رواية بائعة الخضار الفصل الثالث عشر 13بقلم محمد طه حصريه في مدونة قصر الروايات

رواية بائعة الخضار الفصل الثالث عشر 13بقلم محمد طه حصريه في مدونة قصر الروايات 

رواية بائعة الخضار الفصل الثالث عشر 13بقلم محمد طه حصريه في مدونة قصر الروايات 

البارت 13

#بائعة_الخضار 

_الهام بفزع وصوت عالي..ماااااااااااااااااازن 

_مازن..مازن هنا جنبك أهو يا الهام 

(الهام تاخده ف حضنها وتبلع ريقها وتستغفر لأنها شافت كابوس وحش جدا..بقلم..محمد طه..شافت مازن وهوا لابس البدله الحمرا وواخدينه على غرفه الإعد،ام عشان يعدموه) 

_الهام بأنفاس محبوسه..مش هسيب حد ياخدك مني..مش هسيب حد ياخدك مني..حتي لو هشيلها أنا مكانك..متنساش المتابعه والتفاعل ليصلك الجديد 

_مازن بدموع وهوا ف حضنها..مازن وحش..مازن وحش 

_الهام تهدئه..مازن لو مكنش عمل كده..كان هيبقي فعلا وحش..مازن عمل اللي المفروض كان يتعمل..وبعدين أنا عيزاك تنسي الموضوع دا خالص..وأكن مفيش حاجه حصلت..وأنا عيزاك توعدني لو شوفت حد بيقت،لني ما تتدخلش وتبعد 

_مازن بعياط..مازن مش هيوعد الهام بحاجه..واللي هيقرب من الهام..بقلم..محمد طه..مازن هيكون شرير..مازن هيكون شرير 

_الهام بتنهيده ألم ووجع..يا مازن المفروض أنا اللي أحميك..ما توجعش قلبي بقي وأعمل اللي أقولك عليه

_مازن بتجاهل لكلامها..مازن جعان..مازن عايز ياكل 

_الهام تتلفت حواليها بقله حيله..حاضر يا قلب أختك 

(وأخدت الهام أخوها ومشيت لحد ما قابلت محل كشري ودخلت لصاحب المحل) 

_الهام لصاحب المحل..بعد إذن حضرتك كنت عايزه علبه كشري لأخويا (وتبص ف الأرض بإنكسار وقله حيله وتكمل) وبتمنها هنضف لحضرتك المحل والترابيزات عشان والله ما معايا فلوس..وأخويا جعان ما أكلش من إمبارح 

_صاحب المحل بجدعنه وشهامه ولاد البلد..إرفعي راسك يا بنتي (ونادى على الصبي اللي شغال معاه وطلبلهم علبتين كشري كبار ورفض إنها تنضف المحل وطلع 200 جنيه عشان يديهملها لكن الهام رفضت تاخدهم وشكرته على علبتين الكشري وأخدت أخوها ومشيت وفضلو ماشيين تقريبا مسافه يوم كامل.. يمشوا شويه ويقعدو يستريحو شويه لحد ما شافت قدامها سوق خضار وف اللحظه دي حست إن ردت فيها الروح من تاني وبسرعه أخدت أخوها ودخلت السوق لكن السوق كان خلاص بيشطب وكل واحد بيلم فرشته) 

          **************

_(سوق الخضار.. من داخل دكانه)_ 

(المعلمه صاحبه الدكان والبنت اللي شغاله معاها)

_المعلمه..فين الإيراد يا بت (وتاخد منها الإيراد وتعده وتلاقيه ناقص وتكلمها بكل غضب) 

_المعلمه بغضب..الإيراد دا ناقص يا بنت الحراميه.. فين باقي الإيراد يا بت وإلا همرمطك ف السوق كله 

_البنت بخوف..والله يا معلمه..بقلم..محمد طه 

_المعلمه تقاطعها..إوعي تحلفي يا حراميه يا بنت الحراميه..أنا كنت شاكه إنك بتسرقيني والنهارده أتأكدت إنك بتسرقيني 

_البنت بدأت تتصنع الدموع..والله يا معلمه إنتي ظلماني 

_المعلمه بغضب..والله ف عينك..قولتلك ما تحلفيش.. كل الزباين اللي اشتروا منك النهارده أنا اللي بعتاهم وإنتي بعتي النهارده ب ألف جنيه وإنتي عطياني 700جنيه يبقي فين ال300جنيه يا حراميه 

_ولسه البنت هتتكلم المعلمه تقاطعها..مش عايزه أسمع صوتك خالص..يلا خدي اللي سرقتيه وغوري من قدامي وما أشوفش وشك تاني..ولو شوفت وشك تاني ولو بالصدفه..هفضحك ف السوق كله..

يلا غوري من قدامي 

(وخرجت البنت من الدكان والمعلمه كانت عنيها عليها وهيا خارجه وفضلت مراقبه البنت وهيا ماشيه ف السوق لحد ما عنين المعلمه شافت الهام وأخوها..

وكانت الهام بتلف على الدكاكين عشان حد يشغلها والمعلمه واقفه ومراقباها) 

_المعلمه بصوت واطي..أنا بقالي ف السوق هنا سنين وسنين عمري ما شوفت البنت دي..شكلها كده يا بتسأل على شغل يا بتشحت..بس وشها بيقول إنها بنت ناس ومستحيل تكون بتشحت..

طيب والواد المجنون اللي معاها ده يبقي إيه..

دا ملوش غير تفسير واحد..إنها بتشحت..

وأنا ما بحبش الجماعه الشحاتين دول ولا برتحلهم 

               **************

_(عند منذر أخو ميرفت)_ 

_منذر..بقولك إيه يا بت..عايزك معايا ف مصلحه..

بس مصلحه إيه هيجيلنا من وراها خير كتير أوي أوي..بقلم..محمد طه 

_ومصلحه إيه دي بقي إن شاءالله 

_منذر..الواد نهاد إبن جوز أختي..عايزك ترمي شباكك وحبالك عليه..أنا عايزه يبقي زي الخاتم ف صباعك..

عايزه يتمنالك الرضي ترضي..عايزه 

(تحدفه بكوبايه ميه كانت قدامها على وشه وبكل غضب) 

_يخربيتك.. أنته شارب حاجه يا منذر..أنا مراتك يا جزار البهايم..أنته بتقول إيه 

_منذر ينشف الميه من على وشه..عارف إنك مراتي..

ولو ما كونتيش مراتي كان زماني د،بحتك وروحك طلعت للي خالقها..يا بت هوا أنا بقولك روحي نامي معاه 

_شيماء (شوشو) بغضب..وهوا اللي أنته بتقوله ده نهايته هتبقي إيه..دبلتين وقرايه فاتحه يا جوزي 

_منذر..يا شوشو ما إنتي لو تصبري لما أفهمك..ما كونتيش فهمتيني غلط..وبعدين أنا هبقي معاكم لحظه بلحظه..بس من بعيد..بقلم...محمد طه 

_شوشو بغضب وتستفزه..وتبقي بعيد ليه يا جوزي..

ما تاخدني من إيدي وتروح تعرفني عليه..وتطلبلنا أتنين لمون وتطلب لنفسك واحد كركديه ساقع وتقعد تتفرج علينا 

_منذر بغضب..وربنا إنتي ما وش نعمه..أنا غلطان إني أتكلم معاكي أصلا..هتفضلي طول عمرك وش فقر 

(ويسيبها ويمشي) 

_شوشو بغضب..وكتاب الله أنته يا شارب حاجه..

يا إما أتجننت 

         ***************

_(سوق الخضار)_ 

_المعلمه بعد ما طردت البنت اللي كانت شغاله معاها عشان سرقتها..بدأت المعلمه تلم فرشه الخضار اللي قدام الدكان ودخلتها جوه الدكان..وبدأت تحاول إنها تنزل باب الدكان عشان تقفله وما قدرتش..لأن باب الدكان كان باب صاج وقديم وكان تقيل ورخم أوي ف القفل والفتح والمعلمه كانت بتقفله وتفتحه هيا والبنت اللي كانت شغاله معاها..لكن لوحدها مش قادره وعماله تحاول إنها تقفله مش عارفه..

والبياعين مش واخدين بالهم منها عشان حد يروح يساعدها..كل واحد مشغول بلم فرشه الخضار بتاعته والمعلمه كانت عاطيه ضهرها لشارع السوق وبتحاول تقفل الباب وفجأه...............

_ويتبع.............

تكملة الرواية من هناااااااا