رواية وجع حنين الفصل الاول والثاني والثالث والرابع والخامس بقلم ريحانة الجنة
رواية وجع حنين الفصل الاول والثاني والثالث والرابع والخامس بقلم ريحانة الجنة
قصتنا بتبدأ في عيادة الدكتورة كاميليا للامراض النفسية وطبعا انتوا اكيد عارفين ان العلاج النفسي مش معناه ان الانسان ده مجنون لا أوقات بتحصلنا صدمات مبنقدرش نتحملها من كتر ألمها ووجعها فبنحتاج لحد يساعدنا ويسمعانا وده اللي اللي حصل ليوسف وحنين ابطال قصتنا
دخلت حنين العيادة وكعادتها سلمت علي دنيا السكرتيرة بصوتها الهادي والناعم واللي ماكنتش بتتصنع انها تتكلم بيه لانه هو ده صوتها الطبيعي
حنين:السلام عليكم ازيك يا دنيا
دنيا :وعليكم السلام ازيك يا مدام حنين وحشاني
حنين :وانتي كمان والله
ودخلت حنين علشان تقعد وكاعدتها طلعت مصحفها علشان تقرا بس مكنتش تعرف انه قاعد هناك ومتابعها من اول ماسمع صوتها وهو يوسف واللي هما الاتنين ماكنوش يعرفوا ان اليوم ده حتتغير فيه حياتهم ويرتبط مصيرهم ببعض
يوسف اول ماسمع حنين بص عليها يشوف مين دي بس للاسف معرفش يشوف حنين لانها منتقبة قعد يوسف وهو كل شوية يلاقي نفسه بيبصلها ليه ميعرفش وهو بيلصلها حنين بصت عليه لانها اخدت بالها انه متابعها من اول مادخلت وبردوا متعرفش ليه وأول مابصه لبعض كل واحد حس بشئ غريب وانجذاب للتاني يوسف اول ماشف عنيها قال لنفسه هو في عنين حلوة كدة وكمان من غير حتي اي تجميل اما حنين لفت وشها بسرعة وحاولت تغض بصرها عنه بس كان صعب لان يوسف شاب وسيم جدا وطويل جسمه رياضي وشيك ده غير ريحة برفانه اللي ماليه جو العيادة بس طبعا هي أنبت نفسها جدا انها بصتله وبعد شويه من تبادل النظرات في صمت قطع الصمت ده رنين تليفون حنين
حنين : السلام عليكم
المتصل هنا بنت حنين 😳
هنا :وعليكم السلام
حنين :وبعدين يا هنا مش قولنا مفيش تليفون خلال اليوم الدراسي
هنا :اسفة يا ماما بس كنت عايزة اسألك هو حضرتك خرجتي زي ماقولتيلي امبارح
حنين :ايوة ليه فيه حاجة
هنا :اصل بصراحة نسيت مفتاحي
حنين:بخنقة يا الله ياهنا ده انا مأكدة عليكي
هنا :بجد اسفة ياماما
حنين :طيب اقفلي وانا حشفوف حتصرف ازاي وحبعتلك رسالة علشان متتكلميش في التليفون تاني سلام
قامت حنين وراحت لدنيا
حنين :بقولك ايه ايه اخبار الحالات النهاردة
دنيا :ماإنتي عارفة الدكتورة بتاخد اربع حالات بس سواء الصبح اول بالليل ليه في حاجة
حنين:اه هنا بنتي نسيت مفتاحهاهي واخوها وخايفة اتأخر عليهم
دنيا :انا اسفة بس حتي النهاردة انتي أخر حالة
حنين :معقول ليه كدة
دنيا:اصل حصل لخبطة شوية في حالة غيرت معادها من بالليل لدوقتي
حنين :طب وبعدين
دنيا:بصي هي الحالة الاولي مع الدكتورة والتانيه لسة ماجاتش وحتي ماعتذرتش بس التالتة موجود وممكن تستاذني منه اهو قاعد هناك
حنين حاست ان قلبها دق بسرعة معقول ده خايفة ابصله اقوم اتكلم معاه لا لا انا حشوف حل تاني
حنين:خلاص لما اشوف
رجعت حنين قعدت وهي مترددة تكلمه ولا لا بس هو كان ملاحظ الموضوع من اوله ومع انه حس بزعل لنا عرف انها متجوزة ومخلفة بس ده ممنعوش انه يتدخل علشان يتكلم معاها
يوسف: انا يوسف حضرتك. مدام حنين مش كدة انا سمعت اسمك من دنيا
حنين:ارتبكت متوقعتش انه هو اللي يكلمها ايه اه اه اهلا
يوسف:ابتسم لخجلها الغريب ده علي فكرة عادي ممكن تدخلي في مكاني انا اخدت بالي من المشكلة
حنين :شكرا بجد واسفة لو حعطلك
يوسف : لا مفيش مشكلة ووجه كلامه لدنيا دنيا مدام حنين حتدخل مكاني ماشي
دنيا :تمام اوك
حنين :متشكرة لتاني مرة
يوسف :انا معملتش حاجة وبعدين انا أصلا سبب اللخبطة انا في العادي باجي بالليل ودي اول مرة اجي بالنهار يعني انا اللي اتأسف
حنين سكتت وكتبت رسالة لبتها علشان تعرفها
يوسف :طمنتيها
حنين:هي مين
يوسف :بنتك
حنين:اه
يوسف:اكيد والدها بيتاخر
حنين :هنا وعمر باباهم متوفي انا ارملة
يوسف حس بسعادة غريبة لما عرف انها مش مرتبطة بس محاولش يبين وقالها
يوسف :انا أسف
حنين :لا عادي
ورجعت حنين تقرا في مصحفها علشان تهرب من نظرات يوسف ودخل كل واحد فيه لجلسته وروح وهو مش قادر ينسي التاني ولا يبطل تفكير فيه.
يوسف كان بيسأل نفسه خسارة انها ارملة وهي في السن ده واضح من صوتها انها صغيرة بس حاول انه ميشغلش نفسة اوي بيها ه. اصلا ميعرفهاش
في
بيت حنين قاعدة بتتغدي مع ولادها هنا 12سنةوعمر 10 سنين حنين لاحظت ان عمر زعلان ومش بياكل
حنين :مبتكلش ليه ياعمر مالك يا حبيبي
عمر: مفيش انا حدخل انام
وقام عمر وحنين سألت هنا
حنين :ماله اخوكي ياهنا ايه اللي مزعله
هنا:بلخبطة عادي يا ماما مفيش حاجة
حنين :هنا انتي مخبية عليا حاجة هو اتخانق مع حد في المدرسة
هنا :لا
حنين :يابنتي اتكلمي بقي حرام عليكي انا مش ناقصة
هنا : اصل النهاردة كان المتش النهايي في المسابقة بتاعت المدرسة
حنين :ايوه صح ايه فريقه خسر
هنا :بالعكس كسب وكمان عمر هو اللي جاب اللي جوان
حنين :طيب هو زعلان ليه
هنا : اصل كل واحد من صحابه كان معاه باباه بيشجعه وعمر كان لوحده
وقتها فهمت حنين وقامت راحت لعمر وكانت بتمسح دموعها اللي مقدرتش تمنعها انها تنزل وفتحت باب الاوضة وعمر كان نايم ووشه للحيطة
حنين:عمر ممكن اتكلم معاك شوية
عمر :قام وقعد وهو ساكت
حنين:انا عرفت انت ايه اللي مزعلك بس انا عايزة اقولك حاجة ان كل حاجة بتحصلنا قضاء من ربنا ومينفعش نزعل من قضاء ربنا وكمان هو مش انت عارف ان النبي (ص)كان يتيم يعني انت مش اول واحد باباه يموت وفيه اولاد كتير كدة بس معتقدش انهم عاندهم ام بتحبهم زي انا ما بحبكم ومستعدة اعمل اي حاجة في الدنيا علشان تكونوا مبسوطين
عمر :انا عارف بس كل صحابي كان معاه باباه وانا لوحدي وعيط وكمان بعد ما كسبنا كل واحد راح لباباه وحضنه وانا كنت واقف لوحدي مع ان انا اللي جبت الجون.
حنين: وهي بتمسح دموعها اللي نزلت غصب عنها.من وجعها علي ابنها. و حاولت تضحكه.
انت اصلا غلطان كان لازم تقولي علشان اجي معاك واشجعك. وكنت شوف بقي ماما هتعمل ايه. ولا انت مستقل بمامتك. ده انا بعشر رجالة
عمر: ههههههههه. عشرة بحالهم
حنين: عندك مانع تحب اوريك.
وقعدت حنين تزغزع عمر وتضحكه. وحضنته . في الوقت ده دخلت هنا.
هنا :وانا مليش حضن
حنين: فردت دراعها وحضنت هنا وصمتهم هما الاتنين اوي
انتم اغلي حاجة عندي في الدنيا. مش عايزة اشوف حد فيكم زعلان ولا متضايق. قولولي. قولولي اللي مضايقكم. وانا ححاول احللكم مشكلتكم. المهم مش عايزة اشوف في عنيكم دموع. اتفقني
عمر وهنا: ابتسموا وحضنوها اتفقني.
في الوقت ده رن جرس الباب
هنا: انا هروح اشوف مين.
الحلقة الثانية
في البيت عند حنين
الوقت ده رن جرس الباب
هنا :انا حروح اشوف مين
حنين :يلا يا أستاذ قوم شوف مذاكرتك ولا انت عامل الحكاية دي حجة علشان تهرب من المذاكرة
عمر:لا والله خلاص انا قايم اهو
حنين:يلا بسرعة
هنا:بصوت عالي تعالي يا ماما دي خالتو جهان
حنين:جي جي وحشتيني وحضنتها وباستها
جيهان :يلا يا ندلة انت اللي مش بيهون عليكي تيجي تزوريني بس يلا خليني انا احسن
حنين :هههههه اقصدك الاكبر
جيهان:هاه هاه خفة
حنين:تعالي طيب نقعد ونتكلم
حنين وبصت لهنا وقالتلها
حنين:يلا يا هانم انتي كمان روحي شوفي مذاكرتك
هنا :حاضر يا ست الكل
جيهان :ههههههههه انا نفسي اعرف انتي مربية العيال دي ازاي ده بنتي لما بكلما علي المذاكرة دي بالذات بتقلب وشها وبحس انها نفسها تجيب سكينا وتغزني
حنين:هههههههه انتي اللي شخصيتك ضعيفة
جيهان :الغريبة انك رقة كدة وصوتك واطي ومش بتزعقي وعيالك بيسمع كلامك وأنا اللي طول اليوم بزعق واشخط لما بقيت شبه امنا الغولة ومع ذالك عيالي مش مريحيني
حنين :ماهو مش بالصوت العالي حاولي تقربي منهم وتكلميهم وتسمعيهم مينفعش تبقي طول الوقت متنشنة كدة
جيهان :لا يا ختي انا مليش في جو السهوكة بتاعك ده انا كدة واذا كان عاجبهم
حنين :ههههههه عمرك ما حتتغيري
جيهان :المهم قوليلي روحتي للدكتورة النهاردة
حنين :اه واسكتي حصل موقف وكنت محرجة جدا
جيهان :خير ايه اللي حصل
حكت حنين لجيهان
جيهان:ههههه عادي علي فكرة انتي بس اللي محبكاها شوية ايه يعني لماتتكلمي معاه
حنين: ماانتي عارفة انا محبش اتكلم مع رجالة الا للضرورة وخصوصا يعني. لو كانوا.. ااا
جيهان :ايه سكتي ليه
حنين:بلخبطة لا عادي مفيش حاجة
جيهان :يا حنون عليا انا بردوا قولي قولي متتكسفيش
حنين:اقول ايه بس ماانا قولتلك اللي حصل
جيهان :طيب هو شكله ايه
حنين:بلا مبالاه هو مين
جيهان! اللي ملخبطك كدة
حنين :علي فكرة انتي رخمة وبعدين انا مركزتش اوي
جيهان:طب عيني في عينك كدة
حنين :يوه بقي ايوة يا ستي وسيم وحلو وأمور خلاص اسكتي بقي انا أصلا مأنبة نفسي اني كنت ببصله وكل ما أغض بصري معرفش ايه اللي بيخليني ارجع ابصله
جيهان:ايه يا حنون هي السنارة غمزت ولا ايه
حنين :وشها اتغير وبان عليها الحزن ايه اللي بتقوليه ده انتي عارفة اني من بعد هشام الله يرحموا مش ممكن افكر في راجل تاني انا عايشة لولادي وبس
جيهان: ليه يا حنين انتي لسة صغيرة والعمر قدامك ليه تحكمي علي نفسك بالوحدة باقي عمرك انتي اتقدملك ناس كتيى وكنتي بترفضي حتي من غير ماتشوفيهم
حنين :خلاص بقي انا ولادي عاندي بالدنيا
جيهان:يا حنين انتي ليه محسساني ان عاندك خمسين سنة يا بنتي انتي يا دوب 31 سنة يعني فيه في سنك لسة اصلا متجوزوش انتي اللي بيشوف ولادك مبيصدقش اصلا انك متجوزة ومخلفة
حنين :بقولك ايه قفلي علي الموضوع ده
جيهان:انتي حرة انا ماشية
حنين: ليه بس خليكي شوية.
جيهان :معلش انتي عارفة انا مع ماما عند الدكتور من الصبح وعايزة اروح زمان حمدي جوزي رجع والعيال جننوه
حنين :ايوة صحيح فكرتيني ماما عملت ايه الدكتور قالها حاجة
جيهان :العادي الضعط والسكر وامك اصلا مش رحمة نفسها حتجيب اجلها واجل ابوكي بالمحشي بتاعها ده
حنين:هههههههه طيب والله لقولها
جيهان:انا اصلا قولتلها بس مبتسمعش الكلام يلا اشوفك يوم الجمعة عند ماما
حنين :خلاص يلا سلام سلميلي علي حمدي والولاد
جيهان :ماشي سلام ابقي تعالي
حنين :ان شاء الله
(في المساء في معرض سيارات فخم جدا )
يوسف قاعد في مكتبه وسرحان بيفكر هو ايه اللي شادو لحنين اوي كدة من ساعة ماشافها وهي مش راضية تروح من باله
تحت في المعرض واقف محمود المحاسب بتاع محمود ودخل أمير صاحب يوسف الانتيم
أمير :حودة ازيك
محمود :أمير باشا اتفضل
أمير :قولي جو فوق
محمود :ايوة فوق في المكتب اطلعلوا
الحلقة الثالثة
أمير طلع ليوسف المكتب ودخل
أمير :يوسف؟؟؟ يوسف انت يا ابني
يوسف :هاه ازيك يا أمير انت جيت امتي
أمير :وانت حتحس بيا ازاي وانت سرحان كدة ايه يا ابني مالك
يوسف :لا مفيش الشغل بقي انت عارف
أمير :شغل ايه يا عم ما انت خلاص بقيت رجل أعمال وسبت الارف بتاعنا انا كل مابطلع مأمورية ببقي مش عارف اذا كنت حرجع ولا لا كل يوم ارهاب وتفجيرات وقرف
يوسف : معلش ربنا معاك انت ظابط شاطر وقدها
أمير: انا لحد النهاردة مش عارف انت ازاي قدمت استقالتك من الداخلية ده انت الظباط كانوا بيخافوا منك قبل المجرمين
يوسف: ما انت عارف من يوم بابا ما مات وماما كانت كل شوية تزن عليا علشان استقيل واتابع المعارض والشغل وكمان كانت خايفة عليا من اللي كان بيحصل في البلد تفجيرات واغتيلات ما انت عارف وانا مكنتش عايز ازعلها واهي بعد ماعملت كل ده علشان ارضيها ماتت وسابتني حتي شيرين اختي الوحيدة اتجوزت وسافرت مع جوزها امريكا وبقيت لوحدي
أمير:ايه يا عم قلبتها نكد ليه وبعدين ما انا معاك اهو
يوسف:يا عم ولا نكد ولا حاجة المهم انتي قولي انت عامل ايه وإيمان والبنات عاملين ايه
أمير:ليه السيرة دي ما احنا كنا كويسين
يوسف :هههههه والله انت مفتري
أمير:سيبك انت ماتيجي معايا العوامة النهاردة العيال أمجد ولؤي جايبين موزتين ايه عنب
يوسف : بخنقة يا اخي انت مش حتبطل الارف ده بقي ماتروح تقعد مع مراتك
أمير :انت اللي من يوم ما امك ماتت وانت بقيت عفيف فجاة مش عارف ليه مع انك كنت بتيجي معانا وعايش حتي من ايام الكليه كنت خاربها بنات وسهر ودنيا
يوسف : لا يا عم انا الحمد لله ربنا تاب عليا وبعدين اديك قولت اهو كان زمان
أمير : يوسفةهو انت حتفضل كدة لحد امتي
يوسف :كدة اللي هو ازاي يعني
أمير: يعني انت من يوم ماطلقت رانيا مراتك من اربع سنين مالمستش واحدة ست
يوسف: يعني اعمل ايه مش فاهم
أمير :تتجوز
يوسفة:ههههههه اتجوز اشحال ما امت راسي علي تلدور من اوله لاخره
أمير:هادي علي فكرة انت بس اللي مكبر الموضوع انت مش اول واحد يكون عونده مش كلة في موضوع الخلفة
يوسف :ابتسم بسخرية مشكلة صغيرة انت بتتكلم كانك متعرفش حاجة يا أمير انا عاندي نقص في الحيوانات المنوية اللي تكاد تكون معدومة
أمير :بس الدكتور قال ام فيه أمل مع العلاج
يوسف:ايوة وقال كمان ان الامل ضعيفة مانت كنت معايا
أمير:عادي علي فكرة مش كل الستات بتفرق معاهم حكاية الخلفة دي
يوسف :ازاي يعني اذا كانت رانيا الانانية واللي بتحب السهر و السفر والخروج كانت حتتجنن وتخلف الغريب انها بعد ماإتطلقنا اتجوزت بعد شهور العدة علي طول لا وكمان اتجوزت جوز صاحبتها علشان مخلف وتضمن انها تخلف منه
أمير:بس هي كمان كان عاندها مشكلة في التبويض واديها مخلفتش واتطلقت تاني
يوسف :بقولك ايه قفل علي السيرة دي
أمير :ايه طيب مش حتغير رأيك وتيجي معايا
يوسف :لا يا عم روح انت انا كدة مرتاح
أمير :اوك سلام اشوفك
ورجع يوسف يسرح تاني في حنين
((بعد يومين في بيت هدي حمات حنين واللي علاقتهم غريبة شوية مش علاقة حماه ومرات ابنها وخصوصا ان الابن ده مات))
هدي :بصوت عالي يا حنين يا حنين تعالي بقي يا بنتي كفاية من ساعة ماجيتي وانتي مأقعدتيش كفياكي كدة
حنين :خلاص اهو خلصت بعمل الشاي وجاية
دخلت حنين ومعاها صنية الشاي
حنين :اتفضلي يا ست الكل
هدي :تسلميلي يا حبيبتي وبعدين يا بنتي انتي كل ماتيجي تقعدي تتعبي نفسك كدة ما الست بيجي كل اسبوع تنضف
حنين :ادكي قلتي كل اسبوع نسيب احنا بقي الدنيا كدة طول الاسبوع وبعدين دي حاجات لسيطة
هدي :تسلميلي يا حبيبتي متحرمش منك انا مش عارفة من غيرك كنت حعمل ايه انتي اللي بتسالي عليا وتشوفي طلباتي حتي مشاوير الدكاترة انتي اللي معايا وابني اللي فاضلي من الدنيا مبيسالش عليا لا هو ولا مراتوا الا كل فين وفين
حنين :معلش يا دودو اعذريهم اكيد مشغولين الله يعينهم
هدي :وانت مش مشغولة وكمان عايشة ام وأب ومع ذالك انتي اللي بتسالي عليا
حنين :خلاص بقي ملوش لازمة الكلام ده وبعدين هو انا مش بنتك ولا ايه
هدي :انتي بنتي وحبيبتي وربنا ما يحرمني منك
هدي :حنين كنت عايزاكي في موضوع بس اوعي تكسفيني
حنين :موضوع ايه
هدي :انتي حتفضلي كدة لحد امتي لوحدك من غير راجل يسندك وياخد بتله منك
حنين :وبعدين يا ماما ما بلاش السيرة دي
هدي :يا بنتي انتي صغيرة وحلوة ليه تضيعي عمرك كدة
حنين :لا مش بضيعه انا بربي ولادي وهما عاندي بالدنيا
هدي :ولادك ميسيرهم يكبروا ويتجوزا ويسيبوكي لوحدك زي كدة يا بنتي اسمعي الكلام.
حنين :بقولك ايه هي ماما كلمتك تاني علشان تكلميني صح
هدي :بلخبطة ايه لا لا انا اللي بكلمك من نفسي
حنين :يا هدهود قولي بصراحة
هدي : ياختي بقي اه كلمتني وبصراخة معاها حق هي وابوكي عايزين يطمنوا عليكي من حقهم
حنين :بقولك ايه سيبك من الموضوع ده وتعالي بقي علشان نستحمي ونفوق كدة ونبقي حلوين
هدي :لا بقي انا يا ختي كبرت وعضمي بيوجعني كل يوم والتاني تحميني لا كفاية مرة في الاسبوع
حنين :وبعدين حنعمل زي العيال طب دانا مدفيالك الحمام ومخلياه يجنن تعالي يلا بقي
وبع شوية حنين قاعدة علي السرير وبتسرح هدي اكنها طفلة صغيرة
حنين :اهو كدة شوفتي بقي بقيتي قمر ازاي
هدي :تسلنيلي وعيطت
حنين :ليه بقي الدموع دي حتزعليني منك
هدي :اصل كل ما بفتكر اني كنت لزعلك اول ما اتجوزتي هشام بزعل من نفسي اوي
حنين :ههههه هو انتي لسة فاكرة ما خلاص بقي
هدي :يعني منتش زعلانة ولا شايلة في قلبك مني
حنين :هو انا اقدر بردوا ده كفاية انك ام الغالي اللي عمره مازعلني ابدا الله يرحمه
هدي :الله يرحمه
حنين : يلا بقي بطلي عياط واشربي اللبن ده علشان ممشيش وانا قاقانة عليكي
هدي :لا يا حبيبتي متقلقيش اتوكلي علي الله وروحي شوفي ولادك
حنين :خلاص انا حمشي وحجيلك بعد بكرة اتفقني
الحلقة الرابعة
وعدت الايام لحد معاد الجلسة اللي بعدها ويوسف قاعد في العيادة وعمال يبص في ساعته حنين لسة مجاتش معقول تكون مش حتيجي النهاردة ويجي يوم تاني ده بقيت اجي الصبح مخصوص علشانها وبعدين بقي انت مالك كدة عايزها تيجي ليه مش عارف انا إتعلقت بيها اوي ومش عايزة تروح من بالي في الوقت سمع صوتها وهي بتسلم علي دنيا قلبه دق جامد وبان علي وشه ابتسامه معرفش يدريها
حنين :السلام عليكم ازيك يا دنيا
دنيا :وعليكم السلام ازيك يا مدام حنين والله انتي اكتر حالة بتوحشني
حنين :وانتي كمان تسلميلي
دخلت حنين بهدوء كعادتها وقعدت ويوسف باصص عليها عايز يكلمها
يوسف :احم احم ايه وانا مفيش حتي سلا م عليكم ولا ايه
حنين :اتكسفت جدا وصوتها مش عايز يطلع اهلا بحضرتك معلش مأخدش بالي
يوسف :وهو بيبتسم ومعجب جدا بكسوفها وخجلها ياه هو انا للدرجة دي مش باين لا ده انا لازم اشد حيلي بقي في الجيم يمكن ابان شوية علشان تسلمي عليا
حنين :اتكسفت اكتر ومردش وبصت في المصحف وهي بتقول لنفسها يا رب متعلقنيش بيه انا مش ناقصة ذنوب
يوسف حس انها مش عايزة تتكلم واحترم ده فيها بس كمان مش عارف يبطل يبصلها وبعد شوية جات دنيا لحنين
دنيا :مدام حنين ممكن اطلب منك طلب
حنين :اؤموريني
دنيا :انا ماما طالعة عمرة الشهر اللي جاي وبصراحة اول مرة تروح ومتعرفش اي حاجة هو طبعا حيكون معاهم مشرف من الشركة وقتها بس هي مستعجلة وعايزة تعرف كل حاجة قلت مفيش غيرك اللي حيفيدني
حنين :ههههههه بس كدة حاضر المرة اللي جاية حجبلها كتيب في كل حاجة عن العمرة من اول تروح المطار لحد ما ترجع بالسلامة
دنيا :شكرا ليكي يا قمر
حنين :ولا يهمك
يوسف بيكلم نفسه طيب ما انتي حلوة اهو وبتتكلمي اشمعن لما بكلمك ما بتقوليش كلمتين علي بعض اه يا حنين واضح انك حتتعبيني معاكي
وخلص اليوم كالعادة ويوسف وحنين يبنهم نظرات في صمت وفضله كدة فترة كل مرة يتعلقوا ببعض اكتر ومن غير ماحد يصارح التاني
(في المعرض )
يوسف واقف قدام شباك ازاز كبير في مكتبه وسرحان
أمير :جو حبيب قلبي واحشني
يوسف :ميرو عامل ايه حمد لله علي سلامتك ايه سبع ولا ضبع
أمير :عيب عليك خلصنا عليهم يا معلم
يوسف : عاش يا وحش والله انت كل ما بتروح مأمورية ببقي خايف عليك انا مليش غيرك يا أمير
أمير :حبيبي يا جو تسلم بس قولي شكلك متغير
يوسف :اتنهد وقعد اقولك ايه بس انا متلخبط
أمير :شكل الموضوع فيه واحدة ست صح
يوسف :ابتسم وهز راسه اه بس مش اي ست
أمير :احيكلي بسرعة هي مين وشوفتها فين وشكلها ايه بسرعة
يوسف :ههههههه اهدي طيب واحدة واحدة بص يا سيدي هي مين هي حنين وشوفتها فين شوفتها في العيادة
أمير :قاطعه عيادة مين الدكتورة كاميليا
يوسف :اه
أمير : اه يعني خولل زي حالاتك
يوسف :ما تحترم نفسك يا متخلف ايه خولل دي دي اعقل منك ومن عشرة زيك
أمير :ولما هي عاقلة بتروح لدكتورة نفسية ليه
يوسف :يا سلام ده ما انا كمان بروح
أمير:يا يوسف انت كل اللي كان عندك شوية اكتأب لكن هي ايه بقي
يوسف :معرفش هي ايه مشكلتها لكن مش ممكن تكون زي مابتقول
أمير :طيب ايه شكلها ايه
يوسف :معرفش مشفتش شكلها
أمير:انت حتشلني منين معجب يبها ومنين مشفتهاش
يوسف :اصلها منتقبة
أمير :قلتيلي بقي.و انت ايه اللي رماك الرميه دي تعجب بواحدة متعرفش حتي اذا كانت حلوة ولا وحشة
يوسف :عادي مافي ناس بتحب بعض من النت ولا عمرهم اتقابلوا. وبعدين اللي عاندها عنين زي عنين حنين مش ممكن تكون وحشة
أمير: عنيها قولتيلي طب ايه اللي عجبك فيها يا شاعر غير عنيها
يوسف :بصرف النظر انك بتتريق بس مش عارف حاجات كتير رقتها صوتها خجلها هدوئها دماغها عقلها كل حاجة فيها حلوة
أمير :كل ده وتقولي معجب ده انت شكلك وقعت ولا حدش سامي عليك
يوسف : وقف عند الشباك وحط ايده في جيبه واتنهد الظاهر كدة
أمير تليفونه يرن
أمير :ايوة يا روحي ..... لا لا انا جاي اهو في الطريق .... لا لا مش حتاخر
يوسف :مين يا روميو
أمير :وبيجز علي سنانه إيمان مراتي يلا انا حروح وابقي اعدي عليك بكرة
يوسف :اوك
امير :بقولك صحيح فرح الواد ايهاب يوم الخميس كلنا رايحين انت حتيجي طبعا
يوسف :مش عارف هو عازمني وبعاتلي الدعوة بس حاجي اعمل ايه كل واحد فيكوا مع مراتوا انا حقعد مع مين
أمير:هههههه ومين قالك كدة كلنا جاين سنجل يا معلم ده فرح وموزز ودنيا
يوسف :ههههههه مش حتتغيره حتفضلوا شمال
أمير :اشوفك بعدين سلام
(في البيت عند حنين )
ندي :طيب والله يا حنين لو مجتيش حزعل منك وريم كمان حتزعل اوي
حنين :يا ندي انتي عارفة انا مليش في الافراح المختلطة دي ومزيكا وكدة
ندي :طيب يارب حتي تقعدي ساعة واحدة وتمشي المهم انك تيجي
حنين :خلاص ربنا يسهل
(في قاعة فخمة جدا )
يوسف واقف مع امير وصحابه بيضحكوا وبيبص عند باب القاعة شاف واحده منتقبه لابسة فستان اسود شيك جدا وواسع وحس انها حنين بس لا ايه اللي حيجيب حنين هنا هو انا كل ماشوف منتقبه حتبقي هي لا بس انا حاسي انها هي
أمير:ايه باصص فين شوفت مش قولتلك حتتبسط
يوسف :ياخي اتلهي بقولك ايه ثواني وجاي
ندي :حنين حبيبتي ايه العسل ده مهما خبيتي جمالك ميستخباش
حنين :ههههه ناصابة اوي انتي اللي زي القمر
ندي :تعالي سلمي علي ريم دي حتفرح اوي انك جييتي
ندي :ريم شوفي مين جه تاتاتامفجأة
ريم :حنون مش ممكن وحشاني
حنين :انتي اكتر الف مبروك يا حبيبتي
ريم :اعرفك حضرة الظابط ايهاب جوزي
حنين :اهلا مبروك
إيهاب :بيمد ايده لحنين اهلا وسهلا
حنين :بصت لندي
ريم :مسكت ايد إيهاب وقالتلوا معلش يا هوبا اصل حنين مبتسلنش علي رجالة
حنين اتكسفت ندي :تعالي يا حنين دي ماما حتفرح اوي لما تشوفك
هي فين بس بقولك ايه استني هزا حروح اشوفها
راحت حنين في ركن هادي شوية بعيد عن الزحمة واول لنا لفت وشها تنحت لما شافت يوسف لابس بظلة كحلي تحفة وشعره يجنن وشكله زي القمر يوسف اول مابص في عنيها إتأكد انها حنين
يوسف :مدام حنين صح
حنين :اهلا أستاذ يوسف بس عرفت ازاي
يوسف :ابتسم وقالها قلبي كان حاسس
حنين :اتكسفت
يوسف : حس بكسوفها. وابتسم. احمم هو انتي جاية لمين العريس ولا العروسة.
حنين:لا العروسة هي واختها اصحابي
يوسف: بجد انا كمان العريس يبقي صاحبي من ايام الكلية
حنين: معقول. بس اللي اعرفه انه ظابط
يوسف: اه ما انا كمان كنت ظابط
حنين: كنت؟ مش فاهمة
يوسف: اصل اا
وقاطعته ندي
ندي: حنين انتي فين بدور عليكي. تعالي سلمي علي ماما
حنين:حاضر جاية. وبصت ليوسف. عن اذن حضرتك.
ومشيت مع ندي
ندي: مين الموزز اللي كنتي واقفة معاه ده
حنين: بلخبطة. ده واحد غلطان فاكرني واحدة تانية
مشيت حنين مع ندي ويوسف. كان مخنوق.
يوسف: الله يخربيتك. طلعتيلي منين. ده انا مصدقت اكلمها. اوففف
امير: فينك يا عم سيبتنا ومشيت ليه
يوسف: مش هتصدق شوفت مين
أمير: مين؟
يوسف: ابتسم. حنين
أمير:لا والله اوعي تكون قريبة ايهاب
يوسف: لا صاحبة العروسة
أمير: طيب ايه كلمتها
يوسف: بضيق. كنت يا دوب هفتح معاها كلام.طلعتلي البت صاحبتها دي معرفش منين. كان نفسي اخنقها
أمير: هههههههه. معلش يا باشا حاول تكلمها تاني
حنين:ندي بقولك ايه. انا جيت اهو علشان متزعليش لكن انا لازم امشي انا مش متعودة علي الدوشة دي
ندي: طيب مين اللي هيوصلك
حنين: علي اخويا هو اللي جابني. وراح مشوار قريب وهيجي ياخدني
ندي: طيب استنيه لما يجي
حنين: معلش هستناه برا. مش قادرة المزيكا عاليا اوي. وانا تعبت
ندي: خلاص يا روحي. مع السلامة وابقي طمنيني عليكي
حنين. خرجت ووقفت تستني علي اخوها برا القاعة. ويوسف كان متابعها ولما خرجت خرج وراها
يوسف: مدام حنين... مدام حنين. وقرب منها. هو انتي ماشية ولا ايه
حنين:افندم؟؟
يوسف:احممم. قصدي يعني لسة بدري
حنين: لا معلش. اصلي مش بحب الدوشة عن اذنك
يوسف:طيب ثانية بس هو انا ممكن اوصلك اي مكان لو تحبي
حنين: لا شكرا مبركبش مع حد غريب. ومشي وسابته
يوسف كان متغاظ منها لكن فضل واقف متابعها علشان يطمن عليها
وبعد شوية لقي واحد وقف بعربيته وشاورلها. وهي ركبت معاه. وهو ميعرفش ان ده علي اخو حنين
يوسف: حس انه غار وغضب والدم غلي في دماغه. مين ده وهي ازاي تركب معاه كدة. معقول تكون حنين!!!.
لا لا حنين شكلها بنت ناس ومتدينة. اومال مين ده طيب وليه وقفت تستناه برا.
يوسف حس انه مخنوق ومشي ومقدرش يدخل الفرح تاني
الحلقة الخامسة
بعد ما علي وصل حنين ونزلت من العربية
حنين:شكرا يا ابو علي تعبتك معايا
علي: احنا تحت امر حنين هانم
حنين: ههههههه ماشي تصبح علي خير سلملي علي سلمي مراتك
علي: واسلملك عليها ليه ماانتي حتشوفيها بكرة عند ماما ابقي سلمي عليها انتي
حنين:اه صحيح والله انا كنت ناسية اصلا ان بكرة الجمعة خلاص اشوفكم بكرة سلام
علي :سلام
يوسف روح فيلته اللي تقريبا مابيبتش فيها كتير بيحس بالوحدة لانه عايش لوحده علشان كدة معظم الوقت بيبات في المعرض عامل هناك اوضة صغيرة في مكتبه وحمام وبيرتاح هناك اكتر بس اليوم ده كان يوسف مخنوق ومحتاج يرجع البيت دخل الفيلا وقلع هدومه ودخل ياخد شاور يوسف فضل واقف تحت الميه ومغمض عينه وساند علي الحيطة بإيده ويبفكر هو انا فعلا بحبها ولا لا طيب لو لا ليه اول ما شوفتها ركبت مع الشخص ده العربية حسيت بغيرة فظيعة وكنت حتجنن كدة.. اتنهد يوسف تنهيدة طويلة اوفففف انا تعبان ومش فاهم انا ايه اللي بعمله ده
خرج يوسف بعد ما اخد شاور ودخل سريره علشان ينام بس ماكنش عارف
حنين بعد ما غيرت هدومها هي كمان كانت قاعدة بتفكر هو ليه مهتم بيا كدة معقول يكون هو كمان بيفكر فيا زي ماانا بفكر فيه ولا هو بيتصرف عادي وانا اللي مكبرة الموضوع بس لا انا مش حمل جرح تاني ولا وجع كفايه اللي حصلي بعد موت هشام
وافتكرت حنين يوم ما مات هشام
((فلاش باك ))
حنين قاعدة بتلعب مع ولادها هنا اللي كان عمرها وقتها 4 سنين وعمر سنتين وكان هشام اتاخر عن معاد رجوعه وكمان تليفونه كان مقفول بعد شوية تليفن حنين رن
حنين :السلام عليكم ...... ايوة انا مين حضرتك ....... انت بتقول ايه هشام طيب في مستشفي ايه ........ طيب انا جاية حالا
وقفلت حنين بسرعة ودخلت تلبس واتصلت بباباها وقاتلو علشان يجلها ووصلت المستشفي وهي مش عارفة ابه اللي حصل لهشام دخلت علي الاستعلامات وسألت عن اوضة هشام وراحت بسرعة هي وباباها وعند باب الوضة لقت دكتور وسالته عن هشام
الدكتور :انتي تبيقيلو ايه
حنين:انا مراته ارجوك طمني عليه ايه اللي حصله انا حد كلمني وقالي انه هنا بس مقليش ايه اللي حصل
الدكتور :للاسف في بلطجية طلعوا علي هشام واخدو منه العربية والفلوس والتيلفون وكل حاجة وهو قاومهم بس للاسف طعنوه طعنات كتير في اماكن حرجة وهو دلوقتي حالتو حرجة جدا احنا عملنا اللي نقدر عليه بس ربنا معاه هو اول مافاق قالنا علي رقمك وكلمناكي علي طول
حنين اول سمعت كلام الدكتور كانت حتقع مش مصدقة وباباها سندها وطبطب عليها ودخلت لهشام تشوفه اول ماشفته انهارت من العياط من شكله جروح كتير واجهزة كتير هشام اول ماشافها شاورلها تقرب
حنين :مسكت ايد هشام وهي بتعيط هشام حبيبي سلامتك
هشام : بصوت تعبان حنين كنت خايف اموت قبل ما اشوفك بس الحمد لله انك جيتي
حنين:متقلش كدة انت حتبقي كويس وحتروح معايا الدكتور طمني انك حتبقي تمام
هشام : وكلامة مقطع من التعب حنين قربي مني واحضنيني
حنين قربت من هشام وحضنته ودموعها نازلة زي المطر
هشام:انا كدة حموت وانا مبسوط علشان حموت وانا في حضنك
حنين :متقولش كدة بقي متقطعش قلبي قلتلك حتبقي كويس وتروح معايا البيت هنا وعمر مستنينك
هشام مبيردش 😰😰
حنين :هشام رد عليا انت ساكت ليه هشام هشام
وفضلت حنين تصرخ وتعيط وجم الدكترة والممرضات علشان يخرجوها وحنين بتصرخ سيبوني هشام ماماتش هشام عايش اصحي ياهشام ماتسبنيش انامحتجالك لا لا اوعي تسبي لا . وباباها حاضنها. وفجأة حنين اغمي عليها وغابت عن الوعي والدكتور ادها حقنة مهداة ... وبعد ماحنين فاقت لقت امها وابوها واخواتها حاوليها وكلهم بيحاولو يواسوها ويكلموها بس حنين مكنتش بتتكلم ولا بترد كانت ساكتة ودموعها بتنزل في صمت
خديجة والدة حنين:هي مالها يا دكتور مبترودش ليه
الدكتور: واضح انها حصلتلها صدمة عصبية نتيجة اللي حصل وممكن تكون فقدت النطق
كلهم اتصدموا وحاولو يكلموها بس مفيش فايدة حنين مش بترد علي حد ولا حتي بتبصلهم ساكتة وبتبكي وبس
الدكتور:انتوا يا جماعة لازم تعرضوها علي دكتور نفسي هو اللي يقدر يتابعها
وفعلا اخوات حنين سألوا عن دكتورة كويسة وودوا حنين ليها وكانت الدكتورة كاميليا اللي حنين بتروحلها وفضلت الدكتورة تعالج حنين وتديها ادوية وفضلت حنين 6 شهور مابتتكلمش وبعدين ابتدت تتكلم بس كان لسانها تقيل وبعدين خفت ورجعت لولادها وأخدت عهد علي نفسها انها تربيهم وتعلمهم وتكون ليهم أم وأب
وفاقت حنين من شورودها وقات لنفسها انا لازم انسي يوسف نهائي ومفكرش فيه انا عايشة لولادي وبس واخدت حنين المنوم ونامت
((تاني يوم ))
(في بيت عبد الرحمان والد حنين )
كل اخوات حنين متجمعين كل واحد مع مراته واللي مع جوزها واتغدوا وقاعدين يتكلموا
واخوات حنين بالترتيب هما(مرفت -علي-جيهان-حنين-عمار)
جيهان:قوليلي يا حنين عاملتي ايه في الفرح امبارح
حنين:ولا حاجة سلمت علي ندي وريم وطنط ومشيت مطولتش
مرفت:والعروسة كانت حلوة
حنين:كانت زي القمر ماشاء الله
خديجة والدة حنين:عقبالك يا حنين يابنتي لما تريحي قلبي وتتجوزي
حنين :يوه ياماما مبلاش السيرة دي لوسمحتي
عمار :لازم ياحنين تفكري بقر في الموضوع ده انتي بترفضي اي حد بنجبهولك من غير حتي ما تشوفيه
حنين:انا مش عايزة اشوف حد انا كدة مرتاحة
عمار:ماتقول حاجة يابابا
عبد الرحمان والد حنين:سيبها علي راحتها يا عمار يابني حي ادري واحدة بمصلحتها
خديجة :ماهو دلعك فيها وطبطبتك عليه هي اللي منشفة دماغها ومقوية قلبها
حنين :عن اذنكم انا مروحة هنا وعمر عاندهم مذاكرة كتير
ومشيت حنين لانها مش عايزة الوضوع يقلب بخناقة كالعادة
(في المعرض)
يوسف في مكتبه واقف قدام الشباك وعمال يشرب سيجارة واره سيجارة وهو عمال يفكر في اللي حصل في الفرح شوية وأمير دخل
أمير :ايه يا چو دي عاملة تعملها تسيبنا وتمشي كدة من غير ماتقول
يوسف : معلش يا أمير كنت مخنوق ومكنش ينفع اقعد
امير :انت كلمت حنين تاني بعد سبتك
يوسف :هز راسه وقاله ايوة كلمتها
أمير : وايه اللي حصل
يوسف حكي لأمير اللي حصل
تكملة الرواية من هناااااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا