رواية صرخات لا يسمعها احد الفصل الرابع 4 للكاتب عادل عبد الله حصريه في مدونة قصر الروايات
رواية صرخات لا يسمعها احد الفصل الرابع 4 للكاتب عادل عبد الله حصريه في مدونة قصر الروايات
#صرخات_لا_يسمعها_احد
#للكاتب_عادل_عبد_الله
الحلقة ٤
بعد دقائق ينفتح الباب ويدخل حسن ويبدو عليه الاعيا.ء بينما ينظر الممرضان نحو صفوت و ممدوح !!!
ير.تعد صفوت خو.فا بينما يبدو ممدوح لامبالاة !!!
فيأخذان ممدوح ويخرجان من الغرفة بينما ينظر صفوت لحسن ويسأله : مالك يا حسن ؟ هما عملوا فيك ايه بالظبط ؟؟
حسن " بأعياء " : قولتلك جلسة الكهربا.
صفوت : اومال مالك تعبان كده ليه ؟
حسن : هتعرف دلوقتي .
بعد دقائق
يعود ممدوح ثم يتقدم الممرضان لأخذ صفوت الذي يحاول مقاومتهما : لأ ،انتوا بتعملوا ايه ؟ انتوا مش عارفين انا مين ؟؟
يعود صفوت بعد دقائق يبدو عليه الاعياء والهدوء الي حد كبير ثم يخلد الي النوم في الحال .
في الصباح
حسن : صفوت بيه .. يا صفوت بيه .
صفوت يفتح عينيه " بنعاس " : ايوه ، مين ؟؟
حسن : مين ايه ؟؟ انت نسيتني ؟!!
صفوت : معلش صباح الخير يا حسن ، هي الساعة كام دلوقتي ؟؟
حسن : الساعة تسعة الصبح ، يلا قوم علشان نفطر ونجهز علشان نخرج نتمشي في الجنينة الساعة عشرة .
بعد الافطار ...
يدخل الطبيب " زهدي "
الطبيب " زهدي " : صباح الخير يا جماعة ، عاملين ايه ؟؟
حسن : تمام يا دكتور .
صفوت : يا دكتور .
زهدي : نعم ، انت صفوت بيه اللي دخلت هنا البارح ؟
صفوت : ايوه با دكتور ، ممكن اعرف انا هخرج من هنا امتي ؟
صفوت : اطمن متقلقش ، المهم تاخد الادوية في ميعادها .
صفوت : ادوية ايه !! انا مش مجنو.ن !!!
زهدي : مين قال بس انك مجنو.ن !! انت عندك شوية مشاكل نفسية هنعالجها وبعد كده هتخرج علطول .
صفوت : اطمن .. اطمن .
ثم يتركهم وينصرف !!!
صفوت : هو سابني ومشي ليه ؟؟ هو مش عارف انا مين ؟؟!!
حسن : معلش يا صفوت بيه اكيد عنده مرور علي باقي المرضي .
صفوت : لكن المفروض يتعامل معايا احسن من كده !!
حسن : معلش يا صفوت بيه ، يلا بقي كمل حكايتك ، انت وقفت البارح عند هدير مراتك لما سافرت مع سليم مدير اعمالك .
صفوت : ايوه .
حسن : كنت بتقول قبل ما يسافروا كان لازم و مكملتش لما دخلوا الممرضين .
صفوت : ايوه ، كان لازم اعمل توكيل عام لهدير علشان تقدر تمضي العقود بأسم الشركة .
حسن : وعملتلها التوكيل ؟؟
صفوت : للأسف ايوه .
حسن : وبعدين ؟؟
صفوت : رجعوا بعد اسبوع وكل حاجة بدأت تتغير ، معاملتها معايا اتغيرت ، كلامها معايا بأسلوب مش متعود عليه ، وجودها بره البيت باستمرار بحجة اصحابها ، معاملتها مع سليم كمان اتغيرت للأحسن كلام وضحك وهزار حتي قدامي ولا كأنها عاملة حساب لوجودي !!! كل ده كان سبب أني انفعل عليها اكتر من مرة لغاية ما في يوم كنت لازم اخد موقف معها وقولتلها ...
داخلي ليلي - فيلا صفوت بيه
صفوت : انا عايز اعرف يا هانم انتي كنتي فين لحد دلوقتي ؟؟
هدير : يعني ايه كنت فين !! كنت مع اصحابي طبعا .
صفوت : وجوزك مش له حق عليكي ؟!!
هدير : وأنا قصرت معاك في ايه ؟؟ انا معاك في البيت والشغل !!
صفوت : لكن بعد الشغل مش بشوفك الا لما بترجعي في نص الليل !!
هدير : بقولك ايه يا صفوت ، انا عايزة اعيش انطلق مش واخدة أني اتحبس في البيت .
صفوت : بتسمي وجودك مع جوزك في فيلا زي كده حبس ؟؟
هدير : ايوه حبس ، لما كل يوم عايزني ارجع واقعد جنبك اتفرج علي التليفزيون يبقي حبس .
صفوت : علي الاقل نكون مع بعض ، ولو عايزة تخرجي نخرج سوا .
هدير : ييييه ، انا مش بحب الجو القديم ده انا لسه صغيرة عايزة اخرج اتفسح اعيش ، انا مش عجوزة زيك يا صفوت علشان تحبسني جنبك !!!
صفوت : عجوزة !!! انا عجوز يا هدير ؟؟
هدير : سوري يا صفوت ، هي دي الحقيقة .
صفوت : ولما انا عجوز اتجوزتيني ليه ؟!
هدير : غلطة .
صفوت : غلطة !!! ياااه للدرجادي ؟!!!
هدير : خلاص يا صفوت احنا مش هينفع نكمل مع بعض ، طلقني .
صفوت : اطلقك ؟!!!
هدير : ايوه من فضلك طلقني بهدوء .
يفتح الممرضان الباب : يلا اتفضلوا اخرجوا في الجنينة .
يخرجون جميعا من الغرفة وتدخل عاملات النظافة لتنظيف المكان .
خارجي نهاري
في حديقة المصحة
يسير حسن في المنتصف وعلي جانبيه صفوت وممدوح .
تبدو الشمس جميلة والهواء منعش
صفوت : ياااه ، شوف الجو هنا حلو ازاي !! احسن من الكتمة جوه .
حسن : حاول تسمتع بالساعة دي علشان مش هنخرج تاني الا بكره الصبح .
صفوت : يا خسارة .
حسن : المهم كمل كلامك .
صفوت " يبتسم " : لأ الاول خليني اشوف الكلام اللي كنت بتقوله عن ممدوح ، كنت بتقول هتخليه يوريني حاجة .
حسن : شايف المقاعد الرخام اللي متثبتة في الأرض دي ؟؟
صفوت : ايوه مالها ؟
حسن : دي متثبتة في الارض بقواعد حديد طولها متر ، ده غير انها تقيلة جدا .
صفوت : مالها يعني ؟ انا شايفها اهي !!
حسن : شايف القاعدة اللي هناك اللي مكسورة علي جنبها دي ؟؟
صفوت : أيوه .
حسن : القاعدة دي الممرضين كانوا بيجروا ورا ممدوح و هو خلعها من الارض وشالها وحدفهم بيها .
صفوت : مستحييييييل !!!!!
حسن : صدقني زي ما بقولك كده ، ولو مش مصدق ممكن تسأل اي حد هنا .
صفوت : طيب اكسر السور ده خلينا نخرج من هنا يا ممدوح .
ممدوح : لأ ، انا ممكن ارفع عربية دكتوى زهدي واوريك بعينيك .
صفوت : طيب وريني .
يذهب ممدوح و يضع يديه اسفل السيارة ثم يرفعها بيده ثم يضع يده الاخري اسفلها ويرفعها عن الارض مسافة اكثر من متر !!!!!
صفوت " بذهول " : دي معجزة !!! انا مش مصدق عينيا !!!
حسن : شوفت يا صفوت بيه ؟؟ احنا مش بنكدب عليك .
صفوت : انا فعلا مهما حد قالي وحكالي علي اللي شوفته ده مستحيل كنت اصدقه !!
حسن : المهم كمل يا صفوت بيه ، عملت ايه لما مراتك قالتلك طلقني ؟؟
صفوت : انا راجل غني ومبسوط وطول عمري مش ممكن اتحمل كلمة زي دي .
حسن : يعني طلقتها ؟؟
صفوت : في وقتها علطول قولتلها انتي طالق .
حسن : وهي عملت ايه ؟ اكيد اتفاجئت انك طلقتها بسرعة كده ؟
صفوت : بالعكس ، دي كأنها كانت مستنية الكلمة وطلعت كل اللي جواها .
حسن : عملت ايه ؟
صفوت : لقيتها بتطر.دني وتقولي اطلع بره .
حسن : بتطردك من بيتك ؟!!!
صفوت : شوفت !!! انا استغربت لأني كنت لسه مش فاهم .
حسن : اكيد كانت باعت كل حاجة باسمها ومن ضمنها الشركة والفيلا .
صفوت : دي باعت لنفسها كل حاجة حتي عربيتي !!
حسن : اسمحلي يا صفوت بيه انت الغلطان ، ازاي تثق في واحدة بالمواصفات دي وتديها الثقة والامان بالشكل ده ؟!!!
صفوت : انت عندك حق ، لكن انا مستحيل اسيب حقي ابدا .
حسن : عملت ايه ؟؟
صفوت : لسه معملتش ، لكن هعمل كتير اوي لما اخرج من هنا .
حسن " بسخرية " : لما تخرج !!!
صفوت : لأ ، انا لازم اخرج من هنا في اسرع وقت ممكن .
حسن : قولي اومال انت جيت هنا ازاي ؟؟
صفوت : لما حاولت تطر.دني بره الفيلا ناديت الخدم والحراس و طر.دوها بره الفيلا ، وقالتلي وهي خارجة انها هتوريني ازاي انها هترجع الفيلا وتطر.دني انا براها ، تاني يوم الصبح اتفاجئت بحراس جداد للشركة بيمنعوني من الدخول و بيوروني صورة من العقود اللي باعت بيها هدير الشركة لنفسها ولسليم .
حسن : و هنا عرفت اللعبة اللي لعبوها عليك ؟؟
صفوت : لكن انا مش سكت وحوالت ادخل ولما منعوني روحت قسم الشرطة وقدمت فيهم بلاغ ، بعدها عرفت ان سليم قدر بلعبة يتهمني بالجنو.ن واتفاجئت بيهم جايبني هنا البارح زي ما شوفت .
حسن : يعني بسبب نزوة خسر.ت كل حاجة وبقيت علي.البلاط ؟؟
صفوت : لكن انا مش هسكت ، بمجرد خروجي من هنا لازم ارجع كل حاجة وادفعهم التمن غالي اوي .
حسن : واضح من كلامك انك مش هتسكت ، لكن انت ناوي تعمل ايه ؟؟
صفوت : لحد دلوقتي مش قادر افكر من المفاجأة لكن بمجرد اقعد وارتب افكاري هقدر اخد حقي منهم كويس اوي ، وانت كمان يا حسن لازم تاخد حقك من ماجدة !!
حسن : أنا ؟؟؟
صفوت : أيوه طبعا انت مش قليل الحيلة زي ما قولت يا حسن ، مش ممكن تسيبها تستمتع بفلوسك مع عشي.قها اللي اتجوزته ؟!!
حسن : انت شايف كده ؟؟
صفوت : طبعا يا حسن .
ممدوح " يضحك " : انا الحمد لله مش عايز انت.قم من حد ، ومراتي اللي دخلت بسببها هنا لسه بتزوني و مستنياني لما اخرج .
صفوت " بسخرية " : يا خوفي تخرج من هنا تلاقيها اتجوزت عليك !!!
ويطلق ضحكة عالية يشاركه فيها حسن !! فيغضبب ممدوح بشده ويمسكه من ذراعه بقوة ...
صفوت : ااااييييي ، ايدي ايدي !!
حسن : خلاص يا ممدوح بيهزر معاك سيب ايده .
ممدوح : متجبش سيرتها تاني ، فاهم ؟؟
صفوت : ده مش طبيعي ابداااا !!!
حسن : خلاص يا جماعة حصل خير .
صفوت : انت ازاي قادر تقعد هنا يا حسن ؟ انا من يوم واحد ومش قادر !!
حسن : انا نفسي اخرج من هنا ، لكن ازاي ؟؟
صفوت : انا اول ما اخرج من هنا هحاول اخرجك .
يضحك حسن : لو بتفكر انك هتخرج قريب من هنا تبقي بتحلم !! يا صفوت بيه بقولك انا هنا من سنة ونص !!!
صفوت : يعني ايه ؟؟ يعني انا ممكن اقعد سنة ونص هنا ؟؟
حسن " ساخرا " : وممكن اكتر .
صفوت : لأ انا لازم اخرج من هنا في اسرع وقت .
حسن : ازاي ؟؟
صفوت " هامسا " : مفكرتش تهر.ب ؟؟
حسن : مستحيل .
صفوت : مفيش حاجة اسمها مستحيل ، اديني فرصة افكر والاقي طريقة نهرب بيها من هنا .
ممدوح : وانا كمان معاكم .
صفوت : اكيد يا ممدوح ، ده انت وجودك معانا ثروة !!!
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا