رواية العشق الخفى الفصل الاول1 للكاتبة حنان حسن حصريه في مدونة قصر الروايات

 رواية العشق الخفى الفصل الاول1 للكاتبة حنان حسن حصريه في مدونة قصر الروايات 

رواية العشق الخفى الفصل الاول1 للكاتبة حنان حسن حصريه في مدونة قصر الروايات 

العشق الخفي  الجزء الاول  للكاتبة..حنان حسن  ليلة الخميس جوزي صحاني من النوم و قالي .. قومي بسرعة الحقيني احسن انا  م...&ولع...

العشق الخفي 

الجزء الاول 

للكاتبة..حنان حسن 

ليلة الخميس جوزي صحاني من النوم و قالي ..

قومي بسرعة الحقيني احسن انا  م...&ولع

لحظتها  اتعص..&بت واتدايقت  من بر..&وده  وعدم مراعاتة لشعوري..

وقلت لنفسي..

ازاي زوجي يطلب مني حقة الشرعي في الظروف دي؟

  مهو عارف اني حزينة علي اخويا  الشاب الي فقدتة من يومين..

طب حتي يراعي حزني علي اخويا الي مقدرتش اشوفة

بسبب عمايا

اصل انا

ضريرة (وفاقدة البصر)

المهم

 انف..&جرت في زوجي 

و قلتلة.. ا نت ايه يا اخي

للدرجادي مش قادر تراعي  الظروف الي انا فيها

دا ايه البرود ال......

و قبل ما اكمل في توبيخي له.. 

ايمن زوجي صرخ صرخات متتالية

وبعدها استغاث بيا 

وقالي..

بقولك انقذيني يا عبير

 ..النار محوطاني من جميع الاتجاهات حرفيا

  وثواني وجسمي  هيش..تعل

 وام...وت

فا رديت وانا مذعورة

وقلتلة..

 اية يا ايمن؟

مالك في اية؟

فا رد ايمن

وقالي..

اسمعيني كويس وركزي في الي هقولهلك

انا مهدد بالم..&وت حر..&قا

 ومحدش يقدر ينقذني غيرك

وفجاءة شعرت بيد مسكت ايدي اليمين  

ووضعت فيها  شيئ شبية بالكوباية الزجاج

وبعدها...نفس اليد مسكت ايدي الشمال

ووضعت فيها شوية اوراق

فا رديت بسرعة

وقلتلة..

ايه الي انت حطيتة في ايدي دا يا ايمن ؟

فارد زوجي ايمن  وهو بيتألم

وقالي.. 

انا محطتش حاجة في ايدك

دا شاكر زوجك  هو الي حطهالك في ايدك

اصل شاكر  بيهد...&دني 

اني لو ما اجبرتك..&يش

 علي تنفيذ طلباتة

 هي...&قتلني

ويق..تلك

فا رديت بدهشة

وقلتلة..زوجي شاكر؟

تقصد المرحوم شاكر زوجي

 الي كنت متزوجة منه قبل ما اتزوجك ؟

فا رد ايمن

وقالي...ايوه هو

فا رديت بسخرية

وقلتلة...انت شارب حاجة يا ايمن ؟...

 شاكر مات من زمان

 الله يرحمة

يبقي ازاي بتقول انه بيهددك؟

فا رد ايمن

وقالي..

صدقيني شاكر  واقف ادامي

وطالب مني اوصلك رسالتة

اسمعيها ونفذيها بسرعة قبل ما الن..&ار تخلص عليا

فسالت ايمن بسخرية

وقلتلة..وايه هي الرسالة بقي ان شاء الله؟

فا رد ايمن وهو بيتألم

وقالي..

شاكر بيؤمرك..

تعملي للعمدة (عمل)

والعمل يكون بالمرض

بحيث يم..&وت في خلال شهر بالكتير

بعدما سمعت الطلب

كنت ناوية اقاطع ايمن  واعترض علي الجر...&يمة  الي بيطلبها مني

لكن

ايمن وقفني

وقالي...اصبري لما تسمعي اخر كلام شاكر

واسترسل ايمن في كلامة

وقالي

انتي عارفة يا عبير ان العمدة دا يبقي اخويا وصعب عليا اني اطلب منك تعملي في اخويا كدا

لكن شاكر بيهد...دني 

 انا وانتي

وبيقولك ان

المية الي في الكوباية.. 

هتكون بمثابة عقد اتفاق بينك وبين شاكر 

هتشربيها في حالة لو وافقتي

انك تخلصية من العمدة

انما بقي لو رفضتي

فا هيعاقبك بالم..&وت خلال شهر

يعني هت..&موتي

 بدل العمدة

فا رديت بعند

وانا بستعد لرمي الحاجة الي في ايدي

وقلتلة..

انا بقي افضل اني اموت عن اني اتسبب في موت  اي شخص 

فا رد ايمن

وقالي..

شاكر بيقولك طالما اختارتي الموت

يبقي لازم توقعي علي الاوراق الي في ايدك الاول

واخد ايدي في ايده وبصمني بالقوة

في اللحظة دي سالت ايمن بفضول

وقلت..اوراق ايه دي؟

فا رد ايمن

وقالي..

الاوراق عبارة عن اعتراف...ووصية

بالنسبة للاعتراف

فا انتي وقعتي علي اعتراف منك بتخطيطك لقتل العمدة

وبالنسبة " للوصية"

فا الوصية... 

انتي بتتنازلي فيها عن املاكك كلها لشخصين 

الشخص الاول هو... امك

والشخص التاني لزوجك ايمن (انا)

في اللحظة دي

اتعصبت..لاني فهمت دماغ ايمن وعرفتة علي حقيقتة

وقلت لنفسي 

واضح جدا ان ايمن كان طمعان في اموالي الي ورثتها عن زوجي السابق وطمعان كمان في اموال اخوه العمدة

عشان كده بيعمل التمثيلية دي كلها

وعمال يخترعلي في عفاريت وحوارات كدابة

عشان يقتل اخوه ويورطني انا في قتلة

وبمجرد ما ادركت حقيقة زوجي المخ..&ادع

بدات احرك ايدي عشان ارمي الكوباية والاوراق علي الارض

فا استغاث بيا ايمن وفضل يحذرني من اني ارمي الكوباية علي الارض

وقالي..ان السائل الي في الكوباية لو وقع علي الارض هيساعد علي اشتعال النار في جسدة وهيقضي علية تماما

 فا رفضت اسمع تاني لكدبة

وقررت اعرفة ردي النهائي

وقلتلة... 

انت بتكدب يا ايمن

لان مش من المنطقي ان شاكر يطلعلة عفريت فجاءة كده

ولو صدقت ان  عفريت شاكر موجود فعلا

فا استحالة ان عفريت شاكر  يطلب مني اكتب وصيتي

ويجبرني كمان اني اتنازلك فيها عن نصف التركة

اسفة يا ايمن مش مصدقاك

واثناء ما كنت بختم بالجملة الاخيرة

رميت الورق والكوباية

علي الارض 

وكنت ناوية اغادر الغرفة والبيت كلة واروح بيت اهلي

لكن...بمجرد ما الكوباية وقعت علي الارض 

سمعت صوت ارتطام الزجاج بالارض 

وسمعت معاه صراخات ايمن

 والغريبة اني سمعت مع صوتة..صوت شبيه بوهج النار 

وشعرت كمان بحرارة عالية جدا 

دا غير رائحة الشياط الي انتشرت فجاءة

وكل دا اكدلي ان النار بتحاوطني في الغرفة 

في اللحظة دي 

حاولت اني اتحسس طريقي للباب عشان اهرب من الغرفة قبل ما اتصاب بالاختناق

لكن...بمجرد ما مشيت خطوتين اتكعبلت بشيئ علي الارض

ولما تلمست الشيئ دا

اكتشفت انها جثة شخص

(بني ادم)

ودا زود من ذعري اكتر

فا فضلت اصرخ واقول 

الحقوني

لكن للاسف محدش سمعني 

فا حاولت اقوم تاني

 واتحسس طريقي للخروج

وفعلا قومت وفضلت اتحسس الطريق

لغاية ما وصلت لباب الغرفة

وبسرعة حاولت افتحة

لكن...للاسف الباب كان مقفول بالمفتاح

فا فهمت اني خلاص انتهيت

وحياتي انتهت هنا

وفي اللخظة دي 

مكنش ادامي غير اني استسلم ...واستغل الللحظات الي فاضلة ليا في نطق الشهادة

وبمجرد ما  نطقت الشهادتين

 لقيت حالة الاختناق  بتزيد 

فا اترميت علي الارض

و شعرت باني بغيب عن الدنيا

وكنت متأكدة اني هفارق الحياة ما بين لحظة والتانية

لكن ...فجاءة 

سمعت صوت حركة المفتاح وهو بيدور في الباب

وبعد لحظات شعرت بذراعان قويان بيحملاني  من علي الارض...

وعرفت ساعتها ان الذراعان القوية كانت لشخص شهم حاول ينقذني من المو...&ت

وكان نفسي اعرف مين المنقذ دا بس للاسف معرفتش لاني اصيبت بالاختناق و غيبت عن الوعي

المهم..

بعد فترة من الوقت 

فوقت وسمعت حواليا اصوات ناس كتير

وعرفت بعدها اني كان مغمي عليا في الشارع...

وتحديدا كنت مستلقية في سيارة اسعاف امام بيتنا الي بيتحرق

ودا عرفتة من احد المسعفين

الي كان بيحاول يفوقني

و ساعتها عرفت منه

  ان المطافي والاسعاف ورجال الشرطة 

كانوا وصلوا للمكان وبيشوفوا شغلهم

وبعد شوية

سمعتهم وهما بيتكلموا مع شخص و بيقولوا له انهم خرجوا من البيت جثة شاب فارق الحياة 

 وقالوا ان الجثة تفحمت لكن الراس والوجه لم تطالهم النار

 ودا معناه ان الجثة يسهل 

التعرف عليها

والي فهمتة من كلامهم. انهم وضعوا الجثة علي الارض بجوار سيارة الاسعاف الي انا كنت مستلقية فيها

ساعتها استرعي انتباهي صوت شخص انا عارفاه كويس

وهو صوت العمدة الي كان بيرد عليهم

وبيقولهم..

طالما بتقولوا ان الجثة سليمة ومش متفحمة

خلوني اشوفها يمكن اتعرف علي صاحبها

ويظهر انهم وافقوا علي طلبة

لان الصمت ساد بينهم للحظات

لحظتها سالت نفسي

وقلت..

ياتري مين الشاب الي لقوا جثتة في البيت دا؟

يكونش دا ضحية جديدة من ضحايا ايمن زوجي؟

بصراحة فضولي ساعتها 

كان طاغي علي حالة الرعب الي كنت فيها

وكنت عايزة اعرف جثة مين الي لقوها في البيت؟

وفضلت اترقب اللحظة الي هينطق فيها العمدة ويكشف عن هوية صاحب الجثة

وفعلا 

بعد لحظات   سمعت صوت

" العمدة"

( شقيق ايمن زوجي)

الي كان بيتكلم بمنتهي الحزن

بعدما اتعرف علي الجثة

وقالهم...

الجثة دي تبقي....

 جثة

( ايمن اخويا)

في اللحظة دي 

صدمتي كانت شديدة

لدرجة اني مقدرتش استوعب الي سمعتة

اصل لو دي فعلا جثة ايمن زوجي .. هتبقي كارثة

ومش اي كارثة

دا كده الاحداث هتبقي بتتكرر

والبلد كلها  هتقول ان وشي شؤم علي كل راجل بتزوجة

عارفين ليه هيقولوا اني بومة ووش شؤم؟

حاضر  هفهمكم كل حاجة

 وهسردلكم باقي الاحداث الفظيعة الي جاية

بس الاول هعرفكم بنفسي ع السريع كدا

انا اسمي عبير

السن ٢٥ سنة

قصتي بتبدء من بعدما ابويا اتوفي وتركني انا وامي واخويا الوحيد (محفوظ)

اخويا ايامها كان لسة في الابتدائي

و انا كنت عروسة علي وش جواز

وللاسف بعدما ابويا رحل الحال ضاق بينا...

فاضطريت اتجوز اول عريس يخبط علي بابنا

والعريس كان راجل عجوز وثري

 لكن.. عشرتة كانت لاتطاق

لانة كان عصبي ..وقاس..ي

 وبخيل ...

والجوازة كلها كانت  غلطة كبيرة انا غلطتها في حياتي

وللاسف لما حاولت اصلح الغلطة دي ..

واطلب الطلاق

شاكر زوجي حبسني وقفل عليا الابواب

ومنع اهلي يزوروني 

وكان بي...&عذب  فيا باستمرار..

وفضلت صابرة علي المرار دا

لغاية ما في ليلة..صحيت  علي صوت صراخ الجيران 

وسمعتهم وهما بيقولوا ان بيت شاكر بيحترق

فا حاولت اخرج

 لكن مقدرتش لان زوجي كان قافل الباب من بره

وللاسف وقعت فريسة للنيران

 الي وصلتلي من خلال السقف

اصل السقف عندنا في الفلاحين كان معمول من عروق الخشب وخوص الاشجار

المهم..

 فجاءة لقيت جزء من السقف بيقع  عليا

يومها الجيران  انقذوني وجريو بيا علي الوحدة الصحية 

  في اليوم دا  للاسف 

نجيت بحياتي لكن  فقدت بصري

وبالرغم من ان مصيبتي كانت كبيرة 

لكن حمدت ربنا 

علي الاقل  حالي كان احسن بكتير من حال شاكر

الي خرج  من البيت جثة هامدة

ودفنوة بعدها 

والغريبة ان حالي ساعتها كان مفروض يصعب علي الناس 

لكن...الناس ايامها كانوا بيحسدوني بسبب موت شاكر

وطلعوا عليا اشاعة 

 اني ورثت كنز علي بابا

اصل  شاكر طلع غني جدا

وورثت فعلا عنة اموال طائلة

بس مكنتش بهتم بكلام الناس

وقفلت علي نفسي تماما

اصلي كنت فاكرة ان عمايا قطع  علاقتي بالدنيا وملاذتها

لكن ..

بعد مرور شهور عدتي

 اتفاجئت با ايمن  اخو العمدة بيطلب ايدي من امي

 بحجة انه كان معجب بيا من زمان

وفهمنا ان اهله كلهم مرحبين بجوازه مني

وطبعا امي وافقت ورحبت

واتزوجنا انا وايمن بالفعل

لكن...الي عرفتة بعد كده

ان العمدة كان معارض زواج اخوه من البداية..

والعمدة يبقي شقيق ايمن الكبير

وبالرغم من ان الفارق في السن بين ايمن واخوه العمدة سنتين فقط

لكن العمدة كان معروف عنة انه  بيتمتع بشخصية قوية وهيبة ...كريزما 

وفوق دا كلة 

كان بيتمتع با احترام الناس وحبهم له

 والكل بيشهدله انه شهم وحقاني وراجل بمعني الكلمة

اما عن حالتة الاجتماعية

فهو ارمل 

ورافض يتزوج بعد ما زوجتة اصابها المرض وماتت

المهم

نرجع لايمن زوجي

بعدما العمدة كان معترض علي زواجي انا وايمن

وافق علي مضض بعد ما عرف ان اخوه ايمن اصابة المرض

اصل ايمن اصابة المرض  فجاءة

بعد ما كتبنا الكتاب مباشرة

والمرض كان  في الجزء الاسفل من جسدة وافقدة الحركة تماما

المهم..

عيشت مع ايمن كام شهر بعد الجواز بدون ما يلمسني 

وفضلت ادعيلة بالشفاء

 لغاية ما ربنا  استجاب لدعائي

 وحصل الشفاء اخيرا

يومها مصدقت ان امي جت تزورني 

وقلتلها افرحي يا امي 

 زوجي ربنا تمم شفاءة

لكن..

لحظتها لقيت امي حزينة ومغمومة

ولما سالتها

وقلتلها مالك يا امي 

قالتلي..انها شافت المرحوم زوجي  شاكر   في المنام

 وبتقول ان شاكر قالها...

ان محفوظ اخويا 

هيموت يوم الثلاثاء

فا فضلت اهزر مع امي واقولها ..بقي هو دا الي مزعلك يا امي ؟

بسيطة ...ابقي اتغطي يا ولية قبل ما تنامي

 وفضلت اضحك واهرج  مع امي لاني كنت فاكراه مجرد حلم

لكن للاسف ...

الحلم اتحقق ومحفوظ اخويا مات في حادثة عربية

 ومات يوم الثلاثاء الي فات بالفعل زي ما شاكر قال

والليلة ايمن مات برضوا في الحريق زي ما شاكر قال

كده انا قولتلكم علي روايتي كلها 

وسردت لكم الاحداث السابقة في حياتي

دلوقتي بقي نرجع للمص..&يبة الجديدة

لان بم..&وت ايمن في الحريق

اهل البلد هيضموا الاحزان علي بعض

 وهيقولوا عليا بومة ووشي شؤم علي ازواجي

والمصيبة ان دي اقل المشاكل الي هتواحهني دلوقتي

لان طالما  الجثة طلعت جثة ايمن 

يبقي دامعناه ..

اني انا الي قتلت ايمن بالسائل الي ساعد علي الاشتعال

ومعناه كمان ان ايمن مكنش بيكدب في كل الي قالهولي

وطالما ايمن مكنش بيكدب يبقي عفريت شاكر موجود فعلا

وطالما عفريت شاكر موجود

يبقي انا مازلت ملزمة بقتل العمدة 

ولو رفضت اني اقتلة

فا شاكر هينفذ تهديدة ويقتلني في خلال شهر

ورجعت تاني اسأل نفسي

واقول..

بس ليه عفريت شاكر عايزني اقتل العمدة؟

واشمعني انا الي كلفني بالمهمة دي؟

وليه عفريت شاكر طالب مني اكتب وصيتي لصالح ايمن؟ وامي؟

واشمعني الاتنين دول بالذات الي عايزني اكتبلهم وصيتي واتركلهم كل ما املك ؟

ولية....؟

واثناء ما كنت بغوص في بحر من الاسألة الي مكنش لها اي اجابة

سمعت صوت العمدة

وهو تقريبا بيتهمني بقتل اخوه

وبيقول للضابط..

انا عايز اعرف ازاي اخويا السليم يموت في الحريق وازاي زوجتة الضريرة تنجي من النار وتطلع صاغ سليم كدا

فا انتبهت من شرودي اخيرا

لكن مقدرتش ادافع عن نفسي

فا سمعت ضابط المباحث بيعيد عليا سؤالة  الي كان فاكرني مفهمتوش

وبيقولي...

اسمعي يا عبير

عايز اعرف الحريق حصل ازاي؟

وازاي لما وصلنا لقيناكي امام الباب الخارجي للبيت؟

وازاي نجيتي من النار و انتي  كفيفة؟

وزوجك السليم لقيناه محترق بالداخل ؟

في اللحظة دي

لقيتني مضطرة اكدب للاسف

لاني لو  قولت الحقيقة  هيوجهولي تهمة قتل ايمن

فا رديت وقلتلهم..اني معرفش ايه كان سبب اشتعال النار

كل الي حصل اني بمجرد ما شميت ريحة الشياط و شعرت بوهج النار 

شعرت بالاختناق

واثناء ما كنت بحتضر

شعرت  بشخص بيحملني بين ذراعة و معرفش ايه الي حصل بعد كده

 لاني غيبت عن الوعي لحظتها

 ولما فوقت لقيتني معاكم  هنا

بعدما  العمدة سمع اقوالي

لقيتة بيسألني بسخرية

وبيقولي...وياتري مين البطل  الخارق  الي انقذك من الموت وساب اخويا في النار يا عبير؟

فا رديت بمنتهي التوتر

وقلتلة...

اكيد الي انقذني هو جوزي ايمن طبعا

فا رد الضابط

وقالي...ازاي ايمن هو الي انقذك 

ورجال الاطفاء بيقولوا انهم وجدوا جثتة في غرفة نومكم؟

في اللحظة دي

حسيت ان لساني اتخرس

وقلت اني اتكشفت

والافضل اني اعترفلهم بكل حاجة بدل البهدلة

لكن...

قبل ما انطق بكلمة

سمعت صوت راجل غريب

بيرد علي الصابط والعمدة  بدلا مني

والشخص دا كنت اول مره اسمع صوتة

وسمعتة بيقول..

انا عندي شهادة عايزة اقولها 

فا رد الضابط

وسالة

وقال ..ممكن اعرف مين حضرتك؟

فا رد الشاهد المجهول

وقال...انا جار استاذ ايمن

وانا بعنيا شوفت استاذ ايمن وهو بيحمل المدام الي واقفة ادامي دي

 وبينقذها من النار 

وبعدما خرجها بره البيت 

 تركها امام الباب ودخل يجري علي بيتة تاني 

مع انه كان  بيحترق تاني

ساعتها انا قولت لنفسي

...يمكن يكون استاذ  ايمن بعدما انقذ زوجتة و خرجها بره 

 افتكر فلوس او حاجة مهمة في منزلة

 فا رجع تاني لداخل المنزل عشان يجيب حاجتة وهيخرج تاني 

لكن..يظهر ان النار حاوطتة وهو جوه  ..ومات

بعدما استمع الضابط لشاهد العيان 

 رد الضابط

علي الشاهد

وقالة.. 

تمام..ياريت توقع علي اقولك دي في المحضر

فا رد الشاهد 

وقال...تحت امرك طبعا

في اللحظة دي

بقيت واقفة مش فاهمة حاجة

وبالرغم من ان شهادة الراجل دا جت في وقتها واتقذتني

لكن كنت محتارة وهتجنن

وفضلت اسأل نفسي

واقول..

مين الشاهد الي بيكدب وبيقول انه شاف ايمن  وهو بينقذني دا؟

اذا كان ايمن مات قبل ما اخرج من الغرفة

 وايمن مات بسببي اصلا

واية مصلحة الشاهد انه يشهد زور؟

عموما كويس انه شهد في صفي 

اهو دلوقتي لو تقرير الطب الشرعي اثبت ان الحريق كان بسبب السائل الي كان في الكوباية اياها

شهادة الراجل دا هتبعد عني اي تهمة

واثناء ما كنت بحمد ربنا

علي النجاه اخيرا

لقيت العمدة بجلالة قدرة

جاي بيهمس في ودني معتذرا

وبيقولي

متزعليش يا عبير

حزني علي اخويا خلاني مش عارف بقول ايه

فا رديت بخجل

وقلتلة...خلاص انا مش زعلانة

بس من فضلك متبقاش تتهم الناس بدون دليل بعد كده

وفي اللحظة دي انتظرت اسمع اعتذار العمدة للمرة التانية

 لكن فجاءة 

بدل ما اسمع صوت العمدة

سمعت صوت راجل غريب بيقول  للضابط

لقينا الاوراق دي في وسط الحريق يا فندم..........

تكملة الرواية من هناااااااا