رواية جريمة في قلب عاشق الفصل العاشر 10 بقلم منال كريم حصريه في مدونة قصر الروايات
رواية جريمة في قلب عاشق الفصل العاشر 10 بقلم منال كريم حصريه في مدونة قصر الروايات
#جريمة_في_قلب_عاشق
#الفصل_العاشر بقلم منال كريم
///////////////
في امريكا
في شقة سها
يرن الهاتف ، أجابت سها و سألت بلهفة: ها
جاء الرد من الجهة الأخرى و هي تصرخ بسعادة: مات يا سها مات، الطفل مات.
تنهدت براحة و قالت : اخيرا كان كابوس و انزح، و المحروسة.
قالت بحقد: للاسف الفلاحة لسه عائشة زي القردة.
أجابت سها بغيظ: ليه كنا ارتحنا منها
سألت علا بعصبية: و العمل دلوقتي.
أجابت با ابتسامة: زي ما خلصنا من ابنها نخلص منها بسهولة
سألت علا: تنزلي مصر أمت.
قالت ببرود: مش دلوقتي خلاص ، مليش في جو الحزن، و اكون مضطرة ارسم الحزن و الزعل قدم كريم، لما الحداد يخلص انزل
سألت علا بفضول: المهم من وقت جواز كريم بحاول اوصلك، كنتي فين يا بنتي المدة دي كله ليه مش تردي على التلفيون
أطلقت ضحكة غير لائقة بفتاة، تدل على أنها فتاة غير محترمة و أجابت: كنت في مصحة لعلاج الادمان
سألت بذهول : بجد
أكملت بنفس الابتسامة : أيوة اصلا كريم لما عرف اني مدمن داخلي مصحة هنا ، و الدكتور طاب مني اقطع كل وسائل التواصل الاجتماعي حتي اني اكلم حد، حتي كريم كان ممنوع يتصل بي علشان كده مقليش على جوازه.
قالت علا: افهم كده انك بطلتي.
أطلقت نفس الضحكة و قالت: يا بنتي أنا دخلت علشان اريح كريم، و كمان يفضل راضي عني و يبعت فلوس، اللي كريم مش عرفه أن الإمكان دي مش بتعالج هنا يتوزع الحاجات دي عادي
قالت علا بابتسامة: انتي شيطانة ، يعني كريم يبعت فلوس و فاكر انك تتعالجي و انتي زي ما انتي.
قالت ببرود: كريم حبيب قلبي يحبني اوي و عنده ثقة فيا علشان كده واثق اني اتعالج و أنا علشان اثبت كده، كنت مش برد على إتصالاته و هو فاهم ده للعلاج.
علا بعدم فهم: طيب و دلوقتي فتحتي الفون.
قالت ببرود: اصلا دلوقتي الدكتور كتب لي خروج و اني اتعالجت
سألت علا بخبث: و الإدمان التاني أخباره ايه.
نظرت سها إلى الذي يجلس بجواره و يشرب الكحول فهي لم تكن مدمنة كحول و مخدرات فقط بل مدمنة علاقات غير شرعية و مع كل هذا يظن كريم أنها مريضة نفسية و يسعي لأجل علاجها.
لتجيب سها بابتسامة: اتعالجت برضو.
و تعالت أصوات ضحكاتهم لأنهم يفعلون المعاصي.
في المستشفى
أغمضت عيونها بتعب و استلمت للغيمة السوداء
ضغطت كريم على الزر
جاء الدكتور و الممرضة سريعأ
الدكتور: لو سمحت يا كريم استنا برة.
قال بخوف : لا لا هي كويسة صح.
صرخ بغضب: لو سمحت أخرج
خرج و هو يشعر بتمزق قلبه عليها و على ابنه.
كان سيف يقف امام الغرفة.
نظر كريم في عيونه و قال بدموع: سيف أنا خايف اوي، اوى مرة اخاف كده.
حضنه سبف و قال بدموع: كل ده هيعدي ، صدقني ربنا يعوضكم خير.
وصل أخل ملك المستشفي
سأل مالك في الاستقبال: اوضة ملك فين.
قالت الممرضة : ملك مين حضرتك
قال: ملك مرات كريم السيوفي.
قالت على رقم الغرفة ، ركض الجميع و يدعو الله أن تكون ملك و الطفل بخير.
راهم سيف ، نظر إلى كريم الذي يجلس على الأرض و يضع رأسه بين يديه بحزن.
قال : أهل ملك وصلوا
تنهد بحزن و نهض من الأرض
توقف الجميع عن السير و نظروا لحالة كريم، ليه السؤال ، الإجابة واضحة على وجهه كريم
بعد دقائق من الصمت، قال مصطفى بدموع: بنتي يا كريم
أجاب سيف بهدوء: ملك كويسة ، بس للاسف خسرنا الطفل.
صرخت مني ، قال مصطفى بغضب: اسكتي الصويت حرام، اسكتي هو في الجنة و ياخد أبوه و أمه الجنة
سألت ملك بدموع: ملك عاملة ايه...
نظر سيف لها بحزن و قال: الدكتور عنده جوه
قالت امل بدموع: ربنا يصبر قلبها.
ذهب مالك إلى كريم و قال بحزن: ربنا يعوضكم خير.
قال بصوت يقطع القلب: اللهم امين.
خرج الدكتور ، سأل كريم بلهفة: ملك عاملة ايه
قال الدكتور بحزن: هي حالتها النفسية و الصحية اكيد مش كويسة ، دي واحدة ولادة كسرية و اول مرة يعني اكيد تعبانة جسديا ، إضافة عليه التعب النفسي و الحزن، لازم الكل يتغلب على حزنه قدمها ، لازم تدعمها علشان تقدر تقوم بسلامة، عارف انك موجوع يا كريم ، بس عمرك ما تكون زيها،لازم تبقي قوي ، أتحمل ملك الفترة اللي جاي.
أومأ رأسه بتفهم.
قالت مني بدم بدموع: عايزة اشوف بنتي يا دكتور.
قال الدكتور: أنا عايز الكل يدخل عندها ، علشان لما تفوق تلاقي اهلها جنبها بس من غير دموع ، كلمات محفزة و مشجعة مفهوم.
أومأ الجميع رأسها بالموافقة.
دخل أهل ملك سريعا.
قال الدكتور : كريم الطفل لازم يدفن ، مش ناوي تشوفوا.
اغمض عيونه و قال بوجع: لما ملك تفوق و تشوفه يبقي نعمل اجراءت الدفن.
قال سيف: بلاش يا كريم ملك تشوفه تبقي صعبة عليها
قال كريم: تبقي صعبة اكتر لو مشفتش ابنها، و عمرها ما تسامحني
الدكتور: انا معك ، طيب تعال معي.
مسك ايد سيف حتي يستند عليه
كريم و سيف ليس اصدقاء طفولة بل اكتر من الاخوات ، سيف معندوش اخوات زي كريم فأصبحوا اكتر من الاخوات
مع بعض في كل شيء
حتي التفكير
الشئ المختلف بينهم هي سها
كريم شايف سها أنها جيدة
سيف شايف سها سيئة.
ذهب كريم و هو يستند على سيف ، مجرد وقعت عينه على الطفل.
انهار من البكاء مثل الطفل الصغير
قعد في الأرض و قال : هات ابني يا سيف ، هات عبدالله
حمله سيف وضع قبلة على جبين عبدالله.و قال بهمس حتي لا يسمع كريم و ينهار اكتر: عبدالله أنا عمك سيف، و الله كنت بحسب الايام علشان اشوفك و نتفق أنا و أنت على ابوك ، قررت أن اسمك على اسمي ، بس امك كانت مختار تسميك على اسم جدك ، ما شاء الله فعلا طير من الجنة يا حبيب عمك.
وضع سيف الطفل في حضن كريم و خرج علشان سيب كريم لوحده في اللحظة دي.
كانت يتحدث بصعوبة شديدة ، الكلام ليس مفهوم، قال بدموع: عبدالله كريم عبدالله السيوفي ابني و حبيبي ، أنا قلبي يوجعني اوي يا عبدالله، حاسس اني بموت و مش عارف اتنفس، اقولك على سر ، من اول ما عرفت ان ملك حامل و انا بدعي يارب يكون ولد علشان اسميك على اسمي ابوي، لما عرفت انك ولد كنت اطير من الفرحة
بس قولت من حق ملك تختار الاسم ، امك كانت عاملة مفاجاه تسميك عبدالله، شوفت أنا و امك اختارنا ليك نفس الاسم،
بس ملناش نصيب فيك، مش بعترض على أمر الله ، استغفر الله ، أنا بس كان نفسي افرح بيك.
مسح دموعه و قال : الحمدلله ، الحمدلله ، مين عارف يمكن انت نقذت حياة ملك
قال كريم الكلمة بعفوية و بدون قصد، و لكن فعلا لو كانت ملك اتاخرت في دخول غرفة العمليات كانت رحلت بسب هذه المادة قاتلة التي عبارة عن كل انواع المخدرات
المادة وصلت إلى الطفل اولا و قبل أن تصل إلى ملك كانت تمت عملية الولادة.
ظل ينظر في وجهه حتي بحفظ ملامحه و لا ينساها و كان الطفل يشبه الملائكة.
يقف سيف في الخارج
جاء مالك و مليكة و أمل.
قال مالك: دكتور سيف ممكن نشوف الطفل.
قال بهدوء: اكيد بس كريم جوه، أنا فضلت يكون لوحده.
قالت مليكة: كان الله في عونك و في عون ملك.
أجاب الجميع : الله امين.
خرج كريم ،كان مظهره حزين جدا ، سأل : ملك لسه نائمة.
أجابت امل: أيوة و ماما و بابا معها
قالت مليكة بدموع: كريم عايزين نشوفه
قال : طبعا اتفضلوا و أنا اقعد جنب ملك و ابعت عمي و مرات عمي يشوفه.
دخلوا و كان الجميع في حالة انهيار.
يجلس كريم بجوار ملك و هي غائبة عن الوعي، لكن تهمس بكلمات غير مفهومة.
مر ساعة اثنين ثلاثة و هي نائمة ، تتحدث و تبكي لكن مازلت نائمة.
يجلس كريم بجوارها من جهه و يمسك يدها و الجهة الأخرى مني و ترتب على شعرها.
و مالك و مصطفى على الأريكة
و ملكية و امل على أريكة أخرى.
دق الباب، ذهب كريم ليفتح ، كان سيف يحمل بعض الوجبات السريعة و العصائر ، قال : اتفضل يا كريم ، أنا عارف أن الوضع صعب، بس كلما لازم تكونوا جامدين علشان ملك ، لازم تأكلوا اي حاجه.
كريم : شكرا يا سيف
أخذ الطعام ورحل سيف
دخل كريم وضع الصينية على الطولةو قال: سيف جايب الاكل ده، لازم ناكل علشان ملك.
اخد شطيرة مع علبة عصير لكل شخص.
قال مصطفى: و أنت يا ابني لازم تاكل.
جلس بجوار ملك و قال استنا ملك.
اشرقت الشمس بيوم جديد
نام الجميع إلا كريم .
كان يجلس ينظر لها و تذكر أنهما قبل ساعات كانوا سعداء.
في نفس اليوم
في الصباح
كان يجهز كريم للذهاب الى العمل
جلست على الفراش و قالت: على فين
أبتسم و قال: رايح العب تجي معي.
أجابت بعصبية::أنا زعلانة منك يا كريم.
جلس أمامها و سأل بهدوء: ليه يا قلب كريم.
قالت بدموع قولتلك بلاش تروح الشركة النهاردة حاسة اني مخنوقة.
حضنها و قال بابتسامة: هرمونات حمل يا ملوكة.
قالت بدموع: كريم أنا خائفة اوي حاسة اني اموت.
خرج من حضنها و نظر له بذعر و قال: انتي تعبانة اكلم الدكتور ، في ايه مالك.
قالت بحزن: اهدي مش تعب جسدي ، بس مخنوقة.
قال بتوتر: أنا مش رايح الشركة النهاردة ، يلا نروح للدكتور
قالت بابتسامة: طالما مفيش شركة و مش تسبني بقيت كويسة .
سألت بعصبية: ده مقلب علشان اقعد
أومأت رأسها اعتراضا ،و قالت بدموع: لا و الله بس أكون مطمئنة و انتي جنبي
قال بابتسامة: أنا عمري ما اسيبك يا قلب كريم..
فاق من شروده على صرخة لملك ، استقيظ عليها الجميع.
ملك بصرخة و هي تضع يدها على بطنها: ابني ، ابني فين ، ابني ،عبدالله كان نفسي تقولي يا ماما، كنت بحلم باليوم اللي اسمعك تقول يا ماما، عبدالله.
حاول الجميع يهديها لكن لا محال ظلت تصرخ
جاء الدكتور و قال للمرضة: هاتي حقنة منومة بسرعة
قال كريم: مفيش حل غير أنها تفضل نائمة.
قال الدكتور: لا مفيش أنت شايف حالتها.
قال كريم: لو سمحت يا دكتور هات عبدالله، و لو سمحتم الكل يخرج من هنا.
خرج الجميع بدون ناقش
كانت مازلت تصرخ و تكرر: ابني ، عبدالله تعال.
صرخ كريم بصوت عالي: بس يا ملك اهدي، علشان تشوفي ابنك قبل الدفن.
قالت بهستريا : لا ده كدب، كل ده كدب ابني كويس.
دق الباب ، كانت الممرضة و معها الطفل، أخذ نفس عميق و حمل عبدالله
كانت تغطي وجهها بايديها و تحرك رأسها بهستريا و تقول: كل ده كابوس، ابنى كويس، أنا اكيد نائمة و ده كابوس ، كل شيء كويس ،ابني كويس.
مد يديه و قال : شوفي عبدالله يا ملك.
بكت بصوت عالي و قالت بدموع: مش قادرة يا كريم
قال بدموع: ده أمر الله يا حبيبتي ، لازم نرضا بقضاء الله.
مدت يدها و هي مغمضة عيونها ، وضع كريم الطفل ، فتحت عيونها ،و شعرت و هي تنظر إلى ابنها و هي ميت كأن قلبها تمزق.
ضمته إلى حضنها و قالت: اه يارب صبرني، قلبي بيوجعني اوي، مش قادرة.
ظلت تقبل الطفل وجهه و أيده و رجله ، كانت تسمح دموعها حتي تستطيع تحفظ ملامحهم و قالت: كريم حرام نصوره صح.
أومأ رأسه بنعم.
أخذت الطفل في حضنها و هي تنهار من الدموع و قالت: عبدالله ليه مشيت بدري، ليه عملت في كده , كنت بحلم باليوم اللي تكبر قدمي و أشوفك عريس، كل يوم كنت بتعلق بيك اكتر، و أنت بسهولة مشيت و سبتني ، ليه ليه.
صرخت و هي تقول : ليه ، يارب يارب.
جلس بجوارها و قال بحزن: كفاية يا ملك، كفاية ، ربنا يعوضنا، هاتي الولد.
ضمت الطفل اكتر و قالت و هي تهز راسها بالرفض: لا لا.
قال مرة أخرى: كفاية يا ملك هاتي الطفل.
صرخت بأعلى صوت: لا يا كريم ، مش اسيب ابني، لا .
و ضمته اكتر بقوة.
صرخ بغضب شديد: حرام عليكي كفاية كده.
ظلت تصرخ لا لا
ضغطت كريم على الزر جاء الطبيب ة الممرضة
راي الطبيب حالة ملك ، قال: لازم حقنة منومة.
اخذت الولد في حضنها و قالت: لا لا ابعدوا عني، ابعدوا عن ابني هو كويس ، و ببضحك ابعدوا عني ابني عايش.
وضعت أذنها على قلبه وتدعو الله أن ينبض قلبه.
جذب كريم الطفل منها.
و أخذ حقنة منومة ، دقائق و فقدت الوعي و هي تكرر : ابعدوا عن ابني.
غادر الدكتور و الممرضة، و ضع قبلة على جبينها و قال بندم: حقك عليا سامحني
امام الغرفة
كريم: خلوا بالكم منها.
قالت مني بدم بدموع: حاضر
ذهب كريم و سيف و مالك و مصطفى لدفن الطفل.
و ظلت مني و ملكية و امل مع ملك في الغرفة.
في منزل علا
علا بشر: بقولك كريم راح يدفن الطفل و كمان سيف معه , مش دي فرصة نخلص من ملك.
أبتسمت سها ثم قالت: دي خطة عبيطة أنا عندي خطة احسن من كده و يكون كريم ليكي، و فلوسه لي ........
و للحديث بقية
#جريمة_في_قلب_عاشق
#روايات_بقلم_منال_كريم
💜💜💜💜💜💜💜
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل وسلم وبارك على سيدنا محمد
لا حول ولا قوه الا بالله العلي العظيم
لا اله الا انت سبحانك اني كنت من الظالمين
💜💜💜💜💜💜💜💜
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا