رواية حورية في عالم الوحوش البارت الحادى الثلاثون والثانى والثلاثون والثالث والثلاثون والرابع والثلاثون بقلم يوستينا سامي

٣١،٣٢

# حورية_في_عالم_الوحوش

#بقلم_يوستيناسامي

31, 32

في بيت جاسر و حياه ..

حياه و قفت جمبه بحب / مالك يا جاسر ..هو انت مش شايف انك عملت الصح و ساعدت اسد و حور

جاسر بصلها بحزن و قالها/ لا يا حياه انا عندي احساس اني خاين و خونت صاحب عمري حسام .. بس مكنش قدامي حل غير ده ..انا كنت شايف ان حسام غدر علينا كلنا ..

حياه/ الصراحة بجي ايوة ..حتي هو دخل حور في حوارتكم

و هي ملهاش صالح ابدا

جاسر / ما علشان كدة انا وافقت اساعده ... بقولك ايه

انا مش عايز لا سيره اسد ولا حسام تيجي تاني بينا

و شد حياه من ايديها و قربها و قعدها جمبه و باس ايديها بحب و قالها /حياه لو سمحتي خلينا ننسي كل اللي فات و زي ما كنت انا السبب في كرهك ليا ..لو سمحتي خليني انا السبب في حبك ليا برضو.

حياه اتوترت اوي من الحركة اللي هو عملها و وطت راسها و قالته / باذن الله يا جاسر بس انا بردو عايزة اطمن علي حور

جاسر بحدة. / يووه .. حياه انا قولتك مش عايز اسمع

لا سيره حسام ولا اسد ولا حتى حور ، يا حياه افهميني

انا عايز ابدا حياتي الجديده معاكي من غير اي ذكريات سواء من عندك او من عندي ..ممكن

حياه بزعل /غصب عني والله انا نفسي اطمئن عليها

طب بص هاجولك حاجه اطمئن عليها وبعد كده مش هاكلمك ثاني عنها ابدا

جاسر بحده / لا يا حياه.....وبعدين اطمني هي بقت مع مراد وهتوصل لاسد ومعنى انها توصله يعني ما فيش اي حاجه وحشه هتحصلها .. اسد مش سهل ، ممكن بقى تطلعي تغيري هدومك عشان ننزل نتغدى بره و افرجك على البلد كلها

حياه ابتسمت./ طيب ...

و فعلا طلعت حياه غيرت هدومها و نزلت هي و جاسر مع بعض و بدات تقرب منه و حست قد ايه هو طيب و لمست انه بيحبهاا لكنها مكنتش عارفة حقيقة مشاعرها هي

_______________________________________________

في العربية عند مراد.

حور قاعده متوتره ومراد حاسس بتوترها

مراد بضحك / مالك يا بنتي متوتره كده ليه هو انا هاخ*طفك ما انا خليتك تكلمي اسد و تتاكدي اني معاه والله.

حور / ايوه بس اسد قالي ان احنا رايحين الفيلا وده مش طريق الفيلا فممكن بقى تقولي حضرتك واخذني فين .

مراد فضل يضحك / لا مركزة جامد شاطرة والله اسد عرف ينقي صح فعلا .. عموما احنا مش رايحين الفيلا

احنا هنروح المستشفي لان مافيش حد في الفيلا وبعدين انتي خايفة مني ليه كدة هو انا هكلك مثلا

حور / لا بس انت كنت بترخم عليا كتير في الفيلا هو انت فاكرتي اني نسيتك مثلا ..

مراد فضل يضحك / لا فعلا مراة اسد

و فعلا مراد اخد حور و طلع بيها علي المستشفي و دخل الاوضة عند حسن ...

______________________________________________

اسد في العربية ...

كان بيكلم حسام في التليفون و هو مبتسم و فرحان لانه سامع صوته و هو متعصب و بيزعق

حسام بغل / عملتها يا اسد الكلب والله ما هاسيبك شوف والله لاحر*ق قلبك يا اسد وهتشوف

اسد بضحك / هو انت متخيل يا حسام انك ممكن تاخذ مني حور واسيبك عايش علي ضهر الدنيا دي

صحيح نسيت اقولك خذ بالك دي المفاجاه رقم اربعه

واستني مني بقي باقي المفاجائات مش هما كانوا سبعة

و ضحك بتريقة و قفل اسد التليفون في وشه ...و حسام اتعصب اوي و فضل يضر*ب في الامن بتوعه بغيظ و غل

و عايز يعرف مين اللي ساعد اسد و هرب حوور ..

اسد في العربيه بدا يفتكر حوار مع جاسر

اسد / قال عايز ياخدها مني .. ده انا روحي تفترق جسمي قبل ما حور تبعد عني

و بدا اسد يفتكر ايه اللي حصل بتفصيل و ازاي جاسر ساعده

فلاش باك قبل خط*ف حوور ..

جاسر بعصبية / وانت بقى متخيل ان ممكن احط يدي في ايدك واخو*ن حسام لا يا اسد كفايه ان كل الناس كانت عليه واولهم انت و مراته انا مش هاعمل كده .

اسد مسك يده / جاسر اسمعني لو سمحت انا مش باقولك ساعدني اني انقذ حياتي من حسام

انا باقولك ساعدني عشان انقذ حور منه.. دلوقت حسام مش بيفكر في اي حاجه غير انه يخط*فها وانا عارف كده كويس

لدرجة انه مخلي رجالتي تراقبني علشان يعرفوا تحركاتي و اقولك كمان انه حاطط كاميرات في الشقه بتاعني .

جاسر بصله بصدمة و مكنش مصدق اللي بيسمعه و ان للدرجة دي حسام الغل اتملكه و مخطط كل حاجة / يااه ده ناويبك اوي يا اسد .. عموما انا برده ماليش دعوه باي حاجة تخصك .

اسد/ اسمعني بقى يا اخي وبطل غباء حسام مجرد

ما هيحس ان فيه خطر منك انت هيرميك صدقني ..

حسام ما بقاش يفرق معاه الصداقه هو عايز ينتقم مني

وبس ومش هيفرق معاه حد ثاني

جاسر وتوتر لانه حاسه ان فعلا كلام اسد حقيقي و بصله بحزن و قاله /والمطلوب مني يا اسد

اسد / كل اللي انا عايزك تعمله هو انك تساعد حسام انه يخ*طف حور فعلا ...

جاسر بصله بذهووول و قبل ما يتكلم اسد قاطعه و قاله

اسد / لعلمك وجود حور دلوقتي مع حسام هيبقي امان عليها من وجودها معايا ..لاني داخل حر*ب انا مش قدها مع عبدالرحيم ده لان نور مخطو*فة .. علشان كدة عايز حسام يخ*طفها

جاسر بتوتر / انا بجد مش فاهمك يا اسد .. والله بس انا هعمل اللي انت عايزه بس علشان خاطر ضميري و خاطر البنت الغلبانة دي

اسد / وانا موافق يا جاسر واوعدك اني مش هدخلك في اي حاجة تاني ابدا .

جاسر / بس انا عايزك تجاوبني علي سؤال .. انت فعلا كنت بتحب فيروز ؟..و خنت حسام يا اسد؟

اسد غمض عينيه بوجع / يمكن انا غلطت اه مش هنكر بس اقسم بالله عمري ما كنت هتمادي في علاقتي معاها

انا اصلا كنت اعرفها قبل حسام من بدري و كنت هتجوزها .

فاق اسد من ذكرياته علي صوت كلكسات من عربيات كتييير. .. وركز تاني في السواقة و بدا يتحرك بالعربية

_______________________________________________

في المستشفي عند حسن

حور دخلت مع مراد و كانت متوترة اوي من مواجهة اي حد في العيلة

حور بصت لحسن بتوتر و قالتله / حمد لله على السلامه يا حسن يارب تكون بقيت احسن

نور بغيره/ الله يسلمك يا حور .. بس خير يعني ايه اللي جابك المستشفى

حسن خبطها في ذراعها /نور اتلمي.. الله يسلمك يا حور شكرا ... تعالي اقعدي ارتاحي

عاليا جده اسد اتكلمت وهي متعصبه/ ترتاح ايه وبتاع ايه انا عايزه افهم انت ايه اللي جابك هنا ثاني ما تبعدي بقى عننا ما كفايه اللي حصلنا من تحت راسك .. انا احفادي بيضيعوا بسببك انت وقرايبك

عزيز شخط في عاليا ودي كانت اول مره يزعقلها قدام حد و قالها/ عاليا اسكتي خالص وانتي يا حور ما تزعليش منها

يا بنتي بس اديكي شايفه اسد ما نعرفش هو فين وحسن حالته عامله كده هي خائفه عليهم مش اكثر

حوار بالدموع محبوس / ايوه ايوه طبعا عندها حق انا هاقف استنى اسد برا بعد اذنكم ..

وفعلا خرجت حور بره بس مراد ما سبهاش وخرج وراها

عزيز / ينفع اللي انت عملتيه ده حرام عليك البنت ذنبها ايه دي ضحيه وبعدين زي ما اسدا اتمرمط بسببها هي كمان تمرمطت بسببه ولا انت مش واخذه بالك ان اللي خط*فها كان حسام

عاليه بحزن/ لو سمحت ما تتكلمش معايا لحد ما نروح وبعدين انا ما ظلمتهاش هي اللي دخلتها علينا فقر

______________________________________________

بره الاوضه

مراد كان واقف مع حور وبيهزر معها

مراد/ ما خلاص بقى يا ست حور هو انت هتفضلي واقفه متنكده كده كثير ولا ايه باقولك ايه انا عندي حساسيه ضد الحزن وانا بقالي فوق الشهر في حزن ونكد وخناقات

و فاجاه مراد صوت بنت بتزعق / لا والله .. بقي ده الخطر اللي كنت فيه و ادعيلي .. طبعا وانا هستني ايه من واحد اصلا لسه عرفاه من يوم واحد

مراد / نسمة ..انت بتعملي ايه في المستشفي متاخر كدة

و ازاي ما تقوليش ليا. انك نازلة

نسمة / لا والنبي ..هو انت فاكر نفسك جوزي يا عسل انت

مراد شدها من ايديها/ قريب باذن الله .. بس برضو هربيكي انك ما قولتليش علي نزولك

و فجاه حور شافت اسد و هو جاي جريت عليه و حضنته

و عيطت علطوول و دانها كان نفسها تشوفه علشان تشتكيله

اسد و هو دافن وشه في رقبتها / و حشتيني اوي يا حور

انا مش عارف اليومين اللي فاتوا دول عدوا عليا ازاي

انا حرفيا كنت بموووت

حور بدموع / انا كنت عمالة ادعي وانا هناك اني اشوفك بس يا اسد والله . انا اول مرة احس اني فعلا مقدرشي اعيش من غيرك كدة .. و النبي ما تسيبني تاني

اسد / والله ما هيحصل بس حبيبي كفاية عياط انا اهو جمبك و معاكي .. مراد انا هاخد حور شوية برا المستشفي

و راجع تاني ....

و فعلا خرجوا من المستشفي و راحوا عند العربية و اول ما دخلوا اسد حضن حور جامد / انا واحشني حضنك بجد يا حور .. اوعي يكون حسام قربلك او عمل حاجة

حور / لا والله خالص ..بس ..ايه ده انت ميييين

اسد 😳😳😳😳😳😳

استوب تفتكروا مين ..؟؟؟

____________________________________________

( 32)

في العربية في الشارع ..

اسد بص ناحيه اللي بصه فيها حور واتفاجئ اني فيروز واقفه بره العربيه وهي اللي خبطت على الشباك

اسد بصدمة خرج من العربية / انتي .. عايزة ايه مني تاني انتي ايه يا شيخة مش بتفهمي ، ابعدي عني بقي انت بسببك حياتي كلها ادمرت .

حور مسك ايد اسد بدهشة / اسد مين دي .

فيروز بدموع/ انا فيروز .. اللي الدنيا كلها حاولت تقف قصاد حبي لاسد بس مقدرتشي ولا هتقدر سامعة .

وبصت لاسد بتحدي / انا سبق و بعت الدنيا كلها علشانك

و مستعدة اعمل كدة تاني و تالت و رابع و عمري ما هياس علفكرة ..اسد احنا ممكن نتجوز و نسافر و كل الفلوس اللي معايا خدها و ابدا شغل ليك باسمك انت و ارجوك ما تقوليش لاااء .. دي تالت مرة بعرض عليك نفس العرض ..

اسد بغل / و دي تالت مرة برفضه يا فيروز ..جاية تاني ليه

ما انتي اتجوزتي واحد تاني غير حسام .. ايه عايزاه هو كمان يحاول يقت*لني ..انت عايزة كل الناس تتخانق عليكي مش كدة .

فيروز بصوت عالي / اسد متضحكشي علي نفسك انا بحبك

اسد بنفس الصوت العالي و بحدة / وانا بكرهك ..و بكره اليوم اللي قولتلك فيه اني بحبك ..و نفسي ادي قلبي بالجزمة انه حب واحدة رخ*يصة زيك ماشية تك*سر في الناس ، انا سببك خسرت كل الناس خسرت اخواتي و ولاد عمي و نزلت من نظر جدي و خو*نت ثقته ... انا بكره نفسي بسببك اوي .. انتي وقعة الشاطر اللي بالف يا فيروز

حور حطت ايديها علي كتفه / اسد و حياتي عندك اهدي

شوية و تعالي نمشي من هنا

فيروز بغل مسكت أيدها و زقتها من علي اسد و قالتلها بعصبية/ اوعي تلمسيه تاني .. اسد ده حقي انا

اسد مسك ايد فيروز و لواها / دي الوحيدة اللي لو جيتي جمبها هقت*لك و انا بنفس راضية .. حور اركبي العربية

و فعلا اسد ركب العربية و مشي بيها و ساب فيروز واقفة بتعيط بوجع.. ..

فيروز / غبي و هتفضل طول عمرك غبي .. ده انت الوحيد اللي انا ممكن ابيع الدنيا كلها علشانه يا اسد ..ليه بتعمل فيا كدة ليه

______________________________________________

في المستشفي ..

مراد / الله ما انا قولتلك دي حور هتبقى امراه اسد ابن عمي وبعدين ما انت عارفه كل الحوارات وكنتي معايا امبارح

نسمه/ بس كنت برده المفروض تقول قدامها ان انا البنت اللي انت معجب بها وعايز تتجوزها

مراد يضحك/ يا سلام هو انا لازم يعني اقولها ان انا معجب بيكي ..هاخذ رايها مثلا ما هو انت مش شايفه لما شافت الاسد عملت ايه اساسا اخدته حضن مطارات ..عقبالي يارب

نسمة ضحكت جامد / يسلااام .. علفكرة انا لازم امشي زمان بابا اصلا بيدور عليا

مراد مسك ايديها / تمشي ايه بس ..ده ما صدقت اقولك و ربنا تقومي قايلالي امشي .. ما تجيبي حضن بسرعة محدش واخد باله

و فاجاه ... / نسسسسمة

مراد بخضة / انتي بتعرفي تتخني صوتك كدة ازاي ..

نسمة بخوف / بابا .. ده. .. ده

والد نسمة عزمي / انت ماسك أيدها كدة ليه يا حضرتك

انت جاي مستشفى هنا تحب في بنات الناس .. صحيح شباب بايظ و طايش .. و انا هناديلك الامن حالا

مراد اتحرج / امن ايه بس الي هتجيبوا يا باشا استهدي بالله ده انا مراد العقاد برده شكلي وبرستيجي قدام الناس

ما بنفعشي .. و بعدين انا ورحمة ابويا غرضي شريف اصلا

عزمي / انت قولت ايه ..

مراد / ايه يا دكتور ..بقول غرضي شريف

عزمي / لا انت قولت انت مراد العقاد ..حفيد عزيز العقاد مش كدة ولا تشابه في الاسامي

مراد بدا يرتاح شوية و يتكلم بثقة / اه انا هو ..مراد حفيد عزيز العقاد و ابن عم اسد العقاد طبعا حضرتك بتسمع عننا اخبار

عزمي / اخبار سودة و منيلة ..شباب بايظة معاها فلوس

و اسد العقاد معروف عنه انه اعت*دي علي واحدة و خا*طفها و فخور اوي بنفسك ولو شوفتك واقف مع بنتي تاني أنا هخرب بيتك .. وانت تعالي معايا

عزمي اخد نسمة و مشي و ساب مراد واقف مزهول من الكلام ده ..هو طول عمره بيسمع مدح عمره ما سمع اهانة وقال نفسه / ايه الراجل قليل الذوق اوي ده بجد

و بعدها خرج عزيز و عليا ..

عزيز / مالك يا ابني واقف مصدوم ليه كدة .. وفين حور

مراد / راحت مع اسد .. انتوا خلاص ماشين تحبوا اجي اوصلكوا

عزيز / اه هنمشي و هنيجي بكرة .. حسن باذن الله هيخرج بكرة الصبح اقعد جمب اخوك و خلي بالك منه و بعدين معانا السواق ..يلا يا عليا

و فعلا جده مشي هو و جدته .. و مراد رجع تاني وقف مصدوم ..

______________________________________________

في العربية. .

حور/ ممكن كفاية بقي عصبية و توتر و اهدي ..اسد ارجوك اهدي ..انا مش عايزة افهم اي حاجة حصلت زمان ..صدقني انا كل اللي يهمني هو دلوقتي

اسد / بس انا لازم اقولك علشان ارتاح يا حور .. بس لازم الاول نتجوز علشان كدة احنا هنسافر الصعيد لعلي لازم نكتب الكتاب بكرة بالكتيير ..

حور / لا. طبعا انت مش شايف شكلك عامل ازاي .. نسافر بكرة انت محتاج ترتاح يا اسد ارجوك

اسد / بصراحة عندك حق ..انا مش قادر اسوق تاني .. طب نطلع علي الفيلا

حور / لا الفيلا لاء يا اسد لو سمحتي .. تعالي نروح اي اوتيل

انت جدتك مش حباني و مش هقدر اروح هناك علي الاقل لحد ما نتجوز

اسد / طب مش وقتوا الكلام ده .. احنا هنروح اوتيل نرتاح فيه لحد الصبح ...

و فعلا راحوا اوتيل هما الاتنين ... و حور قعدت ترتاح و اسد هو اللي حجز غرفة و بسبب علاقاته ما طلبوش البطايق و لا قسيمة الجواز ..

اسد / يلا يا حور ..انا حجزت اوضة .

حور / ايوة اوضة ليك مش كدة .. فين مفتاح اوضتي انا

اسد ابتسم / لا والنبي هي اوضة واحدة لينا احنا الاتنين

انا مش هبقي مطمن و انتي في مكان لوحدك

حور / يسلام اومال عايزني اقعد معاك في اوضة لوحدنا

اسد بضحك / الله يرحم ..لا شكلك ناسية بقي مين كان بينام في حضني اصلا

حور بكسوف/ احم ..كنت فاقدة الذاكرة وانت عارف كدة كويس و بطل بقي علشان انت بتحرجني بجد

اسد / طب يلا قدامي بدل ما نرجع تاني الفيلا ..هي كلها ليلة واحدة

و فعلا حور وافقت و طلعوا الاوضة و اسد كلم جده و طمنه عليه. قاله انه هياخد حور و يسافرو البلد بكرة الصبح .

______________________________________________

في الاوضة عند حسن و نور ..

نور / انا كنت همو*ت من الخوف عليك علفكرة ..واخد بالك

حسن ابتسم / بصراحة واخد بالي و خايف احسن اول ما اخف تقلبي عليا تاني

نور / لا متقلقشي انا عارفة دلوقتي حقيقة مشاعري .. عارف لما كنت مخطو*فة

حسن / محسساني انه عدي عليه سنين ليه كدة ..انت كنت مخطوفة امبارح يا بنتي

نور / بطل بقي رخامة ..عارف الراجل اللي دخلي الاوضة في السر واداني التليفون و اسد كلمني و قالي اوعي تقلقي احنا هنيجي ...وقتها انا مطمنتش خالص برغم اني عارفة اسد و انه فعلا هينقذني .. و فضل قلبي مرعو*ب لحد ما اداك انت التليفون و قتها بس ارتاحت اوي و اطمنت منك انت

حسن / انتي بتتكلمي بجد يا نور

نور / والله ايوة ..انت عارف انا اول ما عرفت انك اتصابت

و دخلت مستشفي انا لقيت نفسي بصرخ و اعيط بهسترية

حسن ابتسم / انا و ربنا متفاجاه باللي انت بتقوليه ده ..

هو انت بتعيطي ليه بس دلوقتي

نور بدموع / وانا كمان متفاجئة اوي .. انا بعيط اني تعبتك كتير اوي ..واني حسيت بقيمتك متاخر اوي يا حسن

انا كنت مبهورة بحاجات كتير غلط .. انا كنت غبية جدا

حسن / بصراحة اه .. و تعبتيني اوي يا نور ..بس كله يهون علشان ابتسامة واحدة منك ..بقولك اي ما تقربي تجيبي حضن احسن مش عارف اجيلك الله يسترك ..

نور ضحت و قربت منه و حضنته ..

_____________________________________________*

في الاوضة في الاوتيل. .

حور / انا بقولك انت قليل الادب بس مش مصدقني ..

قال عايز تنام جمبي علي السرير قال

اسد / حور بقولك ايه هي أول مرة .. تعالي بقي ننام

و شدها لحضنه علي السرير ..

حور و هي في حضنه /. امم طب اسد ..

اسد / يا نعممم . انا عايز انام انا مش عارف بكرة شايلي ايه بجد يا حور ..يلا تصبحي علي الف خير

حور / مين فيرووز ..؟؟؟؟؟؟؟؟

اسد 🥹 😡😑🤜

استووووووووب ... و ادي البارت الجديد بسبب تعليقاتكم القمر والله ... و عايزة اراء بقي و افكار برضو عادي 🤣❤️

٣٣،٣٤

#حورية_في_عالم_الوحوش

#بقلم_يوستينا_سامي

حور / كنت عايزة اعرف مين فيروز دي

اسد بصلها بركيز و توتر

حور بصتله بقلق / مالك سكت ليه كدة فاجاه .. خلاص

يا حبيبي لو مش عايز تحكي بلاش

اسد و شدها لحور وقالها / فيروز دي اسوء حاجة حصلتلي في حياتي ... انا اصلا كنت عايز احكيلك بس كنت مستني لما نتجوز الاول بس طلاما انتي عايزاني احكيلك يبقي هحيلك دلوقتي ...

في يوم من حوالي خمس سنين كنا مسافرين روما مش علشان شغلي انا ..لكن كان حسام عنده صفقة مع شركة و المفروض انه هيقابل حد هناك زي مندوب للشركة دي و كان اول مره يشتغل لحسابه و فكان محتاجني جمبه اشجعه.. يومها انا طيارتي اتاخرت عن حسام و اضطر حسام و جاسر انهم يسافروا قبلي انا و حسن .. و يومها ..

فلاش باااك ..

في مطار ...

اسد بحده./ يا دي الحظ ادي الطيارة فاتتنا يا فالح كان لازم يعني توصل الست نور الامتحان و تطمن عليها كمان ..حنين اوي

حسن/ اه كان لازم اطمن عليها ..ده النهاردة اول امتحان ليها ولازم كنت اطمنها و اديك كنت شايف هي كانت خايفة ازاي

و بعدين الطيارة تتعوض بس امتحان نور لاا

اسد / يالهوووي يا امااا .. بقولك اي انا ماليش في جو حب الاطفال بتاعك ده .. اوعي خليني اشوف الطيارة التانية اللي طالعة روما ميعادها أمتي ..

و فعلا سالوا و طلعت الطيارة اللي مسافرة روما التانية بعد 6 ساعات ..

اسد / عاجبك كده يا سيدي طلعت بعد 6 ساعات

حسن بصله بفرحة / كويس حتى نور تكون خرجت من الامتحان واتطمئنت عليها

اسد بغيظ./ ارحمني يا رب.. باقولك ايه احنا هنفضل قاعدين الست ساعات دول لحد ميعاد الطياره واهدى بقى

فعلا اسد وحسن فضلوا قاعدين في المطار لحد ميعاد الطياره لكن حسام كان متضايق جدا عشان ميعاد الاجتماع وكان نفسه انه يبقى اسد معه

في التليفون

حسام/ يعني انا مش منبه عليك انك تيجي من قبلها صممت انك تيجي نفس يوم الاجتماع وقلت مش مشكله كمان هتيجي بكره ..طب ما تروح احسن بقي

اسد /والله يا حسام ما ليش دعوه ده حسن هو اللي عمل كده ..وبعدين يا سيدي باذن الله ربنا هيوفقك في الاجتماع ده و هتتعاقد مع الشركه واجي نحتفل

وبالفعل اسد حاول يهدي جاسر وحسام وفضلوا قاعدين في المطار لحد ميعاد الطياره ما جات وطلعوا الطياره بس حصلت مشكله وهما طالعين وشافوا واحدة بتتخانق مع مضيف

المضيف / خلاص احنا اسفين جدا علي اللي حصل ده

فيروز/ يعني ايه ..احنا اسفين يا انسة ..ده بيتكلم معايا بقمة قلة الذوق .

وقتها اسد شافها وتدخل بينها وما بين المضيف

اسد / خلاص معلش حصل خير ..هو بس ايه اللي حصل

فيروز/ وانت مالك وايه يدخلك اصلا

اسد بغيظ / تصدقي ان انا غلطان هو ايه اللي حصل يا كابتن

الراجل/ مافيش يا فندم كوبايه العصير اتدلقت على الانسه وانا باعتذرلها وهي مش متقبلة الاعتذار وانا مش عارف اعمل ايه

اسد / ما خلاص بقى ما حصلش حاجه يعني لده كله

حسن /ايوه وبعدين هو شغال هنا ولو انت اشتكيتيه ممكن يتاذي في شغله فحرام عليك يعني و يا ستي و لو على الفستان هيتغسل اكيد

فيروز /اكيد انا مش عايزه اشتكيه بس انا عندي ميتنج مهم جدا النهارده مش كفايه متاخره عليه لا كمان الفستان يبوظ

اسد بضحك / بصره انا كمان كان عندي ميتنج مهم جدا وما اقدرش اروحه يلا نطلع الطياره يا هو انتي اسم ايه

فيروز بثقة / اسمي فيروز ..

اسد سرح في طريقتها و جمالها و خصوصا انها كانت مميزة في كل حاجة وفعلا اعجب بيها من اول نظره واعجب بطريقتها وثقتها في نفسها

وبالصدفه كانوا قاعدين قريب في الطياره واتكلموا مع بعض وحسن كان مخنوق منها جدا لانه كان حاسس انها مصطنعه و عدى اليوم لحد ما وصلوا روما واخذوا ارقام تليفونات بعض وتوعدوا ان هم يتقابلوا ثاني يوم ويفطروا مع بعض ...

وصل اسد الاوتيل اللي كان فيه حسام وجاسر وحسام اول ما شافه جري عليه وحضنه وكان مبسوط جدا ان هو تقابل مع المندوب و وافق على عرضه وتعاقد مع الشركه ..

اسد بفرحة / لا دي محتاجه بقى حته حفله وخروجه عشان نحتفل بالعقد الجديد بتاعك ..ربنا يوفقك يا حوس

حسام/ انا فعلا مش مصدق بس عارف تحس ان امبارح كان يوم متلخبط قوي المندوب اللي اسمه جاك اللي فيه دوت كان مفروض معاه واحده ثانيه بس حصلت برده ظروف وما عرفتش توصل المهم قالوا نروح نعمل حفله عشان نحتفل بتعاقد الشركتين بعد بكره

اسد / طب كويس جدا انه بعد بكره عشان انا بكره عندي عشاء مع حد يعني لسه متعرف عليه

جاسر/ لا وانت الصادق اسمها عندنا عشاء هو انت اتعشى لوحدك يعني ولا ايه

حسن/ لا اهو هيتعشى معها مش معاه و اكيد مش هيعزمنا صح اسد .

جاسر / اوبا يا اسد هو انت علقت واحدة هنا في روما ..طبعا اسد باشا مش بيضيع وقت ابدا

اسد ضحك/ انتوا مكبرين الموضوع قوي كده دي بنت لسه متعرف عليها في المطار هي بص طريقتها غريبه شويه وعنيفه بس ثقتها في نفسها احلى حاجه فيها

حسن/ دي بنت دمها ثقيل وشايفه نفسها حاجه وهي ولا حاجه اصلا بيقولكم ايه انا رايح اتكلم في التليفون اطمئن على نور

وفعلا قام حسن وجاسر استغرب جدا /هو امتى بقى هيفهم ان نور اصلا بتبصله كانه اخوها كبير ولا يمكن تحبه

اسد / يا ابني بطل البواخه بقى ما تقولش كده قدامه عشان ما يزعلش ...

وفعلا يومها اسد طلع الاوتيل وارتاح وثاني يوم خرج اتعشى مع فيروز وفضلوا يتكلموا شويه عن شغلها وشغله وتفاجئ اول ما قالتله

فيروز /اصل النهارده انا قضيته كله في المطاعم كنت الصبح باتغدى مع صاحب شركة والنهارده بتعشى معاك يعني

اسد /صاحب شركه مرة واحدة.. شركه ايه دي بقى واسمه ايه

فيروز و هي بتاكل/ وانت مالك ..ولا انت بقى بتغير ولا ايه عشان افهم بس

اسد ابتسم بثقة /طب و ليه لا .. عارفه يا فيروز انا اول ماشفتك وا عجبت بيكي يمكن تستغربي بس انا صريح شويه

و فكرت كمان انك انتي لو عايزه تشتغلي في مصر تشتغلي معايا و نبقي شركاء ... ايه رايك.

فيروز ابتسمت / والله افكر ليه لا يعني ده انت حتى اسد العقاد مره واحده

اسد ابتسم بغرور /طب اتفضلي كلي احسن الاكل برد

وفعلا قضوا اليوم مع بعض حتى ثاني يوم العزومه اسد وفيروز برده خرجوا مع بعض .. وما كانش يعرف خالص انها نفس المندوبه بتاعه الشركه و حس وقتها انه بيحبها

لحد ما في مره حصلت حاجة دمرت كل حاجة

كان اسد في اوضته و جاسر دخله الاوضه هو وحسام ..

حسام/ كويس ان انت صاحي احسن انا عايز اتكلم معاك في موضوع رهيب... رهيب بجد

اسد /بجد ربنا يستر يا حسام عشان انا باخاف من مواضيعك

حسام/ لا عيب عليك انا قررت قرار هيعجبك اوي

فاكر المندوبة اللي انا حكيتلك عنها بتاعت الشركه كانت هتنزل مصر وقررت انا فاتحها ان انا في الموضوع الارتباط

اسد بفرحه/ ايوه بقى هو ده الكلام يا عم حوس

طالما معجب بيها يبقي اتقدم واخطبها بس هي شكلها حلو

جاسر/ الصراحه زي القمر بس مغرورة شويه برده يا ريت حسن بجد كان معنا ..

اسد بتريقة/ وهو حسن يقدر يقعد ده بعد الحفله اللي احنا عملناها رجع مصر عشان خاطر نور وامتحنانها طبعا

المهم انا لازم اتعرف عليها واشوفها ولا ايه حسام

حسام / هو انا هاستنى لما تتعرف عليها وتشوفها يا ابني

انا و هي اتصورنا مع بعض كتير استني اوريك الصور

وفعلا اسد شاف الصوره ولقاها نفس البنت هي فيروز وفجاه علامات الصدمه والفزع اترسمت على وشه حتى فشل ان هو يقدر يخفيها وما يبقاش عارف يتصرف

حسام /والله لتقولي شكلها عامل ازاي هي حلوه قوي صح

اسد ما كانش قادر يتكلم بس اكتفي انه يحرك راسه بمعنى ايوة ..وفعلا خرج حسام من الاوضه اول ما جاله تليفون منها واسد برده كان مصدوم ما كانش عارف يتكلم

وجاسر حس ان في حاجه مش طبيعيه وقرب من الاسد وحط ايده على كتفه

جاسر/ اسد انت كويس انت وشك اتغير اوي اول ما شوفت الصوره هو انت تعرفها قبل كدة .

اسد بسرحان / حسام بيحبها قوي وهو لسه عارفها من الاسبوع طب ازاي .

جاسر /اسد انا باكلمك هو انت تعرفها ..اسد ما ترد عليا

اسد بصله بتوتر حاول بخفيه ورد عليه بثقه / اول مره في حياتي اشوفها

ووقتها قرر انه يغير هدومه وينزل المطار ويحجز اول طياره راجعه القاهره ..

باااااك

فاق اسد على صوت حور/ يعني انت مواجتهاش وبعدين طالما كنت بتحبها ليه ما قلتش لحسام اللي انت بتحبها وقررت ان انت تسيبهاله .. كنت خايف تجرحه مثلا

اسد/ لا مش بس عشان مااجرحش حسام بس لكن علشان هي كانت كذابه، وكانت مع كل واحد فينا بوووش

وبعدين انا ما كنتش حبيتها اصلا زي حسام انا بس كنت معجب بها ومصدوم من الصدفة

ولما حاولت المح لحسام بعد ما رجعنا مصر هو كان رافض وقرر يتجوزها بسرعه جدا بس قبل كتب الكتاب باسبوع واحد ... فيروز جاتلي وقالتلي انها بتحبني وانها مستعده تسيب حسام و نتجوز انا و هي ونسافر بره مصر .

حور /وانت كان ردك لا.. علشان ما بتخسرش صاحب عمرك مش كده .. هو حسن ازاي ما قلووش

اسد/ انا اللي منعت حسن انه يقول وخصوصا ان حسن كمان ما كانش يعرف ان علاقتي بفيروز تطورت انا قلتله شفتها بس في المطار وخرجت اتعشينا مع بعض والموضوع انتهى

للاسف خبيت عن حسام و دي كانت اكثر حاجه غلط انا عملتها في حياتي...

بس هي كانت شيطانه ونفسها توقع بيني وبينه وكانت كل ما بتشوفني لازم تعمل اي حاجه تثبت انها بتحبني

علفكره انا عمرب ما خنته بس عمري ما اقدر اقول اني مافكرتش فيها في احلامي برضو يا حور

دي كانت اول مره اشد لواحدة او افتكر اني بحب اصلا طول عمري كنت قافل على قلبي ورافض احب او اتجوز لحد ما اتخدعت فيها وحسام اكتشف كل حاجه

حور / طب و حسام اكتشف ازاي طيب وعمل معاكم ايه

اسد بتعب حط ايده علي راسه و قالها / حور انا مش قادره اتكلم ثاني وبعدين نكمل انا محتاجه انام دلوقت.

وفعلا حور راحت على السرير وبدات تنام

لكن اسد ساب دموعه تخونه وبدا يعيط على الذكريات وانه خان اعز صاحب له يمكن مش بالفعل بس بالمشاعر والاحاسيس ..خان ثقه صاحبه لما كان بيسيبوا معها في مكان واحد و كان بيمسك ايديها او يبصلها في عينيه ..

___________________________________________

في الفيلا عند حسام ..

كان قاعد في الاوضه اللي كانوا دائما بيقعدوا فيها هو واسد وقرر انه يطلع كل الصور اللي كانت تجمعهم من ايام زمان لحد يوم فرحه علي فيروز و يفتكر كل مواقفه معاه وكان بيعيط بحسره .

قبل فرحه بساعات

حسام / باقولك ايه انا عايزك النهارده في الفرح بتاعي تبص على كل البنات وتنقيلك واحده انا عايزه افرح بيك بقى

اسد بحزن / مالكش دعوه بيا وركز النهارده في نفسك يا عريس ممكن بقى ويلا عشان تلبس البدله

و فعلا اسد كان فرحان ليه او كان بيمثل فرحته ...

حسام فاق من ذكرياته .. انا كنت عايز اخ*طف حور منك يااسد ..علشان كان نفسي تحس بحسره الفراق والخداع انا مش زعلان ان حور رجعتلك تاني .. انا زعلان علي نفسي اني مش قادر اكره فيروز لحد النهاردة .....

____________________________________________

في بيت نسمة و والدها عزمي ..

والدها / انا عايز اعرف ايه علاقتك بالولد ده يا نسمة و حزاري تكدبي انا عمري ما ربيتك علي الكدب انتي سامعة ولا لاااء

نسمة عيطت جامد / انا عمري ما خبيت علي حضرتك حاجة ابدا علشان كدة .. انا هقولك علي كل حاجة حصلت

و فعلا بدات نسمة تحكي حاجة حصلت بالتفصيل و قالت كمان عم مشاعرها من ناحيته و عزمي كان مصدوووم

عزمي مسك ايديها بحدة / انتي اكيد اتجننتي و هو لما قالك الكلام ده انت صدقتيه ..انتي عارفة ان دول اسهل حاجة عندهم الكلام الحلووو .. و بتقولي كمان روحتي معاه امبارح

انا فعلا مش عارف اعمل فيكي ايه

نسمة / انا عارفة اني غلطت اني خبيت .. وأن حضرتك دايما شايفني غلبانة و مش بفهم اللي قدامي بس انا فعلا بحبه

عزمي بغل و لاول مرة ضرب نسمة بالقلم / حب ايه اللي من يووووم ..بس العيب مش عليكي العيب عليا انا اللي وثقت في عقلية عيلة زيك .. ماشي يا نسمة يا انا يا انتي و يكون في علمك من النهاردة مافيش خروج من البيت انا هسيبلك الموبيل بس لو عرفت انك اتكلمتي معاه والله ما هسكت

اتفضلي علي اوضتك حااااالا

و بالفعل دخلت اوضتها و فصلت تعيط جامد. و بصت لقت تليفونها بيرن و مراد هو اللي بيكلمها ..عياطها زاد اكتر و قررت انها ترد

نسمة / الوووو ..مراد انا مش عايزة اسمع صوتك تاني في حياتي كلها ..انت فاهم

مراد / 😳😳😳😳🥹

#حورية_في_عالم_الوحوش

#بقلم_يوستينا_سامي

مراد في اللحظة دي حس ان قلبه اتخ*طف فاجاه و مكنش عارف يرد علي نسمة و كانه مخه لسه مستوعبشي اللي حصل و فاجاه لقه التليفون اتقفل في وشه ..

مراد. / الووو نسمة ..الووووو.

هي قفلت السكة في وشي ليه ، انا عملتلها ايه بس

اكيد كل ده بسبب ابوها بس انا لازم اروحله .

و قعد مراد علي السرير بتاعه و مكنش عارف يتصرف

و حس ان فيه حاجة مهمة اوي عنده هتضيع منه و قرر انه ينزل من اوضته و يروح يكلم جده و يحكيله عن نسمة بس تراجع تاني و دخل اوضته ....

مراد. / ايه اللي انا عايز اعمله ده اكيد نايم و تعبان كمان خلاص انا هستني لحد بكرة .

و بدا يطلع موبايله و يرن علي نسمة بس لقه تليفونها مقفول و قرر انه يبعتلها رسالة ع الواتس بصوته ......

ع الواتس

مراد / نسمة ارجوكي ماتعمليش كدة انا مقدرش استغني عنك .انا عارف ان عمي اكيد فاكرني بضحك عليكي بس والله العظيم انا غرضي شريف .. والنبي ما تصدقي حاجة عليا يا نسمة ، ده انتي الوحيدة اللي حبتها اصلا

انا ممكن اكون عرفت فعلا بنات قبلك بس انا عمري ما عملت حاجة واحدة غلط ، حتي الكلام اللي بيطلع علي اسد كله كدب .. احنا اتربينا والله كويس .

و بعت الرسالة و فضل طول الليل مستني انها تشوفهااا .. وفعلا مر اليووووووووم بسلام ..

_______________________________________________

تاني يوم الصبح

في الاوتيل عند اسد ..صحي من النوم لقه حور نايمة علي دراعه ابتسم بحب و قربها لحضنه و بدا يلعب في شعرها

اسد بصوت واطي جمب ودنها / و ربنا ملاك و انتي نايمة

بقولك ايه قوومي علشان انا الشيطان عمال يلعب في دماغي من امبارح و انا هموت وانفذ كلامه بس ضميري مش مطاوعني والله ..

حور بدات تفوق من صوته و فتحت عينيها و لقته قريب منها

حور بدلع/ امم اسد انت فعلا موجود ولا انا بحلم برضو

اسد ضحك / انا موجود ، و بصراحة كدة احسنلك يا بنت الحلال انك تقومي حالا بدل ما انا مش مسئول عن اللي هيحصل ..

حور / يسلاام و انت بقي هتعمل ايه مثلا ، علفكرة انا مبخفشي و خصوصا منك علشان واثقة فيك اوي

اسد / لا والله ..طيب تعالي بقي خليني اجرب و نشوف بتخافي ولا لااء .. و بدا اسد يزغزغ حور بحب و هي قامت من السرير تجري بس مسك ايدها و شدها عليه

اسد و هو قريب منها اوي / رايحة فين ، مش انتي قولتي انك مش بتخافي ولا لحقتي ترجعي في كلامك يا عسل .

حور بدات تتكسف من قرب اسد / اسد ابعد وشك عني كدة و انا بتكسف والله ، ابعد بقي يا غلس .

اسد و هو شبه حاضنها / انا هبعد بس خدي بالك هننزل نفطر و نروح علطول الصعيد انا هكتب عليكي النهاردة انا مبقتش قادر علي البهدلة دي والله يا بنت الناس .

حور ضربته في بطنه جامد / ومين قالك اني موافقة مثلا اني اتجوزك يا بابا .

اسد ضحك بتريقة / يا حبيبتي ..هو انا اصلا بسالك ..ده انا بامرك .. حور خمس دقايق والاقيكي لابسة و جاهزة سامعة ولا ادخل انا اساعدك

حور / يا قليل الادب ..

و جريت حور علي الحمام تغير هدومها و فعلا نزلوا يفطروا و بعدها راحوا الصعيد لعلي ..

______________________________________________

في البيت عند جاسر... صحي جاسر من النوم مفزوع علي صوت صريخ في الصالة واول ما خرج اتفاجاه بحياه واقعة علي الارض و حواليها دم ...

جاسر اول ما شاف منظرها وقع علي الارض جنبها و فضل يحرك فيها بهسترية / حياااه مالك .. اي الدم ده ردي عليا

حياااااه .. اعمل اي يا ربي اعمل ايه

حاول جاسر انه يقوم و يشيها بس فاجاه حد ضر*به علي راسه ووقع جاسر مغم عليه ..

الشاب / ايوة يا عدنان تمام احنا وصلناااا ليهم .

وحالا هيبقي معانا في المخزن بس البنت الي كانت معاه واضح انها بتنز*ف جامد

عدنان / ارموها في اي حتة انا عايزه هو و بسسسسسس حسام معاه و لا لاااء

الشاب / لا يا باشا هو معاه البنت دي بس .. لا معاه اسد ولا حسام

عدنان / خلاص هاتووه ..

و فعلا قفل معاه و اخدوا جاسر العربية و سابوا حياه في البيت زي ما هي ...

___________________________________________

في الفيلا .. .. صحي عزيز و عليا و كانوا مش بيتكلموا مع بعض من ساعة المستشفي .. و عليا صحت مراد علشان يروحوا لحسن..

في العربية عليا كانت حاسة ان مراد متغير و انه سرحان

عليا / مالك يا حبيبي ، انت سرحان كدة ليه ده انت حتي شكلك مانمتش خالص .

مراد / مخي مشغول شوية يا جدتي متخفيش عليا . بس انا في موضوع محتاج اكلمك فيه اول ما نطمن علي حسن .

عليا قرب مراد منها و سند راسه علي كتفها بحزن ..

عليا / نفسي اطمن عليكوا بقي .. حالك انت و اسد مايسرش ابدا ..

مراد بدا يدمع و هو ساند راسه علي كتف عليا / واضح ان احنا مكتوب لينا الشقاا و كل الناس نفكارانا اننا مرتاحين و كل يوم بنسهر في مكان شكل ، ما يعرفوش ان عيلة العقاد كلها مصدومة عاطفيا .. و بدا مراد يضحك بتريقة ..

عليا مسحت دموعه و ضحكت / والله انت الوحيد اللي بتصبرني علي اي حاجة في الدنيا يا مراد .. ارتاح يا حبيبي شكلك تعبان اوي ..

وصلوا المستشفى واخذه حسن ونور وكان مراد وهو في المستشفى عمال يبص على نسمه او والدها بس لما سال عن الدكتور عزمي عرف ان هو واخذ اجازه فرجع الفيلا وهو متنكد جدا وحسن كان حاسس به وحاسس ان في حاجه غريبه مش ده مراد اللي دائما يضحك ..

واول ما وصلوا الفيلا ومراد سند حسن عقبال ما وصل لاوضته وجاي يخرج من الاوضه....

حسن/ استنى هنا رايح فين و سايبني لوحدي

مراد / عايز مني حاجه ثانيه ما انا جبتك اوضتك اهو وهاسيبك عشان ترتاح وادخل انا كمان ارتاح .

حسن/ اه عايز منك حاجات مش حاجه واحده اول حاجه هتجيب المخده دي عدل عشان اعرف انام

ثاني حاجه انا عايز اكل عشان انا جعان وما اكلتش حاجه في المستشفى لان اكلها متعب ثالث حاجه عايز كوبايه ميه ، رابع حاجه .

مراد بحدة / حيلك حيلك هو انا شغال عندك ولا ايه انا هنادي اي حد من الخدامين وتقوله اللي انت عايزه .

حسن / بقي كدة ...طب انا عايزك انت يتنفذ اللي انا عايزه وقلي بقى هتقول لا ازاااي

مراد/ هو احد قالك ان انت اشتريتني وانا ما اعرفش مالك يا حسن ما تتهد كدة انا مش فايقلك مودي مش حلو اصلا

حسن/ طب كويس انك اعترفت على نفسك.. اقعد بقى يا حلو وقلي مالك من ساعه ما جيت المستشفى وانت عينك مش في وشك اصلا وعمال تدور على حد وسبتنا وروحت سالت على حاجه ما لك بقى .

مراد / طب كويس ان في حد اصلا حاسس بيا عموما انا كويس ما تقلقش عليا بس مش متضبط..

حسن انا عايز اسالك سؤال هي ليه الناس فكرانا عشان احنا اغنياء ومعنا فلوس وبنطلع في القنوات ان احنا عايشين الحياه غلط في غلط و كلها حرام ،

وليه كلهم بيطلعوا على الاسد اسوا الكلام برغم ان هو عمره ما عمل حاجه وحشه في احد ولا اذى بنت

معقول تبقي هي دي ضريبه ان احنا نبقي معروفين طب ما احنا معروفين ان احنا من اشطر رجال الاعمال .....

حسن / ياه ده انت طلعت شايل قوي يا مراد بص يا حبيبي انا اول مره اكلمك بصفتي اخوك الكبير دائما كنت باتكلم معك صاحب لصاحبه .. بس انت محتاج النصيحه المره دي

مراد اي حاجه في الدنيا ليها ضريبه نجاحك ليه ضريبه شهرتك ليها ضريبة و نجاحك بيخلي الناس تبصلك وتتعلم منك واللي بيكرهك ومش عارف يبقى زيك ولا حتى عنده استعداد انه يتعلم بيطلع عليك اشاعات

الاهم بقي انك لازم ما تخليش كلام الناس قدامك هدف وما تحاولش انك تصلحه و تفهمهم ابدا .. اشتغل وبشغلك و بطريقتك واسلوبك هو اللي بيغير كلام الناس

ما لقتش احلى من الكلمه دي ان انهي بيها البارت فعلا اللي حابب ينجح بجد لازم يبص لقدامه و بسسسسس 😑

و يقول يارب انا عارفة ان في بنات كتير بتابعني من ثانوي و اعدادي نفسي اقولكوا كلمة واحدة بجد اجمدوا انتوا ابطال

وباذن الله ربنا هيوفقك خييير اوي و اوعوا تسمعوا كلام اي حد يحبطك ...اتفقناااااا ❤️❤️❤️

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا

قصر الروايات

القائمة الرئيسية

الصفحات

تابعنا من هنا

رواية حورية في عالم الوحوش البارت الحادى الثلاثون والثانى والثلاثون والثالث والثلاثون والرابع والثلاثون بقلم يوستينا سامي

أخر المواضيع من قسم : روايات حصريه

تعليقات

إرسال تعليق