رواية غرامي الفصل التاسع وعشرون والثلاثون بقلم زهرة الربيع حصريه وكامله في مدونة قصر الروايات

رواية غرامي الفصل التاسع وعشرون والثلاثون بقلم زهرة الربيع حصريه وكامله في مدونة قصر الروايات

رواية غرامي الفصل التاسع وعشرون والثلاثون بقلم زهرة الربيع حصريه وكامله في مدونة قصر الروايات

سامي كان واقف بثبات وبيبصلو بنظرة تحدي وغرام جريت ورا بدر خايفه انو يتهور

بدر وصل عندو وقال بغضب وحده…انت بتعمل ايه هنا انا مش قولتلك مش عايز اشوف وشك قدامي وكمان جاي ورانا هنا يا بجاحتك ياخي

سامي قال …اي ده في ايه وتكون مين انت علشان اسمع كلامك هو انت مجنون يا جدع انت انا هاجي وراكم ليه انا جاي الشاليه بتاعي

بدر بصلو بغضب ومسكو من قميصو بقوه و بعصبيه مرعبه وقال…مين الي زاقك  علينا…ها انطق احسنلك انا مش مرتاحلك من ساعت ما شفتك انطق بقولك

بدر كان متنرفز جدا وسامي قال… مزقوق ايه وهبل ايه انا اعرفك اصلا متشوفي جوزك يا مدام

بدر ضربو بوكس قوي وقعو على الارض وقال…ملكش دعوه بيها فاهم …وانا هعرف مين الي باعتك ..هعرف

وشد غرام بقوه ودخل بيها الشاليه بدر كان متعصب جدا وعمال يدور في المكان  بغضب اعمي وغرام قاعده بتبص عليه بس خايفه تكلمو من كتر عصبيتو

بدر وقف قدامها بغضب وقال ….احكيلي يا غرام ايه الي حصل لما خرجت والبني ادم ده طلع قدامك ازاي

غرام بلعت ريقها بتوتر وحكتلو من اول ما خرج لحد ما سامي ضرب الشاب الي  عاكسها وقالت في نهايه كلامها ..بس وانت جيت بعدها يعني الموضع صدفه  والمفروض نشكرو مش نضربو

بدر بصلها بصه خوفتها جدا وقال بعصبيه…صدفه..صدفه ان عربيتي الي مركونه  سبعه متر بعيد عن المحل يطلبو اني احركها ويفضلو يعطلو فيا ولا صدفه ينكب  العصير على فستانك وانا مش موجود وكمان صدفه ان مطعم رقي كده يتواجد فيه  شخص يعاكسك ويتعرضلك بالشكل ده وطبعا صدفه وجودالزفت ده هناك في الوقت ده  علشان ينقذك والصدفه الاكبر بقي انو هو الي يشتري الشاليه الي جمبنا بذات  .. انتي هبله يا غرام

غرام فضلت تفكر في كلامو شويه وبعدين قالت…هو لما الموضوع كلو حصل كان مبين  صدفه بس لما انت قولتو بالطريقه دي يبان فعلا انو مقصود بس هو ده مين  وهيعوز مننا ايه يعني

بدر قعد وحاول يهدى وقال…مش عارف معتقدش لسه في حد حابب يأذينا عماد وهشام ماتو و كمال اتسجن و

غرام شهقت بخضه وقالت ..ايه هشام ..مات..و كمال اتسجن انت بتقول ايه يا بدر

بدر خد بالو من الي قالو ولعن غبائو غرام متعرفش حاجه عن الي حصل كل الي عرفتو منو ان سحر اختو

بدر قعدها براحه وقال اهدي يا غرام دول كلاب كلهم ميستهلوش مننا اي شفقه هحكيلك كل حاجه بس خدي علاجك في الاول واهدي

غرام هزت براسها بمعنى حاضر واخدت العلاج وبدر شاف انها هديت شويه فضل  يحكيلها كل الي حصل معاه وغرام كانت مصدومه بشده من كلامو قالت….ايه ده  ..ازاي في ناس كده..معقوله..دانت كنت هتتجوزها ومحدش فيهم اتكلم طب..طب  وسحر عرفت الكلام ده

بدر ..مكانش فيه حل غير انها تعرف

غرام بحزن…وزعلت جدا طبعا …اصلا الموضوع صعب جدا كويس ان عصام معاها

بدر قرب منها وقال بحنيه…من اجمل نعم ربنا وجود شخص جمبك تحس انو هو كفايه….. وانا وملك محظوظين في الحكايه دي ربنا يخليكي ليا

غرام ابتسمت وقالت …لا مهو مش هينفع كده…مش عارفه اخد منك موقف خالص بسبب كلامك ده

بدر ضحك بقوه وقال…وهو لازم الموقف يعني …وقرب عليها وقال بخبث…كمان لو  تنامي في حضني انهارده وعد اخليكي متعرفيش تاخدي موقف عمرك كلو

غرام اتكسفت جدا وقالت بغضب مصتنع…انزل نام على الارض يا بدر …يلا

بدر اتنهد بضيق واخد غطا ومخده حطهم على الارض ومدد وقال…على راحتك انا كان قصدي اخدم بس

غرام نامت هيه كمان وابتسمت على كلامو… هيه كمان نفسها تنام في حضنو بس لازم ياخد عقابو الكافي

في اليوم التاني غرام صحيت على صوت خبط شديد على الباب فتحت عنيها بخضه  وفضلت تنادي على بدر مكانش بيرد لبست الروب وفتحت كانت فكراه بدر..بس كان  سامي

سامي بخوف شديد…اطلعي بسرعه يا مدام غرام ..اطلعي حالا

غرام استغربت وقالت بخضه..ليه فيه ايه

سامي بتوتر وخوف..حريق..يا مدام..اطلعي بسرعه وقبل ما تسأل اي حاجه شدها من ايدها بسرعه وطلعها بره الشاليه وقال خليكي هنا متتحركيش

غرام كانت خايفه جدا ومستغربه لما شافت نار في النبات والاشجار الي جمب  الشاليه على طول وفضلت تدور على بدر بعنيها بس ملوش اثر وسامي رجع بسرعه  وفي ايده طفاية حريق وفضل يطفي النار وغرام كانت عايزه تدخل فاكره ان بدر  جوه في الحمام او في المطبخ فضلت تصرخ وتنادي عليه وسامي كان ماسكها بقوه  بيمنعها تدخل

بقلمي..زهرة الربيع--- القصر

النار مكانتش قويه ابدا وغرام كانت عايزه تدخل تشوف بدر بس سامي كان محاوط  غرام من وسطها وهيه كانت بتحاول تفك اديه وعايزه تدخل وبتنادي على بدر

بس سبتت مكانها لما سمعت صوتو من وراها بيقول…..فيه ايه..

سامي ساب غرام بسرعه وعمل انو مشغول وبيطفي في النار الي كانت اساسا شبه  انطفت وغرام بصت على بدر بفرحه وجريت عليه رمت نفسها في حضنو وضمتو بقوه  فضلت تضم فيه اكتر وتبكي بشده

بدر مكانش فاهم حاجه شدد على حضنها لما لقاها خايفه وبترتعش وكل تركيذه على سامي بيحاول يفهم ايه الي حصل

بدر قعد غرام على الطاوله وقال ….ايه الي حصل احكيلي

غرام كانت بتشهق من كتر البكا والروب بتاعها اتفتح من كتر ما قاومت سامي لما كانت هتدخل الشاليه

بدر وقف قدامها وربط لها الروب وشالها ودخل بيها الشاليه وسامي كان بينادي  عليه وبيقوله يسيبها بره علشان النار بس بدر مردش عليه وطلع وبص على مكان  الحريق الي كان بسيط جدا جدا وميدخلش الشاليه اصلا بص لسامي بغضب بس قرر  يكون هادي ويحاول يفهم قال…متعرفش ازاي ده حصل يا استاذ سامي

سامي اتوتر شويه بس مبينش قال…معرفش والله انا كنت قاعد بشرب قهوتي وشوفت  الدخان والمكان بيتحرق فخبطت على مدام غرام خفت النار تذيد او تدخل المكان

بدر قال بهدوء… خبطت على مين

سامي قال بنفس الارتباك مدام غرام مراتك

بدر ابتسم ابتسامه جانبيه وقال…ااااه ….لا تمام خلاص انا فهمت شكرا على  مجهودك يا استاذ سامي وانا اسف على امبارح اعصابي كانت تعبانه شويه

سامي استغربو جدا وقال …لا ابدا ولا يهمك

بدر سابو ومشي وهو متأكد انو شكوكو في محلها وانو مزقوق عليهم وانو هو سبب  الحريق لانو قال اسم غرام مع ان لا بدر ولا غرام عرفوه بأسمها حتى في  المطعم هو وبيسألها عن اسمها بدر اتدخل…. بدر هنا قرر انو مش هيسيب المكان  الا لما يعرف حكايتو ايه

رجع بدر عند غرام وقعد جمبها وغرام كانت بتبكي جامد

بدر قال بهدوء وهو بيمسح دموعها …..خلاص يا حببتي محصلش حاجه اهي انطفت

غرام قالت ببكا وزعيق…انت كنت فيبن انا كنت فكراك جوه كنت مرعوبه قلبي كان  هيقف خفت النار تذيد وانت متعرفش تطلع كنت هموت كنت هموت بجد

بدر شدها عليه وقال بحب …خايفه عليا يا غرامي …طب ليه المشاعر نخبيها…. واحد غلبان زي مستنيها

غرام ضحكت بخفه ضربتو في كتفو وقالت بابتسامه…بتهزر كمان …صحيح انت كنت فين

بدر كان فرحان جدا رغم كل المشاكل لاكن لسه مشاعرها ناحيتو صاحيه لسه بتخاف  عليه قال…كنت باسحب فلوس والله لاني فلست مرضتش اصحيكي لان شكلك كان جميل  وانتي نايمه والله ما كملت ربع ساعه بس من هنا ورايح مش هسيبك دقيقه  واحده…لو دخلت الحمام هاخدك معايا

غرام ضحكت ضحكه جميله من القلب من زمان مضحكتهاش بدر بصلها وابتسم بفرحه وقال…واخيرا شوفتها دانا كنت انسيتها

غرام قالت بين ضحكها هيه ايه دي

بدر بصلها بعشق شديد وقال …ضحكتك القمر يا قمر

ومر ٣ اسابيع على ابطالنا بدون اي احداث تذكر بدر وغرام علاقتهم بتتحسن  وبدر بيعرف يسيطر على غضبها وحزنها وحالتها دايما للاحسن وده طبعا لانها مش  بتاخد اي ادويه من الي كانت تاخدها في المصحه حتى العلاج الي بتاخد منو  حاليا مجرد مهديئات وفيتامين كتبتو الدكتوره قبل ما يسافرو لان بدر هو الي  بيجيب العلاج متقدرش تكتب حاجه مضره

سامي كان بيحاول بكل الطرق يعمل اي حاجه يضايق بيها غرام علشان بدر يسيب  الشاليه بس مفيش فايده بدر بياخد غرام معاه كل مكان ومش بتغيب عنو لحظه  واحده

وفي القصر الدنيا كمان مستقره صفاء ومحمود ديما مع سحر الي اتعودت عليهم  جدا ودا طبعا لانها اصلا كانت ديما معاهم وعصام مبسوط جدا وهو وسحر علاقتهم  جميله ومتينه

كانت كده تعتبر الحياه ورديه لحد ما في يوم بدر صحي من النوم على صوت التليفون وكان والدو

محمود……………………

بدر قام بخضه ووقف بزعر شديد وقال انت بتقول ايه ازاي ده حصل..انا جاي..جاي حالا

غرام صحيت على صوتو بخضه قالت بخوف…فيه ايه..يابدر

بدر كان بيلبس بسرعه زي المجنون وقال….البسي بسرعه هنرجع القاهره بسرعه يا غرام بسرعه

غرام قالت بخوف اكبر…فيه ايه طيب قولي حاجه

بدر كان شبه مغيب وقلبو هيقف حرفيا قال…عصام…عصام اتقتل ووووووووو

يتبع….

30=رواية غرام الحلقة الثلاثــــــــــ30ــــون /

بدر كان شبه مغيب وقلبو هيقف حرفيا قال …عصام…عصام اتقتل ..بابا بيقول في جماعه ضربو عليه نار وهربو

غرام شهقت بصدمه ودموع وقالت….ايه…يا نهار اسود…وحصلو ايه…رد يا بدر حصلو ايه

غرام كانت بتقول كده و بتلبس باسرع ما يمكن وبدر خلص بسرعه وقال..ان شاء الله مش هيحصلو حاجه..لا مش هيسبنا..لا اكيد لا

غرام كانت مصدومه ومرعوبه بس لما شافت حالتو حاولت تتماسك علشانو  قالت…هيكون كويس يا بدر ربنا مش هيسيبو صدقني ..وركبو العربيه وطلعو بسرعه  على القاهره وتحديدا على المستشفي الي والدو قلو عليها

سامي شافهم ماشيين استغرب جدا وبعدها رن على الشخص اياه قال…انت عملت ايه خلاهم يرجعو كده من غير ماتعرفني حتى

المجهول ضحك وقال باستفزاز…ليه هاخد رأيك

سامي بغضب..طبعا المفروض تاخد رأيي احنا مش فيه بينا اتفاق

المجهول بغضب..كويس انك فاكر الاتفاق الي كان بينا..اسمع يا يا حلو انا  اتفقت معاك في ظرف اسبوع تطفشهم من عندك وعدو ٣ اسابيع ومعملتش حاجه  ..فخلاص اتصرفت انا .انا اصلا غلطت لما اعتمدت عليك من الاساس

سامي بخوف…طب..طب انت هتعمل فيها ايه ليه عايزهم ينزلو انت هتقتل البنت…بص انت مدام مدايق منو اققتلو هو هيه ملهاش ذمب وطيبه جدا و

المجهول ضحك بقوه. وقال بتريقه..ايه وقعت تحت سحر الغرام تصدق بقى نفسي  اشوف البنت دي الي بتوقعكم واحد ورا التاني وكمل كلامو بغضب مرعب وقال…العب  بعيد يا شاطر منتاش قد الموج ده انت مهمتك لحد هنا خلصت لو باقي على حياتك  متفكرش في البنت دي ابدا كان غيرك اشطر سلام

سامي قال بارتباك ..خلاص مليش دعوه بيها بس قلي هتموتها.يعني..

المجهول بضيق…يووووه مش هموتها .انا مشكلتي مع جوزها هحسرو عليها هخليه يشوفها بتنتهي بالبطيئ ويحس بذمبها عمرو كلو

سامي قال..طب اشمعنا غرام….هو عندو اخت وابوه امه

المجهول…وانت مالك انا عارف ايه الي يوجعو…غرام القاضي قوتو وضعفو ولاخر مره هقولك ابعد عن السكه دي دورك خلص خلاص باي باي يا شاطر

سامي لسه هيتكلم قفل السكه في وشو وسامي اتنرفز جدا وكسر التليفون ووقف ينهج بعصبيه قال وهو بيحاول يفكر…بيتهيألك خلص…صدقني بتحلم

عند بدر وغرام وصلو المستشفى ولقا والدو ووالدتو قلقانين جدا

صفاء اول ما شافتو جريت عليه حضنتو وهيه بتقول ببكا شديد…كنت فين يا بدر  شفت حصلنا ايه ..عصام ..صاحبك بيموت يا بدر وكانت حالتها صعبه وبتبكي بشده

بدر وغرام سندوها وقعدوها على كرسي وغرام جابتلها ميه وبدر قال اهدي يا ماما..اهدي مش هيحصلو حاجه خلي املك في ربنا كبير

بدر استنا شويه لحد ما هديت واتقدم ناحية ابوه الي كان واقف مش بيكلمو ولا حتى راح سلم عليه بدر حمحم وقال…بابا …بابا انت لسه زعلان

محمود قال بجمود وحزم…نتكلم في البيت

بدر عرف من طريقتو ان الكلام غير قابل للنقاش وبص حواليه شويه وقال امال ملك فين

صفاء ذاد بكاها ومحمود قال بهدوء في الاوضه دي اغمى عليها وادولها حقنه مهدأه

غرام جريت عندها بسرعه تطمن عليها وبدر سأل الدكتور عن حالة عصام وقلو انو  الرصاصه كانت قريبه من القلب بس طلعوها ولازم يستنو لحد ما يفوق

بعد عدة ساعات من التوتر كانت سحر فاقت وقاعدع معاهم بره وساكته وبس دموعها  بتنزل بغزاره بس ملت الفرحه المكان لما جيه الدكتور وقال …الحمد لله  المريض فاق واتكلم وهو تمام دلوقتي تقدرو تطمنو عليه بس واحد واحد لو سمحتو  ..واه مين فيكم سحر

سحر قالت بلهفه ايوه انا..انا سحر

الدكتور ادخلي انتي الاول علشان بيسأل عليكي

سحر جريت دخلتلو وبدر ضحك وقال…اهوه الي خايفين عليه من لقا احبابو نسي صحابو راحت علينا

****** القصر  ******

سحر دخلت عند عصام قعدت جمبو وهيه بتبكي بشده وعصام بصلها بحب و ابتسم بالم وقال… ليه الدموع دي ..انتي…عارفه…اني مش بحب اشوف دموعك

سحر بكت اكتر وقالت…كنت مرعوبه..مرعوبه ياعصام..خفت اني مقدرش اشوفك تاني…كنت بموت والله بموت

عصام ابتسم وقال بألم… بعيد الشر عنك انا تمام كفايه بكا بقى علشان خاطري

سحر مسحت دموعها وقالت….خلاص اهوه.سكت ..المهم دلوقتي انك كويس…وهتبقى احسن ان شاء الله

عصام ابتسم وقال…المشكله اني نفسي احضنك ومش عارف

سحر ضحكت وباستو من خده وقالت …بحبك

عصام لسه هيرد بدر قال احم …احم…لو سمحتي يا ملوكه اخرجي شويه خلينا نطمن على صاحب العمر الي ناسينا

سحر ضحكت وقالت…تمام اسبكم انا شويه وخرجت وبدر قعد جمبو وقال بابتسامه…حمد الله على سلامتك..

عصام….. الله يسلمك

بدر…..مين دول يا عصام

عصام قال بألم …علمي علمك والله انا خارج رايح الشركه زي كل يوم وقفت عربيه  قدام القصر فيها شباب مسلحين ضربو عليا واختفو بسرعه الموضوع واضح انو  مقصود بس مش عارف انا مين عايز يأذيني انت عارف اني مليش اعداء

بدر فكر شويه وقال…مش انت المقصود….يا عصام الي حصلك انا المقصود بيه..مش  عارف حاسس ان فيه حد لسه من مصلحتو اذيتي فيه مواضيع كتير حصلت وفيه شخص  ظهر قدامنا فجأه فيه حاجات غريبه بتدل ان لسه فيه حد عايز يأذينا

عصام قال…مين يعني مفضلش حد تاني

بدر…. مش عارف…بس هعرف

بعد يومين قضوهم في المستشفى عصام اتحسن شويه وخرجو وراحو القصر وكل واحد  راح اوضتو وبدر لسه هيطلع محمود قال بغضب…استني يا بيه عايزك

بدر وقف وقال بهدوء……. نعم يا بابا خير

محمود بعصبيه…تقدر تقلي كنت فين واخدت بنت عمك العيانه معاك ..انت ليه مش عايز تفهم ان غرام تعبانه البنت لازم تتعالج افهم

بدر اتنرفز وقال…يا بابا غرام مش عيانه هيه اعصابها كانت تعبانه شويه وبتتحسن وانا مش هرجعها المصحه تاني

محمود بعصبيه اكبر..والله يعني خلاص مبقاش لك كبير كبرت على ابوك عايز تدمر  البنت علشان انانيتك غرام وصيه عادل الله يرحمو اخويا الوحيد ومش هاجي  عليها اكتر علشانك يا بدر فهمت

بدر شاف ان ابوه متنرفز جدا قال…يا بابا انا عارف ان غرام عملت حجات كتير  بتدل انها مش طبيعيه بس اديك شفتها انهارده كانت كويسه جدا صدقني الكام يوم  الي عدو حسنو نفسيتها جدا وانا اضمنلك انها مش هتأذي نفسها او تأذي اي حد  ارجوك يا بابا انا مقدرش اعيش من غيرها

محمود بصلو واتنهد وقال…يا بدر يا ابني انت عارف اني بتمنى انك انت وغرام  تعيشو مبسوطين بس انت شايف تصرفاتها الفتره الاخيره مره انتحرت ومره ضربت  سحر بالسكينه وكانت هتقتل نفسها بيها وانت لحقتها انا خايف عليها بس مادام  انت واثق انها بقت كويسه انا همشي معاك للاخر المرادي كمان بس دي اخر فرصه

بدر باس ايده بفرحه وقال…والله مش هتندم يا بابا شكرا بجد وطلع اوضتو بفرحه  شديده بس اتفاجأ مفاجأة عمره لما شاف غرام واقعه على الارض مغمى عليها

بدر اتجمد مكانو لثواني بس جري عليها بلهفه وخوف وشالها حطها على السرير  وفضل يفوق فيها بس للاسف مكانتش بتفوق جري بسرعه اتصل على الدكتوره بتاعتها  بقلق شديد

بعد شويه جات الدكتوره وبدر نزل بسرعه وقال…بسرعه اتفضلي يا دكتور

محمود بقلق..هو فيه ايه يا بدر

بدر بخوف …مش عارف طلعت لقتها مغمى عليها يلا بسرعه يا دكتوره وطلعو بسرعه  ومحمود وصفاء طلعو وراهم بس فضلو كلهم بره حتى بدر حب يدخل والدكتوره رفضت  وللأسف ادتلها حقنه تخليها تتوتر زي المره الي فاتت ولسه هتخبي علبة الحقنه  بدر دخل فتوترت ورمتها في السله الي جمبها وقالت بحده…انت ازاي تدخل كده

بدر استغرب توترها بس قال …معلش انا قلقان عليها جدا ممكن تقليلي مالها

الدكتوره ……طب اتفضل وانا هاجي وراك

بدر طلع والدكتوره لسه هتشيل الحقنه غرام فاقت وقالت بتعب… انتي بتعملي ايه

الدكتوره قالت بتوتر…لا ابدا انا كنت بطمن عليكي يا غرام

غرام ابتدت تتوتر من الحقنه قالت ..مش عايزه حد يطمن عليه اخرجي بره

الدكتوره راحت ناحية الباب بتوتر وهيه خايفه حد يشوف الحقنه بس قالت لنفسها حتى لو شافوها هيفتكروها حقنه عاديه وحاولت تهدى وطلعت

بدر اول ما طلعت قال بقلق..مالها ايه الي حصل يا دكتوره

الدكتوره ..زي العاده اعصابها تعبانه شويه لاخر مره هقولكم غرام محتاجه تدخل المصحه تاني الموضوع مفهوش هزار

بدر قال بحده…انتي بتقولي ايه دي بقالها اسبوعين معايا معملتش ولا حاجه تدل انها زي ما انتي بتقولي محتاجه مصحه

بقلمي..زهرة الربيع- القصر -

الدكتوره…غرام مجنونه شئت ام ابيت ولو بتحبوها تساعدوها وترجعوها المستشفي

بدر اتنرفز خصوصا انها قالت كده قدام والدو وهو مصدق اقنعو قال بضيق…شكرا يا دكتوره مستغنيين عن خدماتك خلاص

الدكتوره انتو حرين عن اذنكم وجات تخرج سمعو صوت قزاز بيتكسر جريو بسرعه على اوضة غرام

اول ما بدر فتح الباب اتفاجأ بغرام واقفه في نص الاوضه وكسرة قزازه وماسكه نصها في ايدها

بدر جيه يقرب منها قالت بهستريا..ابعدو عني…ابعدو عني انتو بتكرهوني…كلكم بتكرهوني…الي هيقرب هقتلو هقتلكم كلكم..ابعدو هقتلكم

بدر نزلت دموعو وهو مستغرب ازاي ده حصل كانت كويسه فضل يحاول يكلمها  ويهديها بينما محمود قال للدكتوره اتصلي على المستشفى يبعتو عربيه تاخدها  هتمشي معاكي يا دكتوره

بدر سمعو بس كان واقف مش قادر يعمل حاجه دموعو بتنزل بأسف قرب على غرام بدموع وقال…سيبي من ايدك يا غرام

غرام بكت بقوه وهيه بتقول..لا..لا مش هسيب..انتو بتكرهوني..محدش بيحبني..ابعدو عني

بدر قرب اكتر ومش مهتم انها تأذيه وقال…محدش بيكرهك يا غرام..كلنا بنحبك انا كمان بحبك..بعشقك يا غرامي

غرام فضلت بصالو بدموع شديده وبدر فضل مركذ في عيونها ومسك الأزازه منها  رماها وهيه لسه مركذه معاه وشدها لحضنو وفضل يطبطب عليها بحنيه وغرام مسكت  فيه بقوه وهيه بتبكي وبتحضن فيه بقوه

قعدو على الارض وهما حاضنين بعض وبدر كان بيبكي بقوه حس انو خلاص كده  ميقدرش يخليها معاه حس الدنيا وقفت فضل يحضنها ويشم في شعرها وشدها ليه  بقوه عايز يشبع منها عايز يخبيها في ضلوعو عن العالم كلو

فضلو سوا فتره مش طويله وغرام كانت هتنام في حضنو لحد ما دخلو الممرضات  عايزين ياخدوها غرام اول ما شافتهم اتخبت في بدر اكتر وبقت تقول بهستريا  ورعب…لا..لا متسبنيش…متخلهمش يخدوني…وانبي يا بدر..وانبي مشيهم  …هيكهربوني…لا مش عايزه…لا

بدر نزلت دموعو بألم وغمض عنيه مش عايز يشفهم بياخدوها وغرام كانت ماسكه  فيه جامد والممرضات شدوها بقوه وماشيين بيها..بدر كان في حاله سيئه عايز  يكلمها مش قادر

غرام بقت تصرخ بشده وتقول…لا ..لا سبوني…يا بدر …بدر..وبدر واقف مش بيتكلم وووووووووو

يتبع….

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا