رواية غرامي الفصل الحادى والثلاثون والثانى والثلاثون بقلم زهرة الربيع حصريه وكامله في مدونة قصر الروايات

رواية غرامي الفصل الحادى والثلاثون والثانى والثلاثون بقلم زهرة الربيع حصريه وكامله في مدونة قصر الروايات

رواية غرامي الفصل الحادى والثلاثون والثانى والثلاثون بقلم زهرة الربيع حصريه وكامله في مدونة قصر الروايات

31=رواية غرام الحلقة الحادية والثلاثـــــــــ31ـــــــون

غرام بقت تصرخ بشده  وتقول…لا…لا سبوني….يا بدر..بدر ..بس بدر مكانش بيرد عليها ودموعو بتنزل  بغزاره ومشيو بيها بالعافيه تحت انظار بدر الي كان بيموت حرفيا

لاكن اول ماشافهم بيخرجوها من باب القصر حس بنار في قلبو حسها بتبعد مقدرش  يستحمل نزل السلم جري وراح يوقفهم ومش مهتم لابوه الي كان بينادي عليه  وعايز يمنعو

بدر شد غرام منهم وقال…محدش له دعوه بيها هيه كويسه مش هتروح معاكم

الدكتوره حبت تنقذ الوضع قالت…دي مجنونه يا استاذ بدر وخطر عليك وعلى عيلتك  ..خطر على نفسها كمان لازم تيجي معانا وشاورت للممرضات ولسه هيقربو بدر  شدغرام ورا ضهره وقال مش هتمشي يعني مش هتمشي

عصام كان صحي على الدوشه الي عملتها غرام وكان متابع الوضع وشاف نظرات والد  بدر الي كلها غضب بسبب الي بدر بيعملو فقرب منو وقال…يا بدر اسمع كلام  ابوك البنت تعبانه و

بس بدر قاطعو وقال بحده..مراتي مش تعبانه هيه مضايقه شويه وهتهدى ومحدش هياخدها كلامي منتهي

الدكتوره حاولت تاني وقالت…محمود بيه حضرتك المسأول عن حالة غرام في حال اذت حد او عملت في نفسها حاجه اللهم بلغت

محمود بص لبدر بغضب وقال ….انا الظاهر اهملت في تربيتك ايه محدش بقى قادر  عليك سيب غرام تروح معاهم با بدر والا هخليهم يخدوها بالعافيه

بدر بص لابوه بحزن لانو اول مره ميسمعش كلامو وقال…اسف يا بابا انا طول  عمري بعمل الي انت عايزه بس المرادي اسف غرام مش هتروح لاي مكان

محمود قال بغضب كده …طيب…. ونادى على الحرس بتوعو يمسكو بدر وقال للممرضات شوفو شغلكم

الحرس مسكو بدر والممرضات شدو غرام وغرام فضلت ماسكه في بدر بقوه وهو  بيحاول يزق الحرس بكل قوتو وفعلا زقهم بقوه وطلع السلاح بتاعو ووجهو على  الممرضات والحرس وشد غرام لحضنه وقال…اطلعو بره..وزعق جامد وقال  قولت…برررررره

الممرضات والدكتوره مشيو بخوف والحرس كمان خرجو وبدر بص لغرام كانت بترتعش  من الخوف حضن وشها باديه وقال بحنيه…اهدي…انا معاكي..محدش هيقربلك…اوعي  تخافي وانا جمبك

غرام كانت دموعها بتنزل وحضنتو وبقت تبكي بشده وبدر كان بيطبطب عليها لحد ما هديت شويه شدها من ادها وطلع بيها من غير ما يكلم حد

الدكتوره اول ما خرجت رنت للشخص نفسو وكانت مرعوبه قالت….ايوه يا باشا

المجهول…ها فرحيني اخدتوها مش كده

الدكتوره بخوف…لا للاسف…جوزها منعنا ورفع علينا السلاح

المجهول..يعني ايه انتي مش قولتي انك ادتيلها الحقنه بتاعت كل مره

ايوه والله وهيه فضلت تكسر زي العاده وابوه قال خدوها وكل شئ تمام بس جوزها بوظ الحكايه

المجهول..قال بغضب اعمي..كل ما اعمل حاجه يبوظها ابن القاضي حتى لما اغمى عليها واتصلو بيكي وجاتنا على طبق من دهب بوظهالي زي العاده

الدكتوره…..والله يا باشا انا اول ما اتصلو عليا وقالولي انها تعبانه جهزت الحقنه ورحتلهم فورا بس جوزها ده عنيد جدا

المجهول حاول يهدى وقال…خلاص انا هعرف اتصرف ..انتي معرفتيش هيه اغمي عليها ليه

الدكتوره ..ايوه عرفت..حامل

المجهول وقف بفرحه وقال…حامل

الدكتوره …ايوه …بس الحمل في اسابيعو الاولى وكان ضغطها واطى علشان كده اغمى عليها

المجهول…قلتيلهم حاجه عن الحمل

الدكتوره…لا قولت لما اشوف حضرتك الاول

المجهول….برافو عليكي سيبيني بقى اخطط كويس علشان خلاص بدر انتهى وبدل ما  هحسرو على مراتو هحسرو عليها وعلى ابنو ..المهم انتي اختفي اليومين  دول..علشان لو شك فيكي ميعرفش يوصلك

الدكتوره…طب وجوزي واولادي و

المجهول بغضب….بقولك ايه ..انا مليش في الكلام ده كلو قوليلهم اي حاجه ..سفرية شغل مثلا المهم تختفي وبعدين انتي مش بتشتغلي ببلاش

الدكتوره…حاضر…حاضر

في القصر غرام كانت قاعده على السرير بتبكي وبس وبدر قرب قعد جمبها وقال بدموع على حالتها….بتعيطي ليه طيب

غرام بدموع….هو انا بجد مجنونه يا بدر …انا مجنونه زي ما قالت الدكتوره  يعني ممكن ائذي الناس ..يعني لهم حق يخافو مني…اهلك كمان خايفين عليك مني  …وبكت بشده وقالت…اخرج يا بدر متقعدش معايا انا خايفه..خايفه أئذيك…انا  ممكن اموت لو عملتلك حاجه ارجوك اخرج وسبوني لوحدي محدش يدخل هنا وبقت تبكي  بحسره ودموعها تبكي الحجر

بدر كان بيبصلها بألم مبقاش قادر يشوفها بالحاله دي شدها لحضنو وقال….انتي  بتأذيني بدموعك يا غرام سامحيني…سامحيني لو انا السبب في كل الي وصلتيلو  …انا بعشقك يا غرام بعشقك..مستحيل اسيبك…انتي كل حياتي يا غرامي …وبعدين  مين قال انتي مجنونه هو انتي بتصدقي ام اربعه واربعين دي .

غرام ضحكت و قالت ….بس دي دكتوره

بدر بابتسامه…وايه يعني دكتوره ..هي الدكتوره متغلطش يعني انا هشوف احسن  دكاترة البلد وهنغير عليها وعلى علاجها انا اصلا مش مصدق انك محتاجه ترجعي  المستشفى

غرام حضنتو اكتر وقالت….خليك جمبي يا بدر..مش عارفه اعيش من غيرك

بدر بحب…ولا انا اعرف يا غرامي…. ونامو في حضن بعض كأن كل واحد فيهم لقا امانو وملجأو

تاني يوم صحيت غرام وبتحاول تقوم لاكن حست بشئ بيمنعها بتبص لقت نفسها في  حضن بدر وهو حاضنها باديه لتنين فضلت بصالو باستغراب هيه مش فاكره حاجه  ابدا قالت بهدوء….بدر…بدر

بدر فتح عنيه شافها قاعده مكسوفه شويه قالت….احنا امتى نمنا هنا ..وانت ليه منمتش على الكنبه

بدر اتنهد لما عرف انها مش فاكره حاجه قال بحزن …اصل انا جيت لقيتك نايمه  وكان ضهري واجعني فنمت جمبك…وسابها من غير ما يقول حاجه واخد لبس ودخل ياخد  دش

بعد شويه طلع ومكانش بيتكلم غرام قالت باستغراب….مالك يابدر هو فيه حاجه

بدر قعد جمبها وحاول يبتسم وقال…مفيش انا بس تعبان شويه قومي خدي حمامك علشان ننزل

غرام كانت حاسه انو مش كويس بس محبتش تضايقو اكتر خدت هدومها ودخلت تاخد شور

بدر قعد على السرير بحزن شديد وحاطط اديه على دماغو بس شاف شيئ في السله بيبص لقاها الحقنه الي ادتها الدكتوره لغرام

بقلمي..زهرة الربيع- القصر -

بدر مهتمش لان غرام بتاخد حقن كتير ولسه هيمشي فكر في اصرارها على ان غرام  تروح المصحه كمان غرام اتوترت بعد ما دخلت لها الدكتوره..والدكتوره نفسها  اتوترت لما دخل فجاه قام سحب العلبه من السله وخباها في جيبه

غرام طلعت وبقت تنشف شعرها وتسرحو وبدر فضل باصص لها بابتسامه وسرحان في جمالها

غرام بصتلو وابتسمت وقالت…..بتبصلي كده ليه

بدر قرب عليها وقال…شعرك يجنن وعيونك وكل حاجه فيكي

غرام اتكسفت جدا بصت بعيد وقالت…انا جاهزه يلا بينا

بدر قال بتوهان…يلا بينا فين

غرام بكسوف من نظراتو…يلا ننزل

بدر اتنهد وقال…ايه..ايوه صح المفروض ننزل

غرام ضحكت وبدر مسك ايدها ونزلو

بعد شويه كانو قاعدين كلهم على الفطار بس الاجواء متوتره محمود مش بيتكلم  مع بدر خالص والكل ملاحظ حتى غرام لاحظت واستغربت بس متكلمتش

بس قطع قعدتهم دخول البواب وقال…بدر بيه فيه واحده عايزه تدخل بتقول انها دكتوره واسمها سمر ..وبتقول انك انت الي طلبتها

بدر وقف بسرعه وقال..ايوه انا طلبتها خليها تتفضل

ودخلت الدكتوره وغرام والكل مستغربين بدر بص لغرام وقال بحنيه….اطلعي مع دكتوره سمر يا غرام من انهارده هيه هتابعك

غرام بصتلو بتستغراب وقالت …ليه.هو فيه حاجه..هو انا عملت حاجه

بدر ابتسم وقال…لا يا عمري هيه بس الدكتوره الي بتابعك سافرت وأنا عايز اطمن عليكي مش اكتر

غرام هزت راسها وهي مش فاهمه وطلعت مع الدكتوره .والكل كان مستني الدكتوره تطلع ومش فاهمين بدر جاب دكتوره تانيه ليه

بعد شويه طلعت الدكتوره وبدر ا قال بلهفه..خير يا دكتوره طمنيني مالها

الدكتوره …خير جدا انتو قلقانين كده ليه هو اول شهر طبيعي بيحصل فيه اغماء و  خصوصا ان جسمها ضعيف انا هكتبلها فيتمينات وانشاء الله هتبقى تمام

بدر قال بعدم فهم …اول شهر….. اول شهر في ايه ..بقول لحضرتك بقالها اكتر من اربع شهور بتتعالج تقوليلي اول شهر

الدكتوره ضحكت وقالت…انا مش بتكلم على علاجها …انا بتكلم عن الحمل

بدر اتسعت عنيه بزهول ومحمود وصفاء ابتسمو وعصام حضن سحر بفرحه وبدر واقف مش مصدق قال..ح.حمل..هية غرام

الدكتوره ..حامل في شهرها الاول الف مبروك

بدر حس بسعاده لاتوصف حاسس انو طاير من الفرحه عصام وسحر وامه وحتى ابوه  حضنوه بحب وباركولو وهو كان قلبو بيدق بسعاده هيموت من الفرحه و ونفسو يشوف  غرام ويحضنها لسه هيطلع افتكر الموضوع الي علشانو جاب الدكتوره وقف وقال  بقلق…طب وبالنسبه للموضوع الي حكيتهولك في التليفون

الدكتوره…اه موضوع انها بقت تكسر و كانت عايزه تأذي نفسها ده

بدر قال..ايوه الموضوع ده بيحصلها فجأه

الدكتوره….بص يا استاذ بدر مخبيش عليك ده موضوع ملوش دعوه بالحمل وكمان غريب جدا

محمود قال…ليه غريب يا دكتوره غرام من فتره اعصابها تعبانه جدا

الدكتوره ..شوف هو يمكن تكون اعصابها تعبانه بس مش لدرجة تاذي حد وتكسر  والكلام الي قالو استاذ بدر الموضوع غريب انا عملتلها اختبارات وسألتها  اسأله وكل شئ واضح انو طبيعي بس تبقى تجبها العياده هعملها اشعه لاني حاليا  مش فاهمه المشكله ايه

بدر كده اتأكدة شكوكو وخصوصا ان دكتورة غرام الاولى مقلتش انها حامل طلع علبة الحقنه وقال طب ممكن تكون دي السبب ووووووووو

يتبع….

32=رواية غرام الحلقة الثانية والثلاثــــــــــ32ـــــــون /

بدر كده اتأكدة شكوكو خصوصا ان دكتورة غرام الاولى مقلتش انها حامل طلع علبة الحقنه وقال..طب ممكن تكون دي السبب

الدكتوره مسكت العلبه وقالت باستغراب…. وهو ايه الي هيخلي مدام غرام تاخد من الحقنه دي

بدر قلق لما قالت كده وقال…ليه هيه دي حقنة ايه

الدكتوره…دي حقنه مخدره ..نوع من انواع المخدرات

بدر اتسعت عنيه بزهول وقال…مخدرات…طب ..طب هيه لو اخدت منها يحصلها كل الي حكيتهولك

الدكتوره…ازا كانت مش متعوده عليها واخدتها كام مره بس هتتوتر طبيعي اول ما  تخدها بس لما تتعود عليها هيذيد التوتر اذا مأخدتهاش في وقتها يعني تدمنها

بدر قلق جدا وقال…وازاي نعرف ازا كانت اتعودت عليها اولا

الدكتوره…. ممكن نعملها تحليل دم ونشوف نسبت المخدر قد ايه وده ضروري جدا  لانها حامل يعني ازا اخدت من الحقنه دي كتير يبقى لازم نطمن على صحة الجنين  لان المخدر ده ممكن يسبب تشوهات في الحمل لا قدر الله

بدر سكت وهو متفاجأ وخايف على غرام جدا ومحمود شاف حالتو دي زعل عليه جدا  وقال…طيب يا دكتوره احنا هنجيب غرام في العياده وانتي تشوفي الازم وتعمليه

الدكتوره…انا كمان شايفه كده الافضل اننا نطمن عليها ونعملها فحوصات شامله وكده نبقى متأكدين..استأذن انا

الدكتوره مشيت وبدر قعد باحباط وهو بيفكر مين الي ممكن يكون باعت الدكتوره  مين الي لسه عايز يإذيه ويأذي عيلته ابوه حط ايده على كتفه وقال..بدر…اهدى  يا ابني علشان تعرف تفكر..مين الي بيدي غرام الحقنه دي يا بدر الدكتوره مش  كده

بدر بحزن…ايوه هيه انا لما دخلت وهيه عند غرام اتوترت ورمتها قدامي في  السله بس الي هموت واعرفو مين لسه له مصلحه في اذيتنا حتى لما رحنا الشاليه  ظهر شاب كده وكانت تصرفاتو غريبه عمل اكتر من موقف بيدل انو مزقوق علينا  وبعدها عصام انضرب عليه نار حاجه تجنن مين فاضل انا هتشل

عصام قعد جمبو وقال….اكيد هنعرف انت بس اهدى وخلي بالك على غرام الواضح ان الي بيعمل كده مش هيسكت ولازم نخلي بالنا

محمود قال…عصام معاه حق …بس انت بتقول شاليه…. شاليه ايه ده هو انتو رحتو فين اصلا

بدر حكى لابوه كل شيئ ومكان الشاليه وانو اشتراه علشان رغبة عمو ومحمود كان  بيسمعو بصدمه قال…انت…انت متأكد ان ده نفس الشاليه الي عادل كان  هيشتريه..يعني الشاليه الي نزل فيه الشاب ده هو الشاليه الي جمبو على طول  متأكد

بدر استغرب صدمتو وقال..ايوه هو حتى انا كنت حابب اشتريهم التنين بس قالولي  متباع لواحده المانيه ومش راضيه تبيع بس انت ليه مستغرب يعني

محمود وقف بقلق شديد وقال..ليه مستغرب…مستغربش ازاي ..انت عارف مين صاحبة الشاليه ده

بدر وقف باستغراب وقال …مين

محمود بقلق اكبر..كرستين..والدة غرام…

بدر اتسعت عنيه بشده وقال بصدمه…لا..لا مش ممكن طبعا

محمود…زي ما بقولك من كام سنه نزلت مصر…واتصلت عليا وقالت انها عايزه تشتري  الشاليه ده علشان عادل كان نفسو يشتريه وانا مرضتش اجبها البيت هنا علشان  غرام متشوفهاش وفعلا خلصتلها الورق بتاعو واشترتو وسافرت بس ازاي يعني  معقوله تكون باعتو بس هتبيعو ليه دي مش محتاجه فلوس خالص وبعدين المكان كان  عاجبها جدا

عصام قال…يمكن تكون اجرتهولو يعني

بدر بغضب …وليه متكونش مأجراه علينا وتكون ورا كل الي بيحصل ده

عصام باستغراب…انت بتقول ايه..دي بنتها معقوله هتأذي بنتها

بدر بغضب…دي ست فيها العبر متستغربش عليها اي حاجه واحتمال كبير تكون وراكل  شيئ بيحصل على العموم انا من ساعت مانزلت وانا مكلم واحد صاحبي هناك يجبلي  قرار الولد ده واكيد هعرف ايه حكايتو ومين باعتو

محمود..المهم متجبش سيره لغرام الا لما نتأكد دي امها برضو

بدر بتفهم …اكيد مش هقولها حاجه عن اذنكم انا طالع لها ….وطلع بدر لغرام واول ما فتح الباب شاف غرام حاطه مخده تحت الهدوم على بطنها

بدر ضحك على شكلها وقال….ايه الي عملاه في نفسك ده

غرام ضحكت وجريت عليه حضنتو بقوه وفرحه مكنتش مصدقه نفسها

بدر بادلها الحضن باشتياق وحب كبير وغرام بعدت عنو شويه وقالت…شوف يا بدر  شوف شكلي لما بطني تكبر انا مش مصدقه هموت من الفرحه حاسه اني طايره هجيب  بيبي مش معقوله

غرام كانت مبسوطه جدا جدا جدا ولاول مره تكون بالسعاده دي بقت تضحك وهيه  بتبص على شكلها في المرايه وتختار هدوم واسعه من الدلاب علشان الحمل

بدر بصلها بحب وفرحه كان مبسوط فعلا بس لما شاف السعاده في عيونها فرحتو  بقت اضعاف شالها براحه وهيه تعلقت في رقبتو ونزلها على السرير براحه  وقال…لسه بطنك مش هتكبر دلوقتي مش محتاجه الهدوم دي حاليا وبعدين الستات  بتكره الحمل علشان جسمهم بيبوظ وانتي مستعجله ان بطنك تكبر

غرام ضحكت وقالت …انا مستعجله جدا انا عايزاه يجي حالا عايزه اشوفو مش مصدقه اني هجيب ولد حلو زيك

بدر ضحك بقوه وقال…طب مش يمكن تجيبي بنوته حلوه زيك

غرام بصتلو بحب وقالت….عادي اجيب بنت حلوه زيك برضو وكملت وهيه بتمشي  اييدها على وشو… نفس الجمال نفس الملامح نفس العيون كل حاجه فيك حلوه

بدركان بيبصلها بعشق ابتسم وقال…ايه الهنا الي انا فيه ده كلو معقوله غرام  القاضي بنفسها بتتغزل فيا دا انا صفاء دعيالي انهارده على العموم يا غرامي  ابنك محظوظ لانك امو ولو ورث ربع جمالك هيطلع قمر

غرام ابتسمت وبدر قرب منها ومقدرش يمنع نفسو قرب من شفايفها وانسجم معاها  في بوسه طويله كلها اشتياق وحب بعد عنها شويه وقال بهمس…بعشقك يا غرامي

في مكان تاني كان الشخص نفسو بيكلم دكتورة غرام وبيقول بغضب….جاب دكتوره  غيرك معناها شك فيكي مش بس شك ده اكيد اتأكد واكيد الدكتوره التانيه  قالتلهم ان غرام حامل كل خطتي بتبوظ بسبب غبائك

الدكتوره بخوف…انا والله بعمل كل الي بتقلي عليه ومش عارفه ايه الي خلاه يشك معقوله يكون شاف علبة الحقنه

المجهول..الله عليكي …كمان…يعني انا فاكر انو شك بسبب خوفك الي مش مبرر  وانتي كمان سيبالو دليل ومش عيزاه يشك…وحاول يهدى شويه وقال…اسمعي انا زي  ماقولتلك انتي هتفضلي متخبيه اوعي يعتر فيكي لحد ما احتاجك هرنلك لاني كده  هغير خطتي خلاص مفيش امل ان غرام ترجع المصحه تاني

الدكتوره ….امال هتعمل ايه هتقتلها

المجهول …انا مش عارف ليه كل الي بشتغل معاهم اغبيه وانا هستفاد ايه من  قتلها..قوليلي هي غرام علشان تبقى مدمنه بالكامل على الحقنه بتاعتك محتاجه  كام واحده تاني

بقلمي…زهرة الربيع- القصر

الدكتوره…هيه مخدتش منها كتير يعني محتجالها بتاع خمس حقنات كمان… هوانت عايز تخليها مدمنه…طب كده ممكن الجنين يتأثر

المجهول..ما يتأثر ولا يموت وانا مالي بيه دا انا كمات ابقى ضربت عصفورين بحجر …المهم حضري الحقن واستني مني خبر سلام

عند بدر كان بيلبس بدلتو علشان هيروح الشركه قال…بقلك ايه يا غرام الدكتوره  سمر قالت انك لازم تروحي العياده علشان تعملي شوية تحاليل ونطمن على  البيبي

غرام بصتلو بقلق وقالت…ليه يا بدر هو ممكن يكون اتأثر بالعلاج الي باخدو متخبيش عليا يا بدر ارجوك تقلي قالتلك حاجه

بدر ابتسم بيحاول ميبانش عليه قلقو وقال…يا حببتي ابدا اصلا علاجك كلو  مقويات ومهديئات بسيطه يعني مش مضر بس احنا عايزين نطمن ولا انتي مش عايزه  تطمني عليه

غرام قالت بابتسامه وحماس ..لا دانا هموت واطمن عليه واسمع قلبو واشوفو على الشاشه

بدر ضحك من قلبو وقال..تشفيه وتسمعي قلبو كمان…يا حببتي ده لسه صغير

غرام قالت طيب انت رايح فين دلوقتي

بدر….. انا هروح الشركه فيه واحد صاحبي هيقابلني هناك ضروري لازم اروح بس  مش هتأخر عليكي بلاش تنزلي السلم والدكتوره وصت على شوية اكلات لازم تكليهم  انا قلتلهم يجهزولك منهم وخلي بالك على نفسك تمام

غرام قالت…تمام متقلقش..ومتتأخرش كمان

بدر قال وهو خارج تمام مش هتأخر بس اول ما وصل عند باب الاوضه ولسه هيخرج  حس ان غرام وحشاه زي ما تكون بعيده عنه اميال رجع وقرب منها وبدون مقدمات  حضنها بقوه زي ما يكون بيشبع منها

غرام استغربت منو قوي بس بادلتو الحضن بحب بعد عنها وهو حاسس انو مش عايز يسبها غرام قالت…فيه حاجه

بدر فضل يتأمل فيها شويه وقال…ابدا ..بس حسيت انك وحشاني

غرام ابتسمت ابتسامه جميله جدا وبدر مشي وهو قلبو مش مطمن ابدا

في الشركه كان بدر قاعد مع واحد وقال…انت متأكد يا حازم من كلامك ده

حازم ..ايوه يا بدر انا اتأكدت كويس قبل ما اقولك سامي ده يبقى ابن جوزها  بعد ما عمك الله يرحمو ما مات هيه زي ماانت عارف سافرت المانيه تاني وبعدها  اتعرفت على دكتور هناك اسمو احمد نصر كان متجوز واحده من القاهره ومخلف  منها سامي وبعدها طلقها علشان يتجوز كرستين وفعلا اتجوزها بس الغريب ان  كرستين وسامي علاقتهم كويسه رغم ان ابوه طلق والدتو بسببها

بدر قال…طب ووالدو عايش

حازم…لا اتوفي من كام سنه وكرستين فضلت مقيمه في المانيه وسامي مقيم مع والدتو في القاهره

بدر قال شكرا بجد يا حازم تعبتك معايا ونزل من الشركه وركب عربيتو واتوجه للقصر

عند غرام كانت قاعده فرحانه وبتمشي ايدها على بطنها بحب وسرحانه في شكل ابنها هيكون ازاي وفاقت من شرودها على صوت التليفون

غرام فتحت الخط وقالت…الو

جالها صوت بيقول….حضرتك مدام غرام القاضي

غرام…. ايوه انا مين معايا

الشخص..انا بكلم حضرتك علشان ابلغك جوز حضرتك عمل حادث ونقلو للمستشفى عندنا وهو طالب يشوفك

غرام اتصدمت وقلبها كان هيقف من الخوف قالت بزعر…ايه انتي بتقولي ايه حصلو حاجه

الشخص…هو كويس بس عايز يشوفك وبيقولك تعاليلو على المستشفى القريبه من القصر حالا من غير ما تحكي لاهلو حاجه علشان والدتو متتعبش

غرام نزلت بسرعه من غير ماتقول لاهلو وطلعت من القصر بخوف واخدت العربيه  وطلعت بيها واول ما بعدت شويه عن القصر وقفت عربيه قدام عربيتها

غرام وقفت العربيه بضيق وخوف خايفه على بدر جدا ونزلت تتكلم مع سواق العربيه الي قطع طريقها

بس اتفاجأت باتنين شباب نزلو من العربيه ومسكوها بالقوه عايزين ياخدوها حاولت تصرخ بس للاسف خدروها ووووووو

يتبع….

 تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا