رواية وجع حنين الفصل الثالث والثلاثون والرابع والثلاثون والخامس والثلاثون والسادس والثلاثون الأخير بقلم ريحانة الجنة
رواية وجع حنين الفصل الثالث والثلاثون والرابع والثلاثون والخامس والثلاثون والسادس والثلاثون الأخير بقلم ريحانة الجنة
((((وجع حنين )))
(((الحلقة الثالثة والثلاثون)
(في بيت أمير)
أمير :بقا كدة هي دي الامانة اللي إأتمنتك عليها وقولتلك محدش يعرف تقومي تقوليها ولمين لرانيا اللي نفسها تدمر يوسف وحنين .
للاسف انا كنت فاكرك اتغيرتي بس واضح ان عمرك ما حتتغيري . بقي تعملي كدة في حنين اللي وقفت جنبك ومامتك في المستشفي اكنها اختك .
حنين اللي اخدت بناتك عندها اسبوعين وهي في اول حملها وتعبانة علشان ميقعدوش معاكي في المستشفي وراعتهم يمكن كمان احسن منك .
في الاخر هو ده جزائها تخربي بيتها وتفضحيها كدة وبعدين هو انا كنت قولتلك ان حنين غلطت مع يوسف قبل الجواز ليه قولتي كدة ليه
إيمان:بتعيط. انا اسفة يا أمير انا كنت فعلا غيرانا من حنين ومن حب يوسف ليها ودلعه الزايد معاها وكنت بنقل أخبارها لرانيا . بس والله ده قبل ما أعرف حنين ولا اقرب منها وخصوصا زي مابتقول بعد اللي عملتوا معايا انا والبنات . وساعتها عرفت قد ايه هي انسانة طيبة وحنينة وماتستهلش مني كدة . وندمت والله وفعلا قطعت علاقتي برانيا ومابقتش اكلمها ولا حتي اقولها أخبارهم علشان كدة هي مقالتليش انها ناوية تعمل كدة. ولو كنت اعرف كنت علي الاقل حزرت يوسف .
صدقني يا أمير والله هو ده اللي حصل
أمير:عموما حسابك معايا بعدين . المهم دلوقتي تيجي معايا لحنين علشان نحكلها كل الي حصل وتعرف ان يوسف ماخانهاش
إيمان:انا معنديش مانع . بس تفتكر هي حتصدقنا ولا حتفكر ان احنا بنقول كدة بس علشان نبرا يوسف
أمير:انا عندي فكرة حتخلي حنين وأهلها يصدقوا كل كلمة نقولها. اسمعي انتي تعملي اللي حقولك عليه بالحرف الواحد فاهمة
تليفون رانيا بيرن
رانيا:الو ... إيمان اهلا عاش من سمع صوتك
إيمان :معلش بقي انتي عارفة ماما كانت تعبانة وانا معاها علي طول . المهم قوليلي ايه اللي عملتيه ده معقول أمير قالي ان يوسف وحنين حيطلقوا
رانيا : بفرحة. بتتكلمي جد يعني خلاص اخيرا حرتاح منها البومة دي
إيمان :ايوة أمير بيقول يوسف ماشي في إجراأات الطلاق . المهم قوليلي عملتي كدة ازاي هو فعلا يوسف عمل معاكي علاقة وخان حنين
رانيا :لا طبعا انا حاولت معاه في الاول ولما رفض نرجع لبعض ملقتش غير اللعبة دي علشان ابعدها عنه خصوصا لما عرفت انها حامل . ساعتها اتاكدت ان يوسف مش حيطلقها بسهولة
إيمان:طيب يوسف راح عندك ازاي وكمان قلع هدومه وانتي كمان دول بيقولوا انكم كنتم يعني في وضع حميم
رانيا: لا ما انا أجرت بلطجي وفهمت يوسف ان طليقي هو اللي باعته علشان يتهجم عليا وكمان كانت فرصة ان أمير جوزك مسافر مأمورية .
واتصلت بحنين وقولتلها ان هو عندي . وبعدين حاولت معاه بس هو رفض وجت حنين وشافته وحصل اللي كنت عايزاه
إيمان :انا بردوا مش فاهمة يوسف قلع هدومه ازاي
رانيا:ههههه انا حقولك انا كنت متفقة مع البلطجي يقطع هدوم يوسف علشان يبقي سهل عليا ان اخليه يقلع ويغير هدومه وهي تيجي تشوفه كدة
إيمان:يا بنت اللذين ده انتي داهية . بس علي فكرة انا مقولتلكيش ان يوسف عمل علاقة مع حنين قبل الجواز انتي ليه قولتي كدة
رانيا :ابدا انا لما عرفت ان اهلها متدينين . قلت اقول كدة علشان احرق قلبها واخليها تكره يوسف أكتر ومترجعلوش وكمان انا عارفة انها مجنونة وبتتعالج قلت اهو ممكن تجيلها صدمة وتموت وارتاح منها
إيمان : مش ممكن انتي مصيبة . طيب بقولك ايه انا لازم اقفل علشان أمير جه . سلام
أمير:اخد التليفون من إيمان وداس علي زرار إيقاف التسجيل . بس كدة بقي حنين حتصدق كل كلمة نقولها . يالا بينا
(في بيت عبد الرحمن )
أمير :انا أسف يا عمي اننا جينا من غير معاد
عبد الرحمن:لا يا بني متقولش كدة انتوا تشرفوا في اي وقت
أمير:عمي انا عايز اتكلم في موضوع مهم بس لازم حنين تبقي موجودة لو سمحت
عبد الرحمن:لو جاي تدافع عن صاحبك يبقي بلاش اللي عمله يوسف. لا يتقال ولا يتحكي
أمير:لو سمحت انده بس لحنين وانت حتعرف ان يوسف مظلوم وانا حثبتلك
عبد الرحمن :أمري لله . ادخلي ياحاجة قولي لحنين تلبس وتيجي
.........................................
حنين :السلام عليكم.. ازيك يا إيمان وازي البنات وحشوني والله
إيمان :الحمد لله بخير . انتي كمان وحشتيهم وبيسالوا عليكي دايما
حنين:ربنا يخليهوملك . ازيك يا أمير حمد علي السلامة
أمير: كان قلبه بيدق اول ماشاف حنين هو كان فاكر انه قدر ينساها لما سافر وحاول مايفكرش فيها بس اول ما شافها حن ليها وحس انها وحشاه
أمير :الحمد لله طمنيني انتي عاملة ايه
حنين :بحزن . الحمد لله خير يا أمير عايز تقول ايه
أمير :انا الاول عايزكم كلكم تسمعه ده. وشغل أمير التسجيل ....................
حنين :عيطت اوي اوي . كنت حاسة قلبي مش ممكن يكدب عليا يوسف مش ممكن يعمل فيا كدة . شوفت يا بابا صدقت .
