رواية المنتقبه وبيت المنشاوى( الجزء الثاني)الفصل الحادى عشر 11 بقلم هويدا زغلول حصريه في مدونة قصر الروايات

رواية المنتقبه وبيت المنشاوى( الجزء الثاني)الفصل الحادى عشر 11 بقلم هويدا زغلول حصريه في مدونة قصر الروايات

رواية المنتقبه وبيت المنشاوى( الجزء الثاني)الفصل الحادى عشر 11 بقلم هويدا زغلول حصريه في مدونة قصر الروايات

المنتقبه الجميله داخل القصر 

الجزء الثاني 

 الحلقه الحاديه عشر 

وبعديها سماح وسمر طلعوا قصاد الفيلا واول ما سمر خطط بره الفيلا عشان تشوف مين عاوزها 

عربيه جت بسرعه سمراء وكبيره ومخيفه خطفت سمر وجريت على طول وسماح قعدت تصرخ وتقول 

سماح 

يا لهوي يا لهوي بنت يا سمر مين اللي خطفك يخرب بيتك يا نحس اتخطفتي يوم فرحك الحقوني يا ناس الحقوني يا هو البت سمر المنحوسه اتخطفت

وفي الوقت ده سماح دخلت جري على الفيلا وقعدت تصرخ ومروان صحي من النوم هو وجميله مخدودين وقالوا 

مروان 

في ايه يا مدام سماح ايه اللي حصل بتصرخي ليه 

جميله 

بطلي سريرك يا خالتي وفهمينا ايه اللي حصل صبرى الصغير حصل له حاجه ولا جدي تعب ثاني

سماح 

بصراحه يا حبيبي يا مروان انا مش عارفه اجيبها لك ازاي بس امك الفقريه اتخطفت يا اخويا في عربيه خطفتها وقبل ما تمشي كان في رقم مكلمها وقال لها انزلي قبليني 

مروان 

ايه اللي انت بتقوليه ده يا مدام سماح يعني ايه ام تتخطف ومن قصاد الفيلا عندنا كمان لا لا ده كده كثير مش هينفع اللي بيحصل ده 

جميله 

وبعدين يا مروان الموضوع عمال يكبر معانا والخطر عمال يزيد على عيلتنا هنجيب مامتك منين دلوقتي واكيد باباك هو اللي عمل كل ده 

سماح 

اه صحيح ده انا ناسياه اه يا ابن الصفراء يا كريم كده برده مستكتر على البنت تفرح ما انت وريتها ايام سوداء 

جميله 

مش وقته الكلام ده يا خالتي يلا بسرعه يا مروان نروح نعمل محضر بخطف علشان احنا كده خلاص بقينا عايشين في رعب 

وبعديها جميله ومروان راحوا قسم الشرطه علشان يعملوا محضر بخطف سمر 

اما سماح قاعده بتندب وتصرخ وراحت عند المنشاوي وقالت له 

سماح 

جات الحزينه تفرح ملقتلهاش مطرح هو انت نايم يا شوشو قوم يا اخويا شوف اللي جرى لنا البيت ده منظور ومحسود ومعمول له عمل وانا مش هسكت على الكلام ده 

المنشاوي 

في ايه يا سماح انت عماله تصرخي كده ليه ايه اللي حصل العيال كويسين 

سماح 

كله كويس  وزي العسل يا اخويا وميت فل وعشره الا البنت سمر الفقريه في عربيه جت وخطفتها ولكل شاكك في كريم ابنك الهي ينشك في قلبه

المنشاوي بصدمه 

ايه انت بتقولي ايه سمر اتخطفت ليه كده يا كريم حرام عليك يا ابني ليه عمال تزود زعلي وحزني عليك تخطف مراتك وتكسر بخاطرها مش كفايه الايام اللي انت وريتها لها في حياتك 

سماح 

وبعدين يا اخويا هنعمل ايه مروان وجميله راحوا عشان يعملوا محضر ده باين كده الظابط هيتخنق منهم تصدق ان احنا بقينا عيله هفق كل يوم يتخطف مننا واحد ربنا يسترها عليا لاحسن اتخطف يا اخويا 

المنشاوي 

وبعدين يا سامح هنعمل ايه ما انا لو بصحتي وهقدر اقف كنت عرفت وقفت كريم عند حد بس كريم سايق فيها وحرام عليه اللي بيحصل ده

سماح 

خلاص يا اخويا ما تزعلش نفسك انا اروح اجيب البخور وابخر البيت وهجيب اللبن والرز عشان اعمل رز بلبن ووزعه على الحبايب يمكن العين والحسد يمشوا من عندنا بقى 

وبعديها سماح نزلت علشان تعمل رز بلبن وهي واقفه عماله بتقول 

سماح 

بنت يا سعديه انا خلصت الرز بلبن امشي يا بنت وزعيه في كل مكان يمكن لو في حسد يروح من عندنا انا خايفه يا بنت يكون الدور عليا واتخطف يا لهوي يا لهوي وانا عسل كده ولو اتخطفت محدش هيسيبني ابدا 

سعديه 

هو انت فكرتي تكلمي الدكتوره عزمي هي مدام سماح كلميه وعرفيه كل اللي حصل 

سماح 

اه صحيح يا بنت يا سعديه برافو عليك انا لازم اتكلم عريس الغبره عشان اعرفه اللي حصل كان وشه نحس عليها اديني التليفون يا بت 

اما في قسم الشرطه كان مروان وجميله واقفين متوترين والظابط بيقول 

الظابط 

يعني دلوقتي انت بتشك في مين يا مروان اللي خطف والدتك 

مروان 

لحد دلوقتي انا مش هشك في حد يا حضره الظابط انا عاوزكم تدوروا عليها انا خايف جدا يكون حصل لها حاجه 

جميله 

على فكره  يا حضره الظابط تليفونها معاها واحنا حاولنا نكلمها اكتر من مره باين كده اللي خطفها خد منها التليفون 

الظابط 

طب دي حاجه كويسه قوي قوي بدل التليفون مفتوح يبقى احنا هنقدر نعمل تتبع ونوصل للمكان اللي هي فيه اديني رقمها وما تقلقوش خالص 

مروان 

الله يخليك يا حضره الظابط لو في اي جديد كلمني عشان اطمن على والدتي 

الظابط

ما تخافش يا استاذ مروان ان شاء الله والدتك هترجع بالسلامه اطمن 

وبعديها مروان وجميله روحوا الفيلا وسماح كلمت عزمي في التليفون وقالت له 

سماح 

ايوه يا عزمي ايوه يا عريس الغبره وشك وحش على بنتنا يا اخويا يا ابو كرش يا اقرع

عزمي 

هو في ايه وحضرتك مين وبتكلميني كده ليه 

سماح 

يا نهارك اسود ومنيل هو انت ما تعرفش حماتك يا ولد انا سماح ابقى حماتك يا حبيبي هو انا اه من سن سمر لكن برده ما يضرش البنت اتخطفت يا منيل وانت لسه عمال ترغي معايا 

عزمي قام وقف من على الكرسي وقال 

عزمي 

ازاي يا ست سماح ازاي سمره اتخطفت لا لا مش معقول اكيد انت بتهزري معايا صح 

سماح 

انت اهبل ياض ولا عبيط في مناخيرك هاهزر معاك ليه يا اخويا ربنا يخلي لي جوزي هاهزر معاه طول الليل والنهار الدور والباقي عليك يا منيل يا عانس روح شوف البنت راحت فين 

عزمي 

اهدي بس يا مدام سماح وفهميني يا ترى مين اللي خطفها الله يخليك عرفيني سمر دي حب عمري 

سماح 

بيني وبينك يا اخويا بيقولوا ان اللي خطفها طالقها كريم بس بقول لك ايه انا ما قلت لكش حاجه وربنا يقدرني على فعل الخير 

عزمي 

ماشي يا مدام سماح انا هحاول ادور عليها في كل مكان ولو في اي جديد عندكم طمنيني الله يخليك 

سماح 

اطمنك ايه ده انا جايه لحد عندك واعرف يا اخويا البنت راحت فين ما انت من ساعه ما دخلت علينا وكل النحس مساكنه 

وبعديها عزمي قفل السكه مع سماح وقال في نفسه 

عزمي 

لا يا مدام سماح ده مش كريم طالقها دي اكيد عبير ما فيش غيرها هي اللي تعمل كده 

وقعد عزمي يفتكر اللي حصل من يومين 

                      فلاش بااااااااك 

عزمي كان قاعد في شقته وعبير صاحبته من ايام الكليه خبطت عليه وقالت له

عزمي 

ايه ده عبير غريبه يعني انت اول مره تزوريني في شقتي خير في حاجه 

عبير بحب 

اه في حاجات كتير يا عزمي انا سمعت من صحابنا ان انت هتتجوز معقوله قلبك اتفتح للحب ودق كان فين الكلام ده من زمان ما انت عارف ان انا بحبك 

عزمي 

يا عبير افهميني الجواز ده قسمه ونصيب والحب مش بالعافيه وانت شفت نصيبك وشفتي حياتك لو سمحت تسيبيني انا كمان اشوف حياتي 

عبير 

حياتك معايا انا يا عزمي مش مع غيري انا بحبك اتجوزني وليك عليا ان انا هوريك اجمل ايام حياتك وهقول لك حاضر ونعم على كل حاجه 

عزمي 

لو سمحت يا عبير لاحظي ان انت اتجوزتي وخلفتي واه من ساعه ما جوزك وعيالك راحوا في الحادثه وانت عايشه لوحدك صدقيني انت عاوزه تتعالجي نفسيا ما تزعليش من كلامي بس هي دي الحقيقه 

عبير 

لا يا عزمي انا مش مجنونه انا اه حزينه على فراق جوزي وعيالي بس مش مجنونه وبحبك انت من ايام الكليه وانت عارف كده كويس عشان خاطري اتجوزني انا ما تسيبنيش يا عزمي ما تسيبنيش يا عزمي 

عزمي 

لو سمحت يا عبير انا لازم  اروح مشوار دلوقتي لو سمحتي اتفضلي مع السلامه ومن غير ما ترد وبعد اذنك اطلعي من حياتي وسيبيني ابدا حياتي جديده مع الانسانه اللي انا بحبها

عبير 

يعني هو ده اخر كلام معاكي يا عزمي ماشي وانا مش هسيبك في حالك  وهنتقم يا عزمي وريني بقى هتعرف تقف قصادى ازاي 

وبعديها عبير نزلت وعزمي قفل الباب وقال في نفسه 

عزمي

ربنا يشفيك يا عبير انت فعلا اتجننتي و عاوزه دكتور نفساني انت خوفتيني على سمر بس انت اكيد مش تعرفي توصلي لها ربنا يسترها عليها

                             بااااااااك 

عزمي 

اكيد انت يا عبير اللي عملت كل ده بس يا ترى هلاقيكي فين استحاله تكوني مستخبيه في شقتك اكيد مستخبيه واخده معاكي سمر في المحل بتاع جوزك انت دايما بتحطي فيه كل الكراكيب اكيد المحل ده هو اللي خطفه في سمر انا لازم اروح والحقك يا حبيبتي 

وبعد ما عزمي نزل من شقته لقى سماح نازله من العربيه وقالت له 

سماح 

انت رايح فين يا موكوس اكيد طبعا هتهرب ابدا مش هسيبها غير لما تجيب البنت سماح هو انا اه مش بطيئها بس احنا عشره عمر 

عزمي 

 يا مدام سماح اهرب ايه بس ده انا رايح انقذ حبيبتي الله يخليكي سيبيني علشان عبير مجنونه ما تعملش فيها حاجه

سماح 

يا نهارك اسود مين عبير المجنونه دي يعني اللي خاطفها مش الواد كريم ظلمناك يا كيمو طب بقول لك ايه يلا يا حبيبي رجلي على رجلك جايه لك يا سموره

وفعلا سماح راحت مع عزمي عشان ينقذوا سمر 

اما في محل الكراكيب بتاع عبير كانت قاعده وماسكه مقص وعماله تهدد سمر وتقول لها 

عبير 

متهيالي لو قصيت شعرك وخليتك قرعه عزمي حبيبي اول ما يشوفك هيقرف منك ويسيبك ويتجوزني انا 

سمر بخوف 

الله يخليك سيبيني في حالي انت مين وعايزه مني ايه وتعرفي عزمي خطيبي منين هو انا خلصت من شيماء تطلعي لي انت يا رب على الدنيا 

عبير 

شيماء مين والناس نايمين ده انا حاجه ثانيه خالص انت مفكره نفسك ان انت هتعرفي تاخدي مني حبيبي وحب عمري تبقي غلطانه يا ماما ده احنا اصحاب من ايام الجامعه وغلاوه شعر الابيض ده لاوريك ايام سوداء 

سمر 

يادي النيله علي هو انا كل اللي يشوفني يهددني ان هو هيوريني ايام سوداء ما انا كده كده عشت الايام السوداء وشفتها بعيني بكفايه بقى نفسي اشوف ايام بيضاء 

عبير 

ايه ده ايه ده ده انت حلوه اهو وبتتريقي كمان حاضر يا حبيبتي انا بقى اعتقد ان انا لو عورتك في وشك كده عزمي هيسيبك وعلى طول اكيد مش هيستحمل واحده قرعه وعندها معاها في وشها كمان يلا على بركه الله بسم الله 

سمر بخوف 

الله يخليكي سيبيني في حالي اوعي وشي اوعي لاله لحد اللي انت ماسكاها دي سيبيني انت فين يا عزمي انت فين يا حبيبي 

عبير 

انت يا بنت انت ما تجننيش عزمي حبيبك ايه حبك برص ما تقوليش كده عليه انا بقى هعورك تعويره يحتار فيها الاطباء علشان ما تعرفيش تعالجيها يا حبيبتي وابقي وريني هتتجوزي ثاني ازاي وده درس تعلميه ان انت ما تاخديش حاجه مش بتاعتك 

سمر 

طب انت بتقربي مني ليه هتعملي ايه دلوقتي انا خايفه منك قوي يا ربي على الرعب اللي انا عمال اعيشه كل يوم 

عبير 

هو انت لسه شفتي رعب يا قلبي ده لسه الرعب جاي كمان شويه انا دلوقتي هبدا بحلق شعرك وبعد كده نبقى نشوف العاهه اللي هعملها في وشك 

وبعديها عبير قربت من سمر ومسكت شعرها وقربت المقص على شعرها ولسه هتقصه سمر بصريخ قالت 

سمر 

اعاااااا اعاااااا اعاااااا الحقوني يا ناس الحقني يا عزمي الله يخليك انت فين يا عزمي تعالى الحقني يا حبيبي البنت هتخليني مسواش ثلاثه مليم 

وفي الوقت ده سماح نطت من شباك المحل وقالت لها 

سماح 

يا واطيه انت بتقولي تعالى الحقني يا عزمي ومش عارفه تقولي تعالى الحقني يا موحه 

سمر 

يا حبيبتي يا موحه تعالي الحقيني كنت متاكده وعارفه ان انت عمرك ما هتسيبيني 

عبير 

ايه ده بقى ده بقى انت مين يا ست انت وايه اللي جابك هنا وعرفتي مكاننا ازاي 

سماح 

انا ابقى سوبر سماح يا عنيا اللي بلحق  كل المحتاجين من امنا الغوله تعالي لي بقى يا حيزبنا الكلب ده انا هوريكي ايام سوداء 

وفي الوقت ده دخل عزمي وفك سمر من الرباط اللي هي مربوطه به وقال لها 

عزمي 

انت كويسه يا حبيبتي حمد لله على سلامتك انا اسف جدا يا سمر اني حطيتك في الموقف ده عبير دي مجنونه ومن زمان وهي بتحبني ومن ساعه ما جوزها وعيالها راحوا في حادثه وهي حالتها النفسيه متدمره 

سماح 

هو كل واحده يخطف واحده تقولوا عليه عنده حاله نفسيه علاجك عندي يا قلبي تعالي لي 

وسماح مسكت عبير واديتها بالروسيه وعبير قالت 

عبير 

نشلتي يا فالحه طب اهو 

وعبير وقعت على الارض واغمى عليها وكان في الوقت ده عزمي مبلغ البوليس وجوه قبضوا على عبير ودوها المستشفى امراض النفسيه وعزمي وسماح خدوا سمر وروحوا الفيلا وسماح قالت 

سماح 

هو انت فاكره نفسك هتدخلي الفيلا كده عادي لا طبعا انت مش هتدخلي اي داخله يا حبيبتي ده انت كنت مخطوفه وجيراني هناك مستنيني قدام باب الفيلا علشان نزفك ونخلص بقى من الجوازه دي 

سمر 

شوفي مهما عملتي بحبك برده يا موحه ربنا يخليكي ليا عزمي قال لي انت قد ايه كنت زعلانه عليا ما انحرمش منك ابدا يا عمري 

سماح 

وانا زعلانه عليك ولا نيله يا اختي انا كنت زعلانه على 35 جنيه اللي انت كنت مستلفاهم مني كنت محتاره هاخدهم من مين لو انت حصل لك حاجه 

عزمي 

بجد يا مدام سماح انا ما لقيتش اجدع منك انت ما خفتيش من اي حاجه هو مسكتي عبير ضربتيها انا بجد فخور بيكي 

سماح 

لا يا اخويا عاوزك تكون فخور بسمر وتركز معاها شويه مش عاوزين وجع قلب ثاني بقى بكفايه 

وسماح وصلت الفيلا وكانت الجيران مستنينها قصاد الباب والست فوزيه قالت 

فوزيه 

خير يا ست سماح لقيتي سمر الف بركه يا اختي حمد لله على سلامتك كفايه خطف لحد كده انتم بجد عيله بقيتوا نص كم اللي رايح واللي جاي بقى يخطفكم وبيستقل بيكم كده لي

سماح 

ايوه صح يا بنت يا فوزيه انا قلت نفس الكلام ده عشان كده النهارده عملت رز بلبن وفرقته على الحبايب يمكن النحس يتفك من علينا شويه 

كتكوته 

خير يا ست سماح كنت عاوزانا في ايه 

سماح 

النهارده اخر ليله لسمر في الفيلا وعاوزين نزفها زفه بهوات ها يا ولاد زفت بهوات يلا معايا 

وبدات سماح تغني وتقول 

سماح 

يا سمر يا دلع خليت الشارع ولع يا سمر يا حيله يا ام عيون كحيله 

ام حازمبل 

ايوه كده ادي له يا سمر يا دلوعتين وقفت الشارع على الصفين زغرتي يا اللي منتش غرمانه حاجه 

كتكوته 

لولولولى 

وفي الوقت ده جميله ومروان والمنشاوي سمعوا زغاريط وهيصه وهو نزلوا الجنينه واول ما شافوا سمر مروان حضنها وقال

مروان 

حمد لله على سلامتك يا حبيبتي البيت كان من غيرك وحش قوي يا ماما مين اللي خطفك طمنيني قولي لي بابا اللي عمل كده معاكي 

سماح 

الكذب خيبه يا واد يا مروان ظلمنا ابوك ما طلعش هو اللي خاطفها بتاعه واحده مجنونه بنت مجانين واسمها عبير 

سمر 

انا عارفه كل اللي جرى لي ده بسبب ايه بسبب المقلب اللي انا عملته فيك يا مدام سماح وقلت لك انا العفريت مهلبيه ابن عبير قامت عبير بذات نفسها وقعت في ارابيزه وخطفتني وكانت هتحلق شعري زيرو 

سماح 

هههههههه ضحكتيني يا بت يا سمر لا يا اختي انا مش زعلانه منك بس يلا بقى كفايه لحد كده وروحي على بيت جوزك بعد كتب الكتاب ولا فرح ولا غيره الله اعلم ايه اللي ممكن يحصل تاني 

عزمي 

وانا رايي برده كده يا سمر يا حبيبتي نكتب الكتاب ونروح نقضي شهر العسل في اي مكان بلاش نعمل فرح علشان ما تحصلش مصيبه تانيه 

سمر 

ما فيش مشكله انا موافقه يا حبيبي طول ما انا معاك مطمنه ومرتاحه 

جميله 

احم احم نحن هنا يا حماتي يا سلام يا سلام قد ايه حلو الغرام 

سماح 

يلا يا بنت يا سمر تعالي معايا عشان نحضرك ونلبسك الفستان ونكتب الكتاب ونعلق جواب ونبل للشربات يا حبيبتي 

اما عند جميله مروان ايه الدكتور كلم جميله في التليفون وقال لها 

الدكتور 

مساء الخير يا فندم مدام جميله المنشاوي معايا 

جميله 

ايوه حضرتك مين معايا 

الدكتور 

حضرتك كان ليك اخت تعبانه جدا وعندها الرحم لازم يتشال ونفسها في طفل قبل ما تعمل عمليه ازاله الرحم 

جميله 

ايوه يا دكتور انا اختي رنا خير في حاجه 

الدكتور 

اه يا فندم لقينا الحل المناسب لاخت حضرتك والعلاج المناسب علشان تقدر تجيب طفل وبعديها نحدد اذا كان الرحم هيتشال ولا لا بس لازم يكون في اسرع وقت علشان طول ما سنها صغير هيكون العمليه سهله وبسيطه 

جميله فرحه 

بجد يا دكتور ربنا يخليك ده اجمل واحلى خبر سمعته في حياتي انا طبعا هجيب رنا اختي وهاجي لحضرتك النهارده وان شاء الله خير 

وبعديها جميله قفلت السكه وقالت لمروان 

جميله 

مروان بعد اذنك انا رايحه لاختي رنا هاخدها ونروح عند الدكتور عشان في امل ان هي تخلف ومش هتاخر يا حبيبي ماشي 

مروان 

ما عنديش مانع يا جميله بس خلي بالك من نفسك وخدي طقم الحراسه معاكي الله يخليك انا مش قادر ومش هستحمل وجع قلبي تاني 

جميله 

حاضر يا حبيبي ما تقلقش ربنا يطمن قلبك يا رب 

وبعديها جميله راحت عند رنا وكانت قاعده جنب مراد ومراد اول ما فتح الباب قال لها 

مراد 

كويس ان انت جيت يا جميله انا كنت هكلمك في التليفون رنا رجعت تاني لحالتها النفسيه الوحشه ومش عايزه لا تاكل ولا تشرب ولا حتى تكلم حد 

جميله 

ازاي الكلام ده هي فين يا رنا يا رنا ايه يا حبيبتي مالك 

رنا 

جميله حبيبتي وحشتيني ما فيش يا جميله زعلانه على حالي عمري ما هكون ام

جميله 

انا بقى جايه وجايبه لك احلى خبر في الدنيا الدكتور كلمني وقال لي لسه في امل ان انت تقدري تخلفي حتى لو لمره واحده بس وبعد كده نبقى نكرر هنشيل الرحم ولا لا يلا بينا يا قمر البسي واتفائلي خير ونروح للدكتور ونشوف هيقول لنا ايه 

رنا 

انت بتتكلمي بجد يا جميله ربنا يخليكي ليا يا حبيبتي الحمد لله يا مراد لسه في امل ان شاء الله خير ويا رب يكرمني علشان اسعدك يا حبيبي

اما في المخزن كان فوزي واقف جنب كريم وبيقول له 

فوزي 

وبعدين يا باشا انت وعدتني اني بعد ما نهرب من السجن هنلاقي الياقوت والالماظات والذهب فين الكلام ده ده احنا عمالين ناكل فول وطعميه زي الغلابه 

كريم 

ما تخرس بقى شويه ونقطني بسكاتك انا مش عارف هعمل ايه ومش عارف اركز انا كل حاجه كنت مخطط لها باظت 

فوزي 

طب وبعدين ما احنا لازم نلاقي اي لقمه عيش ناكل بيها ولا انت عاجبك حالنا ده ده احنا كنا في السجن بناكل وبنشرب احسن من كده يا باشا 

كريم 

اسكت بقى مش طايق اسمع صوتك بطل نبر ان شاء الله هلاقي حل انت بس روح وشوف الفيلا كم حرس عليها من بره علشان لما اروح اعرف  ادخلها واجيب منها اللي انا عاوزه من غير ما حد يحس بيا 

فوزي 

حاضر يا باشا هبقى اروح وابقى اجي اقول لك ايه اللي حصل لما نشوف اخرتها معاك قصدي تحت امرك يا باشا في اي وقت

وجه اخر اليوم وعزم يجهز نفسه ولبس بدله الفرح وكمان سمر لبست فستان الفرح 

وبعديها الماذون جه وكتب كتاب عزمي على سمر وكانت عروسه زي القمر بالفستان الابيض الرقيق بتاعها وعزمي خدها وركبها العربيه وسافروا علشان يقضوا شهر العسل لانه ناوي يوريها اجمل ايام حياتها 

وبعديها العيله وصلت سمر هو عزمي للمطار وبعديها روحوا البيت 

 والمنشاوي قال 

انا تعبان قوي يا سماح لازم اطلع انام مش قادر اقف على رجلي تصبحي على خير يا حبيبتي 

سماح 

وانت من اهله يا حبيبي هحصلك بعد شويه بس بعد ما اطمن على صبري وعلى المنشاوي الصغير يلا يا حبيبي روح انت ارتاح 

وبعدي ما سماح اطمنت على صبري والمنشاوي طلعت الاوضه وفتحت الباب واول ما دخلت قالت سماح بصدمه 

سماح 

يا لهوي يا لهوي ايه اللي انا شايفاه ده 

وبعد كده حصل .......

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا