رواية ممنوع الرجوع الفصل الثالث 3 للكاتب عادل عبد الله حصريه في مدونة قصر الروايات
رواية ممنوع الرجوع الفصل الثالث 3 للكاتب عادل عبد الله حصريه في مدونة قصر الروايات
#رواية_ممنوع_الرجوع
#للكاتب_عادل_عبد_الله
الحلقة الثالثة
رأفت : صدقيني يا حبيبتي أنا أتغيرت ، وافقي علشان خاطري ، علشان حبنا .
نجلاء : أنا هوافق بس علشان ابننا .
رأفت : أتفقنا ، بعد نهاية العدة بيوم هنجيلك ومعنا المأذون .
رامي : هتروحوا معايا أمتي عند أبو ميرنا ؟
نوال : كلم باباها وخد منه ميعاد .
رامي : لو كلمته ممكن يرفض يقابلني ، أحنا نروحله فجأة أحسن .
نوال : شوف عايز نروحلهم أمتي .
رامي : بكره .
نظرت نجلاء لهم بدهشة ولكنها لم تتدخل في الحوار !!!
في اليوم التالي ...
في منزل الاستاذ جمال " أبو ميرنا "
نوال : أحنا جايينلك يا أبو ميرنا علشان نرجع الاولاد لبعض .
الاستاذ جمال " أبو ميرنا " : قصدك مين ؟
نوال : قصدي ميرنا ورامي .
الاستاذ جمال : للأسف ميرنا أتخطبت .
رامي : لا يا عمي اللي عرفته إن لسه مفيش خطوبة .
الاستاذ جمال : لكن أنا أتفقت مع الناس .
نوال : معلش يا أبو ميرنا أنت عارف إن الأولاد متعلقين ببعض .
الاستاذ جمال : كانوا مخطوبين لبعض ومعرفوش يكملوا .
رامي : أوعدك يا عمي عمري ما أزعل ميرنا مني أبداً .
الاستاذ جمال : لكن أحنا هنغير حاجات في اتفاقنا القديم .
رأفت : حاجات زي ايه يا أبو ميرنا ؟
الاستاذ جمال : يعني المؤخر كنا متفقين علي خمسين ألف جنية .
رأفت : أيوه .
الاستاذ جمال : هيكون نص مليون جنية .
رأفت : لكن ده كتير أوي .
رامي " مقاطعاً " : أنا موافق .
الاستاذ جمال : وكمان الشقة .
نوال : مالها الشقة ؟
الاستاذ جمال : يجيبلها شقة برة البيت ويكتبها بأسمها .
نوال : أيه ده يا أبو ميرنا ؟ أنت عايز تطفشنا ؟!!!
الاستاذ جمال : هي دي شروطي ، لو وافقتوا أهلا وسهلا ، موافقتوش يبقي كل واحد يشوف نصيبه بعيد عن التاني .
رامي : أنا موافق .
نوال : موافق أزاي يا رامي ؟!! يكون عندك شقتك في بيتك وتروح تشتري شقة بره!! وكمان عايزك تكتبها باسمها !!
رامي : مش أنتي كل اللي يهمك سعادتي يا ماما ؟؟
نوال : أيوه طبعاً .
رامي : خلاص أنا موافق .
رأفت : أنت موافق علي الشروط دي يا رامي ؟!
رامي : أيوه يا خالي موافق .
رأفت : خلاص اللي تشوفوه .
الاستاذ جمال : قولتي أيه يا أم رامي ؟ موافقة ؟
نوال : هقول ايه !!! مادام هو موافق خلاص .
الاستاذ جمال : يعني نقول الف مبروك ؟
نوال : الف مبروك .
أثناء العودة
في سيارة رأفت ...
نوال : أنا نفسي أعرف أنت أزاي توافق علي الكلام ده يا رأفت ؟
رأفت : أذا كان ابنك نفسه موافق ، هعترض أنا ؟!! مكنتش عايز منظرنا يبان أننا مختلفين قدام الناس .
نوال : وأنت أزاي توافق يا رامي علي شروط الراجل ده ؟!! ده بيتأمر ويتشرط وكأن بنته مفيش زيها !!!
رامي : هي فعلا مفيش زيها يا ماما ، علشان هي الوحيدة اللي أنا حبيتها .
نوال : وهسيبني وتبعد عني يا رامي ؟
رامي : أبعد عنك ازاي يا ست الكل !! انا كل يوم هجيلك واشوف قبل ما اروح البيت .
نوال : ده كلام بتقوله تريحني به مش أكتر ، انما اول ما تتجوز مش هشوفك .
رامي : صدقيني هتشوفيني لما تزهقي مني .
نوال : أنا هكلم داليا أختك تشوفلها حل معاك ، هي الوحيدة اللي بتعرف توصل لدماغك .
رأفت : المهم يا رامي مش عايز فرحتك برجوعك لخطيبتك تنسيك اتفاقنا .
رامي : اتفاق ايه يا خالي ؟؟
رافت " بإنفعال " : شوفتي ابنك يا نوال ؟ علشان رجع لخطيبته نسي اتفاقنا !!!
رامي : اااه ، اسف يا خالي ، طبعا طبعا فاكر ، اول ما عدة مرات خالي تخلص كلمني ونخلص الموضوع كله .
بعد أيام ...
في منزل نوال
داليا : مفيش فايدة يا ماما ، رامي بيحب البنت دي أوي ومش ممكن يغير رأيه !!
نوال : يعني أيه ؟؟ هنسيب البنت دي وأبوها يست.غلوه بالشكل ده ؟؟
داليا : لو أتكلمنا معاه في الموضوع ده أكتر من كده هيعاند أكتر ، قوليلي بقي موضوع نجلاء وخالي ده بجد ؟؟
نوال : ايوه عايزين يرجعوا لبعض .
داليا : ومعقول رامي وافق أنه يكون محلل ؟!!
نوال : وافق نظير اننا نرجعه لميرنا .
داليا : مش قولتلك أنه بيحبها ، ومستعد يعمل اي حاجة علشان يرجعلها !!
نوال : أنا مش عارفة اعمل مع أخوكي ايه علشان يبعد عن البنت دي ؟!!
داليا : أنا من رأيي نمد فترة الخطوبة علي أد ما نقدر ، يمكن يفوق ويعرفها علي حقيقتها .
نوال : يارب ، يسمع منك ربنا ، طمنيني عليكي يا داليا عاملة ايه مع جوزك ؟
داليا : كويسين يا ماما الحمد لله .
بعد مرور أكثر من شهرين ...
تجد نوال إتصالاً من نجلاء !!!
نوال : صباح الخير يا نوجا .
نجلاء : صباح الخير يا نوال ، عاملة ايه ؟
نوال : أنا بخير الحمد لله ، طمنيني عليكي أنتي .
نجلاء : أنا خلاص هتجنن !!
نوال : ليه يا نوجا ؟ مالك يا حبيبتي ؟
نجلاء : رأفت أخوكي بيتصل بيا ليل ونهار !!
نوال : وايه الجديد ؟!! ماهو بيكلمك علطول !!
نجلاء : كان بيتصل يسلم ويسأل علي الولد و بس ، أنما من ساعة ما العدة قربت تنتهي وهو كل شوية يكلمني .
نوال : بيكلمك يقولك ابه ؟ مش فاهمة !!
نجلاء : مرة يقولي لما رامي يكون موجود اقفلي باب أوضتك كويس ، ومرة يقولي تلبسي هدوم مقفولة ، ومرة يقولي أوعي يحصل حاجة في لحظة شيط..ان !!!
نوال " تضحك " : بيغير عليكي يا نوجا .
نجلاء : ولما هو بيغير من ابن اخته وخايف كده كان بيخترع الفكرة السودة دي ليه ؟!!!
نوال : علشان بيحبك .
نجلاء : أنا حاسة أن رأفت متغيرش ولا عمره هيتغير !!
نوال : معلش أديله فرصة ، وأنا هكلمه لغاية لما يتغير فعلاً .
نجلاء : بصراحة خا،يفة اوافقكم علي فكرة المحلل دي وبعدها أرجع لرأفت ويكرر نفس اللي كان بيعمله بدون تغيير !!!
نوال : لأ اطمني ، بعد اللي حصل أكيد هيتغير ، وأنا جنبك أهو لو رجع لعصبيته وافعاله تاني أنا أول واحدة هقف له .
نجلاء : تعرفني يا نوال أنك أنتي بس اللي بتشجعيني إني أرجعله !!
نوال " تضحك " : المهم قوليلي العدة هتخلص أمتي ؟
نجلاء : يوم الأربع اللي جاي .
نوال : يبقي يوم الخميس هنكون عندك أنا ورأفت ورامي والمأذون .
يوم الخميس التالي ...
في سيارة رأفت
يجلس رأفت وبجواره رامي وخلفهما نوال وداليا .
رأفت : بقولك ايه يا رامي .
رامي : نعم يا خالي .
رأفت : أنا طبعا بثق فيك وكل حاجة ، لكن بردو لازم أنبهك علشان الشيط..ان ميلعبش في دماغك .
رامي : أطمن يا خالي .
رأفت : نجلاء دي مرات خالك ، وجوازكم ده جواز صوري بس علشان أرجعلها .
راني : يا خالي أطمن متخا،فش .
نوال : أيه يا رأفت ، أنت هتغير من رامي كمان ؟!!!
رامي : ايه يا ماما الكلام ده ؟!! أنا مش راجل ولا ايه ؟!!
نوال : راجل يا حبيبي وسيد الرجالة كمان ، أنا قصدي أنيأخترتك أنت بالذات علشان ابن أخته وبيثق فيك .
رأفت : أنا بثق في رامي طبعاً ، لكن لازم أنبهه علشان الشيط...ان ميلعبش به .
داليا : خلاص يا خالي لو عايزنا نرجع كلنا ونكلم المأذون ميجيش قول .
رأفت : بطلي أنتي يا أم لسان طويل ، رامي فهمني كويس .
رامي : خلاص يا خالي ، أنا فهمتك خلاص ، لو عايزني مش أبات في الشقة عادي ممكن أرجع معاكم .
رأفت : لأ لازم تحصل خلوة شرعية ، لكن المهم ميحصلش فيها حاجة علشان خالك .
رامي : حاضر يا خالي ، قولتلك أطمن خلاص .
في شقة نجلاء ...
تجلس نجلاء ينتا،بها قلق،و تو،تر شديدين !! أفكار كثيرة تتردد علي ذهنها ، حتي تسمع صوت جرس الباب !!
تنهض نجلاء من مكانها وتتقدم بخطي ثقيلة وتفتح الباب .
تستقبلهم ويتضح عليها التو،تر والقلق !!
يتضح علي رأفت نفس التو،تر ولكنه يكت.مه بصمته !!!
بينما رامي يجلس غير مبالي كثيراً للموقف وكأنه موقف صغير عابر !!
يقطع حالة الصمت صوت داليا : أزيك يا مرات خالي عاملة أيه ؟؟
تبتسم نجلاء : الحمد لله .
بينما تضحك نوال قائلة : كمان شوية هتقوليلها يا مرات أخويا .
رأفت " بعصبية " : أيه اللي بتقوليه ده ؟؟؟
تنظر نجلاء بغ،ضب لنوال وتقول : شايفة يا نوال؟!!!!!!!!!
نوال : ايه يا رأفت أنا بضحك علشان أفك القعدة !!!
رأفت : طيب حاسبي علي كلامك .
نوال: خلاص أنا أسفة ، حد يتصل بالمأذون علشان أتأخر .
رأفت : أنا كلمته ، خمس دقايق وهيكون هنا .
بعد دقائق يحضر المأذون الشرعي ويتعجب من غياب مظاهر الفرح !!!
المأذون : ايه يا جماعة ، مش ده فرح بردو ولا أنا فاهم غلط ؟؟!!!
نوال : أيوه فرح طبعا .
المأذون : أومال مالكم زعلانين ليه ؟ وفين المعازيم وفين العريس والعروسة ؟
نوال : العروسة أهي قاعدة ، والعريس ابني رامي أهو قاعد واحنا المعازيم .
المأذون : ااعروسة سبق لها الزواج ؟
رأفت " بحدة " : أيوه ، مطلقة ، ممكن نكتب الكتاب بقي ولا هطلعلنا بطايق شخصية ؟؟
نوال : أهدا يا رأفت ،مش كده !!
المأذون : واضح أنك طليق العروسة ؟!
رأفت : وده يفرق معاك في ايه ؟! أيوه يا سيدي أنا طليق العروسة ، أرتحت ؟؟
المأذون : وواضح كمان أن هذه الزيجة بغرض أنك ترجع لعا ؟!!
رأفت : نفسي أعرف ده يفرق معاك في ايه ؟؟!! أكتب الكتاب من فضلك .
المأذون : لو الجوازة دي بغرض المحلل سامحوني مش هقدر أكتب الكتاب .
رأفت : ليه ؟؟؟ يفرق في أيه بالنسبالك ؟!!
المأذون : المحلل حر،ام شرعاً ، وعلشان يكون الجواز شرعي لابد أن تتم الخلوة الشرعية وأن يختلي العريس بزوجته ويحدث بينهما ما يحدث بين الأزواج وألا تكون الزيجة محددة المدة بغرض الطلاق والعودة للزوج السابق .
رأفت : يعني أيه ؟؟ أنت بتعقدها ليه كده ؟؟
نوال : أيوه يا شيخ ، كل ده هيحصل ، أطمن حضرتك وأكتب الكتاب .
المأذون : متأكدة ؟؟
نوال : أيوه ، متأكدة ، اتفضل أكتب الكتاب .
رأفت : متأكدة أيه !!! بتقولي ايه يا نوال ؟؟
تغمز له نوال بعينها ، وتمسك بيد نجلاء وتقول : أيوه يا شيخ ، أتفضل أكتب الكتاب بقي .
تتابعهم داليا وتحاول كت.مان ضحكتها !!!
ينظر لهم رامي بتعجب !!!
كملة الرواية من هناااااااا
لمتابعة باقى الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا