رواية اغتصاب حالمة الفصل السابع عشر 17بقلم الكاتبه سلمى سمير حصريه في مدونة قصر الروايات

رواية اغتصاب حالمة الفصل السابع عشر 17بقلم الكاتبه سلمى سمير حصريه في مدونة قصر الروايات

رواية اغتصاب حالمة الفصل السابع عشر 17بقلم الكاتبه سلمى سمير حصريه في مدونة قصر الروايات

رواية اغتصاب حالمة/الفصل السابع عشر

 سلمى سمير

#الهاربة

#البارت_السابع_عشر

**__***___***___***_&&&&

 يتوعد إلياس عبير بإراقت دمها أمام أبيه الذي يصدمه بموقفه  منه و يقول لابنه بحدة وغضب"

إلياس اطلع بره مش عايز اشوف وشك، غير ومراتك معاك وبخير قبل كده انسى ان أبوك

ولعلمك مش بحمل عليك لكن زي ما سمعت ليك لازم اسمع لعبير ، لأنها تربية ايدى زيك بالظبط ، ولو غلطت يبقي الغلط منك مش منها ، لانك الراجل وواجب عليك القوامه عليها

الست متهربش من جوزها غير لو حست بالإهمال وعدم الاهتمام او للطمع، وعبير مش طماعة يبقي انت اهملت فيها وفي حقوقها عليك او يمكن عاملتها بعنف كرهتها في نفسها وفي حياتها معاك ، أقسم إنك احتويت مراتك وكنت حنون عليها  كنفسها مش مجرد جسد تستبيحه بشرع الله

يضغط إلياس علي فكه  بغيظ ويجز علي أسنانه بغضب "

لا يابابا مكنتش راجل معاها  لاني لو كنت راجل كنت مليت  عينها، لاني احترمتها واحترمت خصوصياتها مفرضتش نفسي عليها غير برضاه، لكنها مستاهلتش اعاملها كده كان لازم اكون معاها كزوج ليها عليها حقوق تلبيها وبس، يظهر الحنان والطيبه منفعوش معاها ، الف خسارة عاملتها بما يرضي الله وعاملتني هي بما لا يرضي الله ، وخرجت عن طوعي وهربت ، ومبقاش ليها عندى غير شرفي اللي مرمطته بهروبها مع ابن خالتها

سامع يا بابا هروبها مع راجل بعد ما كانت في حضني سابتني وهربت مع راجل غريب زي ما عملت أمها ،هي دي تربيتك ولا دم مديحة اللي بيجري في دمها 

ينهار عرفان من حديث ابنه ويجلس واجمآ"

يا إلياس انت ليه مصر تدمر كل احلامي في اني احمل حفيد ليك انت وعبير، لو بتحب ابوك بجد  اسمع منها قبل ما تأذيها وتفتري عليها، كفاية أول مرة هربت منك سبتها بمزاجك مش المرادى كمان، كان واجب عليك تردها ليك من اول مرة هربت بس انت  بتخليك عنها ، حسستها ان ده من حقها تهرب منك مدام مرتاحتش معاك فهمها يعني ايه جواز وبعد كده حاسبها 

متنساش ان ملهاش أم تفهمها الصح من الغلط، مديحة وجودها في حياة عبير كارثة قولت اية"

يقطب ما بين حاجبيه ويتنهدا بقوة"

اسف يا بابا عبير مش صغيرة ولا جاهلة، زمان كنت ممكن اسامحها لكن حاليا لاء، وبعد اللي كان بينا واللي قالته، كل ده يأكد انها كبيرة كفاية علشان تفرق بين زمان وبين دلوقتي، أنا مش هحاسبها علي غلطتها الأولي لكن مستحيل اسامح في غلطتها التانية ، دى هربت مع واحد كان بيتمناها الزمت نفسها ليه ،ويا عالم كان بينهم أية .

سامحيني يا بابا قراري مش هتنازل عنه وعبير باللي عملته بقت عار ولازم اغسله بدمها 

يحدق ابيها فيه بذعر ليصرخ عليه"

اقسم بجلال الله لو مسيت عبير بسوء لا انت ابن ولا اعرفك واتفضل غور من قدامي مش طايق اشوف وشك 

يبتسم إلياس بتهكم محدثآ  ابيه بعصبية"

اتوقعت كل ده منك، بعد اللي عملته معايا زمان وقت مشكلتي مع ابوها، دايما بترخص فيا وفي حقي منهم، لكن المرادى يا بابا مش هتنازل وطريقتك معايا ،هتخليني اصمم اكثر علي

موقفي  لأنك دايما بتظلمني وبتتحامل عليا زيادة عن اللزوم علشان ناس مشفتوش منهم غير الإساءة ليا والتقليل مني "

ولتاني مرة هقولهالك يا بابا ، أسف عبير انتهت من حياتي كزوجه أو أنسانة لها وجود في الحياة

وبالنسبه لغضبك مني أنا هريحك من وجودى وهخلي سارة تنزل اعيش معاك مدام مستغني عني لدرجة دي

سلام يا والدي،

يخرج ويتركه حزين علي خسارته لأبنه وحبيبة قلبها عبير

**************

بعد مرور خمس شهور 

تطرق سارة بقوة باب شقة إلياس لعلها تستطيع الحديث معه بعد رفضه الرد علي أتصالاتها بعد عودتها لمصر لرعاية أبيها"

يفتح إلياس الباب مكفهرآ الوجه حزين، ذلك  بعد ان اطلق لحيته وصار شخص اخر كئيب "

تشهق سارة من هيئة اخيها  لتصيح بجزع قائلة"

إلياس انت عامل في نفسك كده ليه ،مش معقول الكام شهر اللي عشتهم مع عبير غيروك،دا بعد فراق ٥ سنين مكنتش كده  معقول بعد ٥شهور توصل للحالة دي، اية حبيتها للدرجادى ،

يضحك إلياس ضحكة عالية ساخرة ومتهكمة "

أحبها ، احب مين يا سارة اللي طعنتي في رجولتي وشرفي

بجد انت غريبة، مش معقول متصورة ان انا وصلت للحالة دي بسببها ، يمكن  سبب في جزء لكني حزين علي موقف بابا مني وتخليه عني علشانها،وهي من يوم ما ظهرت في حياتي 

كانت سبب مباشر لتدمير طموحي ومستقبلي

وفي الاخر تمس كرامتي لما تكون في حضني واصحى من النوم وانا لسه حاسس بدفاها واعرف انها هربت مع راجل تاني دي يتقال عليها ايه غير خاينه"

انا مش هرتاح غير لما اقتلها بايدى، وخلاص عرفت مكانها

وحظك حلو انك حضرتي دلوقتي ،لان كمان ساعتين هكون في الطيارة المسافرة  لإيطاليا 

تطلعت اليه بفزع وهتفت بحدة"

إلياس انت بتقول اية ، هتسافر علشان تقتل عبير انا مش متخيله انك ممكن تقتل حيوان ، تقوم تقتل انسان ومين مراتك ، اكيد انا بحلم ، إلياس متخليش اللي عملته عبير يغيرك بالعكس انت لازم تأكد لنفسك ولينا انك صح،

طلقها واخلص منها زي ما ابوها عمل مع امها، سيب العار لابوها و هو يخلص منها بطريقته، لكن انت إلياس الحنون الطيب اللي عمره ما اذي انسان تتحول لقاتل علشان ايه واحدة لاء يا عبير، ثم انت عارف يعني ايه تعمل جريمة في دولة اجنبية انت  كمان بتحرمني من مساعدتك

اسمع كلامي يا اخويا ةبلاش تتهور، طلق عبير وانساها ، انت لسه شاب والمستقبل قدامك بلاش تدمر كل ده في لحظة غضب وبعدها  هتندم  ورحمة ماما بلاش 

يبتسم إلياس بالم وحزن يقتل روحه ويقطع الانفاس ليصل به الي حد الاختناق من مجرد ذكر اسمها ليصيح بعصبية"

اي مستقبل وبابا اعتبرني مش ابنه واتبرى مني، اي مستقبل وحلمي في مشروعي حرماني من كل ميراثي بسبب الطفله اللي اتجوزتها، وكان جواز بالغصب ياريته برضايا كنت اتحملت ذنب اختياري، 

وفي الاخر تهرب مني بدون اي سبب غير انها انسانه وقحه ومش متربية وخاينه زي امها ،

انا خلاص مستقبلي ضاع ومبقاش فارق معايا غير اني ارد كرامتي باهدار دمها ولو سمحتي ياسارة متحوليش ترجعيني عن قراراي لاني مش هتراجع مهما حصل

تنهار باكية وهي تجلس علي أقرب مقعد لتقول بحزن "

لية كده يا الياس ،  اللي يشوف افعالك يقول باقي عليها

يصرخ بصياح غاضب"

افهموا دي كرامتي وكبريائي ورجولتي اللي داست عليهم ،لو كانت فضلت علي قرارها ورفضاني كنت عذرتها وقلت مش قادرة تتقبل حياتها معايا  ، لكن كانت في حضني كالعاشقة، اديتني من احساسها ومشاعرها الكذابة بسخاء وعشق  خليتني اتصور اني الراجل الوحيد في حياتها، 

لكن بهروبها خلاني اتاكد انها متمرسه واللي قدرت تمثل عليا البراءة لحد ما تهرب تقدر تخون وبكل سهوله زي ما عملت 

فارجوكي افهمي معاناتي انا راجل طعن في شرفه ورجولته بخداع ومكر عمري ما اتوقعته منها 

تنهض سارة وتحتضنه بقوة لتخفف عنه احساسها بالغدر"

انا فاهمه والله بس بحاول اخرجك من حالتك دي وتفكر بمستقبلك وحياتك كفاية اللي ضيعته لحد كده

يبتعد عنها إلياس ليدخل غرفته يجهز نفسه للسفر تلحقه اخته وتساله بقلق"

انت وصلت ليها ازاي وعرفت انها في ايطاليا من مين

يعطيها مجله مفتوحه علي  صفحة عروض ازياء عالمية" 

اتفضلي الهانم بتلف العالم من  عرض لعرض وهتروح لعرض مشهور في ايطاليا  شوفي كاتبين ايه عندك

تقوم العارضة المصرية ريري رحيم بعرض الموديل الختامي لدار دولتشي الايطالية وذلك بعد نجاحها المبهر في كل من دور الازياء التي قدمت العرض فيها بكل من باريس ومدريد حتي طلب منها بيت الازياء  دولتشي بان تقوم بتقديم العرض الختام لهم، ليثبت نجاحها واستحسان الجمهور لها

تقرأ سارة المجله وتهز رأسها بحيرة لاخيها"

بس العرض ده كان من ثلاث شهور وانا كنت ناوية احضره، بس رجعت لمصر بعد ما طلبت مني ارجع اعتني ببابا

يجذب منها إلياس المجله صائحآ فيها"

انت بتقولي ايه المجله دي بتاعة امبارح، مش معقول لحقت قدمت العرض وسافرت مش من ثلاث شهور زي ما بتقولي

تربت عليه توسيه وتزيل الفزع من نفسه المتعبة"

اهدى يا إلياس الريبورتاج ده القاء الضوء علي دور الازياء

مش عن الحاضر، افتح النت واقرأ عن عرض ازياء دولتشي

هتلاقيها من ٣ شهور ،انا استغربت انك بتقولها انها في ايطاليا 

لاني سمعت انها في امريكا حاليا ، ويمكن تكون في السويد

لحضور دورات تدريبية، 

انساها يا إلياس عبير لما سابت مصر فكرت في نفسها بس ونسيتك ، وكفاية الثلاث قضايا الطلاق والخلع اللي رفعتها عليك، كانت سبب في ان بابا يتنازل عن عناده معاك

ارجع معايا وخليها متعلقه كده لحد ما ترجعلك ندمانة وتطلب السماح وكفاية انها طول ماهي علي ذمتك مش هتقدر تتجوز وتعيش حياتها عكسك انت تقدر تتجوز ويكون ليك اسرة

يقبض علي يداه بقوة ويضرب الحائط بعنف"

مش هتتجوز صحيح لكن هتخون وتمرمط شرفي زيادة

تحتضنه بقوة لتمنعه من اذية نفسه"

اهدى يا حبيبي سيبك منها  طلقها وارميها، اللي  نهون عليه هو علينا اهون، انت مهندس ناجح وشاب وسيم والف واحدة تتمناك اتجوز وعيش لنفسك وانساها

يتنفس إلياس بعمق وينظر امامه بغضب كانه ينظر لعبير ليهتف بحقد مميت"

ماشي يا عبير بيني وبينك الايام ، ودمك حلالي مهما طال الوقت ، وقبلها هخليكي تتمني الموت الف مره ومش هتطوليه

**********

يسافر إلياس مع اخته إلي العزبة التي اشتاق  لها ،،من الأرض والخيل الذي يعشقه اوممارسة هوايته المفضلة وهي الصيد

يترك له أبيه ادارة العزبة كيفما يشاء وينفذ مشروعه الذي طالما حلم به"

ينغمس إلياس في مشروعه ويتناسي عبير مؤقتآ في خضم الوصول لتحقيق حلمه والغريب كانت مؤازرة عبد الرحيم له

وحرصه الدائم علي مساعدته لتنشأ بينهم رابط من نوع خاص

وتمر الايام وبعد مرور سنه بدا مشروعه يأتي ثماره

واصبح حديث الجميع ليعوض نجاحه جزء من كرامته المهدورة 

لكن هناك في فرنسا تنتهي عبير من  عرض احدى التصميمات الذي نال تصفيق حاد وقوى ليقابلها شوقي بقلق

تمتعض من نظرات الاستهجان التي تملأ عيناه "

هي وبعدين هو انت كل ما تشوف اعجاب الجمهور بيا تقلب وشك، بقولك ايه يا شوقي انا من يوم ما جيت هنا قولتلك انا هعيش لنفسي ولنجاحي ولو عايز ترجع ارجع وانساني ، وانت اللي اصريت تفضل معايا وتلف العالم  متجيش دلوقتي وتقلب وشك بعد ما وصلت لقمة نجاحي

يصفق لها شوقي ساخرآ من حديثها المغلووط"

بقي انا اللي فضلت معاكي،علشان اراعي شئونك واكون عينك الساهرة علي مصالحك ، واحميكي من اي استغلال ، وانظملك  وقتك وسفرياتك كل ده بدون كلمة شكر،  وفي الاخر تقوليلي  اني انا اللي فضلت افضل معاكي علشان الف العالم

الف خسارة يا عبير، للدرجة دي مش حسا بيا وبحبي ليكي 

وانتظاري لليوم اللي ربنا يجمعنا سوا ، اعملك اية اكثر من كده علشان تفهمي ان قربي منك هو كل منايا،ونفسي تخلصي 

من جوزك وتكوني ليا بقي تعبت ومليت الانتظار

تتافف عبير وهي تغير ثيابها خلف البرافان "

اعمل اية يا شوقي رفعت اكثر من ١٠ قضايا بين خلع وطلاق وكله اترفض لعدم حضورى ، قولي اطلق منه ازاي وانا هكون ليك ، لكن بلاش نظرات اللوم والعتاب اللي دايما بتحسسني باني اذنبت بحقك، اقولك ارجع مصر شوف اشغالك وانا لما اطلق هبلغك ونرتب لجوازنا بعدها

يرتجف شوقي بقلق وخوف ليهتف "

انزل من غيرك لاء، جوزك طول ما انتي علي ذمته مش هيحلني ،ولا ناسية انه حذرني اقرب منك، انتي لو بتحبيني تحاولي ننزل في نظر القضية اللي هنرفعها الاخيرة، والمحامي اكدلي بعد هجرك ليه مرتين هيحصل علي الطلاق من اول جلسه، ها قولتي ايه عبير انا تعبت والله

تخرج لتجلس امام طاولة الزينة لتمحي الميك اب من علي وجهها وتلم شعرها المفرود بانطلاقه علي ظهرها في ربطة علي شكل ديل حصان وتلبس شال علي فستانها "

طيب يلا روحني علشان مرهقه ولما ارتاح هبقي افكر في الموضوع ده بهدوء وياريت متنساش تحجز لينا تذاكر لاسبانيا عايزة اسافر قبل العرض بكام يوم محتاجه اغير جو 

مش كله  شغل شغل ، وبالمرة تعزمني ولا خلاص بطلت تعزمني زي زمان 

يتباطأ ذراعها وياخذها ويخرج ليفتح لها السيارة ويركب بجوارها قائلآ بابتسامة مرحه"

اعزمك واعزم كل اللي انتي عايزاه بس ترضي عليا

تضع يدها علي يده التي علي المقود وتقول له بابتسامه ساحرة وصوت عذب رقيق"

شوقي انت وجودك في حياتي نعمه، انت عارف كده كويس لان لولاك كنت رجعت مصر من تاني شهر وياعالم إلياس كان عمل فيا اية، دا انا قطعت صلتي بأصحابي  وماما خوفآ من انه يوصلي عن طريقهم، يعني من الاخر مليش غيرك

وكل ده لثقتي فيك ولوقفتك جانبي وتشجيعي ، فياريت تتحمل شوية إلياس في اخر ٣ قضايا رفعتها المحامي بلغني انه قاله لما يتم الطلاق يبلغه

يعني خلاص مبقتش فارقة معاه عكس الأول كان مصر يعرف مكاني فاهدى كده وكله بوقته

يسحب يده من تحت يدها ويجذبها الي فمه ويقبلها بحب"

وأنا معاكي هصبر العمر كله المهم تكوني ليا في الاخر

تبتسم له علي مضض"

باذن الله هروح منك فين يعني ، انا ليك ومش لحد غيرك بس أخلص من المصيبة جوزي  يلا بقي روحني لاني هلكانه

وترجع للخلف لتريح ظهرها وتغمض عيناها، لتذكر أخر لقاء لها مع إلياس وتبتسم وهي تتذكر لمساته الحانية علي جسدها

ترتجف وتفتح عيناها فجأة لتري نفسها امام منزله ،وشوقي يتأمل ملامحها برومانسية ويقترب منها كانه سيقبلها "

تحدق فيه بقوة صائحة بحدة"

انت كنت هتعمل ايه، اوعي يكون اللي في بالي

يتلجلج شوقي ويهتف بأرتباك ظاهر"

أسف يا عبير لكن  شكلك وانت نايمة والبسمه علي وجهك سرقت قلبي معرفش كنت هعمل كده ازاي 

تنتفض عبير بشدة وتصيح فيه بغضب"

عارف يا شوقي لو كنت عملتها مكنتش هقبل اعتذارك كنت محيتك من حياتي للأبد،لازم تفهم صحيح انا بكره إلياس، واستمراري معاه من رابع المستحيلات ، لكن استحاله اتقبل منك تلمسني او اكون زوجه خاينة فاهم، كفاية احساسي بغلطتي في حقه بهروبي معاك لكن بعد فوات الاوان 

يشعر شوقي بالتوتر  والاحترام من حديث عبير "

انت علي حق فعلا لو كنت عملت كده كان هيبقي ذنب لا يغتفر ، بس ياتري هو صان شرفك زي ما انتي بتحافظي عليه باستماته كده ،

تعتدل  لتاخذ شنطة يدها وتفتح باب السيارة وتترجل منها

لتدخل راسها من شباك السيارة هاتفة به"

ميهمنيش هو بيعمل إية ، المهم انا اكون قدام نفسي اية مش عايزة احس اني قليلة قدامه لو حصل واتقابلنا، عايزة ابقي قوية بافعالي وثقتي قي نفسي، 

يا شوقي مش هسمح لحد يكسرني تاني ابدا، او انا اكسر نفسي بأفعالي ، انا بعمل اللي يمليه عليا ضميري ، ده حق ربنا 

اني احافظ علي شرف الراجل اللي بحمل اسمه حتي لو هو ميستحقش ، انا بعامل ربنا بافعالي وهو شاهد عليا

يلا اتوكل  انت علي الله  ، واوعي تنسي  تذاكر السفر تصبح علي خير يا ابن خالتي 

تتركه وتصعد شقتها الغارقه في السكون تنير الاضاءة وتشغل ال TV علي القنوات المصرية وتدخل تاخذ شاور ليسترعي انتباهها وهي بالحمام صوت  تعرفه جيدا 

تخرج مسرعة لتراه امامها قنبلة وسامه ،حضور طاغي وعيون حادة غامضة خلي منها التعبير لتشرد به وفي ملامح وجهه التي اشتاقت إليها وتتمني ان تملس عليها وعلي شعيرات ذقنه الخفيفة وتمحي من عينه نظراته الحادة التي تخيفها 

لتعود من  شرودها علي صوته وهو يقول"

اكيد طبعا زوجتي هي  سبب مباشر لنجاحي لانه دائما بتدفعني للأمام  وكمان بتشجعني ، 

انا بعتبر نجاحي هي اساسه لاني بستمد قوتي منها سهام

بدون ان تشعر تغلق الTV  قبل ان يزيد في سرد عشقه لسهام وتنهار علي اقرب  مقعد غير مصدقا ما قال "

اصبح له زوجه طيب من امتي وازاي ولما هو اتجوز ليه مصر يخليني علي ذمته ايه عايز ينتقم مني،  الاولى ينتقم من نفسه  ليه قبل يتجوزني مادام عاشق لحبيبته الميته، وياتري سهام عارفه انه مازال عاشق ليها

حاضر يا إلياس انا هفضحك وهطلق منك غصب عنك وهتجوز شوقي لانه مخلص عنك 

ليرن فونها وتري رقم امها تتافف بضيق وترد عليها"

نعم ياماما خير بتتصلي ليه عايزة فلوس تاني

تضحك امها بمرح وفرح كبيرة"

لاء انا اللي هديلك فلوس ، الف مبروك يا حبيبة امك

اخير اصبحتي صاحبة ملك

لتزف إليها خبر وجع قلبها ولم يسعدها كم كانت تتصوره

لتصرخ قائلة مستحيل مات امتي،،،، ،!!!

         ☆☆☆●●●●☆☆☆☆

يتبع........

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا