رواية خيانة الوعد الفصل التاسع 9 بقلم داليا منصور الفرجاني حصريه في مدونة قصر الروايات
رواية خيانة الوعد الفصل التاسع 9 بقلم داليا منصور الفرجاني حصريه في مدونة قصر الروايات
#الفصل_التاسع
#استحق الكل يعمل شير للبوست بالجروب وتعملولي متابعة....
... بعد أسبوع كان الكل تاني قاعد على السفرة وسامر كمان قاعد وكان كل شوية يسرق النظر على جميلة اللي باين عليها الحزن رغم أنها لسه عروسة..
عبد الجليل:
- انتي يابتي جميلة..
جميلة وهي بتفوق من سرحانها:
- نعم ياعمي رايد مني حاجة اعملهالك عاد...
عبد الجليل:
- مالك يابتي عنادي عليكي من الصبح بس مش بتردي عليا فيكي ايه يا بتي صالح مزعلك..
جميلة بحزن بس أخفته هتقلهم أيه انها بتحب سامر مش صالح طول اليل قلبها مع سامر كانت شايفة سامر وهو داخل مش صالح قالت في سىرها:
- يارب معتش قادرة استحمل قلبي بيعورني قوي مش قادرة اشوفه قدامي وأنا اكون قاعدة كده ومش قادة اتكلم....
دمعة نزلت من عيونها ومسحتها بسرعة وهي بتقول:
- متقلقش يا عمي صالح زين وياي وعيعاملني زين قوي...
عبد الجليل:
- ربنا يفرح قلبك يابتي...
سامر شاف دمعتها وقلبه وجعه قال لأبوه:
- اشوفك بعافيه يابا انا هروح اشوف القسم واعرف المكان علشان لو استقريت هنا اكون عارف كل حاجه...
عبد الجليل:
- روح يا ولدي...
مشى سامر وبعدين بص على حفيظة وهو بيقول:
- جهزي اوضت سامر لأنه هيقعد ويانا من اهنيه ورايح أنا كلمته وهو نقل في القسم اهنيه..
حفيظة بكره:
- ماشي ياخوي عجهز كل حاجة بس يمكن ولدك مش متعود على عوايدنا وميرضاش يقعد ويانا والا ايه...
عبد الجليل بتفكير:
- لاع هيقعد اهنيه أن الأوان كل طير يرجع لعشه يا حفيظة...
حفيظة جواها نار وهي بتقول :
- مش كل طير ليه عش يا عبد الجليل في طير لو رجع عشه بيموت طوالي لأن عشه بيكون الوكر بتاعه ...
جميلة كانت قاعدة مش فاهمه حاجه بس صالح فاهم....
ريم بحب:
- صوح الحديت ده يابوي اخوي هيجي هنيه ومعتش هيرجع للبندر واصل...
حفيظة بعصبية:
- ومالك طايرة من الفرحة كده ليه همي قومي شيلي السفرة...
وبعدين بصت على جميلة وهي بتقول:
- ها العروسة معيزاش تساعدنا والا ايه...
جميلة بخوف:
- لاع مين قال كده انا قايمة ها...
وقامت جميلة علشان تشيل مع ريم كل حاجه وصالح طلع يعمل تليفون وحفيظة وعبد الجليل كانوا لسه مكانهم..
حفيظة بكره:
- بقى جايبلي ولد عدوتي لهنيه باقي ايه عاد...
عبد الجليل:
- أنا خلاص معتش هظلم حد ولدي حقه يعيش ويا ابوه وبس وبالنسبة لـ صابرين هتيجي علشان تعيش مع ولدها ولو جا أنا هرجعها وهتفضل اهنيه وياي أنا وولدي ومهما عملتي مش هتركها واصل....
حفيظة بكره:
- يعني عتتحداني يا عبد الجليل ومعتش فارق معاك حاجة امال..
عبد الجليل:
- اعلى ما فخيلك اركبيه وانا معتش هظلم ولدي اكتر من كده يا تقعدي محترمة هنيه يا تغوري من وشي واطلقك واخلص كفاية عيشتيني في تعب طول السنين اللي فاتوا..
حفيظه سابته وراحت اوضتها وهي مش طايقة حد...
عبد الجليل وهو بيقول في نفسه بعد مشافها مشيت متعصبة:
- خلاص عاد معتش هتقدري تتحكمي فيا واصل أنا هنيه بقيت الكل في الكل يا حفيظة هانم ولو عملتي حاجه انا اللي هقفلك...
...... عند صالح كان قاعد وبيفكر في اللي حصل وازاي يخلي جميلة ترجعله وتحبه بس افتكر اللي حصل الصبح لم شافها بتبص على سامر ودموعها نازلة قال..
- يانا يا أنت يا سامر أنت خدت مني ابوي بس مش هسيبلك جميلة واصل لأنها مرتي وحقي أنا وبس...
وفضل يفكر ايه اللي ممكن يعمله مع اخوه علشان يخلص منه بس افتكر شوشو اللي كان بيكلمها زمان..
صالح بمكر:
- شوشو عاملة ايه يابت وحشتيني قوي..
شوشة بدلع:
- وحشتك ايه بس يا غشاش بس لهجتك دي احسن من لهجتك العادية شكلك وانت صعيدي افضل...
صالح بخبث:
- وه وأنا مكنتش الأول حلو أياك يا بت يا شوشو...
شوشو بدلع:
- ايه اللي فكرك بيا يا صالح مش سبتني وقولت بتحب مرتك..
صالح:
- أصل هنيه شخص بكره قوي..
وحكالها كل حاجة..
صالح:
- ها هتسعديني اتخلص منيه عاد...
شوشو:
- عندي حل ليك وهو...
وقالتله على الحل صالح قال بمكر:
- مخك سم قوي ايه الدماغ دي يابت يا شوشو....
بعد اسبوع من الأحداث.....
الكل كان قاعد في الصالة وسامر داخل من ابشغل تعبان شافته جميلة وسألته:
- مالك يا سامر فيك حاجة امال..
صالح شافها سألته ادايق وهو بيقول:
- وانتي مالك عاد هو حر بنفسه تدخلي ليه ها..
جميلة سكتت وسامر بصلها وهو بيقول:
- تكرمي يا مرت أخوي بس كان عندي قضية صعبة قوي فضلت سهران عليها طول اليل فعلشان كده دماغي وجعتني قوي...
عبد الجليل بقلق:
- اجيبلك الدكتور يا ولدي..
حفيظة بتريقة:
- مالكم عاد بيقول صداع مش هيموت يعني...
ونادت على الخدامة:
- بت سا سنية انتي يابت...
سنية وهي بتجري:
- نعم يا عمه ائمريني..
حفيظة:
- شوفي سامر عيشرب قهوته ازاي علشان الصداع ويفكنا اياك...
سامر كان لسه هيشتمها لأنه اتخنق منها بس وقفته الخدامة:
- امرك يا سامر بيه رايد قهوتم ايه..
سامر بخنقة:
- عاوزها سادة يا سنية...
سنية: امرك يا بيه....
.. وجريت على المطبخ علشان تعمل قهوة ولم عملت قهوة فجأة...
صالح:
- سنيه روحي شوفي بطاقتي فوق لأني رايدها..
سنية:
- بس قهوة سامر بيه...
صالح بعصبية:
- قولتلك ايه عاد انجري هاتي بطاقتي الدنيا مش هتولع عاد لو اتأخرتي شوية...
سنية:
- امرك يا صالح بيه..
خرجت سنية وصالح خرج كيس فيه بودرة بيضة وحطها في القهوة وخلطها وهو بيقول...
- نهايتك النهارده يا سامر يا خوي اشوف وشك بخير...
جت سنية وخرج صالح وهو مبسوط...
عن سامر شاف سنية جاية خد كباية القهوة بتاعته وطلت لفوق علطول وصالح راح المطبخ وكان بيرقص من الفرحة وركن على جنب وشاف كباية قهوة..
- ياترى سنية عاملة كباية القهوة دي لمين المهم انها سخنة اشربها تكيف مزاجي عبال مسمع خبره...
شرب صالح كباية القهوة وهو بيتخيل ايامه مع جميلة بعد موت سامر وهو طالع على السلم فجأة وقع صالح...
سنية شافته صوتت:
- صالح بيه فوق يا صالح بيه هو بينزل ايه من بقه داهية ليكون جراله حاجه...
يعالم الحقوني...
الكل جرى على سنية وشاف صالح مرمي على الأرض وبقه بينزل رغوة بيضة ووشه ازرق وعيونه مفتحه...
الكل صوت وحفيظه جريت على ابنها وهي بتقول...
- ولد مالك يا ضنايا قوم متحرقش قلبي عليك...
فضلت تصرخ وجميلة من المنظر بكت رغم اللي عمله فيها بس هو روح وفي الأخر هو جوزها....
طلبوا الدكتور وكشف عليه..
الدكتور خرج من الأوضه وهو بيقول:
- أحنا نقدر نقول كلمة واحدة البقاء لله شد حيل يا حج عبد الجليل...
عبد الجليل من الصدمة وقع وسامر سنده وحفيظه جرت على اوضت ابنها وهي بتصرخ وجميلة وقعت على الأرض وهي بتبكي على الأخر، وريم كانت بتصرخ على اخوها باليل كان الكل في الشادر بتاع العزا والحريم كلهم بيعزوا حفيظة...
واحدة من الستات وهي بتلقح على جميلة:
- البت دي شكلها نحس امها بعد مولدتها اتوفت وجوزها سابها ليلة فرحها وبعدين رجع واتجوزها واتوفى بعد فرحه بشهر دي نحس وعتنحس العيلة كلياتهم....
حفيظة بكره:.....
#استوووووووب..
ياترى ايه اللي هيحصل مع جميلة وهل حفيظة هتسيبها في حالها بعد اللي حصل؟؟
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا