رواية المنتقبه وبيت المنشاوى( الجزء الثاني)الفصل الثاني عشر 12 بقلم هويدا زغلول حصريه في مدونة قصر الروايات

 رواية المنتقبه وبيت المنشاوى( الجزء الثاني)الفصل الثاني عشر 12 بقلم هويدا زغلول حصريه في مدونة قصر الروايات

رواية المنتقبه وبيت المنشاوى( الجزء الثاني)الفصل الثاني عشر 12 بقلم هويدا زغلول حصريه في مدونة قصر الروايات

المنتقبه الجميله داخل القصر 

الجزء الثاني 

 الحلقه الثانيه عشر 

سماح 

يا لهوي يا لهوي ايه اللي انا شايفاه ده كده برده يا كريم ترفع السلاح على ابوك يا واد يخرب بيتك صحيح ما انت ما تربيتش ولا دوقت طعم التربيه الحقوني يا ناس الحقوني اهو

المنشاوي 

سيبيه يا سماح سيبيه ما هو خلاص اتجنن والفلوس لحست مخه حرام عليك يا ابني ايه اللي انت بتعمله في نفسك ده مش كفايه دمرت حياتك وخربت بيتك جاي تعمل فيا ايه ثاني 

كريم 

انتم اللي دمرتوني انتم اللي بهدلتوني هو انتم عايزين بعد كل ده وكمان اخش السجن وما حدش فيكم يقف جنبي وتخلعوني من مراتي وتجوزوها وعاوزيني اقول لكم ايه برافو عليكم انا هخلص عليكم ومش هخرج من هنا غير لما تمضي لي على الورقه دي يا بابا 

سماح 

وايه يا اخويا بقى لازمتها كلمه بابا دي وتعالى يا واد وريني الورقه دي فيها ايه 

كريم 

الورقه دي فيها كل املاك المنشاوي وخلاص لو مضى عليها هتبقى كل الاملاك دي بتاعتي انا وانتم هتمشوا تطلعوا بره وهرميكم في الشارع وكل واحد يرجع لمكانه 

المنشاوي 

لو فعلا كل واحد هيرجع لمكانه يبقى انت كريم لازم تروح لمكانك وهو السجن 

وفي الوقت ده سماح مش عارفه تعمل ايه وخايفه تخرج من الاوضه كريم فعلا يخلص على المنشاوي وفكرت ان هي تتكلم مروان في التليفون وتخليه يسمع الكلام اللي بينهم يمكن يفهم ويجي على طول 

وفعلا سماح كلمت مروان وحاطه التليفون على التسريحه ومروان رد وقال 

مروان 

الو ايه يا مدام سماح بتكلميني ليه جدي كويس ولا ايه 

سماح 

ايوه يا واد يا كريم قل لي كده كمان عاوز ايه يا اخويا تخلص على جوزي ده بعينك ابقى وريني كده هتعملها ازاي 

كريم 

هو انت فاكراني غبي عاوزاني اعيد وازيد في الكلام علشان تكوني بلغت البوليس لا طبعا يلا يا بابا بسرعه امضي على الورقه دي عشان امشي من هنا 

سماح 

يا عسل يا عسل ذكي يا واد يا رب ابنك يبقى ذكي زيك ويفهم المصيبه اللي احنا فيها يا اخويا 

مروان بصدمه 

ايه هو اللي انا بسمعه ده صح يلا بسرعه جميله نروح على اوضه جدي ابويا هناك 

وبعديها مروان خد جميله وراحه على الاوضه وخد باله واول ما فتح الباب جري على ابوه وماسك السلاح وقال 

مروان 

ايه اللي بتعمله ده يا بابا حرام عليك عاوز تخلص على جدي معقوله في ابني يخلص على ابوه

كريم 

اوعى كده وفي ابن زيك يمسك ابوه المسكه دي اوعى كده ده انا هوديكم في 60 داهيه انا مش هسكت 

المنشاوي بدموع 

يا كسره قلبي عليك يا كريم بس انا لازم اطلب البوليس علشان يجوا يرجعوك السجن ثاني انت اللي زيك ما ينفعش يبقى حر ابدا 

كريم 

اوعوا كده انتوا بتقولوا ايه انتم اهل انتم معقوله هترجعوني السجن تاني بدل ما تبهدلوا سمر وبدل ما تهربوني وتدوني فلوس ترجعوني السجن انتم اتجننتوا 

جميله 

انت كويس يا جدي خلي بالك من صحتك عشان خاطري 

مروان 

متاسف جدا يا بابا لازم اسمع كلام جدي وفعلا اطلب الحكومه 

وبعديها مروان طلب الحكومه وجت خدت كريم وكان فوزي مستخبي جنب الفيلا مستني كريم ينزل بالورقه وهي ممضيه من المنشاوي لكن كريم بلغ عليه والحكومه راحت عند فوزي وقالوا له 

الظابط

 امشي معانا يا حرامي يا نصاب هو انت فاكر لما تهرب من السجن بالسهوله دي هسيبك طبعا لا 

فوزي 

ايه ده بقى ده بقى ينفع كده يا عم كريم يعني انت يا باشا ضحكت عليا وعملت لي البحر طحينه وفي الاخر هرجع للسجن ثاني وقفايا يقمر عيش اه ياني ياما

كريم 

بس بقى اسكت يا وش البوم يا وش النحس انا كنت فاكر ان الدنيا هتضحكي بس اعمل ايه لقيتها جت عليا ثاني

فوزي

بس بقى يا باشا انت ضحكت عليا وانا اللي قلت خلاص هفوق وهرتاح وهعيش عيشه البشوات وهفطر فينه وهتغدى زلابيه 

كريم 

ليه وهو انت فاكرني هسكت انا مش هعدي اللي حصل ده على خير ماشي يا بابا ماشي يا مروان كده برده ترموني في السجن للي مره ثانيه وتقفوا جنب سمر لا لا الكلام ده ما يتسكتش عليه ابدا 

فوزي 

ما خلاص بقى يا باشا هو انت تضحك عليا تاني ده احنا ضعنا واللي كان كان يا ريتني ما سمعت كلامك 

وبعديها الظابط خد فوزي وكريم وراحوا السجن

اما في الفيلا سماح كانت قاعده جنب المنشاوي وبتقول 

سماح 

اهدى يا منشاوي اهدى يا حبيبي ما تعملش في نفسك كده ولا تزعل نفسك ابدا بصراحه بصراحه عيالك ما تربوش نفسي اعرف امهم كانت بتعمل ايه ما كانتش فاضيه تربيهم ليه 

المنشاوي 

انا حزين قوي يا سماح حفيدي وابني مرميين في السجن وانا مش عارف اعمل لهم اي حاجه بس اول ايه هم اللي اختاروا مصيرهم بنفسهم 

جميله 

ما تزعلش نفسك يا جدي انت ما قصرتش مع حد في حاجه  وربنا يبارك في الباقيين يا رب ويديك الصحه ويخليك لينا 

مروان 

لو سمحت يا جدي بكره لما نروح نزور ماما في بيتها بلاش حد يعرفها اللي حصل ده علشان هي بتتوتر من اقل حاجه وانا مش عاوزها تتنكد في حياتها الجديده 

سماح

والنبي اقعد ساكت البنت سمر دي من ساعه ما سابت البيت ومشيت وانا زعلانه عليها قوي لو كانت موجوده دلوقتي كنت قعدت وفكيت معاها بكلمتين يلا بقى عرفت قيمه الحربوقه لما مشت

وفعلا كل واحد راح اوضته علشان يرتاح شويه لكن المنشاوي فضل صاحي وما عرفش ينام وكان زعلان جدا من اللي حصل على ابنه 

اما في البيت عند سمر كانت هي وعزمي بيرقصوا مع بعض رقص رومانسيه وعزم قال 

عزمي 

ربنا يقدرني يا حبيبه قلبي واوريكي كل الحياه الجميله اللي ترضيكي وتهنيكي وتخليك سعيده 

سمر 

الله الله ايه الكلام الجميل ده ربنا يخليك ليا يا عزمي وتفضل حنين عليا كده طول العمر وما تقساش علي ابدا عشان بجد انا شفت قسوه في حياتي كثير قوي 

عزمي 

خلاص يا حبيبتي ما فيش قسوه من النهارده في حب ودلع وبس كده وان شاء الله بكره هروح انا وانت ونقضي شهر العسل في احلى مكان في الدنيا انا مش عارف انت ازاي ما رضيتيش ان احنا نسافر على طول بعد فرحنا 

سمر 

معلش يا عزمي مش هقدر اسافر علشان مروان ما يزعلش مني لازم ما اقطعش بيه كده مره واحده لازم ثاني يوم يجي يزورني واشوف عشان خاطري عارفه ان مروان كبير مش صغير بس برده رحت او جيت انا امه 

عزمي بضحك 

هههههههه لا لا بقول لك ايه الكلام ده هيخليني اغير من مروان انا بحبك وانت كل حياتي يا ريت تحبيني زي ما بحبك يا نور عيوني 

سمر 

وانا كمان بحبك يا عسل ربنا يخليك لي يا حبيبي يا احلى عوض في الدنيا 

اما تاني يوم سماح كانت في الفيلا وبتحضر للصباحيه وكان كل جيرانها حواليها ومروان نزل وقال 

مروان 

ايه كل الحاجات دي يا مدام سماح احنا عندنا النهارده عزومه ولا ايه ايه الفطير وايه الكحك وايه البسكوت ايه الحاجات الغريبه دي 

سماح 

في ايه يا مروان هو انت ما بتفهمش في الاصول ولا ايه يا حبيبي ده النهارده صباحيه البنت سمر امك ولازم نروح نشرفها قدام عزمي الاقرع يوه قصدي عزمي جوزها ونجيب لها الحلو كله يقول علينا ايه بخله ومعناش فلوس

مروان 

معقوله بتتكلمي بجد انت ناويه تروحي عند امي بكل الحاجات دي طب هي طلبتها منك ولا ايه 

سماح 

يوه بقى شكلك حافظ مش فاهم يا مروان زي امك بصي يا حبيبي دي الاصول ولازم نمشي عليها علشان نشرف امك قدام جوزها وبعدين هو انت كنت ناوي يعني تخش على امك بايدك فاضيه ايد ورا وايد قدام ولا ايه 

مروان 

لا ما قلتش ان انا هخش عليها فاضي بس هنروح بعلبه شيكولاته وخلاص لكن كل الحاجات دي انا مش عارف معقوله امي هتفرح بيها ولا هتتحرج منها 

جميله 

لا لا معلش كله الا فطير خالتي وكله الا كحك خالتي ذوقيني كحكه يا حبيبتي 

سماح 

ذوقي يا قلب خالتك يا جبره بخاطري 

المنشاوي 

الله الله ايه الريحه الجميله دي يا موحه انت قايمه من الفجريه كنت بتعملي ايه 

الله معقوله كل الخير ده اانت اللي عاملاه 

سماح 

ايوه يا اخويا هو لسه الفرن فيه خبيز كثير جيراني جوه عمالين يعبوه في العلب عشان نروح عند العروسه يلا بينا يا ولاد 

وبعديها فعلا لموا نفسهم وراحوا عند العروسه واول ما خبطوا عليها باب الفيلا سمر فتحت وسماح قالت 

سماح 

يا ليله بيضاء سقفي بيتنا نور لولولولولى 

قولي لي يا بنت يا سمر مرتاحه معاه ولا لا زعلك ولا ايه قولي يا حبيبتي واحنا نجيب لك حقك من عينيه 

سمر 

يا حبيبتي يا سماح ربنا يخليك ليا صدقيني انا لو كانت عندي ام في حياتي ما كانتش عملت كل اللي انت عملتيه ده 

سماح 

امي في عينك يا قليله الادب انت يا وليه يا شايبه يا عايبه فاكراني اكبر منك ولا ايه ده انا عندي 23 سنه ده انا صغيره على الحب قال امك قال 

عزمي 

طبعا طبعا يا مدام سماح هو انت في زيك ربنا يخليكي لينا بس ايه الخير ده كله وليه تعبتي نفسك 

سماح 

تعبك راحه يا اخويا بس اهم حاجه حطها في عينيك وخلي بالك منها عشان بصراحه كده انت لو غضبتها هتيجي تقعد في الفيلا عندي وانا ما صدقت انها مشت وارتحت منها 

سمر بضحك 

طبعا كل الكلام ده من ورا قلبك انا بحبك وربنا يخليك لي 

وبعديها مروان وجميله دخلوا وكانت سمر فرحانه بيهم جدا وقضوا يوم جميل مع العرسان والمنشاوي كان فرحان بيها وسمر قالت للمنشاوي 

سمر 

انا بشكرك جدا يا عم منشاوي ربنا يخليك ليا انت بجد وقفت معايا واقفه كويسه ولما احتجت لك ما سبتنيش انت ما فيش زيك انت مش عمي انت ابويا وفعلا سندي 

المنشاوي 

ما تقوليش كده يا سمر يا حبيبتي انت بنت اصول وانسانه محترمه وتستاهلي كل خير وكفايه اللي انت استحملتيه وكل اللي انت عاوزاه تحت امرك 

جميله 

انا بقول يلا بينا بقى عشان نسيب العرسان براحتهم ولا ايه 

سماح 

ايوه يا بنت يا جميله يلا ما لكي عليا حلفان يا بت يا سمر كانت ام حازمبل والست كتكوته وفوزيه القرعه عاوزين يجوا عشان يطمنوا عليك بس انا قلت يوم ثاني ان شاء الله 

سمر 

يا حبايبي كنت جبتيهم يا سماح بجد ربنا يخليهم كفايه تعبهم معايا 

عزمي 

طبعا طبعا يجوا ينوروا في اي وقت ان شاء الله احنا هنروح شهر العسل ولما نرجع هنعمل عزومه كبيره لكل الاهلي والحبايب وهم يجوا يشرفونا 

سماح 

ان شاء الله يا اخويا يلا بينا بقى يا منشاوي نسيب العرسان براحتهم 

وفعلا مشيوا وسابو عزمي وسمر وراحوا الفيلا واول ما دخلوا جميله قالت 

جميله 

بعد اذنك يا مروان انا رايحه النهارده الدكتور مع رنا اختي المره اللي فاتت لما رحنا الدكتور ما جاش وما كشفتش النهارده ان شاء الله واخدين ميعاد 

مروان 

ما فيش مشكله يا جميله روحي يا حبيبتي وربنا يطمنك عليها وخلي بالك من نفسك 

انا كمان رايح الشركه في اوراق كثير لازم اخلصها 

وبعديها فعلا جميله ومروان راحوا مشاورهم وسماح قالت 

سماح 

ايه يا شوشو مالك سرحان في ايه ما خلاص يا اخويا جوزنا البنت سمر وارتاحنا منها مالك بقى في ايه حيران كده ليه 

المنشاوي 

مش حيران يا سماح خايف من الايام اللي جايه خايف من سليم وكريم حاسس ان هم مش هيخلونا فرحانين ابدا 

سماح 

يا اخويا ما تكبرش المواضيع ان شاء الله خير وكله هيعدي تعالى بس نلاعب صبري والمنشاوي الصغير 

اما جميله قبلت رنا في العياده واول ما دخلوا عند الدكتور قال 

الدكتور 

اهلا بكم ازيك يا مدام جميله متاسف جدا المره اللي فاتت ما كنتش موجود جالي مشوار ضروري واضطريت ان انا امشي اتفضلوا 

جميله 

ولا يهمك يا دكتور احنا بس عاوزين نطمن على رنا والله يخليك بلاش تضحك علينا وعرفنا هل ينفع انها تحمل قبل ما تشيل الرحم ولا لا 

الدكتور 

طبعا المصداقيه لازم تكون اول حاجه ولازم يكون في بيننا الصراحه

وبعديها الدكتور كشف على رنا وهي كانت متوتره جدا وخايفه وقالت 

رنا 

خير يا دكتور في ايه انا خايفه قوي طمني الله يخليك في امل ان انا اكون حامل 

الدكتور 

بصراحه انا مش عارف اقولها لك ازاي بس انت ازاي لحد دلوقتي ما اكتشفتيش حاجه زي دي يا مدام رنا 

رنا 

طمني يا دكتور الله يخليك انت وترتني بالزياده للدرجه دي حالتي صعبه قوي كده ومش هعرف ابقى ام ابدا 

جميله 

صارحنا لو سمحت يا دكتور حتى لو الصراحه هتزعلني بس عرفنا علشان يكون عندنا امل في بكره 

الدكتور 

الصراحه الصراحه ويا ريت تمسكوا اعصابكم انت حامل في الشهر الثاني يا مدام رنا ازاي مش عارفه حاجه زي دي

رنا 

لا لا يا دكتور الله يخليك بلاش تضحك علي وبلاش تعشمني على الفاضي حمل ايه ازاي انا حامل الحق يا جميله الدكتور بيقول ايه 

جميله بفرحه

بجد يا دكتور انا اختي حامل وفي الشهر الثاني كمان معقوله يا حبيبتي يا رنا شفتي يا حبيبتي ان ما فيش حاجه بعيده عن ربنا الف مبروك 

الدكتور 

طب مستعده تاخدي الفرحه الثانيه ولا الكفايه الفرحه دي عليك ونخلي الفرحه الثانيه المره الجايه لما تيجي 

رنا 

لا لا الله يخليك يا دكتور فرحني قول لي كل اللي انت عايزه انا بقى لي كتير ما فرحتش انا بقى لي كتير قوي حزينه ودمعتي على خدي فرحني الله يخليك 

جميله 

اهدي يا حبيبتي الدكتور هيفرحك وهيقول لك كل حاجه بس انت دلوقتي حامل يا رنا ولازم تاخدي بالك من نفسك ومن زعلك ومن مشاعرك علشان النونو ما يتاثرش بحاجه 

الدكتور 

مستعده للفرحه الثانيه طب يا ستي انت حامل كمان في توام الف مبروك كده بقى لازم تاخدي بالك من نفسك وبلاش حركه كثير علشان الحمل في توام مش سهل خالص 

رنا بدموع قامت وحضنت جميله وقعدت تبوس فيها وتقول 

رنا 

سامعه يا جميله سامعه الدكتور بيقول ايه انا مش مصدقه نفسي معقوله انا حامل وكمان حامل في توام وفي الشهر الثاني كرمك عليا كتير يا رب احمدك يا رب واشكر فضلك 

جميله 

الف مبروك يا حبيبتي انت طيبه وجميله وتستاهلي كل خير ربنا يرزقك بكل اللي انت عاوزاه يلا بقى عشان تفرحي مراد ده اكيد قاعد على اعصابه عشان يطمن عليك 

رنا 

خلاص ماشي بس الله يخليك نفسي اعمل له مفاجاه جميله ما ينساهاش طول عمره 

جميله 

يا نور عيني انت تعملي اللي انت عاوزاه مين قدك يا عم ما شاء الله حامل وفي توام كمان كل اللي انت عاوزاه يحصل حالا 

وفعلا رنا وجميله دخلوا على مراد ومعاها هدوم للبيبي واول ما مراد شافها وشاف الهدوم قال 

مراد 

يا حبيبتي يا رنا للدرجه دي متعلقه بالنونو قوي ما تخافيش يا حبيبتي ان شاء الله ربنا هيرزقك طمنيني الدكتور قال لك ايه وليه جبتي لبس وليه تزعلي نفسك 

رنا 

انت مش عارف اي حاجه لحد دلوقتي

يا مراد لان دي فعلا حاجه ولا في الخيال وعمرها ما هتتصدق مستعد للمفاجاه الجميله على راي الدكتور هههههههه

مراد 

مفاجاه جميله ايه الله يخليك طمنيني يا جميله عشان رنا بتلعب باعصابي 

جميله 

لا يا اخويا وانا مالي رنا هي اللي تقول لك كل حاجه هتبقى منها احلى واجمل 

مراد 

يادي النيله طب يا رنا عرفيني ايه اللي حصل جميله كمان بتلعب باعصابي فينك يا مروان 

رنا 

انا حامل في الشهر التاني وكمان حامل في توام يا مراد معقوله دي حاجه تتصدق 

مراد بصدمه 

لا لا لو دي تمثيليه جديده منك يا رنا الله يخليك انا اعلى اعصابي ومش قادر ولا هقدر استحمل اي حاجه تاني عشان خاطري يا جميله قولي لي الحقيقه 

جميله 

صدقني يا مراد هي دي الحقيقه الف الف مبروك رنا حامل في الشهر الثاني وحامل في توام والدكتور منبه عليها ان لازم تخلي بالها من نفسها 

مراد حضن رنا وقال لها 

مراد 

ربنا يخليكي ليا يا روح قلبي شفتي بقى ان ربنا حنين على عباده ازاي بس ولا حركه ولا كلمه انت لازم تقعدي وما تتحركيش ابدا وتبقي زي البرنسيسه والاكل والشرب هيجوا لحد عندك يا هانم 

رنا 

يا سلام يا سلام بقى اسمي هانم يا جميله الله الله على الرومانسيه والحنيه 

جميله 

انت لازم يا رنا تكلمي بابا وتفرحيه يا حبيبتي ده هيفرح قوي قوي بالخبر الجميل ده وانا لازم امشي دلوقتي عشان سايبه المنشاوي الصغير مع خالتي 

رنا قامت وحضنت جميله وقالت لها 

رنا 

جميله ربنا يخليكي ليا يا حبيبتي  انت المفروض بعد كل اللي حصل مني ما كنتش بصيت لوشي اصلا لكن انت اجمل حاجه في الدنيا ربنا يخليكي ليا يا جميله 

جميله 

ويخليكي ليا يا نور عيوني مش قلت لك ربنا كبير وعوضه جميل سلام بقى 

وبعديها جميله روحت عند الفيلا وفرحتهم بخبر حمل رنا 

ورنا كلمت باباها وقالت له على خبر الحمل وفرح جدا جدا واطمن على رنا لانه كان شايل همها 

اما في الشركه عند مروان كان قاعد في مكتبه ومتعصب جدا وبيقول 

مروان 

يعني ايه الكلام الفارغ ده ازاي الورق مش لاقيه في الخزنه هو انا مشغل معايا حراميه ولا ايه

السكرتير 

صدقني يا مروان بيه ما حدش دخل مكتب حضرتك ابدا وانا ما اعرفش ازاي اختفى من الشركه 

مروان بعصبيه 

انت اتجننت لازم الورق ده نلاقيه ما ينفعش نخسر الصفقه دي انت كده شركتي ممكن تقع وما يكونش ليها اومه تانيه 

سكرتير 

تحت امرك يا مروان هقلب الشركه كلها على الورق وان شاء الله نلاقيه اهدى بس وما تضايقش نفسك 

ومروان قعد على المكتب بتاعه وكان متضايق جدا ومتوتر ان الصفقه دي ممكن تديها منه وسمعته تضيع في السوق كله 

اما في مكتب السكرتيره سهير كانت قاعده متوتره جدا وكلمت جاسر وقالت 

سهير 

الو يا جاسر باشا الحقني مروان بيه قالب الدنيا كلها على الورق اللي انا اخذته من الخزنه واديته لحضرتك انا خايفه جدا ومرعوبه 

جاسر ببرود 

وخايفه ليه ومرعوبه من ايه ما انا خليت الولد يعطل الكاميرا علشان لما تدخلي تجيبي الورق من الخزنه وشك ما يتكشفش يعني كده ما حدش هيعرفك خالص 

سهير بخوف 

هو للدرجه دي الورق ده مهم جدا الله يخليك انا خايفه سرتى تيجي في الموضوع ومرعوبه ده ممكن يسجني 

جاسر 

اهدي بقى يا سهير لو خلاص خايفه قوي كده خدي اجازه من الشركه او قدمي استقاله وتعالي عندي في شركتي وما تخافيش انا عارف مروان وعارف اخره طيب وقلبه ابيض ومش هيعرف يعمل لك اي حاجه 

سهير 

انا عاوزه اعرف هو انت تعرف مروان بيه منين انا عمري ما شفتك عنده في الشركه ولما كلمتني علشان اقابلك واجيب لك الورق ده واديتني المبلغ الكبير ده انا استغربت بس انا رضيت لاني كنت فعلا محتاجه الفلوس عشان علاج امي 

جاسر 

لا لا بقول لك ايه كده انت اسئلتك كده وانا ما بحبش الكلام ده خلصنا انت عملتي لي خدمه وقبطي فلوسها ما اشوفش وشك بتكلميني تاني سلام 

وبعديها جاسر قفل السكه في وش سهير وهي كانت قاعده متوتره جدا وقالت في نفسها 

سهير 

هو انا خايفه ليه انا ما حدش يعرف يكشفني ولا حد يعرف عني اي حاجه يبقى كده انا في السليم خلاص بقى انا لازم امسك نفسي شويه عشان ما حدش يعرف حاجه عني 

اما في المكتب عند جاسر كان بيتكلم مع سكرتير بتاعه حمزه وبيقول له

جاسر 

برافو عليك يا حمزه ان انت بقيت رجل امن على فيله مروان انت فعلا دماغك دي بتعجبني قوي 

حمزه 

طبعا يا باشا اول ما لقيت المنشاوي بيه طالب افراد امن رحت قدمت على طول علشان اكون هناك وتكون الفيلا تحت عينيا اؤمرني عاوز ايه 

جاسر 

عاوز بقيت ورق الصفقه لان مروان ناصح وذكي مخلي نصي ورق الصفقه في الشركه والنص الثاني في خزنه في فيلته 

حمزه 

اعتبره حصل يا باشا ولا تضايق نفسك بكره هيكون الورقه كله عند حضرتك 

جاسر 

حبيبي يا حمزه من يومك وانت مريح قلبي 

وبعديها مروان روح الفيلا وهو متوتر جدا ومتضايق ومش عارف يقول لجدو ايه ودخل اوضه المكتب بتاعته وقفل على نفسه الباب 

وعلى بالليل حمزه كان واقف امن على الفيلا ودخل عند سعديه وقال لها 

حمزه 

ايه يا سعديه ايه يا حب حياتي بقول لك ايه انا عاوز منك خدمه ويا ريت تعملها لي عشان نتجوز بقى 

سعديه بفرحه 

انا مش عارفه معقوله يا استاذ حمزه حضرتك بتقول لي انا الكلام ده انا اول مره حد يحبني او يشوفني حلوه 

حمزه 

طبعا حلوه واموره كمان بس انا مش معايا فلوس علشان اتجوزك ولو عملت له الخدمه دي يبقى كده حلو قوي وهيكون معانا فلوس ونتجوز يا جميله يا قمر انت 

سعديه 

اؤمرني يا استاذ حمزه عاوز ايه 

حمزه 

عاوزك تدخليني مكتب مروان بيه اللي فيه الخزنه لما الناس كلها تنام وما تساليش ليه ده كله عشان نتجوز وما تخافيش انا مش هاذيه انا كنت بصراحه واخد حاجه من المكتب وعايزه احطها عشان ما ابقاش حرام 

سعديه 

اه اه فهمت انت يعني كنت حرامي وتوبت حاضر يا بيه اول ما الناس تنام هدخلك على طول المكتب

واول ما كل اللي في الفيلا ناموا حتى مروان طلع اوضته سعديه دخلت حمزه اوضه المكتب علشان يرجع الحاجه اللي هو اخذها لكن حمزه كتم بق سعديه 

وبعد كده حصل .........

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا