رواية حورية في عالم الوحوش البارت الخامس والثلاثون والسادس والثلاثون والسابع والثلاثون والثامن والثلاثون والتاسع والثلاثون والاربعون والحادي والاربعون بقلم يوستينا سامي

٣٥-٣٦،٣٧

#حورية_في_عالم_الوحوش

في العربية ..حور قاعدة زهقانة و اسد كان بيسوق و مركز في الطريق .

حور كانت بتنفخ بزهق / انت عارف انا زهقانه اوي بجد ، والطريق شكله طويل اوي يا اسد

اسد بتريقه/ يا سلام هو انتي يا بت محساني ليه اني انا اللي عامل الطريق.... ما طول عمره الطريق طويل ، و بطلي فرك و استعباط و قولي عايزه ايه.

حور/ هعوز ايه يعني ، انا بس كنت بافكر يعني ان احنا نتكلم في اي موضوع عقبال ما نوصل عشان ما احسش بالملل .

اسد /يا شيخه وطبعا الموضوع ده له علاقه بحسام وفيروز مش كده ولا يمكن ليه علاقه بجاسر وصاحبتك .

حور / الصراحه بقى ما لوش علاقه بحسام ولا فيروز لاني مش طايقه الاثنين وكل ما افتكر الموضوع باتضايق بابقى نفسي اقولك انك غلطان بس ما بقدرش اقولها ..

اسد في اللحظه دي وقف العربيه وبص الحور /ومش عايزه تقوليها ليه بقى خايفه ازعقلك ولا ضميرك مش مطواعك

حور/ لا يا اسد علشان اول مره في حياتي احس اني مش عارفه افرق ما بين الصح والغلط ، بس انا حاسة انك

اذيت حسام و اذيته جامد قوي ووجعته وخدعته حتى لو مش بحسن نيه او بحسن نيه مش فارقه المهم النتيجه في الاخر .

اسد بحزن/ بس انا ما عملتش مع فيروز اي حاجه خالص يا حور هي اللي طول عمرها بتطارتني.

حور/ لا يا اسد مجرد نظرتك ليها اللي تحمل جواك حب دي خيانه لصاحبك ، اسد لو سمحت انا كنت عايزه اتكلم في موضوع ثاني كنت عايزه اطمئن على حياه وجاسر

اسد / انتي صح ..احنا لازم نغير الموضوع ده

حور انتي لازم تعرفي ان انا مش هاسمح لحسام ولا لاي احد من تبعه انه يدمر حياتي انا .. حور اوعديني دلوقتي انك ما تتكلميش في الموضوع ده ثاني ابدا مهما حصل .

حور / ماشي يا اسد وانا اوعدك اني مش هافتح الموضوع ثاني ابدا، بس برده انت لازم توعدني ان انت تنقذ حياه وتطلقها من جاسر لو هي عايزه تطلق ممكن .

اسد بحده /بت انتي اتجننتي خالص بجد ..

اولا خلاص هما سافروا لامريكا، ثانيا جاسر بيحب حياه جدا انتي مش شايفه نظرته ليها عامله ازاي

ده هاجر بره مصر خوفا من حسام لينتقم منه فيها

ثالث حاجه بقى هي اصلا حامل منه ….فما ينفعش.

حور/ ايوه بس انا بجد قلقانه عليها .. ولازم اطمئن عليها عشان خاطري انا يا اسدي ..

اسد حب الاسم ده اوي منها / يسلام بتاثري عليا انتي مش كدة .. عموما علشان خاطرك انتي بس انا هاكلمهولك

رغم ان المنبه عليا اني ما اعرفوش ثاني بس حاضر … بس لما نوصل بالسلامة ..

______________________________________________

في اوضة حسن

دخلت نور ولقت مراد قاعد متضايق هو وحسن

نور/ ايه يا عم مراد انت هتضايق حسن ليه ..

ما تسيبه يرتاح شويه .

مراد مسح دموعه بسرعه وبصلها بتحدي و هزار

مراد / وانت مالك يا رخمه اثنين اخوات بيتكلموا انت

ايه حشرك وسطنا بقي

نور/ لا والله ايه حشرني طب على فكره بقى اسمها اثنين اخوات بيكلموا وبنت عمهم دخلت عليهم دي حاجه

ثاني حاجه بقى انت بتكلم خطيبي فلازم اتدخل

مراد بص لحسن/ لا والنبي خطيبها بقيت خطيبها خلاص

حسن / اه واعترض بقى عشان تبقي انت اول واحد مايحضرشي فرح اخوه .. يلا قوم و خذ شاور كده وتروح المستشفى تدور عليها ولو ما لقيتهاش تجيب رقم ابوها

مراد انت لازم تاخذ موقف في الموضوع ده و وجهه نظر ابوها انت لازم تثبيتها انها غلط وبالفعل مش بالكلام ..

و فعلا خرج مراد من اوضه حسن ونور بصت لحسن بعدم فهم

نور / هو ايه الحكايه بالضبط على فكره هو شكله متضايق ومتغير من كام يوم

حسن ابتسم/ بيحب يا ستي و موضوع اسد وقضيته اللي انتشرت اخر الفتره دي عمل سمعه وحشه لينا كلنا والبنت اللي بيحبها ابوها قاله الكلام ده ....المهم انا عايزه اتكلم مع جدي على الموضوعنا

نور بتناكة / والله هتقوله انك بتحبني اووي و مش استغنى عني ولا هتقول له يا جدو جوزهالي احسن انت*حر مثلا.

حسن/ لا انا هاقول له ان في واحده عندنا في البيت اسمها نور تقريبا كده هتعنس قريب وما فيش حد عايز يتجوزها فانا هاعمل خير و هطلبها للجواز.

نور اتغاظت اوي / تصدق بقى انك رخم وبدات تضر*به

حسن ماسك يديها/ يا بنتي تعبان بطلي بقى افتره

عموما هاقوله فعلا ان في بنت باحبها قوي اسمها نور وعايزه اتجوزها بس انت ايه رايك موافقه .

نور / اه موافقة اوووووي كمان .

و حضنته

حسن ابتسم و حضنها / يا فرج الله ..انا اخيرا هقوله

و نتجوز يا نوور ..

نور / انا اسفة انا عزبتك انا عارفة ..حقك عليا يا حبيبي ..

حسن / حبيبك دي قلتيها و احنا في المستشفي و ساعتها معرفتش اتصرف لكن المرة دي انا لازم اتصرف ..

و فعلا قرب حسن من نور و باسهاااا و نور بادلته حبه ..

احم …يلا نروح نطمن علي جاسر 😜😉

_____________________________________________

في امريكا ..

حياه كانت واقعة علي الارض فوق اكتر من نص ساعة لحد ما وصلت الخدامة اللي جاسر جاي جايبها لحياه علشان تساعدها لانها حامل …

الخدامة / يا خبر ايه الد*م ده مدام حيااه ..ايه اللي حصل انتي كويسة ..مدام حياه ردي عليا ..

و لما ملقتش منها اي رد جريت و كلمت الاسعاف بسرعة و فعلا الاسعاف وصلت و اخدتها للمستشفي ..تفتكروا هيلحقوا ينقذوا حياتها هي و الجنين 😳. ..

في المستشفى …

الخدامة / قوللي ..المريضة حياه اي حصلها ..

الممرضة / انتوا مصرين صح .. عموما ادعيلها الدكتور بيقول ان حالتها سيئة جدا .

الخدامة / يا خبر اسود .اوعي يا حبيبتي تمو*ت قولي للدكتور دي مراة جاسر باشا ..

الممرضة/ ايه اللي انت بتقوليه ده يا ست انتي ..ادعيلها انتي بس ..

و فعلا فضلت حياه في اوضة العمليات فوق الساعتين و حالتها كانت مش مستقره اطلاقا

_______________________________________________

في قصر كبير و فخم جدا …

الرجالة رمت جاسر و هو مغم عليه علي الارض قدام عدنان او تحت رجله 🥹 ..

الراجل / اهو يا عدنان باشا ..جبتهولك زي ما وعدتك بالضبط

عدنان / عفارم عليكم يا رجالة .. بس انا كان نفسي تجيبوا اسد و حسام كمان .. بس معلش تتعوض

تقدروا تروحوا تاخدوا باقي فلوسكوا من جون ….

و فعلا الرجالة مشيوا و سابوا عدنان و جاسر …

جون / ناوي علي ايه يا عدنان ، الموضوع مش هيعدي بالساهل

عدنان / ولا هيقدروا يعملوا اي حاجة .. ما انا لو حبيت اضرب ضربتي اخترت الوقت السليم ..تقدر تقولي فين عيلة العقاد دلوقتي ، الاعلام قالب الدنيا عليها و اسد متشحطط

في كل مكان . و حسن في المستشفي و مراد لوحده ولا يقدر يعمل حاجة …اما حسام خلاص فاضله تكه واحدة و يتجنن

و مش بعيد هو اللي يموت نفسه .. فانا بقي هبدا اصطاد فيهم واحد واحد علي اقل من مهي …

جون / وانت هتعمل معاه ايه بقي

عدنان / خلي الرجالة تنقلوا المخزن تحت و تربطوا كويس و انا هفوقه بطريقتي ..

و فعلا ده حصل و نقلوووه مخزن القصر … و دخل عدنان ووقف بعيد شوية و بدات الرجالة ترمي عليه ماية ..

جاسر / 😳😳😳😳😳 .. اهااا دماغي ..

انا فين ،. اعاااه حد يرد عليا انا فين … عدناان 😳😳😳

عدنان / شوفت قد ايه الدنيا صغيره اوي يا جاسر

اديك اهوووو قدامي و تحت رجلي كمااااان

جاسر و الدموع بدات تتجمع في عينيه لمجرد ما افتكر منظر حياه و الدم اللي كان حواليها / مراتي يا عدنان ..ابوس رجلك انا مستعد تعمل فيا اللي انت عايزة انشالله تقطعني

او تمو*تني انا موافق بس مراتي و ابني لاااااا

عدنان / ايه ده انت لسه فاكرها .. تصدق انا لو كنت اعرف انها مراتك كنت خلتها موجودة معانا

جاسر بنهيار / خلتها موجودة !!!؟ .يعني ايه .. فين مراتي يا عدنان ، حرام عليك احنا معملناش فيك كدة ، مراتي لااااااا

ابوس رجلك ، ارحمها هي .. ابوس رجلك .😭😭

و بدا جاسر يعيط جامد و عدنان كان سعيد اوي بمنظره ده

عدنان قرب منه و مسكه من شعره جامد و قرب من ودنه و اتكلم بغيظ و حقد / لو كنت اعرف انها مراتك و انك هتعمل كدة علشانها .. واني هشوف دموعك و كسر*تك كدة كنت جبتها و قت*لتها قدامك بس ما كنت قت*لها في بيتكم ..

جاسر في اللحظة دي حس ان كل الدنيا اسودت قدام عينه و بدا ما يسمعش كلام عدنان ولا اي حاجة غير كلمة ؛ قتل*تهااااا

جاسر دموعه كانت بتنزل من عيونه بدون ارادة و بص لعدنان جامد / انت قتل*تها بجد 🥹🥹 اكيد لااااااا

يا حيااااااااه …يا حياااااااااه متسبنيش .

____________________________________________

في الصعيد

وصل اسد و حور و علي استقبلهم بفرحة كبيره

علي / بنت خالي ..حمدلله علي سلامتك ..

حور / علي الله يسلمك .. عيشة عاملة ايه ..

علي / زينة جوي ما تخفيش عليها هي جوا في الدوار ادخوليلها ..

اسد / تدخل اي بس يا علي مش انا اتفقت معاك الاقي الماذون موجود.

علي / ايوة يا سيدي و الماذون جوا .بس ارتاح الاول ..

اسد / لا اكتب الكتاب الاول يا اخي نفسي اطمن بقي ..

حور ضحكت جامد و اتكسفت من كلامه / اي يا ابني مستعجل كدة ليه ما براحة شوية .

اسد / لا مش براحة و اسكتي انتي بقي ..يلا يا علي .

و فعلا دخلوا الدوااااااااار و كتبوا الكتااااااااب 😜😉❤️

و اخيراااااا حور بقت حرم اسد العقاد 🥳💕

#عشقت_حورية

في الصعيد. .

علي بفرحة / الف مبروك يا ابن العقاد مش متخيل ان احنا خلاص بقينا نسايب .

اسد / والله العظيم ولا انا ..انا حاسس ان لحد دلوقت باحلم ، انا بجد مش مصدك اني اخيرا كتبت الكتاب

عائشه/ لاه صدج يا اسد ، هي كانت غمة وانزاحت بس بالله عليك خلي بالك من حور .احسن دي شافت كتير جوي .

اسد شد حور لحضنه / لا دي بالذات في قلبي اوعي تخافي عليها . بس مش احنا المفروض نطلع نرتاح برضو ولا ايه

يا علي ..

علي ضحك / ايوة طبعا احنا جهزنالكم الاوضة يا عرسان

و الف مبروك تاني .. ما تزغرطي يا عيشة

عيشة / طبعا ..هو في اعز من حور

حور حضنتها / ربنا يخليكي ليا يا رب.. وافرح بيكي انتي وعلي بقي ..

علي ببتسامة / هانت يا بنت خالي كلها كام شهر تبجي مرتي قدام العالم كلته

اسد / انا هبقي شاهد علي الجوازة دي ..ربنا يتمم بخير

و فعلا اسد اخد حور و طلع الاوضة .و حور كانت خايفة منه جدا و مكسوفة و حاسة ان هو مش ناوي علي خير ابدا ..

في اوضة اسد و حور

اسد بخبث/ احم انتي يا حاجة يااللي واقفة بعيد ممكن

لو مافيهاش قلة ادب تقربي شوية بس .ولا اجي انا

حور / نهارك اسود اوعي تقرب مني انت سامع ولا لاء

بقولك ايه انا مش مرتحالك بجد

اسد بغمزة / طب ما لازم ماترتحيش ما اللي جاي مش مريح برضو ..

شدها من ايديها و قربها منه / انتي فاكرة انك ممكن تهربي مني مثلا ولا ايه ..ده انا ماصدقت بقي انك تبقي مراتي ده النهاردة يوم عالمي والله

حور / انت قصدك قلة ادب مش كدة ..انسي يا اسد

وزقته و طلعت تجري ..

اسد بزهول / انسي ايه ياماااا ... !! ده انتي اللي تنسيني اصلا ..تعالي يا بت

حور بجد بلاش فرهدة انتي بتلعبي هو ده وقته برضو دي النهاردة دخلتنا ..

حور / بصراحة كدة بقي انا خايفة بجد يا اسد ..

اسد بحنية قرب منها / يا روح قلبي .. بقي خايفة برضو وانا معاكي يا حور

حور / لا يا اسد ما انا خايفة منك انت الصراحة .

اسد / لا لو كدة يبقي معاكي حق برضو. ..

و فاجاه اسد شال حور و ......😑😉😉😉😉

بس كفاية كدة بقي ...

________________________________________________

في المستشفي في امريكا ..

الدكتور خرج علشان يقول للست علي حالة حياه بس طبعا هي مكنتش فاهمه منه حاجة لانه دكتور انجليزي ..

الممرضة/ انا هفهمك ..المريضة جلها نز*يف و الحمدلله ربنا سترها و هي دلوقتي هتتنقل غرفة عادية .. بس

الست / الحمدلله يا رب انها قامت بالسلامة بس ايه

يا اختي قوليلي ..

الممرضة / للاسف هي فقت الجنين.. 🥹🥹

الست / يا ساتر يا رب ، يا عيني عليهم ده الاستاذ جاسر كان فرحان بيه اوي يا حبه عيني .

الممرضة/ طيب دلوقتي انتي لازم تجيبي مبلغ للمستشفي

انزلي الحسابات و شوفي الفلوس علشان ينقلوها اوضة عادية ..

الست./ يادي النيلة ما انا لما روحت البيت مالقتش الاستاذ جاسر و عماله اكلمه مش بيرد ..بس انا هتصرف برضو

و فعلا الخدامة قررت انها تروح تشوف البيت بس برضو ملقتش جاسر هناك فقررت تدخل اوضتهم و تدور علي اي فلوس و اخدت كمان موبيل جاسر .... و رجعت تاني المستشفي و دفعت الفلوس لحياه و كانت قاعدة في المستشفي متوترة اوي لحد مالقت تليفون جاسر بيرن ..

الخدامة بخضة / يا ساتر يارب ايه الاغنية دي .. طب مين بقي ده اللي بيتصل ..انا هرد و خلاص .. الووو

اسد / الو ، حياه معايا

الخدامة / اسد باشا مش كدة ، انا نعمة يا بيه اللي شغالة

مع جاسر باشا و سافرت معاه امريكا

اسد/ نعمة 😳 ، و موبيل جاسر بيعمل معاكي ايه .

نعمة. / انا مش عارفة فين جاسر باشا .. و مدام حياه في المستشفى يا بيه .. وانا مش عارفه اتعامل هنا خالص

اسد / مستشفي ايه بس .. هو ايه اللي حصل جاسر كويس

نعمه / والله يا بيه ما اعرف حاجة .انا كنت تحت بجيب حاجات و رجعت لقيت الباب مفتوح و الامن مضرو*بين

و الست حياه غرقا*نه في د*مها .

اسد في اللحظة دي حس ان في كارثة حصلت فعلا و ان جاسر ما بين الحياه و الموت بجد .. و قفل السكة ..

اسد قعد علي السرير مخه مش مستوعب اللي حصل و الي اتقال و اتفاجاه بحور خارجة من الحمام و هي مكسوفة .

حور بحرج / برضو قاعد هنا مش قولتك روح اي حتة عقبال ما اغير هدومي ولا هي بواخة وخلاص .

اسد قرب من حور / حور احنا لازم نسافر امريكا النهاردة

حور / نسافر ليه هو ايه حصل .. هو جاسر و حياه كويسين ؟

اسد / لا يا حور ، حياه في المستشفى و جاسر الخدامة بتقول انها متعرفشي عنه حاجة من امبارح .وانا مش مطمن بجد

حور بدموع / طب و العمل يا اسد ..انا لازم اطمن علي حياه ..

اسد اخدها في حضنه / هنطمن يا روحي اهدي انتي بس

انا قولتلك لاني عاهدت نفسي اني عمري ما هخبي عليكي

اي حاجة بس ارجوكي بلاش عياط يا حور .

______________________________________________

في الفيلا علي السفرة ..

عزيز / ايه بلغت اسد انكوا هتكتبوا الكتاب بكره .

حسن / اه يا جدي و اتبسط اوي و قالي انه هيجي هو و حور باذن الله .. بس مش عارف امتي لانهم لسه واصلين البلد و علفكرة هما كمان كتبوا الكتاب امبارح

عزيز / اسد ده بجد صعب مكنش عارف يستني لحد ما نكتب كتابكم مع بعض . و بعدين ازاي يتجوز و مافيش حد معاه

حسن / معلش بقي يا جدي و بعدين علي وكيل حور و علي مكنش ينفع يسيب البلد الفتره دي فاسد اضطر هو اللي يروحله فعادي بقي .

عزيز / يووه ..عادي عادي عموما براحتكوا انتوا مش عيال

هقولكوا الصح من الغلط ، اومال فين مراد صحيح

نور بضحك / مراد بيحاول يظبط علشان يكتب كتابه معانا

حسن / يا بنتي بس بقي ..و بعدين اديعيله بجد .

______________________________________________

في المستشفي ..

عزمي / ممكن كفاية بقي فضايح و تقولي انت عايز ايه بالضبط يا استاذ مراد ..

مراد / افف بقي برضو استاذ ..يا عمي ارجوك انا عارف انك واخد عني فكرة وحشة و علفكرة ده حقك والله ، بس انا اهو قدامك و بحاول اني اغيرلك الفكره دي و جاي اطلب ايديها منك .

عزمي / يسلام و أنت فاكرني هوافق اجوز بنتي لواحد كل يوم مع واحدة و اول ما ياخد غرضه منها يرميها و يكسر قلبها انسي يا بابا .. ولا انت فاكر انك جاي تضحك عليا تحت مسمي اتجوز بنتك يا عمي في الحلال .. ولاخر مرة هقولهالك اطلع برا المستشفي و اياااك تقرب من بنتي تاني ..

مراد / انت ليه واخد فكره كدة عني حرام عليك بجد

انا والله ما كدة 😭

عزمي / يعني انت مش عايز تطلع برا ..طيب انا هناديلك الأمن يرموك برا و كمان هعملك محضر بعدم التعرض ...

و فعلا عزمي طرد مراد من المستشفي و خرج و كان

قاعد في عربيته بيعيط بخنقة و اتفاجاه بحد بيفتح باب العربية و بيص لقاه حسام ..

مراد بحدة / انت ايه اللي جابك تاني بعد كل اللي عملته

يا حسام .

حسام / انا عرفت انك انت اللي اخدت حور من الفيلا بتاعتي مش كدة ..

مراد / اه انا اللي اخدتها ..و حور كانت عارفة انك هتخط*فها و اسد كان قايلها و كانوا بيضحكوا عليك كالعادة يعني يا حسام .. واتفضل انزل بقي من العربية لان اللي اتسبب في اذي اخويا و ابن عمي

عمري ما هتعامل معاه تاني .

حسام بدا يعيط جامد / مراد .. انا عرفت اني ظلمت اسد و انه متوعدش مع فيروز في البيت عندي ولا حاجة ..

مراد بصدمة / ايه 😳😳😳 ..هو اسد فعلا موعدهاش في البيت ، انا والله كنت واثق ان اسد عمره ما يعمل كدة ابدا .

حسام / بس ده مايمنعشي انه ضحك عليا و خدعني برضوو و ماقليش اللي كان بينهم قبل ما اتجوزها .

مراد/ حسام انت جاي تاني ليه .. ما تبعد عننا بقي

اقولك سافر اشتغل برا و ابعد عننا و كفاية اوي اللي حصل لحد كدة. علفكرة انت خسر ت كل اللي حواليك خسرت قريبك واصحاب عمرك مستني ايه ثاني .

حسام / انا مش جايه اقولك ان انا عايز علاقتي بيكم ترجع زي الاول لانكم بجد ما تستاهلوش ..انا عايز اعرف مكان جاسر لان مهما حصل انا عمري ما هاذيه هو ..

مراد / ياااه كلنا ما نستاهلشي حتى انا، مش انا اللي انقذتك من المو*ت لما كنت في الفيلا لما غادرت باسد و ضر*بته بالنار ..... و دي انت كمان ناسيها

حسام / يا ريته ما*ت وقتها .... قصر الكلام يا مراد انا عايز اعرف مكان جاسر كلم اسد واعرفلي منه عنوانه في امريكا لان خلاص مش هاقعد هنا ثاني انا هنساكم وابعد ...

مراد بوجع/ يبقى احسن لو عملت كده فعلا والله تبقى عملت خير

ويبص على موبايله لقه اسد بيكلمه استغرب قوي //غريبه اسد بيرن واضح انه حاسس بينا ..الوو يا اسد .... اييييه 😳😳😳😳😳 انت مين قالك الكلام ده بالضبط.. طيب اهدي طيب انت حجزت الطياره خلاص ....

لا طبعا ما ينفعش تاخذ حور معاك وديها الفيلا اسد جدتك مهما كانت كر*هها بس هتبقي في امان .. خلاص اسمع الكلام يا اسد احنا مش عارفين ايه مستني هناك ... وما تقولش لحسن وانا جاي معك،. يلا سلام

حسام/ في ايه مالك انت اتوترت كده ليه .. هو اسد حصله حاجه ولا ايه

مراد بصله بغيظ/ طبعا نفسك يبقى حصله بس شوف يا اخي سبحانك يا رب ، برغم كل اللي انتوا عملتوه فيه..... الا انه اول ما عرف ان جاسر مراته في المستشفى وهو مش معروف فين مكانه هيجري على امريكا يا ريتك تتعلم منه

او يا ريتني انا اتعلم منه ..

حسام / انت بتقول ايه ..يعني ايه مش معروف فين المكان جاسر وليه مراته في المستشفى انا لازم اجي معاكم لازم اطمئن عليه

مراد / مش لما نعرف هو فين الاول ربنا يسترها اسد هيودي حور على الفيلا وهنتقابل في المطار لو جئت معايا ... لازم تنسي المشاكل اللي بينك وبين اسد لحد ما نعرف جاسر فين ونطمئن عليه موافق ولا هنتفرق برده وتدور انت على جاسر لوحدك

حسام/ انا هاعمل اي حاجه عشانه .. وموافق ان نبقي ايد واحدة اما نشوف ايه هيحصل ..

ده اللي حصل اسد اقنع حور بالعافيه انه يوديها الفيلا ووصي جدو انه يخلي وباله منها بس اسد فهم عزيز .. ان جاسر في خطر بس نبه عليه انه ما يقولش لحسن وانهم يكتبوا الكتاب عادي

وراح المطار وتفاجيء بوجود حسام في المطار تفتكروا ايه اللي هيحصل ؟؟؟؟؟

#حورية_في_عالم_الوحوش

#بقلم_يوستيناسامي

في المطار ...

اسد بصدمة / اي ده يا مراد ..البني ادم ده بيعمل ايه هنا و جايبه معاك ليه انت هتستهبل .

مراد /ممكن تهدي لو سمحت .. حسام مش جاي يتخانق معاك حسام عرف باللي حصل لجاسر وجاي معنا وهو قال انه مش هيعمل اي مشاكل وانت كمان لازم تنسى اي خلافات حصلت علشان نعرف فين جاسر ونطمئن على مراته ..

ممكن بقى

اسد و هو باصصله بغل / ماشي يا مراد انا هاعدي اي حاجه حصلت زمان واي مشاكل مؤقتا لحد ما نلاقي جاسر لكن بعد كده انا مش عايز اشوف وشه ثاني في حياتي كلها

حسام / اوعي تكون فاكر انك هتخوفني بالصوت العالي ده ..انا برضو بعرف اعلي صوتي كويس اوي وافرج المطار كله علينا عادي خالص

بس انا محترم وعدي لمراد و كلمتي معاه ، ولازم تفهم كويس قوي ان انا جاي النهارده عشان خاطر اطمئن على جاسر غير كده ما تحلمش بحاجه ثاني برغم اني عرفت الحقيقه لكن عمري ما هاسامحك..

مراد بحده / خلاص انت وهو ميعاد الطياره قرب واحنا كده بنضيع وقت ...وده مش في مصلحتكم ولا مصلحه جاسر يلا بينا ..

وفعلا حسام و مراد واسد قدروا ان هم يخلصوا كل الاجراءات وطلعوا بالطياره وفي طريقهم لامريكا واسد ما كانش يعرف بموضوع حياه هو كل اللي يعرفه ان هي كانت حياه محجوزة في المستشفى

_______________________________________________

في اوضه حور ...

كانت قاعده على السرير تفتكر كل الذكريات اللي حصلت من اول ما دخلت الفيلا و افتكرت الايام اللي مرت بيها مع اسد و قد ايه هو ساعدها ووقف جمبها و هو مايعرفش حتي اسمها و بدات تعيط بحرقة ... بس اتفاجات بخبط علي الباب.

حور / ادخل ..

نور / احم اول ما جدي قال انك وصلتي الفيلا بصراحه انصدمت ما كنتش متخيله انك هترجعي بعد اللي حصل اخر مره ..

حور بصت لنور بغيظ وقالت لها/ اول مره دخلت الفيلا دي وقلت اني امراه اسد انت ما صدقتنيش وكان عندك حق .... لكن النهارده انا داخله الفيلا وانا فعلا امراته

يعني انا زي زيك مش هاقبل منك ولا كلمه ولا اهانه لازم تعرفي ان انا موجوده هنا عشان جوزي جبني هنا غير كده، عمري ما كنت هاخش المكان ده تاني

نور/ بصي يا حور انا عارفه ان انت ممكن تكوني متضايقه من اخر مره الكلام اللي جدتي قالته بس على فكره هي معاها حق انتي بسببك اسد دخل في حوارات كثيره جدا وهي كانت خائفه عليه بس انت برده بتاخذيني بذنبها

انا مالي .. ده انا كنت جايه ارحب بيكي في فليتنا .

حور بحدة / سبق وقلتلك ان دي مش فيلتك لوحدك ومش بيتكم دي فيلا عزيز العقاد اللي هو جد اسد و حسن ومراد و انتي و انا ابقي امراه اسد العقاد الحفيد الاكبر للعيلة يبقى انا بارحب بيك انتي في فيلتي ..

نور ضحكت باستهزاء/ فيلتك انت !!؟؟

واضح ان انت بعد ما رجعتلك الذاكره اتهبلتي تقريبا بصي بعد الكلام اللي انت قلتيه ده انا ممكن اقلب الدنيا واحلف اني ما اقعدش في الفيلا دي يوم واحد الا ما تطلعي انتي منها بس انا مش هاعمل كده .. علشان خاطر سبب واحد انك بقيت مرات ابن عمي نورتي. ..

خرجت نور من الاوضه وهي مستغربه جدا اسلوبها الحاد معها انا حور فقعدت علي السرير و فضلت تعيط جامد ....

تفتكروا ليه حور عملت كدة !!!؟

____________________________________________.

في المخزن ..

جاسر كان متكتف و نايم من التعب و الضرب فيه

وفاجاه فاق علي تلج بيتحدف عليه ..

جاسر بينهج جامد و مش قادر ياخد نفسه / اعاا .. انت بتعمل فيا كدة ليه ، انت لو فاكر اني هرحمك تبقي بتحلم ..

عدنان بضحك/ ترحمني انت يا ابني مش شايف نفسك ولا ايه ..انت متكتف و تحت رجلي كمااااان ولو عايز اموتك في اي لحظة هعمل كدة عادي جدا

جاسر / طب ما تعمل كدة .. مخليني عندك ليه ايه بتشفي غرورك ولا بتحسس نفسك انك ليك قيمة بعد اللي عملناه فيك مش كدة ..

عدنان قام و ضربه بالبوكس بغل و مسكه من شعره / لا مش صح يا جاسر ..انا برتاح اوي لما بشوفكم مكسورين اوي ولسه كمان شلتك لما يعرفوا ان انت وقعت تحت يدي

جاسر بتعب/ تبقى غبي لو فاكر ان في حد فيهم هيزعل عليا احنا خلاص اتفرقنا وللابد.. واطمن ولا حتى هيعرف مكاني ولا احد هيحزن عليا كمان

اثبتلي بقي في مره واحده في حياتك انك راجل و اقتلني ..

عدنان بصله بغيظ و خرج من المخزن و كلم جون / لا وانا مش هاستنى لما يموت وكلهم بعيد عني انا عايز اسد وحسام ومراد وحسن يبقوا هنا في اسرع وقت يا جون سامع

جون / ما اعتقدش يا عدنان ما انت عارف ان هم كلهم متخانقين من ساعه حوار فيروز ده ..

عدنان/ اه متخانقين بس ما يعرفوا ان انا ممكن امو*ته هيجوا وانا بقى مستنيهم وخصوصا اسد

وفعلا جون بدا يتصل باسد وما عرفش بعتله رساله على الموبايل مكتوب فيها

( لو همك صاحبك فعلا و عايز تنقذه يبقي كلمني ).

لكن اسد ما شافش الرساله غير لما نزلوا من الطياره وفعلا وصلوا امريكا ...

اسد اول ما شاف الرساله وقف مكانه وما كانش عارف يتكلم ومراد بصله واافاجاه من منظره

مراد/ مالك يا ابني في ايه مبلم كده ليه ؟؟

اسد / بص الرساله ديت لسه مبعوثه لي لو همك صاحبك فعلا وعايز تنقذه يبقى كلمني اكلمه على الرقم ده يعني ولا انا مش فاهمه حاجه ومين ده اصلا .

حسام/ اكيد مش هاسالنا احنا ..ما احنا اكيد ما نعرفش جرب ترن على التليفون يمكن يرد .

مراد / على فكره انا مش مرتاح وحاسس ان احنا اتصرفنا غلط احنا جينا لوحدنا كان المفروض اننا نبلغ البوليس

حسام / باقولك ايه بلاش غباء ومستفزنيش هنبلغ البوليس و هنقول ايه واحد مخطو*ف في امريكا .. اسكت يا مراد بجد .... وانت يا اسد رن عليه يا تجيب التليفون اكلمه انا

اسد اتغاظ جدا من طريقه حسام وقال / ولا انت لو ماسكتش انا هاديك بالموبايل ده في وشك سامع ولا لا

وعلى فكره بقى مراد بيكلم صح اكلم مين ولو كلمتهم هيعرفوا ان احنا في امريكا

وانا مش عايز حد يعرف ان انا في امريكا دلوقت انا عايز اروح المستشفى اطمئن على حياه وارجعها مصر وبعد كده اشوف بقى جاسر فين .... ها هتسمع كلامي ولا لاء

حسام / خلاص موافق بس لازم تفهم انك لو كلمتني باسلوب وحش والله ما هتردد اني اضر*بك .

اسد / لا انت عايز تتخانق وانا والله العظيم مش طايقك من اول خروجه ومستعد اضر*بك عادي جدا .

مراد بدا يحوش بينهم/ بس بقى انتم بتستهبلوا والله العظيم عيب عليكم بقى الواد مخطو*ف ومراته في المستشفى وانتم واقفين تتخانقوا ... يلا بينا بقي

اسد / ماشي هاسكت ...عموما انا عارف فين مكان المستشفى ورايح على هناك يا ريت يا مراد تيجي معايا

وما تجيبش الكائن ده معاك .

حسام بصوت عالي/ ده برده بيقولك كائن يا ابني قلتلك احترم نفسك بدل ما والله هاضر*بك.

مراد / والله العظيم انتم الاثنين لو ما سكتوش هامشي واسيبكم ،علشان انتم الاثنين ما عندكوش ريحه الد*م وبتستهبلوا جاتكم القرف ..

مراد فعلا مشي وسبهم وحسام بص للاسد بغل وكذلك اسد لكنه سابه ومشي ... فعلا راحوا المستشفى عشان يطمئنوا على الحياه بس تفاجئوا انها ما زالت في الغرفه بتاعتها ولسه ما فاتش

_______________________________________________

في المستشفي..

اسد وقف تكلم مع الدكتور علشان يعرف منه حاله حياه واتفاجئ ان الحياه فقدت الجنين نتيجه لعن*ف بشري وكمان جالها نز*يف ..

اسد اتصدم من كلامه وحس بو*جع في قلبه وبدا يفتكر طريقه كلام جاسر وحلمه انه يكون بيت و اسره وكان فرحان بحمل حياه وقراره انه ينسى كل اللي فات وانه يبعد عنهم عشان ما يحطش نفسه في مشاكل علشان بس يحافظ علي حياه وابنه ..

بس فاق اسد على صوت حسام حسام/ ايه العمل دلوقتي

يا اسد هنعمل ايه هنرجع حياه ازاي مصر وهي لسه مافقتشي اصلا ..

و حسام بيبص علي اسد اتفاجاه بيه بيعيط ، اتصدم حسام جدا و يمكن دي تاني مرة يشوف فيها اسد بيعيط و ضعيف بالشكل ده ... اول مرة ساعة مو*ت والده و دي تاني مرة .. بس حسام مقدرش يسيبه كدة قرب منه و حط ايده علي كتفه ..

حسام. / اسد ...مالك ؟؟!

اسد في اللحظة دي قرب من حسام و حضنه بضعف هو كان اقرب واحد ليه يمكن اكتر من ولاد عمه ..

اسد و هو حاضنه / مش عارف ليه احنا وصلنا لكدة

يا حسام ، احنا بننتهي بجد ، كل واحد فيها بيتكسر

احنا عمرنا ما كنا كدة ..

حسام كان سايب اسد يحضنه بس هو مكنش قادر يبادله الحضن ده لانه مازال موجوع بسببه.

اسد بعد عنه و بصله بوجع / ما اتوجعتش كدة من ساعة موت ابويا غير بسببكوا انتوا ، حاولت انساكم بس معرفتش برغم اني مش بيفرق معايا حد و مع ذلك برضو معرفتش ... طب ليييييه

شوفت اخر عندي انا وانت ادينا اتفرقنا كلنا .. حسن كان هيمو*ت و نور كانت مخطو*فة واختك كانت مخطو*فة و جاسر الله العالم بيه دلوقتي عايش ولا مي*ت زي ابنه ...

حسام اتصدم / انت بتقول ايه .. هي حياه و البيبي

اسد / اه ما*ت ... اول مرة احس اني خايف اوي كدة و مش عارف افكر حتي ..مخي كانه اتشل .

مراد قرب منهم و شاف حالتهم / في ايه ..انتوا اتخانقتوا

ولا ايه.

اسد / لاء كفاية كدا .. هنخسر ايه تاني ما كلوا ضاع خلاص ، احنا لازم ننقل حياه في طياره خاصة و تكون طبية كمان في اسرع وقت لازم تبعد عن امريكا.

مراد / متقلقشي انا هتصرف في كل الحاجات دي

المهم جاسر ..

حسام / اسد احنا لازم نعرف هو فين انا مش هقدر استني ..

اسد ابتسم بوجع / طول عمرك متسرع , بس المرة دي معاك حق ... تعالي معايا ..

و فعلا خرج حسام و اسد برا المستشفي و طلع اسد الرسالة و بدا يرن علي الرقم .....

اسد / الووووو 😳😳😳😳

استووووووووووووب ❤️

٣٨،٣٩

#عشقت_حورية

في التليفون ..

اسد / الوو مين معايا ، انت 😳

اسد مجرد ما سمع صوته ادرك انه عدنان و هو كان اكبر منافس ليهم و بسبب انه وقف قصادهم في السوق اسد صمم انه لازم ينهي عليه و فعلا ما هديش غير لما اعلن افلاسه و مراته سابته .

عدنان / يااه بالسرعة دي افتكرت صوتي يا اسد بس عندك حق انا برضو متنسيش .

اسد بغل و كان بيحاول يتحكم في اعصابه و حسام كان واقف جمبه بيحاول يجمع الحوار .

اسد / انت اللي خط*فت جاسر مش كدة ، ايه مقدرتش تجيبني انا و حسام فاتشطرت علي جاسر علشان كان لوحده مش كدة

عدنان اتغاظ جدا من كلامه / لا يا اسد انا اقدر اوصل لاي واحد فيكم انتوا خلاص انتهيتوا حتي اسمكوا في السوق ما*ت زي ما انتوا كمان هتمو*توا و لو انت فاكر ان حسام او انت تقدروا تعملوا حاجة تبقي بتحلم .

اسد / اه يا عدنان بحلم زي كل مرة ، بس انا بقي مش بهدي غير لما احقق حلمي و اظن ان انت اكتر واحد عارف ده ...

و فاجاه اسد لقه التليفون اتقفل في وشه

حسام / عدنان هو اللي خط*فه مش كدة ، انا مش هسكت

و الله ..

اسد / بس بقي يا حسام الموضوع ده بالذات محتاج هدوء انا مش مستغني عن صاحب عمري بس لازم الاول حياه تسافر ..

حسام / ماشي وانا موافق ان انا اتحكم في اعصابي بس بشرط يا اسد ما تعملش حاجه من غير ما ترجعلي وتاخذ رأي ، لاني مش هاسمحلك تقرر نفس الغلطه بتاعه زمان ثاني اللي لحد النهارده بندفع ثمنها.

اسد / بس انا ما غلطتش زمان يا حسام سبق وقولتلك ان احنا كنا في تجاره وسوق و يا قا*تل يا مقتو*ل وما حدش قاله يخش معايا منافس

و اختصارا الكلام انا هاكلم مراد دلوقت واخليه يضبط كل حاجه وكل اجراءات سفر حياه من امريكا لمصر اتفقنا .

حسام / اتفقنااا .

وبالفعل اسد كلم مراد وحكاله ان عدنان هو اللي عمل كل ده وان هو ما يدخلش في الموضوع تماما وكل اللي عليه ان هو يسفر حياه من امريكا لمصر ويرجع لجده والاخوه عشان ما يحسسهمش ان في اي حاجه حصلت .

_____________________________________________

في مصر ..

فيلا عزيز العقاد ...

عاليه / مالك يا حور قاعده لوحدك ليه هو انت مش عارفه ان النهارده كتب كتاب حسن ونور .

حور / اه يا طنط سمعت .. رينا يتمم علي خير

عاليه / ماشي يا حور بصي انا عارفه ان انا وانت اخر مره شدينا مع بعض جامد وانك زعلانه بس خلينا نتفق ان انا وانت بقينا تحت امر واقع انت مراه حفيدي يعني جزء من العيلة وانا ما عنديش اي استعداد اني اخسر اسد .

حور بدات تعيط / بس انا صدقيني عمري ما كان هدفي اني اذي اسد بالعكس ده هو الوحيد اللي عوضني عن ابويا وعمري ما تخيلت ان البني ادم اللي كان سبب في موته هو اللي هيعوضني عنه

عارفه يعني ايه تحبي البني ادم هو السبب في حرمانك من اهلك ، عارفة وجعي بجد .. ان انا تمنيت انكوا تبقوا اهلي انا فعلا ماليش غيركم

عاليا حضنت حور و بدات تعيط معاها / حقك عليا

يا حبيبتي انا والله عمري ما كان قصدي اني اضايقك و احزنك كدة ، حقك عليااا بصي احنا هننسي كل اللي فات و من النهاردة اعتبريني زي امك و اوعي اشوف دموعك دي تاني .. ويلا قومي غيري هدومك علشان ننزل نروح نجيب احلي فستان ليكي .

حور / انا مش عايزه حاجة ، انا بس عايزة احسن اني واحدة منكوا تحبوني و احبكوا والله ما عايزة حاجة تاني

عليا/ ماتقوليش كدة احنا بنحبك والله .. يلا بقي تعالي معايا حتي علشان نجيب حاجات لذوم الجواز ولا ايه رايك علشان تعجب اسد اول ما يرجع .

حور بحب / اسد .

عليا / اه اسد .. ها هتيجي معايا مش كده .

حور بكسوف بدات تحرك راسها بمعني الموافقة .

و بالفعل اخدتها عليا و راحت لأكبر المولات و كانت بتتعامل معاها كويس جدا و خلتها تشتري كل اللي نفسها فيه و بزيادات كمان و جابتلها اكتر من الطقم تلبسهم لاسد و حور كانت محرجة جدا منها بس كانت برضو مبسوطة و فعلا رجعوا علي ميعاد كتب الكتاب و بدوا يجهزوا لكتب الكتاب .

و فعلا نزلت حور الجنينة وقت كتب الكتاب و كانت لابسة فستان حلو جدا و كل اللي كانوا موجودين انبهروا بجمالها و محدش قال انها مراة اسد و كانوا مشغولين بحسن و نور ..

و بالفعل تم كتب الكتاب. .

حسن اخد نور في حضنه و كان فرحان جدا ..

حسن / بحبك اوي يا نوور بجد بحبك

نور / انا والله اللي مش مصدقة انك بقيت جوزي خلاص ... بحب يا حسن اووي ..

شخص من زمايل نور اسمه مهند / ما خلاص بقي يا استاذ حسن كفاية وشوشة احنا كلنا مركزين اوي معاكوا ..

و بدا الكل يضحك جامد .. و مهند كان بيبص علي حور و ضحكتها و جمالها باعجاب ..

حسن / وانت مالك و مالي يا بايخ انت ، اي مراتي وانا حر فيها

مهند / يا بختك يا عم ..عقبالي بقي يا رب ..

و بالفعل بدوا يحتفلوا و حور راحت تقعد بعيد عنهم شوية بس مهند قرر انه يقرب يقعد معاها ..

مهند/ احم انا خايف اكون فضولي والله ، بس لقيتك انسحبتي و قعدتي لوحدك كدة . هو انتي اسمك اي

حور / اسمي حور .. عموما انا مش مضايقة من وجودك عادي .

مهند في سره / اي التقل ده

طب بقولك اي يا حور انتي عارفة ان اسمك حلو اوي بجد زيك .... صدقيني دي مش معاكسة والله دي حقيقة ..

حور بصتله بستغراب / افندم ..

بس قطع حديقها اتصال علي موبايلها ..

حور / الوو ..اسد

و اخدت التليفون و بعدت عن مهند و كل اللي كان موجوود

حور / وحشتني اوي يا حبيبي . طمني علي حياه و عليك ....اسد والنبي ما تكدب عليا انت كويس صح . انا مش قادرة اقعد من غيرك ارجوك ارجع بقي

اسد بضحك / طب اهدي طيب يا حور

عموما اطمئني حياه كويسه جدا بس هي في المستشفى حاليا والدكتور قال ان حالتها مستقره وفي اقرب وقت هترجع مصر اما انا والله كويس قوي انت طمئني عليكي ..وحشتيني يا حور

حور بدموع / انا مش كويسة طول ما انت بعيد

عارف لو رجعت هبقي كويسة اووي .

اسد فضل يضحك / هرجع يا قلب اسد و قريب جدا

كمان بس انتي خدي بالك من نفسك و حياتي .

حور / حاضر والله علفكرة حسن و نور اتجوزوا خلاص .. اه صحيح يا اسد كل كويس ها و خد بالك من حسام ده و كلمني كتييير ... اسد اوعي تبص لواحدة غيري

اسد بضحك / وربنا ما اقدر اعمل كدة ده انتي عامية قلبي والله ..

حور / ايوة عقبال ما اعمي عينيك برضو عن كل البنات ...

اسد ضحك جامد / ماشي يا حور .سلمي علي كل اللي عندك باي يا حبيبتي ..

وفعلا اسد قفل التليفون مع حور وحور اتبسطت جدا جدا انها اطمنت عليه و قررت تطلع اوضتها

__________________________________________

في الاوتيل ..

اسد و حسام اضطروا ان هم يقعدوا في اوضه واحده في اوتيل علشان لو حصل اي حاجه لاي احد فيهم ما يبقاش لوحده اما مراد كان في المستشفى علشان الاجراءات

في الاوضه

حسام بحده / انا بجد مش فاهم يعني هو اصلا طايق اشوف وشك عشان تقعد معايا في نفس المكان وفي نفس الاوضه .

اسد / باقولك ايه اتمسى كده وقول يا مساء انا قاعد معاك في الاوضة عشان لو حاولوا يقتلوك الحقك وبعدين ما انا اكيد انا كمان مش ميت في حبك يعني .

حسام/ باقولك ايه يا ريت تقصر كلامك وتسكت وبعدين اكيد انا مش هانام جنبك على السرير وشوف بقى هتنام انت في اني داهيه بعيد عني.

اسد بغيظ / داهية اما تشيلك صحيح .. قوم يلا من علي السرير لو مضايق انما انا بقي هنام هناااااا .

وبالفعل اسد نام على السرير غصب عن حسام واضطر حسام هو اللي ينام على الكنبه بعيد عنه لكنهم كانوا في نفس الغرفه وفات اكثر من ربع ساعه وهما في حاله صمت حتى قطع هذا الصمت صوت ضحك اسد الشديد و قام حسام من علي الكنبة وهو مستغرب جدا ..

حسام/ اي ده مالك يا ابني بتضحك ليه كدة ..

اسد قام من السرير / افتكرت يوم تخرجك بجد موقف مش يتنسى خالص فاكر اللي حصل

فاكر مراد عمل ايه لما احنا حبينا نعملك مفاجاه في شقه الهرم ..

حسام فضل يضحك جامد / اسكت يا اخي ما تفكرنيش ده كان حته يوم ما يعلم ببه الا ربنا مش بس مراد فاكر جاسر عمل ايه .. فاكر لما راح عاكس البنت و طلعت بنت لواء ..

اسد ضحك جاامد / يا عيني متفكرنيش دي كانت ليلة 🤣🤣 و هو عمال يقول للظابط والله ما كنت اعرف انا افتكرتها مواطنة عادية .

حسام / ايوة ايوة ..وقاله دول صحابي اللي شجعوني علي الفساد اقبض عليهم معايا 🤣🤣

اسد / كانت ايام غريبة بس كانت حلوة اوي .

حسام / عندك حق ..هي كانت فعلا.... احم انا هنام

اسد/ وانا كمان، محدش عارف اي ممكن يحصل بكرة ، حسام .... تصبح على خير

حسام سكت لثواني بوجع و بص لاسد بعتاب و حزن

و قاله / و انت من اهله

فعلا مر يومين و كان مراد قدر يظبط كل الاجراءات و حياه مازالت في غيبوبة .. وحسام واسد قدروا ان هم يتواصلوا مع رجال اعمال كانوا اصدقاء لهم وقت ما كانوا بيشتغلوا في امريكا

اما عن حور فالعلاقه بينها وما بين عاليه تحسنت جدا وفعلا بقت تعاملها حلو قوي لكن حسن ونور بعد ما تجوزوا قرروا انهم يسافروا برغم اصابه حسن الا انه اصر.

بس تفتكروا اللي جاي خيييير ؟؟؟؟

كده البارت خلص ..انا عايزة اعرف رايكواااا اوووي 🤣❤️

#حورية_في_عالم_الوحوش

بقلم/ يوستينا سامي

مراد كمل كل الاجراءات اللازمة و فعلا حياه اتنقلت في طيارة خاصة مجهزة علي اعلي مستوي طبي و مراد كمان سافر معاها و اسد ما قلش لحور علشان حياه هترجع علي المستشفي .

حسام / كدة اول حاجة حصلت و حياه بعدت عن امريكا

ها ايه تاني في دماغك يا اسد

اسد بثقة / انا مش هستني عدنان هو اللي يوصلنا يا حوسو

احنا اللي هنهجم عليهم ..

حسام بغيظ / قولتلك الف مره مره مش بحبك حوسو دي

و بعدين انا مش فاهم حاجة بس انا مش مطمن لجنانك

خد بالك ان جاسر معاهم .

اسد/ متقلقش مش احنا خلاص عرفنا عدنان مخبي جاسر فين .. انا بقي هستغل انشغاله معاه و هبدا اشتته .

تعالي انا هفهمك ايه اللي هيحصل بالضبط و خد بالك احنا هنبدا النهاردة الهجوم و كدة كدة احنا معانا الرجالة اللي احنا محتاجينها ..

و فعلا بدا اسد يشرح كل حاجة لحسام و هو كان مبهور بكلامه و فعلا بدوا ينفذوا اول جزء في الخطة و في الساعة تسعة بالظبط جيه تليفون لعدنان .

_______________________________________________

في الغردقة

حسن و نور كانوا قاعدين علي البحر ..

نور / انت عارف بقي اني اسعد واحدة في الدنيا كلها

انا بحبك اوي يا حسن بجد .

حسن بحبك / يسلام وكان فين الكلام الحلو ده اوي من زمان . ما انا كنت طول الوقت جمبك .

نور / هو مش انت قولت بلاش نتكلم في اللي فات

صح ولا لاء

حسن لف ايده و حضنه / ايوة صح .. و ليكي عندي حتة مفاجاه النهاردة بليل تجنن ..

نور حضنته / مش عايزة مفاجات عايزة افضل ابص في عينيك اللي كلها حب و طيبة دي بس

حسن قرب منها و باسها من خدها و نور اتكسفت اوي

وبعدت عنه بسرعة/ انت بتعمل ايه يا مجنون الناس هتشوفنا

حسن مسك ايديها و شدها ليه تاني و باسها بحب / اللي يشوف يشوف .. انتي مراتي يا بت و محدش ليه عندي حاجة و بعدين مقدرش اسمع كلامك القمر ده و اسكت يعني

نور/اممم اذا كان كدة ماشي . بقولك اي ما تيجي نطلع نتمشي شوية ولا انت تعبان

حسن رفع حاجبه/ايه بت تعبان دي ما تتلمي انا كويس اوي .

نور ضحكت جامد علي طريقته / انا اقصد علشان مكان الجرح مش اكتر والله

حسن / اممم اه الجرح .. طب بقولك ما تيجي نطلع الاوضة يعني علشان تغيريلي علي الجرح احسن بقي يوجعني اوي ..

نور بهزار / ده بعينك يا سونة و قضوا اليوم هزار و ضحك هما الاتنين .

______________________________________________

في المخزن عند عدنان ..

جون / تليفونك بيرن يا ريس .. اتفضل

و فعلا عدنان اخد الموبيل وجاسر كان قاعد علي الارض

و هو مربوط و كان في اقصي مراحل تعبه

عدنان / الووو ... انت بتقوول ايه

و فاجاه ملامح وجه عدنان اتغيرت و احتلت مكانها الصدمة و الفزع ..

جون / في ايه بس ... هو قالك ايه يا ريس

عدنان بخضة / المصنع و*لع يا جون .

جون / يبقي اسد العقاد بدا يلعب يا ريس وبعدين والحل . كدة اسد مش لوحده ما هو حبايبه كتير

عدنان / وانا مش هسكت .. روح بسرعة يا جون انت

و الرجالة و شوفوا الموضوع ده و اعرفه كل التفاصيل ..

وانا بقي هحرق قلبه و اندمه انه فكر يلعب معايا ..

جاسر كان بيسمع الكلام ده و كان فرحان اوي ان اسد عمل كدة علشانه وانه بيرجع حقه و حق حياه

عدنان اول ما شاف جاسر مبتسم قرب منه و هو متغاظ اوي وقاله / ايه فرحان اوي هو انت فاكر انه هو هيلحقك مني ده لو فكر يجي هنا علشان يلحقك اوعدك انه هيلحقك وانت جثة .

و فاجاه دخل اسد و معاه حسام و جون

اسد / طب ما يمكن تبقي انت اللي جثة يا عدنان

و فاجاه ابتسم اسد / الدنيا دي صغيره اوي يا عدنان فاكر اخر كلمة انا قولتهالك كانت ايه من بدري اوي من قبل ما اسيب امريكا و اسيب كل الصفقات ...قولتلك اوعي تقرب من اي حد تبعي علشان هتندم

و ضر*ب اسد طلقة من الرصاص علي رجل عدنان الذي وقع علي الارض و كان يصر*خ من شدة الو*جع

اسد بتريقة / وجعتك ده حق خط*فك لجاسر و اللي عملته فيه ، زي ما عيشتك طول حياتك مكسوور و مذلول في السوق . هعيشك الباقي منه و انت عا*جز

عدنان بوجع / مش هسيبك يا اسد و هق*تلك ، انت ساكت ليه جون ما تتصرف نادي الرجالة و اعمل اي حاجة ...

اسد فضل يضحك جامد و جون بص لعدنان وقاله / ما انا قولتلك يا ريس ، اسد العقاد في ناس كتير بتحبه و انا بصراحة واحد منهم

عدنان بصدمة / هق*تلك يا اسد ، هق*تلك والله

حسام / ده لو فضل عايش اصلا يا عدنان

و فجاه ض*رب حسام رجل الاخري لعدنان بالر*صاص

حسام بغ*يظ / و ده حق ضر*بك لحياه و انها في العناية المركزة بسببك انت و رجالتك

جاسر بفرحة / حياه عايشة يا حسام مش كدا . انا والله قلبي كان حاسس .. الحمدلله يارب

حسام قرب منه و فكه و سنده علشان يقف لانه مكنش قادر و اداله المسدس و اسد قرب منه و قاله

اسد / هي حياه فعلا عايشة لكن ابنك ما*ت .. خد حقك منه

يا جاسر ، انت عمرك ما كنت ضعيف علشان اشوف النظرة دي في عينيك .

جاسر بص لاسد بوجع اول ما عرف ان ابنه اللي كان مستعد يبيع الدنيا كلها علشانه ما*ت لكن كلام اسد شجعه و فعلا قرب من عدنان و قرب المسدس من قلبه و قاله بنبره موجوعة / و الرصاصة دي علشان ابني اللي مات وهو في بطن امه يا عدنان

و فعلا ضر*ب جاسر عدنان و قرب من حسام و حضنه

و فضل يعيط جامد و حسام حاول يهديه

اسد / حسام هاته و تعالي نطلع من المكان المقرف ده . احسن حاسس اني مش قادر اتنفس بجد

و فعلا خرجوا من المكان الي كان محبوس فيه جاسر .. واسد شكر جون ..

اسد / انا مش عارف اشكرك ازاي ، لولا اللي انت عملته مكنتش نفذت اي حاجة من اللي كنت بفكر فيها ..

جون / ما تقولش كده يا اسد انت عارف كويس قوي معزتك عندي وانا ما كنتش احب ان الوضع يوصل معاكم لحد كده المهم انت لازم تمشي من البلد بسرعه قبل ما يحصل اي مشاكل او اجراءات وانا هاتصرف ما تقلقش

اسد / كده كده انا مجهز كل حاجه وكلمت جاك وشكرته والمبلغ ده ليك انت ولرجالتك علي تعبهم معنا يلا سلام اشوفك علي خير .

وفعلا اسد وحسام وجاسر طلعوا الطياره

وفي طريقهم لمصر اخيرااااااا

______________________________________________

في اوضة نسمة

كان بقالها فتره موقفة الاكل و رافضة تتكلم مع اي حد

و حالتها كانت صعبة جدا

والدها / و بعدين يا نسمة كل ده علشان رفضت الواد الصايع اللي كنتي ماشية معاه ده

نسمة بصتله و هي بتيعيط كالعادة و مردتش عليه و سكتت

والدها / طب و بعدين يا بنتي انا صعبان عليا اوي حالتك دي ، يا حبيبتي الحياه مش بتقف علي حد و انتي اصلا متعرفيهوش

نسمة اخيرا قررت تتكلم بس صوته كان بيقطع و حالتها كانت صعبة اوي / بس حبيته يا بابا اوي و هو كمان بيحبني انا حكمت عليه بقلبي ونظرة عينيه و من خوفه علي ابن عمه

واصراره انه ينقذه حتي لو هو اللي هيموت بداله لكن حضرتك حكمت عليه من الاعلام و الصحافة ارجوك يا بابا

انا سمعت كلام حضرتك و قطعت علاقتي بيه بس عمري

ما هقبل انك تتكلم عنه وحش.

والدها/ ماشي يا نسمة واضح ان الكلام مالوش لازمة معاكي .. انا نازل رايح الشغل ولما ارجع دينا كلام ثاني مع بعض بس عشان خاطري قولي اي لقمه لو فعلا لي غلاوه عندك كلي

وفعلا نزل والدها وفضلت نسمه قاعده في الاوضة عيط ورفضت انها تاكل وفضل تتكلم مع نفسها / انا اه قلتلك ابعد بس مش للدرجه دي ، هو ليه ما كلمنيش ثاني بس حتى لو كلمني ثاني انا مش هرد عليك انا تعبانه ومتضايقه جدا ..

_______________________________________________

في الطياره

اسد كان قاعد ساكت خالص و بيكلم نفسه / خلاص كدة انتهي الوقت اللي كان يجمعنا كلنا يا خسارة

هو كان عارف ان هيرجعوا ثاني نفس العداوه وخصوصا

بعد ما الموضوع جاسر انتهى

اما جاسر كان بيفكر في حياه وان هو الي عمل فيها كده وصلها كده وان وجودها معاه بقى خطر على حياتها و خصوصا بعد ما فقد ابنه

اما حسام ما يختلفش عن الاسد كان بيفكر في نفس اللي اسد كان بيفكر فيه كان قلبه وعقله في صراع ما بين يسامحه و ينسي اللي فات ما بين كرامته اللي الاسد كسرها ..

وفعلا بعد وقت وصلوا مصر علي خير ..

بس اول ما نزلوا من الطياره اسد فتح موبايله واتفاجا برساله يا ترى ايه هي ؟؟؟؟

٤٠،٤١

#حورية_في_عالم_الوحوش

بقلم /يوستينا سامي

خرج اسد من الطياره و وصل ارض مصر بعد مرور حوالي عشر ايام غياب في امريكا ولقه رساله مبعوثه ليه على الموبايل من عاليه جدته ..انت فين يا اسد دي حور تعبانه قوي ونقلناها المستشفى

اسد اول ما شاف الرساله اتصدم وخاف جدا وبدا يرن على تليفون حور لكنه كان غير متاح وكذلك عمل في تليفون جدته لكن برده اللي غير متاح

حسام حس ان اسد متغير او متوتر فقرب منه

حسام/ مالك في ايه متوتر كده ليه هو حد كلمك ولا حاجه

اسد / جدتي باعتة تقولي ان حور تعبانه اوي و هينقلوها المستشفى انا خايف يكون حد اذاها

جاسر / طب ممكن تهدي طيب و بعدين اذاها ازاي يعني.

و بعدين ما فيش حد اصلا يعرف ان انت متجوز

اسد / بالعكس يا جاسر الفتره الاخيره مصر كلها كانت بتتكلم عن مشكلتي مع البنت اللي انا اخذتها وحبي فيها وغرامي ليها يعني اغلب الناس عرفت ان انا باحب واحده.. انا لازم ادور في كل المستشفيات عليها لازم اطمئن

حسام / طب استنى بس انا كده جاي معاك بس الاول نودي جاسر المستشفى اللي فيها حياه علشان يطمن عليها و يعملوله اسعافات انت مش شايف شكله .

اسد / اعمل انت كده يا حسام خليك معاه واطمئن على صحته وعلى صحه حياه وانا اروح ادور على حور ادعيلي الاقيها

حسام /ربنا معاك هتلاقيها يا اسد ما تخافش قول بس يا رب

وفعلا حسام اخذ جاسر وطلع على المستشفى اللي مراد كان قايله عليها هتبقى فيها حياه وفعلا لما وصلت تفاجئه بمراد موجود في المستشفى..

_____________________________________________

في المستشفي ..

جاسر جري على مراد / هي حياه جوه يا مراد مش كده

مراد / لا اهدا بس اهدا حياه نقلوها الاوضه ثانيه هاوديك ليها حالا هنا حور عشان هي تعبت قوي النهارده وتفاجات انها في المستشفى

حسام / يا نهار ابيض ده اسد قالب الدنياا ..انا هكلمه دلوقتي اقوله مكانها ....

وفعلا طلع موبايله و بدا يرن علي اسد و كانت مشاعره متلخبطة / الووو يا اسد حور موجودة في نفس مستشفي اللي كنا بنروحها ..

المستشفى دي هما معروفين فيها جدا لان كلهم كانوا بيروحوها وكذلك حسن لما عمل الحادثه برده راح المستشفي دي اسد اول ما سمع كده جري على المستشفى عشان يطمئن على حور

و مراد وصل جاسر لحياه اللي مازالت في غيبوبة ..

_______________________________________________

جاسر قرب من حياه و مسك ايديها و قعد علي الارض و بدا يعيط جامد / انا اسف انا عارف ان مهما اعتذرتلك عمرك ما هتسامحيني على اي حاجه عملتها

انا كنت باموت لما قالولي انك موتي وكنت فاقد الامل في حياتي ومش عايز اعيش من غيرك بس اول ما عرفت انك عايشه اترددت فيا الروح

انا مكنتش عارف اني بحبك اوي كده بس مش مصدق ان اللي بيننا واللي كان هيربطنا لبعض العمر كله مات وخايف قوي لما تفوقي سيبيني يا حياه

حاول جاسر ان هو يتملك نفسه ويمسح دموعه ومراد كان واقف على الباب وسمعه تقريبا هو بيتكلم وبيعيط وبدا يفتكر نسمه وبعدها عنه وحاول هو كمان يتماسك ودخل

الاوضه الجاسر وقرب منه واحط يده على كتف

مراد بحزن/ كفايه كده يا جاسر يلا بقى نخرج من هنا قبل ما يجيء حد من الدكاتره ويزعق وبعدين انت لازم حالا تتعرض على اي دكتور انت مش شايف وشك كله جروح ازاي ...

وفعلا بعد خناقات ادخل الحسام وفعلا قدر ياخذ جاسر من اوضه حياه وراحوا عند الدكتور وفي الوقت ده اسد كان وصل المستشفى ...

_______________________________________________

في اوضة حور ..

عليا / انتي ما تعرفيش انا كنت خائفه عليكي ازاي حور

انا كنت حاسة اني هموت فيها

حور بابتسامه تعب / ربنا يديكي طوله العمر يا حبيبتي

اطمنوا انا كويسة

لكنه فجاه دخل اسد وهو بينهج ومخضوض جدا واول

ما دخل الاوضه يجري على حور واخذها في حضنه بخوف ..

عزيز بضحك / مالك يا ابني خذ نفسك بالراحه وبعدين بالراحه على البنت .. البنت مش حمل طريقتك دي .

اسد / كنت هاموت يا جدي عليها ..

و بص لحور بحب / ايه اللي حصلك مالك يا حور انت كويسه ردي عليا يا حبيبتي ..

حور مسكت وش اسد بحب و كانت مش قادرة تتكلم و قالتله بحب / يا حبيبي اطمئن انا كويسه بس انا لسه عامله عمليه

اسد بخضه وبص لجد وجدته / عمليه ....عمليه ايه يا جدي ما تقولولي

عليا / يا ابني اهدا هي كويسه دلوقتي عملت عمليه الزايده ودلوقتي هي اهوو زي الفل وتقدر تخرج على بكره بالكثير من المستشفى

اسد قرب من حور وحضنها / يعني انتي كويسه دلوقت

يا حبيبتي انا اسف .. انا بعدت عنك في فتره اللي فاتت دي بس غصب عني انتي عارفه كل حاجه

حور /يا حبيبي انا كويسه اطمئن والله انا بس كنت محتاجاك جنبي واديك وصلت اهو

عزيز وعاليه لما شافوا كلامهم فضلوا ان هم يخرجوا بره الاوضه وفعلا خرجوا بس اسد تستغل الفرصه وقرب لحور

و باسهاااا ... ما كانش قادر يبعد عنها

حور بتعب و ضحك / يا مفتري حتى لو في المستشفى

اسد و هو قريب منها اوي / كنت هاموت عليكي يا حور .. انتي خلاص بقيتي النفس اللي بتنفسه ..

وفعلا قرب اسد تاني من حور و بدا يقبلها بحب واشتياق لحبيبته اللي بقاله عشر ايام بعيد عنها بعد ما اخيرا اتجوزوا

لكن تفاجئ بحسام بيفتح عليه باب الاوضه اسد اتغاظ قوي وبعد عن حور واخذ المخده و رماها عليه

اسد / يا غبي في حاجه اسمها باب لازم تخبط عليه ما تخش

حسام كان واقف مع مراد وجاسر بس كان وراه حسام

حسام/ يا بجاحتك يا اخي مش عاتق نفسك حتى في المستشفى يا ابني ارحم دي البنت لسه خارجه من العمليات. سلامتك يا حور معلش بقى مجوزينك واحد ثور .

حور ابتسمت / حسام الله يسلمك ميرسي بجد هو انت تصالحتوا .. يا ريت بجد نفسي ترجعوا زي الاول

اسد اتغاظ جدا انها ابتسمت لحسام ومسك ذراعها بغيظ و قالها / لا والله وايه سبب السعاده دي قوي لما شفتي حسام يعني وبعدين ما تصالحناش وهاقوم اضر*به دلوقت اهو ..

و في الوقت ده مراد وجاسر دخلوا

مراد / في ايه يا ابني انت وهو بتزعقوا ليه كده سلامتك

يا حور

حور / الله يسلمك يا مراد ..جاسر انت رجعت بالسلامه طمئني على حياه عامله ايه

واسد بغيره / انت يا بنت ما بتكلميش حد ثاني وانا واقف انت مش عاملة ليا اي اعتبار

حور ابتسمت حطت ايديها على وشه / يا حبيبي باطمن على الحياه عاملة ايه دلوقتي

حسام ابتسم / حبيبي اسد العقاد بقى يتقاله يا حبيبي على اخر الزمن باقولكم ايه يا رجاله . مش المفروض نسيبهم مع بعضيه و نخرج ..

اسد / والله كلك ذوق يا حسام باقولك ايه ما تمشيش انا عايز اتكلم معاك بس استناني خمس دقائق بره

حسام فهم قصده وفعلا خرج وقف استناه .

بعد مرور حوالي ربع ساعه خرج اسد من الاوضه ووقف جنب حسام اللي كان واقف لوحده لانه مراد لما شاف والد نسمه خرج من المستشفى وعمل نفسه بيتكلم في التليفون وراح اقعد في عربيته لانه كان متضايق جدا..

اسد / انا مش عارف اقولك ايه يا حسام بس انا فعلا مش قادر علي اي حاجة تاني لا قادر على خناق ولا عداوه

انا عايزه اعيش في حالي انا وامراتي وعائلتي ارجوك كفايه كره بقي .... ممكن ناخذ فرصه انا وانت ونبدا فيها صداقتنا من اول و جديد ...

حسام بص له وابتسم وقال ..............

استوب كدة بارت النهارده خلص انا زعلانه جدا جدا من التفاعل لانه قليل قوي ومش مشجع اني اكمل القصه ..

#حورية_في_عالم_الوحوش

بقلم / يوستينا سامي

حسام ابتسم وبص لاسد وقاله / تفتكر الموضوع ممكن يخلص بسهوله كده، بس اقولك انت عندك حق يا اسد

انا كمان مش قادر على كره او خناق من جديد ، انا غلطت اصلا لما رجعت من بره عشان اخذ حقي منك .

اسد بحزن/ حسام انا عارف ان اللي حصل بينا زمان صعب انه يتنسي ،بس أوعى تنكر ان الايام اللي فاتت هونت علينا كلام كثير و حاولنا اننا نتعامل مع بعض و نجحنا في ده .

حسام بتريقة/ و اللي انت عايزه مني دلوقتي هو اني اسامحك مش كدة ، طب ازاي يا اسد

انا عايزك تحط انت نفسك مكاني انا فعلا مش قادر اكرهك ولا قادر اذيك برغم كل اللي عملته فيك الا اني كنت موجوع برضو عليك ، لكن انا لو سامحتك هقل في نظر نفسي ودي اخر حاجه فاضله ليا هي كرامتي …

اسد بوجع من كلامه/ طب علي الاقل كفاية مؤمرات ..حسام انا عايز اعيش حياه طبيعي .. و حور نفسي افرحها بقي

و اعوضها عن اللي شافته هي كمان .

حسام / اسد …انا هسافر لاختي و متقلقش هنساك .

اسد /😳😳😥…

_______________________________________________

مراد برا المستشفي و جاسر كان جيه وقف معاه ..

جاسر / هو فين حسن صحيح .

مراد ابتسم / حسن ده الوحيد اللي محظوظ فينا والله اديه اتجوز و عايش حياته و احنا كنا بندور عليك انت ومراتك

جاسر / انا تعبتكوا معايا اوي انا عارف .

مراد / ما تقولش كدة ، ده انت لو كان حصلك حاجة عمرنا

ما كنا هنسامح نفسنا ..بس المهم بقي دلوقتي ..

جاسر قاطعه في الكلام / ايوة ان حياه تقوم بالسلامة هو ده المهم فعلا

مراد / احم ايه الاحراج ده .. انا كنت هقولك اني عايز اخ*طف واحدة بحبها و ابوها رافض يجوزهالي و مفكرتش في حياه تماما

جاسر ضحك علي كلامه/ يخربيت دبشك ...و بعدين ابوها رافض تقوم تخط*فها .. ما هو ده اللي ناقص ما انت ابن عم اسد العقاد هستني ايه منكوا يعني و بعدين ابوها رافضك ليه يعني ..

مراد / علشان دي ضريبة اننا رجال اعمال ناجحين ومعروفين

جاسر / مين الكداب اللي قالك الكلام العبيط ده ..

مراد بستغراب / كلام عبيط ليه .. ده حسن اللي قاله ليا

جاسر / اخوك بيضحك عليك طبعا ..لانك لا راجل و لا معاك اعمال و لا حد يعرفك اصلا . اسكت خلي الطابق مستووور .

مراد / لا والله ماشي يا جاسر ..هزر ما انا ناقصك اصلي .

ايه ده .. مش ده حسام اللي نازل من المستشفى اهوو

جاسر / اه هو ....استني كدة

حسااام تعالي رايح فين يا ابني

حسام بص ناحيتهم و راح وقف معاهم/ اي يا شباب عاملين ايه

جاسر / هنعمل اي با حسره ادينا واقفين اهووو...انت بقي مالك واخد في وشك كدة و رايح فين

حسام بحزن / عادي بقي رجعت تاني ماليش مكان هناا

انت هتقعد جمب حياه و اسد مع حور و هعمل ايه يعني

مراد بتريقة/ هتيجي تقعد جمبي لحد ما ربنا يكرم .. مالك بقي ده انا قولت خلاص كل المشاكل اللي كانت زمان اتحلت و بقيت انت و اسد صحاب من اول و جديد

حسام بحزن / ياريته كان ينفع ..انا لازم امشي دلوقتي علشان الحق اجهز حاجاتي لاني طيارتي الصبح ..

مراد / طيارة !! انت هتسافر تاني يا حسام ما كفاية بقي غربة ..انا تعبتلك علفكرة

حسام / وانا كمان والله تعبت ، بس ده احسن حل يمكن اقدر اعيش صح بقي وافوق لنفسي .. جاسر طبعا انا مش محتاج اقولك انك اخويا و لو حصل اي خلاف بينا قبل كدة

انا اسف و حقك عليااا ..ولو عايز تسافر معايا اول ما مراتك تفوق تمام ..ولو لااا برضو انا مش هزعل ، بس انا لازم امشي دلوقتي ابقوا اسالوااا يا عيال …

مراد حضن حسام جامد و كان علي وشك البكا لانه حس من كلامه انه مش راجع تاني مصر و كذلك جاسر و فعلا مشي حسام علشان يستعد للسفر ..

______________________________________________

في اوضة حور .

اسد دخل و هو موجود جدا من كلام حسام ليه

اسد / حور الدكتور قال انك هتخرجي بكرة الصبح باذن الله انا هبات معاكي هناا ، بس هنزل اشوف الحسابات الاول

و اجي

حور مسكت ايده / مراد دفع كل حاجة ، خليك معايا

يا اسد ... مالك وشك متغير كدة ليه ..هو حسام قالك حاجة زعلتك .

اسد باس ايديها / لا ابدا بس اديكي شايفة مكتوب عليا المشاكل الكتير .، بس انتي عندك حق انا عايز ارتاح شوية ..اوعي انام جمبك علي السرير

حور باحراج / جمبي ايه يا اسد ، افرض حد دخل الاوضة

و شفنا بالمنظر ده هيقول ايه علينا يعني .

اسد ببتسامة غزل / يقول اللي يقوله بقي ، و بعدين واحد ومش عارف يتلم علي مراته من ساعة ما اتجوزوا عايزاني اعمل ايه بقي يعني ..اوعي اتاخري بقي

و فعلا اسد نام جمب حور و اخدها في حضنه و نااام .

اما جاسر فهو ساب مراد و برضو راح اوضة حيات و فضل جمبها. لكن مراد ركب عربيته و مشي من المستشفى و رجع الفيلا .

______________________________________________

في الفيلا .

عليا / كويس انك جيت يا حبيبي ..تعالي بقي اتعشي معايا

احسن انا حساك كدة مضايق واوعي تقولي الظروف اللي احنا فيها .. احسن احنا خلاص مابقناش نستني يوم يخلص منغير ما يحصل مصيبة فيه

مراد ضحك / ماشي اقولهالك بقي علي بلاطة انا بحب واحدة اوي و عايزكم تيجوا تطلبوها علشان اتجوزها

عليا / ايه ده .. انت بتتكلم بجد يا مراد ، ايوة كدة يا ابني فرحني بيك

مراد / يا جدتي مش لما يوافقوا الأول .. ابوها رافضني تماما علشان الكلام اللي اتقال علي اسد

عليا / ده ايه الغباء ده .. بقولك ايه متقلقش انا هكلم جدك و هو هيتصرف و باذن الله البنت دي هتكون من نصيبك يا ضنايا

و فعلا مراد اتبسطت اوي و حس بالامل في كلام جدته .

و فعلا مر اليوووم بسلااام اخيرا …

_______________________________________________

تاني يوم الصبح ..

في اوضة حور في المستشفي.

اسد كان نايم علي السرير و حور نايمة علي كتفه ..

و كان بيبص علي حور بحب و كان مستنيها انها تصحي من النوم لكن فاجاه دخل الدكتور الاوضة ..

الدكتور / احم انا متاسف اوي بس .

اسد بغيره / بس اطلع برا حالا و ابقي بعد كدة خبط علي الباب

و فعلا خرج الدكتور و حور فاقت علي صوته / ايه يا اسد بتزعق ليه كدة يا حبيبي ..

اسد في اللحظة دي ابتسم / حبيبي ، بت انتي لما تشوفيني متعصب بلاش الحنية دي علشان بضعف انتي سامعة ولا لاء

و بعدين الدكتور جاي يطمن عليكي علشان نروح

و فعلا الدكتور دخل و هو مضايق جدا من طريقة اسد معاه و بدا يكشف علي حور / الحمدلله هي بقت احسن و تقدر تمشي النهاردة بس لازم تاخد الادوية اللي انا كتبتها دي بانتظام و تاكل كويس علشان الجرح

اسد/ تمام يا دكتور هنعمل كل ده بس اكتبلها بقي علي خروج

و فعلا الدكتور كتبلها علي خروج و كان في نفس الوقت جاسر قاعد جمب حياه الي لسه مافقتش .

______________________________________________

في اوضة حياه

جاسر كان واقف .. اسد قرب منه و حط ايده علي كتفه

اسد / متخفشي اوي كدة ياض الدكتور طمنا و قال ان حالتها مستقرة

جاسر / انا عمري ما هطمن غير لما تفوق يا اسد واحضنها انا عارف ان انت وحور هتمشوا دلوقتي ما تخافش عليا صدقني انا كويس و لو عوزت منك اي حاجة هكلمك .

و فعلا اسد حضن جاسر و راح لحور علشان يساعدها في تغير هدومها و يمشوا ..

______________________________________________

في اوضة حور .

اسد / يلا بقي تعالي قربي علشان اساعدك يا حور.

حور بكسوف/ بطل بقي قلة ادب ..اسد لوسمحت اطلع برا وانا هغير لوحدي بقي.

اسد بضحك / لا والله و هتغيري ازاي و انتي تعبانة كدة و مش قادرة تقفي ، حور بقولك ايه انا جوزك يا حبيبتي فاتلمي كدة .

و فعلا قرب اسد من حور بس حور وشها كان احمر اوي من الكسوف و حطت ايديها علي عين اسد ..

اسد / لا والنبي و ده بقي معناه ايه يعني

حور / هو كدة ، عايز تساعدني اغير هدمي يبقي تفضل مغمض عينيك علشان انا متكسفش ..

اسد / اه طبعا وماله ..

و اسد شال ايديها و قرب منها جامد و حضنها / بقولك ايه هتتلمي ولا عايزاني اتهور عليكي هنا في المستشفى

و نتمسك هنا في المستشفى

حور بضحك / لا وعلى ايه الطيب احسن ، انا اسفة

و فعلا اسد ساعد حور عشان تلبس واخذها ومشي من المستشفى وطلعوا على الفيلا واسد كان فرحان جدا انه رجع لبيته وشبه انتهت مشاكله و اخيرا فاز بحبيبته ..

بس تفتكروا الحب و السعادة دول هيكملوا !!!؟

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا

قصر الروايات

القائمة الرئيسية

الصفحات

تابعنا من هنا

أخر المواضيع من قسم : روايات حصريه

تعليقات

إرسال تعليق