رواية حورية في عالم الوحوش البارت الخامس وعشرون والسادس وعشرون والسابع وعشرون والثامن وعشرون والتاسع وعشرون والثلاثون بقلم يوستينا سامي

رواية حورية في عالم الوحوش البارت الخامس  وعشرون والسادس وعشرون والسابع وعشرون والثامن وعشرون والتاسع وعشرون والثلاثون بقلم يوستينا سامي

رواية حورية في عالم الوحوش البارت الخامس  وعشرون والسادس وعشرون والسابع وعشرون والثامن وعشرون والتاسع وعشرون والثلاثون بقلم يوستينا سامي

٢٥،٢٦،٢٧

#عشقت_حورية

#بقلم_يوستيناسامي

25

في المستشفي ..

مراد خرج يبص علي نسمة و لقاها قاعدة تلعب مع العيال خلاويص ..

مراد بضحك/ طب والنبي مش عيب واحدة زيك كبيرة كدة تبقي بتلعب مع حبة عيال ..انت مش مكسوفة يا بت انت 

نسمة / يوووه وانت مالك ومالي هو انت ولي امري يا عم يلا مين عليه الدور يا ولاد ..

مراد مسكها من ايديها وشدها بعيد عن العيال 

نسمة / ايه ساحبني وراك كدة ليه وعايز مني ايه يا عم انت 

مراد بضحك / عم يا بيئة ..وبعدين هعوز منك ايه يعني هو انا اعرفك اصلا ..انا بس كنت عايز اعرف بتعملي ايه هنا في المستشفي و جاية مع مين 

نسمة / يسلام وانت مالك بقي ..ممكن تسيب ايدي علشان اروح اكمل لعب لو سمحتي يا كابتن .

مراد / بصراحة كدة مش هقدر اسيبك انا عايز اقعد معاكي شوية يعني تكلميني عن نفسك عن حياتك كدة يعني

نسمة / يوووه يا عم هو انا اعرفك اصلا .عموما انا نسمة عز الدين بنت الدكتور عز الدين قاسم و المفروض اني اجي هنا ادرب هااا فهمت ولا لسه .

مراد ابتسم اوي / انتي دكتورة ..اكيد دكتوره اطفال صح 

نسمة بزهول / صح انت ايه عرفك يا ...هو انت اسمك اي 

مراد / اسمي مراد العقاد اما عرفت ازاي فدي مش محتاجة اصلا ..بقولك ايه تعالي معايا 

نسمة بستغراب / علي فين بس ..

مراد شدها / تعالي وانت ساكتة ...

_________________________________________

في فيلا حسام 

اسد بيحاول يبعد جاسر عنه 

اسد بوجع / انت اكيد اتجننت .ولا يمكن انت بتسبق قبل ما انا اللي اولع فيكم صاحيين ..

جاسر بحدة / انت كمان ليك عين  تتكلم يا بجح ماخلاص عرفنا كل حاجه وعرفنا ان انت لسه لحد النهارده نتقابل فيروز.. 

وانا اللي كنت زعلان وحزين ومش عارف اقف في صف مين ضد مين بس خلاص عرفتك على حقيقتك يا اخي.. ده انا كنت طول الوقت باقول يمكن مظلوم يمكن مظلوم بس طلعت ايه طلعت واطي .

اسد بعصبيه / باقولك ايه كفايه بقى اتهامات باطله انا عارف ان اكيد رقيه هي اللي قالتلك ان فيروز كانت عندي في المكتب 

بس والله العظيم انا ما اعرفش عنها اي حاجه من ساعه الحادثه وتفاجئت بيها في المكتب ولو رقية كانت موجوده وقتها في المكتب عندي  كانت قالتلك ان هزقتها وطردتها بره . صدقني يا جاسر انا ما فيش اي حاجه بيني وبين فيروز 

جاسر / وايه اللي فكررها بيك بعد الفتره دي كلها جايه دلوقت تفتكرك يا اسد ولا يمكن حنت ليك 

اسد / لا ما حنيتش ولا زفت لانها اصلا اتجوزت واتجوزت راجل اعمال كبير اوي .. بس لقيتها جايه وبتقولي ان حسام عايز يقتل*ني وان هي مستعده تقف معايا وتساعدني وان احنا لو حطينا ادينا في يد بعض هنعرف نقضي علي  حسام ولو مش مصدقني لحد دلوقت الكاميرات موجوده في الشركه روح وشوفها بنفسك .

جاسر بتعب /  مش عارف اصدقك بعد اللي عملته يا اسد مش عارف... هو ما فيش غير حل واحد فعلا انك تبعد عننا ..انت ايه اللي جابك هنا ؟؟

اسد بصله بغدر / انا بقى جاي هنا علشان حقي وعلشان بنت عمي اللي انتم خطفوها   يا جاسر

جاسر / ايه الكلام الاهبل ده ..نور ايه اللي اتخطفت وبتاع ايه هو انت جاي ترمي بلاوي علينا 

اسد مسكه من هدومه / مش اسد العقاد اللي يتهم حد بالباطل يا جاسر بس حسام هو اللي قالي وفعلا نور مختفيه من امبارح وانا بقى جاي النهارده يقا*تل يا مقتو*ل و سبق وقلتلك  اللعبه بيننا احنا.

حسام خرج من الفيلا / انا سبق وقلت مية مره انا مابحبش الصوت العالي يا ابن العقاد وبالنسبه للعبه بيني وبينك وما ندخلش البنات بيننا 

احب اقولك اني مش انا فعلا اللي خطفت نور واللي خط*فها ليه عندك امانه هو عايز يرجعها اه 

عبدالرحيم لو سمعت عنه .

اسد بصدمة / ايه ..هو خط*فها علشان ارجعله حور .

وفاجاه خرجت حياه جري و مسك اسد / هو انت خاطف حور يا كلب انت ..رد عليا مش كفايا انك جاتل ابوها كمان خا*طفها ..

جاسر بيمسك في حياه / بس يا حياه انتي مش فاهمة حاجة

حياه / ومش عايزة افهم حاجة ..انا عايزة اشوف حور يا جاسر .ده انا قلبي بيتق*طع عليها .

اسد / اطمني والله العظيم حور كويسه هي في البيت وزمانها  دلوقت نايمه  

حياه بعياط / لااا انا عايزة اشوفها ماليش صالح جوله يا جاسر والنبي. ..

اسد / خلاص انا هاخدك البيت عندي هي هناك اقعدي معاها وخدي بالك منها ..لحد ما اعرف هرجع نور ازاي 

حسام بشماتة / معتقدشي انهم هيرجعوها يا اسد غير لما يخدوا حور ..

اسد مردش عليه و فعلا جاسر جاب حياه وراح مع اسد البيت اللي كان قاعد فيه ..

______________________________________________

في العربية ..

مراد / بس يا ستي كدة انا حكيتلك عني كل حاجة ..اه اخر حاجة انا عمري ما حبيت قبل كدة .

نسمة / هو انت طبيعي بجد .. انت بقالك ساعة عمال تحكي عن اخوك و حر*يق المخازن و عن اسد ابن عمك و صحاب عمرك ..وانا مالي بكل ده انا بجد مش فاهمااك

مراد / بقولك اي انا فعلا مضايق اوي و مصدقت الاقي حد يونسني .. طيب اقولك احكي انت عن نفسك بقي 

و فعلا بدات تتكلم نسمة عن نفسها و مراد كان منبهر ببرائتها والكلامها اللي زي الاطفال لحد ما جيه تليفون لمراد مهم واضطر ياخدها و يروح بيها الفيلا 

وفعلا وصل الفيلا و اتفاجاه ب راجلين واقفين لابسين صعيدي  ويسألوا عن اسد العقاد . 

مراد / خير انتوا مين و عايزين ايه 

صالح / هو انت اسد العقاد و لا لاء

مراد / انا مراد العقاد أبن عمه و كدة كدة اسد مش عايش هنا المهم انتوا مين وعايزين ايه بالضبط ..انتوا تبع عبدالرحيم مش كدة 

علي / لاا انا جاييين هربانين من الصعيد و كنت عايزين مساعدة من اسد بيه ..انا علي ابن عمه حور و زي اخوها 

مراد / اممم لا انت تقعد كدة وتفهمني الحكاية من اولها لو فعلا عايز تشوف اسد .

و فعلا علي بدا يحكي كل الحكاية ومراد و نسمة كانوا بيسمعوه ..ونسمة كانت مصدومة من اللي بتسمعوا عن نعمة امه و ظلمها ..

_________________________________________

في بيت اسد ..

دخل اسد. و حياه و جاسر البيت بس اتصدوا لما شافوا حور ...😔😳😳😳😳

# عشقت_حورية  

 #بقلم_يوستيناسامي 

 26  و 27

 مراد بصدمة بعد ما سمع كلام علي وصالح/ ايه يا عم ده.  ايه الوليه دي ..دي حية عايشة معاكم .

صالح باحراج / احم احم ايه يا اخ مراد دي تبقي ام علي.

 خد بالك من كلامك

مراد بصدمه / ايه ده معقول الست دي  امك يا ساتر يارب . يعني تعمل فيك كده تكسر قلبك وتجوز البنت اللي انت بتحبها لواحد ومتجوز ثلاثه ولسه بتقول عليها امك ... 

انا بصراحة لو منك كنت اتبريت منها من زمان.

نسمه شدت مراد من يده / ايه اللي انت بتقوله ده ما ينفعش على فكره حد يقول كده ابدا....

احم  احنا اسفين يا جماعه بجد بس هو بينطح كده ساعات بس والله بنحاول نعالجه.

مراد ضربها في ذراعها/  ايه اللي بتقوليه ده ..انتي عبيطه ولا ايه وبعدين ايه الجراه ده انتي لسه عارفاني من ساعتين.

نسمه بتريقة /  والله قول لنفسك برده لسه عارفاك من ساعتين وعرفت كل حاجه عن حياتك انت  زيرو خصوصيه خالص علفكرة .

مراد بحدة / طب اخرصي بقى خالص عشان ما وريكيش زورو خصوصية  ده ممكن يعمل فيكي ايه ...

وانت بقى يا عم علي جاي لاسد يعملك ايه ..

اسد معكوك مليون عكه بسبب قريبتك دي اصلا .

علي / ايه اللي انت بتقوله ده اكيد هيساعدني وبعدين باقول لك ايه انا عايزه اقابله انت مش هتساعدني اقابله ولا ايه.

مراد / لا هاساعدك تقابله بس يكون في علمك لو طلعت بتكذب عليا في كلمه.. وتبع عبد الرحيم وكل ده فيلم وحياه ربنا ورحمه امي وابويا لاخليك تتمنى المو*ت وما تطلوش.

صالح بحدة /  ما خلاص بقى قالك الف مره ان احنا عايزين المساعده واننا مش تبع عبد الرحيم ولا زفت ما تجرفناش بقى.

مراد/  انت بتكلمني يا ليه يلااا انت كده..انت عبيط ولا ايه .

نسمه بشماتة / احسن وربنا تستاهل احسن.

مراد بعصبيه/  ايه يا بنتي انت شمتانة فيا ولا ايه انا عايزه افهم انتي معايا ولا معهم.. وانت يا ياض تصدق بقى انا مش هاكلمك اسد ولا حاجه واطلع بره.

علي / حقك عليا يا بيه خلاص بقى احنا وقعين في مشكله وانت يا صالح أخرس بقي .

مراد / خلاص ماشي ..انتوا هتيجوا عندي الشقة علشان ماينفعشي نفضل في الفيلا دي ..جدي لو جيه عرف انكم جايين لاسد هتبقي مشكلة ..يلا بيناااا ..

و فعلا مراد اخد علي و صالح ووداهم البيت و خلي نسمة تستني في العربية و رجعلها تاني ...

 ~~~~~~~~~~~~~~~~~~~~~~~~~~

 في بيت اسد ..

اسد دخل اتصدم اول ما شاف حور قاعدة في ركن في الارض. و ضامة رجليها ليها و عمالة تعيط جامد.

اسد اول ما شافها جري ناحيتها و هي كمان حضنته جامد 

حور كانت بتعيط جامد و مش قادرة تاخد نفسها 

ووشها محمر جدا / كنت فين ..انا كنت ..خايفة ..

اسد / بس يا حبيبتي خدي نفسك الاول ..مالك بس ليه كل العياط ده .. انتي تعبانة او حاسة باي حاجة .

حياه اتصدمت من معاملة اسد و بصت لجاسر و جاسر فهم معني بصتها دي .. 

حور / انا كويسة بس خوفت اول ما صحيت لقيت نفسي لوحدي في البيت . افتكرت ان انت كمان سيبتني و مشيت 

اسد باس راسها / مقدرشي اسيبك ..انا بس كنت في مشوار مهم ..بصي كمان مين معايا 

حور رفعت وشها و شافت حياه واقفة تعيط .جريت عليها

 و حضنتها اوي .

حور / انا مش مصدقة اني شوفتك معقوول ..انتي وحشاني اوي يا حياه ..وازاي عيشة طمنيني عليكم و علي كمان .

حياه/ معرفشي حاجة عنهم. .اصل بعد ما انت مشيتي هو جوزوني علطول لده .

.وشاورت علي جاسر و جاسر اضايق اوي انها حتي 

ما قلتشي اسمه ..

حور / ..حيااااه هو ده ..مش ..

حياه / ايوة يا حور ..جوزونا لبعض علشان يوقفوا الثار المهم انتي كويسة ..اسد ده عمل فيكي اي حاجة 

اسد بغيظ / الله ..ما انت غريبة بشكل ..

حور / انا كويسة بس انتي لازم تعيشي معايا انا مش هقدر ابعد عنك تاني يا حياه ... ارجوك يا اسد انا عايزاها معايا

جاسر بحدة / نعععم يا اختي ..اسد ايه و بتاع ايه اللي هياخد القرار ده كمان و حياه مين اللي تقعد معاكي ..

يلا يا حياه احنا لازم نمشي 

اسد / طب ممكن تهدي شوية و نتكلم مع بعض ..

جاسر / احنا مافيش بينا كلام يا اسد ..انا هاخد مراتي وامشي من هنا ..انا بجد مش عارف انت ناقص مين يبقي عدوك .. 

صحاب عمرك و بقوا اعدائك و جدك و اتبري منك و عبدالحميد اللي خط*ف نور و اهل البنت اللي انت حبيتها حتي ولاد عمك اللي مش طايقينك ..انت ايه يا ابني 

اسد بعصبية خوفت كل اللي كان موجود / اولاااا ولاد عمي عمرهم ما هيبعوني يا جاسر وعمرهم ما هيتفقوا معاكم ضدي ...اما بقي اللي انت قولته ده كله ده مش جديد عليا 

انا طول عمري حواليا اعداء و مشاكل كتير من اول ما اتولدت لحد لما كبرت ما عيشتش يوم حلوو 

علشان كدة انا اسمي اسد العقاااد ..

جاسر / طيب يا اسد يا عقاد ..خاف علي نفسك بقي لان شكل النهاية قربت اوي ..يلا يا حياه ..

اسد مسك ايده / استني بس ..انا محتاجك معايا 

يا جاسر 

جاسر شال ايد اسد من عليه / زي ما ولاد عمك مش هينفع يخونك زي ما انا مش هينفع اخون حسام يا اسد ..

اسد / انا مش عايز حاجة غير انك تخلي حياه مع حور علشان اطمن عليها ..وعلشان حسام مايعملهاش حاجة 

جاسر / اممم وانت فاكر ان حسام لو عايز يوصلها مش هيعرف 

اسد / لا يعرف.. وانا الفترة الجاية ورايا تصفية حسابات كتير اوي والاعلام مش سايبني في حالي دول بيقولوا عليا اني خاطف بنت من اهلها و بعزبها كمان ..اسمعني يا  جاسر انا سبق و ساعدتك و فاديتك بروحي جيه الوقت انك ترد الجميل و تخلي بالك من حور ..

جاسر بدا يفكر في كلامه و حس انه لازم يردله جميله و قاله/ ماشي يا اسد .. بس بعد كدة انا ماليش اي علاقة بيكم لاني قررت اصفي كل شغلي هنا و هسافر برا انا ومراتي و ياكشي تق*تلوا بعض ماليش دعوة.

اسد بوجع / وانا موافق. .

تفتكروا جاسر فعلا هياخد حور معاه فين و فعلا هيقدر يحميها ..لما حسام يعرف ان هو اللي مخبيها ممكن يعمل معاه ايه ..

______________________________________________

في الصعيد عند نعمة ..

نعمة / اهاا جولتلي بجي البنت المسلوعة اللي جوا دي تبقي بنتك عم اسد دا ..طيب احنا نخليه يجي هنا يجيب حور و ياخد البت اللي جوا دي ..

عبدالرحيم/ لااا مش هيحصل ده اول ما يسلمنا حور هقتله و غسل عاري و الفضايح اللي حلت علينا بسببه 

نعمة / عندك حق يا واد بس روح الاول اطمن علي البت دي انها لسه عايشه ولا لاء .

و فعلا قام عبد الرحيم و دخل المخزن اللي حابسين فيه نور ...

عبدالحميد/ انت يا بت جووومي اكدة ..انت لسه عايشة ولا لاه

نور بدموع / انت تاني ..انت عارف حسن ممكن يعمل فيك ايه ..ده هينوتك والله 

عبدالحميد ضحك بستهزاء/ حبيب الجلب مرمي في المستشفي يا حلوة و الله اعلم بقي عايش ولا ميت

نور بصدمة / انت بتقول ايه..مين ده اللي في المستشفي..حسن ابن عمي انت اكيد اتجننت ..فين حسن بقولك عملتوا فيه ايه يا مجرمين 

عبدالحميد / اهدي يا عروسة ..انا ماليش صالح باللي حصله هو اللي اتصاب في حريق مخازنكوا ..ده الاعلام مقلوب 

نور بدموع / طب خليني اكلمه ابوس ايدك اطمن بس عليه 

عبدالحميد / طيب يا اختي ..كلي بس الاول و بعدين نشوف موضوعك ده 

و فعلا عبدالحميد خرج. وساب نور منهارة و خايفة علي حسن اوي ..

 ~~~~~~~~~~~~~~~~~~~~~~~~~~~~ 

 في عربية مراد و نسمة ..

نسمة بزعيق / اخيرا حضرتك تكرمت عليا و جيت ما كنت تبات فوق احسن يا كابتن ..بقولك ايه انا حاسة انك خا*طفني علفكرة انا عايزة امشي 

مراد / اشششش اششششش ايه بالعة راديو .. وبعدين اخطفك ليه يعني من جمالك اووي .. وبعدين يلا عايز اروح مشوار مهم اويى

نسمة بفضوول / ايه ..قولي ايه هوووو المشوار ايه قول 

مراد / بس يا بنتي و بعدين ما انتي جاية معايا اصلا ..يلاا 

و فاجاااه وهما في الطريق حصلت حااااجةة.......

 ~~~~~~~~~~~~~~~~~~~~~~~~~~~

 اسد جاله رسالة ..... استعد لتالت مفاجااااه و فيه صورة 

اسد اول ما شاف الصورة اتصدم / لاااااااا .لااااااء يا حسام  😳😳😳😳😳😳

 استووووووووووووب بكمل المرة الجااايةة

تفتكروا ايه المفاجاههههههه  🤣

 # حورية_في_عالم_الوحوش 

 27

 اسد وصله صورة علي الموبيل ...

صورة حور و هي مربو*طة وفي مكان مهجووور ..

اسد بصريخ / يا حساااام هقت*لك ... والله لا*قتلك انت 

و جاسر الكلب ...

و طلع موبايله و بدا يرن علي جاسر بس موبايله كان غير متاح .../ لااا رد حتي انت يا جاسر طلعت كلب زي ...اتفووو عليك 

و رمي التليفون و قعد علي الارض كان حاسس ان الدنيا بتلف بيه و بياخد نفسه بصعوبة

اسد بوجع / ليه بيحصلي كدة.. ليه بس يا ربي 

________________________________________________

في المستشفي عند حسن ..

عزيز / ممكن افهم بقي انت بتعمل ايه ..عايز تخرج من المستشفى تروح فين ، هو اي عبط و خلاص 

حسن وهو بيحاول يلبس القميص / انا مش قادر اقعد هنا و انا عارف ان نور مخطو*فة و اللي خط*فها عبدالرحيم ..

عزيز / و مين قالك اني ساكت ..صدقني هترجع بس انت اهدي انت جر*حك كبير مش حاجة هينة .اقعد بس و استهدي بالله وانا هتصرف 

حسن بعصبية / بقولك مستحيل اقعد تاني انت ايه مش حاسس بالنار اللي في قلبي يا جدي ..ارجوك يا جدي ريحني و تعالي نخرج من المستشفى دي ابوس ايدك

عزيز يص لحسن بحزن و وجع علي حاله و اضطر يسمع كلام حسن و خرجوا من المستشفي ..

 ______________________________________________

مراد و نسمة في الطريق لقوا في عربية بتحاول تقطع عليهم الطريق ...

مراد اخد سلا*حه / نسمة اوعي تتحركي من العربية 

و نزل من العربية بس اتفاجاه برقية هي اللي كانت في العربية التانية ...مراد راح ليها وهو متعصب اوي 

مراد / انت عبيطة ولا ايه ، انت كنت عايزة تمو*تيني مش كدة 

رقية / امو*تك ايه انا كنت بحاول الحقك انا جتلك عند بيتك بس لقيتك مشيت بالعربية 

مراد / وانتي جاية ليه .. ومين باعتك المرة دي 

يا رقية 

رقية بصت ناحية العربية و شافت نسمة / لا ابدا انا بس كنت جاية احذرك 

مراد / تحذريني من ايه بقي ..

رقية / جاسر سلم حور لحسام مقابل انه يسيبه يسافر و حسام خط*ف حور  و جاسر كمان اخد حياه و نصيبه في الفلوس و سافر امريكا 

مراد بصدمة / انت بتقولي ايه جاسر سافر .. 

وبعدين سلم حور ازاي ده اسد مخبيها عننا احنا اصلا 

رقية / ده موضوع كبير اوي ..بس انت خد بالك من نفسك يا  مراد ..انا كمان مش هقعد هنا في مصر انا مسافرة الفجر .. انا بس كنت حابة اودعك مش اكتر 

و كانت رقية واقفة مستنية منه اي كلمة شكر او يس ملقتش منه اي رد فعل و حست ان مشاعرها ناحيته هو مش حاسس بيها و اضطرت تركب عربيتها و مشيت ..

مراد فضل واقف مصدوم و كان بيفكر في حالة اسد دلوقتي و لقه نسمة حاطة أيديها علي كتفه ..

نسمة / مراد انت كويس مش كدة ، تعالي نقعد في العربية 

مراد مسك ايديها / نسمة انا هوصلك المستشفي عند والدك و ياريت تخدي بالك من نفسك ..فاهمة 

نسمة بتوتر  / هو في حاجة ولا ايه ..و بعدين اوعي تخاف عليا احنا بقينا صحاب خلاص ، انا كل دقيقة هكلمك .

مراد قاطعها/ لا يا نسمة انا بمجرد ما هوصلك مش عايزك تكلميني تاني ابدا  .عايزك تنسي حد اسمه مراد تماما علشان محدش يعرف اني اعرفك 

نسمة بحدة  / يسلااام ..  اي هتتجوز مثلا 

مراد ابتسم علي سذاجتها / تعالي قداامي بدل ما ارزعك بالقلم حالا ..قدامي علي العربية يا اخرة صبري ..

مراد وصل نسمة المستشفي ..و بعدها راح لاسد 

 ~~~~~~~~~~~~~~~~~~~~~~~~~~~~

 قدام باب شقة  اسد ...

مراد قعد يخبط علي الباب بس اسد مردش عليه ..

مراد بصووت عالي / اسد أنت كويس ..انا عارف انك جوا عربيتك تحت ...اسد رد عليا علشان اطمن عليك انك كويس 

اسد انت مينفعشي تكون ضعييف ..انت بالذات لو اتكسرت كل حاجة هتضيع ... وحياتي عندك يا اسد رد بقي 

اسد في الشقة كان بيعيط / ياريتني كنت مو*ت مع ابويا كان زمانكم ارتاحتوا مني .. ومكنش كل ده حصل .. انت كان عندك حق انا وجودي بياذي اللي حواليا 

مراد اتاثر اوي اول ما سمع اسد بيعيط / لا يا اسد اوعي تقول كدة بعد الشر عليك .. سيبك من كل الكلام اللي كنت بقوله

 انت لولاك كان زمان العيلة دي انتهت من زمان .. اسد افتح الباب و خلينا نتكلم مع بعض و نشوووف هنعمل ايه 

اسد قام بصعوبة من علي الارض و فعلا فتح الباب و كان مراد مصدووم من كسرته و قرب منه و حضنه و اسد بادله الحضن ..

اسد / انا عايزك تحط ايديك في ايدي انا لازم ارجع نور و حور 

مراد / هو خط*ف حور علشان يسلمها لعبدالرحيم مش كدة ..بس والله لنرجعهااااا ...احنا لازم نروح الفيلا يا اسد لازم نحط ايدينا في ايد بعض ..

يلا ادخل خد شاور و يغير هدومك 

و فعلا اسد دخل اخد شاور و غير هدومه و راحوا الفيلاااا 

_____________________________________________

في طيارة خاصة ..حياه كانت نايمة و جاسر قاعد جمبها ..

جاسر كان ماسك صوره ليهم كلهم مع بعض و بيقطعها و بيقول في سره / ربنا معاكوا بقي انا مش عايز افتكركوا تاني 

و بدا يفتكر ايه اللي حصل بالضبط ....

فلااااش بااااك ...

في الفيلاااا .

جاسر رجع فيلا حسام بس منغير حياه كان سايبها مع حور في بيت 

حسام / ايه اتاخرت يعني ... اومال فين مراتك ياجاسر 

جاسر اتوتر / هاا ..لا مافيش اصلها طلبت مني تنزل تتمشي شوية تجيب هدوم كدة يعني 

حسام / ياا راجل معقول كدة ..بس ازاي تسيبها تنزل لوحدها و هي حامل  ايه مش خايف عليها 

جاسر / لا هي كويسة و كل حاجة .. متقلقشي انت 

انا طالع اغير هدومي يا حوس و نازل تاني 

حسام / لا استني بس تغير هدومك ايه .. بقولك صحيح هو انا لو خيرتك ما بين حد غريب عنك و بين مراتك ام ابنك 

او بنتك الله اعلم .....هتختار مين ؟؟

جاسر فهم قصد حسام و بصله بخوف / قصدك اي 

حسام قاطعه في الكلام / هاااا هتختار مين يا جاسر يا صاحبي ... يا خاين  ؟!

جاسر فهم من نظرته انه ناوي يغدر عليه / هختار حياه يا حسام و لو حصلها حاجة هتقوم حرب و بركان محدش هيقدر يطفيها ابدا 

حسام / حلوو اوي و علشان نتجنب الحرب دي .. مقدمكشي غير حل واحد .. هو انك تاخد مراتك  

و تسيب حوور ليا انا 

جاسر / بس اسد سايبها ليا امانة يا حسام وانا مقدرش ..

حسام / وانا سالتك و انت اختارت و يكون في علمك لو فضلت حور عن حياه مراتك .. هسيبلك حور هاااا اختارت اي .. انا ديمقراطي و هسيبك تفكر 

جاسر  بصله بكره/ مكنتش متخيل انك ممكن تعمل معايا كدة يا حسام .. عموما انا هاخد حياه وامشي من البلد كلها .مش عايز اقعد تاني هنا في مصر ... بس يكون في علمك بعد اللي هيحصل ده انا مش هعرفك تاني ...... 

بااااااك .. 

جاسر اخد حياه في حضنه / عارف ان لما تفوقي من تاثير المنوم هتخربي الدنيا بس انا فعلا مكنش قدامي حل تاني .

_____________________________________________

في الفيلا عند عزيز ..

اسد اول ما دخل جده شده لحضنه و جدته كمان 

عليا / كدة برضو يا اسد تمشي بجد هو احنا لينا غيرك يا ابني 

اسد / مكنش ليا عين اقعد هنا بعد ما كنت السبب في خراب البيت ده كله .

عزيز./ ما تقولشي كدة يا ابني كل حاجة هتتصلح زي الاول و احسن .. و نور هترجع انا و حسن هنتصرف في الموضوع ده  بس انت حاول ترجع حور ..

بس فاجاه جيه تليفووووون لاسد ...تفتكروا اي المكالمة دي

٢٨،٢٩

# حورية_في_عالم_الوحوش 

 28  و 29

 اسد بصلهم بلهفة و فرحة / بجد يا جدي انتوا قدرتوا تحددوا مكان نور ..

مراد بتوتر / لا هنقدر بإذن الله، اصلك مش عارف مين قاعد عندي في البيت

اسد بصله بستغراب/ مين يعني اللي عندك

 مراد /علي و صالح قرايب حور من الصعيد 

و دول ممكن يساعدونا نلاقي نور 

اسد بحماس / ايوه صح .. طب خليك انت يا حسن علشان ما تتعبشي و انا هروح انا و مراد 

حسن / اتعب اي ..انا رجلي علي رجلكوا ... يلا بينا .

و فعلا نزل حسن و مراد و عزيز و اسد وراحوا لبيت مراد .

______________________________________________

في مكان مجهول  🤦🤦

 حور فاقت من اثر المخدر لقت نفسها مربوطة ...

حور بدات تبص حواليها بخوف و توتر/ انا فين .. حد يرد عليا .. الحقوووني ..الحقني يا اسد انا فين 

حسام / اهلا ..اهلا بمراة اسد العقاد بجد حمدلله علي السلامة .

حور بصتله بصدمة و مكنتش مصدقة انها شايفاع

حسام ابتسم بخبث / لا لا اوعي تبصيلي البصة دي انا مش عايز منك حاجة حرام لسمح الله ..انا بس هرجع الحاجة لصحابها يعني هرجعك لاهلك و ناسك يا قطة.

حور بخوف / انت اكيد مجنون ..انت فعلا مش طبيعي اسد كان عنده حق لما قال عليك واحد مختل ... ويكون في علمك اسد هيدور عليا و هيجي و ساعتها هيقتلك .

حسام فضل يضحك جامد / مين ده اللي هيق*تلني ..اسد خلاص بينحدر ..اسد فاضله تكة واحدة بس ويدخل هو مستشفى المجانين ..وبعدين عايز اقولك حاجة صحيح 

اسد اللي انت واخدة فيه قلم ده و فكراه انه احسن واحد

 في العالم ..ده خا*ين !!!

لا متستغربيش اوي كدة ..ايوة هو خا*ني مع مراتي

  و شفتهم بعيوني .. وانا هثبتلك

و فعلا طلع حسام تسجيلاااات بين اسد و فيروز 

التسجيييل  📻

 اسد / فيروز اسمعيني حسام بدا يشك فيا و فيكي علفكرة 

فيروز / اي يا اسد هو انت خايف منه .. اسمع كلامي انا هطلب منه الطلاق و نهرب انا وانت و نتجوز 

اسد / انت اتجننتي ولا ايه انا مستحيل استغني عن ورثي انا اللي تعبت فيه اوي و كبرته 

فيروز / طب والحل يا اسد انا بحبك اوي ..

اسد / للاسف انا كمان بحبك و مقدرش استغني عنك 

قفل حسام التسجيل  📻

 حسام بو*جع / هاا ايه رايك في حبيبك اللي انت مستنياه يجي ينقذك .. ده باع اخوه عشره ١٥ سنة ..ده واحد واطي

 و خا*ين و عمري ما هسيبه ابدا سعيد 

حور بصتله بعياط و حطت ايديها علي راسه / هو انا ليه بتخدع كدة قي كل الناس ..ليه كدة 

انا مش عايزة ارجعله تاني ..خليني عندك هنا يا حسام ارجوووك  ..وانا موافقة علي كل طلباتك صدقني 

حسام ابتسم بخبث / اي حاجة يا حور

حور / اه لي حاجة تقولي عليها 

حسام ببرود / طيب يا حور انا موافق بس بشرط تنفذي كل اللي هقولك عليه بالحرف الواحد .

وفعلا حسام قالها علي شرطه ..

حور بدموع و وجع / وانا موافقة !!!!؟

يا ترا حور وافقت علي ايه اصلا ؟؟ 

______________________________________________

اسد و مراد و حسن و عزيز كلهم راحوا شقة مراد 

علي اول ما شاف اسد اتصدم / انت مين . انت  اللي انقذت حور بنت عمي ..انت  😳

 اسد بصله بقلق/ احم ..انت جاي لحد عندي و مكنتش تعرفني ولا ايه 

علي قرب من اسد و مسكه من قميصه  / انت اللي ضر*بت نار علي عمي يوم العركة ..انت اللي جت*لت ابو حور انا عارفك و فاكرك كويس .. محدش عرف يوصلك ساعتها لانك مش قريبنا .

اسد زق علي بعصبية و قاله بصوت عالي / ايوة لاني مكنتش رايح اق*تل حد اصلا لانكوا مش اهلي ولا ليا عداوة معاكوا 

انا كنت رايح مع صحاب عمري جاسر و حسام  او اللي كنت فاكرهم صحاب عمري اللي انتوا ثاركم معاهم ..

علي بعصبية / ده المفروض حجة اللي بتبرر بيها اللي عملته معايا 

اسد بحده / انا مش متهم اساسا علشان ابرر 

انا لما شوفت عمك موجه المسد*س عليهم انا ضر*بت نار علشان انقذهم مش اكتر .... والله انا ما كنتش عايز اق*تل حد و لا اعيش عمري بذ*نب واحد انا حتي معرفشي اسمه .

غزيز / ايوة يا ابني اسد حفيدي مش بيكدب و لعلمك عبدالرحيم اتصالح مع حسام و نسي ثاره بس علشان يرجع حور و خط*ف حفيدتي نور 

علي بصدمة / ايه ..معقول الكلام ده عبدالرحيم خط*ف حد من عنديكم ..... 

اسد / اه هو عمل كدة و عايزينك تساعدنا بس الاول تفهمني جيت تسال عليا ليه؟؟

علي بص لاسد بحدة / بص انا كنت جايلك هنا علشان اطلب منك تساعدني اخد حقي من امي و ارجع عيشة تاني لحضني و اطلقها من جوزها و انا هساعدك ترجع قريبتك

هااااااااااا يا بن العقاد قولت اي هتحط ايديك في ايدي 

اسد حط ايده في ايد علي / معاك يا علي بس عايزك تفهمني اي اللي حصل من ساعة موت عمك ..

و اسد اتكلم مع علي و عرف كل اللي عملته امه في حور و انها اخدت ورثها و اللي عملته كمان في عيشة ..

اسد بحدة/ واضح بقي ان مشوار الصعيد ده ..مش بس علشان نرجع نور ..ده في حاجات كتير اوي لازم ترجع زي الاول ..

علي / البلد كلها خربت يا اسد .. امي من ساعة ما عمي ما*ت بقت هي اللي تعتبر ماسكة العمودية و ظالمة كل اهل البلد و اخرها انا .. ابنها 

وكمان اجبرت حياه تتجوز اللي كانوا السبب في موت اهلها بجد مش زيك انت ...

اسد بصله بحدة / طب كفاية كلام في الماضي ...انا عندي مشوار 

حسن بحده / مشوار اي دلوقتي يا اسد ...احنا لازم نجمع اكبر عدد من الرجالة ..

مراد/ ايوة صح لازم لما نروح البلد نبقي اقوي من العمدة

 يا علي ..

عزيز / اهدوا يا ولاد وفكروا بهداوة بلاش تتسرعوا 

و فاجاه في غز ما كانوا بيفكروا مع بعض موبيل اسد رن ...

حسن بصله بلهفة / مين اللي بيرن يا اسد  

اسد بغيظ / ده حسام ..والله لا*قتلك يا كلب

مراد شد التليفون من ايد اسد / اهدي يا اسد احنا عايزين نعرف اي طلاباته ده لو انت عايز حور ترجعلك سليمة ..ماشي 

مراد فتح الميكروفون/ الو يا حسام ...

حسام / اهلا اهلا مراد .بص انا عارف ان اسد اكيد جمبك دلوقتي انا بس كنت عايز اقوله ان حور معايا و انها عايزة توجهله رسالة مهمة اوي ...صح يا حبيبتي .

اسد اتصدمواول ما سمع الكلمة دي و شد التليفون من ايد مراد / الووو يا حسام .. فين حور ...الووووو 

حور بصوت موجوع / لو سمحت بقي ابعد عني انا مش عايزة اعرف عنك حاجة او حتي اسمع صوتك .انا هتجوز حساااااام ..ابعد عني يا احقر بني ادم عرفته في حياتي ....

اسد 😳😳😳😳😳

 انا اتوجعت اوي الصراحة علشان اسد  🤣🤣

_____________________________________________

29

 اسد بصدمة/ انت بتقولي ايه .. حور فهميني حسام قالك ايه عني ...الوو حووور ، اسمعيني انا والله بحبك اوي .اكيد هو فهمك كلام عني غلط ، حور والنبي ما تصدقيه .

حور/ لا هو فهمني حقيقتك القذرة ، انا بكرهك اوي واوعي تدور عليا تاني ...لاني هتجوز حسام .

اسد اتعصب اوي / لاااا حور اوعي تعملي كدة ، والله ده كداب اوعي تصدقيه .... حووور.

حسام اخد التليفون من حور / اعتقد انك سمعتها بودانك اهووو ، وافتكر اني مش جبان ولا خاين زيك لانها قالتلك كدة بنفسها . وعلفكرة دي كانت المفاجاه الرابعة .سلام .

و قفل حسام السكة في وشه و اسد اتعصب اوي و اتجنن و بدا يزعق بصوت عالي

اسد بزعيق / هق*تلك يا حساااااام ..هق*تلك واخلص الناس من شرك ... لو وقعت في ايدي مش هرحمك يا حسااام .

اسد رمي التليفون و قعد علي الكرسي و هو منهار و حابس دموعه  مراد و حسن مكنوش عارفين يعملوا ايه ولا يقولوا ايه .. 

عزيز قرب من اسد و حضنه / اعدي يا ابني اي بس اللي جرالك انا عمري ما شوفتك ضعيف كدة 

اسد بوجع/ تعب اوي يا جدي ...انا تعبت بقي يا ربي ماتريحني و تاخدني بقي 

عزيز بلهفة قاله/ استغفر ربك يا ابني اوعاك تقول الكلام ده تاني .  ده ربك حنين و عمره ما هيسيبك في محنتك دي 

اسمع يا  اسد انا مش عايزك ضعيف كدة.انا حفيدي مش ضعيف سامع ، واكيد هو بيهددك بس 

اسد بص لجده و حاول انه يقوي بكلامه و بص لمراد و حسن و قال / جدي هما لازم يجهزوا ..احنا هنتحرك الفجر علي البلد ...انا رايح مشوار مهم و راجع .

وفعلا كلهم جهزوا و مراد و اسد عرفوا يجمعوا جاردات و رجالة و سافروا كلهم البلد..

( اسد و مراد و حسن و علي و صالح )

_____________________________________________

في المخزن .... حسام بص لحور لقاها عمالة تعيط جامد 

حسام / ايه بتحبيه اوي كدة ، هو انت متخيلة اللي زي اسد ده يعرف يحب اصلا ...ده معدوش قلب .

حور / هو الوحيد اللي حسيت معاه بالامان ، هو عوضني عن حنان امي و ابويا برغم انه هو اللي ق*تل ابويا بس مقدرتش اكره او حتي اكدبه لما قالي انه كان غصب عنه .

حسام  / ايوة بس احنا بينا اتفاق يا حور ... هتوافقي

حور / ايوة يا حسام انا موافقة .

حسام / خلاص يبقي تعالي معايا نمشي من المخزن ده و تيجي معايا الفيلا متخافيش هناك هترتاحي لحد ما نكتب الكتاب ..انت عارفة اني ناوي اعملك فرح ماحصلشي فعلا .

وفعلا حسام اخد حور الفيلا و كان مهتم بيها جدا جدا ..

/// _____________________________________///

في امريكا 

جاسر وصل البيت اللي هيقعدوا فيه و كان شايل حياه ودخلها الاوضة و حطها علي السرير ... 

جاسر / يارب تكون دي نهاية المشاكل بالنسبة ليا ..انت مش عايز حاجة غير اني اعيش مع مراتي في هدووء .

و بدا يركز جاسر في كلامه و ابتسم بفرحة / مراتي .. هو انا قولت كدة بجد معقول خلاص هيبقي عندي عيلة بحق و حقيقي و عيال 

و بص ناحية حياه و حط ايده علي شعره/ اه يا  حياه لما تفوقي هتبهدلي الدنيا حرفيا .. و انا لازم انام علشان استعد الخناق اللي بينا

و فعلا جاسر حضن حياه اوي و نااااااااام ...

_____________________________________________

 و فعلاً راح مشواره اللي ما كانش حد عارف ايه هو و قرروا انهم يسافروا الصعيد علي الفجر 

في الصعيد

كانوا كلهم متجمعين و مراد كان واقف مش علي بعضه 

مراد/  انا هعمل مكالمة يا اسد بسرعة و هاجي مش هتاخر ماشي .

اسد بحده / هو ده وقتوا يلا الرجالة مستنية لازم ندخل.

مراد / دقيقة واحدة هبعت طيب رسالة و اجي مش هتاخر والله .

وفعلا بعد عنهم شوية و فتح الواتس و بعت فويس لنسمة 

مراد 📱 /  ازيك يا نسمة بصي  انا عارف اني معرفكيش بقالي كتير ، اني ماشوفتكيش في حياتي غير كام ساعة ..بس انا فعلا اتشدتلك اوي و دي اول مرة تحصل في حياتي ..شكلي حبيتك ولا ايه الله اعلم .. بس انا كلها دقايق و ادخل حرب تقريبا و مش عارف هخرج منها عايش ولا ميت . ممكن تدعيلي 

و ساب مراد موبايله في العربية و دخلوا كلهم و كانت حرفيا حرب كبيره مابين رجالة البلد و الغفر بتوع العمدة و اسد و رجالته و اللي صدم اسد لما لقي ان اهل البلد بيساعدوهم كمان 

حسن في عز ضر*ب النا*ر كان بيبص علي اي مكان تبقي نور موجودة فيه احسن تتاذي /اسد انا قلقان يعملوا حاجة في نور 

اسد / لا متخفشي علي و صالح راحوا المخزن بتاعهم يدوروا عليها .  وبعدين انا مش جاي هنا بس علشان نور ..انا جاي علشان نعمة بالذااات ..

و حسن قرر انه يسيب اسد و يروح يدور علي نور 

و فعلا بعد وقت مش قليل  رجالة كتير وقعت من عند نعمة و عند اسد ..قدروا يوصلوا للدوار بتاعهااااا و دخلوه و دي كانت أهم خطوة لاسد ..انه يكسر نعمة في دوارها 

_____________________________________________.

في الدوار..

رجالة اسد موجهين السلا*ح في وش نعمة و عبدالرحيم ..

اسد كانت بيبصلهم بتريقة / طبعا عارفيني مش كدة يا عبدالرحيم سالت عليا كتير و حاولت توصلي كتير ، بس المرة دي انا جتلك بنفسي اهوووو 

عبدالحميد بصله بكره و قاله/ لو انت متصور انك هتخرج من اهنا عايش يا ابن العقاد تبجي بتحلم و هتفوج علي كابوس 

اسد ضحك بتريقة/ سبحانك يارب ..يعني انا واقف قدامك و موجه مسد*سي في وشك و انت زي الكلب قدامي اهوووو

وبرضو بتعاند ..طيب يمكن انت مش بتفهم غير بكدة 

اسد أدي مسد*سه لمراد و بدا يضر*ب في عبدالرحيم بغباااء 

اسد بحدة بدل يضر*به بالبوكسات المتتالية / دي علشان مديت ايديك قبل كدة علي حور ... ودي علشان كنت معيشها في رعب و خوف ... و ضر*به تاني .. ودي علشان اتجرات و خط*فت بنت عمي .

ورمي اسد عبدالرحيم بعد ما تقريبا فقد الوعي و بص لنعمة اللي علامات الخوف و الزعر مرسومة علي وشها بس بتحاول انها تخفيها

اسد قرب ناحيتها بكره و غل / ايه .. انتي مين  انا بجد مش عارفك ولا عمري سمعت اسمك 

بس من ساعة ما جيت البلد و مافيش حد بيعمل حاجة غير انه يدعي عليكي. . انا عمري ما شوفت ان في حد الناس كلها اتجمعت علي كره زيك انتي شيطانة للدرجة دي

نعمة بغل/ اسمع يا ابن العقاد ...لو متخيل ان اللي حصل ده مالوش رد .يبجي انت جاي المكان الغلط ، وواضح ان عيشة البندر نستك ان الصعيدي لو عضم في اوفة برضك هياخد حجه 

اسد / لا منستشي يا نعمة ..بس انا ماليش كلام معاكي انت انتي كلامك مع ابنك .. مراد ابعت حد من الرجالة يدور علي حسن و علي و صالح احسن اتاخروا اوووي ..

_______________________________________________

في مخزن ..

وصلوا اخيرا عند المكان اللي نور محبوسة فيه لكنحسن مكنشي قادر يمشي و تعبان و علي لاحظ ده 

مراد بص لاخوه بقلق / مالك يا حسن انتكويس . انت ايه اللي جابك معانا بس و انت جرحك لسه مالمشي 

حسن بتعب بس حاول يتماسك / لازم اشوفها بعيوني ..انت مش فاهم نور دي حب عمري الي حلمت انها تكون ليا في يوم الايام ... اسندني يا علي 

و قرب علي و سند حسن و قاله/ ماتخافش هتبقي زينه باذن الله ... اسند عليا يا حسن 

علي سندوا وراحوا عند باب المخزن و بدا صالح يكسر القفل و فعلا فتحوا الباب ... و لقوا نور جوا 

حسن بفرحة و تعب في نفس الوقت كان نفسه يجري عليها يحضنها بس مكنشي قادر بس اتفاجاه بنور هي اللي بتحضنه 

نور و هي حاضنه حسن / حسن ..كنت فين انا كنت مرعوبة عليك اوي .. الزبالة اللي برا ده قالي انك مو*ت ..بس انا كنت واثقة ان اكيد ربنا مش هيحرمني منك 

حسن مكنشي مصدق اللي بيسمعه بودنه و ووجع جره بدا يزيد عليه / بجد يا نور كنتي خايفة عليا 

نور / اه والله ..انا بحبك اوي يا حسن اوي فوق ما تتخيل

صالح باحراج/ احم يلا بينا يا حسن نروح نطمنهم ..احسن تلاقيهم خايفين علينا 

مراد ابتسم / اما انت رخم بشكل ما تسيبهم يا عم انت مش فاهم احنا هرمنا ازاي من اجل هذه اللحظة 

حسن كان ضامم نور لحضنه و بيبصلهم بغل / لا يا اخويا انا مش ناقص قرر ده انا ماصدقت يلا بينااا 

و فعلا حسن سند علي نور و هو حاضنها و راحوا لمكان اسد

________________________________________________

في الاوضة اللي قاعدة فيها حور في فيلا حسام .

حور قاعدة بتعيط جامد و بتكلم نفسها بحيره/ طيب يا حور و  ايه الحل دلوقتي اسد حتي مش عارف يتواصل معايا  وحسام ممكن يجيب الماذون في اي لحظة  .. ياربي بقي علي التوتر اللي انا فيه 

و حور حاولت ترن علي الرقم الي معاها بس رد .....

تفتكروا اي حوار حووور  😉🙈🤣❤️

٣٠

# حورية_في_عالم_الوحوش 

 #بقلم_يوستينا_سامي 

 30

 في الصعيد

اسد كان واقف علي اعصابه و مستني وصول ولاد عمه و اتفاجاه بيهم جايين ناحيته بس حسن كان ساند على نور  

و بيتا*لم جدا ... 

اسد جري ناحيته بلهفة و قاله/ مالك يا حسن انت كويس

مراد بخوف / شكل كده الجر*ح فك ثاني يا اسد 

اسد بصله بغيظ و قال /ما انا قلت هو ما يجيش معنا 

ولا هو اي عند خلاص 

حسن بتعب / ما تقلقش يا اسد انا كويس .. اهم حاجه بس ان احنا وصلنا لنور و اطمنا عليها .

نور كانت خايفة اوي علي حسن و بتعيط بقلق/  طب والحل يا اسد  ده بينز*ف جامد .احنا لازم نتصرف بسرعة 

وانت يا حبيبي ما تتكلمشي علشان ماتتعبشي 

اسد بص لمراد / بقولك يا مراد خذه ووديه على اقرب مستشفى هنا بس يلا بسرعة .. و خد نور كمان 

مراد بصدمة / و هنسيبك لوحدك يا اسد 

اسد ابتسم بوجع / و اي الجديد يعني طب ما انا طول عمري لوحدي ولا جاي هنا تعمل فيها بطل يلا يا مراد اخوك بيمو*ت 

مراد اتاثر اوي  من كلام اسد لان هو كان اكثر واحد بعيد عنه وكان بيقسى عليه بكلامه بس اضطر ياخذ حسن ونور و يركبهم العربية بعد ما الم حسن بدا يزيد ..

_______________________________________________

في العربية

حسن كان ساند علي كتف ساره و مغمض عينيه بارهاق 

ساره / يلا يا مراد .. اركب بسرعة خلينا نروح اي مستشفى هنا 

مراد كان بيبص ناحية اسد اللي كان واقف بعيد و

 قالها / دقيقة واحدة بس و هاجيلك 

و سابها مراد و جري ناحية اسد اللي كان واقف و مديله ضهره و قاله /اسد 

اسد لف ناحيته بستغراب / اممم ...اي يا مراد ايه اللي رجعك تاني 

مراد قرب و حضن اسد جامد و قاله بصوت حزين / انا عايزك تخلي بالك من نفسك .. حياتك مهمة لناس كتير اوي ...اولهم انا 

اسد حضنه و كانت الابتسامة علي وشه و قاله / وانا هفضل قاعد علي قلبك متخفشي اوي كدة .. مافيش واحد بيمو*ت اكتر من مره ..وانا مو*ت كتير

بس روح علشان اخوك .. و متنساش اللي اتفقنا عليه 

مراد ابتسم بخبث و قاله/ متقلقش كل اللي قولتهولي انا حفظته و هنفذه .. ثق في اخوك 

و سابه مراد و جري علي العربية و اتحرك من الصعيد  

_____________________________________________

في الصعيد 

بعد وقت كانت الناس بدات تتفرق و الجو بقي هادي دخل اسد الدوار و لقي علي واقف في وش نعمة و بيبصلها نظرات غامضة خوفتها منه

اسد قرب منه / احم .. علي اعتقد كده انا عملت اللي احنا اتفقنا عليه ودخلتك الصعيد بس اللي جاي ده بتاعك انت

واديك شايف اهل البلد كلهم عايزين تبقى انت العمده ..  هااا قلت ايه يا علي 

نعمه بعصبيه/  انت بتقول ايه ما فيش غيري انا بس العمده اهناا 

اسد بصلها وكلمها بطريقه خوفتها/ اعتقد انا ماوجهتلكيش كلام .. لكن لو عايزاني اوجهلك الكلام فانا هاوجعه  بالقانون و ساعتها انتي عارفه كويس قوي ان انا هاحبسك .. انا لحد دلوقت عامل احترام لابنك اللي بيني وبينه كلام رجاله ومش هيخش فيه حريم 

نعمه بصتله بتوتر / لا والله وانت جاي بجي تعمل اهنا راجل و تتشطر عليااا .... ما تتكلم يا علي هو انت هتعصي امك

علي / سبق وقلتلك ما تخلينيش امشي من هنا والاحسنلك انك تقت*ليني ما هي مش جديدة عليكي و انتي مسمعتيش كلامي ....  و اديني انا دلوقت جيت و مش هسيب حقي واصل 

واه يا اسد انا من النهاردة همسك العمودية و قبلها لازم عيشة تطلق 

اسد كان بيبص لنعمة بشماته وقاله / انا معاك لحد ماتاخذ حقك وعيشه ترجعلك ومش هارجع مصر غير لو كل حاجه بقت زي الاول واحسن ..

علي طلع وتكلم مع اهل البلد واتكلم مع المامور والناس كلها كانت عايزاه هو فعلا يبقى العمده لانهم كانوا عارفين علي بجد و جدعنته  وطيبته وكانوا عايزين يرفعوا قواضي على نعمه ...بس اسد حاول يتدخل بينهم ... 

في الغيظ و الجو ليل  🙉

 كان اسد واقف مع المامور و هو باين عليه علامات الارهاق

 و التعب

اسد بارهاق / اعتقد احنا كدة مافيش علينا اي قضية ولا حتي اتهام و اهل البلد اتراضوا ...

المامور / بس الست نعمة البلد كلها بتكرها .. وانا مش عارف ازاي قدرت تقنعهم انهم يتنازلوا عن القواضي يا اسد باشا 

انا اه بسمع عنك في التليفزيون .. و خصوصا بعد المشكلة اللي حصلت و خ*طف حور

علي بحده قاطعه في الكلام / ما فيش حاجه من الكلام دهه يا سياده المامور حصلت حور مش مخطو*فه ..حور كانت مع اسد وهو اللي كان بيحميها وانا عارف كل حاجه ومش بواجهله اي اتهام

اسد بثقة /  اما بخصوص بقى القنوات الفضائيه فدي اكيد  مش هاسكتلها لان هم متاكدوش من الخبر قبل ما يذيعوا كده 

المامور باحراج / واضح اني كنت فاهم حاجات كتير غلط .. لامؤخده طيب عن اذنكم انا و اتشرفت جدا بمعرفتك يا اسد بيه 

وفعلا المامور اعتذر و مشي ..

علي واقف مضايق و اسد حط ايده علي كتفه/ مالك زعلان ليه ده انت حتى وصلت لكل اللي انت بتحلم بيه ..اديك جيت البلد وبقيت العمده قدام الناس و اجبرت امك انها تسيب البلد وتمشي ايه بقى اللي مزعلك كدة 

علي بوجع /  قدرت اعمل كل حاجه زي ما انت بتقول بس متاخر قوي يا اسد... لو كنت اقدر اعملها من بدري  منغير مساعدتك ما كانتش حور اضطرت تهر*ب ولا حياه اتجوزت واحد ما بتحبوش والله يعلم عامله معاه ايه دلوقتي.  

ولا حب حياتي عيشه تبقى مع راجل غيري دلوقت  

اسد / اولا انا مش عايزك تفكر انا ساعدتك ولا ماساعدتكش 

و بصله بوجع وابتسم /  عارف يا علي ساعات بحسدك ان صالح ووقف معاك في كل حاجه من اول ما قررت تهرب لحد ما رجعت

وكان بيعرض حياته مليون مره للخطر عشانك اماااا انا ماكانش عندي ده ... انا اهلي اللي من دمي ما اكونش واثقين فيا اصلا 

علي / ليه بتقول اكده . ما انا شوفت جدك و مراد و حسن دول بيحبوك اوي و خصوصا مراد ده مرضيش يجيبني لعندك غير لما اتاكد اني مش من تبع عبدالرحيم 

اسد بوجع / اتمني اني الاقي فيهم حد بيحبني والله 

المهم دلوقتي انا عايزك تفكر ازاي تصلح اللي امك عملته في اهل البلد خذ بالك كل فرد هنا امانه في رقبتك يا علي وانا واثق فيك واهل البلد كمان واثقين فيك اما بقى بخصوص عائشه انا احب اقولك ان زمان الغفر جابوها جوه اساسا وجوزها كمان جوه ... خليه يطلقها واول ما تخلص شهور العدة اتجوزها يا علي ..

اسد كان لسه هيمشي بس علي مسك ايده / رايح فين يا اسد.. خليك هنا انا فعلا محتاجك معايا .. تعاالي عيش هنا و نبني البلد من جديد .. وماتخفشي هنلاقي حور 

اسد ابتسم / انت اللي ماتقلقيش حور هتبقي  في الفيلا بتاعتي النهاردة بالكتير .. مش انا اللي افرط في حتة مني بس انا عايزك بعد بكرة بالكتير تكون عندي في البيت علشان اكتب الكتاب ..  اما بقي بخصوص اني اقعد هنا فده صعب اوي يا علي .. انا مكاني مش هنااا 

و فعلا مشي اسد و علي كان زعلان انه مفضلشي معاه .. 

لكن اتلهي في حياته مع عيشة و جوزها 

___________________________________________

في العربية ..

مراد كان قرب يوصل مصر .. 

مراد / اجمد يا حسن ..احنا بالكتير نص ساعة و نوصل 

حسن كان قاعد علي الكنبة الي ورا في حضن نور ..

حسن بتعب و بيتكلم بصعوبة/ انا كويس ماتخفشي عليا ..

نور كانت بتعيط و هي حضناه / اوعي تسيبني يا حسن ..انا والله مش هقدر اعيش منغيرك انا غلطت في حقك ومكنتش عارفة اني بحبك كدة 

حسن ابتسم / اشششش انا كفاية عليا اوي دلوقتي هو اني ابقي في حضنك يا نور ..

مراد قرر يطلع موبايله و يشوف نسمة و فعلا لقاها رنة عليه كتير اوي و بعتاله اكتر من فويس./  ايه الكلام اللي بتقوله ده يا مراد ،انت هترجع باذن الله ... انا يمكن معرفكشي فعلا زي ما بتقول بس لو انت حصلك حاجة انا هفضل اعيط كتير اوي ... مراد بليز خلي بالك من نفسك ......  

مراد هو انت مش بترد ليه عليا .. مراد انت وحشتني علفكرة بليز كلمني ... انت عارف لو مردتشي عليا انا هعمل فيك ايه 

مراد فضل يضحك و بعتلها رسالة / بحبك يا مجنونة 

و نسمة و قتها مكنش جايلها نوم لانها كان نفسها تطمن عليه

و قالت/ مراد طمني عليك و النبي حد من الناس الاشرار عملولك حاجة ..و حياتي ما تخبي عليا 

مراد / انا والله كويس جدا .. و بحبك جدا و عايز اشوف الواد في اقرب وقت يا نسووم 

نسمة بفرحة / بجد طب احجزلك معاه ميعاد بكرة لا النهاردة 

مراد بضحك / النهاردة و بكره ايه بس ...اوعدك اول ما اخلص من كل اللي انا فيه ده .. هجيب كل عيلتي و اجي اتقدملك .. هاااا موافقة وما تقوليش احنا لسه ما نعرفش بعض هنعرف بعض ان شاء الله بعد ما نتجوز 

نسمة / موافقةةةةةةة يا بايخ 

وفعلا مراد وصلهم للمستشفي و حسن نقلوه علطول لاوضة العمليات ... و نور ومراد كانوا واقفين برا 

مراد / نور انا لازم امشي .. ابقي طمنيني عليه اول ما يخرج 

و كلمي جدي خليه يجيلكم ..

وفعلا مشي مراد و نور كانت مضايقة جدا منه معقول يمشي و يسيب اخوه ..

_______________________________________________

مراد و هو في عربيته طلع تليفونه و بدا يكلم حور من الرقم اللي اسد اداهوله 

مراد / الووو يا حور .. انا مراد  متخفيش انا عايزك تخرجي من الاوضة و حد من الخدامين هيوصلك ليا ..

حور بخوف و هي موطية صوتها / حد من الخدامين بتوع حسام انت اتجننت يا عم و بعدين انا مش فكراك هو فين اسد  

مراد / يوووه  حور مش وقت اسئلة  اسمعي الكلام .. يلاا اخرجي من الاوضة علي ضمنتي و هيجبوكي لحد عندي  ..

وفعلا حور خرجت من الاوضة و كانت مرعوبة بس لقت فعلا حد من الخدامين و خرجها. من الفيلا عن طريق الباب الخلفي و حور كانت مصدومة لحد ما خرجت من الفيلا 

و ركبت العربية مع مراد ...

______________________________________________ 

في العربية 

مراد / انت كويسة ..حسام او اي حد من تابعه عمالولك حاجة ... انت ساكتة ليه كدة 

حور / هو فين اسد ... انا بصراحة مش فكراك 

مراد / عادي يا حور .. بعد كل الي حصل ده اكيد لا هتبقي عارفاني ولو عارفاني مش هتبقي فاكراني ..بس انا هكلمك اسد علشان تطمني ..

وفعلا رن مراد علي اسد و هو كان في طريقه لمصر 

اسد بلهفة / الو يا مراد وصلتلها طمني بالله عليك .

مراد ابتسم / اه يا عم الحبيب ..اصبر خدي يا ست جوليت الاستاذ روميو اهووو

حور اخدت الموبيل / اسد ..انت فين ..انا كنت قلقانة عليك اوي

اسد بمجرد ما سمع صوتها ارتاح اوي / معلشي يا حبيبتي انا كنت عايز اجيلك بنفسي بس انا كنت عندكم في البلد مع علي 

حور / يا نهار اسود ..طب عمتي عملت فيك ايه يا اسد 

والنبي ما تخبي عليا.. عبدالرحيم عملك حاجة

اسد / يا بنتي اهدي ..انا كلها ساعة وابقي قدامك .. مراد هيخدك عندنا الفيلا اوعي تخافي ابدا ..و انا ساعة بالكتير وهجيلك ...

و فعلا اسد قفل مع حور و كلم جاسر .......

_____________________________________________

في بيت جاسر في امريكا ..

جاسر بيجري ورا حياه .. / يا بنت الكلاب و الله قطعتي نفسي ..هو انت متجوز عيلة صغيره 

حياه / كفاية بجي انا تعبت جوي  ..انت عمال تجربني 

و ناسي اني انا حامل يا جاسر ..

جاسر / طب ما تقفي علشان ما نفرهدش بعض ..

حياه / اه و عايزني اقفلك علشان تيجي تضروبني مش كدة ..عيب عليك انت فاكرني عبيطة يا عم 

جاسر / يعني انت عارفة ان اللي عملتيه كان غلط .. يعني اصحي من النوم الاقي شامبو علي الارض انت يا بت عبيطة 

حياه / الله مش انت قولتلي ان احنا عايزين ناخد علي بعض ..طب ما انا كدة باخد عليك اهووة 

جاسر / يا بنت المجنونة ..لا انتي دماغك دي فيها صراصير 

حياه بقولك ايه اكرهيني ..ولا اقولك اخلعيني انا مش عايز الجوازة دي . انا ايه خلاني اتجوز ..دي السنجلة جنتلة والله

حياه/ ايوة .. قول كدة لحقت تقلب عليا ما انتوا كدة يا رجالة غدارين .. وبعدين اوعي تكون فاكر اني نسيت انك اخدتني زي شوال البطاطا و سافرت بيا منغير ما اعرف و لا حتي اطمن علي حور 

جاسر / ما خلاص بقي ..ما انت عضتيني وانا سبتك ..

واستني التليفون عمال يرن من بدري ... ده اسد 

جاسر / الوو اسد .. طمني عليك يا ابني 

حياه / لا يغور هو ..اساله عن حووور ..

اسد  بضحك / قولها شكرا يا مؤدبة ..عموما انا كويس و حور كمان كويسة اوي و مع مراد دلوقتي ..و زمانهم وصلوا الفيلا 

جاسر انا متشكر اووووي بجد لولاك كانت حور فعلا اتخدت مني للابد و مكنتش هعرف اوصلها .

جاسر / عارف دايمة بقول عليه دماغك سم ..بس مش للدرجة دي عموما انا عملت اللي عليا .. بس انا فعلا مش عايز ادخل تاني في اي حاجة تخصكم ممكن 

اسد / ممكن يا جاسر. ..  شكرا لتاني مرة 

جاسر قفل التليفووون .... 

حياه قربت منه / صدقني اللي انت عملته هو الصح يا جاسر 

جاسر / لا يا حياه هو مش صح .. لاني بعت حسام ...

استووووووب علي كدة 

اعتقد ان القصة اهي بتخلص .. 

و ميرسي اووي اوووي علي كلامكم القمر ده و علي تشجيعكم ليااااا يس انا عايزة رايكم بجد في البارت ده

وبعتذر جدا على التاخير بس انا كنت بمتحن وخلصت امتحاناتي وهنرجع تاني

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا