سكريبت تتجوزيني كامل وحصري لمدونة قصر الروايات
سكريبت تتجوزيني كامل وحصري لمدونة قصر الروايات
- تتجوزيني؟
= لا حول ولا قوة الا بالله انت مين يا حبيبي
- جارك فى البلاكونه هنا
= لا والله اممم أهلا
- اهلا تتجوزيني ؟
كنت خارجه بره بلاكونتي واتكلمت بعصبيه
لا ماهي مش ناقصه عالمسا:
- لا لا خدي النجوم الى بتحبي تتفرجي عليها اهي السما صافيه كمان و القمر منور وهتشوفيه براحتك انا هدخل خلاص مش هضايقك تاني
اتصدمت و فضلت مكاني: خد هنا انت عرفت منين اني بحب النجوم والقمر اية كل ده
- اية دا هو انا قولت انك بتحبيهم.؟ مني لله
كتمت ضحكتي: انت بتراقبني يا محترم ؟
- اها .. لاء اها
= بتراقبني ؟
- لاء .
= عرفت منين
- بالصدفه كدا بالصدفه شوفتك كذا مره بتتفرجي عليهم
= بالصدفه وكذا مره ؟ طب ازاي فكروا فالكلام بقي قبل ما تقولوا اتقوا الله
- معاكي حق غبي انا
= اها ومفقوس
- اوي ؟
= جدا ياخي
- مش هتجيبي النسكاف..
= قولت اية ؟؟ النسكافيه! كمان عرفت دي منين؟
- ده .. ده ... اصل
= ينهار اسود ومنيل بتراقبني وعايز تخطفني صارحني هترشلي منوم ولا هتشكني بالحقنه
- بذمتك ده منظر واحد هيخطف
= كلكوا زي بعض انطق عرفت منين
- بصي بصراحه انا معجب سري
بصتله بشك و خوف وهو لاحظ
- انتي خوفتي مني ؟ حقك بس خلاص هتكلم جد انا كنت فالشقه الى هناك دي شاور على بلاكونه قصادي فالوش
قبل ما اجي الشقه هنا عشان عجبتني وبالمره اعرف اراقبك وانا بلاكونتي لازقه فى بلاكونتك ، لكن وانا قصادك بعيد كنت بشوفك كل يوم بتطلعي وتبصي للسما سالت عليكي بتاع السوبر ماركت وعرفت اسمك جبت اكونتك عالفيس بوك معرفتش اجيب الانستا صح ابقي اديهوني ما علينا المهم دخلت اقلب فالبروفايل عرفت انك بتحبي القمر و النجوم لما تبقي السما صافيه وبتحبي التصوير اوي لكن مبتحبيش تصوري نفسك كتير مع انك جميلة.
عرفت انك بتحبي المكرونه واللون البنفسجي الغامق لون الفضاء زي ما بتقولي و كمان انا عرفت انك بتكرهي الكدب اوي عشان كدا انا قولت حاجه دلوقتي بس كدبت في حاجه بصراحه
بصتله وانا عيوني مدمعه معرفش ليه : اية هي
- انا بصراحه جيت الشقه عشان اراقبك بس انما هي مش عجباني مش قد كدا لا
مسحت دموع خانتني ونزلت وضحكت
- انا اسف هو انتي بتعيطي بسببي انا دايقتك؟
= انت لطيف اوي
- انا ! انا !
ابتسمت = ايوا
- انتي اللطف ، خلاص انتي كدا تتجوزيني بقي
= ليه ؟
- عشان ب.. طب ما تخليها بعد ما تتجوزيني
= انا حاسه اني في فيلم ديزني لاند
- وانتي الاميرة.
= وانت الامير
- بس انا مفروض انقذك ؟
= هو انا مقولتلكش؟
- لاء اي
= مش انا كنت بفكر انتحر ؟
اتصدم
= متستغربش عماله افكر ياتري لو نطيت من الدور السادس هموت ولا هفضل عايشه قاطعني تطفلك بقي
- انتي بجد فكرتي كدا
= كنت مخنوقه مش اكتر
- اناا معاكي ممكن تحكيلي نبقي صحاب لحد ما تبقي قره عيني وهساعدك وهدعمك هنقرب من ربنا سوا.
_____
- مريم ؟؟ يا مريم !
= في اية زين !
- بقالي ساعه بنادي يا هانم بتفكري فى مين
= فيك
- اية دا بجد
= بيتضحك عليك بسرعه
كشر : يعني مش فيا ؟
= كنت بفتكر اول يوم اتكلمنا يوم ما اقتحمت تفكيري وقولتلي تتجوزيني
ضحك عليها وهي بتقلده : يوووه كنت مندفع انا
جه من بعيد عليهم طفل بيجري على حضن زين - حبيب بابي
= بقي كدا يا سي يوسف بتحضن بابي وانا لاء؟
- تعالي فى حضني انا ده واد بياع
- بقولك اية ما تجبيلنا اتنين نسكافيه ونشغل فيلم كرتون عشان خاطر عيونك.
= زين تتجوزني؟
- اتجوزك تاني موافق.♥️
" تمت "
تعليقات
إرسال تعليق
فضلا اترك تعليق من هنا