رواية فى حصار قلبه الفصل الخامس 5بقلم ميادة يوسف الذغندى حصريه في مدونة قصر الروايات
رواية فى حصار قلبه الفصل الخامس 5بقلم ميادة يوسف الذغندى حصريه في مدونة قصر الروايات
#_الحلقة_الخامسة
#_فى_حصار_قلبه
#_بقلم_ميادة_يوسف_الذغندى
عبد الرحمن........
قولت لك نتفق الاول ، واللى حصل ده نستفاد منه ، انت ليه مش عايزة تفهم ليه قلبك وعقلك قفل من ناحيتي خلاص نسيت عبد الرحمن يامنير؟
منير.....
وسع من طريقى اطمن على بنت ابنى الاول ، مش فاضى انا للعب ده ، والكلام الماسخ بتاعك وسع من باعد هناك كدة وزقه من كتفه
عبد الرحمن........
شده من إيده، أقف مكانك ، واسمع كلامى ، ودم بدم بقى ، قولت لك هى زينه دلوقتى ، وبصوت كله غضب وحدة ، ولا عايز سيرتك تبقى على كل لسان ، لما يعرفوا ان بنت ابنك هربت من بيتك لما اتكتب كتابها والفضايح تعم البلد كلها وسيرتك تبقى على كل لسان ،
منير .....
وقف ورفع راسه له، بتقول ايه انت ، قطع لسان اى حد يجيب سيرة بنت ابنى على لسانه كأنك اتخبلت إياك، عايز ايه تفتح النار تانى بينا ، ومين يموت تانى ، ولسه سلال الدم باقى بين العلتين ، كفايه ياعبدالرحمن كفايه
عبد الرحمن.....
علشان كفايه ، تبقى تسمع ، وسيبنى أحقق وصيه ابنك المرحوم .......
منير ....
اول ماسمع الكلمة، اتهز من جواه بتقول ايه انت وصيه ابنى جلال الله يرحمه ، وصك انت على ايه ؟
■■■》》》عند شهاب وملكة
كان قاعد جنب سريرها وبيتأمل فيها وكأنه مش مصدق ان دى العيلة دى مراته ، ومعقول فيه حد بالجمال ده كأنها ملاك
بس انتى كنتى رايحه فين فى الوقت المتأخر ده ، معقول تكونى هربانه زى من الجواز .......لاحظ ان فيه اجنده شكلها ملفت بين حاجتها اللى جابها من العربيه ، مد ايدة وجابها كان جواه فضول يعرف عنها ، فتح الأجندة وقلب فيها لاقها خواطر وذكريات خاصه بيها .....بدأ يقرأ بعضها
فى صفحة .....
بابا حبيبى من يوم ما موت وسبتنى وانا تايه ووحيدة ، والدنيا سودا ، انا ناقصني كل الدنيا فى غيابك ......
اه لو كان ده حلم لاء ده كابوس دموعى مش بتقف
مشاعر شهاب اتهزت وغصب عنه اتحركت فى عينه
بص عليها وهى نايمه بكل حزن رجع قلب فى الأجندة
قرأ فيها....
النهاردة سمير ابن عمى ، دخل عليا الاوضه بتاعتى من غير استأذن وحاول يتحرش بيا ، ولما وقفته عند حده ، مسكنى من شعرى جامد ، وقالى بكل غل ونرجسيه ، بكرة تبقى خدامه تحت رجلى ، اوعى تفكرى انك حتى لو بقيتى دكتورة تبقى بعيدة عنى بيتهئ لك لا ياحلوة انتى بتعتى وكل أملاك ملكى انا ، مش ملك حد ، وكلها اسابيع واكتب عليكى وتكوني تحت رجلى زى الك ل ب ة فاهمه
شهاب وهو بيقرأ الكلام الدم غلى فى عروقه والغضب تملكه .....رجع يكمل قراية
بس علشان انا بطلة كاراتيه غفلته وقلبته فى الأرض، وقلبت مج الهوت شوكلت عليه وطلعت أجرى على ماما ، بصراحة كنت عايزة اعجنة بس قولت اسيب الهوت شوكلت يعلم على وشه هههههه....
شهاب ........
ابتسم ابتسامة صغيرة، ورجع بص عليها ، وأثناء سرحانه فيها جالو اتصال ، بص على الشاشه لاقى اسم سلوى مراته .....ضيق عينه واتنهد ، فتح الاتصال ....
سلوى .....
ايه ياشهاب ايه اخرك ياحبيبى كدة ، انت قولت انك جاى الكلام ده من أربع ساعات تقريبا انت فين ؟
شهاب .....
ايوه يا سلوى لاء بس أنااااا
سلوى ......( صوت داخلى جواها )
استغربت الكلمه سلوى من امتى بتقولى سلوى على طول ، من يوم ماعرفتنى وانتى بتقولى ياعيوني اول مرة تقولى سلوى
شهاب ....
انتى فين سرحتي انا بكلمك ، بقولك حصل هنا مشكله فى حكايه الأرض والمصنع، مش عرفت اجى النهاردة ، اول لما تتحل جاى ان شاءالله، ولاحظ ملكة بتفتح عينها ، طب اقفلى دلوقتى ونتكلم بعدين سلام وقفل الفون
ملكة ......
فتحت عينها ، انا فين ، وانت مين ، ايه حصل
شهاب ....
راح ناحيتها بسرعه ، ميل عليها بنص جسمه ، انا جوزك ياملكة ، حادثه بسيطه .
ورفع جسمه ، ووقف مستغرب من نفسه ايه اللى حصل ده ،!!🤔
ملكة.....
جوزى ، انا مش فاكره حاجه خالص .....
■■■■■■》》》》عند سلوى
حطت الفون جنبها على الكمود ، وبتكلم نفسها ، لاء فيه حاجه، هو مالو مخبى عليا ايه ، وليه متغير كدة من ناحيتي، ولا انا بيتهيألي، ماشى ياشهاب لما ترجع ، خبطتها على كتفها ، ايه اتجننتى بتكلمى نفسك ؟
سلوى ......حبيبة انتى صحيتي؟
حبيبة ......
هو اللى يبات عندك يعرف ينام إمتى يجى شهاب ونخلص بقى عايزة ارجع لولادى
سلوى.......
سورى ياحبيبة بجد تعبتك معى اليومين دول ، وخدتك من جوزك وعيالك
حبيبه ....
سورى ايه احنا قاعدين فى كمبوند واحد الفيلا فى وش الفيلا ، يعنى انا بجى ساعة النوم وكمان العيال نايمين فوق صباح الخير
سلوى ....
يبقى بتفكرى فى جوزك بقى ، ولا ايه ؟
حبيبة .....
جوزى ، زمانه مستريح منى ، وبيقول الحمد لله انى مش فى البيت علشان ياخد راحته
سلوى ......
حرام عليكى ياشيخة ، الراجل بيحبك وبيقضى لك كل طلباتك ومش مخليكى محتاجه حاجه
حبيبة .....
اه عندك حق ، بس فيه حاجات تانيه مش بتتطلب ، ولو مش جت لوحدها وحسيتها تبقى قلتها احسن ، دانا كنت شيفاه اكتف من ساعة كدة ، بعت له رساله لسه صاحى ، قالى داخل انام ، ولما قلقت لاقته لسه اون لاين تلاقيه سهرانه مع واحدة من اياهم ، اومال انتى كنتى بتكلمى مين وبتضحكى قوى كدة ؟
سلوى ......
وشها اتغير ، واتلخبطت ، هكون بكلم مين يعنى شهاب ، شهاب جوزى طبعا
حبيبة .....
اومال كنتى زعلانه ليه بقى وبتكلمى نفسك ؟
سلوى .....
اه شهاب بردوا ، قالى انه جاى بس غير كلامه. هدخل انام انا لسه مش نمت ، باى
حبيبة .....
باى ، وانا كمان هدخل اكمل نوم
سلوى......
دخلت تنام ، قلعت الروب ، وكانت لابسه قميص مغرى ، وقفت قدام المرايه تبص على نفسها بكل غرور وثقة ، جالها اشعار رساله ، مدت ايدها وجابت الفون فتحت الرسالة
( ايه لسه صاحية ليه ، القميص ده يجنن عليكى )
ضحكت ضحكه كلها مياعة وكتبت
بطل قلة أدب، انت لسه صاحى ، روح نام بقى كفايه كدة وراحت قفلت الستارة بتاعة الشباك ، وراحت مددت على السرير .......
حبيبة.......
اخدت الفون ،واتصلت على جوزها
صلاح ......
ايوة ياحبيبة ، انا صاحى اهو لسه ساعه على الطيارة
حبيبة ......
معلش ياحبيبى ، انا انا جيت هنا عند سلوى ......
■■■》》》 عند عبدالرحمن ومنير .....
منير ....
ابنى وصاك انت على ايه ؟
عبدالرحمن......
ايه مستقل بيا ولا مش مصدق ، ان المرحوم جلال وصانى وصيه ، وطلب منى انا احافظ على ......
منير .....
قبل ماتكمل ، والغضب كان ماليه ، وانا روحت فين ، مت انا مش أبوه انى ، جالك يوصيك انت وسابنى انا
عبدالرحمن......
بكل أسى، انت اللى انسيت وبعدت وركبت راسك ، ونسيت ان انت انا ياصاحب عمرى
منير ....
هز راسه ، انا طالع لحفيدتى وسع
طلع منير على غرفه ملكة، فتح الباب لاقى شهاب واخدها فى حضنه
منير .....
جرى عليها ، وشده بعيد عنها ، وسع كدة واختشى ازاى تقرب منها كدة ، انت مصدق نفسك جوزها ، ولا بتستغل اللى حصل انت التانى وكان كلامه كله حده
شهاب.....
انت مش شايف انها منهارة من البكى ازاى ومش فاكرة حاجه خالص ، انا كنت بهديها
منير ......
وايه اللى جابها هنا ، ومين المجرم اللى خبطها وانا اوديه فى داهيه اقطع راسه بايدى
شهاب......
وقف متردد يقول ايه
عبدالرحمن......
من وراهم بيتكلم بكل حدة ، وايه خرجها من بيتك فى الوقت ده ، وكانت رايحه فين بعد نص اليل ؟
منير .....
بص عليه ورفع عصايته فى وشه ، اخرس قطع لسانك .....
شهاب.....
بعصبيه ملحوظه.، جدى بتقول ايه انت
عبدالرحمن انا بقول .......يتبع
ياترى ايه هى وصية جلال لعبدالرحمن؟
وشهاب هيتصرف ازاى؟
وسلوى بتخون شهاب مع مين ؟
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا