رواية بائعة الخضار الفصل الرابع عشر 14بقلم محمد طه حصريه في مدونة قصر الروايات

رواية بائعة الخضار الفصل الرابع عشر 14بقلم محمد طه حصريه في مدونة قصر الروايات 

رواية بائعة الخضار الفصل الرابع عشر 14بقلم محمد طه حصريه في مدونة قصر الروايات 

البارت 14

#بائعة_الخضار 

_والمعلمه كانت عاطيه ضهرها لشارع السوق.. وبتحاول تقفل الباب وفجأه تلاقي الهام على يمينها ومازن على شمالها وبيساعدوها في تنزيل الباب 

_المعلمه.. شكرا 

_الهام.. الشكر لله 

_المعلمه.. أنا أول مره أشوفكم في السوق.. 

هوا أنتم مش من هنا.. شكلكم بيقول إنكم مش من المحافظه دي..بقلم..محمد طه 

_الهام بتردد.. إحنا من محافظه الجيزه 

_(المعلمه وهي بتطلع 50 جنيه عشان تديها لالهام)_ 

_المعلمه..بتكدبي.. بس مش مهم.. (ومددت إيدها بالفلوس لالهام) دي عشان مساعدتكم ليا في قفل الباب..لو مش متابعني أعمل متابعه ليصلك الجديد 

_الهام.. حضرتك إحنا ما عملناش حاجه.. وبعدين حضرتك قولتيلنا شكرا..ولو حضرتك عايزه تساعدينا شوفيلي حد هنا في السوق يشغلني معاه.. أنا أصلا بياعه خضار وشاطره أوي وأعجبك 

_المعلمه.. وكنتي فارشه في سوق إيه 

_الهام بتردد.. لأ هوا مكانش سوق..أنا كنت فارشه في الشارع اللي كنت ساكنه فيه 

_المعلمه باستفهام.. كنتي..وسبتي الشارع ليه وإيه حكايتك 

_الهام بتردد وكدب..مفيش حكايه ولا حاجه.. كل الموضوع إن الناس اللي في الشارع خافوا على عيالهم من أخويا..بس والله أخويا طيب وما بيأذيش حد 

_المعلمه بنظره غضب.. برضوا بتكدبي للمره التانيه بس برضوا مش مهم.. على العموم ما تتعبيش نفسك مفيش حد هنا في السوق بيشغل حد غريب.. وخصوصا لو كان وراه مشاكل وحوارات 

_الهام بشجاعه وإعتراف.. أنا أتعرضت لمحاوله إغتصاب من أتنين شباب.. وأخويا وهوا بيدافع عني فيه واحد منهم ما،ت

_المعلمه.. وأبوكي وأمك فين وما روحتيش لأبوكي ليه عشان يتصرف..بقلم...محمد طه 

_الهام.. أبويا وأمي الله يرحمهم 

_مازن بإنفعال..مازن أمه عايشه..مازن أمه عايشه 

_المعلمه بإستغراب من طريقه كلام مازن..هوا بيتكلم ليه كده 

_الهام.. هوا طريقه كلامه كده.. ولحد دلوقتي مش عايز يصدق إن أمنا ما،تت 

_المعلمه بهدوء.. شوفي ياااااا..هوا إنتي إسمك إيه 

_الهام.. إسمي الهام وأخويا مازن 

_المعلمه.. شوفي يا الهام.. أنا كسرت ال 60 سنه وقضيت نص عمري هنا في السوق.. وعدي عليا جميع أنواع البشر.. مش هقولك ما أنضحكش عليا وما أتنصبش عليا لأ..أنا أنضحك عليا وأتنصب عليا وأتبهدلت بمعنى كلمه أتبهدلت.. دا أنا لسه مفيش من نص ساعه طارده البنت اللي كانت شغاله معايا 

_الهام باستفهام.. طردتيها ليه 

_المعلمه.. كانت بتسرق من الإيراد وأنا كنت عارفه وساكته لأنها كانت بتاخد مره 50 مره 75 مره 100 لكن بدأت تطمع وتاخد أكتر.. المهم.. 

أنا هشغلك معايا بس بشرط 

**************

_(فيلا الصباغ)_ 

_نهاد بيفكر في كلام ميرفت مرات أبوه ليه لما قالتله 

_أسمع يا نهاد ما تحاولش تعرف حاجه أنا مش عايزاك تعرفها..بقلم..محمد طه 

_(وولع سيجاره وبدأ يفتكر جمله تانيه قالتهاله)_ 

_اللي بيعرف حاجات زياده عن اللزوم بيتعب 

_نهاد ف سره.. يا ترى فيه إيه مخبياه عليا يا مرات أبويا ومش عايزاني أعرفه 

_(وياخد نفس من السيجاره ويفتكر جمله تانيه قالتهاله)_

_هفكرك بإسمي اللي شكلك نسيته.. أنا أسمي ميرفت الجزار يا إبن رضوان الصباغ 

_نهاد ف سره.. وأنا هعرفك يا مرات أبويا مين هوا نهاد الصباغ وهخليكي تعملي لإسم نهاد الصباغ 1000 حساب 

_(ويطلع تليفونه ويتصل بأمين الشرطه)_ 

_نهاد بإبتسامه مكر.. ها يا وش الخير.. وصلت لحاجه بخصوص الأسم اللي عطتهولك 

_أمين الشرطه.. مفيش ليها أي أثر في سجلات الحكومه غير شهاده ميلاد 

_نهاد باستغراب.. يعني إيه.. ما عملتش بطاقه.. ما عملتش فيش (ويسكت شويه) بس المهم إنها عايشه ومدام لسه عايشه يبقى هنوصلها.. بقولك إيه البنت دي فيه ليها أخ.. والمفروض إنه دلوقتي وصل للسن القانوني وطلع بطاقه 

_أمين الشرطه باستفهام.. إسمه إيه 

_نهاد.. لأ ما أعرفش إسمه 

_أمين الشرطه.. تمام أنا هبحث عن إسم الأب وهوصل لكل اللي عايزين نعرفه..بقلم...محمد طه 

_نهاد..بقولك إيه.. فيه إسم تاني عايزك تبحثلي عنو..

شوفلي عليه أحكام أو إن كان ظهر ف قواضي أو محاضر.. عايز أعرف الأسم ده ليه تاريخ أسود..

 ولا إن شاءالله هيبقى ليه تاريخ أسود 

_أمين الشرطه..إسمه إيه 

_نهاد بمكر.. إسمها ميرفت عادل عبد الله عبد الله.. وشهرتها ميرفت الجزار 

(مكتب رضوان الصباغ داخل الفيلا اتصال تليفوني) 

_رضوان.. أنته فين 

_نهاد.. أنا ف الفيلا يا حاج خير 

_رضوان.. تعالالي المكتب 

_(ويقفل معاه ومفيش دقيقتين ونهاد يدخل)_ 

_نهاد.. خير يا حاج 

_رضوان.. طيب قول حمدلله على السلامه الأول 

_نهاد.. حمدلله على السلامه.. ماحضرتك لو كنت عرفتني بميعاد رجوعك كنت جيتلك المطار 

_رضوان بجديه..عملت إيه ف اللي طلبته منك 

_(نهاد بدأ يبص يمين وشمال وبيحاول يفتكر أبوه طلب منه إيه ومش قادر يفتكر لحد ما أبوه قطع تفكيره)_ 

_رضوان بغضب وصوت عالي.. هوا أنته كمان نسيت أنا طلبت منك إيه..قولي يا سعاده البيه..أنا كل ما بشوفك بطلب منك إيه..بقلم...محمد طه 

_نهاد ببرود..آه..قصدك يا حاج موضوع الجواز..

طيب يا حاج ما حضرتك كنت مسافر وأنا كنت شايل شغل الشركه كلها لوحدي وما كنتش فاضي 

_رضوان يصدمه.. قرار إعفاءك من منصبك في الشركه أنا مضيته.. وتم تعيين واحد مكانك.............

_ويتبع..............

_بقلم...محمد طه 

_فيه حاجه ف البارت دا الأبطال ما أخدوش بالهم منها؟

_مين هيقولنا إيه هيا؟؟؟

تكملة الرواية من هناااااااا