عبد الرحمن: صدقت يا بنتي . انا مش عارف ازاي في ناس كدة
خديجة :منها لله ربنا ينتقم منها دي واحدة فاجرة
حنين :انا ظلمت يوسف وسبته لوحده ساعدتها انها تنتقم منه قولي يا أمير هو يوسف فين دلوقتي
أمير: ماهو ده الموضوع التاني اللي جاي اقولهولك . يوسف عمل حادثة امبارح بالليل وهو في المستشفي
حنين : كانت حتموت من الخوف علي يوسف . وانهارت من العياط
. يوسف مش ممكن انا السبب انا اللي وجعته انا اللي قولتلوا يخرج من حياتي انا السبب . انا السبب يا بابا هو قالي انه حيخرج من الدنيا بحلها انا حموت لو يوسف جراله حاجة مش حسامح نفسي ابدا ارجوك يا امير وديني ليه
أمير :علشان خاطري اهدي يا حنين انتي العصبية خطر عليكي
حنين:ارجوك يا أمير خدني ليه انا عايزة اشوفه
أمير :حاضر حوديكي ليه بس انتي اهدي بس
عبد الرحمن :انا كمان جاي معاكم يالا بينا
إيمان :حنين قبل ماتمشي انتي مسمحاني
حنين:مسمحاكي . بس انا اهم حاجة دلوقتي اطمن علي يوسف .
خديجة :طيب استنوني اغير هدومي واجي معاكوا. اطمن عليه
حنين :لا يا ماما انا مش قادرة استني وكمان انتي لازم تخلي بالك من الولاد
واخدهم أمير ليوسف وصمم يركبوا معاه ومايخدوش عربيه عبد الرحمن . أمير طول الطريق عينه علي حنين في المرايا مش قادر ينسي شكلها لما شاف صورها علي لاب توب يوسف . وكان بيحسد يوسف عليها
وعلي حبها ليه اللي كان بيتمناه لنفسه . هو ديما بيأنب نفسه . بس مييقدرش يمنع نفسه من التفكير فيها
(في المستشفي )
يوسف قاعد والممرضة بتحاول تاكله
يوسف: خلاص كفاية قولتلك مش قادر
الممرضة نورا :علشان خاطري دي وبس
يوسف:انا مش عارف ايه علشان خاطري اللي ماسكهالي دي . قولتك شبعت
نورا:انا قصدي يعني اشجعك علشان تاكل . اصل شايفاك لوحدك معكش حد . مع اني شايفة في ايدك دبلة وبصراحة معرفش ازاي في واحدة تسيب واحد زيك لوحده كده دي اكيد معندهاش قلب
يوسف :انا ماسمحلكيش تقولي عليها كدة . وبعدين دي حاجات شخصية
نورا :انا بس أقصد اني لو متجوزة واحد زيك اقعد تحت رجليه ومسيبوش ابدا
يوسف :في سره اوففففف ياربي هو انا موعود بالممرضات المجانين ده ايه الغلب ده . لا يا ستي انا مراتي مش سايباني هي بس حامل وتعبانة
نورا:اه قولتيلي . عموما خلاص انا مش حسيبك لحد ماتخرج من هنا . يالا كل دي بس وخلاص
يوسف :اوففف دي وبس وارحميني بقي
في اللحظة دي الباب اتفتح وحنين دخات والممرضة بتأكل يوسف . يوسف اول ماشاف حنين حاول يقوم بس مقدرش من الالم
يوسف:بفرحة. حنين انتي جيتي
حنين :جريت عليه وزقت الممرضة وقعدت جنبه ومسكت ايده وباستها. اه يا حبيبي جيت طمني انت عامل ايه . ايه كل الجبس ده . سلامتك يا روحي الف سلامة
يوسف :حنين والله انا ..
حنين :ششششش بس متقولش حاجة انا خلاص عرفت اللي حصل المهم دلوقتي سلامتك
يوسف:حنين اوعي تسيبيني تاني فاهمة
حنين :مش حسيبك يا قلبي والله مش حسيبك انا معاك
يوسف :مسك ايديها وباسها وحشتيييييني اوي
حنين :انت وحشتني اكتر
نورا الممرضة :كانت واقفة متغاظة من لهفة يوسف علي حنين كدة . لو سمحتي عن اذنك هو لسة مكملش اكله
يوسف :قولتلك شبعت خلاص
حنين :لا يا حبيبي انت لازم تاكل كويس . هاتي انا حاكله
نورا :لا معلش ده شغلي
يوسف :قالتلك هي حتأكلني سبي الاكل متشكر اتفضلي بقي
نورا :اصلا انت لسة تعبان والزحمة دي غلط عليك
عبد الرحمن :خلاص يا بنتي احنا حنمشي ونسيبه يرتاح .
يوسف :لا يا عمي انا كويس . لو سمحتي اتفضلي من هنا
نورا :خرجت. وهي مش طايقة نفسها
يوسف :عمي انا أسف مسلمتش عليك . اصلي لما بشوف حنين بنسي الدنيا
عبد الرحمن:ولا يهمك يا بني . انا عارف انتوا قد ايه واحشين بعض . احنا نمشي ونسيبك ترتاح . حتيجي معايا يا حنين .
حنين :لا يا بابا معلش انا مش حسيب يوسف
يوسف :بس يا حبيبتي انتي تعبانة وحامل ومش حمل قعدة المستشفي
حنين :لا يا روحي انا ببقي كويسة. وانا معاك متقلقش
يوسف: بصراحة انا كمان مش عايزك تمشي
عبد الرحمن :بس انتي ممعكيش حاجة حتقعدي ازاي
حنين :انا حكلم ماما تحضرلي شوية حاجات ومعلش حضرتك تجبهملي
أمير: لا ماتتعبيش عمي كلميها وانا حوصل عمي واجبلك كل اللي انتي عايزاه
يوسف :أمير . شكرا
أمير:علي ايه انا اللي عايزكم تسامحوني انا وإيمان
يوسف :مسامحك يا صاحبي . المهم ان حنين روحي رجعتلي تاني
ومشيوا كلهم وفضل يوسف وحنين لوحدهم
يوسف :تعرفي يا حنين بطنك كبرت
حنين :ههههههه اه كبرت شوفتني وانا كرنبه
يوسف : احلي كرنبة في الدنيا . قوليلي الواد العسل ده عامل ايه
حنين :هو مش ولد بالظبط
يوسف :بنت ياعني احسن علشان تطلع حلوة زيك
حنين :و كمان مش بنت بالظبط
يوسف :ايه يا حنين هو مين فينا اللي عمل الحادثة انا ولا انتي يعني حيكون ايه
حنين :ههههههه لا انا قصدي انهم هما مش هو بس ولا هي بس
يوسف:وعنيه كلها فرحة . حنين انتي تقصدي ..
حنين :ابتسمت وهزت راسها . اه توأم
يوسف:عايز يتنطط من الفرحة . بتتكلمي بجد توام. ازي وليه الدكتورة مقلتلناش من الاول
حنين :ماكنوش باينين لانهم في كيس واحد ومشيمة واحدة وكانوا ورا بعض . ولما حصلي النزيف الدكتورة عرفت وقالتلي اول مافوقت بس انا اللي قولتلها متقولش
يتبع 👇
((((وجع حنين ))
((((الحلقة الرابعة والثلاثون)))
يوسف:حنين انا بجد مش مصدق
. معقول بعد ما ماكنتش عارف اجيب واحد يبقوا اتنين
لا مش مصدق يا حنين مش مصدق بس انا زعلان منك ازاي تخبي عليا عل الفترة دي وكمان جبهان ليه ماقلتليش انا كنت بكلمها كل يوم
حنين :حقك عليا بس والله انا نفسي مكنتش عارفة افرح من غير ما تكون معايا .
وانا اللي قلت لجهان متقولكش . انا أسفة متزعلش
يوسف:حنين اوعديني ماتسبنيش تاني ولا تبعديني عنك وعن ولادي مهما حصل
حنين :اوعدك خلاص توبة
يوسف: بحبك يا حنين بحبك اوي
حنين :انا اللي بحبك وكنت وحشني اوووووييييي
يوسف :تعالي في حضني
حنين :ازاي بس يا حبيبي وانت مفشفش كدة . الجنب اليمين متجبس والجنب الشمال ضلوعك مكسورة
يوسف : مايهمكيش تعالي بس الناحية الشمال عند قلبي ..
حنين :ههههه حاضر
يوسف :حضنها . بقولك ايه متريحيش اوي
حنين:هههههههه زلني بقي مكنش حضن ده
يوسف: هههههه وحشتني لمضاتك وضحكتك وصوتك وكلك علي بعضك وحشتيني . تعرفي انا ضلوعي الشمال دي متكسرتش من الحادثة
حنين :اومال من ايه
يوسف:من وجع قلبي . عليكي كنت بحس انه حيخرج من مكانه وانا شايفك بتتالمي وخصوصا امبارح لما قولتيلي طلقني واخرج من حياتي . حسيت ان قلبي حيقف . مش مستحمل مجرد فكرة انك متكونيش معايا تاني . اه يا حنين لو تعرفي انا بحبك قد ايه
حنين : يارتني كنت مت ومقولتلكش كدة والله كان غصب عني
يوسف :اوعي تقولي كدة انا كلي فداكي . المهم دلوقتي انك رجعتي مكانك الطبيعي رجعتي لحضني . بقولك ايه هاتي تليفونك . علشان محمود لسة بكرة حيجبلي تليفون بدل اللي اتكسر في الحادثة
حنين :اتفضل يا روحي عايز تكلم مين
يوسف :لا مش حكلم حد انا عايز اسمعك الاغنية دي وانتي جنبي
حنين :ههههههه حتي وانتي مكسر لسة بتدلعني كدة مش حتبطل
يوسف : عمري ما حبطل . هفضل لحد ما اعجز وسناني تقع اسمعك اغاني وادلعك .
حنين :بس انت عمرك ما حتعجز . حتفضل يوسف اللي مجنن الستات بحلاوتة وجمالة
يوسف :انا مش عايز اجنن حد غيرك انتي . تعالي بقي في حضني واسمعي
يوسف شغلها اغنية وحشتيني لعمرو بردوا
( عيونك شايفها وحاسس ان انا عارفها سبيني برحتي اوصفها مكسوفة ليه. كأنك معايا بقالك عمر ويايا بنفس الصورة جوايا . من قد ايه . سنين شايفك في احلامي بنادي عليكي ضميني . ليالي كنت مش عايش ومستنيكي تحيني . وحشتيني وحشتيني . سنين بعدك علي عيني . ليالي كنت مش عايش ومستنيكي تحيني. يا اجمل هدية بعتهالي القدر ليه يا قمري في عز ليالية . اوصفلك ايه . والله و الدنيا بقت في عنيا حاجة تانية هواكي قابلتوا وفي ثانية جريت عليه . وحشتيني وحشتيني )
وفضل يوسف حاضن حنين والغريب ان مكنش بيتالم من كسر ضلوعه وهي في حضنة كأنها بتداويه وبعد شوية جه أمير وجاب لحنين الحاجات اللي طلبتها .
أمير: فتح الباب ودخل وحنين في حضن يوسف . اسف يا جماعة معلش
حنين :نزلت نقابها بسرعة وبعدت عن يوسف واتكسفت
يوسف:انت يا بني أدم حتفضل حمار كدة مش تخبط انا مبقتش لوحدي
أمير:حقك عليا معلش بس ماختش بالي . اتفضلي يا حنين كل حاجاتك اهي وكمان مامتك بعتتلك الدوا بتاعك
حنين :اخدت الحاجات . منه وكانت حاسة ان نظراته ليها غريبة بس بتكدب نفسها
يوسف : تعبتك يا ميرو معلش
أمير :تعبك راحة المهم حنين تقوم بالسلامة ونطمن عليها والواد ابن الكلب ده يجي بقي علشان اطلع عينوا
يوسف : هههه ماشي بس عموما هما ولد وبنت مش واد بس
أمير:ايه ده معقول هي حنين حامل في تؤام
يوسف:اه هي لسة قايلالي دلوقتي
أمير: مبروك يا حنين . مبروك يا بن اللذين . بس كنت قارفني انا مش راجل انا مش عارف ايه واديك طلعت بتعرف اهو
يوسف :ماتتلم يا متخلف هو مين ده اللي مش راجل ومابيعرفش . انا بعرف اوي يا حمار انا كنت بتكلم علي الخلفة.
أمير:انت حتقولي ليك حق هو انت متجوز اي حد دي حنين
حنين : اتكسفت من كلمهم واتضايقت. عن اذنكم انا داخلة التويلت .
أمير:هي مراتك اتكسفت ولا ايه
يوسف :ههههه اه اكيد دي حنين بتتكسف من خيالها . لحد دلوقتي كل ماقولها حاجة كدة ولا كدة . وشها يجيب الوان
أمير:يا بختك بيها . الواحد كان نفسه في واحدة زيها متكلمهالي كدة تشوفلي واحدة قربيتها وتكون زيها كدة .
يوسف :انت حتعاكس مراتي قدامي يا حمار . وبعدين ريح نفسك حنين دي مفيش زيها اصلا
أمير:ربنا يخليهالك . انا حمشي واجيلك الصبح
. عايز حاجة
يوسف :اه حتعبك يا أمير بس تجيب لحنين أكل وشوية حاجات . هي حامل وملهاش في اكل المستشفي ده
أمير:حاضر قولي بس اجبلها ايه
يوسف :هاتلها عشا وكمان شوية عصاير والبان وزبادي وفاكهة
أمير:حاضر حاجة تاني
يوسف:اه استني هاتلها شيكولاتة
أمير:ههههههه هي عيلةاجبلهاشيكولاتة
يوسف :وانت مالك اه انا بعتبرها عيلة هي بتحبها اوي وانا كنت لازم اجبلها كل يوم .
أمير:حاضر . يالاسلام
يوسف :تعالي يا حنون خلاص مشي
حنين : قعدت وهي متضايقة .
يوسف:مالك في ايه
حنين :لوسمحت يايوسف متتكلمش معاه كدة تاني وانا موجودة وبعدين حرام اصلا
يوسف :اسف يا حبيبتي احنا كنا بنهزر وبعدين أمير ده مش اي حد ده أخويا مش بس صاحبي
حنين :صاحبك ماشي بس يا ريت من هنا ورايح متتكلمش معاه عني كفاية اللي حصل .
يوسف :حاضر يا روحي بس متزعليش اسف
وراح امير واشتري الحاجات كلها وكمان الشيكولاتة واختار شيكولاتاية نوعها مختلف عن الباقي وكتب عليها(الشيكولاتة دي لاحلي وأرق ست في الدنيا ياريت وانتي بتاكليها تفتكريني )
ورجع أمير وجاب الحاجات ومشي وهو ماشي راح للممرضة وسألها .
أمير:لوسمحتي . هو يوسف بياخد مسكنات وحاجات بتنيمه مش كدة
الممرضة: طبعا ده عنده كسور جامدة
أمير:يعني اجيلوا امتي الصبح ميكنش نايم
الممرضة ثانية اشوفلك جدول الادوية . بص هو في مسكن الساعة 5 متهيالي مش حيصحي قبل 9
أمير :يعني لو جتلوا قبل كدة الاقيه نايم
الممرضة :أكيد
أمير شيطانة مخليه بيفكر يعمل حاجة . للاسف مهما بيانب نفسه بس النفس أمارة بالسوء
(في اوضة يوسف )
الدكتور :لا احنا احسن النهاردة . ان شاء الله مش حتقعد معانا كتير
يوسف:هو انا حخرج امتى
الدكتور :يعني لو كل حاجة تمام يبقي اسبوع بالكتير وتخرج تكمل الجبس في البيت
يوسف :متشكر
خرج الدكتور وكانت الممرضة لسة موجودة بس غير نورا المجنونة واحدة تانية
يوسف:لوسمحتي عايزك بس لما الدكتور يجي الصبح تعرفيني الاول علشان انتي شايفة المدام منتقبة وكمان حامل وعايزة تاخد راحتها واتفضلي دول
الممرضة :حاضر من عنيا . عن اذنك
يوسف :حبيبتي انت لسة ما غيرتيش كل ده
حنين :انا خلاص جيت اهو . حنين لبست قميص قصير بتاع الحمل وكانت شكلها عسل وهي مكعبرة
يوسف :ايه الحلاوة دي . الحمل ده مزودك جمال علي جمالك
حنين :ههههههه بكاش ده انا بقيت مدورة وانا لسة في الخامس مش عارفة حعمل ايه بعد كدة
يوسف :حتبقي قمر وبعدين ماتنسيش انك حامل في اتنين يعني لازم بطنك تكبر . تعالي هنا جنبي
حنين :اديني جيت اهو
يوسف :هو مينفعش تنامي جنبي النهاردة
حنين :ازاي بس وانت مجبس كدة وانا عاملة زي الكورة
يوسف:بس انا كان نفسي انام في حضنك
حنين :طيب انا عندي فكرة انا حقعد جنبك واخدك في حضني وافضل حضناك لحد متنام وبعدين انام علي السرير التاني . اتفقنا
يوسف :وانا موافق تعالي بقي علشان انتي وحشاني اوي
وحنين فضلت حاضنة يوسف وبتملس علي شعره لحد منام من تعبه كانت حاسه انه ابنها مش جوزها وبعدين سابته وراحت تاخد عصير من اللي جابهولها أمير ولفت نظرها الشيكولاتة اللي امير كتب عليها. وقرت حنين اللي كتبه واتضايقت وفكرت انها تقول ليوسف بس خافت عليه علشان مايخسروش وهو اعز اصحابه حنين اخدت الورقة وقطعتها ورمتها في الباسكت علشان يوسف مايشوفهاش وراحت نامت .
والصبح جه أمير بدري الساعة 7 الصبح وراح علي اوضة يوسف وفتح براحة ودخل لقي يوسف نايم وحنين كمان نايمة قرب منها وقعد يبصلها ويمسك شعرها ونفسه يلمسها بس خايف تصحي وتبقي مشكلة قعد قدامها يشوفها . ومفرقش معاه انه بينتهك حرمة صاحبه شهوتة ناحية حنين ضيعت جواه أمير الصاحب الجدع وبعد شوية خرج ومشي
يتبع
👇👇👇👇👇
((وجع حنين ))
(((الحلقة الخامسة والثلاثون ))
وفضل يوسف في المستشفي اسبوع وخرج كمل علاج في البيت وطول الوقت ده حنين مخليه بالها منه مع انها تعبانة بس كانت مبسوطة انه معاها طول الوقت ويوسف فك الجبس وبقي كويس وعمل هو وحنين عزومة لكل اهلهم واصحابهم وطبعا أمير وامجد ولؤي وأحمد موجودين.
وحنين صممت انها هي اللي تعمل كل الاكل وماجبش طباخ وفعلا اتعشوا كلهم وكمان بيحلو.
أمجد :حمد لله علي السلامة يا يوسف والف مبروك علي الحمل ان شاء الله تفرح بيه
يوسف: تسلم يا حبيبي ربنا يخليكوا ليا انتوا احلي صحاب
أحمد :قولي يا يوسف انت جبت الطباخ ده منين ده انا متاكد مراتي واحنا ماشين حتقولي ابقي هاتهولي الاكل تحفة
أمير:طباخ مين . دي حنين مرات يوسف هي اللي عاملة كل حاجة حتي الهوت شوكلت اللي بتاكلها دي هي اللي عملاها
أحمد :انت بتتكلم جد . انا مراتي لو حامل في صورصار مش بتعمل اكل اصلا تقوم مراتك وهي حامل وفي توام تعمل كل ده .
يوسف :الحمد لله حنين نعمة من ربنا. ربنا عوضني بيها عن الدنيا بحالها
أمجد :ربنا يخليهالك وتقوم بالسلامة
يوسف :اه بجد ادعولها انا خايف عليها اوي من الولادة نفسي تولد واطمن عليها
أمير:ان شاء الله تقوم بالسلامة حنين دي مفيش زيها
يوسف :كان ملاحظ طول العزومة ان أمير باصص علي حنين بس كدب نفسه وقال اكيد بيبص علي مراته ايمان علشان كانت جنب حنين طول الوقت
وبعد ماكل الناس مشيت يوسف قاعد مع حنين
يوسف :حبيبتي تسلم ايدك كل العيال كانو حيتجننوا من حلاوة اكلك بجد ربنا ميحرمنيش منك
حنين :تسلم يا حبيبي المهم عندي انك بقيت كويس واطمنت عليك يارب مشوفكش تعبان تاني ابدا
يوسف : حبيبتي ربنا يخليكي ليا بقولك ايه انا عايزك في حاجة . انتي من يوم جوازنا وانتي رافضة اني اجبلك حد يساعدك وانا سبتك براحتك وكمان الفترة اللي فاتت دي انتي تعبتي اوي وكمان انتي دلوقتي بقيتي في السادس والدكتورة محظرانا علشان خاطري . انا اتفقت مع محمود حيجبلك واحدة تساعدك
حنين :بس انا معرفهاش وبصراحة انا بقلق من وجود حد غريب معانا
يوسف :متخافيش هي عموما بنت عم رجب حارس الارض بتاعتي اللي في 6اكتوبر وان شاء الله تريحك
حنين :وهي عندها كام سنة وحلوة ولا وحشة
يوسف :ههههههه يا لهوي علي الغيرة حتموتي انت من الغيرة دي
حنين :الله بقي بطمن
يوسف :ماشي يا ستي اطمني .هي عندها بتاع 20 سنة كدة
وبعدين انا ماشوفتهاش هي لسة جاية من البلد من حوالي 4 شهور وانا اصلا بقالي كتير مروحتش هناك . هي عموما جاية بكرة الصبح محمود حيوصلها وانتي بقي خليها تعملك اللي انتي عايزاه اتفقنا
حنين :اتفقنا المهم انك متبقاش قلقان عليا وتكون مطمن
وللاسف حنين مكنتش تعرف ان شيماء بنت رجب دي حتكون سبب اكبر وجع ليها هي ويوسف
(في الصباح )
الجرس بيضرب يوسف راح يفتح
يوسف :فتح لقي بنت عندها تقريبا 20 سنة صغيرة وشكلها مقبول واقفة . نعم انتي مين
شيماء:تنحت لما شافت يوسف . بتقول لنفسها . ايه الحلاوة دي هو في رجالة حلوة كدة وايه الطول والعضلات دي يا لهوي .
يوسف : ايه انت مابتسمعيش انتي مين
شيماء :ااااانا شيماء بنت رجب الحارس
يوسف :اه مش تقولي كدة من الصبح اومال مالك كنتي متنحة ليه . تعالي ادخلي .
حنين :نزلت مين يا يوسف
يوسف :تعالي يا حبيبتي دي شيماء بنت عم رجب
حنين : بإبتسامة ازيك . عاملة ايه تعالي
شيماء :ازي حضرتك انا بخير حضرتك تؤموريني اعمل ايه
يوسف : طيب يا حبيبتي انا حسبكم تشوفوا حتعملوا ايه واطلع البس علشان انزل . مش حوصيكي يا شيماء علي مدام حنين خلي بالك منها وتريحيها فاهمة
شيماء :حاضر من عنيا هريحها اوي
حنين :تعالي قوليلي انتي بتعرفي تنضفي كويس
شيماء:اه طبعا قوليلي بس عايزة ايه
حنين :تعالي معايا نبتدي النهاردة بالاوض فوق
شيماء:بتكلم نفسها . ايه العز ده كله . وانا اللي كنت فاكرة نفسي عايشة وفرحانة بالشقة الضيقة اللي جابهالي سي محمد. علشان نتجوز فيها . وكله كوم يوسف ده كوم تاني يا لهوي ده انا كان حيغمي عليا من حلاوته ادي الرجالة ولا بلاش .
وطلعت مع حنين
حنين : بصي انا حدخل المطبخ الصغير ده احضر الفطار وانتي روحي اوضة الليفنج دي اللي فيها الركنة والتليفزيون ابتدي نضفيها لحد ماجيلك
مشيت شيماء علي الاوضة اللي قالتلها عليها حنين . بس كانت بتدور علي يوسف بتشوفه فين . لحد مالمحته والباب موارب وهو كان اخد شاور وبيلبس ووقفت تشوفه وتتفرج عليه وتكلم نفسها . يعني يجري ايه لو انا اتجوز يوسف بيه ده انا حلوة وصغيرة وكمان بنت بنوت امي قالتلي ان مراته كانت متجوزة قبله . انا من هنا ورايح لازم اشاغله واخليه يحبني
حنين :خرجت من المطبخ لقتها واقفة قدام اوضة يوسف وسرحانة . قربت منها تشوفها بتبص علي ايه لقتها بتبص عليه وهو بيلبس حنين اتضايقت . انتي بتعملي ايه هنا مش قولتلك تروحي الليفنج
شيماء:ااااااصل انا مش عارفة انهي أوضة
حنين :قلتلك دي مش صعبة هي الحكاية
يوسف :خرج علي صوتهم . مالك يا حبيبتي فيه ايه
حنين :وهي وشها مقلوب مفيش حاجة . يالا علشان تفطر
يوسف :انزلي يا شيماء تحت دلوقتي
شيماء :حاضر
يوسف :ايه يا روحي مالك
حنين:انا حاسة ان البنت دي مش حتكمل معايا
يوسف :ليه بس كدة . يا قلبي اتحمليها بس الشهرين دول لحد ماتولدي وساعتها ربنا يسهل . علشان خاطري ماتخلنيش اقلق عليكي
حنين :حاضر يا يوسف . تعالي بقي علشان تفطر
وفضلت شيماء علي الوضع ده شهر كانت حنين بقت في السابع وكانت خلاص مش متحملة نظراتها ليوسف ولا مياصتها عليه وتعمدها انها تلفت نظره ليها
ويوسف كمان حس بكدة بس مش عايز يبين لحنين علشان ماتمشيهاش وهو مكنش عايز يجبلها حد ميعرفوش كان خايف عليها
وفي يوم حنين قاعدة مع يوسف
يوسف : الجميل زعلان ليه
حنين :بص يا يوسف علشان ماتزعلش انا مش حقدر اخلي البنت دي هنا تاني ومتقوليش انك مش واخد بالك من اللي بتعمله
يوسف :اتنهد . لا يا حبيبتي واخد بالي . بس عادي عيلة صغيرة ونكبر دماغنا . انتي المهم عندك انا وانتي عارفة ان مش ممكن ابص لغيرك وكمان واحدة زي دي
حنين :لا انا خلاص قررت مش عايزاها
يوسف : طيب بصي انا عندي فكرة تخليها تساعدك وفي نفس الوقت ماتشوفنيش
حنين :ايه بقي حتسيب البيت علشانها
يوسف :ههههههه لا يا لمضة . انتي حتخليها تجي كل يوم بعد ما انا أنزل وبالليل تخليها تمشي قبل ما انا اجي ايه رايك
حنين : فكرة صح
يوسف :روحي بقي اتصلي بيها وقوليلها تيجي بكرة الساعة كام
حنين :حاضر
تاني يوم جات شيماء وملقتش يوسف
شيماء :اومال يوسف بيه فين انا مش شيفاه
حنين :حاست انها عايزة تكلها بسنانها . وانتي عايزة منه ايه خليكي في شغلك
شيماء :انا بسأل بس .
حنين :لا متسأليش وشوفي شغلك
فضلت شيماء مستنية يوسف يرجع علشان تشوفه
حنين:يالا يا شيماء علشان تروحي
شيماء : بخضة . اروح ليه لسة بدري مش لما يوسف بيه يرجع
حنين:لا واعملي حسابك من بكرةحتيجي في المعاد اللي جيتي فيه النهاردة وتمشي في المعاد ده فاهمة
يومها شيماء فهمت ان حنين مش عايزاها تشوف يوسف وعايزة تبعدها عنه . وقعدت مستنيه فرصة تنتقم فيها من حنين
يتبع 👇👇
تفاعلكم الحلو فين 🥰😍
(((وجع حنين ))
(((الحلقة السادسة والثلاثون. والاخيرة
يوسف وحنين كانوا طول الوقت محط انظار كل اللي حوليهم وكتير منهم كان بيحقد عليهم ويحسدهم
الرجالة لما بيسمعوا عن حنين وعن أدبها واخلاقها وطيبة قلبها وشطارتها في كل حاجة وكمان جمالها اللي في منهم شافوا زي أمير بيتمنوها زوجة ليهم لانها انسانة نادرة .
والستات لما يشوفوا يوسف بيحسدوا حنين عليه علي وسامته ورجولته وفلوسه وحبه ودلعه لحنين
طول الوقت و بيتمنوه .
يوسف وحنين بينسوا اللي أذوهم لكن اللي أذوهم مش ناسينهم
لحد ماجه يوم يوسف كان حيخسر فيه حنين وولاده الاتنين في وقت واحد حنين كانت خلصت الشهر السابع وفي اول اسبوع في الثامن وجت شيماء زي كل يوم وحنين فتحتلها ودخلت وحنين كانت لوحدها يوسف لسة خارج والولاد في المدرسة
شيماء :ازيك يا مدام عاملة ايه . هاه حنعمل ايه النهاردة.
حنين :كويسة الحمد لله . بصي ادخلي نضفي اوضة المكتب بتاعة يوسف . وانا حطلع فوق اشيل الفرش بتاع السراير لحد ماتخلص ماشي
شيماء:حاضر اطلعي وانا حخلص وأجي وراكي
حنين طلعت فوق وشيماء اتصلت بحد في التليفون ..... الو ايوة هي لوحدها ابعتبهم بسرعة ..... طيب طيب بس بسرعة .
وشوية وشيماء فتحت الباب براحة ودخل 3ستات شكلهم سوابق وبلطجية وشاورتلهم علي أوضة حنين وهما طلعوا. وهي مشيت بسرعة
حنين :بتشيل الفرش بتاع السرير وبتلف لقت الستات دول . انتم مين ودخلتم هنا ازاي .
واحدة من الستات:احنا اللي حنربيكي علشان بعد كدة متخديش حاجة مش بتاعتك
حنين :اترعبت من شكلهم . حاجة ايه انتوا عايزين ايه
واحدة تانية :ماقالتك حتتربي . تعالي يا حلوة ونزلوا الثلاثة ضرب في حنين وحنين تصرخ
حنين :حرام عليكم انا عملتلكم ايه اااه اااه الحقني يايوسف حموت اااه اااه. يا شيماء الحقيني . اااه اااه ولادي حرام عليكم ولادي حيموتوا . لا كفاية حرام . ولادي . ولادي يا يوسف الحقني
وهما مش فارق معهم صريخها ولا آلمها وفضلو نص ساعة يضربواها لحد مانزفت واتاكدوا انهم موتوا اللي في بطنها .وكمان بتنزف من وشها حنين كانت متبهدلة من كتر الضرب
واحدة منهم :كفاية عليها كدة احنا اتفاقنا نسقطها مش نموتها يالا بينا
حنين :كانت مش قادرة تتحرك . سحفت لحد ما جابت التليفون من علي الكمود . واتصلت بيوسف .....
يوسف : كان سايق العربية . حبيبة قلبي وحشتك
حنين :صوتها مش طالع . الحقني يا يوسف انا بموت مش قادرة
يوسف :فرمل بسرعة . حنين مالك انتي تعبانة . حنين ردي عليا .
يوسف لف بسرعة ورجع علي البيت .واول ما وصل لقي الباب مفتوح دخل زي المجنون يدور علي حنين ملقهاش تحت طلع يشوفها فوق دخل الاوضة لقاها مرمية في الارضة وبتنزف من كل حتة والسجادة كلها غرقانة دم
يوسف : دموعة نزلت بسرعة. حنين . حنين . ردي عليا مين اللي عمل فيكي كدة . حنين
حنين كانت خلاص مش دريانة بحاجة . يوسف شد الملاية اللي علي السرير ولف بيها حنين وشالها وحطها في العربية . وطلع بيها علي المستشفي . وطول الطريق بيصرخ بدموعة . حنين اوعي تسبيني اوعي . لو اعرف مين ابن الكلب اللي عمل فيكي كدة اقطعه حتت . يوسف اتصل بالدكتورة نيڤين ........ الو ايوة يا دكتورة انا يوسف جوز حنين . الحقيني حنين بتنزف ومغمي عليها وانا طالع علي المستشفي
نفين : ليه حرام عليك هي لحقت دي في الثامن دي ممكن تموت . انا جاية وراك بسرعة
(في المستشفي)
حنين في أوضة العمليات ويوسف بيبكي مش عارف يسكت
عبد الرحمن :كفاية يا بني احنا فينا اللي مكفينا . اهدي كدة وادعيلها
يوسف :بيصرخ .اهدي ازاي انا مش عارف ليه اشمعن احنا ليه كل مابنفرح الدنيا بتيجي علينا ليه. ليه حنين تتوجع كدة ليه . دي مبتأذيش حد . ليه الناس مش رحمانا ليه . ليه يارب . انا تعبت. انا السبب من يوم مادخلت حياتها وهي بتتوجع . للاسف وعدتها اعوضها عن اللي شافته زمان . بس اتوجعت معايا اكتر واكتر . انا حموت لوجرالها حاجة . حموت
علي :استهدي بالله يا يوسف واقول يارب
يوسف :يا رب . يا رب
وبعد 3 ساعات . الدكتورة . خرجت
يوسف:جري عليها . حنين عاملة ايه طمنيني
الدكتورة :للاسف حنين اتعرضت لضرب بشع ونزفت كتير احنا طلعنا الولاد وهما في الحضانة ومعرفش اذا كان حيعيشوا ولا لا. لكن حنين بتنزف المرة دي النزيف مش حيقف الا لما نشيل الرحم . وانت يا يوسف لازم تمضي الاقرار ده بسرعة .
يوسف :هاتي . مضي والورقة غرقت من دموعه في لحظة . اعملي اي حاجة ورجعهالي . انا مقدرش اعيش من غيرها .
الدكتورة : ان شاء الله .
يوسف :انهار اكتر بعد اللي سمعه . ومحدش قادر عليه. لا علي ولا عمار ولا عبد الرحمن . وهو بخبط راسه في الحيطة . انا السبب انا السبب.
خديجة . خدته في حضنها . عيط يا حبيبي عيط بس بلاش كدة ده انت دمغك نزفت . اهدي اهدي وادعيلها تخرج بالسلامة
يوسف :كان بيعيط في حضنها زي الطفل الصغير .
وبعد ساعة ونص
خرجت الدكتورة :الحمد لله . احنا شيلنا الرحم والنزيف وقف بس هي لسة تعبانة وبننقلها دم .
يوسف :هي فاقت . يعني بقت كويسة . عايز اشوفها
الدكتورة:احنا دلوقتي بنعملها الافاقة الاولي . وبعدين حنوديها أوضتها وان شاء الله. ساعة بالكتير وتفوق إفاقة كاملة
يوسف :اخد نفسه وسند علي الحيطة . الحمد لله . الحمد لله
جيهان :مش خلاص يا يوسف اطمنت علي حنين روح بقي شوف ولادك واطمن عليهم . انت مشافتهمش من ساعة ماخرجوا وراحوا الحضانة
يوسف :لا انا مش حروح في اي مكان الا لما تفوق واطمن عليها.
وخرجت حنين في اوضتها وكلهم حاوليه مستنينها تفوق
حنين ابتدت تفوق وبصت لقت يوسف ماسك ايديها وموطي راسه في الارض
حنين :يوسف .
يوسف :حبيبتي الحمد لله انتي عاملة ايه
حنين:افتكرت اللي حصلها وعيطت . ضربوني يا يوسف . ضربوني كتير
وقتله ولادي . ولادي ماتوا يا يوسف ولادي ماتوا
يوسف :بيعيط . اشششش بس متخافيش ولادك بخير . هما في الحضانة متخافيش
حنين :لا انت بتكدب عليا هما ماتوا انا عارفة . مش ممكن يعيشوا بعد اللي حصلي انا عارفة .
يوسف :والله مش بكدب هما فعلا في الحضانة
حنين :طيب انت شوفتهم واطمنت عليهم . انا عايزة اشوفهم وديني ليهم علشان خاطري يايوسف
يوسف:حاضر يا روحي والله حخليكي تشوفهم بس اول ما تقدري تتحركي انتي تعبانة .
حنين :طبيب هما كويسين بجد شكلهم ايه
يوسف :معرفش . انا مشوفتهمش
جيهان:اهدي يا حنين انا كنت عارفة انك اول ماحتفوقي حتسألي عليهم علشان كدة انا صورتهملك علي التليفون . اهم بصي
حنين:اخدت التليفون وشافتهم وباستهم بعد ماغرقت التليفون بدموعها. حبيبي كنتم حتروحوا مني . بص يا يوسف حلوين ازاي .
يوسف :اه يا حبيبتي حلوين . المهم عايزك تهدي كدة وتحكيلي ايه اللي حصل من اللي عمل فيكي كدة
حنين :ماعرفش انا كنت في الاوضة وبعدين لقيت 3 ستات ماعرفهمش شكلهم غريب . وعيطت حنين تاني . ولقتم بيقولي حنربيكي علشان متاخديش حاجة مش بتاعتك وضربوني
ضربوني كتير اوي يا يوسف .
بوسف:اخدها في حضنه وهو بيعيط .اششش بس بس اهدي خلاص .. طيب قوليلي شيماء كانت فين لما ده حصل
حنين :معرفش انا فتحتلها وسبتها تحت وانا طلعت فوق . وقعت انده عليها بس مردتش عليا
يوسف : يعني شيماء ليها يد في اللي حصل . اه ياولاد الكلب وحياتك عندي لحجبهم واعمل فيهم زي ماعملو فيكي واكتر . ومشي يوسف بسرعة زي المجنون
حنين :يوسف استني . بابا الحقوا ده مجنون وممكن يودي نفسه في داهية
عبد الرحمن وعمار وعلي . جريوا ورا يوسف بس ملحقهوش
حنين :انا خايفة عليه اوي يا بابا
عبد الرحمن :حنعمل ايه ده زي مايكون طار بالعربية . محدش عرف يحصله .
حنين:أمير . أمير هو اللي حيعرف يلحقوا ارجوك كلموا يا بابا قولو يشوف هو راح فين
عبد الرحمن :حاضر يابنتي .حتصل بيه اهو ......... ايوة يا أمير يابني الحقنا .........................
أمير :معقول . طيب طمني علي حنين عاملة ايه ...... حاضر انا حتصرف ووصلوا . بس قول لحنين اني مش حسيبهم وحجبهم تحت رجلها ولاد الكلب
يوسف طلع علي الارض بتاعته اللي في 6 اكتوبر علشان يشوف شيماء
رجب :اهلا يوسف بيه اتفضل
يوسف :بنتك فين . شيماء فين . اندهالي بسرعة
رجب :خير يا بيه هو ايه اللي حصل
يوسف:انت لسة حتحكي اندهلها بسرعة ولا علي ايه انا حدخل اجبها . شيماء تعالي هنا . مسكها يوسف من شعرها. انطقي مين اللي عمل كدة في حنين . انطقي
شيماء:بتعيط . اي حرام عليك سيب شعري . انا معرفش حاجة
يوسف : وشد شعرها زيادة انتي حتنطقي ولا اقسم بالله اوديكي القسم وارميكي ليهم وهما حيعرفوا ينطقوكي هناك
شيماء :لا لا خلاص ابوس ايدك . انا حقولك اللي حصل . انا من اسبوع كدة جاتلي واحدة اسمها رانيا وانا ماشية من عندكم وقالتلي انها كانت مراتك ومدام حنين خطفتك منها وضحكت عليك واتجوزتك . وقالتي اساعدها انها تربيها وتعلمها الادب واديتني 5000جنيه علشان افتح للستات دول لما هي تكون لوحدها . وانا كنت متغاظة منها علشان كانت بتبعدني عنك .
يوسف :نزل فيها ضرب بالقلام . اه ياولاد الكلب كنتوا حتموتوها . بس وحياتها عندي لحربيكم . امشي معايا
يوسف اخدها وركبها العربية وطلع بيها علي بيت رانيا وطول الطريق بيضرب فيها
أمير :....... رد بقي يا يوسف .. يوسف :ايوة يا أمير ......
أمير :ايه مبتردش ليه.
يوسف:كانوا عايزين يموتوا حنين يا أمير . حنين كانت حتموت .
أمير:اهدي يا يوسف .وقولي بس انت فين .
يوسف :انا رايح لرانيا . بنت الكلب وديني لقتلها
أمير :انا جاي وراك . بس اوعي تعمل حاجة لحد ماجيلك
يوسف وصل عند بيت رانيا وامير وراه . واول ما رانيا فتحت يوسف حدفلها شيماء ونزل فيهم ضرب هما الاتنين .وبصوت عالي حقتلك يارنيا. زي ماكنتي عايزة تموتيها
رانيا :اضرب . براحتك . المهم اني حرقت قلبك علي ولادك . هو انت كنت فاكر اني حسيبك تتهني وتخلف بدل العيل اتنين كمان وانا ماخلفتش لا مستحيل .
يوسف :انتي ايه شيطانة ربنا يخدك بقي ويريح الناس من شرك
وامير طلع وراه وطلب عربية من القسم وبعتهم علي هناك
أمير :تعالي يا يوسف . روح البيت
يوسف :لا انا حروح علي القسم اشوف الستات دول حجبهم ازاي
أمير:لا انا كلمت امجد وهو حياخد عنوانهم من رانيا ويجبهم انت لازم تستريح .
يوسف :لاخلاص انا حروح لحنين اشوفها
أمير:بس لازم تغير هدومك دي كلها غرقانة دم . وماينفعش ترجع لحنين وانت كدة . انت كدة بتفكرها باللي حصل
يوسف :عندك حق انا حروح بسرعة اغير هدومي وارجعلها . يوسف وامير راحوا البيت عند يوسف وطلع يوسف وامير استناه تحت ولما إتأخر طلعلوا فوق . لقاه قاعد علي السرير وحاطط ايده علي دماغه وبيعيط .
أمير:ايه يا يوسف انت لسة بهدومك .
يوسف: شايف ده دم حنين . حنين كانت حتموت . واناالسبب انا اللي دخلت حياتها وجبتلها التعب والالم . انامااستهلهاش يا أمير
أمير :متقولش كدة . المهم هي دلوقتي بقت كويسة .. يوسف:كويسة ازاي حنين شالت الرحم وتعبانة والعيال في الحضانة الله اعلم اذا كانوا حيعيشوا ولا حيموتوا . انا مش عارف ليه بيحصلي كدة
أمير:طيب اهدي وادخل خد حمام وغير هدومك علشان منتأخرش علي حنين ..
يوسف قام ودخل الحمام . وأمير قعد يشوف حاجات حنين ومسك قميص نوم من اللي كانو موجودين وحضنه. كنتي حتروحي مني انا كمان انا حالي مش اقل من يوسف بس هو بيبين علشان جوزك لكن انا حموت وحتي مش قادر اتكلم . انا بحبك يا حنين بحبك
يوسف :خرج من الحمام لقاه ماسكه . ايه ده اللي معاك ..
أمير:اتخض ومسح دموعه. لا ده انا لقيتوا واقع هنافقلت اوضب الدنيا اللي متبهدلة دي..
يوسف : مكنش فايق يفكر.ياعني هي جات عليه ماانت شايف عملوا فيها ايه ..
أمير:انا حستناك برة لحد ماتلبس .
ولبس يوسف ونزلوا وراحوا المستشفي . يوسف اول مافتح الاوضة لقاها فاضيةاتخض .
يوسف:أمير حنين مش موجودة. معقول يكون حصلها حاجة .
أمير: استني بس لما نشوف ايه الحكاية . بص تعالي نسأل الممرضة دي .. لوسمحتي.
الممرضة :نعم ..
أمير :كان فيه واحدة في الاوضة دي اسمها حنين راحت فين ..
الممرضة:اه الي شالت الرحم ..
يوسف :ايوة هي فين .
الممرضة:هي واللي معاها راحوا الحضانة من هنا روحلها...
يوسف وامير راحوا عند الحضانة لقوهم واقفين وباصين علي حنين من الازاز قاعدة جوة ... يوسف:ايه اللي قومها وهي تعبانة
جيهان :دي جننتنا مش عايزة تسمع الكلام. مصممة تيجي تشوف ولادها وترضعهم ..
يوسف :ينفع ادخلها ..
الممرضة: اتفضل تعالي ..
يوسف:دخل لقي حنين قاعدة بظهرها بترضع البنت . يوسف حضنها وباس راسها . حبيبتي ايه اقومك وانتي لسة تعبانة
حنين :كنت عايزة اشوفهم مش قادر . بص البنوتة جميلة .
يوسف :طبعامش بنتك . بس انا عايزك تبقي مستعدة انك ممكن تخسري حد فيهم او هما الاتنين
حنين :لا يايوسف ماتقولش كدة ان شاء الله حيبقوا كويسين
يوسف :يا حبيبتي الدكتور قال صحتهم تعبانةوخصوصا الولد . المهم قوليلي انتي عايزة تسميهم ايه
حنين:انت تسمي البنت وانا الولد
يوسف:ههههه ماشي انا موافق . اناحسميها . كنزي . علشان لو ربنا خلها تخرج بالسلامة. هتكون اغلي كنز منك ليه
حنين: وانا حسميه سيف .
يوسف :خلاص يبقي كنزي . وسيف .
تعالي بقي علشان ترتاحي . انتي عاملة عمليه صعبة . الجرح لسة مفتوح
حنين :كلو كوم والجرح ده كوم تاني انا مكنتش متخيلة اني اولد قيصري وبطني تتبهدل كدة . انا ممكن افضل كدة وشكلي يبقي وحش وانت ساعتها تروح تشوف بقي واحدة تدلعك
يوسف :حضنها . هههههههه انا اشوف واحدة غيرك . يا حنين انا كنت حموت عليكي . وبعدين ماتخفيش قومي انتي بس بالسلامة وانا حعملك عملية وترجعي فيها زي ماكنتي . وده مش علشان تكوني حلوة في عيني . تؤتؤ علشانك انتي تكوني مرتاحة انا لو عليا شايفك احلي ست في الدنيا . انا لما حبيتك مكنتش اعرف شكلك ايه ولا شكل جسمك حبيتك انتي فاهمة. يلا تعالي علشان ترتاحي
وخرجت حنين. ويوسف وأمير حكولها اللي حصل
حنين :يوسف علشان خاطري خليهم يروحوا وماتحبسهمش .
يوسف:انتي بتقولي ايه انا حلبسهم قضية شروع في قتل ومحضر المستشفي بيقول كدة
حنين :لا حرام شيماء عيلة وطايشة وفرحت بالفلوس وكمان دي كانت حتتجوز ورانيا خليها تمشي حسابها عند ربنا . علشان خاطري يا يوسف . ربنا بيقول والكاظمين الغيظ والعافين عن الناس .
يوسف:مسك راسها وحضنها . انتي ايه بس قلبك ده ايه ذهب . بعد كل اللي عملوه فيكي بتقولي كدة
حنين :معلش اسمع كلامي . وكمان عايزاك توعدني ماتمدش ايدك تاني علي واحدة ست انت ارجل من كدة
يوسف :حضنها بقوة. اوعدك . تعالي ارتاحي بقي ارتاحي
وراح امير ويوسف . القسم . وامير كان مصمم انه يضرب الستات اللي ضربوا حنين .
يوسف :امير بلاش انا وعدت حنين
أمير :انت وعدتها لكن انا لا . وأمير بيضربهم كان حاسس انه بيضرب نفسه علشان يفوق من اللي كان فيه . واحدة زي حنين نقية كدة ماينفعش هويفكر فيها بالقذارة دي وفعلا أمير فاق وقرر انه يحتفظ بحبه لحنين في قلبه وميظهروش تاني ودعا ربنا انه ينساها .
وبعد شهر حنين خرجت هي وكنزي وسيف ويوسف حجز قاعة كبيرة علشان يعمل فيها سبوع وعقيقة كنزي وسيف وكمان صمم ان الهدايا اللي الناس هتخودها تكون من الفضة ويوسف مع حنين في القاعة
يوسف:حمد لله علي سلامتك يا قلبي
حنين :الله يسلمك يا حبيبي . الحمد لله ازمة وعدت .
يوسف : تعرفي انا اول حاجة حعملها بكرة ايه
حنين :ايه يا روحي ..
يوسف:حكتب قصة حبنا علشان الناس تعرف احنا بنحب بعض قد ايه
حنين :هههه ويتري حتسميها ايه . حنين ويوسف
يوسف : بصلها بحنية . لا هسميها وجع حنين . علشان انتي اتوجعتي اوي بسببي سامحيني يا حنين
حنين :اسامحك علي ايه ده انت حبيبي ونور عيني ربنا يخليك ليا يا يوسف
يوسف :بقولك ايه ماتيجي بعد حفلة السبوع نروح الولاد مع مامتك ونحجز أوضة ونقضي الليلة هنا
حنين :ههههه لا انا اتكسف ماما تقول عليا ايه سابت ولادها علشان .. لا اتكسف
يوسف :ملكيش دعوة انا حقولها انا مابتكسفش .. حنين انا بحبك بحبك اوي .
حنين : وانا بحبك اوي اوي
وخلصت قصة يوسف وحنين ودلوقتي ولادهم عندهم 5شهور ويوسف مابيسبش حنين والولاد وبدل ماكان نفسه في واحد بقي عنده 4
النهاييببببية.
رايكم يهمني 👇👇
لمتابعة الروايه الجديده زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا