رواية خيانة الوعد الفصل الثامن 8 بقلم داليا منصور الفرجاني حصريه في مدونة قصر الروايات
رواية خيانة الوعد الفصل الثامن 8 بقلم داليا منصور الفرجاني حصريه في مدونة قصر الروايات
~«الفصل الثامن» ~
كامل بتريقة:
- أه سامر يا خوي ولدك اللي رميت أمه ورميته للغريب يربيه ده عوايدنا يابن العزايزة عاد عيلتنا فخر للكل سواء لصغير أو للكبير يا خوي أنت تعمل فأبنك اكده..
نزلت دمعة من عين عبد الجليل وقعد على الكرسي وهو بيقول بحرقة قلب:
- غصب عني يا خوي غصب عني صدقني قلبي حارقني من اللي اعملته وبالذات في حب عمري..
كامل باستغراب:
- كيف عتقول حب عمرك وانت سيبتهم اكده والا حتى دورت عليهم واصل تعرف مين اللي حمى بتي كان ولدك رغم جبروتك بس مقدرش يشوف لحمه ودمه بيتعزب ياخوي قالي بالحرف أنا شوفت أمي في جميلة أبنك مكسور منك قوي ياخوي قوي...
عبد الجليل وهو بيقوم:
- وولدي كيفه دلوكيت اتوحشته قوي رايد اشوفه واتحدت وياه جايز يسامحني على غلطات الماضي...
كامل:
- هو مش هيقعد وياك دماغة ناشفة قوي بيشبك بطباعه ياخوي بس هتشوفه في فرح صالح وجميلة لانه عندي في الدار...
عبد الجليل:
- صوح ياخوي ولدي عندك في الدار يعني هو هنيه في البلد..
كامل:
- اخوي بس لازم تعمل اللي عقولك عليه.......
..... عند جميلة كانت قاعدة على السرير....
جميلة:
- بقى بتجبرني يابوي اتجوز الراجل اللي ساب مرته يوم الفرح علشان كلام الناس عاد للدرجة دي يابوي أنا مليش عازة بحياتك، بس أنا لازم أعمل حاجة تخليه يندم على اليوم اللي فكر يرجعلي فيه...
وقالت وهي بتفكر:
- اعمل ما بدالك ياولد عمي بس القرار في النهاية قراري ومعطولش والا شعرة مني واصل...
فجأة أميرة دخلت وهي شايفاها بتعيط...
اميرة:
- قومي ياخيتي علشان محط الحنة عاد البلد كلياتها جاين علشانك بس لأنهم مش متأكدين أن العريس رجع علشانك...
جميلة وهي قلبها محروق:
- اللي ميصدقش هو حر أنا عتحايل عليهم عاد أنا اشرف من مليون بنت اهنيه مش كل بنت جوزها سابها تبقى معيوبة ياختي..
اميرة:
- وه وأنا مالي عاد هما اللي عيقولوا كده أنا كل اللي بعمله اني بقولك على اللي بيحصل بره مع العالم كلياته علشان متتفجأيش واصل...
جميلة سكتت وبدأت تجهز نفسها علشان الحريم اللي هتيجي علشانها..
....... عند صالح....
كان قاعد في اوضته وهو سرحان فجأة شاف امه داخله الأوضة بسرعة وعصبية...
حفيظة بعصبية:
- اللي ابوك عيقوله ده صوح..
صالح بخوف:
- صوح ياما انا رايد جميلة بنت عمي كامل ومش هسيبها واصل..
حفيظة:
- مش قلتلك يابن عبد الجليل البنت دي مش هتدخل داري واصل ولو دخلت هطربق الدنيا فوق دماغ الكل ومش هسيب حد سواء انت او غيرك..
صالح بمكر:
- اسمعي بس ياما..
و.. حكالها عن سامر وجميلة..
- بس ولو سامر اتجوز جميلة ابوي هيرجعة حياته ومش هيسيبه واصل وبالذات علشان هو ظابط كبير قوي ها ايه رأيك ياما عتستحملي بنت هنية والا أبن صابرين ضرتك...
حفيظة بصتله وهي ساكته بس جواها كانت مقتنعة بكلام صالح.....
تاني يوم كان يوم الفرح وسامر كان واقف قدام البيت وبيستقبل الضيوف بس كان حاسس بضياع وكسرة حاسس بروحه بتروح منه ومش قادر يتكلم لان ده مش من حقه وجميلة كانت بتلبس وسميرة وهي بتنادي على بنتها.
- بت يا أميرة أنتي يامقصوفة الرقبة...
اميرة:
- في ايه ياما انا هنيه ليه بتنادي بصوت عالي كده..
سميرة:
- همي يابت الضيوف كلياتهم محتاجين وكل كلمي الطباخ ينزل الوكل جبل الضيوف متمشي وشوفي جميلة هتمشي أمتى علشان نجهز كل حاجه..
اميرة:
- يوه ياما انا زهقت مش عارفه مالك النهاردة نسيتي أن ده فرح جميلة عاد..
سميرة:
- امشي يابتي وهمي بمشيتك أحنا في وسط عالم ولمة همي وبطلي رطرطه أياك...
اميرة مشت وهي مدايقة وباليل الكل اتجمع وفضل يرقص على الجمال وسامر كان قاعد جنب عمه ولابس زي الصعايدة وهو حاسس بغربه بس فرحان من الأجواء..
كامل:
- قوم يابني شارك الشباب في رقص العصايا ده فرح أخوك أياك هم كده..
سامر:*
- بلاش ياعمي سيبني قاعد كده وخلاص..
كامل غمز لعبد الجليل خلاه يقوم وقوم سامر ومسكهم عصيان علشان يرقصوا بيها..
سامر وهو بيرقص بالعصاية وبيبص لأبوه افتكر اللي حصل مع امه بقى يخبط العصاية جامد قوي على عصاية ابوه فجأة وهو مش واخد باله عبد الجليل العصاية وقعت منه سامر اتخض ورمى العصاية وجرى على ابوه وهو بيقول...
- مالك أنا أزيتك صح أسف مخدتش بالي..
عبد الجليل بابتسامة:
- سامحني ياولدي مكنش بيدي اسيبك واصل لكن الزمن كان القوي وبكرة الأيام تأكدلك ده...
سامر حس بمشاعر قوية اتجاه ابوه ومحسش بنفسه غير وهو بيحضنه ويقوله:
- كنت سايبني لوحدي وتعبت من غيرك مقدرتش اكرهك خالص مهما حاولت مكنتش قادر اكرهك..
عبد الجليل:
- ربنا كان حاسس اني مظلوم ومقلبك مطاوعكش عاد..
الكل بعد مشاف المنظر فظلوا يضربوا نار وقام سامر مع ابوه وفضل يرقص صالح كان قاعد وجواه نار وبيقول...
- متفرحش قوي ياخوي بكره امشيك من أهنيه زي مأمي غوىت أمك زمان يانا يانت يابن أبوي...
عدى اليوم والعريس والعروسة دخلوا اوضتهم وصالح كان مبسوط بانتصاره جميلة كانت واقفة ومنزلة شال الفستان على راسها وبتبكي بحرقة...
صالح بابتسامة:
- ايه ياعروس مش رايدة تشوفيني عاد..
جميلة استغربت على الصوت وقالت جواها:
- حاسة أني سمعت الصوت ده...
ومن الخوف خافت ترفع اللي على وشها ويطلع اللي خايفة منه حقيقة..
صالح بمكر:
- خلاص بقيتي مرتي قدام الدنيا كلياته لو كنت أعرف انك مرتي من الأول مكنتش سيبتك واصل وهربت..
الكلمة نزلت على جميلة زي الساعة ورفعت طرحة الفستان وهي بتقول:
- وه ده أنت الصايع اللي عمري مكنت اتمناك جوز ليا ايه البخت المنيل ده..
صالح وهو بيضحك:
- بس القدر جمعنا من زمان قوي يابت عمي والا انتي ايه رأيك...
جميلة بخنقة:
- بس أنا مش هسمح للقدر أنه يجمعنا سوى يانا يا أنت ياولد عمي...
وجريت على طبق الفاكة اللي على الكومدينو ومسكت السكينة وهي بتقول...
- من النهاردة أنا في حالي وإنت في حالك يا ولد عمي والا تدخل في حياتي والا أنا اتدخل في حياتك واصل وقدام الكل مرة وجوزها عادي لكن اهنيه لع...
صالح بمكر:
- اهدي كده يا جميلة وانا هعملك كل اللي انتي رايداه..
جميلة بكره:
- عمري ماهدى وانا معاك يا ولد عمي واللي اعملته عمري مسامحك عليه عاد ولو متلميتش هقول أنك لساتك في الجامعة وصايع ومعتنجحش واصل..
صالح بخوف:
- تمام اهدي انتي وانا مش هعمل حاجة وياكي بس متقوليش لبوي عاد بينا اتفاق وخلص الموضوع...
جميلة بهدوء:
- تمام اتفقنا انا من اليوم ورايح في الأوضة دي وانت في الأوضة اللي جنبيها وأول منخرج من شقتنا نبقى زوج وزوجة قدام العالم كلياتهم...
صالح فضل يفكر في كلام جميلة بس ملقاش حل غير ده فعلاً لأنها لو قالت لأبوه هيحصل مصيبة كبيرة...
جميلة دخلت غيرت هدومها ونامت في اوضتها وهي بتقول...
- يعني افضل طول عمري مقفلة عليك ويوم متتفتح
لأخو جوزي أيه العزاب ده قلبي بيحرقني حرق ومش قادرة اتنفس واصل...
#استووووب..
ياترى جميلة فعلاً هتقبل صالح وسامر ايه مصيرة؟ وبالنسبة لحماتها هتعملها ايه وهي مش طيقاها كده؟؟
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا