انا؟ ا...اه ايوا
-طيب، في جزء مفهمتهوش من محاضرة امبارح، عادي تفهميهولي
-انا؟
-اومال انا؟
-طيب تعالي
شرحتهوله ودماغه طلعت مربعة مبيفهمش
-انت عبيط؟!
بصلي بغضب وقال:
-انتِ اتجننتي يابت ولا ايه؟!
مين ده اللي عبيط؟؟
-انا بقالي ساعة بفهمك وانت مش فاهم!
-ذنبي ايه ان شرحك وحش!
اتنهدت بضيق وحاولت اهدي
-انا هروح اجيب ماية
-ماشي متتأخريش
-حاضر، هتأخر
روحت اشتريت ماية ووقفت بعيد
قعدت اتنطط وانا مبسوطة انه كلمني اخيرا
رجعت بكل هدوء وقعدت
وبدأت اشرحله تاني
-انا مش فاهم حاجة
-طب قوم
-مش قايم
-قوم يا سيف مش هشرح حاجة
-لأ هتشرحي
-مش هشرح، ولو عايز تفضل قاعد اقعد كده كده مش هشرح
بعدين بصيتله باستفزاز وقولت:
-وعشان تبقي عارف، الحته دي هتيجي في الامتحان
اتعصب وقال:
-طب ماتفهميهالي!!
انتِ ازاي الليدر؟!
-زي السكر في الشاي
-متعصبينيش يا اسماء!!
-ماشي
-اشرحيلي بقا
-لأ
-هقوووم!
-احسن برضو
-طب مش قايم
-تمام
قعد شوية بعدين زفر بضيق ومشي
وطبعا روّحت وانا طايرة
اول مرة يكلمني
اسماء! اتقلي كده
-فرحانة كده ليه يا اسو؟
-انا؟
مافيش حاجة يا بابا
-بجد؟
-ايوا
ماما ضحكت وقالت:
-هرموناتها ضربت
ضحكنا وانا دخلت اوضتي
ظبطت الملخصات
وروحت انام وانا بفكر
في اليوم؟...فيه؟
في الاتنين؟
اليوم اللي بعده روحت الجامعة
وعلي غير عادته دخل متأخر
ولحسن حظه الدكتور خلاه يدخل
ولسوووء حظي مكانش في مكان فاضي غير جمبي
قعد جنبي بكل هدوء
وطلع كشكول سلك كبير
بعدين قعد يفتش في الشنطة علي حاجة
-احم، لو سمحت
بصيتله بهدوء، فهمسلي:
-ممكن قلم؟
طلعته بهدوء وادتهوله
-هو ايه ده؟!
-قلم
-مانا عارف!
ده فوشيا!!
-مش معايا غيره
-وانتِ جايبة قلم فوشيا ليه يا اسماء؟!
-مش عاجبك؟
قال بغضب:
-لأ!
-يبقي هات
-انتِ مستفزة اوي
-عارفة
فجأة ظهر صوت الدكتور
-الاتنين اللي ورا
اطلعوا برا!
بصينا لعبض بعدين بصينا للدكتور
-براااا
لميت حاجتي وقومت وانا بحاول احبس دموعي عشان دي اول مرة اتطرد فيها في حياتي
طلعنا احنا الاتنين ولما قفل باب القاعة قالي بزعيق:
-عاجبك كده؟!
اطردنا بسببك!
بصيتله ودموعي نزلت
صوته لان اكتر وقال:
-انتِ بتعيطي ليه وانتِ الغلطانة؟
-انا غلطانه عشان اديتك قلم؟!
-ده منظر قلم!
-مانا قولتلك معييش غيره وانت اللي قعدت تبرطم
اتنهد ورجع شعره لورا
اكتر حركة بحبها منه، بحبه كله بصراحة
-طب خلاص متعيطيش انا آسف...
سيبته وروحت الكافيتيريا
فضلت قاعدة علي التليفون وانا مش طايقة نفسي
-هتفضلي زعلانة كده كتير؟
-اه، مالكش دعوة
-مش رايح فرح
-علي فكرة دمك تقيل
-مانا عارف
بعد اليوم ده بقينا نتكلم كتير
ههه، مش صحاب بقا ولا الكلام ده
بنتخانق
-بس يا سيف!!
مهتمش وكمل غنا، وصوته زفت بجد
-"انا لحبيبي وحبيبي الي
يا عصفورة بيضا لا بقا تسألي
لا يتعب حدا ولا يزعل حدا
انا لحبيبي وحبيبي الي"
-صوتك تحفة افتح مطعم
ضحك بصوت عالي وقال:
-فكرة برضو
عدت شهور
حبي لي بيزيد
وخناقاتي معاه بتزييييييييييد
-اسماء انتِ مستفزة!
-وانت تنح
-متعصبنيش!!
-هو انا كلمتك؟؟
زفر وكان هيتكلم بس قاطعة صوت وراه
-اسماء
بصينا احنا الاتنين لمصدر الصوت، كان ادهم زميلنا
-نعم؟
-احم، انا...يعني...هو...
-في ايه؟
-انا بحبك
-نعم ي روح خالتك!!
الجملة دي ماطلعتش مني
طلعت من سيف
-في حاجة سيف؟!
-اه في حاجات يا ادهم
بعدين بصلي وقال:
-انتِ بتحبيه؟!
بصيت لأدهم بهدوء وابتسمت
-معلش يا ادهم بس انت زي اخويا
-تمام، ربنا يوفقك
لما مشي بصيت لسيف بغضب وقولت:
-انت مالك بيا؟!
-مالي في جيبي
-سيف!!
-اسماء
زفرت بضيق
حك رقبته بعدين قال:
-احم، بقولك
-ايه
-انا عايز رقم باباكِ
-ليه!
-همسي عليه
-سيف
-عايز اتقدملك
-لأ
وبعد اليوم ده مبقناش نتكلم ولا نتخانق زي دايما
منكرش اني ضيعت فرصة كبيرة
بس غبائي بقا هنقول ايه
-اسماء
-نعم يابابا
-في واحد زميلك متقدملك
-مين؟
-مش عارف واحد اسمه سـ...سي....سيف! ايوا سيف
جيه وطلعتله وانا عايزة اصوت من الفرحة بس طبعا مش مبينة
-هنفضل ساكتين كتير؟
-هو مش انا قولتلك لأ؟
-لأ اما تلؤك
-سيف!
-قلبه
-عايز ايه؟
-عايزك
قبتله بعد ما عذبته علشان يحس بقيمتي، احممم مخي تعبان
وحاليا بقالنا 3 شهور متجوزين
-سيفو
-نعم ي حبيبي
قعدت جنبه وهو حاوطني بايده
-انت اخترتني انا ليه وسط البنات اللي كانت بتحبك كلها
-امم، عشان انتِ الوحيدة اللي محبتينيش وسط البنات اللي كانوا بيحبوني كلهم
-بس انا كنت بحبك
-بس مابينتيش
-صح
-عارفة؟
-ايه
-لما جيتلك وقولتلك تشرحيلي حاجة في المحاضرة ساعتها كنت فاهم وعامل نفسي غبي عشان اقعد معاكِ وقت اطول
-بجد!
-ايوا، يابنتي انا واقع من بدري
انا حبي ليكِ لوحدك، وانا كلي ليكِ لوحدك
-بحبك
-بموت فيكِ
-عارف مين بيحبك اكتر؟
-مين؟
شاورت علي بطني
شهق وقال:
-بتهزري!!
-لأ والله
-انتِ حامل!
-ايوا
حضني جامد وقال:
-الف مبروك ياحبيبي
انا بحبك اوييي
عدي 9 شهور، واخيرا...
-الحقني يا سيييييييف
-في اييه؟؟
هتولدي؟!
-ايوااا
نزلنا وساق بسرعة جدا المستشفى
-بسرعة يا سييييف
-مش هعرف اسرع اكتر من كده!!
-سرعععع
زاعق بتوتر:
-اصبريييييي
واخيرا وصلنا المستشفى
ودخلت اوضة العمليات
والحمدلله قومت انا وبنتي بالسلامة
لما فوقت من البنج لقيت سيف قاعد جنبي وماسك بنتنا
-جميلة اوي يا اسماء، شبهك
-هنسميها ايه يا سيف
-عشق
-اشمعنا؟
بصلي بحب وقال:
-عشان لما اشوفها افتكر قد ايه انا بعشقك
-تمت
تعليقات
إرسال تعليق
فضلا اترك تعليق من هنا