رواية حورية في عالم الوحوش البارت الحادى وعشرون والثانى وعشرون والثالث وعشرون والرابع وعشرون بقلم يوستينا سامي

رواية حورية في عالم الوحوش البارت الحادى وعشرون والثانى وعشرون والثالث وعشرون والرابع وعشرون   بقلم يوستينا سامي 

رواية حورية في عالم الوحوش البارت الحادى وعشرون والثانى وعشرون والثالث وعشرون والرابع وعشرون   بقلم يوستينا سامي 

٢١،٢٢

# حورية_في_عالم_الوحوش 

 21  و  22

 في المستشفي عند مراد 

كان قاعد علي الكرسي مضايق اوي و حاسس انه عاجز و مش عارف ينقذ اخوه و فاجاه لقه حد بيحط ايده علي كتفه

اسد بخوف / انت كويس يا مراد ..طمني عليه خرج من العمليات ولا لسه .

مراد بصله و عيونه كلها دموع / انا كويس اوي انت مش شايف شكلي عامل ازاي  ولا ايه . انت جيت ليه اصلا .

اسد بحدة / جيت علشان اطمن عليكم يا مراد علشان مهما قولت انا هفضل أبن عمك الكبير ..انت سامع ولا لااء.

مراد قرب من اسد و مسكه من قميصه / بس احنا بقي مستغنيين عن خدماتك و مش عايزين نشوفك تاني يا اخي 

رووح لحور وخلي بالك منها لان حسام ناوي يحر*ق قلبك عليها قريب .

اسد زق مراد بعيد / هو انت ايه يا اخي ..هو انت ليه دايما ضدي كدة ده مافيش حد شبهي زيك في الدنيا دي.

وفاجاه سمعوا صوت ضحك جامد ....

_____________________________________________

في البلد عند نعمة ... 

نعمة بعصبية / يعني ايه هرب..اكيد اللي ساعده صالح اقلبوا البلد كلها عايزاااه قدامي اهنااااا الليلة سامعين 

وفعلا الرجالة مشيت من قدامها و نعمة قعدت علي الكرسيو فاجأه دخل عبدالرحيم و هو شايل بنت متكتفة ومغم عليها   .

نعمة بخضة / ايه ده يا عبدالرحيم .. 

عبدالرحيم / بصي يا حاجة نعمة انا اتصرفت  .انا جبت دي 

نعمة بتريقة / انت اتجننت ولا ايه ..ايه جبت دي .. يعني ايه مين دي و جاية هنااا ليه ما تتكلم يا عبدالرحيم

عبدالرحيم/ استني بس يا حاجة .خلي اي حد من الرجالة يحبسها في المخزن و بعدها هفهمك كل حاجة 

نعمة / دي البت مغم عليها .الله يخرب بيتك يا عبدالرحيم ...يا عزاااام خد البت دي و لقحهااا في اي داهية وخلي عينيك عليها . 

وفعلا عزام اخد البنت دي و نعمة قرب منه واتكلمت بعصبية / هاااااا مين دي 

تفتكروا مين دي ؟؟؟ 🤔🤔🤔🤔💕

~~~~~~~~~~~~~~~~  بقلم  ✍️  يوستينا سامي

في المستشفي عند حور .

. كانت قاعدة عمالة تعيط و تصووت / أنا عايزة امشي من هنا انتوا حبسني هنا ليه هو انا مجنووونة .والله هو اللي ضحك عليا و كسرني ..

انا عايزة امشي من هنااااااا ..خرجووووووني من هناا

الممرضة / صدقيني محدش هنا يقدر يقربلك .. وبعدين انت قاعدة هنا علشان انت تعبانة شوية مش علشان مجنونة صدقيني .و ممكن بقي تاكلي حاجة 

حور بعياط / كدب .كلكوا كدبين اتنوا حبسني هنا باوامر من اسد العقاد بس فهميه اني مش هسيبوا عايش كتير و مش هسيبه يكسرني وابعدي الاكل ده من وشي بقي  .

الممرضة بتعاطف/ طب ارجوكي اهدي العصبية غلط عليكي كدة انت ممكن تتعبي اكتر و يغم عليكي  وبعدين لو عايزة تاخدي حقك منه زي ما بتقولي لازم تبقي قوية مش ضعيفة كدة ..

حور بصريخ / محدش ليه دعوو بياااااا و انت اكيد برضو تبعوا ايوة ما هو فاكر أنه يقدر يضحك عليا مرتين 

بس لااا غيره اشطر .. اطلعي بلغي البودي جارد اللي برا دول يوعوا من قدام الباب انا عايزة امشي من هنااااا ..انا مش محبوووسة  

و فعلا حور خرجت من الأوضة و حاولت تقاوم في البودي جارد بس شدوها للاوضة تاني و كلمه اسد بس مكنشي بيرد 

 ___________________________________________

في البيت عند عيشة  😭

 عوض ماسك سك*ينة و بيجري ورا عيشة في البيت بس مراة عوض الاولي سميحة بتحاول تبعده عنها / اهدي يا عوض هي مش هتعمل كدة تاني ..

عوض / اوعي من وشي يا ولية ..بقي انت عايزة تهربي مني انااا يا بجحة ..لا ده انا اد*بحك واشرب ...

عيشة قطعته في الحوار  / يا اخي مو"تني بجي ..انا مش طايجة نفسك ده ..حرام عليك هو الجواز بالغصب 

عوض / اه يا روح ام*ك بالغصب ..انا مدفعش فيكي كل الفلوس دي علشان في الاخر تقوليلي مش طايجااك 

بس الحج عليا انااا ..انا اللي دلعتك ..

عوض قرب منها و شدها من شعرها من الصالة لحد اوضة النوم بتاعتهم و كانت مراته بتحاول تحوشه بس مقدرتشي و فعلا دخل بيها الاوضة تحت صراخها و اعت*دي عليها زي كل مرة . 😭

‏~~~~~~~~~~~~~~~~~ بقلم  يوستينا سامي 

في المستشفي عند مراد..

حسام بضحك / بقي مراد شبهك انت يا اسد اما انت كداب كدب يا اخي  ..انا عارف أنه لو كان واخد منك اي حاجة كان زماني قلته من بدري اوي .

اسد بحدة / انت ايه اللي جابك هناا ..ده انت مستعجل اوي علي مو*تك يا حسام .

ولسه اسد هيهجم عليه علشان يضر*به  بس جاسر وقف قدامهم 

جاسر  بعصبية / بس انت وهو ..اعتقد ان ده مش مكان خناق ولا تصفية ماضي احنا جايين هنا بس علشان نطمن علي حسن سامعين ولا لاء . وانت يا مراد طمني علي حسن .

مراد / لسه مافيش اي دكتور خرج من العمليات .

اسد بعصبية / اما صحيح بجح منك ليك .يعني انت تقت*ل القت*يل و جاي ببرود علشان تتطمن عليه ولااا غور منك ليه برا ..براااااااا .

جاسر زق اسد جامد / ما انا قولتلك اخرس شوية بقي احنا مش جايين نتخانق احنا جايين نطمن علي حسن و هنغور ..فاخرس بقي .

اسد ضحك بتريقة / انت بتمد ايديك عليا انا يا ..

وفاجاه اسد ضر*به بالبوكس في وشه ووقعه علي الارض وحسام جري علي اسد علشان يضر*به ..

مراد بيشدهم عن بعض / ايه اللي انتوا بتعملوه ده ..ابعد عنه انت اتجننت ولا ايه ابعد عنه ..اببببعد 

امشوا كلكوا برا المستشفي مش عايز حد هنااا .

جاسر / مراد هو اللي بدا بالضر*ب و قلة الادب ..

مراد بحدة وعصبية / انا قولت غوروا في داهية من هنااا 

روحوا اقفوا قدام المستشفي .انا مش عايز اشوف حد فيكم 

____________________________________________

و فعلا خرجوا كلهم من المستشفي و كل واحد فيهم وقف مع الجاردات بتاعته قدام عربيته ..

جاسر لقه رقية بترن عليه / الو يا رقية خير في حاجة .

رقية بخوف / طمني علي حسن يا جاسر عامل ايه دلوقتي .

جاسر / والله ما اعرف ..اول ما يخرج من العمليات هقولك باذن الله ..المهم قوليلي حياه كويسة .

رقية بعصبية / حياه دي حيوانة .مستحيل تكون بنت اصلا دي كلب متنكر ..عضنتي حتة عضة يا جاسر انا مش مصدقة انك عايش معاها اصلا بجد لا وكمان قليلة الادب بشكل ..

جاسر بغيره / ما تشتميهاش يا رقية دي مراتي و لما اجي انا هربيهالك علي اللي عملته معاكي  متزعليش بس انت .

رقية / ماشي يا جاسر بس انت لازم تجيبي حقي بجد منها و ابقي طمني برضو علي مراد .

جاسر / حاضر 

وقفل معاه و بعد شوية عند حسام و الجاردات و رن علي حياه و حياه كانت وقتها في الاوضة عند جاسر بتفرج علي صوره و شافت صور و فيديوهات لجاسر و حسام و مراد و حسن و اسد و كل ما كانت تشوف فيديو لاسد تعيط جامد 

حياه بصوت معيط / الوو يا جاسر .

جاسر اول ما سمع اسمه بنبرة حد موجوع لمست قلبه جدا 

- انت كويسة مالك صوتك يا حبيبتي.

حياه / انا تعبانة اوي يا جاسر بجد .

وفي نفس الوقت ..

اسد جاله تليفووون / هااااا خير .....اييييييه  😳😳

 استووووووووووووب ...

 #حورية_في_عالم_الوحوش 

 22

 جاسر بخوف / مالك يا حياه .انت كويسة يا حبيبتي

حياه بتعب / لا مش كويسة ..ممكن تيجي يا جاسر.

جاسر / مسافة الطريق و هبقي قدامك ..

وقفل معاها و حسام كان بيسمعه وهو مستغرب طريقته اوي 

حسام / في حاجة حصلت ولا ايه . هو انت كنت بتكلم حياه 

جاسر بخوف. / اه .والظاهر انها تعبانة انا لازم اطمن عليها يا حسام بس والنبي يا اخي ما تعملش مشاكل مع اسد مراد مش ناقص كفاية اللي هو فيه ..او تروح معايا 

حسام  / لا انا هستني هنا لازم اطمن علي حسن .

و فعلا جاسر مشي وراح الفيلا ..

اما اسد فالبودي جارد بلغوه ان حور منهارة في المستشفي و عمالة تسال عنه و مكنشي عارف يعمل ايه وخصوصا ان الدكتور منبه عليه انه مايجيش .

________________________________________

في الفيلا .. جاسر وصل وهو ملهوف علي حياه و دخل الأوضة و لقاها قاعدة علي السرير و بتعيط ..

جاسر قرب منها / مالك يا حبيبتي.انت بتترعشي كدة ليه 

حياه بتعب / خايفة جوي يا جاسر علي حور و عيشة حاسة انهم مش كويسين خالص .. 

جاسر مكنش يعرف ان حور مع  اسد ولا يعرف شكلها .

جاسر وهو بيمسح دموعها بخوف / مين حور دي

 يا حياه .دي بنت عمك مش كدة 

حياه / ايوة هي و هربت علشان ماتتجووش عبدالرحيم بس اختفت و محدش يعرف عنها حاجة. وانتوا السبب 

جاسر بحدة / ما بس بقي بدل ما اتغابي عليكي وانت تعبانة وكدة .بقولك ايه انا مش هسيبك كدة يعني قومي اوديكي اي مستشفي ..

حياه بتريقة / ليه بجي خايف عليااا

جاسر بغيظ / لا بس انتي روح .. وانا لما الكلب بتاعي بيتعب بهتم بيه ..يلا بقي قومي غيري هدومك دي و اوعي تتكلمي تاني . 

و فعلا حياه متكلمتشي وحاولت تقوم بس كانت تعبانة 

وجاسر ساعدها و فعلا اخدها و راحوا يكشفواااا و كانت الصدمةةةةةةةةةةةةة  😳😳😳😳 

_____________________________________________

 عند حسن ..

الدكتور خرج من العمليات و مراد جري عليه ..

مراد / ايه يا دكتور ماله حسن ..طمني بقي ابوس ايديك 

الدكتور / اهدي يا مراد. متخفشي احنا خرجنا الرصاصة من كتفه و هو هيخرج دلوقتي لاوضة عادية ..هو الخوف من مكان الرصاصة لانه حساس بس الحمدلله عدت علي خير 

مراد اتبسط اوي و حضن الدكتور من فرحته ..وخرج جري برا المستشفي يقول لاسد و حسام  ..

اسد بفرحة / طب الحمدلله يا مراد عدت علي خير .

حسام ببرود  / قول بقي لاخوك ان مش كل مرة هتسلم من الاذي ..فالاحسن ليه انوا يبعد عن الشر ..و حمدلله علي سلامته يا مراد ..

وبص لاسد بغل / خد بالك انا وعدتك ان في اسبوووع من المصايب ..واليوم الاول خلص ..استعد بقي لتاني يوم 

و خرج حسام ومشي من المستشفى..

مراد بقلق / تفتكر بيفكر في ايه ..انا مبقتشي اعرف اتوقع تفكيره ولا خططه يا اسد .

اسد / سيبك منه ده كل الي بيعمله ده حلاوة روح ..المهم هو جدك يعرف اي حاجة حصلت .

مراد / لا طبعا .لا هو ولا جدتي ولا حتي نور ..بس خد بالك الخبر مش هيستخبي كتير و جدك هيعرف باللي حصل في المخزن و لحسن و الصحافة هتكتب .

اسد / عمتا تابع مع جدك برضو علشان ما يقلقشي علي حسن لما يعرف اللي حصل . انا لازم اروح لحور المستشفي لانها عرفت كل حاجة .

مراد / هي مين حور دي يا اسد ..

اسد بوجع / يااااه ده حوار كبير اوي اول لما ارجعك هبقي احكيلك ..انا اصلا كان نفسي احكي لحد ..

و فعلا خرج اسد و هو مخنوق اوي و ركب عربيته و الحرس بتوعه ركبه العربيات وراه بس اسد مكنشي قادر يسوق العربيه .رجع راسه علي الكرسي و حط ايده علي وشه 

و افتكر ....

فلاش بااااااك ..

اسد بحدة/ انت اكيد اتجننتي ..فيروز افهمي اللي بيحصل ده غلط و انا مش هستمر في القرف ده كتير ..انا اصلا مسافر برا مصر ..فابعدي عني بقي، انت ايه .

فيروز حطت ايديها علي بقه و عيطت / بقي هتسيبني يا اسد ..اخس عليك ده انا معرفتش طعم الحياه غير لما شوفتك اسد ارجوك افهم انت لو سبتني انا هموت  .

اسد بحدة  / فيروز بطلي كلامك ده بقي ، لو انت فعلا مش مرتاحة مع جوزك اطلقي منه لكن غير كدة يا بنت الناس يبقي اسمه قرف و خيانة .. ومش هقدر اخونه ده اخويا 

فيروز بحدة / يسلام و كان فين الكلام ده من شهرين و لا انت لسه فاكر دلوقتي ان مراة حسام صاحب عمرك .

اسد بعصبية / اسكتي بقي ..اسكتي انا بسببك سايب البلد كلها و مسافر بعيد عن اهلي و اصحابي ..يمكن اعرف اغفر عن خيانتي لصاحبي 

باااااك 

اسد بوجع/ عندك حق يا حسام انا استاهل منك كل اللي انت عملته ..انا فعلا خاين 

__________________________________________

في المستشفي...

جاسر بصدمة  / انت بتتكلم بجد يا دكتور ..حياه حامل 

بالسرعة دي ..لا ده انا جامد بقي  🤣🤣

 الدكتور ضحك / الف مبروك .. بس لازم ترتاح علشان الحمل يثبت و لازم كمان تبعد عن اي ضغط او عصبية 

جاسر في سره / ده هيحصل ازاي دي بتتغذي علي المشاكل و حرقة الدم ...احم باذن الله يا دكتور بس تيجي لحضرتك تاني امتي ..

الدكتور / اول ما تحس بتعب ممكن تكلمني علي الرقم ده و باذن الله اشوفكوا الاسبوع الجاي لو مافيش اي جديد 

و فعلا جاسر اخد حياه اللي كانت ساكتة خالص من الصدمة و خرج بيها من المستشفي ..

جاسر / مالك بقي ساكتة كدة ليه ..مبسوطة ولا ندمانة 

حياه / لااه مستغربة فرحتك دي ..هو انت فعلا فرحان ولا بتمثل قدامي ولا ايه يا جاسر 

جاسر ابتسم / سبق و قولتك تعالي ننسي اللي فات و نعيش مع بعض و انت افتكرتيني بهزر ..ودي بقي مشكتلك اما بالنسبة لسؤالك فانا مش مبسوط انا طاير من السعادة .

حياه / بس انا بجي مش عايزة العيل ده و خصوصا لو منك انت . 

وفاجاااااااااه.  جاسر / ..... 

تفتكروا ايه ممكن يكون رد فعله ... 

___________________________________________ ..

اسد روح البيت من التعب قرر انه يدخل ينااااام 

لكن للاسف صحي الساعة ٤ الفجر علشان تليفون بالمصيبة رقم  2.  تفتكروا ايه هي بقي .............

استوب نكمل المرة الجاااااية ...

٢٣،٢٤

# حورية_في_عالم_الوحوش  

 #بقلم_يوستيناسامي 

 23  و  24

 في الشارع.. 

جاسر مسك ايديها جامد / بقي انت مش عايزة تخلفي مني يا حياه .

حياه زقته  / الله هو انت ليه محسسني اني بعشجك وميتة فيك فووج يا عم انت .. انا متجوزاك بالعافية اصلا .

جاسر / طب ما انا كمان متجوزك بالعافية ولا أنت مش واخدة بالك مثلا ..بس العيل اللي في بطنك ده يبقي ابني من صلبي ولو فكرتي تاذيه يا حياه .. قسما بالله لاق*تلك انت وكل عيلتك ..وانا مش بهد*د ...يلا قدامي علي العربية .

وفعلا حياه ركبت معاه العرببة و دموعها خانتها و عيطت بضعف ودي كانت اول مرة جاسر يشوف حياه ضعيفة كدة وحس قد ايه هو جر*حها و قسي عليها 

جاسر في سره / هو انا مستغرب ليه ..طب ما عندها حق تخاف علي نفسها وعلي ابنها مني ..هي شافت ايه حلو معايا  اصلا .. 

بس لاا يا حياه انا زي ما وريتك شري لازم ارويكي  طيبتي ..لازم تعرفيني بحق وحقيقي 

و فعلا اتحرك جاسر علي الفيلا ..

___________________________________________

في المستشفي عند مراد..

حسن فاق من اثر البنج بس كان تعبان و مش قادر يتكلم 

مراد / اخيرا يا عم قومت منها ..ده انا كنت همو*ت من القلق والله .

حسن بتعب / المخازن .. ولعت يا مراد .

مراد / في داهية اي حاجة يا ابني ..المهم صحتك انت .

حسن / انا معرفتش أحافظ ..علي امانة اسد و شقه عمره يا مراد 

مراد / طب ممكن كفاية كلام بقي كدة انت هتتعب وبعدين مخازن اي و قرف ايه المهم انت يا حسن 

يكون في علمك بقي اسد كان هنا من شوية و كان خايف عليك اوي و مش بس هو لااا ده جاسر و حسن كمان 

حسن بصدمة / انت بتتكلم بجد ..طب راحوا فين 

مراد ابتسم بتريقة / لا مافيش اتخانقوا مع بعض وانا طردتهم ممكن بقي ترتاح شوية .علشان الجرح ..

حسن / ما انا كنت متوقع..

وفعلا حسن غمض عينيه وبدأ ينام ..

___________________________________________

في الفيلا عند جاسر .

و اول ما وصلوا جريت رقية ناحية جاسر 

رقية / كويس اني شوفتك ..شايف مراتك عملت فيا ايه يا جاسر انت لازم تجيبلي حقي منها ماليش دعوة بجد .

حياه بصوت عالي /حجك .يا شيخة ياكشي يتكسر حجك وبعدين هو هيعملي ايه يعني ..هيضر*بني ولا ايه .

جاسر و هو بيمسكها من قفاها / اه يا اختي هضر*بك ..مالك يا بت نافخة صوتك علينا كدة ليه ..هو انت مسجلة خطر وانا معرفشي .

حياه بتعب / نزل يدك دي وبعد عني انا تعبانة وعايزة اطلع ارتاح .

جاسر ببرود / لا الف سلامة عليكي يا اختي ..بس انت بقي مش هتطلعي اوضتك غير لما تعتزري ليها الاول .ده انت مبهدلاها ..

حياه بعند  / لاااااه .. ولو هتضر*بني اضر*ب وريح نفسك .

جاسر اتوجع اوي من كلامها برغم انها عنيدة جدا و عندها ده هو السبب في كل حاجة بتحصلها ..بس هو حس في اللحظة دي انها فعلا وحيدة وضعيفة ..

رقية  / اي يا جاسر سكت ليه كدة ..هو انت هنسيب حقي بجد ولا ايهة..

وفاجاه دخل حسام الفيلا و هو مبسم اوي / مساء الخير يا جماعة ....اي ده يا رقية ايه اللي عمل فيكي كدة .

رقية / هي البت دي ..البيئة اللي جبتوها من الصعيد .

حياه / يا بومة متخلنيش اضر*بك تاني .انتي مش ناقصة كفاية الي حصلك من شوية .

جاسر / بس انتي وهي .. طمني علي حسن يا حسام في جديد خرج من العمليات ولا لسه  .

حسام / لا متخفش .. بقي كويس وخرج من العمليات ودخل اوضة عادية و زمانه فاق كمان .يلااااا.انا طالع اوضتي 

جاسر / يلا يا حياه اطلعي انت كمان ارتاحي .. وانت رقية تعالي عايز اتكلم معاكي برا شوية .

حياه بصتله بغيظ وطلعت اوضتهاا وفعلا خرجوا قعدوا هو ورقية في الجنينة ..

___________________________________________

في المستشفي ..

اسد بحدة / يعني ايه ..هتفضل نايمة كدة لحد امتي انا عايز اطمن عليها .. اي كمية المهدئات دي انا مش فاهم .

الدكتور / ارجوك اهدي هي عندها انهيار عصبي يا اسد باشا 

اسد / والحل انها تفضل نايمة علطول ..مش كدة 

الواضح بقي ان المستشفي دي اي كلام ..انا هاخدها واغور م من هناا .

الدكتور / اسد باشا ..ارجووك اسمعني.

اسد بعصبية / مش هتنيل ..انا مش هينفع اسيبها كدة ج*ثة علي سرير .. انا عارف انا هعمل ايه كويس اوي .

و فعلا اسد اصر و اخد حور وهي كانت نايمة ووداها لشقته وكان عارف كويس ان اللي بيعمله ده خطر جدا .. 🙈

 في البيت .. اسد حط حور علي السرير براحة وكان بيبص علي شكلها اللي واضح عليه الضعف وقعد جنبها ومسك ايديها/ كفاية بقي يا حور انا ممكن استحمل اي حاجة في الدنيا الا انك تضيعي مني انتي كمان .. انا خسرت كل حاجة بس مستحيل اخسرك انتي 

وغير هدومه ونام جمبهاااااا .... تفتكروا ممكن تعدي علي خيييييييير ... 

اكيد لاااا  😒🙄

 تعالوا نشوف اي حصل بعدها بحوالي ساااعة ....

جاله تليفووون من حسام ../ الووو 

اسد بصوت واطي / عايز اي يا زفت انت 

حسام بضحك / تؤتؤ ..هو انت فاكر انك لما تاخد مراتك من المستشفي كدة انت حميتها مني انت غبي اوي يا اسد والله 

اسد / انت مش هتقدر اصلا تقربلها ..لانك لو حاولت هتمو*ت يا حسام ..

حسام فضل يضحك بطريقة مستفزة / طيب يا ابن العقاد بس احب اقولك ان انت ليك عندي امانة ..

اسد / أمانة اي دي اللي عندك ..اتكلم علطول وبلاش رغي حريم فاضي ..

حسام / ماشي ..تشكر علي الاهانة ..انت كنت بس متصل اقولك ان لو  ملقتوش نور في البيت متقلقووش اصلها مخطو*وفة ... يلا بقي كمل نومك يا حبيبي ..

اسد اتصدم / انت بتقول ايه ... حسام متستهبلشي 

نور ملهااش دعوة حرام عليك .....الووووووووو 

بس حسام قفل السكة في وش اسد ....  😭😔 

_________________________________________

 في المستشفي عند مراد 

مراد واقف برا اللاوضة بيرن علي جدو اللي اتفاجاه انه بيساله عن نور .. وفاجاه بنت جاية بتجري خبطت في مراد جامد و الموبيل وقع من ايده ..

مراد بعصبية / انتي عبيطة يا بت انتي ولا ايه مش تاخدي بالك ..وبعدين مش عيب تبقي شاحطة كدة و بتجري ورا العيال 

نسمة بعصبية اطفال  / اهو انت اللي عبيط .. وبعدين انا مش بجري وراهم هما اللي بيجروا ورايا و اوعي بقي احسن دول جايين ورايا ...

وجريت نسمة و مراد كان واقف مزهوول من اللي بيحصل ده 

مراد / اي العبث ده ..هو احنا في مستشفي ولا في ملاهي

ده اي القرف ده  

ووطي و جاب الموبيل و بيفتح الموبيل بس لقه حد بيمسكه من القميص. وبتضحك اوي / الحقني منهم هيمسكوني كدة انا هخسر ..الحقتي بجد .

مراد بحدة / انتي تاني ..انتي عايزة مني ايه  يا بت انتي ..هو انا ناقصك ...يلا غوري من هنااااا ...غوري .

نسمة / انت ايه معندكشي قلب ..افففف .

العيال اتلموا علي نسمة / مسكناكي ..هييييه الخسرانة اهي اهي ...

مراد بصدمة / اي ده. ..امشي يلا انت وهي ..يلا غوروا من هناااا .. 

وبص لنسمة لقاها مربعة ايديها و زعلانة اوي 

مراد بستغراب / كل الزعل دا علشان خسرتي . بجد تفاهه هو انت عندك كام سنة يا كتكوتة انت 

نسمة / كتكوتة في عينيك ..انا عندي  19  سنة يعني كبيرة وبعدين انت مالك بيا اصلا مش كفاية انك مردتشي تساعدني وكنت السبب في خسارتي ..

يبقي خلاص متتكلمشي معايا ...

و سابته ومشيت ...

مراد فضل يضحك / والله مجنونة بجد 

وكلم جده .. و عرف ان نور مش موجودة في البيت وكلهم كانوا خايفين عليها .. بس جده عرف ان حسن في المستشفي و جوووم علشان يطمنه عليه  ..

___________________________________________

في البيت عند اسد ..

اسد بعصبية/ يا نهار اسود ..هو ايه اللي بيحصل ده .. معقول ممكن ياذيها طب ما اكيد ..ده 

وفاجاه شاف حور قدامه وهي ...... 

تفتكروا ايه هيحصل ...

____________________________________

يلا بارت  24

 يلاااااااا نبدا  💥💥💥💥

 في بيت اسد ..اسد اتفاجاه ان حور فاقت وواقفة قدامه وهي بتعيط وجسمها كله بيترعش من الخوف .اسد جري عليها وحضنها بخوف ..

اسد / مالك بس يا حور انتي كويسة...ردي عليا ماتسبنيش كدة قلقان 

حور بعياط / انت عملت فيا ايه تاني .انا عندك في البيت ليه .

اسد فهم قصدها وانها خايفة منه 

اسد بوجع / انا والله ما جيت جمبك حتي ولا عمري هعمل اي حاجة تاذيكي ..حور انا بحبك اوي والله  خوفك مني ده بيموتني حرفيا ، وحياة اغلي حد عندك اديني فرصة اشرحلك 

اللي حصل يوم الزفت ده بالتفصيل.

حور بعياط / عايز تشرحلي ازاي قت*لت ابويا مش كدة يا اسد باشا .

اسد بحدة / انا مقت*لتش حد ، والله انا ما اعرف ابوكي اصلا 

انا كنت بنقذ صاحبي مش اكتر لكن انا عمري ما هق*تل حد ولازم تبقي عارفة ان انا يومها اتصابت و كنت همو*ت بسبب حد من عندكم برضو ، ده ثا*ر احنا ملناش ذنب فيه و برغم اني مش تبع الث*ار ده بس اديني اتعكيت فيه اهوو .

حور حضنت اسد اوي و ببتكلم بصوت متقطع وجع قلب اسد 

حور بعياط/ انت عارف ..انا  ماليش غيرك يا اسد .. وفي نفس الوقت انت كنت سبب في موت ابويا بس انا مش مطمنة غير معاك انت 

اسد / طب اهدي و حياتي عندك يا حور اهدي .واناهنفذ كل اللي انت عايزاه ، و اوعدك طول ما انا عايش وفيا النفس عمر ما حد هيقرب منك او يلمسك ابدا ..

و فعلا اسد فضل قاعد جنب حور لحد ما تاكد انها نامت و نزل راح يشوف موضوووع نووور  😉

 تفتكروا نور فعلا مخطو*فة ؟

 ==============================

 عند مراد و حسن

حسن بتعب / انت يا عيل يا سمج بقالي ربع ساعة بنادي عليك مالك يا ابني سرحان في ايه بس . 

مراد / هااا ...اصل بصراحة لسه شايف بنوتة برا بس عيلة اوي  بس حلوة اوي يا حسن .لاا حلوة اوي بجد خطفت قلبي 

حسن / الاااااه  طب والنبي انت بني ادم ما عندك ريحة الدم بقي اخوك في المستشفي ولسه خارج من العمليات و المخزن مولع و الاعلام بيتكلم عن اللي حصل في مخازن اسد العقاد 

وانت بتحب يا حبيب ..

مراد ببرود / اه بسبل و هحب انتوا اصلا عيلة فقر ..اه والله كل ما نقول بكرة هيبقي احلي بيبقي اسود ..بقولك ايه هو انا مينفعشي اتبره منكوا  واخلص  😒

 حسن بيضحك بتعب / بطل تضحكني أنا مش قادر بجد وبعدين لا مينفعشي تتبره مننا  ، وبعدين هو انت تطول اصلا يا زفت انت ده غيرك بيتمني انه يعرف يتواصل معانا .

مراد بوجع / علشان كلهم مخدوعين بشكلنا من برا يا حسن بس عمرهم ما جربوا يقربوا منها و يشوفوا القرف اللي احنا فيه 

حسن / احم ..بقولك ايه ما تقلبهاش نكد انا مش ناقص

مراد بضحك/ عندك حق برضوو..انا هطلع اشوف البت المزة دي راحت فين ..يلا سلام ..

وفعلا خرج مراد يدور علي البنت و ساب حسن مضايق ان نور حتي متفكرتشي ترن عليه .

 ==================================

 في اوضة جاسر 

كان نايم جمب حياه و كان حضنها و كان بيبصلها بخوف 

جاسر / خايف تسيبيني يا حياه . مش عارف ليه حاسس بكدة .هو انا فعلا حبيتك ولا انت صعبانة عليا ؟! كان نفسي تبقي صاحيه بجد ببقي مبسوط اوي وانا شايفك ..بس ياريت انت تحسي بيا ..

و قرر انه يقوم و ينزل الجنينة و طلب قهوة وقعد يفتكر يووم التخرج 🧑‍🎓

فلاش بااااااك  🔥🎊

 جاسر بفرحة / والنبي ما مصدق يا شباب ..اخيرا خلصت الكلية بقي ..يااااااااا هووووو 

اسد بضحك حضنه جامد / و ادي رابع واحد اتخرج 

انا الاول و بعدي حسام و حسن و ادي جاسر اهووو 

مراد بضحك / عقباالي يارب بقي ..بس عموما هانت فاضل سنة واحدة بس و اقف نفس الواقفة دي و اعلم عليكم  🤣

 جاسر / طب بقول ايه بقي بلاش نتكلم عن المستقبل خلينا في الحاضر بقي .. انا عايز احتفل ما هو انا مش بتخرج كل يوم معلش يعني ...

ها هنصيع فين يا ولاد .

حسام بضحك / لا بقولك ايه فيروز لو عرفت اني بصيع هتنكد عليا اسبوع وانا مش ناقص بجد .

حسن / ييييع بجد علي الرجالة . ما تسترجل كدة يا حسام .

حسام بضحك / عيب ياض ده انا مسيطر برضووو .

اسد بضحك / لا ما انا واخد بالي اوي ..المهم انا اللي هعزمكوا في اي مكان تطلبوووه دي الليلة بتاعة جاسووور . بس يلا بينااااا  علشان منتاخرشي . 

و فضل جاسر يبتسم و هو ييفتكر الذكريات دي 

وفاق جاسر علي صوت رقية / ياااه للدرجة دي سرحان مالك يا جاسر انت كويس .

جاسر بصلها بتاثر و قالها  / لا مش كويس خالص انا مش قادر يا رقية 

انا لا قادر اعادي اسد و حسن ومراد و انسي سنين عمري بذكرياتنا مع بعض .

ولا اقدر اقف قصاد حسام وانت عارفة ان حسام اخويا و قريبي ..انا مش قادر بجد مش قادر 

و حط ايده علي راسه بتعب و قالها/ حتي قلبي لما اختار يحب واحدة حب واحدة كنت انا السبب الرئيسي في مو*ت عيليتها ..هو ايه اللي بيحصل ده .

رقية / عارف برغم اني عمري ما شوفت صداقتكم دي ابدا واني لما رجعت من السفر كان اللي بينكم عداوة وبسالا اني لما اشتغلت مع اسد في شركته هو وحسن ومراد كنت بحس انهم اهلي برغم اني داخلة الشركة علشان اذيهم 

جاسر / واخره الصداقة دي ايه .. واحد خان و باع صاحبه والتاني بقي بيحاول يرجع حقه باي شكل و باي خساير ...خلاص كل حاجة ضاعت ...

رقية بتوتر  / لا بس انا في حاجة حصلت لازم احكيهالك يا جاسر 

جاسر / حاجة ايه دي ؟؟؟!

 ~~~~~~~~~~~~~~~~~~~~~~~~~~~

 في المستشفي ..

عزيز بعصبية / يعني ايه حفيدي يتعب ويتصاب  ويدخل العمليات وانا معرفشي ..ايه فاكرني ماليش لازمة في وجودكم ولا ايه .

مراد / والله يا جدي مش قصدناا كل الحكاية اننا خوفنا نبلغك تتعب او حاجة وعموما اهوو زي القرد قدامك ..ما تتكلم يا عم حسن انا عمال اتهزق هنا .

عليا / يتكلم بس يقول ايه ده تعبان حرام عليك .

حسن ابتسم بتعب / انا كويس والله يا جدو ..وانت يا جدتي والله انا سليم و زي الفل اهوو مافيش داعي للخناق بس هي نور ماجتشي ليه ؟ هي معرفتشي !!

عزيز بتوتر / انا مش عارف مش بترد ليه علي تليفونها من امبارح .البنت دي لازم فعلا تتشد جامد علي عمايلها دي مخلتناش ننام طول اليوم امبارح من القلق .

حسن / هو في ايه يا جماعة !! نور فين ؟

مراد بحزن / منعرفشي حاجة عنها بس اطمن اكيد مسافرة او خارجة مع حد من صحابها .ما انت عارف نور وحركاتها .

حسن بخوف / لا انت لازم تبلغ عن اختفائها حالا

انت سامع ولا مش سامع ..انا عايزها قدامي هنا النهاردة يا مراد النهاااردة   😡.

 مراد / طيب اهدي بس علشان الجرح يا حسن ..وانا هتصرف وبعدين اطمن هيكون حصلها ايه يعني ...

وفاجااااااااه دخل اسد الاوضة 

اسد بوجع/ هتكون اتخطفت يا مراد ..

اه متستغربش اوي كدة نور اتخطفت و حسام هو اللي عمل كدة وهو اللي قال بنفسه.

حسن بخوف  / انت بتقول ايه يا اسد نور اتخطفت !!!

ليه هي عملتله ايه علشان يخطفها اصلا ، حد يكلملي حسام بسرعة لازم يرجعهالي يا جدي .

مراد بصدمة / حسام ....هو في ايه هو مش واخد باله ان انت اللي خونته وان انت اللي عدوه مش احنااااا ..انت ايه يا اخي قربك مننا بيضرنا ليه اوي كدة ما تغوور بقي بعيد عننا بقي

عزيز بعصبية / مراااااد ..اخرس واوعي اسمع صوتك ده تاني ولما تتكلم مع ابن عمك اتكلم بادب انت مالكشي حق انك تعاتبه انا بس اللي اعمل كدة .. ساااامع 

وبص غزيز لاسد بغل و ضر*به بالقلم و اسد اتصدم و رفع عينه لجده و علامات الصدمة و الزهول كانت مرسومة علي وشه وبدا يكلم نفسه بصدمة / معقول اللي حصل ده 

بس فاق علي صوت جده ..

عزيز / واضح انك اتغريت اوي يا اسد لما عملتك الكبير ، بس لااء دي مش تصرفات واحد كبير و عاقل

و ضحك بتريقة / و انا اللي كنت متخيلك هتشيل كل حمل العيلة بعد ما اموت ..طلعت انت اللي بتزوده اكتر ، وروحت جبت واحدة متعرفشي عنها حاجة ووهمتنا و خدعتنا وقولت انها مراتك و طلعت خاطفها ...وبسببك انااا يترفع عليا السلاح في بيتي ..بعد العمر ده كله 

انا اكتشف دلوقتي اني غلطت في تربيتك ، حتي دلوقتي بنت عمك مخطوفة بسببك وبسبب قذارتك بس لااا يا اسد 

نور لازم ترجع النهاردة قبل بكرة وانت اللي هترجعها و بعدها مش عايز اشوفك تاني لا في الفيلا و لا في الشركة والمصنع حتي البلد دي كمان 

 غووووور من وشي .

اسد كان موطي راسه ومش قادر يبص في عيون جده و كان بياني نفسه بوجع / ايوة انا خونت ثقة جدي  فيا هو عنده حق انا فعلا مستهلشي اكون واحد منهم اصلا .

وخرج اسد و حاول يمنع نفسه من الانكسار و ركب عربيته و راح لفيلا حسام . 

 ==================================

 في فيلا حسام 

جاسر بصدمة / انت بتقولي ايه يا رقية .معقوول 

رقية / للاسف اه و خوفت احكي لحسام تحصل مصيبة 

و فجاه جاسر شاف اسد داخل الفيلا وهو متعصب اوي جري عليه و مسكه من الجاكت بتاعه وبدأ يضربه بعنف 

جاسر / جاي تاني ليييييييه ، ابعد عنه بقي يا اخي 

مش رجعت لفيروز سيبه في حاله يا اخي ..

اسد بصدمة/  ايييييه !!!!

تفتكروا الكلام ده صح ..فعلا اسد رجع لفيروز تاني ؟؟عايزة توقعاااااااات كتيييير

تكملة الرواية من هناااااااا 

 لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا