رواية جريمة في قلب عاشق الفصل الرابع عشر 14 بقلم منال كريم حصريه في مدونة قصر الروايات
رواية جريمة في قلب عاشق الفصل الرابع عشر 14 بقلم منال كريم حصريه في مدونة قصر الروايات
#جريمة_في_قلب_عاشق
#الفصل_الرابع_عشر
بقلم منال كريم
_______________________
في المستشفى
كان سيف عاد من الخارج و يجلس مع دكتور ملك اللي كان متابع الحمل.
سأل سيف بتوتر: طلبت مني ارجع من المطار على المستشفى ،المفروض اكون برتاح في البيت دلوقتي ايه الموضوع المهم.
قال الدكتور بهدوء: أنا آسف يا دكتور سيف ،بس في موضوع شاغل تفكيري.
قال بهدوء: من غير اسف، موضوع ايه.
أجاب بهدوء: مدام ملك مرات كريم السيوفي
سأل بتوتر و خوفه: مالها.
أجاب بذهول: حضرتك التدهور اللي حصل في حالتها غريب ، من وقتها و أنا بشوف الفحوصات و التحاليل ، كل شيء طبيعي كانت عندي قبلها بيومين و الحالة مستقرة و كان احتمال كبيرة تكون ولادة طبيعية ، ازاي كل ده يحصل لازم كسيرية و مدام ملك وصلت هنا و الطفل كان ميت ، حالتها كانت تقول ، أنها ممكن تخسر حياتها ، كل ده ليه مش فاهم.
سأل بهدوء: عملت تحاليل ظهر حاجة مش طبيعيه.
أومأ رأسه اعتراضا و قال: كله طبيعي ، بس متأكد أن حاجة مجهولة.
قال سيف: سيب الموضوع عليا افكر فيا.
أومأ رأسه بالموافقة و قال: ارجع اقرا كل التحاليل تأني لأن الموضوع مش تمام.
خرج الطبيب و فكر سيف بصوت عالي: لو قولنا احتمال اللي حصل مع ملك فعل فاعل ، يبقي مين المستفيد أن الطفل يموت
جاب ورقة و قلم و كتب: سها، علا.
سها مسافرة و ريم و علا و حتي كريم بيقول مش بترد علي التلفيون ، يبقي سها مش عرفت حاجة عن كريم و أنه اتجوز.
علا عارفة كل حاجة بتحب كريم ,مجنونة بكريم مش حب عادي، تعمل اي حاجه علشان توصله.
طيب علا فكرت في إجهاض ملك، يبقي لازم يكون عن طريق الاكل و الشرب، علا ممنوعة من دخول الفيلا و الشركة و المطعم و الجيم و كل مكان يخص كريم.
عرفت علا توصل لحد من بيت كريم، دي تكون صعب، علا أجبن من أنها تغامر و تطلب كده.
و نهض من مقعده و يسير في الغرفة: نقول احتمال سها، سها أخبث ، اقوي، مش بتخاف سهل توصل لاي حد في البيت، و تكون علا مساعدتها لأنها في مصر ، طيب سها خططت علا جابت الدواء علشان يجهض ملك.
وقف قدم المرايا و قال بصوت عالي: الدواء وصل ازاي لملك.
سها سهل توصل لاي حد من بيت كريم، امشي وراء احتمال كده يا سيف يبقي.
سها خططت علا جابت الدواء ، سها كلمت حد من البيت ، علا وصلت الدواء لحد من جوة بيت كريم، لحد كده تمام.
وضع يده على رأسه و قال: مين ممكن يساعد سها ، اي حد من الحراس ممنوع يدخل الفيلا، عمي حسن و سامح ، ليهم توصل مع ملك، بس دول مستحيل يعملوا كده، طقم الحراس الخاص بملك كلهم مخلصين كريم مختارهم على الفرزة.
فاضل العاملين اللي جوة البيت، مدام نادية مستحيل ، يبقي حد من البنات ، مين ، مين ، مين، ريهام اشتغلت في البيت عن طريق سها، محدش يعرف عنها حاحة، و كريم وافق علشان خاف سها تزعل ، كده وأضحت
سها خططت علا جابت الدواء ، و أدت الدواء لريهام ، ريهام حطت الدواء في اي اكل او شرب لملك، و تم الإجهاض.
قال بغضب: ايه يا زبالة يا سها انتي و الحقيرة علا، اه لو كريم يشوفك على حقيقتك يا وطية مش مقدرة النعم ، و الله ما ارتاح الا لما اكشف وشك الحقيقي لكريم.
و غادر المستشفى متجه الى منزل كريم.
عند كريم
دفعها بقوة على السرير ، صرخت بألم و قالت بدموع: في ايه ، أنا عملت ايه.
القي الظرف في وجهها لتجد صور لها غير لائقة مع شاب، هي نفسها لا تتحمل النظر إلى الصور .
وضعت يدها على فمها بصدمة و قالت بدموع و خوف: كريم ، اسمعني أنا مش عملت حاجه
صرخ بعصبية: كاذبه انتي انسانه كاذبه فاهمة.
قالت بنفي و دموع شديدة: لا يا كريم مش كاذبة، والله العظيم ما عملت حاجه
قال بعصبية و جنون : اومال مين اللى عمل كده ، مين اللي في الصور دي.
قالت بدموع وخوف: والله العظيم ما عارفه حاجه ، بس مش انا اللي في الصور دي
جلس أمامها على الأرض و قال بدموع: ليه ، عملتي كده ليه.
أومأت رأسها بالنفي و قالت بدموع: مش أنا ، مش أنا.
قال بصوت ضعيف و حزين : مش انتي اللي في الصور صح.
أومأت رأسها بنعم.
أكمل بنفس النبرة و هي يخرج ورقة من الظرف: عارفة الورقة دي مكتوب فيها ايه، مكتوب أن ابني مش ابني.
صرخت بصوت عالي جدا: و الله العظيم كدب ، أنا مش خاينة ، أنا مش خاينة.
كانت سها تقف أمام باب الغرفة و عندما سمعت صرخات ملك.
فتحت الميك حتي تسمع علا
و كانهم يسمعون مقطوعة موسيقية.
بعد وقت ، توقف صوت صرخات ملك ، كان جميع من في المنزل حزين لأجل ملك الا سها.
ركضت إلى غرفتها
سها بشر: اظن كده الطريق بقا فاضي قدمك و أنا عملت اللي عليا دورك بقا تقربي لكريم.
علا بشر: انا قولتها كريم ليا أنا مهما طال الزمن.
سها ببرود: من غيري عمرك ما كنتي وصلتي
علا با اعجاب: انتي عبقريه فكره تجنن يا سها
قبل ذلك بضعة أيام
طلبت سها من ملك تذهب معها إلى المول و بعد إلحاح منها ذهبت ملك ، و هناك أصرت سها أن ملك تشتري ثياب من محل ريم ، و لما دخلت غرفة القياس كان تم وضع كاميرا مخفيه ،أخذوا لها بعض الصور ، و تم تركيب صور لملك مع شاب الكازينو، صور تجعل اي رجل يفقد اعصابه
و بمساعدة طيب مرتشدي تم تزوير تقرير أن عبدالله مش ابن كريم
علا بسعاده: أنا حساسه اني بسمع مزيكا
سها بسعاده: تصدقي أنا كمان
قالت علا: ابعت الفويسات دلوقتي.
قالت بشر: ايوه يمكن يقتلها و نخلص.
لم تكتفي سها و علا بالصور و تزوير تحليل الحمض النووي ، بلا من خلال بصمة صوت ملك و الذكاء الاصطناعي تم تركيب محادثات لملك.
فى غرفه كريم
وصلت له رساله
لكن لم ينظر، حتي وصلت رسائل كتيرة.
فتح اول رسالة و تاني و اكتر من خمس رسائل لصوت ملك و هي تقول كلام فظيع.
نظر لها بصدمة و قال: ايه ده.
كانت تعود إلى الخلف بخوف و قالت: أقسم بالله العظيم ، أنا مش عارفة ايه ده
قال بغضب شديد : ما انتي حلوة اهو اومال معي حياتك نكد في نكد ليه.
نهضت من مقعدها و مسكت يده و قالت: كريم أنا مستعدة احلف على كتاب ربنا أن الصور و الفويسات دي مش أنا.
كان يتنفس بصعوبة. قال : ابعدي عني ، ابعدي عني.
و غادر كريم من الغرفة
ام ملك تنام على الأرض وتأخذ وضع الطفله الصغيره
و تسال نفسها : ليه مش مكتوب عليا الفرحة.
اول ما خرج من الغرفة ، خرجت سها من غرفتها سريعا
و سالته بتمثيل الحزن: ممكن افهم فى ايه
كريم بتعب: مش قادر اتكلم
خرج كريم من المنزل
إلى المنزل التي كانت تجلس ملك فيها وهى مخطوفه لانه لا يوجد فيه احد
وصل سيف الفيلا ، سأل سامح: كريم جوه.
سامح بحزن: لا
سأل بتوتر: في حاجة
قال سامح: مش عارف بس كريم باشا ضرب مدام ملك و كمان خرج من البيت شكل في مصيبة.
سألت سيف: هي وصلت.
قال سامح بعدم فهم: مين
قال بعصبية: المصيبة ، سها وصلت.
أومأ رأسه بالموافقة و قال: من وقت ما جت و الدنيا مش تمام يا دكتور سيف.
قال سيف بغضب: و الله من قبل ما توصل، قولي ريهام جوة.
نظرت باستغراب و قال: ايوة ليه.
تنهد بحزن و قال: في مصائب حصلت لكريم و ملك و السبب الإنسانة الوحيدة اللي كريم يحبها ، اسمعني قول لمدام نادية عينها على ريهام فاهم يا سامح ، كريم في مصيدة كبيرة مفيش غيرنا يقف جنبه.
سامح: طيب فهمني.
قال سيف: ادخل اشوف المصيبة و اجي أقولك كل حاجة.
وقف سيف وسط المنزل أمام الدرج ، و قال بصوت عالي: سها ، سها.
نزلت بدلال و قالت ببرود: صوتك عالي ليه
قال بابتسامة: تعالي يا حلوة، تعالي يا قمر.
وقفت قدمه و قالت : نعم.
سأل بهدوء: من غير لف و دوران عملتي مصيبة ايه علشان كريم يضرب ملك.
قالت بدلال، وجاءت تضع يديها على خده بدلع، لكن هو ابتعد عنها : أنا يا سيف بتاعت مشاكل برضو..
نظر لها بوقاحة و قال: الصراحة بتاعت مشاكل وحاجات تانيه و أنا مليش في الحاجات التانية و حتي لو لي مش اغضب ربنا مع وواحدة زيك.
رفعت يديها حتي تصفعه لكن مسك أيدها بعنف و قال بغضب: فوقي يا حلوة ، أنا مش كريم اللي فاكر انك ملاك نازلة من السماء ، كل وساختك عندي مخدرات شرب علاقات..
جذبت ايديها بقوة و قالت: اطلع برة يا سيف
أبتسم بسخرية: كان بيت ابوكي و أنا مش عارف.
صعدت إلى غرفتها و هي تفكر في مصيبة لسيف.
أما سيف خرج تحدث مع سامح و ذهب إلى كريم.
وصل كريم إلى المنزل
صرخ كريم وظل يصرخ يصرخ حتي يفرغ كل الغضب الذي بداخله
وصل سيف إلى المنزل هو يعلم أن كريم يأتي إلى هنا لما يكون زعلان.
سيف لديه نسخه مفتاح دخل به
وجد كريم يجلس على الأرض ويبكي ويصرخ مثل الطفل الصغير
ذهب إليه وحضنه وبكي كريم بشده مثل الطفل الصغير في حضن الصديقه الذي يعتبره اخ.
بعد وقت
سيف بحزن: ممكن افهم في ايه
كريم بدموع: مفيش
سيف بهدوء: كريم أحنا اخوات يعني لو خبت على كل الناس لكن انا لا
قص كريم ل سيف لانه فى حاجه أن يتحدث مع أحد
سيف بهدوء:خلصت
كريم بتعب : ايوه
سيف بهدوء: أنت عبيط صح
كريم بعصبية: قصدك ايه
سيف بهدوء: قصدي أن ملك عمرها ما تعمل كده
كريم بعصبية: والصور و الفويسات و التحليل .
سيف بهدوء: ممكن تكون تركيب كل الحاجات دي سهلة دلوقتي.
قال بحزن: سيف أنا مخنوق اوي.
نظر له بحزن و لا يعلم ماذا يفعل؟
كانت مازلت تنام مثل ما هي
وبعدها شعرت بألم شديد في
تحملت على نفسها
دخلت ملك الحمام لتأخذ حمام دافئ يريح جسدها.
تقف بين يدي الله و قالت بدموع: يارب انصرني، يارب انصرني، ليه طول عمري مظلوم و الناس تكلم في شرفي، ياالله اني أشهدك اني مش مسامحة اي حد ساعد في الصورة و الفويسات و التحليل ، أنت عالم و عارف أني محافظة على شرفي و عمري ما خونت ديني قبل اي حاجه ، طول الوقت بعمل اللي يرضي الله ورسوله ، نصر من عندك يارب، نصر قريب أن شاء الله.
كان يعود من الخارج و هو يحمل هموم الكون.
كانت سها تجلس تبكي ، ركض إليها وجلس بجوارها بخوف و سأل برعب: في ايه يا حبيبتي.
نظرت له بدموع و قالت : مش تصدقني
قال بحنان: أنت اختي فاهمة يعني ايه، يعني اي علاقة ممكن تنتهي إلا انتي ، اختي ، حبيبتي اصدقك و اكدب الدنيا، علشانك اخسر اي حد.
قالت بدموع: على العموم في شاهد على كلامي، و أن سألت اي حد من الحراس تعرف أنه كان جوه.
سأل بعدم فهم: قصدك ايه.
فركت أيدها بتوتر و قالت بدموع: سيف حاول يتهجم عليا، لول ريهام جت كنت زماني ضعت يا كريم.
فتح عيونه بصدمة و سأل: سيف اخوي.
انهارت من البكاء.
نهض بعصبية و صرخ : سامح، سامح.
جاء سامح سريعا و سأل بخوف: نعم يا باشا.
سأل بغضب: سيف جه هنا و أنا و مش موجود.
لم يجيب شعر بالتوتر و الخوف من خدعة جديدة من سها.
صرخ بغضب: اخلص.
أجاب بتوتر: ايوه
قال بعصبية: دخل جوه
أومأ رأسه بنعم
سأل : قعد قد ايه.
أجاب : حاولي ربع ساعة حضرتك.
صرخ بصوت عالى: غور و حسابي معاكم بعدين.
قالت بدموع: صدقتني يا كريم.
أنت عارف سيف عمل كده ليه.
نظر حتي تكمل حديثها: بعد ما أنت خرجت قولت اروح اطمن على ملك، لقيت سيف معها في الاوضة، و يكلموا أن أمرهم اتكشف ، صاحبك بيخونك مع مراتك و علشان اسكت حاول يتعدي عليا، بس الحمد لله ريهام جت في الوقت المناسب.
كان لا يستطيع الوقوف ، جلس بتعب و قال: ازاي صاحبي مراتي، سيف اخوي، و هي ، هي مراتي.
همست له بشر مثل الشيطان الرجيم ما يسوس لانسان على فعل ذنب: اغسل شرفك يا كريم.
نظر في عيونها و لم يجيب ، كان يبكي مثل الطفل الصغير.
قالت بهدوء: طبعا تسأل نفسك، هي ملك كانت تخرج من البيت علشان تخونك، لا يا حبيبي هو كان يجي هنا ، في بيتك و علي سريك.
و كمان تسأل نفسك بس صور ملك مع شاب تاني، لان الصور دي لسيف و ملك و الشاب ده شافهم و صورهم ، عارف أمت لما كانت في البلد و هو مسافر في مؤتمر كانوا مع بعض ، طلب منهم فلوس سيف دفع، بس هي معرفتش تطلب منك ازاي فبدل وش سيف بوشه، كل ده سمعته لما كانوا يتكلموا مع بعض في الاوضة، بيقولها اوعي تخافي خليك يطلقك و نجوز أنا و انتي.
كان لم يجيب ، فقط يبكي ، بلا حديث.
مدت يدها بسكينة. قالت: أنت فلاح و ده شرفك و لازم تغسل عارك.
مسك السكينة و كان ضايع.
/////////////////////
من وجهه نظري كريم معذور في كتير زي كريم يحب شخص قريب منه و عمره ما يشك في ، سها مش حد غريب اخت كريم ، ازاي عقل كريم يصور أنها تعمل كل ده، اكتر حد صعبان عليا كريم.
أما سها للاسف برضو في منها كتير ، ديما طماعة و مش يهمها غير مصلحتها ، رغم أن كريم مش حرمها من حاجة الا هي طماعة و عايزة كل حاجة, فكرة ان كريم يخلف و يجيب وريث يورث كل الفلوس هي مش متقبلة.
و علا للاسف في منها كتير برضو حب تمتلك و مرضي تقبل تعيش مع حد مش يحبها بس أنه يكون ليها حتي لو تعايسة.
سيف برضو في منه اللي هو ديما يقول الحق لو على رقبته كريم حذروا كتير بلاش يتكلم عن سها بس هو في كل مرة يحذر كريم و كريم لا يرى و لا يسمع و لا يتكلم
أما ملوكة القمر بتاعتنا برضو في منها كتير دول اللي يقولوا عنهما ملهمش حظ ، كل ما تقولت تحلو تبوظ من ناحية تانية كأن مش مكتبلها الفرح.
اللي عايزة اقولوا كل الشخصيات ، شخصيات واقعية حتي الموقف تحصل في حياتنا و في شر غلب الروايات و الخيال بمراحل...
رايكم ايه 🤭
وللحديث بقية
#جريمة_في_قلب_عاشق
#روايات_بقلم_منال_كريم
🩷🩷🩷🩷🩷🩷🩷🩷
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل على سيدنا محمد وعلى ال سيدنا محمد
لا حول ولا قوه الا بالله العلي العظيم
🩷🩷🩷🩷🩷🩷🩷🩷
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا