رواية عاجر الفصل الاربعون 40بقلــم الكاتبـــة زينب ماجد (حصريه في مدونة قصر الروايات)

رواية عاجر الفصل الاربعون 40بقلــم الكاتبـــة زينب ماجد  (حصريه في مدونة قصر الروايات)

رواية عاجر الفصل الاربعون 40بقلــم الكاتبـــة زينب ماجد  (حصريه في مدونة قصر الروايات)

#عاجر 

{ بقلم الكاتبة #زينب_ماجد } 

#الحلقة_٤٠ 

- بس اجيت اشوفج ما بنيتي اذيج والله 

- اطلع مني يا نكسسسس 

- طالع بس ردت اطمن عليج 

طك كلبي البارحة من سمعته طكج .. اطلكي منه والله ما يفيدج حازم ما يستاهلج 

كمت ادفع بيه واصرخ : اطلع مني الم الناس عليك والله اطلعععععععععععع 

كضيت التليفون وخابرت على حازم .. 

اول ما رد كمت اصيح وابجي واكله : هنا ما اضل بعد افتهمت لو لا هسه تجي اتطلكني ما ااااريدك ولا اريد عيشتك ولا اريد كربتكم كلهااااا .. عوفووووني ما اريد طلكنييييييييي 

قفلت التليفون وشمرته مني ما ادري وين 

ورحت لميت هدومي كلها .. واني ابجي واصرخ .. 

ما اكدر ابقى يمهم اليوم لازم احجي كلشي 

يصدكني يصدكني ما يصدكني مستحيل راح ابقى هنا لو شما صار خلي يطلكني هل يكول عني شما يكول مستحيل الضوع هذا اتقبله 

مستحيييل 

يلزم جسمي وينام بفراشي واني حاسبته رجلي 

ما اكدر اعيش بهالكابووووس ما اكدر .. 

كام تليفوني يدك انداريت ووجهي كله دموع 

دنكت جو الميز باوعته سحبته .. سهى .. رديت واني اشهك من البحي وهي تكلي : خير ولج شصاير وياج 

- لزم جسمي نام بفراشي واني حسبالي رجلي ولج اريد اموت كاشة روحي مني اريييييد امووووت 

- عزا العزاج بس لا صار شي 

- ما صاربس ما ايرد ابقى افهميني وتعاليلي هسسسسه لازم احجي كلشي لحازم وانت يمي اخاف احجي لوحدي اريدج انت وياي حتى يصدكني هم جلاب لو حجيت لوحدي ياكلوني وما يصدكوووني واني مالي مكان اروحله لو طلعت منا ما عندي 

- هسه اجيج بس اهدي .. خابرني هو والله يكلي خابرها هاي متخبلة مدري شبيها وافهميلي شصاير وياها .. مكاعد افتهم شنو فلمها خبلتني ساعة تطرد بخطاري ساعة اطردني وهسه تريد تطرد حتى نفسها وتصيح طلكني غير افتهم شصاير وياها 

كاعد تحجي سهى واني ابجي 

اندكت الباب وصوت ام حازم اتصيح : صبا هنا افتحي الباب بتي 

- بعدين اخابرج 

فتحت الباب واني وجهي مكلوب كلاب 

بس شفتها حضنتها وكمت ابجي من كل كلبي واني اكلها : ساعديني راح اموووووت . 

- اسم الله الستار شصاير ؟ 

حاجيني بنيتي 

- بشار 

- شماله 

- خالة مو زين من كبل لا يخطب دنيا يطب للبيت ويحاول يتعدا عليه .. ووووو 

لطمت وجهه : صخام بوجهي شلون يتعدا عليج 

- مو مرة ولا مرتين هواي صارت يستغل غياب حازم ومستغل ضعفي ووضعي ويجي للبيت واني خفت احجي لحازم وميصدكني بس بعد ما اكدر اضم لازم احجي كليش الصدكني صدكني ما صدكتي يطلكني 

- شتحجين يمدهورة ضامة كل هذا وساكتة عزا العزاج كون وموت اللفاج على هالضميمة غير تجيني تكليلي شلون سكتي 

- خفت ميصدكني والله بس اني تعبت السكوت كاعد يكبس على نفسي وكاعد اكره الكل ما اكدر اتحمل بعد ابد ولازم احجي لحازم كلشي 

- ما تحجيلا اشي خايبة شتحجين تعرفين لو فكيتي حلكج وحجيتي شيصير ولج تصير دموم وبشار طايش .. العمام كلها تتكاتل من حدر راسج اذا ما راح بيها حازم وانت تعرفينه كلبه ضعيف العبطات هاي مو اله ناوية تموتين الزلمة ولج وتخلين العمام دموووووم 

- عمة اني اكلج كاعد يتحرش بيه وانت تكليلي تريدين اتموتيييينه 

- لو ما شايف منج مجال شلون يتعدا عليج ولج ياهو اليتعدا على مرت كرايبة او ما هي مدندلتله 

- والعباس ما مطيته مجال لا مكابلته ولا مخابرته ولا محاجيته بس هو الما كاعد يعوووفني بحالي 

- اسكتي هالحجي هذا كلش لا تجيبين سيرته اني اتصرف بس ما تحجين ولا كلمة 

-عمة ردتج عون تصيرلي فرعووون هذا الولد نكس واني ما اكدر اتحمل راح يهجم بيتي واني ساكتة وخاييييفة 

- واتضنين لو حجيتي ما راح تهجمين بيتي 

شنهي الناس راح تعرفج بحالج 

ما راح يكولون شفوته لبيتها لو ما هي المطيته مجال 

ومن خافت رجلها يعرف كلبت عليه .. انت التنلامين ورجلج اليروح بيها 

ليت نعمة ملعبين ويكلبون الحك باطل ولج 

ولو صارت دموم العمام تتكاوم ما يخلون ستر مغطى 

-ستر مغطى ليش اني عريانة لو مفضوحة 

- دشوفي روحج شوفي اكو مرة تلبس لبسج هاذ صدرج طالع وزنودج وزرورج .. اتستري البسيلج لبس مال اواااادم يلا 

- انت بدل ما توكفين وياي صرتي ضدي اني شنو ذنبي هذا ملابس نوم انام بيها 

- حتى لو نوم اكو وحدة مستورة بت اصول تنام بهاي الهدوووم البسي 

جريت ثوب من الكنتور ولبست واني اكلها : لبست بس خالة اني ما راح اكدر اسكت اكثر اليوم احجي لحازم كلشي حتى لو ما صدكني المهم اطلع من هالخوف الاني عايشته 

- ما تجيبين سيرة ولا تحجي ولو حجيتي حسبالج نخليج ونعوف الناس متكاتلة من وراح واحد طايش 

-طايش شنو الولد جبير يطلع بكدي ليش تحسبونه طايش هذا نكس 

-بكدج لازم تعرفينه ومسولفه وياه ودكه سوالف والا انا المعاشرتهم ما عرف عمره شكثر بس اضكر ذاك اليوم هو صبي ويتراكض بالشارع 

-والصبي هذا كبر وصار ساقط وما كدامج غير اتخلصيني منه لو اني احجي وشيريد يصير خلي يصير ولا يهمني بعد الصار اليوم 

- اتهدي بتي واستري علينا اني احل الموضوع كله وما اخلي يكربج ولو كربج .. العتب عليه واني الوكف وياج .. بعد بس خليها عليه ولا تحجين ولا تجيبين سيرة لكل بشر خوووش ؟ 

- وشراح تسوين 

- اني اروحن على امه ونحجي ونطيح حظه ونرده بس مو كل سالفة ونحط بيها الزلم .. الزلم لو عرفت ايدها والرشاش وتعال تتثكل نسوان وتترمل نسوان .. علىمود واحد طايش نرده ونعلمه و نبعد الكل ونهدي الامور .. مو كلها هوسة وفضايح بتي انت حاسبة لو جرت الفضيحة ما اتطولج لا وحكج بيت نعمة لا يحطوج على كل السان من غير شي انت المل يذكر الفيديو مالت الركص مالج واخذتي حازم بالسر تضنين لو انحجت السالفة يبروج كلها يذبونها براسج هسه يكولون هي المرة مو راحة رب الخذت حازم بلا علم اهلها واتطببه لبيته وخلت العشاير وراها تتكاتل تالي لفته وخذته من عايلته وخلته الها 

- اني هيج 

- هذا الينكال ويتحور عنج لو طلع الحجي وحكج والله محد يبريح الزلمة ما عليه عيب بس المرة التنعاب فصمي حلكج واسكتي لا تحجين هالحجي لاي بشر ممنوع اني احلنها 

ضليت اباوع عليها .. 

حجت : فهمتي

-ولو ما تاب ؟ 

-اتوبنه بس كون انت اتوبين من دربه 

عقدت حاجبي : عمة انت كاعدت اتهميني بيه 

اني دا اكلج ما متحملة واريد اطلك والولد جاي يتعدا عليه وانت تكليلي اتوبين من دربا ليش ما متحملة اهله ليش ما اريد طبته لبيتي ليش تعاركت ويا حازم البارحة خالة رايدة اليخلصني منه مو اليتهمني بيه 

-اني اخلصج منه شرط اتسكتين وما تحجين ابددد 

لو حجيتي اني اول الناس اصيرن ضدج خوووش الزلمة مريض وكلبه ما يتحمل لا اتعبينه بمشاكلج 

حجتها وطلعت مني .. 

ضليت صافنة وراها بجيت بسكوت ورجعت اتصلت بسهى 

ودموعي تجري سولفتلها الكالته كله ، حجت : وشمعتقده ذولة يطون بواحد منهم علمودج علمود وحدة غريبة خية ذولة وادم زايعتهم الكاع .. كلشي يسوون بس واحد يغطي للاخر 

- واني شراح اسوي 

- وشنهو البيدج صبا اسكتي 

- هم اسكت 

- ما سعمتي حجيها 

كلامها صحيح انت بتصرفاتج ما حسبتي احساب لبعيد 

حسبالج الناس ناسية من اخذتي حازم بالسر ولو طلعت السالفة يبروج لو يكولون شوف شلون العمام كلب على كلب عايشين سنين واجتهم بليلة ويوم خلتهم واحد يكتل بالاخر وانت التنذمين وتنضرين 

- والى متى اسكت 

- لحد ما الله يفرجها بس زين سويتي من كلتي لامه راح تحل الموضوع وياه دون ما احد يدري 

كملت اتصال وياها .. ومشيت للحمام غسلت ورحت للمطبخ بالخاولي .. طب حازم للبيت شافني هادية وسابحة وكلشي ما بيه : انت صدك تحجين تجذبين ما خليت احد ما خابرته كلت هاي راح تهج من البيت تشرد بخبالها .. شبيج 

مجاوبته 

تقرب من عندي طخني : صبا 

فزيت وكتله : لتتقرب مني ولا اطخني ابد وخر مني 

- غير اعرف شصاير 

- ما اريدك وخر مني 

حجيتها وبجيت تقرب من عندي واخذ وجهي : هسه غير اعرف شبيج يا بعد كلبي مو والله خبلتيني تخابرني تصيحين طلكني ليش شبيييج 

- ليش ما اجيت كله صوجك انت العفتني انام وحدي 

- وهذا كله البجي والصيح جيف ما اجيت نمت يمج تحجين صدك تجذبين والله حسبالي حرامي ساطي ع البيت لو شوف شاصير وياج 

كمت ابجي بالزايد اخذني بحضنه وكال : دكافي كافي كلت ما الحك اليوم اوصل البيت جيت واني اسوق طاير كلت راح تهج 

ضميت روحي بحضنه واني اكله :-لا تعوفني ابد لا تعوفني 

-هو اني اكدر يا بويه بس والله انت خبالج مرات ما ينحمل اكول اعوفها تهدا 

-من تبتعد ما اهدأ اشب نار 

-جا ياهو الطردني وكام يصيح عليه ونسيبي واكف مو انت صبا تصرفاتج ما كامت تنحمل بس اني حاملها جيف احبج والا صعبة انطرد وبتي وخطيبها واكفين 

-ما طردتك 

- جا من ادفعين وتصيحين اطلع شنو معناتها 

- معناها متضايقة اريد ابقى بوحدي وشوية 

- واني شلون افتهم هالشي وانت تصيحين واتدفعين وصوتج يجيب التايه ؟ 

- حازم اني خايفة حيل 

عقد حاجبه ورفع وجهي : خايفة من شنو ؟ 

- من كلشي 

- شكاعد يصير وياج ما راح تحجيلي 

- امك جانت هنا 

- اني خابرتها 

وخرت من عنده واني امشي للثلاجة : اي اجتني خطية هم حجت وياي هدتني شوية 

- شحجت 

- هيج سوالف نسوان وكامت توصيني شلون اسيطر على نفسي من اصير عصبية 

- ومراح تحجيلي سبب اعصابج شنو 

- تشوفني متغيرة ؟ 

- كلش ابد مو انت 

تنهدت وهزيت راسي وطلعت من الثلاجة حتى اسوي اكل 

حجه : شبيج متكليلي 

- ما بيه شي بس اكو امور اتضايقني هواي 

احس كاعد يستغلوني ويستغلون ضعفي حيل 

مثلا امل البارحة جانت تكدر تطبخ كلشي فوك وبس الضيافة الخفيفة تخليها بمطبخي جان حجيت ؟ 

اجي الكى حتى البردة مال المطبخ منكعة مركة صفرة ليش 

هسه طبختي ووصختي المطبخ نظفي حتى لو مو تنظيف ترتب المواعين بدون غسل وتكلي عذريني ترا تعبت وما كدرت اغسلهن فني اذا حجيت بس واحد يستغل المقابيله مو حلو 

- شمدريني اني اشم ايدي كعدت الصبح لكيتها مصفطة وحاطة ع الطباخ وتطبخ اطفي واكله اصعدي عود احترمت وسكتت 

ما حجه .. 

باوعتله ساكت ويباوعلي : حجيت : تتغدا مو 

- هو اني متريك حتى اتغدا ؟ 

حجاها وجر الكرسي كعد .. 

ذبيت الاكل ع النار واجيت وخرت ايده وكعدت على رجله ونزلت راسي على جتفه لمني باثنين اديه واتنهد : دوختيني حيل 

رفعت راسي: ليش ؟ 

:ما كاعد اعرف شبيج رايد افهمج 

كل ما اصدلج اشوف تعب بعيونج وكلام مضموم بحلكج ما كاعد تحجين منين خايفة ؟ لو حجيتلي تعتقدين تطيني روحي اضرج حتى لو شي يضوجني لو ياذيني ترا صارلنا كم سنة متزوجين واتحملت اشكال والوان فديوم قسيت عليج ؟ لو اطاني كلبي واذيتج ؟ اني ما اذيج ليش خايفة مني وما تحجيلي البكلبج 

- لان ماكو شي 

حجيتها وكمت من رجله .. 

ضل يباوعلي درت عنه والتهيت بالشغل 

راح بدل ومشى للاستقبال حطيتله اكله كال .. ناكل وننام البارحة ما عرفت انام بالليل ب ٣ وعيوني مفتحة 

- ليش 

-من وراج ليش يعني 

-اني هم للصبح منايمة انتظرت تجي بس انت عفتني 

ابتسم وهز راسه .. 

كملنا واخذت المواعين غسلتهم رجعت لكيته كاعد ع السرير اختنكت كتله : ميخالف نكلب الفراش 

-ليش 

-ما احس مضايقني منا صاير وصخ ومجاي اعرف شلون انظفه 

-انت الوهواس هاذ مالج راح يمرضج ويموتج 

-بس اكلبه وياي 

كلبت الفراش وطلعت فرشة نفضتها وهو ساعدني البسها للدوشك .. وغيرت وجوه المخدات .. وجبت عطر حازم اللي يحط منه حطيت ع المخاد والفرشة 

صاح : ها ها عطري يمعودة .. 

-هسه مو بلف دجيبه 

-جا بلف تخلصينه 

ضحكت واطيته اله ..  هو بالف بس يلزك من احط منه حرام اسبح والعطر بيه شنو السر 

-عطر دهني يجلب مو مي وترشرشين 

- ارتاح من اشمه احس انت يمي 

-واني طاير حتى تحسين يم احساس شو تعاي 

ذبيت روحي بحضنه كمت احشر روجي بنص صدره حتى روحي تأمن وترتاح .. باس راسي واني احشر بروحي وضمني باثنين اديه وكام يمسد على شعري .. لحد ما غفيت ونمت . 

عمتي رايحة وحاجية لام بشار وموصيتها السالفة تضل بيناتهن اذا وصلت للزلم ابنها ينكتل حي ع الصلاة وكايلتلها تعرفين حازم يعبد مرته عبادة  وكلشي ولا عرضة لو صار حجي يحطكم كلكم وراه واول شي يسوي ينوم الجيلة بكلبه .. فجري ابنج وسيطري عليه لو انعادت السالفة اني اوصل السالفة لمحمد هو يتصرف وياه حرام يحطون ظهره ويكسرونه خية ما يستحي حاط عينه على مرت ابو خطيبته شنو من طينة . 

رايحة امه متعاركة وياه 

هو ناكر كلشي ومسويني 

اني الجنت اندك بيه واريده واتقربلا وهو يحاول يبعدني 

بس من خطب بت حازم تخبلت وكامت اطلع عليه هيج كلام حتى افسخ الخطبة 

راجعة امه حاجية الحجي لعمتي 

وعمتي اجت حجتلي الحجي كله حلفتلها وكتلها : اروح للعباس واحلف .

ما رضت وكالت المهم امه حجت وياه والموضوع ينسد ولو خابراج لو حجه وياج تجين تكليلي واني اخلي محمد بعد يتصرف 

بشار بيومها من ضغط امه وخوفها وحجيها متعاركة وياه 

رايح بايت عد بيت صاحبه وسكران .. وتايخ من الشرب 

مخابرته دنيا .. 

كايم يخبط ويخربط ويحاجيها على اساس اني .. ومدري شخارط كدامها 

بحيث نزلتلي دنيا عيونها نار وهي تكلي .. 

: شعدج ويا بشار احجي صدك هو متقربلج ؟ 

- شنو هالحجي استحي على نفسج .. شنو اني وبسار ولي 

-هو حجالي كلشي وكال هو يحبج وجاي لهنا ومتقرب منج هذا الحجي صحيح لو لا 

-لا طبعا وعيب هالكلام .. لا تحجي بعد افتهمتي لو لا مو صاحبتج اني وتحاجيني هيج واطعنيني ومرة لخ لو حجيتيها اوصلها لابوج والله 

نهرتها وخابرت على عمتي بسرعة اجتي وصعدتلها 

كامت تحجي وياها وتوصيها ما تحجي وكايلتلها 

خطيبج جدة عوينجي وشايف مرت ابوج وحاط عينه عليها 

اني اشوفن لو تبطلين من هالخطبة واتعرفينه ترا صبا من رفضته اول بداية عرفته مو خوش وهالكدامج امس بايت برا وسكران هيج واحد يبيبي شلون اتامنين تضلين وياه العمر كله 

-ومنو كال صبا ما عدها شي وياه 

-من زمان صبا يبيبي تصرخ وتصيح بشار مو خوش وتكرهه واحنا ما نعرف عليش تكرهه طلع جيف عوينجي وسخيف وكالتلي ووصتني خاطر امنع الخطبة وما صدكتها 

-ويمكن هي الحاطة عينها عليه وتريد تخرب حياتي 

-عدها وياج ثار وتريد تخرب بشار يبي هو المو خوش  عوفي وخل يولي وهالحجي خلي بيناتنا لا تحجينه حتى لامج عبن لو دروا ابوج يكتل بشار ويموت الولد من وراج . 

سكتتها بس دنيا ما اقتنعت بس ما حجت .. 

من صحى هو نكر كل الكلام الكايله وهو سكران 

بقت تحاول تجرجره ... ما منطيها كلام 

انسدت السالفة .. 

وبشار بعد من صدك ما اتقربلي .. ولا اجا يمي 

فاني عديت الموضوع ورجعت طبيعي 

حتى علاقتي بدنيا عادي وهي استمرت ويا بشار 

وكام يجي كل يومين للبيت حدهم بالاستقبال .. وحسيت هي اتعدت الموضوع كله لان تحبه حيل ومتعلقة بيه وصغيرة . 

بس الظاهر الموضوع ضال بنفسها 

وباقيةوبكل مرة تسوي مشكلة وياه بسبب هالموضوع وهو ينكر وهي ترجع تتهمه .. ويحاول وياها حتى الموضوع ما يطلع ويبقى يهدد بيها لو حجت يسوي ما يسوي 

لحد ما يوم هم متحاجين ومتعاركين 

فهي باثناء الحجي .. جايبة سيرتي وهو كايللها 

تروحيلها فدوة لا انت ولا امج ولا عشرة من اشكولجن يوصل لجمالها ونظافتها انت وامج تغارن منها لان احسن منجن 

هي متعاركة وياه واجتني حجتلي الكالة 

وتتهجم اذا عدي شي ويا وليش هو يدافعلي ويحجي عني هيج 

كتلها : هذا واحد نكس وبس يدور مشاكل يريد يخربنا باي طريقة اني من البداية نبهتج منه وكتلج مو خوش بس انت اللي اتحبي 

ردتني : نبهتيني لان رايدته مو لان تخافين عليه 

- دنيا كل مرة تحجين وتتحاوزين واسكتلج والقران هالكلام لو انعاد احجي لابوج ساعتها يفسخ خطوبتج وبشار يحط طلقة براسه ويخلصني منه ومن سوالفج هاي 

صحت بيها وطردتها من غرفتي عافتني ومشت 

اتضايقت وذبلت بسبب هالموضوع لدرجة اتمرضت .. 

وذاك النكس لابسها بحجة زعلان منها .. تراسله تخابره متكبر عليها .. 

ماخذة تليفوني من يم راسي واني نايمة الصبح 

وكتبتله ( بشار حازم عرف بموضوعنا وما اعرف وين اشرد فدوة ساعدني ما عندي غيرك  راح يكتلني ) 

بشار من قاري الرسالة وهو بالمولدة 

مسوي الدرب شبختين وجاي .. فاتح باب البيت وطاب لبيتي 

اني مرات اقفل الباب بس من يطلع حازم الصبح واني نايمة 

يبقى الباب ما مضروب قفل بس مسدود يعني اي واحد يحط ايده على يدك الباب ويفتح ينفتح 

فطاب بشار للبيت 

دنيا مراقبته من فوك .. هو جاي للغرفة 

اني ما ادري بالدنيا طشت رشت متغطية ونايمة 

فايت بشار ووكف يندهني : صبا صبا 

دنيا نازلة وراه مصورته شلون يدخل للغرفة 

اني فزيت على صوته وكعدت لطولي .. : انت شجابك هنا اطلع برااا 

حط ايده على حلكي واني اوخر بيه واكله : اطلعععععع 

كومي دنيا اخذي المفاتيح وجري الباب وتكول اليوم محد يطلعكم غير ابويه هو اليتصرف وياكم 

كام بشار يصيح وهو يحاول يفتح الباب ويغلط عليها 

اني جريت ثوب ولبست فوك هدومي وحجاب وما مفتهمة شنو الموضوع 

بشار كسر الباب ..ومشى بسرعة 

صعدلها فوك يريد منها الموبايل الصورته بيه 

وهي تتصايح وياه ما كاعد تنطي التليفون الصورت بي .. 

جان علي وسجاد بالدوام 

وامها بالشغل وابوها بالشغل بس هي بالبيت 

لزمها كسرها تكسر بالكتل ويدور يريد يلكى التليفون ما انطته 

اني ادور على تليفوني اريد اخابر على عمتي تتدارك المووضع وما جاي الكى تليفوني  ماكو .. 

كمت اريد البس عباتي وجاي اطلع ويطلع حازم بوجهي  

كضني من زندي حيل وهو يصرخ : انت وين طاااااالعة لج 

طبي جوا 

- حازم بس اوكف اشرحلك 

- شتشرحيلي ولج شنو هالكلام الحتلياه دنيا انت وبشار شنو 

بشار سمع صوت حازم شارد 

جاي وطاب للبيت كاله : صبا مالها كل علاقة اني الصوج كله 

هي بريئة والكعبة ما عدها شي وياي 

اذا عدك شي اتصافى وياي وعوفها 

حازم انهد عليه وكضاه كاله : ابن النعال شنو ماعدك شي وياها شنو مالها علاقة انتم شضاميييين عليه 

نزلت دنيا الدم بحلكها ومكتولة 

وهي تكله : لكيتهم بالغرفة سويا بابا ومن صورتهم حتى اكلك كتلنيييي 

هو شاف بته ودم بحلكه 

ومتصورله اني رايدة اشرد جيف عرفت دنيا بالموضوع 

عوفنا اثنينا واركض جوا 

كمت اصرخ واكله : وخررر مني محد غيرك ورطني ووووخر 

طلع حازم وهو يسحب بسلاحك 

فز عليه بشار بسرعة وحازم ضرب طلقة بيني وبين الطلقة اقل الشبر عن راسي صوت الطلقة باذني حسبالي اجت بيه قوت الصوت والموقف 

بس اجتي بالجام مال باب المطبخ  وكع الجام وصوت التكسير مخيف بشار كض بيد حازم وكام يصرخ : اشردي منا اشررررردي 

من طلعت الطلقة واجت بالجام عقل راسي طار 

كمت اصرخ بدون توقف وبشار يصرخ ودنيا تبجي 

وحازم يتلاوى ويا بشار ع السلاح 

بوجهي عفت البيت وشردت بروحي .... #يتبع 

_______

 تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا