رواية العشق الخفى الفصل الرابع 4 للكاتبة حنان حسن حصريه في مدونة قصر الروايات
رواية العشق الخفى الفصل الرابع 4 للكاتبة حنان حسن حصريه في مدونة قصر الروايات
العشق الخفي..الجزء الرابع للكاتبة..حنان حسن
العشق الخفي الجزء الرابع للكاتبة..حنان حسن
بعدما فوقت من الاغماءة الي حصلتلي لما حميدة ضربتني علي راسي اكتشفت ان نظري رجع ليا ت...
بعدما فوقت من الاغماءة
الي حصلتلي لما حميدة ضربتني علي راسي
اكتشفت ان نظري رجع ليا تاني...
واكتشفت كمان ان العمدة وقع في المحظور ...
و(اصابة الس...&حر )
وعشقة ليا فاق حد الجنون
زي ما الشيخة بركة قالت
وانا بنفسي شوفتة وهو بيبكي بالدموع
من شدة قلقة عليا
في اللحظة دي
عرفت ان ربنا نجاني من الموت
بس الخطر مازال قائم
فا قررت اني اتكتم علي خبر رجوع نظري ليا
عشان اقدر اهرب من بيت العمدة
وبدات اتعامل كاني مازلت فاقدة البصر
بس كنت بتابع الي بيحصل بجنب عيني
ولما لقيت الطبيب بيحاول يتكلم معايا عشان يفوقني
عملت نفسي لسة بفوق من الخبطة الي اخدتها علي راسي
وقلتلة...انا فين ؟
ومين الي بيكلمني؟
في اللحظة دي
رد الطبيب
وقالي..انا الطبيب يا مدام عبير...
فا رديت وسالتة
وقلتلة..طبيب ليه هو ايه الي حصل
فا رد الطبيب
وقالي..يظهر انك وقعتي علي راسك فا اتعرضتي لاغماءة
لكن الحمد لله انتي قومتي تاني ايه
وحالتك مطمئنة
في اللحظة دي
كنت عايزة اسأل العمدة عن امي
فا سالت الطبيب
وقلتلة...هو العمدة فين؟
فا اتفاجئت بالعمدة وهو بيشاور للطبيب
وكانه بيقولة..متقولش لها اني واقف جنبك
فا رد الطبيب
وقالي..عايزة العمدة ليه؟
قلتلة...عايزة اسألة عن امي
فا رد الطبيب
وقالي...حاضر وانا خارج من عندك هقول للعمدة انك بتسألي علية
فا هزيت راسي
وقلتلة.. بسرعة لو سمحت
فا قالي..حاضر
وبالفعل..اغلق الطبيب حقيبتة
واخد العمدة وخرج من الغرفة
في اللحظة دي
عنيا ركزت مع العمدة
ولاحظت طول العمدة الفرع وعضلاتة الممشوقة
وفهمت ساعتها ليه بنات البلد كانوا بيحكوا وبيتحاكوا عليه
لحظتها قولت لنفسي
يلهوي....
بقي السحر شديدة لدرجة انه يخلي واحد بالحلاوة دي
يبص لواحده زي حالاتي ؟
فاقدة البصر.. والله اعلم النار عملت ايه في وجهي تاني
وفي اللحظة دي
افتكرت شكلي قبل ما اتعرض للحريق في بيت شاكر
انا فاكرة ان الناس كانوا بيقولوا عليا حلوه
وشاكر قالي انه اتجوزني بسبب جمالي الملفت
لكن ..ياتري الجمال دا لسة موجود لغاية دلوقتي ولا.....؟
وفجاءة
الرعب دب في قلبي
وخوفت لاتكون النار شوهت وجهي زي ما افقدتني بصري
فا انتهزت فرصة اني بقيت لوحدي في الغرفة
وفضلت ابحث بعنيا في الغرفة علي اي مراية
وبمجرد ما شوفت مراية في التسريحة
قومت واتقدمت ناحيتها بخطوات بطيئة ومترددة
وانا بردد دعائي
وبقول يارب استرها والنار متكونش اكلت وجهي كله
المهم
بعدما وصلت للمراية
اتفاجئت بحاجة غريبة جدا
وهي ...اني مازالت جميلة بالفعل
وشكلي متغيرش كتير
وحتي جسمي زي ما هو
يعني لا زدت في الوزن
ولا فقدت وزن
والاهم من دا كله ان مفيش في وجهي اي تشوهات
فا حمدت ربنا ورجع الامل يدب بداخلي من تاني
ياااااه دنا كنت فاكره اني خلاص انتهيت كا امراة
يعني كده ممكن اتعشم في الدنيا من جديد
وكان فاضل بس اني اخد امي وامشي من بيت العمدة عشان ابقي اسعد انسانة في الدنيا
المهم
حبيت وقفتي ادام المراية
فا نزعت الطرحة وبدات افرد شعري الاسود الطويل واسرحة
وساعتها لقيت جمالي زاد
فا اتحمست اكتر وخلعت فستاني الطويل المقفول..
ووقفت امام المراية بقميصي القصير العاري
وفضلت اقول لنفسي
معقولة انا عدت للحياة من جديد؟
ومازلت بكامل انوثتي وجمالي كمان؟
واثناء ما كنت بلقي نظرة علي شكلي
الي كان واحشني
فجاءة
سمعت صوت باب الغرفة بيتفتح
ولما بصيت علي الباب
شوفت العمدة واقف متسمر في مكانة
وهو بيبصلي بانبهار
ايوه طبعا مهو مسحور
وكمان شايفني بالمنظر المنيل دا
فا طبيعي انه يتسمر في مكانة
وكان مفروض اول ما اشوفة اجري واستر نفسي باي شيئ
لكن... لو كنت عملت كده
العمدة كان هيفهم اني بشوف
فا حافظت علي ثباتي الانفعالي
ووقفت في مكاني
وغمضت عنيا ورفعت ايدي للامام
وعملت نفسي بتحسس الطريق للحمام الي في الغرفة
وكان مفروض ان العمدة يخرج اول ما يشوفني بالمنظر دا
لكن الغريبة انه فضل واقف متنحلي
فاسالت بصوت عالي
وقلت..مين الي علي الباب؟
فاانتبة العمدة لنفسة
وخرج من الغرفة
وانسحب بهدوء بدون ما يرد عليا
في اللحظة دي
اتأكدت من كلام امي علي العمدة لما كانت بتقول انه انسان ق..ذر
المهم ..
رجعت بسرعة
ارتديت ملابسي
وبعدها...
فضلت انادي علي العمدة
واخواتة
فا لقيت العمدة بيخبط علي الباب
وبيقولي...حمد لله علي سلامتك يا عبير
فا تجاهلت كلامة
ورديت عليه بقرف
وسالتة
وقلتلة...امي فين؟
فا رد العمدة
وقالي...امك وبنت خالتك
موجودين الاتنين في غرفة حميدة اختي
فا رديت بغضب
وقلتلة..ولية محتجز هم في غرفة اختك
فا رد العمدة وهو بيحاول يصحح ليا سؤ الفهم
وقالي .. لا لا
انا مش محتجزهم .. بالعكس دنا طلبت منهم انهم يفضلوا هنا في البيت معاكي
عشان يراعوكي و متبقيش لوحدك
وخصوصا بعدما اخواتي الاتنين غادروا البيت
فا سالتة بتعجب
وقلتلة..هما حميدة ومجيدة غادروا الدوار بجد
فا رد العمدة
وقالي...ايوه انا الي طلبت منهم كده
بعد الي عملتة معاكي حميدة
فا رديت
وسالتة بشك
وقلتلة..ولما امي معانا في البيت و بخير
ازاي امي سيباني تعبانة وقاعدة في اوضة تانية هي وبنت خالتي؟
فا رد العمدة
وهو بيبصلي بعيونة العسلية
وقالي...انا الي طلبت منهم ينتظروا في غرفتهم
لغاية ما الطبيب يغادر
وهبعتلهم واجيبهم دلوقتي
بس الاول عايز اقولك كلمتين
فا رديت
وقلتلة..اتكلم
فا افصح العمدة علي الي جواه
وقالي...انا عايز اتجوزك يا عبير
بعدما اتفاجئت بطلبة
قولت بيني وبين نفسي
ينهار ازرق... دا العمل اشتغل
بس اشتغل بالغلط
تعالي يا امي شوفي انجازاتك اديني بدل ما اقتل العمدة
هتجوزة
المهم
رديت علي العمدة
وسالتة
وقلتله... ممكن اعرف انت ليه عايزة تتجوزني؟
فا امتنع العمدة عن الاجابة
للحظات
وبعدها
رد وقالي..اصل احنا عندنا قانون سائد في عيلتنا
ان لما حد يموت ويسيب زوجتة حامل..فا اخوه لازم يتزوجها
ودا عشان مصلحة ابن اخوه طبعا
فا رديت بسؤال تاني
وقلتلة..
و انا هاتجوزك ازاي وانا حامل في ابن اخوك؟
انت ناسي ان عدة الحامل لوضع حملها ..
يعني بعد ما تضع حملها
فا رد العمدة بلهفة
وقالي..مش مهم الوقت
انا مستعد انتظرك انشلة مية سنة
المهم انتي موافقة علي الجواز ولا لا
فا فكرت بيني وبين نفسي
وقلت..
ومالة لما اوافق علي الجواز مؤقتا
واهو كده ..كده
العمل هيتفك بعد اربعين يوم والعمدة هينسي قصة الجواز دي خالص
بس موافقتي علي الجواز دلوقتي هتخليني اكسب وقت واخد امي واهرب
وفعلا
ابتسمت للعمدة
وقلتلة...انا موافقة
بس انت ادعيلي اقوم بالسلامة
فا فرح العمدة بموافقتي
وقالي...وعد عليا لاخليكي اسعد واحدة في العالم
فا هزيت راسي
وقلتلة..طب ممكن تنادي لامي دلوقتي بقي عشان افرحها معايا
فا رد العمدة
وهو بيتأمل وجهي بمنتهي الحب
وقالي...
اه طبعا امك هتكون عندك حالا
وخرج العمدة من الغرفة وهو هيطير من السعادة
وبعد اقل من دقيقتين
لقيت امي ونبوية داخلين عليا الغرفة
في اللحظة دي
كنت ناوية ازف لامي وبنت خالتي خبر رجوع بصري ليا من جديد
لكن...اتفاجئت ان امي بتشاور لنبوية اشارات غريبة
والغريبة اني شوفت نبوية وهي بتدس شيئ في ايدها في كيس اسود صغير
ورجعت تبادل امي الاشارات بعدها
وطبعا هما كانوا فاهمين ساعتها اني مش شيفاهم
وللاسف مفهمتش هما بيعملوا ايه ولا بيقولوا ايه لبعض
فا قررت اني أجل الافصاح عن رجوع بصري
لغاية ما اعرف هما بيعملوا ايه من ورايا
المهم
بعد ما امي دخلت وطمنت علي صحتي
سالتها
وقلتلها...
هو انتي سكبتي العمل علي العمدة يا امي
فا ردت امي
وقالتلي...ايوه للاسف انا رميت المية الي عليها العمل علي العمدة
فا رجعت سالتها تاني
وقلتلها..
طب دلوقتي العمدة بقي مسحور بيا انا
بسبب العمل الي اتدلق عليا وعليه
وخطة جواز العمدة باظت
وحتي لو فكرتي تجوزيني للعمدة
فا انا مش هقدر اتجوزه غير بعد شهور العدة
ومفعول السحر هيبطل بعد اربعين يوم
ودا معناه اننا مش هنقدر نقتلة بالاعمال
ويارتها هتيجي علي اد كدا
دا العمدة بعد ما لعمل هيتفك هو الي هيقتلنا
فا ممكن بقي ناخد بعضنا ونهرب من دوار العمدة قبل ما نموت هنا
فابصت امي لنبوية وغمزتلها
وبعدها رجعت ترد عليا
وقالتلي...
لا احنا مش هنمشي من هنا يا عبير
اصلي رجلي اتكسرت
عشان كده هنضطر نقعد هنا كام يوم
بس اوعدك اني اول ما اقدر احرك رجلي هاخدكم ونهرب علي طول
وطبعا انا عرفت ان امي بتقول اي كلام
لاني كنت شايفة رجلها سليمة
وبتتحرك بيها عادي
لكن رديت عليها
وقلتلها...الف سلامة علي رجلك يا امي
فا ردت امي وهي بتمسك الصينية بتاعة الشاي
وقالتلي..طالما هنقعد هنا كام يوم
يبقي لازم نعامل العمدة بمنتهي الزوق
وبعدما عملت امي الشاي
شاورت لنبوية بكوباية الشاي
فا قامت نبوية واخدت كوب الشاي من ايد امي
وبعدها راحت علي الكيس الي معاها واخدت منه شيئ وخلطتة بالشاي
وبعدها رحعت الشاي لامي
وانتظرت اشوف امي هتشرب الكوباية الي فيها الشاي دي
ولا ايه؟
لكن امي مشربتش منها
ولقيتها بتنادي عليا
وبتقولي.. نادي علي العمدة يا عبير
واطلبي منه يجي يشرب الشاي معانا
فا قلتلها..مهو عندك بره ما تنادي عليه انتي
فا طبطبت امي عليا
وقالتلي...العمدة مسحور بيكي انتي
وهيفرح لما انتي تنادي عليه
فا هزيت راسي بالرفض
وقلتلها...لا انا مش هنادي علي حد
فا ردت امي بغضب
وقالتلي..مش عايزة منك حاجة
وهنادي عليه انا
وفعلا..
امي فضلت تنادي علي العمدة لغاية ما جه عندنا في الاوضة
لكن الغريبة ان العمدة لما دخل شوفت عيل صغير دخل وراه الغرفة
وسمعت الطفل بيقولة
مش هتيجي نكمل لعب في الاوضة؟
فا اتحرج العمدة وطلب من الولد ينزل يستناه تحت
والموقف دا كان غريب بالنسبالي لان العمدة مش مخلف ولا عنده عيال
يبقي مين الولد دا؟
المهم
سالني
وقالي..عايزة حاجة يا عبير
فا ردت امي
وقالتلة...
انا عملت لعبير الشاي
فا لقيتها بتقولي والنبي يا امي تعملي حساب العمدة في كوباية شاي
ومدت امي ايديها بالكوباية للعمدة
وقالتلة...اتفضل يا حضرة العمدة اقعد اشرب الشاي معانا
فا اخدها منها العمدة...
وقالها ..
انا فعلا كنت محتاج كوباية شاي
وسحب العمدة كرسي قريب مني وكان ناوي يقعد جنبي
لكن موبيل العمدة رن
ولما رد
عرفنا ان في ناس بينتظروة تحت
فا محبش العمدة يزعلني واخد كوباية الشاي معاه..
ونزل لهم
في اللخظة دي
انا ارتبت في التصرفات الغريبة الي بتحصل من امي ونبوية
والشك دخل قلبي
فا رجعت ابص علي
الكيس الاسود الي في ايد نبوية
وقررت اعرف ايه الي جوه الكيس دا
فا ناديت علي نبوية وقلتلها..
انزلي يا نبوية قولي للشغالة تجهز الاكل بقي احسن جوعت
فا تركت نبوية الكيس الي معاها علي الكرسي
ونزلت تطلبلي الغدا
وبمجرد ما نبوية خرجت من الباب
عملت نفسي اني دايخة وطلبت من امي كوباية مية بسكر
فا خرجت امي بسرعة تجيبلي كوباية المية
وفي اللحظة دي
قومت بسرعة وفتحت الكيس
وشوفت الي جواه
وللاسف..
لحظتها صدمتي كانت كبيرة
واتفزعت وكنت هرجع من الي شوفتة في الكيس
وبصراحة مش عارفة اقولهالكم ازاي
اذا مهما جمح خيالكم مش هتتخيلوا الكيس كان جواه ايه........ ؟
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا