رواية وجع حنين الفصل الثلاثون والحادى والثلاثون والثانى والثلاثون بقلم ريحانة الجنة
رواية وجع حنين الفصل الثلاثون والحادى والثلاثون والثانى والثلاثون بقلم ريحانة الجنة
الحلقة الثلاثون
وقعدت حنين في المستشفي اسبوعين ويوسف كان كل يوم بيروح بالليل بعد ماتنام وجيهان تخليه يشوفها لانها حاست انه صعب عليها وشكله تعبان مابيكلش ولا بينام وحالتوا ماتقولش ابدا انه خانهاولا لعب بيها وباين حبه ولهفته عليها وجه اخر يوم حنين حتقعد فيه يوسف عرف من الحسابات وهو بيدفع انها حتخرج تاني يوم
يوسف:جيهان هي حتخرج ليه دي لسة تعبانة
جيهان :الدكتورة قالت ممكن تروح بس نخلي بالنا منها وكمان لازم تروح للدكتورة كاميليا . هي جاتلها النهاردة وشافت حالتها وقالت لازم تبتدي معاها جلسات بسرعة حنين الانهيار العصبي ده تعبها وبسببه طول الوقت بتاخد الموهدأت وده غلط علي اللي في بطنها
يوسف:انا السبب ياريتني كنت مت ولا اني اشوفها كدة انا تعبان يا جيهان تعبان نفسي اخدها في حضني نفسي اقولها اني مظلوم نفسي تصدقني
جيهان:لو انت فعلا مظلوم ادعي ربنا يظهر الحق
يوسف :يارب . يارب انت عارف اني معملتش حاجة . جيهان ممكن ابقي اكلمك كل يوم علشان اطمن عليها انا عارف ان محدش فيهم عايز يشوفني ومش حقدر مطمنش عليها ارجوكي
جيهان :ممكن يا يوسف ادعلها بس ترجع كويسة لحسن زي ماانت شايف اتبهدلت ودبلت خالص
يوسف :قرب علي حنين وهي نايمة وملس علي وشها وشعرها وباسها ومسك ايديها . حبيبتي اوعي تصدقي اللي اتقال انا بحبك وماحبتش غيرك ومفرحتش اني حكون اب الا علشان منك انت والله انا كان ممكن اضحي بيه بس انتي لا انتي عندي اهم . والله بحبك
يوسف حس بأيد حنين بتمسك ايده
يوسف:جيهان هي ممكن تصحي
جيهان :ممكن المهدئ مفعوله قرب يخلص . اخرج بسرعة قبل ماتصحي
بوسف :باسها وجه يسيب ايديها لقاها ماسكة فيه . دمع . حنين مع كل اللي حصل حتي وهي نايمة لسة بتحس بالامان معاه وفي وجوده
جيهان :اخرج يا يوسف بسرعة .
يوسف :اعمل ايه بس هي ماسكة ايدي ومش عايزة تسيبها وانا مش قادر بصراحة نفسي افضل معاها
جيهان :قربت وشدت ايد حنين من ايد يوسف . امشي بقي
بعد ما يوسف خرج جيهان قربت من حنين لقتها مفتحة وبتعيط
جيهان :حنين انتي صاحية
حنين :هزت راسها . ايوة وسمعت كلامه . انا بحبه اوي يا جيهان بحبه
جيهان :يعني مصدقاه ومسمحاه
حنين : عيطت زيادة. لا لا بس مش قادرة ابطل احبه انا تعبانة اوي تعبانة وهو كان واحشني كان نفسي افتح عيني واشوفه . لو هو بيحبني ليه عمل فيا كدة ليه ليه ليه ياجيهان ليه
جيهان :ارمي حمولك علي الله وماتتعبيش نفسك ان شاء الله ربنا يحلها
ورجعت حنين البيت عند باباها لان طبعا محدش بقي واثق فيها يسبها في بيتها القديم لوحدها هما محدش اتكلم معاها في حاجة من ساعة اللي حصل لان الدكتورة كاميليا حظرتهم انهم يكلموها او يلوموها علشان ده مش في مصلحتها وفضلت حنين حاولي شهرين علي الحال ده حنين علي طول قاعدة في أوضتها ومابتكلمش حد ومابتخرجش الا وهي راحة للدكتورة كاميليا او دكتورة نڤين بتاعة النساء ولازم يكون معاها حد مش لوحدها وكان يوسف بيعرف معاد خوروجها من جيهان ويستناها وهي نازلة ويقف يشوفها من بعيد ومش قادر يبعد عنها ولا يقرب منها . وكان لما يقعد لوحدوا في البيت يقعد يبص في كل مكان ويفتكر حنين وحبهم وهزارهم كل حاجة كانت بتفكره بيها وكانت وحشاه وكان تملي يقعد يسمع الاغنية دي (قصاد عيني )(وبنا معاد لواحنا بعاد اكيد راجع ولو بيني وبينوا بلاد . قصاد عيني في كل مكان ومن تاني أكيد راجعين انا دايب وكلي حنين ولا عمري ابيع لو مين قصاد عيني .ومش قادر علي الايام ولا يوصف هوايا كلام وطول ليلي ولما بنام . قصاد عيني . قصاد عيني . في كل مكان قصاد عيني
في يوم هنعود ده بينا وعود. وفي غيابه اكيد لسة الامل موجود. قصاد عيني في كل مكان قصاد عيني )
الحلقة الواحد والثلاثون
وجه يوم ماكنش في حساب حنين ويوسف اللي هيجري فيه
حنين كان عندها معاد مع الدكتورة وطبعا زي كل مرة يوسف بيعرف من جيهان المعاد وبيروح ورا حنين ويشوفها من بعيد ويفضل وراها لحد ماترجع مع عمار او علي وبعدين يروح . بس اليوم ده بعد ما حنين رجعت مع جيهان وعلي. يوسف لقي عبد الرحمن وخديجة وهنا وعمر نازلين هما كمان وركب عبد الرحمن وخديجة مع بعض ومشيوا وجيهان وعلي والولاد مع بعض ومشيوا وحنين طلعت البيت لوحدها . يوسف هما ازاي يسيبوها لوحدها وكمان راحوا فين
(في عربية عبد الرحمن )
خديجة :انا قلقانة علي حنين مش كانت جت معانا بدل قعدها لوحدها . وكمان مرفت كانت عايزاها تيجي عيد ميلاد بنتها وتفرفش شوية بدل اللي هي فيه ده
عبد الرحمن :حنين اللي هي فيه مش حتنساه بعيد ميلاد . بنتك بتحب يوسف ومش حتنساه لو قعدت مليون سنة . منه لله خانها وقهرها انا كان قلبي حاسس ان في بينهم حاجة من قبل الجواز وكنت بكدب نفسي واقول لا اخرها بتحبه وعايزاه ماكنتش اعرف انها ممكن توصل لكدة .
خديجة: والله انا ماعارفة هو ازاي خدعنا كلنا وافتكرناه ابن ناس وطيب . ده انا قلت هو ده اللي حيحطها في عنيه وينسيها اللي شافته . اتاريه جاي يكمل عليها
يوسف :لا انا خلاص مش قادر انا حتطلعلها دي وحشتني اوي
جرس الباب بيضرب
حنين تشوف مين تلاقي يوسف قلبها بيدق اوي . هو كان واحشها ونفسها تشوفوا بس اللي حصل وجعها اوي
يوسف :من ورا الباب . حنين افتحي انا عارف انك جوة وسمعاني علشان خاطري افتحي . انتي وحشاني .
حنين :من جواها بتتلكك وعايزة تشوفوا. بس قالت لنفسها انا حفتحلو بس علشان اقولوا يبعد عني ومش عايزة اشوفو تاني
حنين:فتحت الباب ودخلت
يوسف:دخل وراها وشدها ليه وحضنها اوي . حنين وحشتيني اوي والله انا مظلوم والله ماخنتك
حنين :يوسف كان واحشها وكان نفسها تحضنه وسابت نفسها في حضنه واتعلقت فيه اوي
يوسف:حس انا سابت نفسها وانا ماقومتش ضمها جامد
حنين :لا انا مش لازم اضعف كدة . شالت نفسها من حضنه وبعدت بعيد .
يوسف:راحلها ولف وشها ليه . حنين ارجوكي اسمعيني . انت لازم تصدقيني والله ماعملت حاجة ولا حكتلها حاجة
حنين :اصدقك . ازاي واناشوفتك في بيتها و في حضنها عريان اصدقك ازاي بعد ما اتهمتني بحاجة محصلتش انت عارف اني عمري ما سلمتك نفسي الا لما اتجوزنا . ليه عملت فيا كدة انا ازيتك في ايه
يوسف :والله ماحصل كانت لعبة اتلعبت عليا صدقيني
حنين :امشي يا يوسف امشي مش عايزة اشوفك ولا اسمعك
يوسف :لف وشها ليه ومسكه بأيده لا يا حنين انتي من جواكي مصدقاني بصي في عنيا وانتي تتأكدي اني مبجدبش
حنين :بصت في عينه وسرحت في ملامحه اللي كانت وحشاها
يوسف:كان مش قادر يبعد عن حنين اكتر من كدة . مال يوسف وباسها وهي كمان ممنعتش يوسف شال حنين ودخل الاوضة وفي اللحظة دي سكت الكلام وهما الاتنين مكنوش بيفكره وقتها في حاجة غير انهم يكونوا مع بعض ويسبوا حبهم هو اللي يتكلم ...............
(في بيت مرفت اخت حنين )
مرفت : بس ياماما مكنش ينفع تسيبيها لوحدها
خديجة اعمل ايه بس يا بنتي هي مش عايزة تكلم حد ولا تشوف حد دي مابتقولش كلمتين علي بعض
عبد الرحمن :انا بكرة لازم اكلم الدكتورة كاميليا واسالها حتخلينا نكلمها امتي احنا مش عارفين راسنا من رجلينا لازم اعرف هي عايزة ايه علشان لو حتطلق نطلقها ونخلص
مرفت :بصراحة يا بابا انامش قادرة اصدق ان يوسف يعمل كدة معقول ده كان شايل حنين من علي الارض شيل ومدلعها أخر دلع ليه بس يعمل كدة انا حاسة ان في حاجة غلط
خديجة :ازاي بس يا مرفت وهي وعمار شافوه بيعنيهم في بيت المزغودة دي وهما مفيش حاجة ساتراهم . استغفر الله العظيم . ده غير الكلام اللي قالتوهولها اللي يارب اشوف فيها يوم . الموضوع واضح يا بنتي
مرفت:هما الولاد لسة ميعرفوش حاجة
خديجة :لا طبعا هما بيكلموه كل يوم في التليفون . وهو مفهمهم انه مسافر وهماحيقعودوا معانا لحد ما يرجع
عبد الرحمن :مش يالا بقي يا خديجة . حنين لوحدها وممكن تعوز حاجة اندهي يا بنتي للولاد
مرفت :حاضر يا بابا وكمان حجبلكم التورتة بتاعة حنين
خديجة :هي حنين بتاكل اصلا علشان تاكل تورتة
(في بيت عبد الرحمن )
حنين بتقوم من السرير وتلبس الروب بتاعها وتروح تقف عن الشباك
يوسف :يقوم وراها ويلف ايده حوليها ويحضنها . مالك يا حبيبتي
حنين :بتعيط . امش يا يوسف مش عايزة اشوفك انا بكرهك بكره ضعفي معاك بكره حبي ليك طلقني يا يوسف طلقني واخرج من حياني مش عايزاك
يوسف :حنين انتي بتقولي ايه انا مستحيل اطلقك مستحيل .
في الوقت ده حنين شافت باباها بيركن العربية .
حنين :يوسف انت لازم تمشي. بابا وماما . جم وانا مش حمل كلامهم كفاية نظرتهم اللي بتقتلني كل يوم
يوسف :لبس هدومه بسرعة واخد قميصه وهو خارج قالها
يوسف:انا حمشي يا حنين بس افتكري انك صدقتيهم وكدبتيني كدبتي حبي ليكي مع اني عمري من يوم ما عرفتك ماكدبت عليكي . انا حخرج من حياتك زي ما قولتي مش بس كدة حخرج من الدنيا بحالها
ومشي يوسف بس محبش ينزل علي طول علشان ميقبلش باباهاومامتها ويشفوه هو ماكنش فارق معاه حد بس مش عايزهم يضايقوها بكلمة كفاية اللي حصلها بسببه طلع الدور اللي فوق واول ماشفهم خرجوا من الاسانسير ودخلوا الشقة نزل يوسف بسرعة وركب عربيته وجري لدرجة ان عجل عربيته كان بيصرخ زي قلبه بالظبط ومشي وهو مش حاسس ولا شايف حد ولا حتي عارف هو رايح فين وفجأة يوسف مبقاش شايف حاجة آخر حاجة شافها نور كبير وبعد كدة غاب عن الوعي
يوسف عمل حدثة وخبط في تريلا كبيرة وعربيته اتقلبت الحادثة حصلت جنب كمين شرطة ظابط من اللي كان في الكمين راح يشوف ايه اللي حصل الظابط اسمه احمد . احمد اول مارفع وش يوسف صرخ . يوسف . يوسف . اطلبوا الاسعاف بسرعة . بسرعة
احمد كان صاحب يوسف وامير ولؤي وأمجد وكمان حضر فرح يوسف وحنين . احمد اخد يوسف المستشفيى بس يا تري يوسف حيعيش ولا حيخرج من الدنيا زي ما قال لحنين
الحلقة الثانية والثلاثون
(في المستشفي )
أحمد :خير يا دكتور يوسف عامل ايه
الدكتور:ماخبيش عليك هو نجي بأعجوبة . الحدثة كانت شديدة عليه جدا حصله نزيف داخلي وكمان الكسور اللي في ايده ورجله اليمين والجنب الشمال عنده ضلعين مكسورين ده غير الجروح والكدمات في جسمه كله
أحمد :كل ده . طيب هو عامل ايه دلوقتي
الدكتور :هو حاليا النزيف وقف لكن مقدرش اقول انه بقي كويس الا بعد مرور 24 ساعة لو النزيف مرجعش يبقي الحمد لله عدي الخطر
أحمد :وهو حيفوق امتي
الدكتور:مش قبل 3 ساعات الحدثة كانتو جامدة. عن اذنك
أحمد: انا حجرب اكلم أمير. تاني يمكن تلففونه اتفتح ........ لسة مقفول خلاص اكلم لؤي ......... ايوة يا لؤي بقولك هو أمير في مأمورية
لؤي :ايوة بتسال ليه
أمير :اصل يوسف عمل حدثة جامدة والعربية اتقلبت بيه وانت عارف أمير أقرب واحد ليه عايزه يبلغ مراته أكيد قلقانة عليه
لؤي : يوسف مين يوسف شهاب
احمد :ايوة هو
لؤي: طيب ما أمير في مأمورية . جرب تفتح تليفون يوسف
احمد :بقولك العربية اتقلبت وهو مدغدغ يبقي تليفونه حصله ايه انت غبي
لؤي :طيب حنعمل ايه
أحمد :طيب بص عايزك تجبلي رقم بيت أمير اكيد مراته تعرف مرات يوسف وهي تقولها
لؤي :اوك خلاص حقلب الدنيا واجيبه . وعموما انا حخلص شغلي واجي اشوفه وكمان حتصل بأمجد علشان يجي .
أحمد :ماشي . بس متتأخرش عليا . سلام
(في بيت عبد الرحمن )
عبد الرحمن :مالك يا بنتي الفجر خلاص اذن وانتي لسة ما نمتبش
حنين : بتعيط. ابدا يا بابا حاسة اني مقبوضة وقلقانة ومش عارفة انام وكمان والدكتورة مانعتني من المنوم
عبد الرحمن : بحزن .ويا تري الحب هو اللي تعبك ولا الذنب
حنين :عيطت ومردتش
عبد الرحمن : ادعي ربنا يا بنتي يشفي صدرك ويغفر ذنبك
حنين : لسة بتعيط . والله يا بابا ما غلط والله ما عملت حاجة. انت مصدق اني ممكن اعمل كدة
عبد الرحمن :ربك اعلم باللي في القلوب . يا لا دلوقتي ادخلي نامي وبعدين ربنا يحلها
حنين :معلش يا بابا سيبني دلوقتي مش جاياي نوم
( في بيت أمير)
أمير:بيفتح باب الشقة وداخل
إيمان :حبيبي حمد لله علي سلتمتك
كدة يا ميرو شهرين وزيادة ماشوفكش
أمير:معلش يا حبيبتي اعمل ايه ما انتي عارفة الشغل . طمنيني انتي عاملة ايه والبنات . هما فين صحيح مش شايفهم
إيمان :الحمد لله احنا كويسين . وبعدين الساعة 7 الصبح عايزهم يبقوا صاحين . عموما هما كلها ساعتين ويصحه
أمير :طيب بما إن البنات نايمة وانا واحشك اوي كدة ماتيجي جوة شوية قبل مايصحوا
إيمان :ههههههه يالا انت اصلك وحشتني اوي
(في المستشفي )
أحمد :قاعد مع يوسف في الاوضة ومستنيه يفوق وكمان مستني تليفون لؤي ... لؤي بيتصل
أحمد:ايوة يا لؤي هاه جبت الرقم
اؤي :ايوة اكتب عندك ........
أحمد :طيب يالا اقفل بسرعة علشان الحق اتصل
أحمد :يتصل علي بيت أمير ........
أمير: يوووه وده مين الغتت ده علي الصبح
إيمان :بقولك ايه متردش بقي وخليك معايا .
أمير:معلش اشوف مين ليكون الشغل انا اصلي لسة مافتحتش التلفون
أمير:الو ..... اهلا ابوحميد عامل ايه
أحمد :أمير تعالي بسرعة يوسف عمل حدثة وفي المستشفي
أمير:قام من السرير بسرعة وهو مخضوض . يوسف . مش ممكن طيب قولي اسم المستشفي بسرعة ...... خلاص انا جاي علي طول
إيمان :ماله يوسف يا أمير .
أمير:يوسف عمل حدثة. وفي المستشفي دلوقتي انا رايحلوا
إيمان :يا حرام دي تلاقي حنين حتتجنن وهي اصلا مش ناقصة دي بقلها شهرين من وقت انت ماسافرت وهي تعبانة وقاعدة عند مامتها
أمير :انا نازل
إيمان : أمير ابقي طمني
أمير:مش لما اطمن انا الاول يالا سلام
(في المستشفي )
يوسف بيفوق وطبعا تعبان ومش قادر يتحرك من اللي فيه ولقي أحمد قاعد معاه في الاوضة
يوسف :أحمد .انت هنا هو ايه اللي حصل
احمد :چو حمد لله علي السلامة . كدة تخوضني عليك . بقي معقول يوسف اللي مولولد مع العربيات وكان بيقطعنا في سباق العربيات يعمل حادثةبالشكل ده.
يوسف :معلش انا اصلي كنت ماشي سرحان. ومش مركز
أحمد :اكيد كنت سرحان في العروسة الجديدة
يوسف:انت بتقول فيها . فعلا كنت سرحان فيها . بس انت عرفت ازاي
احمد:انا اصلا اللي جايبك هنا . انت عملت الحادثة قريب من الكمين اللي كنت فيه
يوسف :انا أخر حاجة فاكرها التريلا اللي كانت قدامي .
أحمد :عموما السواق بتاع التيريلا محصلوش حاجة خدش بسيط وهو دلوقتي في القسم . ومعرفناش نقفل المحضر الا لما انت تفوق
يوسف :لا يا أحمد ملوش لازمه المحضر خلصها ودي ومشي الراجل ده ملوش دعوة انا اللي غلطان خليه يروح وابقي عدي علي محمود في المعرض خد منه 5 ألاف جنيه واديهملو . انا متشكر اوي يا أحمد من غيرك كان زماني ميت دلوقتي . وأكيد عطلتك تقدر تمشي وتروح تشوف شغلك
احمد :علي ايه بس اي حد مكاني كان عمل كدة وانت كمان اي حد مكانك كنت عملت كدة . وبعدين انا مش حمشي غير لما أمير يوصل انا كلمته وهو جاي
يوسف :بغل . هو أمير رجع
أحمد :ايوة النهاردة وجاي دلوقتي
يوسف :بيجز علي سنانه . ده انا مستنيه بقالي شهرين بفارغ الصبر
أمير :دخل وهو مخضوض علي يوسف
يوسف مالك ايه اللي حصل
يوسف :وهو نفسة يقوم يقتله . مش عارف ايه اللي حصل . اللي حصل انك خاين وجبان. وانت السبب في كل اللي انا فيه دلوقتي
أمير :بإستغراب . انا يا يوسف ليه انا عملت ايه
يوسف :كان حيتكلم وسكت وبص لاحمد مش عايز يتكلم قدامه
أحمد :فهم ان بينهم حاجة مش عايزين يقولها في وجوده . طيب انا حمشي بقي يا يوسف وحاجي تاني اطمن عليك اوك. سلا م يا أمير . وخرج احمد
أمير:ممكن اعرف فيه ايه وايه اللي انت بتقوله ده
يوسف : مش عارف. انت ازاي تحكي لرانيا علي اللي كان بيني وبين حنين قبل الجواز ليه تتفق مع اكتر واحدة بكرها في حياتي عليا . ليه عايزين تخربوا بيتي ليه تضيعوا مني حنين دي جزاتي يا أمير يا اخويا يا صاحب عمري يا اللي كنت فاكرك سندي وفي ظهري . بس للاسف الغدر جاني منك انت
أمير :انا ماحكتش لرانيا حاجة . انا مش فاهم انت بتتكلم عن ايه
يوسف :انا حقولك ...............................
أمير :معقول كل ده حصل . بس والله يا يوسف صدقني انا محكتش لرانيا علي حاجة
يوسف:اومال هي عرفت منين . ضربت الودع . مفيش حد يعرف الكلام ده غيري انا وانت وحنين
أمير: لا في إيمان مراتي . واكيد هي اللي قالتلها
يوسف:كمان يعني انا أأتمنك علي أسراري وانت تروح تحكيها لمراتك في ساعة صفا
أمير:ابدا والله انا محكتلهاش حاجة الا بعد جوازك من حنين . هي كان نفسها تعرف ايه اللي في حنين خلاك تحبها كدة وانا حكتلها علشان قولت يمكن تفهم الحب وتبقي زي حنين وتتعلم
بس للاسف كنت غلطان هي كانت عايزة تعرف علشان تقول لرانيا انا اسف يا يوسف
يوسف:واسفك حيعملي ايه حيرجعلي حنين
أمير:انا زي ماكنت انا ومراتي السبب انها تبعد عنك احنا اللي حنرجعهالك . انا ماشي ومش راجع غير ومعايا حنين
تكملة الرواية بعد قليل
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا